قضايا و حلول........بر الوالدين و عقوقهم

اوك هذي هي القضيه اللي بنناقشها

الحين اللي طرح الفكره وينه

ههههههههههههههههههههههههههههههههههههههه

لا أنا ..

يلا انتظرك وانا جالسه اعبر صارلي ساعتين ابي اختصر لاني لو حطيت كل اللي كتبت ما احد بيقراء من كثر الكلام ..

قبل ما اقول اي شيء..

اكيد انه رضالله من رضاء الوالدين..
وان البر بالوالدين سبب لدخول الجنه..
وان الجنه تحت اقدام الامهات..
وان فيه حديث يقول..


عن عبد الله بن عمرو قال : جاء رجل إلى النبي صلى الله عليه وسلم فقال : يا رسول الله ، أبايعك على الجهاد ، فقال له النبي صلى الله عليه وسلم : هل لك والدان ؟ قال : نعم قال : انطلق فجاهد فيهما مجاهدا حسنا
والله وصانا فيهم بالايه اللي الكل يعرفها..
(وقضا ربك الا تبعد الا اياه وبالوالدين احسانا.....)


وبصراحه فيه قصص تقطع القلب عن عقوق الوالدين وفيه ناس قدام عيوني اشوف وشلون يتعاملون مع اهلهم..
وخاصه لمن يكونون الوالدين مرا طيبين وكويسين ومحققين كل مطالب عيالهم العاطفيه والماديه وخاصه العاطفيه..

وفيه ناس ماشالله لو تشوف كيف يتعاملون مع والديهم مع انهم مرا يرفعون الضغط في كل شيء بس عيالهم عندهم صبر و اسلوب ماشالله..


بس من جانب ثاني فيه والدين يرفعون الضغط مهما تسوي وتسكت وتتحمل حتى لو ان مالنا فضل لانهم والدينا واللي ربونا وتعبوا علينا بس برضوا لازم يتعاملون مع عيالهم بأسلوب حلو بأسلوب تفاهم بأسلوب يخلون عيالهم يحترمونهم غصبا عنهم وبعد علشان مايخلون عيالهم يبحثون عن الحنان والحب بأسلوب ثاني مايرضيهم..


في وحده اعرفها ماكنت اعرف ليش تتعامل مع امها بهالاسلوب اسلوب بس تنافخ عليها وماتسمع كلامها وبس تتجنب انها تقابل امها والسبب بعدين اكتشفته..

ام هالبنت عمرها ماتكلمت مع عيالها بطريقه حلوه بطريقه تفتح النفس مع ان بناتها شوي ويشلونها من الارض حتى لو ان مالهم فضل باللي يسوونه بس ما كانت حتى تقول لهم كلمه حلوه و قدام الناس بس تسبهم وتبين ان بناتها عاقين ومايبرون فيها الا مع ناس معينين تجلس تمدحهم وليش هالناس علشانهم ناس بطرانين وتبيهم يخطبون من بناتها على الرغم من معرفتها فيهم انهم مو مضبوطين مايصلون ويسكرون وبكل فتره وفتره يسافرون علشان حريم ومصخره وحتى المتزوجين منهم يسون كذا..وغير كذا متحجرين حتى النت ممنوع يدخل البيت عندهم..
بس اهم شيء عندها الفلوس تحقق مطلبها وخطبوا وحده من بناتها البنت رفضت بكل الطرق وكان فيه ضغط شديد على هالبنت بس مازالت رافضه وهي مارفضت من فراغ هي عارفتهم زين..ردت الام خبر ان البنت رافضه لانها تفكر بدراستها وجلست زعلانه الام يمكن شهرين على بنتها وتحرض ابوها على البنت واصلا هي رفضت لانها تحب واحد ثاني وتكلمه ومن هالكلام البنت شافت وشلون امها حاولت ترميها علشان الفلوس وماهمها مستقبلها ولا اي طموح لها كرهتها ومع الايام عرفت امها وشلون تفكر و كل يوم تكتشف شيء اسواء من الثاني وعرفت البنت ليش اكثر الناس اللي حولهم من اقاربهم مقاطعينهم ومايبون يتواصلون معاهم و السبب امهم اللي كرهت كل الناس فيهم..


بس بالنهايه واجب علينا نطيع و نصبر و نحتسب الاجر و نحاول قد مانقدر نوسع خاطرنا عليهم و نتحملهم و ندعي الله يساعدنا على برهم و طاعتهم..

و الله يهدي قلوب الاهالي و يحننهم على عيالهم و الله البعض يوصلون عيالهم لمراحل سيئه من العقوق و السبب هم..

وبالاخير حابه اقول..
رحم الله امرء اعان ابنه على بره..

اعتذر عن الاطاله..

+

اعتذر عن سوء الخط..

و نفذنا اقتراحك

يعطيك العافيه

احنا هنا ان شالله كلنا اخوان و مع بعض يمكن نلاقي حل..

طيب ايش السبب اللي يخليك تنفر منها وماتطول بالمزح والكلام معاها..

يعني هي تقول كلام يجرحك او يزعلك؟
او ماتتقبل كلامك ومزحك؟

صح كلام بورش..

ويمكن تكون بعد في اسباب ثانيه..

خذ راحتك ..

Up.....موضوع رائع .