روآية -رآآسك آجيبه-

بآرت - 4 -

يوم الاربعاء .. يوم البآرتي المُنتظر

الصبآح السآعة 9 كآن جوال الجوهرة يتصل وهي نايمة

الجوهرة وهي تتقلب ومغمضة عيونها وتسبسب : وجع ان شاء الله ازعااج بثارة الناس تتصل مرة وتطفش وش هالنشبة

مسكت جوالها بس بالمقلوب لانها لسا ما فتحت : نعم
...: صبآح الخير
الجوهرة بعصبية : أي خيير و أنت مزعج أممم أممييي << كان صوت المتصل صوت ولد
...: آسف عالإزعاج بس كنت حاب أصبح على صوتك الحلو
الجوهرة بإستغراب وهي تشيل قناع النوم (اللي يغطي العيون) : ومين تكون ؟
...: بعدين رح تعرفي لا تستعجلي
الجوهرة وصللت معاها وصرخت بوجهه : أنت يا قليل الأدب من زينك عشان استعجل عليك وبعدين من وين تعرفني وترا نا اقدر بسهولة خلال ساعة علومك كلها تكون عندي تحسب ما اقدر اعرف مين تكون

...: good luck واذا عرفتي مين انا علميني , باي يا حلوة , طووطط طووطط... ( سكر بدون ما يسمع منها رد )

الجوهرة تجمعت براسهما الشياطين : هييينن يالحقيير ياا قلييل الادبب انا اعلمكك !! يسكر الخط بوجهي طيبب يشووف

وقامت للحمام وغسلت وجهها ونزلت تررككض تحت ومسكت جوالها تكلم صالح

الجوهرة : آلوو صالح ( صالح اللي يشتغل عند ابو الجوهرة)

صالح : هلا عمتي

الجوهرة : صالح اسمعني ابي اعطيك رقم وتجيب لي اسم صاحبه ووين عايش ووين يشتغل اذا يشتغل واذا يدرس ويين يدرس ومين يعرف وكم عمره وابي اعرف كلل شيي كلل شيي..

صالح : ابشري .. انتي بس ارسليلي الرقم مسج وانا اجيب معلوماته لك من أول ما أنولد لين الدقيقة هذي
الجوهرة : ايه تعجبني ويلوموني فيك طالع على الوالد

صالح : الله يخليكم لي

الجوهرة : باي
_____________________________________________________________
عند ريم في بيتها ..

ريم : ماما والله امس شفت الملابس اللي عندي ما حصلت اللي ببالي ..تعالي معاااي السوق
ام ريم : انا عمري ما شفت بنت مثلك دبشة! الحين في وحده بهالزمن تترك صاحباتها وتترجي امها تطلع معها روحي مع صحباتك نفس ذوقك واشتري اللي تبين وفكينا
ريم : كلمت الجوهرة ما ردت اكيد نايمة
ام ريم : وسارة ؟
ريم : بكلمها الحين واشوف .. ودقت على سارة
سارة : انا عندي لبس بس دامك بتطلعين رح اشتري معاك ليش لأ
ريم : طيب خلاص رح أمرك ونروح تجهزي
سارة : اوكي
_______________________________________________________________

فيصل كان في بيته يشرف على الترتيب للبارتي وكان عنده بدر

بدر : فيصل ليش مشعل ما جا ؟
فيصل : يقول رح يلبس في بيته وبعدين يجي هنا ما نام زين ويبي ينام
بدر وهو مو مقتنع : اهاا
فيصل : خل اكلم عبورتي ونوني ( نورة وعبير )
عبير : هلا هلا بالحلووو
فيصل : ما يعدل المزاج غيرك فديتك بس
عبير : طبعااا اصلن اليوم المزااج لازم يصير راايق النهر ده السهرة صبااحيي
فيصل : اييه ترا مافي طلعة بتنامون عندي
عبير : لا تخاف ماخذة احتياطاتي ومعاي موافقة من ولي الأمر
فيصل : ههههههههه مرجوجة وقسم بالله , ونوني ؟
عبير: نوني رجلها على رجلي .. هي تقدر تبعد عني
نورة كانت عند عبير في بيتها نطت عليها وسحبت جوالها : فصييل
فيصل : عيونه
نورة : اسمع تراني من الحين حاجزة السرير دايم في الارض يا عمري خلاص جا دوري الحين << تخطيط
فيصل : هههههههه لا تشيلين هم انتي السرير ندخلك فيه حتى لو كان زحمة البلا من مشعل اللي بيعصب علينا تعرفينه يقدس النوم
نورة تسوي نفسها زعلانة : لاااا والله يعنيي انا بالطقاق عشاني نتفة عاادي ومشعل الجداار ياخذ كل السريير ( يقولون جدار كناية انه طويل وعريض )
فيصل : لا يسمعك بس ههههههههه
نورة : ودك اني ما اجي واسحب عالباارتي وتصير بايخة بدووني بس حامممض على بووزك بجي وبكسسر الارض من الرقص
فيصل : اموت على الثقة يا شيخ هههههه اصلن ما يهون عليك فصوول يكون البارتي اللي في بيته اعز انسانه عليه ما تجي صح
نورة : زي ما يقولون اخوانا المصريين هوا انا أأدر ؟
فيصل : لأ ما تأدريش هههههه طيب يالله خلصو وتعالو
نورة : ايه انا خلصت الكوفيرة من شعري وجالسة تسوي لعبير والحين نجي والميك اب و اللبس اذا جينا
فيصل : اوكي باي
نورة : باي
_____________________________________________________________
الساعة 5 العصر ..
مشعل توّه يصحى من النوم ويناظر جواله كان في مسج من بدر
" مشعل أول ما تصحى كلمني "
مشعل دق على بدر : آلوو
بدر : هلا مشعل كيفك؟
مشعل بصوت كله نووم : تمام .. وانت كيفك؟
بدر : انا الحمد لله زين والحين انا ببيت فيصل توهم خلصو الترتيبات وكل شي طالع خطيييير
مشعل : حلوو اجل انا بروح اتحمم واتجهز واشوف اذا خلصت جيت
بدر : لا تطول باي
مشعل : باي
_______________________________________________________________
في سيارة ريم وهي راجعة من السوق ومعاها سارة
ريم : بكلم الجوهرة ترا تسويها تصير للحين ما صحت عادي ترا كل شي متوقع منها
سارة : ههههههههههه لا مو نايمة صاحية بدري ومن 9بعد
ريم متنحة : هاه ؟ متأكدة انتي ؟ جوهرة تترك نومها وتقوم 9 !!
سارة : اييه تخيلي .. خل اقولك بس ( وعلمتها السالفة كلها لأن الجوهرة قالت لسارة )
ريم : عاد وش يحس فيه بعد يتصل الصبح صدق فاضي
سارة : ايه يعني لو الليل او العصر مقبولة والجوهرة تقول المشكلة بس متصل يقول اصبح بوجهك حتى ما قال مين وهذا اللي بط كبدها هههههه
ريم : خل نكلمها يمكن رجع دق ؟
سارة : لا هي قالت لحد يزعجني بقفل جوالي وبنام عشان ما نخاف عليها وعشان البثر اذا اتصل ما يزعجها ويخرب نومتها
ريم : أحسن شي سوته
ووصلت ريم سارة لبيتها ورجعو وبدأ الاستعداد للبارتي وكانت الساعة 6 ونص
_____________________________________________________________

في بيت الجوهرة ..

زبيدة ( خدامة الجوهرة الحبشية ) تطق على غرفة الجوهرة : ياا أمة أسهي السائة 6 ونص واليوم فيه هفلة

( ياعمة اصحي الساعة 6 ونص و اليوم فيه حفلة )
الجوهرة على طول قامت لأن هذي مو أي أحد هذي زبيدة غير الخدم كلهم والجوهرة تخاف من زبيدة شوي لأنها تعرف تمشيها وكلمة زبيدة تنسمع لأنها قوية وماهي غريبة على الجوهرة عندهم من عمر

الجوهرة تفتح الباب وهي عيونها مبققة : زبيدة ليش ما صحيتيني تأخرت عندي باارتي اليووم
زبيدة : يا تاويلة الأومور أنا روهت أشوف فوستانك من المهل
( يا طويلة العمر أنا رحت أشوف فستانك من المحل )
الجوهرة : طيب حطيه في الغرفة وأنا بتحمم عشان اروح الصالون
راح علي موعدي كنت حاجزة روبي تجي عندي الساعة 5
زبيدة : هيَا كلمت وأنا قولت تيجي الهين يلا روهي همام أشان تيجي الهين هيا في التاريق
( هيا كلمت وانا قلت تجي الحيين يلا روحي الحمام عشان تجي الحين هيا في الطريق )
الجوهرة : اشوووا !! يلوموني فيك يا زبيدة يلا بروح عشان ما اتأخر
وتحممت الجوهرة وجت عندها روبي كوفيرة سوت لها شعرها صح انه مو زواج بس الجوهرة كانت بنت شيوخ ما تعودت تروح عزيمة الا واحسن الكوفيرات مظبطينها
______________________________________________________________

الساعة 9 بدأ البارتي وكان الحضور في ازدياد ..

بيت فيصل كان عبارة عن فلة كبيرة بس مو قصر كان فيه مجلس كبيييير وهو اللي خلا فيه البآرتي والرقص وكان الديكور من ارقى منسقين الحفلات ..

كانت الصالة كبيير مخلينها كلها كنبات لونها ابيض على طوول الصاله كلها وكل كنب قدامه كنب ثاني لان تصميم الصالة على شكل مستطيل طويل وكانت انوار الدي جي الملونة تضيف على الترتيبات جمال اكثر وكان في الوسط مُرتفع بارز على شكل دائري يعني ستييج وكانت بالوسط كريستينا حقت الدي جي

وأول ما يدخلون من الباب كان برا بالحوش طاولات وكراسي مرتفعة نفس البار وكان فيها المشروبات وكل شي وكانت السماعات مالية الحوش عشان تنقل الاغاني من الداخل وتعطي اجواء انهم يسمعون حتى لوكانو برا

وكان الحوش فيه حدييقة كبير فيها كراسي طويلة حديد للاستراحة والجو الرومنسي هههههههه
وكان العشاء مجهز في البيسمنت اللي يميزه المسبح اللي فيه وكان البوفيه حوالين المسبح على شكل مربع

عند بدر وفيصل ..

فيصل : بدر كلم مشعل ما صارت وينه الناس بدت تجي
بدر : طيب ويمسك جواله ويكلم مشعل
مشعل : انا بالطريق قريب
بدر : هههه بسم الله قول ألو طيب
مشعل : ما يحتاج وفرت عليك وعطيتك الزبدة ههههههه
بدر: انقلع يلا
مشعل : تلايط
___________________________________________________________

ريم تكلم الجوهرة : ليش توك ما جهزتي
الجوهرة : ما تدريين باللي صاار اذا جيت قلت لكم ! زين اني بجي اصلا
ريم : تحمست يلااا وش رايك امرك ؟
الجوهرة : لا انا توني اخلص بحط ميك على السريع وبلبس وأجي مابي اطول عليك
ريم : اوكي انا بسكر عشان سوسو جالسة تدق باي
الجوهرة : باي
ريم قفلت من الجوهرة وردت على سارة : هيللوووو
سارة : اهللننن .. خلصتي ؟
ريم : يب وانتي ؟
سارة : ايه مخلصة طيب رح امرك لأني مابي اروح لحالي ندخل سوا احسن
ريم : تو كنت بقولك والله هههههه
سارة : ونمر الجوهرة ؟
ريم : لا الجوهرة بتتأخر شوي توها ما لبست مريني انا بس
سارة : اوكي خليك جاهزة انا الحين جاية باي
ريم : باي
_________________________________________________________

وقفت سيآرة بورش باناميرا بيضة بكل فخامتها قدام بيت فيصل نزل السواق وفتح الباب للي ورا ودخل وهو يمشي مشيته الرجولية للبارتي وكانت كل الانظار عليه وكأن البارتي والميوزيك وقفت لمن دخل !! طبعا الكل كان يستنى يكحل عينه بشوفته ويتأمل رجولته وجماله وستايله اللي من فوق لتحت ماركات تعبر عن فخامة و ُرقي اللي لابسهم
مشى بكل ثقة وهو متوجه للمكان اللي فيه البارتي وابتسامته الجانبية على شفايفه اللي دوخت البنااات بسببها

فيصل و هو شااق الابتسامة : مشعلل حببييب قللبي اشتقت لك اخيرا جيت
مشعل بصوته الرجولي : حبيبي والله .. ويناظر الساعة وهو يقول : شكلي تأخرت ما شاء العالم جت قبلي هههههه
فيصل : ايه قايلين لك كنك عاد دايم تجي بدري
مشعل : استر على ما واجهت وخل نروح نجلس
وراح فيصل مع مشعل وجلس في مكان شلته وكانو بالـBEST
وسلم مشعل على شلته وكانت اشكالهم تجنن وكل واحد يقول الزود عندي
( فيصل : كان لابس بنطلون بيج مصفط اطرافه وقميص اسود فاتح ازاريره عند صدره وجاكيت اسود رسمي وجزمة رجالية سودة وشعره على حاله لأنه بوووي مررة وكان يجنن )
( بدر : كان لابس بنطلون لوونه كحلي غامق ولابس قميص ابيض مشمر اكمامه ومكتوب على القميص من ورى بلون فضي فاتح I'm sexy وحاط 3حلقاان على شكل الماسة صغيرة بأذنه اليسار بس ولابس جزمة لونها كحلي سبورت رجالي وطالع يهبلل )
(مشعل : كان لابس بدلة رسمية عبارة عن بنطلون اسود رسمي وقميص اسود وفوقه جاكيت مخمل لون اسود عليه علامة ماركة البدلة وكانت فخخخممة ولايقه عليه ولابس السلسال الفضي اللي ما يفصخه ابد وكان القميص مفتوح عند صدره ولابس جزمة سوده رجالية وشعره مرجعه على ورا اللي كان يوصل لحد اذونه وكان شكله عذااب )
( عبير : كانت لابسه تنورة منفوشة لونها ابيض وتوب بينك ضييق كله ترتر ولابسه كعب لونه فضي ساده وشعرها مسويته ويفي وحاطه ميك اب شوي كان ثقيل ظل اسود وروج بينك فااتح ولابسة سوارة وحدة بس بيدها اليمين كلها كرستال وبس وكانت تجنن )
(نورة : كانت لابسة فستان فضي كت ومن ورا الظهر عاري لين اخره وضييق على جسمها وكانت لابسه كعب اسود مخمل ومن قدام نص ذهبي عند الاصابع وشعرها مسويته كعكة مشدودة ناعمة ومي كاب ناعم وطالعة كيووت )

_____________________________________________________________


دخلو ريم وسارة سوا للبارتي لان ريم مرت سارة ودخلو ووقفو عند اللي تاخذ العبايات ..

ريم : سارة معاك عطر
سارة : ايه بس تعالي اول نروح الحمامات نشوف اشكالنا ونحط عطر
ريم : يلا .. واخذت رقم من المسؤلة عن العبايات وراحت مع سارة
( ريم : كانت لابسة فستان لونه اصفر لين نص الساق كت ضييق من فووق ومن عند الخصر مكسسر وعليه حزام اسود نحييف فيونكة ولابسة كعب اسود ساده جلد يلمع وكانت مستشورة شعرها لييس وميك أب ناعم وروج احمر فاقع وطالعه تدنن )
( سارة : كانت لابسة فستان لونه موف كت قصير من قدام لين الركبة وطويل من ورا يوصل حد الكعب وكانت لابسة كعب فضي كرستال وشعرها ريترو وطالعه تخقق )

ريم و سار وهم داخلين للمكان اللي فيه الحفل كانو ما يعرفون احد كثير بس اشكال اللي معاهم بالجامعة وحتى كانو في ناس كثير مو من جامعتهم لأن فيصل وبدر ومشعل معارفهم كثيرة

ريم شافت فيصل يكلم حقت الدي جي راحت وسلمت عليه وهي تحط يدينها على عيونه من ورا : هآآي
فيصل يلتفت على ورآ وماسك ايدينها : ميين
ريم وهي تشيل ايدينها وتحطها ورا ظهرها وتقول بنعوومة : انا ريييم
فيصل خق وابتسم لين طلعت كل ضروسه : هلا والله بريييم
فيصل شاف وراها سارة كانت تأشر بيدها : هآي
فيصل : نورتتووو جدد انبسسطت لمن جيتوو وسلم على عليهم وحضنهم ووقال : تعالو معاي جوا انا اجلسكم بأحسن مكان
فاجأة وقف وهو يمشي وقال : إلا وين الجوهرة ما أشوفها معاككم ؟
ريم : ايه بتتأخر شوي بس لا تخاف جاية
فيصل: اشووه ولا كان وريتها شغلها
وراح فيصل ومعاه ريم وسارة عند شلته وسلمو عليهم وحضنو بدر لأنه الوحيد اللي يعرفونه
وجلسو في الكنب اللي قدام مشعل وشلته
مشعل كان بنفسه يتسآل ليش ما جت معاهم ؟ بدر عطاها الكروت قدامي ! معقولة زعلانة ؟ لا لا !! طيب يمكن تعبانة ؟ بسأل بدر بعد البارتي

_____________________________________________________________

الجوهرة وهي تكلم السواق في البيت : جهزو السيارة الحين بطلع
السواق : اوكي مدام
نزلت الجوهرة من الدرج وشافت زبيدة جالسة بالصالة ولابسة عبايتها تستناها
الجوهرة مستغربة : زبيدة انتي بتوصليني ؟
زبيدة وبحزم : ايوه
الجوهرة في نفسها مين يقدر يكسر كلمتك في هذي دام الوالد موصييك
وطلعت الجوهرة وجت وراها زبيدة لمن طلعت بتركب سيارتها لقت اللي راكب مكان السواق صالح !!
الجوهرة : وهي واقفة قدام السيارة مستغربة ليش صالح يوديها و السواق موجود ؟ فتحت زبيدة باب السيارة للجوهرة وركبو
الجوهرة علطول بدون تسلم : صالح لي شانت اللي بتوديني ؟ انا كلمت السواق هو يوديني لا تتعب نفسك
صالح : طال عمرك تعبك راحة وهذي وصايا الشيخ
الجوهرة : ليش طيب؟ انا اعرف ان بابا ما يخليك معاي الا اذا خاف
صالح : صح وهو اليوم كلمني وعرف انك بتروحين حفلة وأمرني أوصلك لها وطول ماهو مسافر انا اللي راح اسوق بدل السواق وخبرني يتبعنا موكبك طال عمرك عشان يتطمن اكثر
الجوهرة : ما له داعي موكب نسبب لهم زحمة بعدين !! يمكن ما تعودو على كذا ما اظن انهم مثلنا متعودين كل واحد له موكب
صالح : آسف هذي أوامر طويل العمر
الجوهرة : اوكي يلا نروح عشان ما نتأخر
صالح : ابشري
وحركو وكانت الجوهرة تمشي ومعاها موكبها من خوف ابوها عليها
( موكب يعني يتبعها سيارات كثيرة ورا سيارتها اذا طلعت ويكون فيها حراس يحمونها اذا تعرضت لخطر )

وصلت الجوهرة لبيت فيصل وكان بيت فيصل كبير وفيه ممر تدخل منه السيارات تنزل منها المدعووين عند الباب

وقفت سيارة الجوهرة وكانت روز رويس لونين فضي و أزرق
وكان وراها 3 جموس لونهم اسود كل سيارة فيها حراسين اثنين
اجسامهم قوية وبدنهم رياضي قادر للدفاع عن الجوهرة بنت بندر

الجوهرة طلعت جوالها واتصلت على ريم : آلوو ريم وينك انتي و سوسو انا الحين بدخل
ريم وقفت وسحبت سارة معاها وطلعت برا بعيد عن الازعاج : تعالي عند الحمامات انا هناك
الجوهرة : اوكي

الجوهرة نزلت من السيارة بدون ما تقول شي لصالح شافت زبيدة تنزل من السيارة
الجوهرة : وين ويينن ؟
زبيدة : مئآكي ( معاكي )
الجوهرة دخلت ودخلت وراها زبيدة .. فصخت الجوهرة عبايتها وعطتها زبيدة لأنها ما تحب تروح وتوقف عند زحمة العبايات وتاخذ رقم وحوسة
البنات اللي جوا واقفين يناظرونها بنص عيين وغيرانين من جماالها وكشختها وجسمها اللي زاد على جماالها جمااال
( الجوهرة كانت لابسة توب فسفوري ضيق ومن ورا على شكل احبال مربطة لين اخر ظهرها ولابسة تنورة ضييقة دانتيل اسود وكانت التنورة مبطنة لين نص الفخذ والباقي دانتيل شفااف والتنورة كانت توصل لين نص السااق وشعرها كان مستشور ومرجعته على ورا ومسوية نفخة شوي واطراف شعرها ويفي وكانت لابسة بس سوارة وحدة كارتير ذهبية ما تشيلها ابدد و لابسة كعب اسود فيه فيونكة وحاطة ميك أب ناعم ظل ذهبي وروج عنابي عليه قلوس يلمع وكانت باختصار فاااتنة )
كانو بنتين جالسيين يحكون عنها وما كانو الوحيدين اللي يتكلمون عنها من الغيرة لأن العز كان بااين عليها وكفاية اللي وراها تمشي وتاخذ عبايتها وكشختها ولبسها اللي من فوق لتحت من أغلى الماركات العالمية وثقتها بنفسها تقتل الموجوديين

عهود : شفتي اللي دخلت ؟
فرح : ايه !!
عهود : تهبل ما شاء الله
فرح بغيرة : عادية مو مرة
عهود : كل هذااا وعاادية !!!! اجل ميين اللي مرة بالنسبة لك
فرح بدون نفس : وش فيك ما عجبتني ما فيها زود تحوم الكبد
عهود : والله انها جميلة ما شاء الله وجسمها يخقق
فرح : مو أجمل واحلى مني
عهود : فرح الحق ينقال انتي حلوة بس هي أحلى ما ننكر!
فرح عصبت على عهود : أقول انطمي
ودخلت فرح وتركت عهود
__________________________________________________________

الجوهرة كانت تكلم زبيدة : زبيدة انتي ارجعي البيت وانا اذا خلصت اكلمك يلا روحي
زبيدة : اوكي
راحت الجوهرة للحمامات وشافت ريم وسارة وسلمت عليهم
ريم : ما بغيتي بتخلص الحفلة
سارة : ايه طولتي
الجوهرة : عادي ترا مو مره متأخرة الساعة 10 ونص .. ألا وش هالزيين طالعين تهبلووون
ريم : انتي اللي تهبليين غطيتي علي
سارة : انتي الزيين كله حبيبتتي
الجوهرة : شكلنا اليوم ما رح ننام سوى ((وتغمز لصاحباتها))
ريم : ههههههههههه لييه؟
الجوهرة : بتخخققون البويات وبتروح كل وحده مع حبيبها وبجلس لحالي
ريم وسارة : هههههههههههه
الجوهرة : يلا ندخل لا يذبحوني بدر وفيصل
ودخلت الجوهرة وشافها بدر قبل ما تشوفه هي وراح لها رككض خاااقق
بدر : هلا بالزيين هلا بالجمااال نووورتي
الجوهرة : النوور نوورك
بدر توه يستوعب : الا حضرتك ليش توك تجين
الجوهرة : اوووه سالفة طويللة زيين مني جييب اصللن
بدر : عشان اذبحك
الجوهرة تضم بدر : وهذي ضمة عشان تاخرت عليككم
بدر وهو يقول ليتك كل يوم تتأخرين : هاه لا عاددي عاادي <راح فيها
كان في شخص يراقبهم قلبه تاكله الغيرة مو من حقها تضم احد
وده يقوم ويسكر عليها بغرفة ومحد يشوفها غيره
بدر بعد عنها : تعالي سلمي على الشلة
وداها بدر وصار يعرف الجوهرة على شلته .. بدر : الجوهرة وصلت
فيصل كان جالس جمب مشعل ووقف لمن شافها وضمها : اهلييين الجوهرة ما بغيتي تجين شفت صحباتك بدونك قلت بس البنت سحبت
الجوهرة : لااا شدعووة بس سااالفة طويلة وتوني قدرت اجي
فيصل : حيااك الله والمكان مكاانك خذي راحتك
الجوهرة بابتسامة تدووخ : الله يحييك
وقفت نورة وعبير يسلمون عليها : اهللين
فيصل يأشر على نورة وعبير : اعرفك على نورة و عبير
الجوهرة : يا هلا تشرفنا وسلمت عليهم
فييصل ويأشر على مشعل : وهذا مشعل
مشعل وقف وما شال عينه من عينها ومد يده : اهلين
الجوهرة بنفسها " وصار اللي ما ابيه يصير"
بس فيصل ما كان يعرف انها شافت مشعل لانه ما حضر لما صار الموقف بين الجوهرة ومشعل بس بدر لاحظ انه فيه شي بينهم بس مو عارف ايش هو هالشي
الجوهرة مدت يدها تسلم وتتصنع الابتسامة : اهلنن
وفي هاللحظة اشتغلت اغنية يحبها فيصل قال لهم : يلا نروح نرقص و راح ومعاه عبير ونورة وبدر كان مو معاهم اكييد طايح قزز
اما مشعل سرحاان بعييون الجوهرة السوود الوسيعة وماسك يدها : ....
الجوهرة تبي توخر عن يد مشعل : لو سمحت ايدي .. لو سمحت ممكن !
مشعل استوعب ووخر يده بدون ولا كلمة والجوهرة علطول راحت و لقت صاحباتها وجلست جنبهم بنفس مكانهم اللي كان قدام مشعل
الجوهرة بنفسها " حض يكسر الصخخر بسم الله علي"

اما مشعل كاان في عالم ثااني متشتت بس يشوفها قلببه يدق كيف لو سلم عليها ومسك ايدها مشعل يحاول قد ما يقدر ما يبيبن لها أي شي من اللي يحسه باتجاهها لمن يشوفها بس للأسف كان مفضوح بعيون الجوهرة حااول قد ما يقدر يثقل مو من عادته يفكر بوحدة جلس جلسته الرجولية و في باله يفكر" هالبنت ايش سوت فيني ليش لمن اشوفه احس باحساس غريب"

الجوهرة كانت متوترة من نظرات مشعل اللي ما ترحم كان يناظرها بتفحص من فوق لتحت وما شال عينه عنها بس حاولت تثقل وما تبين والجوهرة من طبعها تقاوم التوتر ..

اللي يناظرهم يكشف النظرات اللي بينهم .. مشعل كان لسى يفكر فيها وبجمالها.. انقطع حبل افكاره فجأة!
...: هآآي شعوولل
مشعل : فرح ؟؟
فرح : شفيك مو مبسوط بشوفتي ؟
مشعل : فرح قومي من جمبي لا تطلع اشاعات ترا ماني ناقص
فرح وتلصق بمشعل اكثر وتمسك يده : وهذا اللي انا ابيه
الجوهرة كاانت ترااقب المووقف وهي معصبة ومنقرفة من فرح كيف انها رخيصة و .. قطع عليها
ريم : ياهووه وين وصلتي
الجوهرة لاحظت انها سرحانة: نعم لا بس شوي كنت افكر
ريم : ايش تفكرين فيه
الجوهرة : بعدين اقولك اذا رجعتي معاي < تصرفها
ريم صدقت : اوكي
مشعل يبعد ايد فرح عنه : اقولك وخري ما تفهميين انتي !!
فرح : حااضر يا مشعللل بس بتندم بيوم اني جيتك وانت اللي تبعدني عنك
مشعل بحدة : وبعدين معاك ؟؟؟ لا تحسبين اني ميت عليك قومي عني طسي مابي اشوف وجهك
فرح قامت تخاف من الفشيلة لانه متهور وممكن يفضحها ويصرخ عليها قدام الناس وهي اللي تكذب على صحباتها ان مشعل يحبها ويموت فيها

_________________________________________________________

كريستينا ( حقت الدي جي ) رفعت على صوت الميوزيك وطلبت من كل الحاضرين يرقصون عشان بيبدأ التنافس بالرقص
كل اللي في البارتي قامو ويرقصون وزحمة و ريم وسارة كانو مبسوطين ويرقصون سوا من أول ما دخل بعكس الجوهرة اللي من أول ما دخلت ما رقصت على أي شي
جتها وحدة من الخدامات وعطتها ورقة : this is for you madam
( هذي لك مدام )
الجوهرة : what is this? Who gave it to you ?
(ايش هذا ؟ ومين عطاك الورقة ؟)
الخدامة : I don't know madam
( ما اعرف )
الخدامة راحت وعطت الجوهرة الورقة
_____________________________________________________________

مشعل شاف الخدامة لمن عطت الجوهرة الورقة توقع انه احد مرقمها

الجوهرة وقفت ومشت متجهة للباب تبي تطلع برا وراحت جلست على الكراسي بالحديقة وفتحت الورقة تقراها وهي مبتسمة وفجأة اختفت ابتسامتها دلالة على الخوف اللي كان باين عليها

مشعل كان واقف ويناظرها ولاحظ هالشي
تقدم لعندها وهو يمشي وماد إيده يبي ياخذ الورقة منها
الجوهرة بسرعة وخرت الورقة وحطتها وراها ووقفت
مشعل عصببب وبصوت حادد : عطيني الورقة
الجوهرة عصبت من اسلوبه مين يكوون علشان يتأمر عليها : واذا ما عطيتك
مشعل : بتعطيني غصبب عنكك
الجوهرة مشت بتترك مشعل وتتعداه بس فيصل كان أسرع منها ومسك يدها وقال : على وين
الجوهرة : مو شغلك
مشعل سحبها بقوووة على جهته لدرجة انها لصقت في صدره وكان يناظر عيونها ومعققد حواجبه وكأنه بيطلع من راسه ناار من العصبية
الجوهرة تناظظره وكانو سااكتين
الجوهرة قطعت الصمت : وخر يدك
مشعل : لا
الجوهرة : الى متى بتظل ماسكني كذا ؟
مشعل : عطيني الورقة واخليك
الجوهرة ساكتة : ...
مشعل : ليش ساكتة ردي
الجوهرة تناظره ببرود يقتل : انا كلامي ما اعيده و ردّي سمعته
مشعل حسس انه وده يكفخها وده يسطرهاا كفف مسكهاا من ذراعها وسحبها معاه والجوهرة تحاول تلحق خطواتة السريعة وداها ورا البيت في الحوش كان سيييب قديم واضح انه مستودع كله اغراض وكان ورا البيت وظلااام
______________________________________________________________
نوققفف هنآ
توقعاتكم ايش رح يصير بالبآرت الجااي؟؟
مين اللي كان يكلم الجوهرة ؟
ومين اللي اعطاها ورقة ؟؟ وايش تتوقعون مكتوب فيها ؟؟