روائه أخوه صداقه. part 1

رواية جديدة بأحداث جديدة و شخصيات جديدة :

قبل لا أبدي روايتي :
كلناا لنا بهالدنيا إنسان عاش معاه أحلى أيامه و سنينه و حياته بقربه حلت و نورت و زانت مو شرط يكون حبيب ولا شرط يكون إخو .. عندنا الصديق يمثل دور كبير في حياتنا لأنه مهما صار ما راح يتخلى عن رفيجه و ما أتكلم عن أي صديق أنا أتكلم عن الصديق الوفي إلي يكون في هذي الحياة بنكهة الأب و الأخ و الحبيب و يكملنا يعني يكون نصنا الثاني ....،!

شخصياتي لهذي القصه قليله بأحداث حلوه و جديده
حمود بويه 19
عزوز بويه 18
ريم ليدي 20
شوق ليدي 19

حياتهم قامت على الصداقه إلي كل الكون حسدها عليهم و رغم من هذا كله ضلو ايد وحده ضد العذال و كل شخص حاول يخرب بينهم .،!

جزء 1

" حمود و عزيز ربع من زمان و عشرتهم عمرها طويل و لعزوز حبيبه إلي ما يشوف غيرها ولا يحب غيرها( ريم ) .... و شوق راح نتعرف عليها مع تسلسل الأحداث "

يوم الخميس الساعه 9 الصبح :
" يطق باب شقه حمود حييل "

؟! : " طق طق طق " هذا وينه صارلي سنه أطق الباب .. خن أجرب أدق عليه
" يدق _ تلفون حمود يرن "
حمود : " يبطل عيونه " أفف شهالأزعاج من صباح الله خير يعني الواحد ما ينام " يرد " الووو
عزوز : يا حمار وينك انت !! صارلي سنه أطق على الباب
حمود : يعني وين !! خامد أنا
عزوز : اسمها نايم قوم أخلص بطل الباب تكسرت رجولي
حمود : زين

" يقوم حمود يبطل الباب "


جزء 2

عزوز : ما بغت بوابه علي بابا تفتح !!
حمود : أنا مو معطيك نسخه عن مفتاح الشقه
عزوز : مبله بس نسيته و ما تذكرت إلا لما وصلت عند باب شقتك
حمود : زهايمر اللهم لا حسد
"يدشون البيت "
عزوز : روح سو أي شيء ناكله يايلك على لحم بطني
حمود : دق اطلب فطائر أنا بدش أخذ شور
عزوز : أوكي بس على حسابك
حمود : قاعد على بنك زين اطلب

" يدش حمود الحمام _ عزوز يدق على المطعم "

عزيز : الوو .. مطعم فطائر
؟! : أييه .. تفضل بشنو أخدمك ؟
عزيز : أبي 2 فطائر جبن و اثنين زعتر و معاهم 2 بيبسي
؟! : تامر بشي ثاني !!
عزيز : لا يعطيك العافيه
؟! : الرقم لو سمحت !!
عزيز : 9408.......
؟! ؛ " يقول العنوان "
عزيز : أييه تمام .. جم يبيله ؟!
المطعم : نص ساعه إنشالله

جزء 3

عزوز : أوكي

" يسكر _ يرن فونه "

عزيز / الوو
ريم : هلا حبيبي ولهت عليك
عزيز : أبوي و أنا أكثر حبيبتي
ريم : وينك يمك هدوء !!
عزوز : عند حمود بالشقه من زمان ما رحتله و شفته
ريم : أييه !! شلونه شخباره ؟؟ ماصار أي تطور بنفسيته !!
عزيز : والله على حطت ايدج حبي ليلحينه
ريم : وييه .. أنزين أقنعه يطلع يغير جو ؟
عزيز : إنشالله حبيبتي
ريم : خلينا نطلع اليوم و نأخذه معانا شرايك ؟
عزوز : أييه ليش لا ،، أقوله إنشالله
ريم : سلم عليه و قوله ريوم مشتاقتلك
عزوز : زين
ريم : ههههههههههه فدوة إلي يغارون أحبك
عزوز : و أنا أموت فيج حبيبتي

" يسكرون الخط "

جزء 3

خلونا نعرف شنو إلي مر فيه حمود و خلاه يوصل لي هذي الحاله :

" حمود مر بعلاقه حب فاشله كانت أحداثها معقده حب وحده تعرف عليها بالبي بي أم و فز قلبه أول ما سمع صوتها و كانت الأحداث هذي قبل التخرج من الثنويه العامه .... خلونا نشوف : "

في يوم من الأيام :

حمود : الو هلا حبيبتي مشتاقلج شلونج !!
فرح : حبيبتك !! من متى إحنا حبايب ،، حمود رجاءا إحنا ربع و ما بيننا شيء
حمود : نعم !! شفيج شاربه شيء انتي !!
فرح : لا مو شاربه و من صجي قاعده أتكلم ، أنا وياك من أول ما تعرفنا و إحنا ربع
حمود : و كلمه " أحبك " !! لما قلتيها و عشنا 3 شهور مع بعض و كانت حياتنا حلوه ؟؟
فرح : " أحبك " مو بس كلمه تنقال حق الحبيب انت قاعد تعشم نفسك !
حمود : كنتي تنأمين معاي على الخط !! و كنتي تغارين و ما ترضين أكلم أي ليدي ثانيه و تقوليلي حبيبي !!هذا شمعناته !!
فرح : ما له أي معنى رجاءا حمود إحنا مو لبعض لا تروح و تقول للناس احنا تيكن ما شاء الله الكل يتحجى فينا !!
حمود: بسم الله !! انتي شفيج !! بعدين أنا متى قلت !! لا تقعدين تألفين على رأسي .. تطلعين أي حجه عشان نتهأوش !!
فرح : أهااا الحين أنا إلي اءلف !! مآشئ حمود كل شيء انتهى و إحنى خلصنا

" سكرت الخط"

جزء 5

" هذي أهيه قصه حمود إلي عاشها مع وحده حبها من كل قلبه و كل ما فيه انكتب باسمها و أهيه كانت تبادله المشاعر عشان تنسى علاقه حب قديمه لها فعلا كانو مبينين حبايب لكن هذا القدر مثل ما جمعهم فرقهم ... طبعا من بعدها حمود وقف حياته و ما رتبط و حس انه ما راح يحب غيرها بحياته و فعلا ولا بنت ترست عينه على عكسها عاشت و رتبطت و الحين مع حبيبها .. و كتب لها حزتها خاطره :


مشيت بلئله فراقك حالي حال الناس
مشيت بين زحمت الشوارع
تحت المطر و برد الشتا
أيدي بجيوب جاكيتي
بردان و دموعي على خدي
أطالع حولي كل واحد مع حبيبه
و أبجي و أقول أنا حبيبي وينه !!
كل ماشفت اثنين أيدهم بأيد بعض
أتذكرك !!
أسأل نفسي ؛
وينك و ويني ؟!
ليش عني بعدت و تركتني أتعذب ؟
ليش إحنا !! ..... ليش فترقنا
حبنا كان أقوى من كل شيء
حينا إلي سكنا أنا وياك و جمع قلوبنا !!
حبنا إلي عمرنا و قربنا
كل ما شافني أحد سألني عنك
احترت شقوله
اكتم الدمعه ، و تخنقني العبره و اهز رأسي بكل حزن و أمشي
و تنزل دمعتي من عيني تناديك
كل ما سألني الناس عنك
نزلت دمعتي و لك حنيت
شقولهم !! أقول رحل ، و تركني للسهر !!
أقول غاب و تركني للعذاب
قولي شقول لقلبي يوم يسألني عليك !!
شقول لعيني يوم تشتاق لشوفتك !!
شقول لحضني يوم يشتأق لحضنك !!
هجرتني من بعد ما حبيتني
تركتني من بعد ما عودتني
قول لقلبك و أسأله !!
هان عليه يترك حبيبه
و يهجر قلب حبه و عشقه !!
يا هالدنيا قسيتي على قلوب كان كل ذنبها أنها حبت و عشقت !!

" شعور يقهر صح !! "

نرجع لواقعنا ... خلص حمود شور ووصل المطعم

عزوز : خلاص يبا دفعت الحساب
حمود :" ويهه أحمر و بصوت حيل مخنوق " أوكي
عزوز : " يطالعه " فيك شيء !! ليش ويهك أحمر !

تتوقعون شفيه حمود !
و تتوقعون راح يرضى يروح مع عزوز و ريم !

يتبع ........