عزوز : شفيك !! ليش ويهك أحمر !!
حمود " بصوت مبحوح " مأكو شيء
عزيز : تقص علي
طالع عيونك منتفخه
!!
حمود : " يلمه " و شنو إلي مافيني يا عزيز أحس من الخنقه بموت
عزيز : " يلمه حيل و تدمع عيونه " سمله عليك يا روحي .. ما راح تخلص يا حمود لي متى هالضيقه !!
حمود: " يبجي " 5 شهور و مو قادر أنسأها ! مشتاق لها و مشتاق لكل شيء فيها ( صوتها _ ضحكتها _ جنونها ) كل شئ !! أبيها عزيز
عزوز : لا حول ولا قوه إلا بالله .. أنزين انت هد شوي
" يأخذه الحمام يغسله ويهه _ و يردون الصاله "
عزوز : وريني آخر كتاباتك أحب اقرأها
" حمود يعطيه ،، و يقرى : "
5 شهور و أنا على ذكراك باقي
و عذابي في كل ليله يزيد
5 شهور و شريط حياتي معاك
جدام عيني يمر في كل ليله من تجي بتنام
يطق الشوق باب قلبي ،، يفتحله دمعي ،، ويناديك حنيني
يقول وينك !!
يجيني صوت من بعيد يقول:" أنساه تراه عشق غيرك ، وهام في هواه " أردد و أقول " لا .،! ما يعشق غيري إنسان "
يصفعني الزمان يقول:
" أصحى من أحلامك تراك معيش قلبك في أوهام ، رجوع حبيبك مستحيل ، هو باعك للأيام و مر العذاب و سود الليالي و ألم الدموع "
في ليله جلست مصدوم من الزمان و خوف من عقارب الأيام
مر خيالك و جلس قبالي مبتسم
جلست أناظرك و أقول !!
" تذكر !! ليالينا ؟
تذكرني أنا حبيبك إلي حلفت ما تخليني !!
تذكر !!
حكاوينا يوم وعدتني تبقى لي و تكون لقلبي الحياة !!
خنقتني عبرتي !!
نزلت دمعتي و مديت أيدي أبمسكك أبلمسك
لكن !! أيدي نمدت لفراغ
لحلم صعب أنه يعود
لأماني صعب أنها تتحقق
لروح معا روحت روحك هجرتني
بنسمت هوى !! اختفى خيالك
و سألت بإعلى صوتي إصارخ و أنازع ألم قلبي
أصرخ و تمنيت تسمعني
" صحيح إلي سمعته !! يعني حقيقه !! نسيتني !! تحب غيري !! بعتني و لغيري مال قلبك !! لغيري تقول أحبك !! لغيري فتحت حضنك !! "
أااااااهه في قلبي ما تسمعها غير الليالي
علي قسئ زماني و قسئ قلب منه حماني
وعود كذابه !! بدموع مخلوطة بألم و بصوت مبحوح أقول ليتني فيك ما تعلقت.
عزوز : " بقلبه " يا ربي من هالانسان
عزوز : بتلقى إلي أحسن منها الحياه ما بتوقف عليها
حمود : " ساكت "
عزوز : أكل حبيبي الحين و بعدين يحلها ربك
حمود : مابي مو مشتهي
عزوز : الحين أنا دافع و حالتي حاله
يعني شلون
حمود : زين خلاص راح أكل " يبتسم ابتسامه خفيفه "
جزء 7
" أكيد كلكم تتسائلون وين أهل حمود !! "
" أهل حمود ماتو بحادث سياره كان على طريج البر و من عقب وفاتهم ما ظل لحمود غير عزيز إلي عوضه فراقهم و صارله الأم و الأب و الأخ و الأخت و كفاه عن كل شيء و أغناه عن كل الناس "
" نرجع لروايتنا "
عزوز : أقول حمود
حمود : قول يا روحه !!
عزوز : أخييه اغتصاب والله .. أحم ، أنا و ريومتي اليوم بنطلع شرايك تطلع معانا !
حمود : لا عزيز طلعو بروحكم
عزيز : ليش عاد
من زمان ما طلعنا ولا فصلنا
حمود : مالي خلق
عزيز : يبا حبيبي عشان خاطري
حمود : خلاص إلي تشوفه
عزيز : أبوي فدوه حبيبي
حمود : أفداك ،، مشتاق لمأماتي ريوم ،، شلونها !
عزيز : تسلم عليك ،، أهيه بعد مشتاقتلك ،، زينه
" عزوز يدز مسج لريم ( وافق ،، شرائج نروح نارا ؟! )
جزء 8
" ريم كانت مع شهد بالجامعه و شهد رفيجت بطلت الروايه الأخيره ( شوق ) _ وصل لريم المسج "
ريم : " ترد على عزيز بمسج " أوكي حبيبي
شهد : شعندج اليوم
ريوم : مأكو بطلع مع حبيبي و ولدي حمود
شهد : حسافه كنت أبي نطلع مع بعض
من زمان ما رحنا سينما
ريوم : مو مشكله تعالي معانا بنروح نارا اليوم
شهود : مآشئ بس بدق على شوق أقولها تجي
ريوم : أوكي
شهد : مآشئ عيل أشوفج اليوم
ريم : أوكي حبيبتي
" تقوم شهد تروح سيارتها و طبعا ما عندها رصيد كالعاده _ تمر البقاله "
شهد : عطني رصيد زين 3 دنانير
؟! : إنشالله
" اييبلها رصيد _ تعبي و تدق على شوق "
جزء 9
شوق : هلا أبوي
شهد : هلا فيج عمري شلونج ؟
شوق : مشتاقتلج و انتي
شهد : مآشئ الحال
شوق : عسى
شهد : وياج ،، أقولج شوقي !!
شوق : قولي !
شهد : اليوم بروح نارا مع ريوم و حبيبها تعالي
شوق : مآشئ بابا متى
شهد : بليل ساعه 6 و نص أو سبع
شوق : مآشئ
" أعرفكم على شهد ليدي عمرها 20 بالجامعه مع ريم "
اختصر لكم :
صارت ساعه 6
" حمود لبس بنطرون جينز و قميص أبيض و لبس كاب "
" عزوز لبس شورت و تي شيرت و عدل شعره "
عزيز يدق على ريم ..،
عزوز : الو حبيبتي أنا وصلت
ريم : تعال فوق ليلحين ما خلصت
عزوز : مآشئ " يطفي السياره و ينزل "
" يصعد _ يطق الباب "
ريم بصوت عالي : دش حبيبي الباب مفتوح
" عزيز يدش و يقفل الباب "
عزيز : " معصب " أنا جم مره أقولج قفلي الباب
ريم : توه بطلته والله
جزء 10
عزيز : فهمي يا آدميه أخاف عليج
ريم : " تقرب شوي شوي و تحط ايدها وره رقبته و تبوسه " فديت إلي يخاف أنا
عزيز : " يحط ايده على خصرها و يلزقها بالطوفه و يشفها " أفداج يا قلبي
ريم : " تحظ صبعها على شفائفه " اووش خليني أخلص لا نتأخر
عزيز : وين بوستي أول
ريم : عيارتك توني بستك "تبوسه حيل "
عزيز : أويلي بس
ريم : " تستحي " عليك
" تروح تلبس نفنوف أبيض قصير شوي و ضيج _ ينزلون السياره "
جزء 11
" وصلو عزيز و ريم و بعدهم بشوي شوق و شهد "
عزيز : " يدخن "
ريم : " تشيش "
شهد : السلام
ريم و عزيز : و عليكم السلام
شهد : شلونكم أعرفكم على رفيجتي شوق
ريم : أهلين حبيبتي
عزوز : تشرفنا يبا
شوق : أهلين ... الشرف لي
" يقعدون "
ريم : حبيبي
عزوز : عيونه
ريم : ولدي وينه !! ليش تأخر !!
عزيز : ويت أدق " يدق عزيز "
حمود : هلا حبيبي
عزيز : وينك !
حمود : وصلت تعال برا
عزيز : أوكي
" يقوم يروح عند حمود _ و يردون نارا "
عزيز : أعرفكم على أخوي حمود
شوق : " يفز قلبها " أهلين
شهد : أهلين دلوع ريم
حمود : هههه هلا فيكم
ريم : مأماتي حبيبي شتقتلك
حمود : هلا أبوي " يلمها " شلونج مأماتي
ريم : تمام يا روحها وين هالغيبه
حمود : أتغلى :$
ريم : ههههههههه يمه منك
" قعدوا سؤالف و ضحك "
ريم : حبيبي !!
عزيز : يا روحه
ريم : شوف منو مني ؟؟
عزيز : أحححححححححح
تتوقعون منو شافو !!
" تأمنون بالحب من أول نظره " !!
يتبع ...،!
موضوع: روائه. صداقة أخوه 
السبت مارس 23, 2013 11:16 pm
