موضوع خااص جدا للبويات .. بويات بويات بويات

السلام عليكم ورحمة الله وبركاته ..

اكيد طبعا كل اللي ف المنتدى والزوار وعناكب قوقل دخلو الموضوع ..

لا لانه موضوع ديني ولا لانه عنوان فضيحه لفنانه .. بس لان العنوان " بويــات "

في شي غريب يجذب الناس لنا .. سواء كانو شباب او بنات .. يحسسونك واو مخلوق غريب جاي من الفضاء الخارجي ولا زم يكتشفوونه ..

من خلال مسيرتي ف المنتديات وتباعه .. لاحظت ان في نااس عرق لقافه مو صاحي ..
اللي يدخل وينصح واللي يدخل ويسب والي دخل ويتميلح على البنات .. والبنت الستريت اللي داخله تتصفح وتشارك ف المنتدى ..

ياعمي ذا منتدى بوياااات انتو شنو جابكم !!! البويه عندها عقل وتعرف تفكر وتعرف الصح من الغلط
ودام الشي اللي اسويه حرام ولاكفر انتو مالكم علاقه .. خلونا نتنفس
انا بويه وافتخر بميولي واللي يتكلم كلمه ياكل تبين وينثبر لان هالشي خاص فيني وحريتي الشخصيه
وصدقوني لو هالبنات لاقيين في الشباب خير ماراحو لنا .. >>> مااعمم لا احد ينقزلي بعض الشباب فيهم الخير والبركه

وخلوني اوضح كم نقطه ...

س/ انتي ليه صرتي بويه !!؟؟ ماتدرين انه حرام ؟؟ بتروحين النار ؟؟


ج/ كل واحد له ظرووفه سواء نفسي هرموني او بس ستايل _ ادري انه حرام وادري اني ملعونه يعني مطروده من رحمة الله .. على كذا كلكم يالحريم مطرودين من رحمته .. ولا الي تنمص الحاجب وتحط تاتو هذي لعنتها غير !!! كذا كذا كلنا ملعونين !!
والله سالفة النار شي يخصني انا وربي .. وربك يحاسب كل شي لحاله .. صلاه وصوم وحج وكل شي لحاله .. لو ماكان يحاسبه لحاله ماصلى احد ولا صام احد من كثر المعاصي اللي فيه .. وكل واحد يغلط

س/ طيب شنو الفايده من اللي تسوينه !!!

ج/ بقولك شنو الفايده وصدقيني لو تشكريني سنين ماتوفيني حقي ..
الحين في دولتنا كـ سعوديين وخليجين بشكل عام .. صعبه البنت تحب وتنحب .. ولاحد يقولي تتزوج وتفكنا لان هذا غلط وهذا سبب ارتفاع نسبة الطلاق عندنا .. مجتمعنا مغلق .. من كثر الضغط نبي متنفس لنا ..
والحين البنت ولو فرضنا انها تبي تحب لها واحد اشدراك انه مايطلع ولد حرام !! اشدراك انه مايسوي فيها شي ويهدم حياتها !! ولو فرضنا انه ولد حلال ويبيها بس ظروفه صعبه ومايقدر يتزوجها ..
ولا تقدر تكلمه ولاتشوفه وو مشاعرها وين توديها !!!
يعني شنو احسن تصاحب بنت تطلع وتروح معاها محد يشك فيها ولاحد يقدر يقول عنها كلمه وتقدر تكلمها اي وقت
ولا تروح لولد ويقولون عنها فلتانه وشرمو**ه وغيرها من الالفاظ بس علشانها تكلم لها واحد !!!

لكم حرية الاختيار !

وعلى فكره مو بس بنات .. في مطلقات .. ومتزوجات ..
انا عن نفسي كنت مخاوي وحده متزوجه وزوجها مو مريحها ..((ظروف خاصه فيم))
شنو احسن تتطلق وتشرد عيالها !! ولا تخونه!!ولا تجيني واجيها واريحها وحياته اتم ماشيه طبيعي !!

س/ يمكن كلامك صحيح .. بس انتي كذا تشجعين هالظاهره !

ج/ كل واحد يشوف الامور من منظوره .. وبالنسبه لكلمة ظاهره !! اشكثر تنرفزني هالكلمه
هذي مو ظاهره هذي ميول ..
وعلى فكره انا ماشجعت احد على شي هذا يكون ف نفسية البنت من البدايه مايجي بتشجيع
وانا هنا مااتكلم عن البويات اللي يبون بس ستايل ومعجبات وسالف فاضيه لان هذولي اللي يبيلهم تفجير
وعلى فكره محد يشجع هالهلاقه غيركم لانكم تعطوونه فوووق حجمه .. حنا ناس مثلنا مثلكم بس الفرق ف الميول ..


س/ طيب شنو اخرة علاقتك مع البنت اللي تحبينها اخرتكم زواج!! وانتي رحتي ولاجيتي ولاطرتي بتمين بنت .؟

انا معك ومانكرت اني بنت .. وماانكر انوثتي ابدا .. بس انا لي حركات تختلف عن البنات ..ودري اني اساسي بنت واخرتي زواج كل هذا انا مقتنع فيه .. بس انا حاليا ابي اعيش حياتي حسب شروطي وحسب شخصيتي مو على اساس اي احد او شروط اي احد ثاني غيري ..
اللي بتزوجه لازم يعرف عني كل شي ويتقبل حقيقتي ..
لانه اول عن اخر بيكتشف هالشي ..
واسمحولي اعطيكم تعليق صغير ..
اللي تحسب انها بويه اذا لبست ستايل شباب او صارخت ولا دخنت ولا ماقامت تحلق شعرها وتنظف نفسها وعععع وقصت راسها قصير وبمفهومها كذا صارت بويه .. اقولها رووحي موتي ..

س/ انتي اعترفتي انك بنت واخرتك زواج طيب ليه تقاومين هالشي !!

جاوبت عن السوال وظروفي حدتني وكل واحد له اسبابه

س/ فترة مراهقه وتعدي ...!!!

ج/ عمري 24 سنه واعتقد اني تعديت سن المراهقه وتحددت هويتي وحددت شخصيتي ..
ولو انها فتره وتعدي كان عدت من زمان


س/ روحي شوفي دكتور نفسي احسنلك .. والله يهديك ويفكك من اللي انتي فيه
والله مافي احد مرتاح كل الناس يبيلها دكتور نفسي .. والله يهدينا جميع مافي احد مافيه عيوب

س/ انتي ماتبينا ننصح !!

ج/ لا بالعكس انصحو وخذو اجر بس النصح يكون بالذوق والاخلاق ماله داعي الالفاظ اللي تدل على بيئة الواحد والحقد هذا كله علينا ..وبعدين اللي بيته من زجاج لا يرمي الناس بحجاره ..





هذا بعض من اللي ف خاطري واعتقد بعضكم ماراح يعجبه كلامي بس هذا الواقع .. اتمنى اشوف ردود تدل عليكم وعلى شخصياتكم ..
ي

يعطيني العافيه تعبت وانا اكتب

boya berry

اهنييييييك كــــلـأإأمك بطللل<<يجي يجي يجي
ويـــأإأليت يفهــموون ان كل واحد حر في حيـأإأتيه
ا

انشالله انهم يفهمووون هالشي .. ومو كل شويه تطلع لي وحده ولا واحد يبي يروح الجنه من ورانا

هالشي خاص فينا ولا المدرسه ولا الجامعه ولا الهيئه ولا الاهل ولا التلفزيون مقصر بالنصح والارشاد

والحمد الله المطاوعه لقاهم ف كل مكان وكل داعوس وكل شنطه يعني خذلك بتكرهين نفسك لانك بنت
بسبة هالضغط
هم لو يقتنعو انه شي عادي كان عدا الموضوع بس لا لازم انهول ونسوي قصص هنديه .. وفي اشياء اهم من هذي بويه ولا ذيك ليزبيان .. اتمنى يروحون يشوفون مشاكل الدوله ويحلوونها ويتركون هالامور على الاهل والنظام التعليمي ..
صدق ناس فاضيه ..


وثااانكس على المرور

تووني كتبته من كثر ماجتني هالاسئله قلت اريح هالناااس واجاوب وافك نفسي ..

يلا جاااك اللي تمخمخ عليه

نووورت حبيبي

وااااااااااااااااو كفيت ووفيت
بس هم نسيتنا احنا الليديات نفس الشي ينصحوننا ويسولفنا سوالف
وشلون تحبين البوية واهي اساسا بنت!! يبا والله ندري
وعارفين كل شي
وهذي ميولنا مثل ماقلت ‏‏^‏‏_‏‏^‏
ومرحلة المراهقة عديناها وادري ان الشي حرام ‏
ومثل ماقلت احنا مجتمع مغلق والشباب ماواراهم الا المشاكل
خلوننا نعيش حياتنا ونحب اللي نبي
بتسموننا شواذ قولوا بتسمننا احنا مرضى نفسيين سموننا
بس هذي راحتنا وغايتنا
تقبل مروري ويعطيك العافية ‏‏^‏‏_‏‏^‏

محتاجه ... هالكلام ينطبق علينا كلنا ..

مو بس للبويات .. بس انا خصيت علشان اجيبهم وشوفي المشاهدات ..

حيــاك ياغلاي

يازينا زيناه وحنا مسوين زحمه

يازينا زيناه وحنا مسوين زحمه

بعيوني أضمه كتب:

boya berry

كلآمك عين آلصصوآب ,
جددن عجبني حكيك , و تعبيرك ,

آلبويآت نآس جددن عآديين , مثلهم مثلنآ , مسمين مصصلين ,
نآس طيبه و فآهمه حيآتهآ ,
بس آلنآس فآهمين آلدعووه غلطط ,
تلآقيهم من يسمعون كلمة [ بويه ] يروح آلفكر بعيييد . و يصلحون هيصصه على لآ ششي ,


أتممنى من أعمآقي أنهم يفهمون وش القصصد ,
و يفهمون أنه بـ آلطول بـ آلعرض كل شخص وله الحريه فـ نفسسه
محد له شغل بـ أحد , و محد يلزم أحد بـ ششي ,

boya berry

ألف ألف عآفيه على الموضوع الرآئع, (Y)

تقبل ثرثرتي الككثيره =$



بعيوني أضمه =$

كلام صحيح 100 %

واذا جت على الهيصه ف مجتمعنا يسوي حفله من ادنات الدووون ..

اشكر مروورك وتعليقك حياتوو

[

حيااك اختي حنين .. انتي من الستريت اللي احبهم .. فاهمه وعاقله واهم من هذا كله عندك اسلووب

اهنيــك ..

Abdul rahman كتب:

بصراحة
أجد الكثير من المتناقضات والتجاوزات في الكثير من القضايا ولكن هنالك كبس بالنور العالي
على البويات ولا اعلم لما كل هذا؟؟
ظواهر الشباب مع الشباب كثيرة واصبحت ظاهره ولا نجد من يسلط الضوء عليها والبال توك
والكثير من المواقع مزدحمه بالباحثين عن اللواط
كذلك ظاهره البنات مع الشباب في السر والعلن
وغير ذلك من الأغتصابات والسرقات والكثير من الأمور الخارجة عن المنطق
نعم جميعها غلط ومحرمة ولكن ومن وجهة نظر شخصيه اجد ألم البويات والبنت
مع البنت أخف وطأة من الكثير من الأمور التي أصبحنا نألف سماعها ومشاهدتها
بالمناسبة انا ولد ولستُ بنت ولا بوية ولكني أتعاطف كثيراً مع البنات والبويات لواقع مجتمع
وأنقلاق تسبب في الكثير من الأمور التي أتمنى في القادم أن تتغير ويكون الحال لهن أفضل

أحترامي

الحين عمرك شفت عنوان ولا مقال عن فضيحة فنان في فلم اباحي !!
او عنوان عن خليجي يغازل في استراليا !!!

لا طبعا لان محد يتابع هالموضيع .. ف الواحد يروح للشي اللي يجذب الناس عامه ومجتمعنا الخليجي خاصه

تدري ليه الضغط علينا !!! لانا بنات .. والرجال بطبيعته مايسمح لبنت انها ترتفع عن مستواه وتصير احسن منه .. يبيها دايم ضعيفه مكسوره والاهم من هذا كله انها تحتاجه ..
<< ارد واقول مااعمم ..

وانت هنا اثرت نقطه حلووه .. عجبني كلامك ..

اتمنى الناس تنشغل باللي يفيدها ...

يعطيك العااااااااااااافيه على الطرح ..وعلى طريقته..الي اوضح منها مافيه...والتنح يبقى يتنح..
....والى الامام...تقبل طمرتي

آولآ اشكرك بعنف على الموضوع البطل مثلك

ادآيم يحطون تحت كلمة البويه خط آحمر مع العلم زيها زي غيرها

بس الظروف او شي شخصي او ميول من الصغر او العكس

وبعدين الواحد لا جا ينصح نصحه زي وجهه يعني يكره مو ينصح

وانا الي فاقع مرارتي والي يضايقني على انو ماني بويه ولا ليدي انو بعض المجمعات النسائيه
تمنع دخول البويآت هنا آحط علامة آستفهآم ..؟؟؟ مرآ نآقشت الموظفه الي بالمجمع
بمساله هذا الشي قالت نبي نساعد في منع هـ الظاهره صراحه هنا انا ضحككت
قلت حبكت على مجمعكم ههههه في اماكن كثيراا

كل شي مسلط على البنت
للاسف مجتمع متحجر كل شي على البنت والولد ماخذ راحته وعال العال

واعتبرها حريه شخصيه بنظري وكل واحد بحسب ميوله وشخصيته وتفكيره

هذا مجرد نقاش بسيط بما اني صاحيه من النوم هههه

كل الشكر لك موضوعك وربي بطلل

فل ويآسمين لروحك

اويلااااااااااه والله ماحد يعاني منها كثري ان البويات يدخلون مجمعات نسائيه
المشكله يقولون غلط تركيبتك غلط حتى الصوت مايساعد
وش اسوي احرق بحالي

اللي دخلني فهالمنتدى اني أحب اخذ فكره عن تفكير هالنوع من البنات لاني خايفه على بناتي وعشان اعرف كيف اتصرف وياها لو حسيت بأي مؤشر من هالنوع ~ بصراحه قمت اسمع وايد عن الشذوذ الجنسي المنتشر من بين هالجيل اقول يمكن الاهل ما عطوهن حنان او حب الظهور والشهره او في بعض البنات اللي يحسن انهن مب حلوات يصيرن بهالصوره عشان يلفتن الانتباه~


وبس

جوووج كتب:

اللي دخلني فهالمنتدى اني أحب اخذ فكره عن تفكير هالنوع من البنات لاني خايفه على بناتي وعشان اعرف كيف اتصرف وياها لو حسيت بأي مؤشر من هالنوع ~ بصراحه قمت اسمع وايد عن الشذوذ الجنسي المنتشر من بين هالجيل اقول يمكن الاهل ما عطوهن حنان او حب الظهور والشهره او في بعض البنات اللي يحسن انهن مب حلوات يصيرن بهالصوره عشان يلفتن الانتباه~


وبس

هذه من ضمن الاسباب اللي تخلي البنت تدور على البوية ...

اشكرج اختي حنين


انتي فعلا انسانه محترمه واحترم تفكيرج ~ الله يخليج لاهلج يارب ^^

جوووج كتب:

اشكرج اختي حنين


انتي فعلا انسانه محترمه واحترم تفكيرج ~ الله يخليج لاهلج يارب ^^

أمين ... تسلمين عزيزتي

اعجبــك.بس اتعببكـ(بويه كتب:

يعطيك العااااااااااااافيه على الطرح ..وعلى طريقته..الي اوضح منها مافيه...والتنح يبقى يتنح..
....والى الامام...تقبل طمرتي

الله يعاافيك ..حاولت كثر مااقدر اخلي الموضوع واضح وبسيط ..

ا واهم شي انه عجبك ..

نووورت حبيبي ..