العشق الممنوع..عن جنس مختلف لم نكن نعرفه وعرفناه مع الزمن(البويات)..

بسم الله الرحمن الرحيم

البداااااااية.....

سلكت درب وجدت نفسي جيده لم اكن اتوقع انني استطيع امسك قلمي بشكل جيد وظننت الان
اني سأكمل المشوار كان الطريق بالنسبه لي
مشوار طويل لم يتسنى لي ان اراء نهايته
بديت اولى مشواري معكم انتم
كنت امشى بطريق ظلام
النور الذي يضيئ دربي كان انتم
وبفضل الله سبحانه وتعالى وفضلكم
والان اقدم لكن مولدتي الجديده
بكل فخر افتخر بها وبكل كلمها بها
كل حرف بها هو لي
اخترتها من واقعي وخيالي
بحثت خلف الاسوار والبيوت
تعمدت ان اسلك طريق الظلام
لكي اظيئه لكم من خلال (العشـــــــــق الممنوع)
بزمن حتى معاني العشق والحب اختلفت فيه
بداءت روايتي..
ستكشف لكم روايتي معاني العشق عندما يكون ممنوع
ستكشف لكم خبايا واسرار قد تجهلونهاا
رويتي جرئيه وبقمه الجرائه
ومن خلالها سأفرق بين الجرائه والواقحه
فروايتي تصف واقع
قد انكره الكثير منا ولبس رداء الاختفاء
ليصف اننا مجتمع خالي من هذه العادات واننا مجمع مثالي ينكر مايحدث خلف اسواره
وهي بجابهم .....
وومن نسج خيال وفيها بعض حقائق الواقع..
روايتي بقمه الجراءه
ولكنــــــــــــــــــــــــــــــــــــي
اعرف الحدود بين الجرائه والوقاحه


قصه حكت منذو الصغر ~~~
بعضهـآ من الواقع وبعضهآ من أرض الخيآآل ~~~

الجـــــــــــــــــــــــــــــزء الأول

في الفسحه المدرسه الحكووميه
رنا : أسمعوو بنات بقولكم شعوري في وقت الفسحه
البنات : وش هوو شعوركـ.؟
رنا وبكل حالميهـ: في وقت الفسحه تجتــمع فيه
جميع الطالبات ومع كثر تجمعهم تزدآد رآئـحتهم
فتـفووح رآئـحتهم وتفووح حتى ان الطير أذا مر من فوقهم طآآح ميتآً <<< الله ع اللغه هههههههههههههههههه
البنآآآآآآآآآآآآآتـ : هههههههههههههههههههههههههههههههههههههههههه
رنآآآ تكمل : وأذا نظرتي للجدآآر هنآآكـ <<وتآشر لبعيد .... هنآآكـ ترين أولادآ متلثـمين يطلـطلون علينــآآ
وآذآ احدهم حااول أستنــشااق رآئـحتنآآ الي تفووح يطيح مغشى عليه ههههههههههههههههههههههه
البنات : هههههههههههههههههههه
رنـــــآآ : وبعد محآ ولات ومحآولات يفيق ذآك الشاب ويقولهم : ياعيال لا تطلون نصيحه لا تطلون هههههههههههه
البنات: ههههههههههههههههههههههههه
رولآ بدلع : يآآآآآآآآآآع قررف لوعتــي كبدي أسكت أقرفتــيني
سجى: حرآآآم عليك والله هي صاادقه <<تقصد رولآ
رشآآ وهي ترركض : رويييد رآآئـــد ألللللللللللحق بسرررعه فزعتك يالخوي فريقنآآ خسر نبي الفزعه
...{{طبعا تقصد ان فريقها خسر في لعبه كره القدم ..
وسن : الله يفشلكم فشلتوني وانا اخو وضحى خسرتوا فريقي والله منتب تكآآنه
...{{ طبعآ وسن بويآ داخليآ وخارجيآ بالمرررررررررهـ
ورااحت وسن ورشآآ لللساحه الخارجيه يلعبون
كوورهـ مع خوياتهم البويآت واللي كذآ
رنــآ: هييييييييييه استنو أبي أجي معكم وراحت
رولآ: ياربي هذولا همج احد يلعب كوورهـ بالمدرسه آآووهـ ماي قآآد مررهـ سو فااد
حننينن: من جد متى وسن هي ورشآ ورنا يعقلوون
سجى: من جد
رولآ بدلع : أسمعووني لاجت روودي
(وقالتها بدلع لأنها حبيبتــهآآ وليدي حقتهاوانتم طبعآ تعرفون سوآليف البويات) قولو لها
أبغى اكلمها في موضووع مهم فوووق أوكـي في الفصل سي سو وأشرت بيدها بدلع
سجى: صراحتا تقرفني هل البنت ماعندهاألا رودي رودي وتقولها بطريقه مقززهـ ودك ترجعين الي في بطنك
وهي ترمش بعيونها وتقلدها : لاجت رودي خلوهاترقى فووق
حنين وسجى: هههههههههههههههههههههههه
حنين:اثرك يا سجو من القهر صرتي خبرة في تقليدها..
سجى:والله مو عشانها عشان خاطر الحلو<<تقصد رودي(وسن)
حنين تتنهد:اييه الله يعين..
صفر جررس الفسسحه
في الفصل وسن وهي تمسح جبينها من العرق بالمنديل
وسن : سمعتهم يقولون تبيــني في موضوع
رولآ بدللع: بصراحه انتي مرآآ سو فاج إلا متى بتبطلين لعب القرف الي تلعبينه
وسـن : الحين مناديتني من آخر الدنيآعلى موضوع سخييف وفي النهايه وش سخفه.. كم مرآ قلت لك لاتكلميني بهذا
الأسلوب أنا ماأحب أحد يحاسبني على أي شي أسويه .... وتسوي نفسها معصببه
رولآ وهي تبوس وسن على خدها: لايكون زعلتك بيــبي أصلآ موضوعي غير
وسن وهي تسكر علبه المويه : وش هوو ....؟؟
رولآ: آآمممممم اليوم أبي اروح أنا وانتي لـلـ فن فير (ملآهي)
وسن : آآآآممممم أوكـ حلو لأن ودي أطلع وخل ننادي الشله
رولآ وهي تقااطعها: لآلآلآلآلآلآلآ نبينروح أنا وانتي لحالنا..وبدلع:وأكـــــــــــــــــي بيــبي
وسن : بس ما تحسين بيطلع طفش لحالنا ..؟
رولآ: لآ بيــبي بيصير حلو خل نصير يوم بلحالنا
وسن: خلآص أوكي
رولا تقول في نفسها:اف ياربي لازم يجون شلة البقر ذوليك عزالله ماستمتع ولا انبسطت وسن بس لي لحالي مو بكيفهم افف الله يقرفهم..
__________________________________آآ
توهآ وآصلهـ من المدرسهـ : السلآم عليكم
أمهآ وطلآل : وعليكم السلآم
وسـن: ماشاء الله وانا أقول البيت منوور آ خوي طلآل فيذآ ولا أحد قالي أجيب له باقه ورد
طلآل: هههههه لاداعي مايحتاج مررة معجباتي كثير هالايام..
وسن: اهااا بس لايكثر..
ام طلآل: آهـآآ بس سلمي ع أخوك وأرقي غيري الغذآ بنحطه بعد شوي وأبوك في الطريق
وسن بعد ما سلمت عليه رقت فوق تتغير وتنزل
ع الغدآ
أبو طلآل : هاه وانا أبوك كيف درأستك والجامعه
طلآل: الحمد لله ماشي الحال؟؟
وسـن: يالغاليه موب جاينا أحد اليوم
أم طلآل: لاء ليه وش عندك؟؟
وسن تبتسم : طيب يالغالي اليوم صديقتي بترروحون للــ فن فيير اوكي خلاص انا وافقت
أبو طلآل: أيه عادي بس من الي بيوديك ماودي تروحين مع السواق
وسن : أكييد أخوي طلول
طلآل : طلول في عينك أصغر عيالك انا ..! مااني موديك انسي الفكرة..
أبو طلآل : خلآص يا وسن طلآل بيوديك بس متى تبين تروحين .؟
وسن وهي نتآظر طلآل وتحرك حواجبها:على المغرب حول الساعة خمسة..
طلال:يبه حرام عليك توني واصل من الشرقية تبيني اودي ذي البغلة والله حراام من جد يمه تكلمي..
وسن:بغلة في عينك جعلها الفقع ان شاء الله
أبوطلال: طلال لاتجادل وش بيضرك لوديتها ترضى اختك تروح مع السواق لحالها..ماتخاف عليها..
طلال:يبه ذي هي تخوف السواق مو تخاف منه..يبه ما ابي والله انا تعبان حدي ماابي يعني ما ابي..
أم طلال:ايه والله يابو طلال حرام الود توه واصل خلها تروح مع السواق بعدين مو لحالها معها صديقتها..
وسن: خلاص المهم اني اروح لو بطيارة اهم شي اروح انا طفشانة وتعبانة ابي اروح اوكي..

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!! !!!!!!!!!!
وبعد صلاة العصر..صعدت الشغالة لتصحي وسن..
الشغالة ميري:وسن..رودي..يلا قوم يلا هزا ازان حق صلاة اعصر يلا قوم ماما قول يلا قوم(يلا يارودي قومي اذن صلاة العصر )
وسن وكلمها نوم:يووووه مو الحين يعني مو الحين يلا انقلعي ضفي وجهك عني..افففف..
الشغالة ميري:كلاس انا باقول حق ماما انتا يجي بعدين يتفاهم مع انتا(خلاص انا باقول لامك وهي تجي تتفاهم معك..)
وراحت الشغالة وقالت لام وسن وصعدت أم وسن تقومها مشان الروحة مو حرصاً على الصلاة لانهم مررة منفتحين ومتفلتين..
أم طلال:يلا رودي حبيبتي قومي يلا انتي مو رايحة للفن فير والا كيف؟؟
وسن:يووووه خلاص ما ابي اروح اففف انا حدي تعبانة وانتم تبون تطلعون اطلعوا احد ماسككم؟<<من النوم قامت تهذر وتشبك خيوط مع بعض لانها انسانة عفوا اقصد انسان يقدس النوم..
ام طلال:رودي حبيبتي الروحة لك مولنا يلا اججهزي مو انتي قايلة انك تبين تروحين مع صديقتك مع حدة صديقاتك يلا البسي..بسرعة ترى اخواتك تحت اليوم جمعتهم زي ماانتي عارفة انزلي تراهم يستنونك يلا بسرعة..
وسن:طيب طيب خلاص خلاص طيب روحي وانا الحقك..
أم طلال:عارفة حركاتك ماتمشي علي باروح باروح والحقك وانتي تلعبين علي ماراح اروح الا لما اشوفك داخلة الحمام فاهمة..
وسن:يووووه خلاص شوفي شفتي هذاني رحت للحمام..استغفرالله حالة تقرف..(ودخلت الحمام تاخذ لها دش)
أم طلال:الله يهديها(ونزلت لتحت)وهي تغسل وجهها وسن تسمع رنة جوالها الأجنبية وكلها ازعاج وضجة تحسين انك داخلة مرقص مو نغمة موبايل..
وسن ترد بصوتها المبحوح:الووو..
رولا:اهلين بيبي صحيتي حبيبي..
وسن:ايه..وراسي مرررة مصدع شكلي ماراح اروح..
رولا بعصبية:وش الي ماتروحين انا ارتب اموري وانتي تقولين لا..
وسن بنرفزة:هيه والله براحتي ودك تروحين روحي احد ماسكك ياختي ماتقدرين اني تعبان افففف ..
رولا:اسفة والله اسفة بيبي لاتزعلين من جد بس مرررة كنت متحمسة..
وسن(كسرت خاطرها):خلاص باريح شوي واكل بندول واقعد شوي عند اخواتي وامرك ونروح اوكي حبيبتي؟
رولا:صدق والله من جدك اوكي انا في انتظارك..(ونزلت وسن لتحت عند اخواتها)
وسن بطفش:السلام..أخواتها وامها:وعليكم السلام..
ام طلال: اخيرا مابغيتي تقوميني..(ووسن مطنشتهم قاعدة تشوف بيبيها وتشيك عليه وترسل مو فاضية لهم)
مدى الأخت الكبرى:هااه كيفك يارودي مع الدراسة عساك بخير؟
وسن بتسليك:ايه ايه بخير..
أم طلال:وجع وسين فكي هالجهاز وسولفي مع اخواتك بدال ماانتي قاعدة معها في ليلك ونهارك..
راح نعرفكم على اخوات وسن وعيالتها:
الاب=فيصل:تاجر معرف وكبير وحبوب مع عياله واهم وحدة عنده ويعزها ويحبها وغاليته وسن..
الام=مشاعل:ربة منزل تحب عيالهاوماعندها في البيت الا وسن وابوها لان الباقي متزوجين.
ندى:الاخت الكبرى وعندها ولدين تؤام نوف ونواف اعمارهم اربع سنين..
مدى:الاخت الي بعدها عندها بس بنت وحدة اسمها كادي وعمرها 3 سنوات وهي حامل في شهورها الاولى.
لمى:الاخت الي بعدها عندها ولد اسمه فيصل عمره شهرين..
طلال:يدرس في جامعة البترول في الشرقية وهذي السنة الي قبل الاخيرة..
واخيرا وسن:في ثاني ثنوي..وشخصيتها بويية وجمييييلة جدااا وملامحها حادة وحلوة ونعومة رغم عربجتها بس مررررة جميلة خاصة مع شعرها الكستنائي الجميل المقصوص بطريقة غريبة وبوووي وعيونها الوسااااع الرصاصية الي على ازرق من جمال عيونها كانك تشوفين جمال البحر في عيونها..
انتهى البااارت...
وش بصير مع بطلتنا وسن في الفن فير...
واذا هي بتروح والا لا؟؟
وفي احداث كثييييرة راح تصير في البارتااات الثانية ان شاء..



ان شاء الله لاشفت الردود الكثيرة ان شاء الله انزل البارت الثاني..

الفصل الرابع...

الجزء الثاني...

وفي اليوم الثاني...
قامت وراسها مصدع وتحاول تضغط عليه عشان يخف..دخلت للدورة المياة ((أكرمكم الله))
وغسلت وجهها وتوضت..وصلت صلاواتها اللي فاتت عليها..ونزلت لاهلها..
ابو خليل: السلام عليكم..
الكل:وعليكم السلام..
عمر:غريبة تسلم..
ابو خليل سافهته: يمه يمه ..
ام خالد:نعم..
ابو خليل:راسي مصدع بقووووووة..
ام خالد:اسم الله عليك..مرياتي مرياتي جيبي بندول واكل ...>>ورن جوال ابو خليل..
ابو خليل وتصمته:اوووووووف يا ربيه ذي ماتتطفش..
انس:من هي..
ابوخليل:مالك دخل..<<وجامت الخادمة لها الاكل والبندول وعى طول كلت البندول..
ام خالد:حبيبتي ما يصلح تاكلين البندول وانتي ما كليتي قبلها شيء انا ما قلت لها تسوي لك اكل عشان ماتاكلينها..
ابو خليل:يمه مالي نفس..
ام خالد:معليش كلي لو شوي...
ابو خليل كانت تاكل بصمت...وتسمع نقاش ابوها وامها عن شركاته ومداخلات انس اخوها وعمر اللي كل شي يضحك من البرودكاسات حقاته..تذكرت صديقاتها اللي برياض اللي لها سنة بجدة اشتاقت لهم حيل وقررت انه المرة ودها ترجع وتسكن مع اخوها او اختها بس تحاول تفكر كيف توصل وتخبر وتطرح الفكرة هاذي لاهلها...
ابوخليل: يبه..
ابوخالد: هلا..
ابو خليل:يبه انا طفشت من جدة..وابي ارجع الرياض ...
عمر ويتدخل:فيه احد يطفش من جدة ويروح لرياض والله انك موب صاحي..ا ا ا اقصد صاحية...
ابو خليل: انت مالك دخل..يبه من جد ابي ارجع الرياض خلاص ما عاد لي صبر اجلس اكثر هنا ابي الرياض ابي صديقاتي وقريباتي واهلي وحبايبي كلهم هناك مليت من هناا مررررة..
ابوخالد:معليش انا والله جاي لهنا عشان شغلي..ما اقدر ممكن نروح في الاجازات بس نعيش صعبة...
ابوخليل: لا انا فكرت اني اروح لبيت اخوي والا اختي والا وحدة من صديقاتي وقعد هناك...
ابوخالد: لا صعبة مافي حل اسهل..
انس يتدخل: سهلة تبادولوا يبه انت واخوي خالد هو يمسك اللي بجدة وانت اللي برياض صح والا لا؟؟
ابوخليل:الا والله يبه فكرة حلوة واول مرة يا انسوه تفكر صح...
ابوخالد: حل كويس وسهل بس نشوف نشوف..
ابوخليل:حاول هاه يبه حاول طيب...
ابوخالد: خلاص بنشوف..
ابوخليل رقت فوق وجلست تكلم وحدة من البنات اللي تلعب عليهم<<لانها زين نظام العيال بس على أنظف ^ _*..

وبعد مرور اسبوع كامل دون زيارة لصديقتنا وسن بسبب رفض صديقاتها يجون لها وهو محد جاها من الأساس فتفقوا أن من الاساس مايجونها لأنهم مخططين حفلة لها في شاليهم ومن هذا المنطلق الكل يخطط ويتحمس ويرتب حتى لينا لان قوت علاقتها معهم وحبوها لانها لطيفة اما رولا اللي رفضت هذا وسوت نفسها زعلانة بسبب وسن خلال الأسبوع أو من خروجها من المستشفى ما فكرت تتصل عليها لأنها نستها تماما...ويستمر هذا خلال الأسبوع ولما وصلنا ليوم الأربعاء اليوم المفضل عند كل الطلبة ^_^ بينما وسن اللي مافرقت معها لأنها ما داومت خلال هذا الأسبوع..
وفي صالة الفيلا...
أم طلال: رودي وسن..
وسن اللي قاعدة على البيبي وماركزت معها:هاه..
ام طلال: انتبهي لي وركزي معي وخلي هذا الخبيث عنك..<<((الكلمة هاذي مستخلصة من الوالدة ^_* lol))
وسن: وش خبيثه..خلاص هاه تركناه..>>وتحطه جنبها..
ام طلال: اليوم بيجون خوالك وخالاتك اوكي الحين ارقي فوق وجهزي نفسك وارتاحي واذا جوعانة كلي أي شي وخلي عنك البلاك بيري فاهمة...وانا باروح ازين اشياء واجي فكذا لوسمحتي على العصر كذا كوني جاهزة لهم والبسي لهم فستان وحركات مايحتاج هاذي البناطليل اللي مال امها داعي طيب واليوم بيتغدون اخواتك معهم..
وسن تهز رأسها بانصياع عفوا تسليك:طيب..طيب..طيب بيجون هم ورجالهم والا لا؟؟؟
ام طلال: لاماراح يجون ازواجهم بعدين انا مفكرة اعزمهم لما يطلع ابوك اقصد يعني بعدين الحين روحي ارقي وخلصينا وانا باطلع شوي واجي افتحي الباب لهم اخاف وحدة منهم ماجابت المفاتيح حقتها اوكي..
وسن ومستمرة:اوكي... طيب..يلا شوفيني هذاني رقيت...>>ورقت فوق..
وفتحت دولابها وجلست تناظر فيه لها ساعة معقولة ما عندها فستان ولا حتى تنورة حتى لو قصيرة مافيا دنى شيء انثوي يدل ان هذا دولاب انثى...وطلعت لها قميص اكمامه طويلة لتغطي اثار الضربات اللي لازلت بعضها معلمة وبنطول سكيني بس موب طيحني احتراما لناس اللي بتجيها...
وسن:والله ها اللي طلعناه عجبهم والا ما عجبهم براحتي...<<وراحت شغلت البلاي ستيشن وقام تلعب اسمع ذاك الصراخ تحس انه يحترق البيت او فيها شيء موب حماس..<<وبعد فترة من اللعب لها..تسمع طق الباب وراحت وطفت الاستريو بريموت حقه وفتحت الباب..
لمى وتدخل وبيدها فيصل ولدها الصغير:السلام عليكم..هااو وش فيك احسب فيك شي من صراخك...
وسن:وعليك السلام لا مافيني شي <<وتقرب من فيصل وتبوسه على جبينه:واااه والله يافصول كل مالك وتحلى بعيني ...
>>طبعا ما تتجرأ تشيله لانها ماتعرف أي طريقة الصحيحة لحمله لانه في الشهرين الاولى من حياته ومايحتاج تفتك فيه ومالها اصلا تعامل مع المبزرة بس تلعب فيه وهم في احضان امهم<<والله من الطفاقة...((الله يستر على بناتنا))
لمى:واااااو ماشاء الله على البركة الغرفة وش ذا ماشاء الله ليكون انتي مزينتها ؟؟؟
وسن:ايه يعني واذا مازينتها مين بزينها والا شاكة فيني..
لمى: لا بس شكلها هاذي بداية الخير اقصد بداية الانوثة...
وسن: لا ارتاحي دام فيها انوثة موب انا اللي مسويها طلال..
لمى:والله اني حاسة انه هو والا امي بس انتي مافي امل ...
وسن:نعم وليه مايكون فيه امل ان شاء الله..يا اخت خكا..
لمى:استحي على وجهك اجل في بنت تلبس شورت وليته شورت نسائي ماقلنا شي شورت رجالي ولا تلعب بلاي ستيشن ويسمعون صراخها كل الحارة ومشغلة الاستريو بعد على اصوات نشاز والا صراخ موب غنا وتقولين ليه مافيا مل بعد بعدين للامانة متى اخر مرة ناظرتي نفسك بالمراية شوفي كيف شعرك والا لبسك ترى انتي مهما حاولتي غصب عنك بتصير انثى لان هذا اللي انولدتي عليه..شوفي انا ماراح اقلبها محاضرة عليك المهم وش بتلبسين اليوم ؟؟؟>>تروح تضربها ضربه خفيفة على كتفها:وبعدين عيب عليك تقولين عني خكا..انا اختك الكبيرة...
وسن:خلصتي كلامك..
لمى:يعني<<لانها خافت من نظرات اختها...ويقالها بتسوي لها شخصية..
وسن:يلا يلا ضفي ولدك واطلعي برى من غير مطرود ولا اشوفك مقبلة علي نهائيا اوكي وبعدين ليكون انتي ولي امري وانا ماادري والا امي وخلفتيني ونسيتني هاه بعد هذا الناقص...
لمى:والله من القلة الادب احترميني شوي ترى انا اختك الكبيرة...
وسن:تراك ذليتينا على انك اختي الكبيرة يعني مافيه في الدنيا غيرك انتي الكبيرة والله ليتني انا والله اعلمك كيف الكبيرة تصير..
لمى:هههاي راحت عليك<<<طبعا ضحكة مصطنعة..
وسن:ياربيييه من جد لمى انتي شاربه شي وانا ما ادري والا شاربه شي في بيتك..
لمى فهت:لا والله ماشربت غير عصير ولا بعد طبيعي>>طبعا هي من النوع بطيء الاستيعاب..
وسن:ياربيييييه انتي وش فيك امزح معها تتكلم بجد انتي فيك شي والا مافي شي لانك موب طبيعية..
لمى قامت ترمش بعيونها:خلاص باطلع بكرامتي لاني مافهمت انتي وش تبين مني بالضبط...
وسن:والله انتي طول عمرك ماراح تفهمين...>>وطلعت لمى..على قولتها بكرامتها...((ترا اغلب الحوار هذا عادي موب طقاق هذا زي المزح عند الاخوات يعني لاتحسبون بطلتنا ماتحب اخواتها))
وراح لمى تنزل الدرج وتهوجس تحاول تفكر وش كانت تقوله وسن لها...وصادفت طلال بطريقها..
طلال: اوووه لمى موجودة اهلين السلام عليكم..
لمى لارد تفكر..
طلال:هوووه هوووه شوفي هنا انتبهي لاتحطين لمممممممى...
لمى ارتاعت:يمه فزعتني وش فيك تصارخ..
طلال:والله انا لي ساعة اكلمك بس انتي اللي ما ادري وش فيك بالضبط...انا اقول السلام عليكم..
لمى:وانا ارد عليك وعليك السلام..
طلال:وريني وريني حبيب خاله فصول وه وه يا زينه>>وشاله ووقام يبوس فيه ويلعب فيه..
لمى:ايييه طلال يعطيك العافية..
طلال:على ايش؟؟
لمى:على تغير غرفة وسن واخيرا صارت غرفة قابلة للعيش فيها..
طلال:ههههههههههههههههههههه الله يقطع سواليفك...
لمى:من جد اول كانت تضيق الصدر الحين يالله تفتح النفس...<<,قاموا ينزلون تحت وهم يسولفون..
آذان العصر....
وفي الصالة الفيلا..والكل مجتمع من الاخوات...
ام طلال: لمى قلتي لاختك بالبيبي تنزل وتلبس تستقبل الناس...
لمى:ايواه ماما...
وبعد فترة بدأ الناس يجون فوج بعد فوج..<<حلوة فوج بعد فوج...^_^
ومرت الجمعة على خير وفي النهاية...وسن كانت تتمشى في الحديقة مع بنت خالتها المقربة لها...
بشرى: ايه وش صار معها....
وسن:وبس هذا اللي صار..>>وفي الطريق صادفهم ولد خالتها فيصل اخو بشرى بنت خالتها...
فيصل:هاااي بنوتات لا اقصد بنت ونصف بنت والله كلكم انصاف بنات...
وسن:يا مصليييي محد قالك انك ظرييييييف...
بشرى:من جد..
فيصل:افاااا ليكون زعلتوا...
وسن:فصييييييييييييييل حل عنا...
فيصل:احل عنك وين الامتحان...
بشرى:ياربيييه انت مررررة تافهه...
فيصل:افااااا معليش تحملي...
وسن:يعععع طفش>>وراحت عنهم...
فيصل يلحق وسن:هيه وسن رودي ليكون زعلتي معليش انا اسف تعالي...
وسن:ابعدي عني يا اخي ...
بشرى:من جد مصالة معليش يا اخوي الماصل....>>ودخلوا جوا...وشافهم طلال معصبين...
طلال:هاااو وش فيكم...
فيصل من وراهم يضحك:هيه انتم تعالوا يا انصاف البنات ههههههههههههههههههههههههههه....
طلال:هههههههههههه وش انصاف بنااات لهم؟؟
فيصل:ايه هههههههههههههههههههههههههههههه......
طلال:هههههههههههههههههههههههه والله انها جامدةهههههههههههههههههههه...
فيصل:ههههه رفعت ههههه ضغطهم ههههههههههه....
طلال:ههههه ليه وش سويت...
>>>ومرت الجمعة ضحك وسوالف وطقاق....

انتهى الجزء الثاني من الفصل الرابع.....
انتهى الفصل الرابع ....
انتظروني ان شاء الله في الفصل الخامس...
قراءة ممتعة...

الفصل الســـادس...

الجزء الاول...


وأخيرا فتح باب قصر الرياض بعد سنتين ونصف..
جميع العايلة دخلت وكانت ريحة بخور مالية المكان والكل يناظر بشوق وحنين للمكان هذا يناظر الكنبة اللي كان يجلس عليها وهذي تشوف المكتب اللي كانت تدرس فيه وهذا يشوف طاولة التلفزيون اللي ياما لعب في بلاي ستيشن وهذي تناظر السرير اللي كانت تنام عليه وتشكي له همومها والام تناظر غرفة الجلوس اللي استقبلت فيها كثير من الاهل والاقارب والاحباب والاب يشوف المكتب اللي كان يشتغل ليله ونهاره عشان يجيب لهم لقمة عيشهم وبدأ يشتغل شريط الذكريات عند عايلة ابو خالد الكل كان ساكت ويتأمل بنظرات اشتياق وحنين للمكان اللي آلفهم وقربهم لبعض جمعهم كعايلة آآه حلوة الذكريات لما تكون فيها لذة ومتعة مو مؤلمة..وقطع عليها شريط ذكرياتهم دخول الاخ الكبير خالد وزوجته...
خالد(ابو فارس):هلا والله السلام عليكم نورتوا بيتكم ما بغتوا تجون حياك البيت بيتكم الحمدالله على سلامتك..
ام فارس اللي دخلت بحجابها:نورتوا الحمدالله على سلامتك تفضلوا ارتاحوا والغداء جاهز باقول للخدم يقلطونه..
>>وراحوا يسلمون عليهم بأحضان وعناق والقبل الدافئة المشتاقة...
خالد:هنود منهد..فارس ,,,جنو انزلوا يلا سلموا على بابا عود يلا انزلوا وصل بسرعة...
واستقبلهم الجد ابو خالد باحضان اشتاق لاحفاده وكذلك ام خالد والابناء اعمامهم...
ومر الوقت وتغدوا واستمتعوا وسوالف وضحك الى اذان العصر ثما الكل رقى فوق يرتاح بينما ابو فارس(خالد)وام فارس راحوا لمنزلهم يرتبون وضعهم لانهم راح يتقلون زي اتفقوا...
كان البيت هادي الكل نايم تعبان مرهق ماعدا شخص..
ابو خليل ارسلت مسج لحنوي تعلمها بوصولها للرياض وبادرتها حنوي بارسال رسالة تتحمد فيها على سلامتها...
وفي اذان المغرب نزلت ولقت الكل كاشخ وجاهز..
ام خالد:هااااو ريما ليه ما لبستي؟؟
ابو خليل باستغراب:ليه وين بنروح؟؟
ديما:بنروح لخوالي لانهم عازمينا على العشاء بمناسبة وصولنا..
ابو خليل: لا انا ماراح اروح معكم..
ام خالد بصرامة:ليه ان شاء الله..
ابو خليل: لاني ما ابي اروح لهم اليوم اليوم ودي اشوف صاحباتي بكرة اروح لهم..
ام خالد بنفس النبرة: لا بتروحين معنا لان بكرة عمانك عازمينا بعد ما يمديك فاهمة وبعدين صديقاتي لاحقه عليهم..
ابو خليل: وخوالي بعد لاحقه عليهم..
ام خالد: ريما مالهم داعي الاستهبال الحين فاهمة يلا روحي البسي وتعوذي من ابليس..
ابو خليل: انا ما استهبل انا اتكلم من جدي..
ديما قطعت حدة النقاش بانها سحبت ابو خليل لغرفتها:يمه باكلم ريما ثما نتفاهم..
ام خالد فهمت على بنتها انها بتقنعها:عجلوا بس..
ديما: ان شاء الله..>ودخلت غرفة ابو خليل..
ديما:رنرن حبيبتي ماله داعي العناد وروحي معنا لان من جد اول ماتوصلين تروحين لصديقاتك اصلا من المنطق ان غلط وتصرف غير مقبول معليش مو سفرك يوم يومين اسبوع بالاكثر عشان نقول عادي لا حبيبتي سنتين يعني الاولى خوالك واقاربك واللي مافيه خير لاهله مافيه خير لناس وبعدين من جد مماله داعي اصلا معليش وش نظرتهم لك بقولون ما امداها توصل الا جتنا على طول استني شوي وضبطوا روحة كويسة ...
ابو خليل: اول شي يا انسة منشن لا تناديني برنرن فاهمة ثاني شي عادي وش فيها لا تجين وتقولين ماله داعي وما ادري كيف...
وبعد اقناع وافقت الاخت رنرن (ابو خليل) على انها تروح لخوالها من الانسة منشن >>على قولتها *- ^

وعند حنين...
حنين جالسة في غرفتها وتتصل على رودي:يا رب ترد يارب..>> وبعد رنات متواصلة واخيرا ردت...
وسن بصوت مليان نوم:الوو مين؟؟
حنين: انا حنوي يا فاشل اخلص بسرعة بسرعة صحصح عندي لك خبر مليون..
وسن:حنين هااه وش تبين؟؟
حنين:اول قوم وغسل وجهك ثما نتفاهم..
وسن:افففففففففففف طيب..>>>وقامت تغسل وجهها وبعد دقايق رجعت..
وسن:هاه يا مزعججة وش تبين؟؟
حنين: ها هانا الحين صرت مزعجة لو دريت عن الخبر كان جيت وبست راسي من الوناسة..المهم ما علينا بس وش حلاوة البشارة؟؟
وسن:زي ما قلتي بوسة على راسك وش تبين اكثر من كذا..المهم وش الخبر...
حنين:افففف يا بردك المهم شفت اللي يتصل علي من فترة ومزعجني رديت عليه امس توقع من هو؟؟
وسن:ولد عمك اللي بامريكا بنت خالتك اللي بكندا...
حنين: لا ولا واحد من هم...هي في السعودية بنت ارتاحي وبعد بجدة ابو خليل يا حمار..
وسن بصدمة:ابو خلـــــــــــــيل...
حنين بفرح: والله والله واخيرا جت ما بغت ..
ودام صمت...
حنين: رودي وش فيك؟؟
وسن:وش جابها؟؟
حنين بصدمة من رد وسن:هاه وش قصدك اكيد جاية لنا تستهبل وش ذا السؤال؟؟
وسن رجع لها شريط الذكريات..
في المتوسطة وفي المدرسة واخر ايام الامتحانات النهائية واخر الدوام..
ابو خليل:سوني ترى من جد لا تزعلين والله مو بيدي شي انتي عارفة هذا شي شغل ابوي ما اقدر اسوي أي شي؟؟
وسن وكانت تصيح: ريمو امانة لا تروحين وتخليني انا من دونك ما اسوي شي..
ابوخليل وخانقتها العبرة: وانا بعد حبيبتي امانة لا يضيق صدرك ماراح اقطعكم ابد..
وسن ما كان عندها وسيلة غير انها ضمتها وبكت في حضنها...
قطع تفكير وسن صوت حنين...
حنين: رودي وش فيك؟؟
وسن بصوت مبحوح وببرود:حياها الله...
حنين استغربت من كلام وسن توقعتها تفرح او أي شي بس للاسف خاب ضنها انها ماتفاعلت ولا سوت شي كانت زي الصخر معقولة صديقتها اللي مررررة اللي زي روحها تقول ببرودة كذا وتسال بعد كل هالسنين وش جابها كانت مصدومة حنين من ردت فعل وسن وقال بصدمة وصرامة: وسن انتي فرحانة بجيتها والا لا؟؟
وسن ببرود:ايه عادي..
زادت صدمة حنين بس حاولت تسوي نفسها مو مصدومة من كلام وسن : طيب رودي هاه وش رايك نسوي لها حفلة في شاليه؟؟
وسن:براحتكم..
حنين: خلاص اوكي باشوف البنات ونتفق على يوم اوكي يلا باي..
وسن:باي...
وسكرت منها وسن جلست تفكر وتسترجع الذكريات...

وبعد مرور يوم...
وفي الشاليه..
الكل كان مستني هاذي اللحظة بشغف وتوتر حتى وسن بس ما بينت واما لينا اللي كانت مستغربة بس نفذت ماقالوا لها وحبت تشاركهم فرحتهم..
وليد بطفش:اقوووول اتصلتي عليه والا لا ؟؟
حنين بتوتر:ايه اتصلت وقال الحين واصل عندنا بس ما ادري ليه تأخر ياربي ليكون صار له شي..
*تتوقعون حصل شي لصاحبنا ابو خليل والا لا؟؟
*وهل بيخذل حنين ويسحب عليها؟؟
*ووشعور وسن لما تشوفه؟؟
*وش سر التبلد اللي في وسن رغم انها صديقة الصدوقة؟؟
*وش راي لينا باابو خليل لما تشوفه؟؟
كل هذه الاحداث راح تعرفون اجاباتها في الجزء الثاني بإذن الله..
انتهى الجزء الاول من الفصل السادس....
انتظروني ان شاء الله في االجزء الثاني...

الفصل الســـادس...

الجزء الثاني...


رن جرس الشاليه..وراحت حنين بتوتر لباب...
حنين:مين؟؟
أبوخليل:أنا أبوخليل..
حنين وشهقت:وااااااااااااااااااااااااااااااااااااااااااا ااااااااو...>>وفتحت الباب واول ما افتحت ضمتها بقوة وتعلقت فيها..
الكل كان يصفق ويصارخ:واااااااااااااااااااااااااااااااااااو...الك ل راح يسلم عليها بشوق ويحضنها الا شخص واحد وسن سلمت عليها ببرود الكل كان مصدوم منها لان الكل سلم عليها بحضن والخخخ وهي سلمت يد بيد وحتى بدون ما تقرب منها..
وليد:رناوي وش فيه صاحبنا غريبة انا مو مرة مع ابوخليل وسلمت عليه سلام محترم وهو سلم ولا كأنه يعرفه؟؟
رنا:ايه والله انقهرت حتى لو تشوف وجهه ابوخليل كيف مرتاع ومصدوم منه يوم جاء بيقرب منه الا يبعده حراام وش اللي غيره معقولة رويد التؤام لابوخليل يسلم ببرود من جد انا منصدمة منه..
ومر البارتي بيضحك ووناسة وتهدية جو المتوتر بين وسن وابوخليل ..
وطلعت وسن من الشاليه وجلست قدام المسبح على كراسي حقت المسابح ومدت رجولها وركبت سماعات الايبود وغمضت عيونها رغم الشاليه بينفجر من الاستريو...وشافتها ابوخليل وراحت لعندها..وجلست جنبها على الكرسي الثاني..
وقامت تتنحنح وتتبحبح عشان تحس فيها وسن بس ما حست..وقامت من مكانها وجلست على طرف الكرسي حق وسن وجلست تتامل وجهه وسن الشاحب الهادي المايل للتعب عكس اول المليان فرحة ومشرق تغيرت الدنيا وتغيرت الوجيه..
حست فيها وسن وحاولت ماتفتح عينها عشان ماتشوف منهي مع انها عارفة انها من ريحة عطرها المفضل (قوتتشي) خذت السماعات ابوخليل من أذان وسن وركبت وجلست تسمع اللي تسمعه وفتحت عيونها وسن وناظرت ابوخليل لاول مررة بعد سنتين تناظرها عن قرب وجلست تتاملها... ابوخليل جلست تغني مع الاغنية المفضلة لوسن ولها...
ابوخليل اللي لازلت مغمضة عيونها لانها ماتبي تشوف نظرة العتاب اللي في عيون وسن: رودي..
وسن دخلت في الجو ولا حست بنفسها وردت بصوت هادي:هلا..
ابوخليل:وحشتني..
وسن جلست تتامل في اوخليل دون ماترد..ابوخليل فتحت عيونها وطاحت عينها بعين وسن وجلسوا يتاملون بعض لفترة قصيرة..
وسن بنبرة عتاب:صعبة وربي صعبة نرجع زي اول لان اللي ينكسر صعب نرجعه...
ابوخليل:صدقيني انا ماحاولت اكسر قلبك ولا حطمه انا ماني حقير لهدرجة صدقيني صعب علي بعد انا وقتها صغير مالي كلمة مسموعة زي الحين..
وسن بصوت مخنوق:اقلها شي سـ ـ ـ....>>وما كلمت لان ابو خليل قطعتها...
ابوخليل: لاتظلميني وانتي ماعرفتي وش اللي صار...
وسن ومتعبرة ورفعت صوتها:انا اللي شهرين بعذاب عارفة والا لا وحدة مشكوك بشرفها الى الان في عذاب مستمر ما حاولتي حتى ترفعين السماعة وتعرفين احوالي مو انا تؤام روحك مو تؤام يحسون بعض والا انا بلعنة..>>وقامت وخذت منها الايبود وقالت: اللي ينكسر مستحيل يترجع فاهمة..>>وصرخت في اخر كلمات... وفي هاذي اللحظة دخل وليد عليهم بصدفة..
وليد مستغرب من نبرة وسن ومرتاع: وش فيكم؟؟
وسن بصوت خشن وغريب:مافي شيء..
راح وليد للكرسي اللي لازال ابوخليل جالسه عليه وجلس جنبه..
وليد:ابوخليل لا تتضايق معليش رودي هالايام مرررة متضايق ونفسيته زفت...
ابوخليل بصوت مبوح: لا عادي من حقه..>>وتنهدت..
وليد تضايق من السالفة وبصوت حزين:ابوخليل الله يخليك لا تتضايق صدقني في اشياء كثيرة حصلت في غيابك اثرت على رودي ونفسيته المهم يلا خلنا ندخل البارتي ونستهبل..
ابوخليل سوا نفسه ما اهتم وهي بنفسه يتألم مليون مرة وابتسم بالغصب:يلا يابو خلنا نرقص ونستهبل يلا اتحداك تغلبني في الرقص..
وليد فرح كثير ان ابوخليل ابتسم رغم انه عارف انه كمان هو بعد منجرح بس حب يسلك له وويوسع صدره وقال بنبرة تحدي:يلا نشوف..
ودخلوا جوا وابوخليل يحاول انه يسلك تصرفات وسن وكان منقهر من لينا اللي خذت قلب وسن في اسبوع او شهر اما لينا كانت منصدمة من نظرات وليد الغريبة اللي موترتها اما حنين اللي كانت مبسوطة مرررة برجوع ابوخليل..
باقول كل وحدة ومشاعرها....
×ابوخليل×
آآآه يا القهر لما تشوف وحدة تتدلع وتتميصل على صاحبك وما تقدر تقول أي شي لانه شايل عليك يالله اليوم كنت مكتووم مرررة كان نفسي اطلع باي طريقة بس للاسف ما قدرت كنت متوقع اشياء كويسة بتصير حلوة لما اشوف اصحابي بس صار العكس تحطمت مررة وانخذلت بس ان شاء الله الجاي احسن وباحاول مع رودي لازم تفهم وضعي وراح اشوف وش قصة ذي لينا اللي طلعت لنا فجأة..
×وسن×
كنت مرررة منقهر ومنجرح من ابوخليل مع اني كنت مرررة مشتاقة له كان نفسي يسوي لي زي كل مرة يلعب بشعري ويستهبل ويحاول ينرفزني بس ما حاول ولا سوا شي بس الحمدالله اللي خفف علي وجود ليون رغم انها لا اجتمعنا مع بعض تتوتر غريبة مع انها لما اكون انا وهي تتكون عادي بس الى الان ما عرفت سر توترها هذا؟؟
×لينا×
يالله ما بغى يعدي اليوم اكره من جد لما نجتمع وخاصة لما يكون وليد موجود أتوتر من نظراته الغريبة لي يخليني ما اقدر اتكلم مع أي شخص بسهولة اففف نفسي اعرف ليه يناظرني كذا وش السر بالضبط لازم اتفاهم معه واعرف وش قصته بس بدون ما ابين له اني متوترة بس كيف؟؟
×وليد×
قمة المتعة انك تناظر شخص يتوتر منك اللي يعجبني بلينا انها جميلة مرررة وواثقة من نفسها الى درجة الكبرياء وانا احب اكسر خشوم البنات ما احب احد يرفع خشمه علي وفي اشياء واسرار ثانية بس احتفظ فيها لنفسي ان شاء الله بعدين تعرفونها...
×حنين×
وااااااو اليوم كنت مبسوطة ما كنت اقدر اصدق اللي اشوفه كنت مررررة فرحانة بوجود ابوخليل يا لبييييييييييييييه والي وسع اللي صدري انه خبرني انه بيكمل في مدرستنا مما زادني حماس ووناسة ومتعة واكشن بس اللي استغربته اليوم تصرفات رودي مررررررة تقهر وتنرفز الله يمكن انها لازالت متأثرة من اللي صار لها...
وفي الشاليه طلع وليد برا الشاليه يتمشى ويكلم بتلفونه وحس بشخص من وراه ولما لف لقى لينا وراه هي خافت وهو كمان خاف لانه استغرب منها وهي كانت خايفة لما لف عليها فجأة كذا وطاحت عينها بعينه لانها كانت تفكر بطريقة تحاول تشوف قصة وليد بس حاولت تسوي نفسها واثقة شوي وردت..
لينا بدلع مصطنع عشان تقهر وليد: يا ماماي فزعتني..
وليد بس يخقق وفيه نبرة التحدي: ياروح الماما فزعتك>>وقرب منها ومسك كتوفها وارتعشت هنا لينا..
وليد مستغرب: وش فيك؟؟
لينا اللي كانت خاقة شوي مع صوت وليد المبحوح اللي فيه نبرة خالتها توتر واللي زادها مسكت وليد لها: مافيني شي>>وشالت يدين وليد من كتوفها.. بس ما احب احد يلمسني..
وليد لس يناظر لينا وسرح في عيونها وهي كانت متوترة من نظراتها وجلست ترفع عيونها وتنزلها...
لينا بتوتر:وش فيك تناظرني كذا؟؟
وليد كان سرحااان ولا رد...
لينا:وليد وليد هيه يا هو هانت >>وصارت تاشر له الى ماضربته على خده بشويش وفي هاذي اللحظة مسك يدها وليد وفتحها وباس يدها...
وليد: ولا شي..>>وراح..
لينا اللي كانت منصدمة منه: وليد خير وش تحس فيه >>ولحقته وصارت تناديه..
وليد لف عليها وقال بصوت مخنوق: قلت لك يا لوجي مافيني شي...
لينا اللي انصدمت من الاسم:لوجي مين لوجي انا اسمي لينا...
وليد توتر:اللي هو لوجي لينا قريح اللي هو ما يهم I don't care((انا ما يهمني))
لينا كانت تبي تعرف وش سالفة ذي وش لوجي بس حاولت تماطل معه:لوسمحت يا اللي مالك اسم((كانت حابة تقهره))واللي مو قادر يحفظ اسمي من كثر اللي لاعب عليهم لا تعيد الحركة ...
وليد مسك يد لينا وجرها له وقربها له وباسها على خدها:ولا يهمك...>>ودخل جوا الشاليه..
لينا اللي ظلت واقفة في مكانها مصدومة من حركته وصارت ترمش وترمش كانت تحسبه حلم بس خانها ظنها واللي كانت فيه تو حقيقة وحطت يدها على مكان البوسة وجلست تحاول تستوعب وقطع عليها صوت وسن يناديها..
وسن:وينك لينو ادورك عليك ما لقيتك وين كنتي...
لينا ماردت من الصدمة...
وسن:لينا لينا انتي معي...
لينا:هااه وش كنت تقول؟؟
وسن: لا انتي اليوم مو طبيعية كنت اقول وين كنتي فيه؟؟
لينا:هنا انا هنا ليه وش كنتي تبين؟؟
وسن استغربت من لينا وسرحانها وردها:كنت ابغى اقولك خلينا ندخل وننبسط...
لينا تنهدت:طيب يلا...
وسن:لينو حبيبتي فيك شي؟؟
لينا:لا مافيني شي..>>وسن حطت يدها خصر لينا وقربتها لها ولكن لينا ابعدت يد وسن ووسن استغربت من لينا اللي كانت عادي تسوي لها ذا الحركة وش معنا الحين ما بغت بس سلكت عشان تعرف نهايتها وش بالضبط..
ودخلوا جوا الشاليه ...
ووجلست لينا تدور بعيونها وليد بس للاسف خاب ظنها مالقته وفجأة دخل وجلس على الكنبة المقابلة لكنبتها وكان باين عليه انه فيه شي لان دخل متضايق مررررة ومتغير وجهه وبالعادة عيونه ماتنزل من لينا بس هالمرة كان منزل راسه ويلعب بجواله ويضغط عليه بقوة كأنه بيكسره...لينا حبت تعرف سر وليد رغم انها منقهرة من حركته بس كانت مستغربة فحاولت تعرف عن طريق وسن اللي كانت لاهية شوي..
لينا:وسن رودي..
وسن لفت عليها:عيونه..
لينا:اممم وش فيه وليد؟؟
وسن راحت تناظر وليد:وليد وينه ايه والله ما ادري وش فيه بس باروح اشوف وش فيه..
لينا:اوكي...
راحت وسن لوليد ومسكت يده ودخلت جوا الغرفة وسكرت الباب...
وليد: وش فيه؟؟
وسن:ابي اكلمك شوي اجلس على السرير..>>جلس وليد..
وليد: يلا قول وش فيه؟؟
وسن:انا اللي ابي اسلك وش فيك؟؟
وليد: اذا على السؤال انا اللي نفسي اسأل كانت اللي وش فيك؟؟
وسن:لا تصرف انا سالتك رد علي لا تصرف..
وليد:ليه وش فيني بالضبط شايف شي غلط علي؟
وسن:لا بس اشوفك متضايق..
وليد:لا متضايق ولا هم يحزنون مافيني الا العافية..يلا جاء دوري اسالك وش فيك...
وسن:لا جاوبت علي زي الناس جاوبت عليك..
وليد:وربي جاوبت عنك ماصدقت يا شيخ...
وسن:خلاص خلاص لا تتنرفز امش نطلع برا...
وليد:لا مالي نفس باجلس شوي هنا...
وسن ماحبت تضغط عليه:اوكي براحتك...>>وطلعت ولقت لينا باستقبالها..
لينا بحماس وتوتر:هاه وش صارر فيه؟؟
وسن:مافيه شي غريبة وش عندك متحمسة له..
لينا بتوتر خافت وسن تشك:لا ماني متحمسة ولا شي بس ماراح يطلع من الغرفة ابغى اعدل مكياجي واكلم بالتلفون..
وسن:لا بيقعد شوي عادي ادخلي وزيني شغلك مالك دخل فيه..
لينا:اوكي..>>ودخل الغرفة لقتها ظلام مرررة ولعت اللمبة على اساس مسوية نفسها ماتعرف وجلست تسوي نفسها تكلم بالتلفون..
لينا:ايوا يارا حبيبتي ارسلي لي الحين اوكي يلا باي...>>وراحت للمرآية وجلست تناظر نفسها ولفت وسوت نفسها مصدومة..
لينا:اوه معليش ماشفتك ....>>وليد مارد عليها لان كان منسدح على السرير ومعطيها ظهره ولاف وجهه على الجدار ومغطي جسمه كله باللحاف ولا باين مين هو بالضبط..
لينا قربت منه وحاولت تعرف وش فيه وسوت نفسها كانها ماتعرف مين هو...
لينا بحنان:مين انتي تعبانة تبين شيء...>>وصارت تهز جسمه بشويش..
وليد بصوت مبحوح وتعبان ومتقطع:ليـ ـ ـنـا افتحـ ـي الدرــج كحكحكحكحكحكحكح>>واستمرت كحة مستمرة غير منقطعة ولينا تهز فيه مرتاعة...
لينا:وليد وش فيك وليد وليد رد علي طيب فتحت الدرج وش تبي منه؟؟
وليد:طلعـــ ـ ـ ي الحبــ ـ ـ وبـ كحك حالـ ـ ـ ي فيـهـ بـ ـ ـ سرعة كح كح كحكحككحكحكح...
لينا:طيب طيب>>وفتحت الدرج وصارت تدور بخوف ولقت علبة صغير فيها حبوب بيضاء وطلعتها..
لينا تأشر على الحبوب:هاذي والا وحدة ثانية..
وليد:آآه الا هي حككحكح...>وليد خذا منها الحبوب وطلع الحبة الصغيرة وبلعها بسرعة وبعد فترة بسيطة هدت كحة وليد وغفت وقالت بصوت مبحوح وتعبان:خلاص شكرا لينا بلييز اطلعي وطفي النور وخلي اللي صار بينا سر ما احد يدري عنه اوكي بذمتك هذا الشي...
لينا اللي منصدمة:هاااه طيب اوكي..>>وطلعت ونفذت كلام وليد دون أي تردد...

*وش سبب هاذي الحكة اللي في وليد وسر هاذي الحبوب وهل هاذي حالة مس؟؟
* وش السبب الي خلا وليد يطلب من لينا ماتخبر أي احد؟؟
* وهل هاذي حالة مستمرة عليه؟؟
*ووش اخر التغيرات اللي بتحصل مع عبدالرحمن ووسن؟؟
*وشلون بيخلي ابوخليل ترضى عنه وسن؟؟
*ومين هاذي لوجي؟؟وليه غلط فيها وليد وزل لسانه بذات على لينا؟؟
كل هذه الاحداث راح تعرفون اجاباتها في الفصل السابع بإذن الله..
انتهى الجزء الثاني من الفصل السادس....
انتظروني ان شاء الله في الفصل السابع...
واسفة جدا على التأخير....
قراءة ممتعة...

في هذا الفصل وفي هذا الجزء سأكشف عن بعض الألغاز التي كنتوا تريدون معرفتها ولكن ببساطة وغير كشف أحداث اخرى لكي نأجد في الفصول الأخرى المتعة والإثارة واللبيب بالإشارة يفهم....فلذا أعذروني أني سأطيل عليكم في هذا الجزء واتمنى أن ينال أعجابكم ... وشكرا لكل من دعمي وشجعي وانتقدني وأفادني...
الفصل الســـابع...

الجزء الثاني...


الكل رجع للبيت بعد سهرة كانت ممتعة وجميلة معدا لينا اللي كان يانبها ضميرها وفي نفس حقدت على وليد ليه يعاملها بأسلوب جاف رغم انها زلت لسان وفكرت وفكرت لحد ما داخت ونامت...
اما عند وليد فرجعت للبيت وهي معصبة وتلعن في لينا وفي سيرتها وتلعن الساعة اللي تعبت عند لينا ووصفتها بالحقيرة الثرثارة اللي ما تسكت نهائيا وندمت انها أمنتها بسر من اسرارها وتفكر انها تتخلص من لينا بطريقة ولكن ترحمها في لحظة انها طلعت منها بزلة لسان بس كل مرة تذكرت طريقة النطق لما قالت لينا ((حبوب))تتنرفز وتلعن فيها و راحت تاخذ لها شور ونامت..
وعند ابوخليل يفكر الكل فرحان بوصولي الا هي تكرهني وتكره سيرتي ياربي انا وش سويت لها عشان تسوي لي كذا وقررت انها تقول وتخلي حنوي تساعدها بأي طريقة هي ووليد خاصة وليد شاهد على بعض الاحداث هو وحنين...
اما وسن المسكينة نامت وما درت وش مخبي لها الزمن من اشياء ما توقعتها...
كانت هاذي خاتمة يوم شاق مر على الجميع وعلى الكل...وفي اليوم التالي..على الساعة2 الظهر...
طلال جالس في الصالة ويقلب بالريموت بالطفش ورن جواله في هاذي اللحظة:الوو...
عبدالرحمن بالتعب وحزن:اللوو هلا طلال كيفك؟؟
طلال استغرب من صوت عبدالرحمن اللي باين انو فيه شيء:بخير وانت شكلك تعبان؟؟
عبدالرحمن:ايه وربي تعبان وما عاد اتحمل تأنيب الضمير تعبت منه كل ليلة اتحسر وابكي لما اتذكر اللي صار...
طلال بحزن:ليه وش صار معك وانا اخوك؟؟
عبدالرحمن: لا تقول وانا اخو انا مو اخو انا واحد حقير ما يستاهل اصير اخوك انا يا طلال ضيعت شرف بنت وهي مالها ذنب...
طلال:وش تقول انت وش ضعيت انت شكلك تعبان؟؟؟
عبدالرحمن قام يصيح ويبكي:طلال انا تعبان تعبان مررررة...
طلال كسر خاطره عبدالرحمن:اسم الله عليك يا اخوي قلي وش فيك؟؟
عبدالرحمن يصارخ:قلت لك لاتقولي يا اخوي فاهم..
طلال خاف من نبرة صوته:اوكي اوكي طيب قلي وش صار معك..؟؟؟
عبدالرحمن:انا انا احب وحدة وكنت اشهق بأسمها بس هي هي السبب اللي مابغت تستر على نفسها وتوافق وترضى حاولت اقنعها بشتى الاساليب بس كانت ترفضني بسبب مراهقة وسخافة بنات عقبها قلت لازم اضيعها زي ما حرقت قلبي وضيعت شرفها...
طلال: ايوا كمل طيب لحظة قبل كل هذا انت تحبها خلاص ما تجبرها على شيء هي ما تبي وربي يعوضك اما تضيع شرفها هذا شي غلط بنات الناس مو لعبة عندك تلعب فيهم...
عبدالرحمن: وربي وربي يا طلال مالمستها ولا قربت منها حتى...
طلال استغرب وكان يبي يعرف سر الالغاز اللي يقولها عبدالرحمن: طيب كيف ضيعت شرفها؟؟
عبدالرحمن: بصور معدله بالفوتوشوب وعدلتها باوضاع خليعة وارسلتها لابوها وعقبها شكوا وفيها وصارت مشاكل كثيرة...
طلال:طيب اعتذر لها واعترف بخطئك...
عبدالرحمن:ما اقدر وربي ما اقدر...
طلال: طيب مين هاذي البنت يمكن اساعدك واساعدها؟؟
عبدالرحمن بلع ريقه وبتردد:هي هي هي اختك وسن...
طلال منصدم :وش وش تقول اختي رودي هههههههههه اكيد تستهبل؟؟
عبدالرحمن: لا وربي هي والله ما قدرت اسوي أي شي..
طلال عصب:يا حقير يا ابن الكلب وانا اللي احسبك شريف والله والله واللي خلق السموات السبع والله ما اخليك والله لاخليك تذوق اللي ذوقته لاختي يا ابن الكلب تحسب بنات الناس لعبة عندك والله ما اخليك والله لو تروح لاخر الدنيا جايبك يعني جايبك ولا اخليك يا ابن الكلب>>وسكر الخط فوجهه واخذ مفاتيحها من الطاولة وطلع ولقى فيصل ..
فيصل:طلال وش فيك؟؟
طلال:وخر عني لالعن ابو خيرك وخر عني..>>وطلع وركب سيارته...
فيصل لحق طلال بسيارته لانه عارف طلال لا عصب ما يعرف امه وابوه فكذا نادرا ما يعصب طلال...استغرب فيصل لما شاف طلال موقف سيارته ونزل معه ((العجرا=هي عصا خشبية تتوفر دايما مع العيال للمضاربات وكذا..))في بيت خالته...ولحق طلال ودخل ورا طلال وشاف طلال يصارخ ويلعن في الكل...
طلال:يا ابن الكلب وينك والله ما اخليك يا ابن الكلب...
الخالة:اسم الله عليك طلال وش فيك؟؟
طلال:وخري عني وين الزفت الحقير عبدالرحمن ولدك..؟؟؟
الخالة عصبت:خييير طلال وشذا الاسلوب اللي تكلمني فيه؟؟
طلال:مشكلتك ما تعرفين سوايا ولدك الحقير اللي يلعب بأشراف البنات وانتم ساكتين له والله ما اخليه والله لاخليه يتمنى الموت ولا يشوفني...>>ونزل عبدالرحمن على الاصوات الغريبة وشاف طلال واول ما شاف طلال سحبه وجره لتحت وقام يضرب فيه...
فيصل يحاول يفك طلال هو وخالته:طلال استهدي بالله فك الشر يا اخوي اتركه لا تموته ...
طلال وهو يضرب عبدالرحمن:احسن الموت احسن له ابن الكلب الحقير الديـ........
وبالموت قدروا يفكون طلال وطلع فيصل طلال بالقوة من البيت وخلوا الخالة المنهارة على ولدها اللي شبه ميت من الضرب...وراحوا للبيت..وفي البيت..
فيصل:طلال استهدي بالله تعوذ من ابليس وقلنا وش السالفة؟؟
طلال اللي كان شبه منهار يبكي ويزبد وينافخ ويتكلم بكلام غير مفهوم...
ام طلال تبكي: يا ربيه وش فيه ولدي..>>ونزلت وسن على الاصوات...
وسن خافت لما شافت وضع طلال اللي ما قد شافته على هذا الوضع:طلالللل...>>وراحت تركض له..
وسن: طلال وش فيك طلال قولي الله يخليك وش فيك فيصل وش فيه طلال؟؟
فيصل: والله ما ادري وش فيه ما ادري ليه راح لبيت خالتي ام عبدالرحمن وهو معصب وقام ضرب عبدالرحمن بطريقة وحشية ولا اعرف وش السبب..
ام طلال و وسن:عبدالرحمن؟؟
فيصل:ايه عبدالرحمن..
طلال: ابن الكلب الديــ..... اللي ضيع شرفك يا وسن والله ما اخليه...
وسن: ايش تقول ضيع شرفي..يعني عبدالرحمن هو اللي مرسل الصور لابوي...
طلال:ايه الحقير..>>وفي هاذي اللحظة طاحت وسن ونقلوها للمستشفى...
وفي المستشفى...وفي أحد ممراتها...
طلال:يمه باروح أبشر ابوي لازم ابشره إنا عرفنا من هو وانه لازم يطلع والحقير ذا شغله بعدين...
ام طلال تبكي:والله ما ادري وش اقولك انا خلاص تعبت من ذي السالفة اختك تعبانة جوا وكذا بيزيد نفسيتها للاسوأ وابوك مرمي في السجن وخالتك المسكينة اللي منهارة وما تدري وش اللي قاعد يصير وولدها في الانعاش انا خلاص ما عاد اقدر اتحمل..
فيصل بحزن:خلاص يا خالتي وقفي عشان خاطري والله ما تسوى دموعك الحمدالله على اللي صار واشوا اني كنت معه موجود ولا صار شيء وتورط طلال...
طلال بصارخ:احسن يستاهل ولد الكلب اللي ما عرفوا يربونه اهله الموت اهون له ابن الـ.........>>وقبل ما يكمل الجملة ضربته امه كف...
ام طلال: لهنا وخلاص اختي مربيته زين بس هو اللي ما تفيد معه التربية اما تغلط عليها وعلى زوجها لا والف لا وماراح اسكت لك...
طلال يصارخ:يمه تضربيني عشان الحقير ترى انا ولدك والا ابن كلب انا...
ام طلال: اضربك واضرب عشرة من امثالك اللي ما تفيد معهم التربية هي اختي قبل ما تصير ولدي...
طلال معصب ويصارخ:يصير خير يصير خير>>وطلع برا المستشفى...وجاء بيلحقه فيصل بس مسكته ام طلال و جلسته...
فيصل:يا خالتي خليني اروح اخاف يصير له شيء...
ام طلال تبكي:لا خله ان شاء الله ماراح يصير له شيء لا تخاف عليه..ياربي ليه يصير معنا كذا اللهم اني لا أسالك رد القضاء لكن اسألك اللطف فيه..>>وراحت ...
فيصل:خالتي خالتي وين بتروحين؟؟
ام طلال وهي تمسح دموعها: انا باروح لاختي هدى واجي وانت خلك مع وسن لحد ما تقومين لاقامت اتصل على طيب..
فيصل:اوكي...>>وراحت ام طلال...ودخل فيصل عند وسن وكان ساند راسه على الجدار ويدينه ورا ظهره وكان يتاملها..وراح يفكر ويتكلم مع نفسه:{معقولة بنت بهالعمر كذا شكلها معقولة وربي صغيرة السواد مالي اسفل عيونها واصل لهدبها مصفر وجهها حمرة خدودها مو موجودة زي اول وين ابتسامتها الاولى اللي مالية بها البيت هي وضحكاتها الحين تضحك بدون نفس الكل يحاول ما يقولها أي شيء يخاف يجرحها وينها وينك يا وسن الاولى وحشني هبالك وين اللي لما تجي بيتنا احاول اخسر نفسي واخليها تغلبني عشان ما اضيقها الى ماصار اكثر حرافة في اللعبة وينها اللي تكسح بيتها وصديقاتها واقاربها بالورقة الحين مافي ولا شي من اول كل شيء راح راح((تنهد))ماراح يرجع ما راح يرجع..>>ونزلت دمعة منه كان متضايق من حال بنت خالته...
ام طلال اللي كان يمشي بسرعة جنونية وما درى عن حاله الا بالشرقية وعلى الكورنيش وقف سيارته...وقام يبكي ويكتم شهقاته بيده خايف احد يعرف عنه كان يبكي من كل قلبه على حاله وحال اخته وامه وابوه كل عاايلته بدت تروح وهو جالس مو قادر يسوي أي شيء وتحسس خده الي امه ضربته عليه وقام يبكي اكثر واكثر ويتسحر على حاله ((خلاص انا ما اقدر تعبت وربي تعبت ابي احد يوقف معي انا خلاص باموت ملييييت وربي ملييييت ))وقام يبكي ويصرخ ويضرب الدر كسون بيده بقوة وراح شغل المسجل على القرآن وهدأ وحط راسه على الدر كسون و صار يبكي بصمت...
عند ام طلال واختها هدى...كانوا في استراحة الحريم ويبكون على حالهم...
هدى:سامحيني يامشاعل سامحي ولدي والله ما ادري ليش سوا كذا؟؟
مشاعل ( ام طلال):انا مسامحتك بس ولدك ما اقدر اللي سواه ببنتي شيء صعب اقدر اسامحه عليه وحتى اذا انا سامحته بنتي ما راح تسامحه سامحني على كلامي ...
هدى وهي تمسح دموعها:من حقك...
انتهى الجزء الثاني من الفصل السابع....
انتظروني ان شاء الله في االجزء الثاني...
واسفة جدا على التأخير....
قراءة ممتعة...