العشق الممنوع..عن جنس مختلف لم نكن نعرفه وعرفناه مع الزمن(البويات)..

تسلمين حبوبه ع القصه الحلوه ونتريااااا التكملة

الرواايه روووووعه
حنووونه حبيبي بليييييييييز كمليها احس مافيني اصبر الا اعرف وش بيصير بليييز
[ندعوك للتسجيل في المنتدى أو التعريف بنفسك لمعاينة هذه الصورة]

جد روووووووووووووووووووووووووووووعه يسلمووو بس بليييز كمليهااا

عدد الرسائل : 666 تاريخ التسجيل : 26/03/2011

فدييتــــــــكم حبايبي الحين راح اكملها

عدد الرسائل : 666 تاريخ التسجيل : 26/03/2011

الفصل الثاممن....

الجزء الثاني...

وفي وقت الظهر وقت الذروة زي ما يقولون الكل راجع من عمله وتعبان..رجعت من المدرسة فصخت العباية ورمتها على اقرب كنبة وشنطة بعد وصرخت ذيك الصرخة المدوية اللي زلزلت اركان القصر ...
وليد:ماااااااااريااااااااااااااا...((ماريا رئيسة الخدم ومدبرة المنزل تحمل الجنسية اللبنانية ولكن اصلها مغربية))وطلعوا كل الخدم يشوفون وش فيها ليكون جاها شيء هم متعودين على صراخها ولابد لما توصل يكون الكل باستقبالها..طلعت ماريا تهرول لها وتركض ...
ماريا:شوبك شوبك؟؟لك خطيتي البي؟؟شوبك حبيبتي؟؟((وش فيك طيحتي لي قلبي من الخوف))
وليد ببرود:جهزوا لي الغداء...
واخذت ماريا تتنفس الصعداء:لك بس هي اللي بدك اياه((بس هذا اللي تبينه))
وليد تلف عليها وتعطيها ذيك النظرة اللي خلتها ترتعش في مكانها:I say just that..geva my lunch وصرخت now...((انا قلت بس هذا ..جيبي لي غدائي الحين))
ماريا بخوف:اوكي اوكي..>>ورقت فوق وصادفها بالدرج ابوها طبعا ابوها نادرا ماتشوفه وكان مكتف يدينه ويهز براسه مستاء من وضع بنته...
حط يده على ظهرها بس على طول نزلتها ..ابو وليد:حبيبتي وش فيك؟؟
وليد بسخرية:ههه مافيني شيء...>>ورقت فوق..
ابووليد يصارخ:جووود جوود انا اكلمك انزلي ..>>لفت عليه..
جود((وليد)): ههه برافو برافو توك تفتكرني..>>وتصفق بيدينها..
ابو جود: جود وش ذا الاسلوب؟؟ انتي عارفة ان عندي شغل وانا ما اشتغل واتعب كل هذا كله لمين؟؟ مو لك مو عشان تنبسطين ؟؟
جود((وليد))وخانقتها العبرة: ولو ما يعني لي الفلوس والعز اللي انا اعيشه وانا ما عندي احد مايهمني شيء غيرك انت وامي..
ابو جود بتعاطف مع بنته: انا عارف بس انتي تفهميني شوي لو....>>وقطعته كلامه بصراخ...
جود((وليد))بصراخ: خلاص خلاص ما يتحاج اعذار واهية كل يوم والثاني عذر غير خلاص انا مليت مليت من اعذارك انت وامي خلاص كفااية وربي كفاية..>>انبح صوتها وامتلت عيونها دموع...انا وربي تعبت ما عاد اقدر اتحمل اكثر من كذا خلالالالالالاص>>ورقت فوق والدموع على خدودها..ودخلت غرفتها وقفلت الباب وطاحت على ركبتها وبكت وكانت شهقاتها تعلا وتعلا...وتضرب الارض بيدها:ليه ياربي ليه كل الناس الغالية تروحين بين يدي وما اقدر امنعهم آآآه..
ابو جود: جود جود ..وجلس على الكنبة وقام يتنهد..آآه يارب يارب ماتجي لها الحالة يارب ..>>وغطى وجهه بيدينه..

__________________________

وفي الفيلا...

دخلت البيت وتغني اكيد بعد الاجازة اوه عفوا اليومين المفصولة فيها وهي تتخطط لطلعات وروحات وجيات..
طلعت جوالها من جيبها واتصلت جود((وليد))...
وسن:يارب يرد يارب يرد ....اففففف من جده ماصل وش عنده ما يرد افففف شلون باطلع اليوم لازم اتصل على الشلة..
وفجأة رن جوالها..بحماس ردت دون ماتعرف من هو كانت تحسبه صاحبتها...
وسن بحماس:الوووو..
لينا:الووو هلا رودي ....
وسن بشوق ومستغربة من اتصالها في نفس الوقت: هلا والله تو ما تبارك جوالي يوم اتصلتي ليكون تباركين لي على الاجازة؟؟
لينا:ههههههه اكيد حبيبي بنوري طبعا وصوتي لا انا جاية اتمسخر عليك...>>طبعا لينا تعودت على الطريقة اللي يتكلمون فيها مع بعض((اقصد بتذكير الانثى))
وسن:وانتي صادقة يا لبى هالصوت وصاحبته..
لينا:هههه رودي ما عندك plans لهل اليومين؟؟
وسن:هااو وش عندك كل ذا حماس تونا واصلين بعدين انتي بتجلسين بالبيت ماراح تروحين معنا...
لينا بإستنكار:وليه ان شاء الله؟؟
وسن بإستكبار: انا عندي اجازة انتي ما عندك فانطقي في بيتكم وذاكري...
لينا بدلع غير مصطنع: لا والله خير ان شاء الله ابي اطلع من جد ملييت يعني ماراح نروح شاليه ونجتمع...
وسن خاقة مع لينا وصوتها وفي نفس الوقت مستغربة ان لينا تبيهم يجتمعون في الشاليه:اممم حياتي ما عندي مشكلة بس اشوف البنات واعطيك خبر اوكي حتى لو عيوا انا وانتي نروح اهم شي ما تتضايقين...
لينا فرحت لان كان سر ورا فرحتها: جد كويس المهم حبيبي باسكر الحين باروح انام وكذا اوكي بااااي..
وسن مستغربة من حماس لينا:اوكي باااي نوم العوافي...
__________________________________

يتبع..

عدد الرسائل : 666 تاريخ التسجيل : 26/03/2011

رقت الدرج تركض بسرعة ودخلت غرفة اختها من الفرحة ولما شافت اختها لمتها وقامت تدور فيها....
ديما تصارخ:ريماااا وش تحسين فيه نزليني بسرررعة..
ريما((ابو خليل)) بفرحة: ديوووم ممكن تتصلح الامور واخيرررررااااا ممكن تتصلح!!...
ديما باستغراب من فرحة اختها اللي ما تشوفيها الا نادرا: وش اموره؟؟
ريما ((ابو خليل)) حست بزلة لسانها: ما عليك المهم باقولك شي بس قوي قلبك شوي اوكي؟؟
ديما: وش مسوية وش مهببة انتي وخشتك.؟؟
ريما ((ابو خليل)) بلعت ريقها:انا انا انا..
ديما بخوف:ايه انتي وش مسوية؟؟
ريما ((ابو خليل)) تتكلم بسرعة:انا مفصولة...
ديما بصارخ:تستهبلين انتي وشو تقولين مفصولة تـ...>>وريما قطعت كلامها..
ريما((ابو خليل)): لحظة لحظة انا مفصولة يومين بس...
ديما بصارخ:يعني الحين يقالك خففتي الهم تدرين لو درا احد من امـ....>>قطعت كلامها مرة ثانية...
ريما((ابو خليل)): لا ماراح يدرون راح اسوي نفسي اغيب وانتي لاتقولين لهم اوكي...
ديما: لا والله وتبيني اسكت على مصايبك كانهم ماراح يعرفون يعرفون منك احسن من المدرسة وتروحين فيها...
ريما((ابو خليل)): صدقيني ماراح يعرفون انتي بس اسكتي...
ديما: لا ماراح اسكت..
ريما((ابو خليل)): ديوم حياتي واسوي لك اللي تبين..
ديما بتفكير:اللي ابي؟؟
ريما((ابو خليل)): اللي تبين وعد مني ...
ديما بخبث: اوكي...
______________________________

وفي وقت العصر ونايمة على السرير وجوالها يرن بنغمته المزعجة..
وسن بصوت مليان نوم: الووووو...
رولا بدلع مصطنع: هاااي حبيبي صحيتك؟؟
وسن بطفش وقرف:تستهبيلين وش ذا السؤال اكيد نايم في هالوقت...
رولا:اوه سوري بس معليش كنت مشتاقة لك...
وسن حبت تقطع علاقتها برولا هالفترة بذات:رولا اسمعني هالفترة لا زم نبعد عن بعض اوكي..
رولا بصددمة: Whhhhhhhhy??
وسن:معليش ظروف...
رولا وخانقتها العبرة: شنو ظروفه؟؟
وسن: شيء خاص...اوكي رولا يلا باي...
رولا بصدمة: وشو هيه انت تستهبل والا كيف؟؟>>وسمعت صوت القطار,,,((يعني وسن سكرت في وجهها السماعة))..
رولا : طيب يا رودي اشوف اخر هبالتك...
_________________________________________________
فيصل:خلاص طلال فك الشر ماله داعي تروح الحين..!!!
طلال: قلت لك باكلمه يعني باكلمه تفهم...
فيصل: وش تستفيد في النهاية؟؟
طلال: هاذي مسألة شرف يابو...
فيصل:اوكي امنا بالله بس خلاص بيجي اليوم اللي ينرد له هالحركة في بناتها...
طلال: فيصل يرحم امك اسكت لمصلحتك وخلني اكمل سواقة لا يجينا شي..>>ووقفت السيارة عند باب الخالة...
دخلوا البيت وولقوا الخالة ام عبدالرحمن باستقبالهم..
طلال بدون مقدمة: وين عبدالرحمن؟؟
فيصل: طلال هد نفسك ومعليش يا خالتي اعذرينا...>>ويحب راس خالته..
خ.هدى: طلال عبدالرحمن اللي تدور عنه راح سافر...
طلال وفيصل:سااافر؟؟؟
خ.هدى:أيه سافر وللاسف ما ندري وين راح راح وخلانا واحنا ما ندري عنه أي معلومة وترك لنا ورقه ..
طلال:طيب وين سافر له؟؟
خ.هدى وهي خانقتها العبره: مدري!!!

____________________

يتبع...

عدد الرسائل : 666 تاريخ التسجيل : 26/03/2011

في بكاان بعيد
بيرطانيا
نزل من الشقه وباله مو معاه كان يمشي ولا يدري لوين يروح افكار توديه وافكار تجيبه ضمييره يأنبه على الي سواه في نفسه واهله تععب ومافيه يتحمل تصرفاته الطايشه تعب من نفسه ومن انانيته جلس على الكرسي وتنهد آآخ بس كنت دايم اقول إذا صارت لي بسعدها وعمري ماراح ازعلها وضحك سخــريه على نفسه إذا إذا صارت لكـ عمره ماتوقع بيوم من الايام انه بيضرها ويألمها عمره ماتوقع انه راح يكون سبب في تعاستها آآخ بس مني ومن تسررعي...
تنهد ومسك جواله: اشتااق حيل لصوتها ياترى لو ادق عليها بتفرح ولا بتزعل وتسكر في وجهي يا ترى يتقول ياولدي ارجع ولا بتقول بعدك افضل يمه ادري اي شيء راح تسوينه لي من حقك بس وش اسوي الحين انا محتااااجك يااارب ساامحني ياارب سااعدني .....

_________________________
في الشاليه

رنـآ:ههههههههه وقسم اننا جامدين.

رشـآ: من جد .

حنين: يامآما حسيت ان المعلمه بتقتلكم.

وسن: تخسى إلا هــــي .

حنين:قهرمعطينكم آجآزه وانا بنروح المدرسه نكرف.. لنا الله..

ابوخليل: والله وش الي حادك على الروحه؟ غيبي هل اليومين؟

حنين:لالا ابي اروح بشوف المدرسة بدونكم...

ابوخليل يضربها بخفه على راسها: مالت عليك ايه ايه روحي لحالك ثمن قولي قعدت لحالي وصحت ههههههههههه...

حنين وفقت وحطت يدها على خصرها:خيير؟؟

ابوخليل يستفزها: طير..

حنين:وش تبي انت؟؟؟

ابوخليل يقلدها:وش تبي انت؟؟
حنين عصببت: وبعدين...

ابوخليل:وبعدين ..

حنين: ييييييييه ترفع الضغط..

ابو خليل ابتسم وقرب لمها ونغزها من جنوبها او خصرها حنييين: لالالالالالا ..

ابو خليل : هاه تعيدنها ..

حنين بعناد :ايه ..

رشـآ: ايه ايه حنوي خلك بطله..

حنين ابتسمت : ايه بطله تراني ..

رنا:اصفقوني ان ما ارتاعت ههههههههههه..

حنين: لااااااه تتريقين رودي شوفهم..

وسن مندمجه بالعب بالبلايستيشن : اقول أها بس كلش ولا حنوي..

حنين ترقص بحاواجبها: شففت شففت تقصد<<ابوخليل

رنا : باللهي حنحن عيدي الي قلتيه..

حنين: حنحن في عينك بلا شكلك..

رنا:ههههههههههههههه..

رشا: هيي لازم نعقد اتفاق..

رنا: وشو؟؟

رشا: شوفوا بما ان حنوي خوافه ومن جنبها..>> حنين قربت لم رشا ودفتها بخفه

رشا تكمل: اذا حنوي عادت الكلمه لابو خليل لازم تسوي شي لابو خليل وان ماعادتها ....

رنــآ بحماااااااااااس : ايييييه!!

رشا: وان ماعادتها ابو خليل لازم يسوي شي فيك ..

حنين في نفسها : يامامآآ اوريك يا رشرش ورطتيني..

ابو خليل ابتسمت بمكر وفي بالها شي:جبتيها كفك ..

رشا : افا عليك اعجبك ..

لينـآ:ارفضي التحدي..

حنين: لا موافقه..

رشا: والطرف الاخر هل انت موافق؟؟

ابو خليل بكل ثقه: بكل سرور..

حنين : أصلاً ما تقدرون تسوون شي فيني..

رشا ورنا : ثقققه...>>تحطيييم..

حنين بخوف: رودي..وليد وين راحوا هاه ؟؟

وسن:كل ما اشتدت الازمات نحن معك حنين..

لينـآ:ههههههههههههه...

رنا:خخخ هل انتي متأكده من الاجابه يا حنين؟؟

حنين: ايوووه..

رشا تصفق:هيآ هيآ انطقي الكلمه يامال الماصع<<يمديكم على اللغه..>>عجوز مو بنت..

حنين بتردد:ايه قلت ترفع الضغط..

ابوخليل حط عينه بعينها:وش قلتي؟

حنين ارتاعت وحطت يدها على قلبها: هاه ايه لاء مدرري ..

رنآ ورشا وابو خليل: هههههههههههههههههههههه..

رشآ: حبتييييييييييين ابوخليل بالله وش نسوي فيها؟؟

ابوخليل ابتسم بخبث: تعالوا اعلمكم ..>>واخذهم على جنب رشا ورنا

حنين مسكت يد لينا: ليون وش اسوي؟؟

لينآ:هههههه آحد قالك توافقين..

حنين:ياويل حالي وش اسسوي؟؟

فــي ظل هذه الاحداث ..

جالسه على الكنبه وباين عليها انها سرحاانه ماكانت لمهم ابداً تنهدت وقامت لبرى الشاليه وسن لاحظتها وطلعت وراها لينا انتبهت ان وليد طلع ولحقته وسن..

لينا: ياربيه ليكون لازال زعلان على الكلمة قلتها افففف ياربيه..

وليد يمشي وباله مشغول..

وسن:آآحممم..

قطعت وسن حبل افكار وليد التفت له..

وسن: عادي آمشي معك؟؟

وليد من باب المزح وبدون نفس: من متى الاخلاق؟؟

وسن: ايي عادي..... اقول وليد ماتلاحظ انك متغير؟

وليد عقد حواجبه: متغير من اي ناحيه؟

وسن : يعني بالك مو معنا وواجهك ذابل ونفسيتك متغيره؟؟

وليد موب مهتم : طيب عادي...

وسن: وليد قلي وش فيك، وليد....>>ما امداه يكمل الا يلتفتون على صرااخ حنين..

حنييين بصارخ:لاااااااااااااااااااااه!!

ابو خليل يركض وراها ووراه رشا ومعهم رشاشات موية وبلونات مليانة موية..

رشا وهي تصاارخ :حدها حدها..

ابوخليل :ههههههههههه حنووي قللبي ماسك ماسكك..

حنين ماتقدر تركض اكثرمن كذا امتلت موويه من رشاوابوخليل ورنا...

رنا معها بلونه فيها موويه ورمتها على حنين..حنين صقعت فيها البلونه واختل توازنها وطاحت عند رجول وليد...

وسن ووليد: هههههههههه...

حنين قامت وفي يدها بلونه فيها مويه جت بترميها على رشا بس البلونه انفجرت في وجهه وسن ووليد..

رشا: وليد خذ >> ورمت عليها البلونه..
وليد مسكها وراماها على وسن..وسن ركضت واخذت لها بلونه وعبت فيها مويه...
و صـآآروا البنات يلعبون ويستهبلون ويرمون على بعض لين ما تعبوا وكل شوي يضحكون على حنين الكل لعب ماعادا لينـآ اللي كانت جوا الشاليه مشغول فكرها في وليد...
انسدح وليد على العشب وجنبه وسن وحنين جلست جنب وليد اما رنا ورشا وابو خليل انسدحوا على العشب جنبهم..
وسن: الله شوفوا القمر مكتمل في هل الليل المنظر شي خيالي..
رنا:وش عنده شاعر المليون؟؟
ابو خليل:خلك من شاعر المليون وشف محطمه الارقام القياسيه (تقصد حنين) قاعده تلهث من قوة الركض هههههههههه...
الكل:ههههههههههههههههههههه..
حنين : آآه آآآآه ليش ألهث آآآه كلب انا؟؟
رشا : في هل الحاله يجوز..
حنين: هآآآء...
رشا :وانا الصادزه (الصادقه)شوفي نفسك تلهثين..
رنا:هههههههههه ياتسبديه..
وسن:الحين ورا ماتنسدحين معنا..
وليد : ماخذه احتياطاتها العمه؟؟
رشا : من جد..
حنين: الحين انتوا وش إلي مسلطكم علي..
ابو خليل: والله محد مسلطنا ولا هم يحزنون بس ودي اروق عليك...
وسن قعدت والتفت:الحين وين لينا؟؟ما شفتها ولا سمعت حسها؟؟؟
حنين التفتت لورى: شفها جت..
لينا توها جايه..
لينا بدلع ومزح:خير تحشون ؟؟
حنين بأستهبال:أيه حشوا فيك لين قالوا امين...
لينآ بدلع: خيرر؟؟
وسن قامت لعند لينا: افاا والله وانا اخو وضحه محد يقرب لمك ولا يقول فيك حرف..
لينا ابتسمت وعينها على وليد..
رشا: حنين ودك نكمل عليك مرة ثانية بالمويه صح..
ابو خليل: انا استنتج من كلامها ايه..
رنا: يله اجل سرى الليل..
حنين:ههيييييي وش ناوين له بعد؟؟
ابو خليل يبي يروعها: ابد نسوي لك اعظم..
حنين مسكت يد وليد :هاه؟؟
وليد ابتسم: اقول ترا البرد هفني حنوي تعالي معي..
ابو خليل: يلا باروح اغير..
رشا: ياعالم برررد بدخل جوا..

انتظروني في البارت التاسع بإذن الله...

عدد الرسائل : 666 تاريخ التسجيل : 26/03/2011

في كل يوم تشرق فيه الشمس يولد لنا بعض الآمال

والتفاؤل والعزيمة والاصرار..

في صباح جديد على ابطالنا...وبالتحديد في المدرسة

ووقت الفسحة الوقت الممتع لدى الطالبات..

وفي احدى الفصول..

وسن:قلت لك يا رولا افهمي خلاص بتنقطع علاقتنا ما تفهمين؟؟

رولا بصراخ: وانا لازم اعرف السبب؟؟

وسن بصوت اعلى من رولا: اول شيء قصري صوتك ثاني شيء عافتك النفس ما عاد ابيك افهمي يا بنت الحلال..

رولا: لا والله انا لعبة عندك متى ما تبيني تلقاني واذا عفتني رميتني انا مو لعبة عندك ولا وحدة من الزبالات اللي تعرفهم..

وسن: احترمي حالك احسن لك فاهمة...

رولا: لا والله ماراح ارضى تفهم...

وسن بطفش:اووووووف عنك مارضيتي فاهمة بلعنة يلا ضفي وجهك وحلي عني حامت كبدي منك..

رولا بتهديد: طيب طيب والله لاذكرك ذي الكلمة والله لاخليك تندم يا واطي...>>وراحت لانها خافت...

وسن بتعب:انقلعي الله لا يردك اففف بلاء مو بنت...>>ودخلوا صاحبات وسن في هل لحظة..

حنين:سلامات سلامات وش فيك وش ذا الصراخ اللي واصل لاخر المدرسة ايش اللي حصل؟؟

وسن بعصبية: ابد تطاقيت مع رولا الهم وانقطعت علاقتنا..

ابوخليل((ريما)): خلاص هدي اعصابك روق..

وسن بعصبية:انت وش تبي؟؟>>ابوخليل تحطمت بس ماكان الا تراعيها مراعاة لمشاعرها وحل لبعض المشاكل بصبر..

رنا: خلاص هد جت من الله..

وسن بتوتر: وين لينا طيب؟؟

حنين بملل: تحت عند المعلمة حقت النحو تختبر..

وسن:اوكي انا نازل تحت..>>ونزلت..

حنين: معليش ابوخليل امسحها بوجهي هالمرة..

ابوخليل((ريما)) وهي مخنوقة: لا عادي معذور..

رشا: يا عيال رويد هالايام مرررة متغير بشكل مو طبيعي..

رنا بضيقة صدر: ايه ملاحظه..

سجى بتأيد:ايه حتى سحباتها كثرت علينا وما تبي الا لينا اسمعوا انا ما اقولها غيرة بس من جد مررة تعلقت بلينا وهي مالها الا فترة بسيطة معها..

رشا: من جد.. معليش خلنا نتفاهم معه..

حنين بحزن: ما عليه اعذروه هالمرة عشانه مضغوط حبيتين شوية..

رشا بملل: عشانك يا حنوي والا انا ما اتحمل...

وفي جهة الثانية وفي الدور السفلي من المدرسة...وكانت تضحك وبصوت عالي وتمسك يدها وتقرب منها اكثر واكثر..

وصديقاتها واقفين على الدرابزين (الحديد) حق الدور الثالث..

رشا بقهر: شوفوا شوفوه يضحك و لا كانه تو معصب وينافخ في وجيهنا..

رنا: من جد..الحين ما افتكينا من رولا تجينا لينا يقطع ام الغثى...

حنين: لا حرام عليكم لينا طيبوبة المشكلة مو منها المشكلة من رودي نفسها..

رشا:والله انتي الطيبة بزيادة عن اللزوم...

ابوخليل(ريما) ولفت وسندت ظهرها على الدرابزين: لا بالعكس لينا مالها دخل بالسالفة...

.....

وعند رولا كانت واقفة مع صاحبتها بغرور..وطبعا هي وياها معروفات بغرورهم في المدرسة..

رولا:شوفي الحقير يضحك ولا كأنه مسوي شي وحارق لي قلبي ..

صاحبتها بدلع: روري ما عليك منه بلعنة ..

رولا: شوفي (منو) عايفني عشان اللي ما تتمسى ذي>>وتأشر على لينا..

رولا بحقد: طيب انا اوريه لا اخلي هالجلسة تقلب نكد..

منى: وش راح تسوين؟؟

رولا بمكر:تعالي اوريك..>>وراحوا عندهم وتخصرت ...

رولا وهي تأشر بإصبعها عليها: الحين انا رولا بنت الـ..... عايفني عشان ذي >>وتأشر على لينا المصدومة..

وسن بعصبية: رولا...

رولا وتكمل بغرور: مصيري راح انسيك ذي الزبالة..>>وراحت هي ومنى والخوف مآكل قلبها..

وجت وسن بتلحق رولا والتفت اول على لينا ولا لقتها:لينا لينا..>>ولحقتها..

______________________________________________

دخلت البيت وهي معصبة بعد الوضع اللي صار في المدرسة وكانت تلعن بالكل برولا والساعة اللي تعرفت عليها المشكلة بعدها ما شافت لينا الا اخر الدوام تاخذ شنطتها وتطلع مما زاد القلق عندها...

انسدحت على الكنبة بعبايتها وجلست تفكر..طلال جاء من وراها وخوفها...

طلال بصرخة: وااااااااااااااااء...

وسن نقزت من الكنبة:يمه اسم الله الرحمن الرحيم وجع طليل يا حمار له تروعني كذا؟؟

طلال يرفع عاجبه:بس حبيت اوسع صدري..

وسن بعصبية:وجع توسع صدرك على حساب قلبي...

طلال:عادي حسي شوي بلي تسوينه فيني...

وسن بعصبية وتدفه:وخري عني يا مريض..>>وترقى فوق..

طلال باستغراب: غريبة وش فيها اليوم؟؟

______________________________________

وفي بيت اخر... في غرفتها تبكي..

لينا بحزن:معقولة رودي استغلالية لذي الدرجة وراح تسوي فيني زي اللي سوته برولا؟؟ طيب انا وش سويت لها؟؟ما اقول الا حسبي الله عليها اذا نيتها كذا وانا راح اوريها تشوف ؟؟؟اشوا انها خلصت المهلة الجلوس فهالمدرسة المعفنة...هانت مابقى الا اسبوع...والله لاخليها تندم...

__________________________________________________ _

آخذ له نفس وغمض عينه:سآمحيني يمه..
ام عبدالرحمن وهي تبكي:يا ولدي مسامحتك بس خالتك وبنتها
وطلال وأبوها أنت دمرتهم كلهم عبدالرحمن...
عبدالرحمن وصوته مخنوق:يمه تكفين طلبتك روحي لهم خليهم يسامحوني.....
ام عبدالرحمن وهي تشاهق من الصياح:مالي وجهه يكفي ان خالتك مشاعل مسامحتك وشلون بقنع وسن وطلال وش لون ارد كرامه ابوهم الي انسجن بسببك قلي...
نزلت دموع عبدالرحمن وبصوت مبحوح : يمه ضميري يعذبني..يمه ماذقت طعم النوم ..يمه الكوابيس ماخلتني..((وزادت شهقاته))..يمه خليهم يسامحوني يحللوني يمه مالي غيرك يمه لا ترديني لا تخليني...
ام عبدالرحمن بكت بصمت وقلبها يتقطع عليه نبره صوته ترجيه لها ذبحها بكت بصمت وش تقوله كل الاحرف تلاشت منها ماقدرت حتى تواسيه بكلمتين بس الي قدرت تقوله: وينك ياعبدالرحمن؟؟؟
عبدالرحمن خده متلي دموع وصوت شهقاته تعلى وتعلى
:آآآخ يمه ياريت اقدر اقولك..((وتنهد))يمه بسكر....
ام عبدالرحمن بصوت مبحوح : وين كنا ووين وصلنا آآه الله يحفظك ياولدي..
سكر عبدالرحمن وتأمل في البحر ودموعه نتزل
غمض عينه بقوه ومسح دموعه وقام يمشي...

___________________________________

في وقت المغرب...

ابوطلال وهو يحط الفنجال:طيب اتفقنآ بكرهـ بأذن الله نمشي من الصبح..
أم طلال:وسن بكره راح تغيبين...
طلال يبي يحارش:وش عندنا بنغيب بكره..>>وسن ناظرته بنص عين...
طلال يسوي نفسه مرتاع:قل اعوذ برب الفلق..
>>وسن رفعت حاجبها لطلال..
طلال يكمل: سكنهم مساكنهم..
وسن سفهته وعضت على شفاتها وفي نفسها: يووه بكرة الاربعاء وبغييب اوووووف ولينا ياربيييه الله يقطعك يارولا ..آآآآآخ لازم اوسوي شي...
وسن :الوالدة بروح بكرة..
طلال التفت على وسن وفوق راسه علامه استفهام
ويأشر عليها: انت انت تبي تروح المدرررسه..؟؟؟
وسن:ايه ليه.؟
أبوطلال:وسن حبيبتي كلنا بنمشي الصبح وشلون بتروحين للمدرسه؟؟
وسن:اايه عادي اروح وبعدين طلال والا السواق يمرني ويجيبني عندكم...
طلال:من الحين شوفوا هاه مالي دخل في احد..
وسن:حسبي الله عليك من طليل كانك معذبني طيب السواق...
ام طلال:وسن تراه طريق طويل وخطر عليك تروحين مع هل السواق لحالك..
طلال:يمه قصدك خطر على السواق...
وسن:انت أسكت يرحم امك لمصلحتك..
ابوطلال بحزم: بكره أن شاء الله كلنا>>وشدد على كلمه كلنا..بنمشي من الصبح..
وسن أنقهرت وحطت كل حرتها بالشبس إلي بيدهـآ...
رن وجوالها...
وسن بطفش وعصبية:هاااااااااه...
بشرى وهي تنطط:روووووودي بنروح كلنا للمزرعه ييييييي..
وسن ببرود :طيب وش تبين بالضبط؟؟
بشرى :طيب وش طيب تجهز بمررك بعد ساعة...
وسن:لاتمرين مانيب رايحه للمزرعه...
بشرى بصدمه:هاه .... ليش؟؟
وسن:كذا مزاااج..كيفي..
بشرى : بتقولي لي اسبابك بعدين اوكي بس تجهز
.. تجهز ترى من جدي بمرك بروح لسوبر ماركت وبتروح غصبن عنك .. (وبصرااخ) تجهززززززز....
وسن وهي تبعد الجوال عن اذنها: وجع يوجعك فقعتي طبلتي...
طلال قاط معهم في السالفه:حتى انا انفقعت طبلاتي..
وسن لـطلال:أنت خير وش تبي من الحياه..
بشرى ماتدري وش السالفه:طيب يارودي حسابك بعدين بس تجهز..
وسن: أنتي هيه موب لك الكلام الي تو لطليل...
بشرى:اها ماعلينا المهم تجهز ...
وسن:كم مره قلتي تجهز تراني افهم موب هندي..
بشرى: ههههههه طيب يله بااي...
وسن: باي...
طلال: هااه وش تقول.؟
وسن : وش دخلك ..>>وقامت لغرفتها
طلال: طيب اوريك ان ماحستكم...
_______________________________________
يتبع..

عدد الرسائل : 666 تاريخ التسجيل : 26/03/2011

رقت فوق لغرفتها وهي تدعي بداخلها ان يصير اللي في بالها وبتردد خذ الجوال حقها و ضغطت على الارقام اللي تحفظها زي اسمها والتوتر ماليها ورد صوتها بهدوء غريب...
لينا:الوو..
وسن بشتياق لها:وربي اسف بس تكفين افهمي السالفة الله يخليك تكفين لا تروحين وانتي ما فهمتي السالفة الله يخليك والله هي انسانة حقيرة وواطية...
لينا ببرود وفي نفسها راحمتها بس داست على قلبها عشان كرامتها:ايوا خلصت كلامك والا لا؟؟
وسن وشوي وتموت من القهر:ليه مو راضية تفهميني ليه؟؟
لينا: وسن باسكر الحين انا مشغولة وحدي مو رايقة مو فاضية بعدين ارجع اكلمك اذا فضيتي يلا باي<<وسكرت لانها كانت تحس باي لحظة ممكن تقول لها سامحتك..
وسن:اافففف يا ربي افففف ليه هي كذا>>وقطع تفكيرها صوت جوالها...
وسن والجو قافل معها:نعممم..
بشرى:يالبى المعصبين يلا انزل تحت بسرعة انا تحت...
وسن:اااففف طيب...<<ولبست عبايتها اللي كانها ثوب قطري وحطت الطرحة بإهمال على كتفها ونزلت...وشافت بشرى وفيصل وطلال يسولفون...
وسن وحدها معصبة:يلا...
فيصل:وش فيها ذي؟؟
وسن بعصبية:مالك شغل انت فاهم...
طلال:وسن وش فيك روقي...
بشرى حبت تنهي الجو المتكهرب:يلا رودي نركب السيارة...>>وطلعوا..
بشرى:رودي اركب قدام..
وسن ورفعت حاجبها:ليه شايفتني شغالة عندك؟؟
بشرى:لا بس فيصل بيودينا..
وسن:لا وليه مو السواق يودينا..
بشرى:السواق حقنا مشغول مع امي وسواقكم مشغول بعد..
وسن:خلاص خلاص بتحكي قصة حياتك الله يعيني اتحمل مصالة فصيل..
بشرى ركبت بهدوء وبدون أي مناقشة تبي تنهي السالفة بسرعـة ركب فيصل لسيارة وحب يخفف الهم على وسن..
فيصل:اسفرت وانورت تو مانورت سيارتي بك...
وسن اعطته نظرة ولفت وجهها...
فيصل:ياخي ليش معصبة روقي فليها وارمي كل ورا ظهرك ترى الدنيا ماتسوى شيء وربي...
وسن:ورا ماتكرمنا بسكوتك>>يقطع ام التحطيم..
فيصل مصر يروقها:طيب اتحداك وربي اتحداك تغلبني اليوم في السلة اتحداك مافي امل تغلبيني...
وسن حاولت تنسى وتروق:من جدك انت والا تستهبل؟؟
فيصل ابتسم لانه حس انها بدت تروق:لا والله من جدي..
وسن بغرور:حبيبي معك كنق الباسكت بول((كرة السلة)) فاهم...
فيصل:يا عيني...
وسن بغرور ورفعت خشمها:طبعا طبعا...
فيصل عارف هالشيء بس حب يستفزها:من جنبها...
وسن عصبت وقالت بنبرة كلها تحدي:وان غلبتك وش لي؟؟
فيصل يفكر:امممم ما ادري بس وش تبين؟؟
وسن بخبث:اممم على 3000 اللعب اوكي...
فيصل بحماس:اوكي خلينا نخلص هالمشوار ونروح لبيتنا ونلعب هناك..
وسن:اوكي>>ابتسمت...
ومر الشوبينق بلحظات هدوء ولحظات استظراف فيصل عليهم..

وفي الشاليه والكل مجمتع...
رنا:غريبة رويد ماجاء وش عنده؟؟
حنين: بكرة بيمشون للمزرعة حقتهم...
رشا:اااهااا ولينا وينها؟؟
حنين:ما ادري عقب اللي صار بينهم..
وليد ببرود غالب عليه:ليه وش فيهم..
حنين بحماس:اووه صح انت ما تعرف السالفة اجل خلينا اقولها لك..
رشا:يالله عرق اللقافة والبثارة بشتغل عندها بتموت لو ما قالتها لك...
حنين:خير انتي وش تبين؟؟
رشا باستفزاز:ابي سلامتك ياقلبي..
حنين بعصبية:افففف تستفزين الواحد>>وراحت سحبت وليد لبرى الشاليه وقالت له كل السالفة..

وفي الليل الساعة التسعة اقزاتلي((تماما))...وفي السيارة قدام بيت بشرى وفيصل...
فيصل:يلا رودي مشينا نلعب..
وسن بتعب: لا فصيل معليش حدي تعبان وابي السرير بيش تعبتي بالفرفرة بالمول معليش الله لا يهينك وصلني البيت وراي قومة الصبح وابشر من يغلبك لما نرجع...
وفيصل رفع حاجبه:سبحان الله اوكي بارعيك هالمرة بس المرة الجاية تعبانة وما ادري كيف ما عندي فاهمة..
وسن بثقة:don't worry غالبك غالبك الله لا يعوق بشر..
فيصل:اجل نشوف يلا بيش انزلي عشان اوصلها لبيتها..
بشرى:اوكي يلا تصبحون على خير باااي..>>وسكرت الباب...
وصلها فيصل لعند بيتهم ولما وقف صدمت يد وسن بنظارة فيصل وطاحت بالارض حقت السيارة ونزلت تاخذها وبعد جاء فيصل خذ ومسك يدها بالغلط وحست بشعور غريب ورعشة بيدها ورفعت عينها طاحت عينها على عينه..
وسن بتوتر:اوووه معليش..
فيصل ابتسم ابتسامة تدوخ:لا عادي...
وسن:اوكي>>ونزلت بدون أي كلمة ولو حتى باي..
فيصل ابتسم واستنشق هواء وعطرها المفضل وابتسم حبه البريء من ايام الطفولة وهو يحبها ولا اعترف بحبه لها...وشغل على اغنية اجنبية رومانسية وهي يحس بكل معنى من معانيها...
واول ما وصلت البيت..
وسن:اففف وش ذا الشعور الغبي خلني بس اتصل على حنوي اهون لي..>>واتصلت على حنين..
حنين:الوو..
وسن بمرح:هلا والله هلا بهالصوت وصاحبته..
حنين:ايوا ايوا اخلص وش تبي؟؟
وسن:حرام عليك والله ما ابي غير سلامتك يا بعد قلبي...
حنين:كذاب ما تعرف تكذب للاسف..
وسن باستهبال وشهقت:انا كذاب حرام عليك المهم اخبار البنات زعلانين والا وش فيهم ؟؟
حنين: لا ما فيهم شيء انت اخبارك؟؟
وسن:زفت زفت ..
حنين:اففاااا ليه وش فيك؟؟
وسن برجا:حنوي تكفين وضحي لها السالفة تكفين...
حنين:مين هي هاذي اللي تبين افهمها؟؟
وسن:لينا طبعا..
حنين:طيب نشوووف...
وسن:حنوووي تكفيين...
حنين:قلت لك اشوف يعني ان شاء الله باحاول معها انت تعرفها عنيدة وراسها يابس...
وسن:يا لبيييه تسلمين اوكي تامريني على شيء؟؟
حنين:لا سلامتك...
وسن بحماس:اوكي يلا باي..
حنين:باااي..

*يا ترى وش بيصر مع وسن ولينا؟؟
*وش بيصير مع وسن وفيصل هل بيستمر هالحب والا لا؟؟
*وليد ولوجي وش بيصر معهم؟؟
*وهل بتسامحه لينا والا لا؟؟

عدد الرسائل : 666 تاريخ التسجيل : 26/03/2011

مساااا الخير حبايبي ..
انااا بكرااا مسافره .. انشاا الله راح اكمل الروايه اذا رجعت Cool

تروحين وترجعين بالسلامه
بس بقعد انطر على احر من الجمر
لا تطولين علينا بليييز
ويعطيك العافيه Razz

عدد الرسائل : 71 تاريخ التسجيل : 03/05/2011

يالله ووينـــــــــــــــــــــك ..

ننتظرك ..

نزلي التكمله بسرعه ..

» العشق الممنوع
» صور لـ نهال وسمر في العشق الممنوع
» تفكير مختلف
» لأنك تعيش بشكل مختلف فأنت الأروع
» اجمل عبارات عن العشق والحب