ياكثر ما اشتقت للموعد وقمت احتريه

شفني احبك و و حزني ينتهي و ابتديه
ياما على شانك جروحي تحملتها

حتى الحزن منك حبيته وصرت اشتهيه
و دموع الأيام بعيوني تساهلتها

البارحه جاك قلبي و الغلا في يديه
و عود يشيل المشاعر مير ما شلتها

تركتها الليالي و الزمان السفيه
خايف تموت المشاعر لا تجاهلتها

يا كثر ما تجرح احساسي وما قلت ليه
ولا انت حتى ابتساماتي تثاقلتها

العيب بالقلب مدري العيب منك و فيه
طالت مشاوير ضحكتنا و طولتها

من طاري الحب و احلامي وش تبيه
ما تدري أن الغلا دمعة و سيلتها

يا كثر ما اشتقت للموعد و قمت احتريه
و اللحظة إلي تجمعنا تأملتها

جيتك و انا بين لا يمكن و يمكن و ايه
ياليتني ما تشوقت و تخيلتها

تدري وش إلي مظايقني و نادم عليه
كلمة احبك على لساني و ما قلتها