البارت الثاني
طيفك مانسيته
************
في مكان ثاني وفي احد مناطق الرياض الراقيه
سلام بنت عم جوجو جالسه بكل انوثه والايباد بحضنها تدورلها ع فساتين حلوه ومكياج نعوم
بس تنهدت بطفش
مالقيت شي
امها جنبها تعطي الشاي لابوها ولفت عليها
ايش فيك حبيبتي
سلام وهيا توقف
مامي بروح لجوجو ابغاها تساعدني الدوبا ادق عليها ماترد
امها وهي تضحك
المفروض من البدايه حبيبتي
ايوا بس هي قالت امس تبي تداوم عشان كذا قلت ادور بنفسي بس بروح لها تساعدني
امها بحنان
اوك ماما بس لا تتاخرين طالعين نتعشى برا
سلام وهي تمشي بغنج
باي مامي
سلام تموت بجنون وماتعرف تسوي شي بدون جوجو ولازم تتشاور معها بكل صغيره وكبيره وهي بنت حلوه وطولها متوسط احلا مافيهااا ابتسامتهااا الواثقه وغماراتها
خذت سلام فونها وجلست تدق ع جوجو بس ماترد
اوف المعفنه لا يكون نايمه مؤ معقوله الحين 7المغرب
وصلت ونزلت بسرعه واول مادقت الجرس شافت محمد اخو جوجو طالع وانتبه لها وقال:
هلا وغلا باحلا بنات عمي
سلام وهي منحرجه
هلا حمودي(تحب تدلعه) كيفك
رد وهو يفتح الباب عشان تدخل بخير دامك بخير
سلام وهي داخله دوومز يارب
اقولك جوجو وين ماترد علي
حمودي وهوا بيطلع حتى ابيها بس مانزلت شكلها نايمه...
اوك بطلع أشوفها بس تعال وانت وين طالع وكاشخ
محمد يتنحنح يهمك
سلام تحط ايدها ع خصرها اكيد أغار عليك
حمودي صدق ابي شريط للاكس بوكس ماراح اطول >>مستانس
سلام بابتسامه خلت محمد يخق انتبه لنفسك
تأمرين امر وطلع
محمد اول متوسط مملوووح وابيض ملامحه حاده يشبهه ابوه ويحاول يقلده بكل شي بس دايما اللي يشوفه يعطيه اكبر من عمره...
ههههه جلست تضحك ودخلت للصاله وشافت ام جوجو تلاعب راكان عمره تسع شهور وجت رركض وربي اشتقت للحلو هذا وشالته وجلست تدور فيه مناير ام جوجو بخوف
سلام انتبهي لا يطيح منك مؤ لعبه
سلام وهي تقرب تسلم عليها خالتي ماعليك ابي اتعلم عليه هههههه
مناير وهي تبتسم الله يستر منك
سلام ونينه يضحك شوفي خالتي انبسط معايا
مناير تضحك اعيالي كلهم ينبسطووو معك الله يحفظك
دخلت جده جوجو اللي ساكنه معهم ماسكها عم سلام وهو ينادي مناير
مناير ماوصيك على امي السكر تو انخفض والدكتور اعطاها ابره مسكن جت مناير ومسكت ايدها سلامتك ياعمه ماتشوفين شر ان شالله
تنهدت الجده وهي تقول
الله لا يحرمني منكم ياعيالي وادري اني ثقلت عليكم
مناير تقاطعها
انتي بعيوني ياعمه
الجده تطالع سلام اللي تلاعب راكان
لا يطيح ياملا الصلاح جوجو يالمرجوجه
سلام تضحك وتجي تقرب انا مؤ جوجو ياجده وتبوس راسها اللي تعشق ريحه العود اللي تفوح من شيلتها
الجده تمسكها وتبوسها هلا ببنيتي حبيبتي
سلام وهي تركض نسيت جوجو بشوفها مناير تحط يدها ع قلبها
سلام انتبهي لركاان سلام تبسم ومثلت كانها بتطيح
مناير نقزت
ركووني....لفت سلام وهي تضحك امزح ياخاله والله
مناير ماتخلين حركاتك مجرمه
سلام وهي تاشر ع راكان اللي مبسوط معها
ايوا مجرمه وسلاحي ركان ابيه يصحي جوجو
مناير تضحك هههه
اي والله ياليت وتعالوا انزلو اشربوا الشاهي معنا.....
وجلست الجده بالصاله تتعشى
ومناير لقتها فرصه تجلس مع زوجها عبدالرحمن بغرفتهم
**********************
صحت انوارع صوت أختها دانه وهي تقولها مااااماااا تدووول اثحي(تقول اصحي)
كانت انوار تموووت باختها دانه اللي بالروضه وعمرها اربع سنين ونص مسكتهاااا بقوه وصارت تدغدهااا ودانه بتموت من الضحك
خلاص الحين اصحى حبيتي
طالعت دانه بانوار اللي رجعت نامت
انتي كثابه(كذابه)
وعثتيني نلوح الملاهي(وعدتيني نروح الملاهي)
وتطالع فيها وهي زعلانه
نونو فتحت نص عين تطالعلها
ودنو تطالع لها وكشرت و طلعت ركض وهي تصارخ ماااااحبث
نونو جلست تضحك عليها وشاافت ساعتها وانصدمت الساعه 11بالليل
اووف طولت بس ماحسيت بنفسي كويس اليوم الأحد عندي اوف من الجامعه وسحبت نفسها تتروش بمويه بارده ....
************
في زاويه ثانيه وغير عن حياه جوجو ونونو
***
صوت الصراخ والهواش مالي البيت وكل واحد يلوم الثاني بالتقصير والاهمال وصوت أشياء تتكسر.........
وبغرفه من غرف البيت اميره قفلت الباب وحطت ايديها على اذان اخوها ياسر
اللي عمره ثمان سنوات بصف ثاني ابتدائي
وهي ضامته وملامحها قاسيه مثل حياتها
ياربي الى متى انا تعبت امها وابوها دائماً عاى ذي الحاله
هو يرجع اخر الليل وامها ماتقدر تسكتله وكلهم كان يطلع حرته بالثاني والضحيه اميره وياسر ..........
ياسر وهو يدفن راسه بحضن اخته وحبيبته
متى يخلصون هواش؟؟؟
ميمي تحاول تكون قويه يسروي حبيبي خلاص اتعود لازم ماتخاف في بيوت كثيره كذا
ياسر رفع راسه يطالعلها بس بيت صديقي سالم مافي هواش وامه وابوه يحبوا بعض
ميمي وهي تبتسم في نفسها ع برائه اخوها
وانت كيف عرفت ياشاطر
ياسر وهو ينزل راسه سالته
امك وابوك يتهاوشوا
قالي لا
قلت ليش
قالي هم يحبوا بعض
ميمي باستغراب
حبيبي الحين انا وانت مانتهاوش
ياسر وهو يفكر
الا مره هاوشتيني لاني مافطرت
ميمي شفت طيب انا مااحبك
ياسر وهو مبتسم:الا تحبيني مررره
عرفت الحين حتى اللي يحبوا يتهاوشو وسلوم امه وابوه اكيد يتهاوشو بس هوا مايسمعهم ولا يشوفهم
ياسر متكتف وانا ليش اسمع ماما وبابا
ميمي تدور رد
امممم يمكن لانو بيتنا اصغر من بيت سلوم
صح
ياسر:ايواااا صح
رجعت ضمته بحنان وتفكيرهاااا راااح بعييد
**********************************
فتحت سلام غرفه جوجو اللي مثل الثلج وع طول سكرت المكيف وفتحت النافذه تبغى الهوا البارد يطلع ....
جنون نومها ثقيل وماحست باصواتهم وازعاجهم.....
سلام جلست راكان عند وجه جوجو وجلس يلعب بشعرها ويلحسها خمس دقايق وهي تتحرك تبغى تبعد عن ركوني لانو ازعجها الا
طاااخ
طاحت من سريرها
سلام مسكت بطنها من الضحك حتى راكان يضحك طلعت سلام جوالها تصوره وهي خاقه
عليه
جوجو اححححح
تقوم وهي ماسكه راسها انقلعي انتي ويااااه أح راسي
سلام سحبت جوجو وحطت راسها بحضنها ع السرير وباستها وقالت سلامه راسك حوووبي جوجو عجبتها الحركه ورفعت ايدها تلمس وجهه سلام وتحركه يمين ويسار حرام عليكي بنااام تعبانه
سلام تقرب لها وتطالع بعيونها اسفه ماقدر مشتاقه لك
جوجو غمضت عنونها ورجعت نامت بحضن سلام
لفت سلام لراكان اللي راح بسابع نومه كمان
يالبييييه يدنن هو واخته
وركان النونو كان يشبه جوجو كثير بكل ملامحه الصغنونه
بس سلام نزلت تبوس في جوجو حبي اصحي يلا
جوجو قلبي يلا
جوجو...........
وطولت على ذي الحاله وهي منسجمه
بس جنون رحمت سلام وفتحت عنونها وهمست:
فديتك بقوم لعنونك
دفتها سلام ع خفيف بدلع
توك حسيتي فيني يالبى عنونك بس
عشر دقايق بتروش وارجعلك
غمزت سلام لجوجو ايش رايك ننزل بالمسبح تحت...
جوجو اعجبتها الفكره يلا
بس باخذ المايوهات وانتي شيلي ركوني لغرفته
سلام:اوك
ونزلوا ع المسبح واخذو لهم شور عشان ينزلوا سلام خلصت الشور بسررعه وركضت وهووووووب ع المسبح ولمست الارضيه وطلعت كانت سباحه مايعلا عليها وطلعت شافت جوجو منزله رجلينها وجالسه على حافه المسبح تلعب فيهم وهي تصفق لها مشالله عليك حركاااات
غطست سلام حتى اختفت جوجو تدورها بعيونها خافت عليها بس حست باحد يسحبها من رجليها جوا المسبح حاولت تمسك بس .....هووب طششششش ششش>>>صوت الماء هههههاي
دخلت بالمويا البارده شعووور يجنن اول ماتدخلين وكانت تحبه بس اححححح. الماء باردد وحست انها شربت مويا كثيير وجلست تكح بقوه
سلام خافت عليهاااا وقربت تضرب ظهرهاا بسم الله عليك اسفه دموعها نزلت
بس جوجو بعدت ومدت لسانها صادوووووه
سلام لفت وتكتفت مثل البزران
جوجو جتها من ورا وضمتها وباستها من رقبتها
سلام لفت لجوجو وجت تشفها بس جوجو بعدتها دوبا اعقلي.....
وضلوا يسبحوا بكل روقان حتى تعبوا..........طلعوا وراحت سلام لفونها شافت مكالمات من امهااا يووووه نسيت ماما وعدتها اطلع معاهم برا نتعشى
ودقت عليها
مامي سوري مانتبهت للوقت
ام سلام
عادي حبيبتي اهم شي روقتي
يلا الحين نمرك تاخرنا على ابوكي اكيد الحين جوعان
سلام بغنج
اوك مامي انتظركم
ورجعت للصاله تجلس مع جوجو ومحمد وجدتهم يسولفون حتى يجوا اهلهاااا
*******************
انتهى البارت الثاني
لا تنسوني من ردودكم حبيباتي.......
موضوع: يوميات جامعيه(روايتي الاولى) 
الأربعاء أغسطس 15, 2012 10:43 pm
