انا لما قرت هذي رواية والله على طول صحت ياخي حزينة المهم طبعا اذا تحبون انزل بارتات كلها اليوم من عيوني بس بالاول بحط بارت الاول وعطوني رايكم وان شاء الله تعجبكم
__________________________________________
بسم الله الرحمن الرحيم
صباح \ مساء الخير
انا بنت عشقت الروايات بشكل ما تتصورونه
و على ما يقولون خيالي واسع لوووول
نصحوني صديقاتي اكتب رواية وانشرها .. بالبداية ماحبيت الفكره وبصراحة خفت ما تتقبلوني او ما تتقبلون الرواية
بس بالاخر تشجعت وقررت انزل اول رواياتي بعنوان ( صدفة )
روايتي فيها من الحزن الكثيييييير مثل مافيها من الفرح وفيها جوانب انسانية ومشاكل نعيشها بحياتنا
ماحب اطول عليكم .. بس حبيت اقول لكم اني عشششقت الرواية وعشقت ابطالها وتعلقت فيهم بدرجة كبيره
بجيت معاهم وضحك معاهم
وعشتها وجني وحده منهم
اتمنى انكم تحبونها وتعجبكم فكرة الرواية
واذا غلطت نبهوني ولا تحرموني من آرائكم
وبــــــــــــــسم الله نبتدي
__________________
الجزء الأول
فتحت عيونها واهيا تتلفت حولها وتمد ايدها تحاول توصل للساعة ، شافت الساعة ست ونص الصبح وتوه الوقت مبجر ، باقي ساعة ونص على بداية الدوام
شافت صديقة عمرها نايمة وفكرت تقعدها(تصحيها) ولا لا ، قررت تاخذ شاور وبعدها تقعدها
خذت شاور وصحصحت ولبست اليونيفورم الخاصة بالمدرسة ، وراحت تقعد رفيجتها
أسماء : lana ... lana
لانا : همممممم
اسماء : come on , wake up
لانا :5 minutes
اسماء: ولا دقيقة وحده ، يلا يا كسولة
لانا: ذلفي عن ويهي احسن
اسماء : بتقومين ولا بتصرف معاج تصرف ثاني
لانا : اووف اوووووووف خلاص قمت
وقامت لانا و عيونها مسكره
لانا : هاا .. ارتحتي يا انسه اسماء ؟
اسماء ماردت عليها وراحت تمشط شعرها
لانا راحت تاخذ شاور
أسماء خلصت من شعرها و واقفة تتامل شكلها
أسماء ( بنت عمرها 17 سنة.. جميلة لابعد الحدود .. طويلة وجسمها حلو بس اقرب للضعف .. وشعرها قصيييييير يوصل لتحت الاذن بشوي ولونه بني فاتح .. جمالها شرقي .. العيون عسلية والخشم صغير وعيونها يشبهونها بعيون اليابنيين هههههه لانها صغيره بس حلووه وماشيه مع ملامح ويهها .. كل ملامحها تدل انها بنت شرقية الا لون الشعر البني مايل للون الاشقر ) اما قصتها راح تعرفونها مع الاحداث
خلصت لانا وبعدها نزلوا لقاعة الطعام الموجوده بالمدرسة
(اسماء ولانا يدرسون في مدرسة داخلية باحدى ضواحي لندن .. مدرسة ثانوية للبنات وفيها من كل الجنسيات بس مافيها من الخليج ونادر تشوف طالبات عربيات)
دخلت اسماء القاعة مع اصوات الطالبات اللي تمدح فيها وفي كشختها وجمالها واما لانا راحت تييب ( تجيب ) الريوق
اسماء من اوائل الطالبات بالمدرسة والاساتذه كلهم يحبونها وكل بنات المدرسة يتمنون يصادقونها .. اممم خل اتكلم عن شخصيتها
( جريئة ومن النوع اللي دايما يضحك ويتغشمر وتحب الحياة الاجتماعية .. تحب تتعرف على ناس يدد ( جدد ) تحب المغامرات وتحب الهياتة ههههههه ماتحب احد يفرض راية عليها ..وكانت كل امنيتها بالحياه انها تعيش مغامره بمعنى مغامره مثل اللي تشوفهم بالافلام )
اما بالنسبة لوضعها مع اهلها ( اسماء يتيمة او بمعنى اخر لقيطة .. استقبلتها دار رعاية وتكفلت فيها وبكل مصاريفها بعد ما لقوها عند باب مستشفى مع اوراقها الرسمية وعرفوا انها بنت بريطانية الجنسية وحاولوا يوصلون لاهلها بس .... )
باقي قصتها تعرفونها مع الاحداث ، واسماء كل اللي تعرفه انها لقيطة وانها بالاصل كويتية بس من ام بريطانية وامها حملت فيها بس بدون ما تتزوج ابوها !!!!!!!!!!!!!! وان امها وابوها ميتين واهيا مسجلينها على اسم امها ، وبالنسبة لاهل امها .. لما دروا انه بنتهم عندها بنت رفضوا يستقبلونها بحجة انها بنت غير شرعية واهل ابوها اهم اللي ملزومين فيها )
لانا ( بنت بريطانية الجنسية والاصل .. قصتها مقاربه لقصه اسماء تقريبا .. ام لانا تعرضت للاغتصاب وللاسف لانا صارت الضحية لغلطة لا اهي ولا امها لهم سبب فيها .. كانوا ضحايا لانسان وقح حاول يرضي نفسه على حساب غيره .. وام لانا اشتغلت في دار رعاية اللي قضت فيها كل ايام حياتي الى ان توفت وكان عمر لانا لا يتجاوز الست سنوات .. واصبحت لانا بعد امها يتيمة وتكفلت دار الرعاية فيها )
هذي قصص البنات باختصار وهذي الاحداث اللي البنات يعرفونها وحاولوا يتناسونها ويعيشون حياتهم عنهم وعن امهاتهم اللي ظلمتهم الدنيا وكلت حقوقهم
و خارج اسوار المدرسة ولكن مو بعيد عنها .....
سالم : صباح الخير والاحساس والطيبة
بدر بابتسامة تدوخ : صباح الفل والياسمين يا هلا
سالم : هاا .. شلون النفسية قبل الامتحان ؟
بدر : زفت ولله الحمد
سالم : افااا بو ناصر شفيك لا يكون ما درست
بدر : امبلا درست بس متوتر
سالم : يا عمي هونها وتهون
بدر قاعد يتصفح الكتاب ويحاول يتذكر اللي درسه
سالم : اقول بو ناصر ..
بدر : شعندك تراك ازعجتني
سالم : افاااا والله ! صدمتني اهئ اهئ ماقدر لا لا لااااااااااااا
بدر : بس بس فضحتنا يالخبل
سالم يسوي نفسه زعلان وماد البوز
بدر : اخلص شعندك ؟
سالم : كنت بعزمك اليوم اذا طلعت الامتحان سهل بس انت ما تستاهل
بدر: غريييييييييييييييييييييييييييييبة !!!! انت تعزمني
سالم عصب : صج صج انت مو كفو ( و وقف بيروح )
بدر مسكه : ههههههه اقعد والله اتغشمر كلش ولا زعلك
سالم : اي تعدل وخلك خوش ولد
بدر عطاه نظره وخلاه يحترم نفسه
بدر ( شاب كويتي يدرس في بريطانيا تخصص اداره اعمال .. ومن اسره غنية جدا .. عليه جمال يعور القلب .. ايه بالجمال واحلى مافيه سمار بشرته .. طبعا غير طوله الفارع وبنيته الجسميه اللي تجبر كل اللي يشوفه انه يخاف منه .. بس مغروووووووووووووووووور بشكل مو طبيعي وشايف نفسه .. وقلب صخر حجر مايحس .. حتى ابتسامته نادر تنشاف .. ومو متحمله الا ولد عمته سالم )
سالم( حبوب وطيب ويحب الغشمره ودمه خفيف ويحب ياخذ ويعطي مع الكل وشخصيته مرحه جدا .. مايحب النكد وضيقة الخلق .. ويدرس مع بدر بنفس الجامعه ونفس التخصص )
بدر وسالم اعمارهم 20
نرجع لمدرسه البنات .. وبعد يوم دراسي حافل
لانا واسماء في غرفتهم يخططون
لانا : اسمووووووووه
اسماء : لا تصارخين اسمعج اسمعج
لانا : اسومتي اليوم يصادف اليمعه يعني انتهاء الحبس الاسبوعي
اسماء : ... انزين ؟
لانا : وين مخططه نطلع بهالويكند؟
اسماء : امممم والله مادري مافكرت
لانا : افففف واحنا كل اسبوع هذي حالتنا
اسماء : هههههههههههههههههههههههههههههههههههههههههههههههه
لانا : شفيج ؟
اسماء : والله ههههههههه لانا تضحكين يالهبله هههههههههههه
لانا مو فاهمه شي
اسماء : لانا انتي بريطانية وتتكلمين كويتي هههههههههههه
لانا : توج تستوعبين ؟!!
اسماء : ههههههه مادري والله مو لايق
لانا : حتى انتي
اسماء : حتى انا شنو ؟
لانا : شلون بريطانية وتتكلم كويتي
اسماء : بس انا كويتية
لانا :انتي تقصين على منو ؟ انتي جنسيتج بريطانية و من مواليد بريطانيا و امج بريطانية
اسماء : بس ابوي كويتي
لانا : اسمووه لا تتفلسفين على راسي .. انتي الله رزقج انه في وحده كويتية تشتغل مدرسه هني ولا جان حتى عربي ماعرفتي تتكلمين
اسماء عورها كلام صديقتها بس ماتقدر ترد عليها لانه كل كلامها صحيح
اسماء : المهم ماعلينا .. شرايج نروح لمطعمنا وبعدين نقرر وين نروح
لانا حست انه اسماء تضايقت وتحسفت على الكلام اللي قالته
لانا : ok >> as you like
راحوا لمطعمهم اللي تعودوا ياكلون فيه كل ويكند
وبعدها راحوا لواحد من المجمعات التجاريه وتسوقوا واستانسوا وصارت الساعه تسع يعني وقت الرجوع للمدرسة
ويوم السبت مثل يوم اليمعه طلعوا وغيروا جو بس هالمره مع مجموعة من بنات المدرسة
يوم الاحد ممنوع الخروج من المدرسة لانه يوم النظافه
يوم النظافه يشمل غسيل الملابس وتنظيف الغرف والفصول وحدائق المدرسة والصالات الرياضية والمختبرات وقاعة الطعام وتكون بمشاركة اساتذه المدرسة
وبعد الشغل يتجه الكل لغرفهم ويحلون الواجبات استعدادا لبداية الاسبوع غدا
وفي اخررررر الليل كانت المفتشه تاخذ جولة على الطالبات وتتأكد ان الكل موجود
وهالمفتشه محد يحبها وشديده حيييييييل واسمها آقنس
بس اسماء اطلقت عليها لقب ( البقره الحلوب )لانها كانت سمينه جدا
ودخلت غرفة اسماء ولانا وشافت انهم نايمين
و من سكرت الباب نطت ( قفزت ) اسماء على سرير لانا
لانا : اييييييي !! كسرتيني يالدفشه
اسماء : قومي يلا الامن مستتم
قاموا بسرعه وعدوا شعورهم استعدادا للهروب >>>>علما بانهم كانوا لابسين وخالصين
فتحت لانا الباب بهدوووووووء وطلعوا من الغرفة ويمشون على اطراف اصابعهم
نزلوا ومثل ما توقعوا كل الليتات مسكره وماكو احد
و راحوا لغرفة الرسبشن وفتحوا الدريشة وطلعوا عالحديقة ومنها للسور .. صعدوا السور وطلعوا
اسماء : اووووه !! كان بيوقف قلبي من الخوف .. توقعت باي لحظه بيصيدونا
لانا : لا لا انا خفت من الجلاب ( الكلاب )
و راحوا للشارع العام واهم في قمة السعاده لانهم حققوا اللي يبونه
بدر : والله اني من شفت الامتحان بغيت اسجد شكر
سالم : ايييي والله ماتوقعته بهالسهوله
بدر : يامعود قول الحمد لله خلصنا من هالماده
( و بنفس الوقت )
لانا : اسمووه خلصينا نطي يلااا قبل لحد يشوفنا
اسماء : مابي ! شدراج شنو راح يكون ورا هالسور
لانا : اسوم بلييييز اي شي احسن من هالمكان ..يمااا سمعي اصواتهم اكيد سكارى
اسماء بدت تخاف : اكيد في طريقة نطلع من هني
لانا : ماكو الا طريجنا اللي يينا منه واهو يودي للمدرسه
اسماء بقلة حيله : لا كلش ولا المدرسة .. يلا امرنا لله
وصعدت اسماء على السور بمساعدة لانا اللي كان عااااااااالي جدا
اسماء متعلقة بالسور وماده ايدها لـ لانا عشان تصعد
صعدت لانا ولازم الحين ينزلون من الجهه الثانية للسور
اسماء نزلت اول ريل وباقي الريل الثاني .. اختل توازنها وطاحت!!!!!!!!!!!!!!!!!!!!
ولعيونكم بارت ثاني واهم شي رايكم لا تنسوون
________________________
بسم الله الرحمن الرحيم
الجزء الثاني
بدر : انا نسيت القانون الثــ .....
ااااااااااااااااااااااااااااااااااااااااه
بدر مايدري شنو الشي اللي نازل من السما وطاح عليه
لانا نزلت من السور و ركضت لاسماء
لانا :are you ok ?
اسماء تتألم من ريلها
سالم راح يتطمن على بدر
اسماء : I am so sorry
بدر : never mind .. it is ok
اسماء تكلم لانا : شكلها خربت الطلعه لانه ريلي تعورني
بدر سمعها : انتي عربيه ؟
اسماء توهقت : اي
سالم : شكلج كويتية من لهجتج
اسماء : اي .. ليش ؟
سالم يشوف اشكالهم ولبسهم : لا بس مستغرب
اسماء ولانا مافهموا قصده
بدر طول الوقت ساكت ويطالع اسماء بانبهار
اسماء انتبهت له وعصبت ماتحب هالنظرات : في شي ؟
بدر انتبهت لها : ها .. لا مـ ماكو شي
سالم كان وده يضحك على شكل بدر بس يقول بينه وبين نفسه ماينلام جمالها يشق الراس
لانا : احنا اسفين مره ثانية ويلا باي
بدر يطالعهم واهم يبعدون وسااااااااااااااااااااااااااااااااااكت
سالم : هي يالاخو
بدر ماكو تجاوب
سالم : انا اكلمك
بدر على حاله
سالم حرك بدر
بدر عصب : هاااااااااااااا شتبي يالعله؟
سالم مات من الضحك : هههههههههههههههههههههههههههههههههههههههههههههه
بدر مازال معصب : ضحكت من سرك
سالم مو قادر يمسك نفسه : ههههههههههههههههه والله شكلك تحفه
بدر طنشه ومشى
سالم : شكلك طحت ومحد سما عليك يا ولد خالي العزيز
بدر : ماتعرف تاكل تبن وتسكت
وبعد اسبوع وتحديدا يوم اليمعه
طلعوا اسماء ولانا للمطعم
وبالصدفه شافوا جون ( شاب بريطاني يموووووت باسماء ومتعرف عليها في مخيم صيفي قبل سنتين بس اسماء ماتحبه ولا تواطنه واكثر من مره تتهاوش معاه بس اهو يرجع لها )
جون وبدون اي مقدمات سحب الكرسي وقعد معاهم
(الحوار بكتبه بالعربي او بالاحرى باللهجه العامية احسن )
جون : مسااااااااااااااااااااااااااااااااااء الخير
اسماء بدون نفس : مساء النور
لانا : هاي جون شلونك ؟
جون : تمام وشلون الحلوين
اسماء نزلت الصمونه خلاص انسدت نفسها : تمام
قام جون وقرب الكرسي عند اسماء
اسماء عادي عندها (ماخذه عاداتهم وتقاليدهم )
جون اخذ ايدها وباسها
جون : احبج
اسماء سحبت ايدها منه وابتسمت مجامله
وماتدري انه في عيون تراقبهم من اول ما دخلوا
سالم : انتش قاعد تشوف ؟
بدر : شوف شوف مو هذي اللي طاحت علي قبل اسبوع ؟
سالم : وين اي وحده ؟
بدر : شوفها اللي قاعده عند الدريشة لابسه اخضر
سالم : ايييييييييييي صح صح اهي
نرجع لجون
والحبيب ماخذ راحته عالاخر واسماء ملت واهي تصده بس بدون فايده
راح جون ولف ايده عليها وقرب راسه عند رقبتها وباسها
اسماء زهقت منه ولاعت جبدها ، وخرت ايده عنها ومسحت رقبتها
بدر قام من مكان لا شعوريا ومسك جون وعطاه بقس على ويهه
تحت صدمة الكل (اسماء لانا جون سالم )
وسحب اسماء معاه وطلع من المطعم
اسماء : اييي وخر عني
بدر ما يرد
اسماء : وخر عنننني شنو انت ماتفهم
بدر زادت اعصابه وصرخ بويهها : جب ولا كلمة يا قليله الادب
انتي شنو ماتستحين ولا اهلج ماعرفوا يربونج
اسماء تحاول تسحب ايدها منه : هد ( اترك ) ايدي مالك شغل فيني
بدر :لا انتي واضح انج قليلة ادب واهلج مايدرون عن تصرفاتج ، قبل اسبوع طالعه بنص الليل بروحج ولبسج فاضح وطايحه علي وانا متأكد انج متعمده واليوم ماخذه راحتج معاه
اسماء عصبببببببببت : انت شكو ؟ ابوي امي اخوي ؟ مالك شغل فيني اسوي اللي ابيه
بدر فقد اعصابه ورفع ايده وعطاها كف
بدر : لما تكلميني ما ترفعين صوتج ولا لسانج هذا اقصه لج ، وانتي اكيد اهلج مايدرون عنج
اسماء تحت تأثير الصدمة ( شلون يمد ايده علي ؟!! وباي حق يحاسبني ؟ )
اسماء : انت باي حق تمد ايدك علي ؟
بدر : اربيج يالمتربيه
اسماء : انا متربيه قبل لا اشوف ويهك .. هد ايدي
بدر ترك ايدها و عطاها نظره و رجع للمطعم
لانا تراقب الوضع من بعيد وماصدقت يروح بدر عشان تروح لاسماء
لانا : اسوم فيج شي ؟
اسماء : الزفت النذل مد ايده علي
لانا : هدي نفسج ويلا نرجع للمدرسه
اسماء : اوكي بس جنطتي داخل
لانا : يلا ناخذهم ونرجع للمدرسه
اسماء : لا مابي اشوفه انتي اخذيهم وانا بنطرج هني
في شقة سالم وبدر
سالم : بس انت غلطان مالك حق تمد ايدك عليها
بدر : يا سالم افهمني انا مادري اصلا ليش رحت لهم لطاولتهم من الاساس
سالم بخبث : يضرب الحب شو بيزل
بدر : اي حب واي خرابيط انا قلبي ما ملكته الا وحده وانت تعرفها
سالم : الا صج شخبارها من زمان ماشفتها
بدر : زعلانه علي تقول ماتذكرت عيد ميلادها
سالم : ههههههههههههههههههههههههههه خبال بنات
بدر : عاد كل بنات العالم بكوم وندى بكوم
سالم رفع ايده : الله يرزقنا
اسماء ميته قهر من بدر وكرهت جون اكثر لانه حطها بهالموقف
وفي مكان بعيييييييييييييييييييييد كانت فجر قاعده في غرفتها عالنت
وتكلم ما يحلوا لها من الشباب
دخلت عليها امها الغرفه
وبحركة سريعة طلعت من كل المواقع اللي داخلتهم
ام فيصل : فجر يما ترا اليوم بنروح لبيت خالتج ام بدر اليوم الزواره عندها
فجر طارت من الفرحة : اووووووووكي
(ام فيصل & بو فيصل)
(بو فيصل متوفي )
(عندهم ثلاث بنات و ولد
فيصل عمره 22 سنة اخر سنه بجامعه الكويت
فجر 18 سنه اول سنه بالجامعه تخصص ادب انجلش
نوره 17 سنه اخر سنه بالثانويه
غاده 6 سنوات باول سنه ابتدائي
ام فيصل اخت من ام بدر
(عايله ام بدر وبو بدر)
( بو بدر رجل الاعمال المشهور رجل طيب لابعد الحدود ومتفهم ومستحيل يغصب عياله على شي مايبونه
ام بدر امرأه متسلطة تحب المظاهر ومغروره محد عاجبها مدلعه ولدها بدر والحب كله له
بدر اكبر عيالهم وتكلمنا عنه
خالد شاب عمره 19 حبووووووووووووووووووووووووب واحلى شخصية بالرواية و راح تعرفون ليش ومجتهد دراسيا وحاليا يدرس بكلية الهندسة
بشاير 17 سنة اخر سنه ثانوية .. بنت هااادية ونعومه ومالها بالمشاكل ودلوعة ابوها بس دايما اهي وخالد في هواش مستمر وتخاااااااف من بدر ( اصلا الكل يخاف منه )
(عايلة ام فهد وبو فهد )
(بو فهد رجل اعمال ناجح ومطوع وقلبه ابيض
ام فهد اخت بو بدر الصغيره .. تنحط عالجرح ويبرا
فهد 32 سنة متزوج من بنت عمه ريم وعندهم بنوته حلوه اسمها دانة عمرها ثلاث سنين
ريم زوجة فهد عمرها 27 سنة مدرسه لغة عربية وحامل بالشهر الرابع
سالم صديق بدر وتكلمنا عنه
مشاري 16 سنه بالصف الحادي عشر وشخصيته بتعرفونها مع الاحداث
احمد 13 سنة بالصف الثامن
يوسف 10 سنوات بالصف الخامس
( عايله بوحمد و ام حمد )
بو حمد اخو بو بدر وام فهد وشريكهم بالحلال
ام حمد نسسسسخة من ام بدر مغروره وحقوده
حمد 22 سنة شاب وسسسسيم ويعتبر اجمل شباب العايله ولكن بعد بدر
ضابط في الحرس .. دمه خفيف ويحب الغشمره ومشهوووور بالمقالب وصديق خالد ولد بو بدر
هند 18 سنة اول سنه بالجامعه وتخصص ادب انجلش مع فجر ولها نفس شخصيه فجر مغروره وشايفه نفسها وعندها سوالف الشباب والمصخره
واجتمع الكل في بيت ام بدر
فجر تمثل انها مستحية جدام ام بدر وام بدر طااايره بفجر
وتمشي وتقول فجر لبدر
وكل البنات حاسدين فجر لانها بتاخذ بدر اللي بنظرهم كامل والكامل الله سبحانه
ام بدر : هاا يمه فجر شلون الدراسة معاج ؟
فجر : الحمدلله خالتي كل شي تمام
ام بدر : اييي عاد نبيج ترفعين الراس عشان افتخر فيج واقول هذي مرت ولدي
نوره وبشاير مو عاجبهم الوضع ويكرهون فجر لانهم يعرفون سوالفها
بشاي ميته قهر : نورو شوفيها مصدقه عمرها بتاخذ بدر
والله لو على قص رقبتي تاخذه هالصايعه
نوره متفشله من تصرفات اختها : ايي والله بدر يستاهل احسن منها
هند : هييي انتي وياها شعندكم اتساسرون ؟
نوره : سلامتج
و مع الوقت اللي صار كله سوالف وحش بالاوادم
الحريم بصوب والبنات بصوب
دخل خالد وحمد عند الحريم
حمد : السلام عليكم
الكل : وعليكم السلام
خالد من وراه : هاااااااااااااااااااااااااااااااااااااااااااااي
الكل باصوات مختلفه : هايات
قعدوا عند الحريم شوي وبعدها راحوا عند البنات
بما ان خالد هوايته يرفع ضغطهم
بشاير ذااااابت من شافت حمد يطالعها
بشاير تهمس لنوره : نورو يماااا قلبي شفتيه يخزني
نوره تبي تقهرها : اييي وااااي واااي اينن اينن اسم الله عليه
بشاير عصبت : هي انتي غضي البصر عمى بعينج
نوره ماتت من الضحك
خالد : خير نورو شعندج تضحكين ضحكيناا
نوره اللي تكره خالد : وانت شعليك اضحك ولا ما اضحك
خالد يبي يرفع ضغطها : افااااا ماهقيتها منج يا بنت خالتي .. جذي تقولين لزوج المستقبل
نوره : ويييييييييييييييييييييييييييييييييييييييع خويلد مصدق عمرك
خالد : بس انا احبج
نوره : حبتك القراده قول امين
خالد : كل شي منج حلو يا حلو
ماحس الا بقوطي الكلنكس على ويهه من نوره
خالد : ايييييي يالدفشه
نوره : تستاهل
واستمروا على هالحال الى نهاية اليوم
نرجع لبريطانيا وبالتحديد بمدرسة البنات
لانا : بسج اسوم كل هذا عشان الحقير هذاك
اسماء : لانا عفية خليني بروحي
لانا : اسماء ترا بزعل عليج صارلج جم يوم على هالحال
اسماء لا رد
لانا : اسوم حياتي اليوم في حفلة لفرقتج اللي تحبينها
اسماء على حالها
لانا : ماتبين تشوفين كارلوس
اسماء طااارت من سمعت باسمه : كل مره نروح بس مايشوفني ولا اقدر اكلمه حتى
لانا بخبث : بخليج تشوفينه وتكلمينه وتصورين معاه بعد
اسماء : شلووون ؟
لانا : انتي قومي بدلي ملابسج واذا وصلنا قلت لج
بدلوا وراحوا لمكان الحفل وكان باحدى الساحات الكبيره بوسط لندن
اسماء : ماقلتي لي شلون بكلمه وكل هالعالم موجودين
لانا : انا عندي خطة
اسماء بلهفه : شنو ؟
لانا : اول ما يبدى الحفل .......... وعلمتها بالخطة
اسماء : اما انج داهية
لانا بغرور : عشان تعرفين قدري
سالم : اوف اوف اوف شوف الزحمة شالسالفة ؟
بدر : والله مادري علمي علمك تعال نشوف
راحوا وسألوا وعرفوا بالحفلة
بدر : سلوم يلا مشينا
سالم : على وين ؟
بدر : اي مكان بعيد عن هالازعاج والزحمة
سالم : يا شينك اذا سويت فيها ثقيل .. اقول انثبر بس بحضر الحفلة
بدر : اقول امش خلصني ماحب الازعاج
وسمعوا صوت من ورهم : هلووو
لفوا يشوفون مصدر الصوت
بدر : هلا والله هلا بدنيتي كلهاا
ندى مستحية : هلا فيك .. شلونك ؟
سالم بلقافه :انا تمام الحمد لله
بدر : محد كلمك يالملقوف .. احم انا بخير دامني اشوف هالعيون
ندى ذابت خلاص : تسلم .. الا صج شعندكم هني ؟
سالم : والله كنا ماشين وشفنا الزحمة وعرفنا انه اكو حفلة فـ قلنا نحضرها شورانا
ندى : عاد انا ورفيجاتي يايين مخصوص حق هالفرقة
سالم بخبث : يلا بدير خن نروح مكان ثاني ماقدر اتحمل الازعاج
بدر هاااايم بندى : لا لا ماكو احلى من هالمكان
بدت الحفلة و بدوا بأول اغنية
اسماء من شافت كارلوس واهيا ذايبه ههههههه
لانا تأشر لها يعني يلا هذا وقتج
لانا واهيا واقفه تكلم السكيورتي عشان ماينتبه لاسماء
اسماء ماصدقت واصعدت عالستيج
و راحت عند الكورال ورا ترقص معاهم هههههههه خبلة هالبنت
المطرب الرئيسي كارلوس انتبه لها لما صعدت بس طنش
واهي ماتت قهرررررر
تهورت وراحت عنده جدام وصارت ترقص معاه واهو دخل معاه بالجو على طول
وصاروا الجمهور يصفقون لهم
واسماء ميييييييييتة من الوناسه كارلوس يمها ويرقص معاها شتبي اكثر من جذي
والجمهور كله انبهر باسماء لانها راقصة محترفة
بدر قاعد يتابع الوضع بهدوء مع سالم وندى
ورقص اسماء جذب الكل حتى بدر نسى الفرقة وانبهر برقصها
بس لما دقق فيها ( هذي ,,,, !!! )
وبنهاية الاغنية .. المطرب باس خد اسماء وعند الكل الوضع عاااادي حتى اسماء لانهم تربوا على هالشي
الا بدر !! اللي وصل حده وما حس بنفسه الا انه واقف ورا الستيج ينطرها تنزل
نزلت واهي طااايره طااايره طاااااااااااايره
بس ماحست الا بالايد اللي تسحبها
شافت ويهه اعرفه !! اي اعرفه هذا اللي بالمطعم
بدر بقمة العصبية : انتي شنو من بشر هاا ؟ ماتستحين؟ اذا اهم عندهم عادي تروحين تقلدينهم ولا انتي من النوع اللي من اول ما يطلع برا الديره يغير كل شي فيه ويقلد الاجانب
اسماء ميييييييييتة خوف منه لانه معصب حده
بدر يصرخ : ماترديييييييين !! ليش سويتي جذي ؟
اسماء خايفة : مـ مـ ماسويت ششـ ي
بدر : كل هذا وماسويتي شي .. لا انتي شكلج ماتربيتي
اسماء استجمعت قوتها : لا تربيت احسن منك
بدر : عيل شتفسرين تصرفاتج يالمتربيه
اسماء : انا حره اسوي اللي ابيه انت مالك شغل فيني
بدر : انتي شكل اهلج مايدرون عنج
اسماء : مالك شغل باهلي .. و وخر عني احسن لك
ندى وسالم لحقوا بدر
ندى : بدر منو هذي ؟
بدر ماعنده رد .. شيقول وحده ماعرفها ولا تعرفني حتى اسمها ماعرفه
اسماء استغلت سكوت بدر : قولها .. قولها انا منو ؟
بدر : جب ولا كلمة
ندى عصبت : اقولك منو هذي ؟
سالم حب ينقذ الموقف : ندى امشي معاي وانا افهمج
ندى: ابي الاخ المحترم اهو اللي يفهمني
سالم : ندى تعوذي من ابليس وامشي وبدر يلحقنا
راحت ندى مع سالم
بدر يسحب اسماء لسيارته : امشي امشي جدامي
اسماء خافت : وخر عني وين بتاخذني
بدر : بوديج لاهلج يالمحترمه يالمتربيه يابنت الاصول
اسماء : وخررر عني ماراح اروح معاك وخرررررررررر
بدر مارد عليها وركبها السياره وركب يمها
اسماء تحاول تفتح الباب بس بدر قافله من عنده
بدر : وين بيتكم ؟
اسماء ماردت
بدر : لا تطلعيني عن طوري قولي وين بيتكم
اسماء على حالها
بدر وقف السياره على صوب ولف عليها ومسكها من شعرها
بدر : اقولج وين بيتكم تحجي ؟
اسماء خافت وقامت تبجي
بدر : بتكلمين ولا شلون ؟
اسماء : مدرسة الـ .....
بدر : عبالج بتجذبين علي
اسماء : اي انا ساكنه هناك والله
بدر : خلي عنج المدرسة وقولي وين بيت اهلج
اسماء ماقدرت اتكلم وكانت تبجي
بدر توهقت وبالنهاية قرر يروح للمدرسة
نزل وسحبها معاه لداخل ولا يلاقون البقره الحلوب باستقبالهم
(الحوار باللهجة العامية )
اقنس :شفيها ؟ ومنو انت ؟ ومن وين يايبها ؟
بدر : هالطالبة كانت بحفلة
اقنس : اي عندي خبر
بدر: بس اللي ماتعرفينه الشي اللي سوته
اقنس : شنو سوت ؟
وقال لها بدر السالفة
اقنس : هههههه وعشان جذي معصب .. انا ما اشوف شي غلط بس طبعا بقوانين المدرسة هالشي ممنوع
بدر : انا ابي اقابل ولي امرها
اسماء خنقتها العبره : شتبي فيه ؟
بدر : انا ما كلمتج .. مس اقنس ابي اقابل ولي امرها
اقنس : ماتقدر
بدر : ليشم اقدر
اقنس طالعت اسماء بحزن : اسماء يتيمة
بدر انصددددددم : يتيمة ؟
اسماء ماقدرت تمسك نفسها اكثر وبدت بالبجي
بدر : بس انا ابي اقابل المسؤول عنها
اقنس : اداره المدرسة متكفله فيها
اسماء من سمعت بطاري الاداره وقف قلبها وقالت بالعربي عشان اقنس ما تفهم
اسماء : امبلا عندي ناس متكفلين فيني مو المدرسة
بدر : منو ؟
اسماء : ليش شتبي فيهم ؟
بدر : انا سألتج سؤال واتمنى تجاوبين ؟
اسماء : وحده كويتية اسمها اماني
بدر : و وين اقدر اقابلها ؟
اسماء : في بيتها
بدر : عطيني العنوان
اسماء : ماعرفه
بدر بدا يعصب : لا تيننيني
اقنس : شقاعد يصير ؟ فهموني
بدر : ابي عنوان الانسة اماني المسؤوله عن اسماء
اقنس : بس اماني مو مسؤوله عنها اداره المدرسة اهي المسؤوله وعندنا اوراق تثبت هالشي
بدر عطى اسماء نظره طيحت قلبها ( يماا يمااا مو بشر هذا من نظره وقف قلبي )
بدر : ابي اقابل رئيس المدرسة
اقنس : اوكي اتفضل وانا اروح اعطيه خبر
راحت اقنس واسماء قاعده على اعصابها لانها عارفة اداره مدرستها وعقوباتها وطرت على بالها فكره
اسماء : ممكن استخدم موبايلك ؟
بدر : ليش ؟
اسماء : بكلم مربيتي ؟
بدر باستهزاء : مربيتج !!! شكبرج وعندج مربية .. وهم عالفاضي ماعتقد انج متربيه عقب اللي شفته .. وبعدين تعالي ناس عندهم ام وابو وما عندهم مربيات .. وانتي ياليتيمة عندج
اسماء كلامه جرحها حيييييل ( شنو هذا مايحس .. كل كلمة اكبر من اللي قبلها .. ماعنده قلب )
اسماء حاولت تتمالك نفسها : انزين ممكن تعطيني ؟
بدر : مو قبل ما تقولين لي شراح تقولين لها ؟
اسماء : انت بتكون موجود وبتسمع المكالمة
بدر : اسف
اسماء : بليز
بدر : قلت لج اسسسسسف
اسماء بدت دموعها تنزل : الله يخليك ابي موبايلك والله ضروري
بدر انصدم لهالدرجة المكالمة مهمه .. بس مابين اهتمامه : قلت لج لا
اسماء : الله يخليك الله يوفقك والله ضروري اكلمها الله يخليك
بدر يتصنع عدم الاهتمام : بس بطيتي راسي قلت لج لا يعني لا
اسماء : انت انذل واحقر واحد شفته بحياتي
بدر ولا جنه يسمع
دقايق الانتظار مابين هدوء بدر وبكاء اسماء اللي يقطع القلب
اقنس : تفضل
قام بدر وبعده اسماء اللي راحت لمصيرها المجهول
الرئيس : اهلا تفضل
بدر قال له السالفه
الرئيس بعصبيه ويطالع اسماء : لا تخاف يا سيد.... الاسم الكريم
بدر : بدر
الرئيس : لا تخاف يا سيد بدر احنا راح نقوم بالاجراءات اللازمة بحقها
بدر : بس ممكن اعرف شنو الاجراء اللي بتتخذونه ؟
الرئيس : اسبوع حرمان من دخول الحصص
اسماء صرخت : لااااااااااااااااااااااااااااااااااا
بدر فرحااااان : بس !!!
اسماء ودها تقوم تذبحه .. شنو يبي اكثر
الرئيس: اي اظن كافي الا اذا لك راي ثاني
اسماء تطالعهم مصدومة : بس انــ ..
الرئيس: ولا كلمة
اسماء ماتعودت تسكت عن حقها : انــ ..
بدر : ماسمعتي شقال ؟؟ ولا كلللمة احسن لج
بدر يكلم الرئيس : انا اتوقع انه حرمانها من الحصص شي نفسي
الرئيس مافهم : شنو تقصد ؟
بدر : بحرمانها من الحصص راح تتألم الم نفسي وممكن بكل سهوله تفتح الكتاب وتدرس بروحها او وحده من زميلاتها تشرح لها
الرئيس : راح امنع عنها الكتب وامنع عنها الزياره
بدر ( شهالاثول ) : بس بالاخر راح ترجع الكتب و زميلاتها بيرجعون يكلمونها
الرئيس مو فاهم قصد بدر : يعني تقترح ازيد مده الحرمان
بدر ( اللهم طولج يا روح ) : لا انا ابيك تركز عالالم العضوي .. يعني مثلا تكلفها بالتنظيف لمده اسبوع يعني بمعنى اخر اعمال شاقه
الرئيس وتوه يفهم : اهااا .. اوكي راح اخليها تنظف حضيره البقر والاحصنه والدياي اللي بالمزرعه التابعه للمدرسه و راح ننقلها للمزرعه هالفتره
اسماء بجت لانها مقهوره مظلومة ولانه ماعندها احد يدافع عنها
بدر : والمزرعه قريبة ؟
الرئيس : لا بعيده وتاخذ مشوار ساعتين بالسياره
بدر : ومنو موجود هناك ؟
الرئيس : عمال المزرعه
بدر : بس ؟
الرئيس : اي عشان تشعر بالوحده
بدر خاف عليها .. شلون تقعد بروحها بمكان كله رياييل وبعيد يعني لو يصير لها شي محد يدري عنها .. بس بعد هالفكره من راسه .. احسن تستاهل الحقيره : اوكي شكرا لك واسمحلي الحين انا استأذن
راح بدر واهو مو حاس بالالم الفضيع اللي سببه لاسماء !!!!!! صج ناس مافي بقلوبهم رحمه
رجع بدر للشقه وشاف سالم بانتظاره ( ياربي مالي خلق تحقيق )
بدر : سلام
سالم : وعليكم السلام .. لا جان مارجعت
بدر : سلوم ترا مالي خلق لشي تعبان وبروح انام
سالم : ماراح تنام لين اعرف السالفه وليش سويت جذي
بدر : ليش سويت جذي مادري !!
سالم : شلون ماتدري
بدر: مادري يعني مادري ماتحلمت اشوف هالمنظر ورحت لها وصار اللي صار
سالم : ترا هذي ثاني مره .. و وين رحت
بدر قال لسالم السالفه
سالم منصددددم : صج انك مو ريال .. شلون ترضى بنت تروح تسكن بروحها بمزرعه .. تدري لو صار لها شي ذنبها برقبتك
بدر : برقبتي مو برقتبك لا تخاف
سالم عصبببببب : انت شو ماتحس ؟؟!!!!! اللي بداخلك صخر !!
بدر يبي يضيع السالفه لانه بدا يحس بتأنيب الضمير :الا ماقلت لي شقلت لندى ؟
سالم فهم عليه : قلت لها انته البنت اخت رفيجك
بدر : زين ما سويت .. يلا تصبح على خير (وراح)
( راح تلاحظون انه ماراح اذكر العوايل اللي بالكويت هالفتره لانه ماكو احداث مهمه تصير عندهم كل الاحداث حاليا موجوده بلندن )
اسماء ولانا بغرفتهم
اسماء ماوقفت بجي واهي تاخذ اغراضها لانها بتروح الحين للمزرعه
ولانا تحاول تهديها بس ماكو فايده
ودعت اسماء صديقاتها و ركبت السياره رايحة للمزرعه
وصلت ونزلوا اغراضها وراحوا وخلوها
اسماء تمشي بروحها بالظلمة وميتة خووف
دخلت داخل البيت وفتحت الليتات وراحت تكتشف المكان
واختارت لها غرفة ودخلت جنطتها وبدلت ملابسها عشان تنام
بس وين تنام بهالمكان
طول الليل مانامت بس تبجي لين طلعت الشمس ونامت لها ساعتين
قعدت وطلعت للمطبخ تبي تتريق
وبالطريج للمطبخ شافت ............!!!!!!!!
نهاية الجزء الثاني
استنا رايكم
موضوع: ((رواية صدفة)) حزينة ((منقول)) 
الأربعاء سبتمبر 05, 2012 11:56 pm
