بــــ"10"ــــارت
صباح يوم جديد ...
يوسف من الصبح قعد من النوم مصحصح و ناطر تطلع الشمس .. تجهز و تعطر و نزل حق أمه
كان لأبس قميص ماركة كويتية Deer&Dear
http://u.bbstars.com/i-oucii.jpgيوسف بختصار يعشق هألماركة لأن يعجبه هالستايل
يوسف : صباح الخير يالغالية
أم يوسف : صباح أحلى ولد بالدنيا .. ها يما وين على الله من الصبح دوامك العصر مو الحين يما
يوسف : لا يما بروح حق ميار
أم يوسف : يما شنو مسؤيتلك هالبنت إلي حيل مهتم فيها بهالطريقة ! بينكم شيء ؟
يوسف : ؤالله يا يما حتى كلمه على بعضها ما كلمتني .. أنا سلمت عليها و أهيا حقرتني و لا بينا شيء لا تحاتين !! بس ولدج يا يما شكله عرف شنو يعني حب ! و أنا أحبها
أم يوسف : بس انت قلت حقرتك
يوسف : أي يما حقرتني ! بس هذا مو معناته ما أحاول فيها
أم يوسف : لا تخرب بنت الناس و دير بالك يا يما هذا شرف بنت و لا تلعب فيه
يوسف : أنا أبيها بالحلال
أم يوسف : يوسف انت ما عرفتها عدل !!
يوسف : يما أبيها و خلاص ! و لو لي خاطر عندج ما بترديني و صدقيني و الله البنت زينة
أم يوسف : يصير خير
يوسف : يالله يما أنا مآشي تبين شيء ؟
أم يوسف : أبي سلامة عمرك يما و دير بالك
يوسف : حاضر يالغلا
____________
ركب يوسف سيارته .... بورش كريرا حمرة
http://u.bbstars.com/i-n9q5d.jpg لأن الفراري للحين ما خلصت تنظيفها و يوسف من النوع إلي ما يحب أي نوع من سيايره تتلف بأي طريقة كانت
وصل لعند ميار وكان متردد أنه يدخل ! بس تشجع و طق الباب !!
......: تفضل !!
يوسف : السلام عليكم
أبو ميار : يا هلا ولدي و عليكم السلام
أم ميار و خواتها و عماتها و عيال عماتها كانوا موجودين !
الكل : وعليكم السلام
يوسف موجهه كلامه لأم ميار : شلونج خالتي
أم ميار : بخير يا وليدي
يوسف : و شلون ميار ؟
أم ميار : مثل ما تشوف
يوسف : يأرب تقوم بسلامة
الكل : يا رب
أبو ميار موجهه كلامه لعمات ميار و عيال عماتها
: هذا يوسف إلي قلت لكم عنه ! أهوة إلي أنقذ بنتي
يوسف : ؤالله يا عمي ما سويت إلا الواجب و ميار بنت محترمة و ما تستأهل إلي صار لها
قطع كلامه ولد عمتها أحمد : وليش بصفتك منو تعرف ميار و تتكلم عنها ؟؟؟
*** أحمد ولد عمة ميار و حيل يعشقها و يموت فيها ! بس ميار ماتحبه و تعتبره ولد عمتها وبس ! عمره 21 سنة انسان فاشل و قاعد يحاول يعدل من نفسه و مستقبله كل هذا عشان يوصل لميار و مهما يحاول ميار ما تعطيه وي لأن ما تفكر فيه أصلن
يوسف : بحكم أني زميلها بالدراسة
أحمد : تعرفها ؟ قاعد معاها ؟
يوسف : مثل ما سبق و قلت ميار بنت محترمة ! هل تتوقع بنت محترمة بتشوفها قاعده مع واحد ؟؟؟ و لا تنسى أنها بنت عمك ،،، و ميار زميلة لي بنفس الكلية و الكلية صغيرة و معروف كل طالب فيها ! سواء درست معاه أو لا !! و الحمد لله كل كلمة تطلع عنها بالخير و الاحترام
أحمد انحرج من أسلوب يوسف و طريقة كلامه و بنفس الوقت خاف أن ميار تروح ليوسف و تحبه
أحمد في نفسه : أنا لازم إسوي المستحيل و أخذها خل تقول و هالبنت لي أنا
يوسف في نفسه : يا خوفي يحبها و نبتلش
يوسف : عمي أنا أستأذن لازم أروح الكلية
أبو ميار : مشكور يا ولدي و ما قصرت و لو بتم أشكر فيك عمري كله ما.....
قاطعه صوت ميار !
صحت ! أي ميار صحت !!!!!!
ميار : ي ي يــ يــبااا كح كح
تكلم أبوها و أهيا تشيل جهاز الأوكسجين
أبو ميار : الحمد لله عالسلامة حبيبتي
أم ميار تبجي : يما بنتي
ميار تستوعب إلي حوالينها : شصار ؟؟ و يما ليش تبجين .. عماتي شفيكم ؟
أبو ميار فهمها كل شيء !
أبو ميار : شنو ما تذكرين
ميار : أذكر بس أني كنت اضحك مع جنان و البنات :/
ميار توجهه كلامها ليوسف : انت @@ ؟؟ لحضة لحضة أنا أعرفك !! مو انت تصير رفيج أحمد أخو شوق ؟؟
يوسف ضحك على الشرح : أي نعم أنا
أحمد في نفسه : يعني صح كلامها ومائعرفها شخصيا
ميار : أها » كانت مستغربة ليش موجود
يوسف : الحمد لله عالسلامة
ميار : الله يسلمك أخوي مشكور
يوسف : يالله عمي أنا أستأذن
أبو ميار : إذنك معاك يبا » و وصله لي الباب و رجع
أبو ميار : ميور لو مو يوسف جان انتي مو قاعده تكلمينا الحين ! أهوة إلي يابج المستشفى و لحق عليج و أهوة إلي تم واقف ليمن وصلنا و أهوة إلي تكفل بكل شيء يخصج و أهوة إلي طلب غرفة خاصه لج و أهوة إلي من الصبح زارج و نطر تفتحين عيونج
ميار حست بحراج شديد لأن عامله بطريقة مو حلوة كلش
مرت الأيام عادي
و ميار طلعت من المستشفى و تمت بالبيت كورس كامل عقب ما وقفت قيدها ! و بدأ الكورس اليديد و كان لازم أداؤم لأن طولت و راح منها وأيد
عند أحد مباني الكلية ...
طاولات برة الكوفي
قروب ميار قاعد على أحد الطاولات و يشربون هوت جوكلت !! برررررررررررد يدش بالعظم
و طاولة ثانية يوسف قاعد مع ربعه ونفس الحالة البرد مو طبيعي و حيل جاف
نزلت بنت من سيارة أبوها و كانت لأبسه
http://u.bbstars.com/i-ftkt8.jpg كانت ميار ! و حبت تفاجأ رفيجاتها !
جنان انتبهت عليها : ميوووووووووووور و راحت لها لمتها حيل
يوسف فز قلبه لمن شافها !!!
شوق : الحمد لله عالسلامة يا قمر
ميار : يسلمج حبيبتي اشتقت لكم هههههههههههههه
أفنان : إحنا أكثر حبيبتي
يوسف قام من مكانه ؤلا جاسم يمسك أيده : يوسف فشله مع رفيجاتها
يوسف : جسوم ؤالله مأقدر خلني أروح لها
جاسم : عيب
يوسف : بس أسلم ؤالله
يوسف راح لهم : السلام
الكل : وعليكم السلام
يوسف : شلونج ميار
ميار : تمام الحمد لله ... ممكن أكلمك بعد البريك ؟
يوسف أننننننننصدددددددمممم !!!!!! و استأنس بنفس الوقت : أكيدين عادي
رد لجاسم و أهوة مستانس !!!!
يوسف : جويسم تبيني بالبريك !
جاسم : أحلف @@ ؟؟؟
بدر و حمد : منو ؟؟
** بدر و حمد ربع يوسف وحيل قرأب منه
بس ما قال لهم السالفه أبد لأن مايبي أحد يعرف بس جاسم !!
يوسف : لا ؤلاشي
عدوا الكلاسين على يوسف كانهم سنتين !!! وماصدق يصير عنده بريك و طار لميار !!!
توقعاتكم !
شنو تبي ميار من يوسف ؟؟؟
و يوسف بيقولها يبي يتزوجها ؟؟؟
أحمد راح يخرب عليهم ؟؟؟؟
في شيء ممكن يغير أحداث قصتنا ؟؟؟
موضوع: رد: « حــــــــياة مــــــــيار » !!! قصة واقعية جريئة !!!! * أكــــتمــــلت * 
الثلاثاء سبتمبر 11, 2012 4:29 am
