صفقة مع الشيطان ..

Waiting

عدد الرسائل : 56 تاريخ التسجيل : 31/10/2012

طط

ظظظظظظظظظظظظظظظظظظظظظظظظظظظظظظظظظظظظظظظظظظظظظظ

طكمنتلاافبقيييييافغعحمطخمج

تخخخخخخخخخخخخخخخخخخخخم

صراااحه انصدمت Sad

انا كنت مسافررة وجيت طيرررران على الروواية
طيب مايصير توقفين الثانيةوتكملين هذي ؟! ولو ما قدرتي يعني بعد كم راح تكملينها Sad

بانتظااارك Sad

عدد الرسائل : 245 تاريخ التسجيل : 14/07/2012

... الفصل السادس ...

صحت سلمى من النوم .. راسها مصدع وجسمها متكسر.. ما اقدرت تنام أمس .. من الكوابيس اللي رجعت لها .. " لكن كأن جود كانت موجودة أمس .. ولا يتخيل لي .. لأ كانت موجودة .. "

قامت سلمى بكسل إلى دورة المياه .. أخذت لها شاور طويل .. تحت الماء البارد .. تحاول تنسى كل اللي صار لأمها .. لكن صعب .. هي شافت أمها تموت أمام عيونها .. وهي كانت تحاول تساعدها .. جلست سلمى تحت الدش وهي تبكي .." أنا السبب .. أنا السبب .. في كل اللي صار لها .. لو ما جيت بالتشوه اللي فيني .. ما كان أبوي تزوج على أمي .. وجاب الساحرة عندها .. تخرب حياتها "..

اسمعت صوت في الغرفة .. اغلقت الدش .. ولفت نفسها بفوطة واطلعت من دورة المياه .. ادخلت الغرفة .. شافت غادة واقفة تنتظرها .. غادة عيونها على سلمى .. كانت لافة نفسها بفوطة توصل إلى نص فخذها .. انتبهت غادة إلى الحروق اللي على سلمى .. أول مرة تشوفها ..
سلمى بتروح لغرفة الملابس : وش عندك ..
الحقتها غادة : كنت أبغى اتكلم معك في موضوع أمس .. لكنك رحت وما رديت علي ..
سلمى تأشر لغادة تلف ظهرها .. علشان تبدل .. هزت غادة راسها ولفت .. سلمى تلبس ملابسها . وتكلمها في نفس الوقت ..
سلمى : إذا على مدرستك .. اليوم راح أروح معك وأتفاهم مع مديرتك ..
غادة : لا .. الموضوع بخصوص اللي صار أمس ..
خلصت سلمى لبس .. واقعدت عند التسريحة .. قالت لغادة تلف ..
سلمى تدهن يدينها بالكريم : وش في أمس ..
قربت غادة من سلمى .. ووضعت السلسال على التسريحة .. مدت يدها سلمى وأخذته .. والتفتت على غادة ..
سلمى : هذا سلسال علياء .. وين حصلتيه ..
غادة تهز راسها : في نفس المكان اللي حطته أختها في غرفة جود ..
سلمى تناظر السلسال : في غرفة جود ..
حكت غادة لسلمى .. أنها شافت عبير رايحة لملحق سارة .. الحقتها وشافتها وهي تحط السلسال في غرفة جود .. عرفت أنها مسرحية ثانية من علياء .. انتظرتها إلى أن اطلعت .. وادخلت الغرفة وأخذت السلسال معها ..
هزت راسها سلمى .. ولفت السلسال بيدها .. ارفعت راسها تناظر غادة ..
سلمى تبتسم : هذا اللي كان مخليك تبتسمين أمس ..
غادة تضحك : يب .. كان منظر علياء رهيب .. وهي تفتح الصندوق وما تلاقي السلسال ..
سلمى تضحك : كان شكلها يضحك .. وهي واثقة أن السلسال عند جود .. وما تلقاه ..
غادة : انصفق وجهها .. زين أنك طردتيها .. راح تنقلع عن وجهنا ..
سلمى بهدوء : ما راح تنقلع ..
غادة باستغراب : ليه ..
سلمى : لأنها جات أمس وترجتني أني ما اطردها ..
غادة متفاجأة : يعني بتخلينها في البيت ..
سلمى تقوم : حذرتها أنها ما تسوي لنا مقلب جديد .. والا تلاقي نفسها في الشارع ..
غادة : وش دعوة هذه تتوب ..
سلمى ترش عطر: هذه فرصتها الأخيرة .. وطلبت منها تعتذر لسارة وبناتها على الموقف اللي صار أمس ..
غادة : أنا ما ادري ليه ما تطردينها وتفكينا منها ..
سلمى : لأن ما لها مكان ثاني .. ولا ناسية أن أبوها باعها لابوك .. وهي اصغر منه بـ 15 سنة ..
غادة بحدة : بس هي قاعدة تسوي لنا مشاكل بين كل يوم والثاني .. والكل هنا ما يحبها ..
اخذت سلمى عبايتها : مو لازم نحبها .. هي وعدتني ما تسوي شي .. وإذا اخلفت وعدها طردتها..
غادة بتتكلم .. قاطعتها سلمى : وإذا كنت راح أطرد أحد .. فالأولى أطرد أمك .. لأن اللي سوته معي .. لا يغتفر وأشد من اللي تسويه علياء ..
غادة اسكتت .. سلمى ما التفتت عليها .. أخذت أغراضها واطلعت من الغرفة .. وراها غادة ..
وهم نازلين الدرج .. غادة " وش اللي سوته أمي لك علشان تكرهينها إلى هذه الدرجة .. وأمي تتهرب من الإجابة كل ما سألتها عن اللي بينها وبين سلمى .. وش سبب الحروق اللي في جسمها وليه الكراهية اللي بينهم "..
اوصلوا غرفة الطعام .. اكلوا فطورهم وهم ساكتين .. طبعاً هاني وعزيز راحوا لمدارسهم من بدري .. وسلمى بتروح مع غادة إلى مدرستها ..

عبير : وين رايحة من الصباح ..
علياء تلبس : بروح اعتذر لسارة والشيفة بنتها ..
عبير : انت ما توبين .. احمدي ربك أنها وافقت تخلينا في البيت ..
علياء : هي صحيح وافقت تخلينا نقعد .. لكني ما راح أستسلم ..
عبير تأشر بيدها : يعني بنرد من أول وجديد ..
علياء تبتسم : أكيد .. لكني راح اهدي اللعب فترة .. لما تهدى الأمور ..
عبير تهز راسها : ما أدري وش تستفيدين من كل اللي تسوينه ..
علياء بحدة : قلت لك من قبل سلمى لي ..
عبير : علياء .. أنت وش عاجبك فيها .. ما كأنها بنت .. كأنها رجال ..
علياء : هذا اللي مجنني .. ملامحها حادة .. نظراتها تذبح .. حتى مشيتها مثل الرجال ..
عبير رافعة حاجبها : يعني هذا وقت غزل ..
علياء تتنهد : أه .. لو تحس فيني ..
عبير بسخرية : تحس فيك .. هي ولا درت عنك ..
علياء : إلا ما أخليها تحبني ..
عبير تضحك : بالعيد ..
علياء تبتسم : من يضحك أخيراً .. يضحك كثيراً ..
اطلعت علياء من الغرفة .. وراحت ملحق سارة .. عبير تناظرها .. " والله خايفة عليك علياء .. أدري أنك تحبينها .. لكنها ما درت عنك .. ولا اهتمت فيك .. هالمرة اسلمت .. لكن المرة الجاية والله لتودينا ورى الشمس "..

فيصل كان ياكل فطوره .. ويتصفح الآيباد .. اقعدت جنبه تهاني .. تسوي له توست بالمربى والزبدة .. وتعطيها اياه ..
تهاني : حبيبي ..
فيصل عيونه على الآيباد : أمري ..
تهاني : ما يأمر عليك ظالم .. في موضوع كنت حابة أتكلم معك فيه .. وما أبغاك تفهمني غلط..
فيصل يشرب الكوفي : موضوع عن ايش ..
تهاني : عن سلمى ..
فيصل وضع الكوب على الطاولة بحدة : ما أبغى اسمع كلمة عنها ..
تهاني : قلت راح تفهمني غلط ..
فيصل : قلت لك أكثر من مرة .. ما لك شغل في سلمى ..
تهاني : أنت حتى ما سمعتني ..
فيصل ياشر بيده : ما أبغى اسمع ..
تهاني بحدة : كنت أبغاها لأخوي .. هذا كل الموضوع ..
ناظرها فيصل فترة : أي أخو فيهم ..
تهاني : صالح ..
فيصل بسخرية : تبغين سلمى الدكتورة لأخوك صالح اللي ما اخذ الثانوية الا بالعافية ..
تهاني تدافع : لا تتمصخر .. صحيح هو ما عنده إلا الثانوية .. لكن عنده مكتب مقاولات .. وماشي أموره والحمد الله ..
فيصل : وليه ما يدور له وحدة .. تكون في نفس مستواه العلمي .. ليه يشطح إلى فوق .. (يأشر بيده إلى فوق )..
تهاني عابسة جبينها : والله خبيتنا ببنت أختك .. لا هي أول ولا أخر دكتورة .. في النهاية هي مراة .. مصيرها تتزوج وتجيب عيال ..
فيصل : ما قلنا شي .. بس تاخذ واحد نفس مستواها ..
تهاني بزعل : يعني الحين أهلي ما يناسبونكم ..
فيصل : أنت عارفة وش أقصد .. وبعدين حنا ما لنا راي في الموضوع .. الراي عند سلمى ..
تهاني : يعني أنت موافق على أخوي ..
فيصل : طبعاً لأ.. أخوك ما يناسبها ..
تهاني وهي تقوم : تحمد ربها بنت أختك .. أن اخوي فكر فيها .. ولا ناسي الحروق اللي في جسمها .. من بياخذ وحدة مشوهة .. شوف كم عمرها وللحين ما احد طق بابها ..
فيصل مسكها بقوة : أسمعك تعايرينها مرة ثانية .. ما يصبح عليك الصبح وأنت في هالبيت .. سامعه ..
تهاني اسكتت .. هزها فيصل بقوة : سمعت ..
تهاني هزت راسها : أي سمعت ..
تركها فيصل وأخذ الآيباد وطلع .. تهاني اخنقتها العبرة .. وهي تدلك ذراعها .. عصبت ورمت المزهرية اللي قدامها ..
" طيب يا فيصل .. والله ما أعديها لك .. أنت وأهلك .. شغلكم عندي .. والدكتورة اللي تتفاخرون بها .. لأجيب نهايتها .. مو كافي كل الحلال عندها .. وحنا لنا الفتات "..

سارة تنادي : يا الله .. عجلي يا بنت ..
جود تاخذ أغراضها : طيب .. خلصت .. ألبس عباتي ..
سارة : لا تتأخرين ..
جود : ما راح أتأخر ..
طق الباب .. راحت جود تفتحه .. لقت علياء ..
جود حاطة يدها على خصرها : ولك عين جاية بعد اللي صار أمس ..
علياء بتأفف : أمك موجودة ..
جود بحدة : وش تبغين منها بعد ..
علياء : أبغى أعتذر منها على اللي صار أمس ..
جود مو مصدقة : تعتذرين ..
اسمعت سارة بنتها تتجادل مع أحد .. راحت إلى الباب ..
سارة : جود من تكلمين ..
جود تسوي مكان لأمها : أكلم هذه ..
علياء عصبت منها .. لكنها اسكتت .. قربت منهم سارة .. شافت علياء وتفاجأت فيها ..
سارة : خير أم خالد ..
علياء : أنا جاية أعتذر منك على اللي صار أمس ..
سارة تهز راسها : حصل خير ..
جود تناظر أمها : أي خير .. مو كافي الفوضى اللي سوتها أمس في البيت ..
سارة تخز بنتها : ما صار إلا الخير .. ( تلف وجهها إلى علياء ) إن شاء الله تلقين سلسالك ..
علياء تبتسم : إن شاء الله .. أم عمر سامحني على اللي صار أمس .. ما أدري وش صار لي .. لكن السلسال مو بثمنه .. بقيمته المعنوية لأنه جاني هدية ..
سارة تهز راسها : إن شاء الله تحصلين عليه ..
علياء : الله يسمع منك ..
مشت علياء إلى ملحقها .. سارة ادخلت الصالة .. الحقتها جود وهي معصبة من برود أمها .. اقعدت سارة على الكنبه .. وجود واقفة مقابلها ..
جود بعصبية : ليه سامحتيها ..
سارة : وليه ما أسامحها ..
جود : مو كافي اللي سوته فينا أمس .. بتطلعنا سارقين ..
سارة : الحمد الله .. عدت على خير ..
جود : أمي .. هي سوت كل هالتمثيلية علشان تطردنا من البيت ..
سارة تأشر بيدها : وهذا حنا .. ما انطردنا ..
جود : أمي .. ليه كل البرود ..
سارة بهدوء : الدنيا دوارة ..
جود مو فاهمة : وش قصدك الدنيا دوارة ..
سارة انتبهت : ولا شي .. قومي روحي جامعتك ..
جود بتتكلم .. قاطعتها أمها : قومي روحي .. لا تتأخرين ..
قامت جود على مضض .. " ما راح أعدي الموضوع بهالسهولة .. إلا ما أعرف وش اللي بينك وبين سلمى .. أمس سلمى كانت تتقلب في نومها .. تترجى وتصيح .. وتنادي أمها .. وش اللي صار لهم .. وليه النظرات الغريبة بين أمي وبين سلمى .. إلا ما أعرف سركم "..

كانت سلمى وغادة طالعين من الفيلا .. التقوا بعلياء جاية من ملحق سارة .. سلمى نادتها .. قربت منهم علياء ..
سلمى تكلم غادة : اسبقيني للسيارة ..
غادة ما ودها تروح .. كانت تبغى تشوف ردة فعل علياء .. لكن سلمى ناظرتها وأشرت براسها تروح .. راحت غادة وهي تدق برجلها على الأرض .. سلمى ابتسمت .. والتفتت على علياء ..
سلمى تعطيها السلسال : أظن هذا اللي كان ضايع منك أمس ..
أخذته علياء منها وهي متفاجأة : وين لقيتيه ..
سلمى رافعة حاجبها : وين تتوقعين لقيته ..
علياء تبلع ريقها : ما ادري ..
قربت منها سلمى : لا .. تدرين ..
علياء وجهها أحمر : أنا .. أنا .. ما ...
سلمى تبتسم : لا تتعبين نفسك .. ومثل ما قلت لك .. مسرحية ثانية .. وما لك قعدة في البيت ..
علياء بين اسنانها : I know

في السيارة ..

سلمى تناظر غادة وهي تسوي روحها تلعب بجوالها .. وتهز أرجلها ..
سلمى : وش فيك معصبة ..
غادة : منك .. ما خليتني أشوفها ..
سلمى تضحك : هذا اللي مضيق خلقك ..
غادة : كان ودي أشوفها وأنت تعطينها السلسال ..
سلمى : ما علينا منها .. حنا فيك أنت الحين ..
غادة تأشر على نفسها : أنا وش فيني ..
سلمى : أرسلي لي الصور اللي التقطوها لكم وأنتم تدخنون ..
غادة : بس أنا ..
سلمى رافعة حاجبها : ما أظنك مسحتيها .. أكيد بتخلينها ذكرى ..
غادة تبتسم : هيك شي ..
سلمى تطلع جوالها من الشنطة : أكيد ..

في المدرسة ..

ادخلت سلمى وغادة المدرسة .. كان وقت الفسحة .. والبنات منتشرين في المدرسة .. شافتهم صديقة غادة داليا .. قربت منهم .. عرفتها غادة على سلمى .. سلمت عليها سلمى واتركتهم .. وراحت عند الإدارة .. بتقابل المديرة ..
قربت داليا من غادة : واااو .. ما قلت أن أختك خقة ..
غادة تناظرها بنص عين : شوي شوي .. لا تذوبين علينا ..
داليا عيونها على سلمى : أتكلم جد ..
غادة : وش رايك تروحين وراها ..
داليا تتنهد : ودي .. تدرين من زمان ما زرتكم ..
غادة مكتفة يدينها : يعني بتزورينا علشان سلمى ..
داليا تبتسم : أكيد ..
عصبت غادة منها .. واضربتها على كتفها بقوة ..
داليا تدلك كتفها : أي .. يعور..
غادة : أحسن ..
قربت منهم 3 بنات .. يسلمون على غادة .. أو يسوون روحهم يسلمون ..
غادة تكلم داليا : أووف .. جات ثقل الدم ..
التفتت داليا : من هي .. أوه .. صدق ثقل دم ..
البنت 1: كيفك غادة .. الك وحشة ..
غادة تبتسم : ما توحشين غالي .. تمام ..
البنت : هذه اللي جات معك .. وش تقرب لك ..
غادة : أختي ..
البنت متفاجأة : أختك .. ما كنت أدري أن عندك أخت .. وبوية بعد ..
غادة : اختي من أبوي .. وش بوية هذه ..
البنت : شوفيها .. شعر قصير .. وجسم معضل .. حتى مشيتها مثل الرجال ..
غادة بحدة : أختي مو بويه ..
البنت : اوكي .. ما قلنا شي .. انا افترضت من شكلها ..
غادة : لا تفترضين شي .. ما تدرين عنه ..
البنت 2 تحاول تغير الموضوع : وش تشتغل ..
غادة : دكتورة ..
البنت 2 : وااو .. ودي أمرض علشان تعالجني ..
غادة تناظرها بنص عين : أحد يفاول على نفسه ..
البنت 1 : إذا أختك هي الدكتورة .. ما عندي مانع ..
البنت 2 : وش اسمها .. ووين تشتغل ..
غادة : وش لك في اسمها ..
البنت 2 ترفع اكتافها : بس معرفة .. إذا احتجنا شي .. نروح لها ..
غادة بتأفف : اسمها سلمى ..
البنت 1 : واااو .. اسمها يجنن ..
داليا عصبت منهم : لا تذوبين علينا ..
التفتت البنت على داليا تناظرها بشزر .. غادة تطالعهم وهي كاتمة ضحكتها ..
البنت 1 : ما احد كلمك ..
داليا : قاعدة تتغزلين في أختها .. لا حياء ولا مستحى ..
البنت 2 : وأنت وش دخلك ..
داليا : لا لي دخل .. انا اعرفهم من زمان .. ودايم أزورهم ..
البنت : يعني تعرفين د.سلمى ..
داليا تكذب : طبعاً أعرفها .. يا ما نمت عندهم ..
البنت 2 : أه .. يا حظك ..
داليا عصبت وبترد .. امسكتها غادة واسحبتها معها ..
داليا تفك نفسها : ليه سحبتيني ..
غادة تكتم ضحكتها : لأنك شوي وبتخنيقينها ..
التفتت عليها داليا : وش يضحك .. هذا جزائي لأني دافعت عن أختك ..
غادة تضحك بصوت عالي : لأنها اختي .. ولا .. ( تغمز لها ) ..
داليا تأشر بيدها : أوه .. غادة ..

المديرة : لكن هذه القوانين .. وتحمد ربها أني ما فصلتها فصل نهائي ..
سلمى ببرود : معك حق .. القانون قانون .. ولازم يطبق على الجميع ( شددت على الجميع )..
المديرة : ما فمهت وش قصدك ..
سلمى بحدة : ليه ما تعاقبين الباقي .. ليه بس غادة اللي تتعاقب ..
المديرة تكذب : ما فيه باقي .. البنات شافوا اختك بس..
سلمى تطلع جوالها : أختي بس .. وهذول وش يسوون .. يذاكرون ..
المديرة تشوف الصور .. وتبلع ريقها .. توهقت ..
المديرة بنبرة : ما يحق لك تحتفظين بصور لطالبتنا في جوالك .. هذه فيها ....
قاطعتها سلمى بحدة : لا يعلى صوتك .. أنا ما جيت هنا علشان أعارضك أنك عاقبتيها .. اعتراضي أنك تعاقبينها لحالها .. والباقي يطلعون منها بس لأنهم عيال فلان وعلان ..
المديرة بتتكلم .. قاطعتها سلمى : وش نوع الرسالة اللي راح يفهمونها .. لأنهم عيال فلان يحق لهم يسوون اللي يبون بدون ما احد يحاسبهم ..
اسكتوا مدة .. سلمى تناظر المديرة .. اللي وجهها صار أحمر من الغضب والإحراج ..
المديرة تبرر : في عائلات التدخين عندهم حرية شخصية .. وهم من ...
سلمى : وأنا أعتبره حرية شخصية .. لكني ما أرضى لأختي تدخنه وهي في هالسن .. وحنا راح نعاقبها بدون ما ننتظر منكم تعلمونا كيف نربي بناتنا ..
المديرة هزت راسها : راح أسمح لها ترجع للمدرسة من اليوم ..
سلمى : والتعهد اللي خليتوها توقع عليه ..
المديرة : راح نمزقه .. لا تشيلين هم ..
سلمى تقوم : ممتاز ..

اطلعت سلمى من غرفة المديرة .. تتأفف " وش الإدراة الزفت " .. وقفت تدور غادة .. انتبهت لثلاث بنات يناظرونها .. ويبتسمون وعيونهم بتاكلها أكل .. سلمى تهز راسها وتبتسم " ناقصني همّ أنا " ..
رن جوالها .. شافت الرقم .. خالتها هيا ..
سلمى تبتسم : أهلين خالتي ..
هيا : هلا بسلمى .. اللي ما تسأل عن خالتها .. ولا درت عنها ..
سلمى تضحك : لا .. كله ولا الحلو يزعل ..
هيا تبتسم : إذا تبغين الحلو يرضى .. تتغدين عندي اليوم ..
سلمى : خالتي .. صدقيني ما أقدر ..
هيا : لا تقدرين .. وراح أزعل منك إذا ما جيت ..
سلمى : طيب خالتي .. وش طابخة اليوم ..
هيا : نعمة كريم ..
سلمى تضحك : وااو .. يعني سفرة عامرة ..
هيا : قولي الحمد الله .. غيرنا مو لاقيها ..
سلمى : الحمد الله ..
هيا : أنتظرك على الغدا ..
سلمى : اوكي ..

قربت غادة وداليا من سلمى .. وداليا عيونها على سلمى .. " أه ضحكتها تذبح " .. طبعاً داليا اعزمت نفسها على الغدا عند غادة .. علشان تشوف سلمى !!!
غادة : ها وش صار ..
سلمى تدخل جوالها : راح ترجعين من اليوم ..
غادة : والتعهد ..
سلمى : راح تمزقه ..
غادة تضم أختها : مشكورة سلمى ..
سلمى يدينها تحت : غادة تأخرت على شغلي ..
غادة بعدت : أوه .. سوري ..
سلمى تعدل نفسها وتلبس الشيلة .. داليا تسلم على سلمى ..
سلمى : فرصة سعيدة أني تعرفت عليك ..
غادة : داليا راح تتغدى عندنا اليوم ..
سلمى : حياها الله .. لكني ما راح أتغدى معكم اليوم ..
داليا بصوت عالي : ليه ..
سلمى وغادة التفتوا عليها .. داليا تتمنى الأرض تنشق وتبلعها .. وجهها صار أحمر من الإحراج..
سلمى التفتت على غادة : راح أتغدى عند خالتي ..
غادة تهز راسها : أوكي ..
اطلعت سلمى .. وداليا عيونها عليها .. غادة تناظرها رافعة حاجبها ..
غادة تضحك : راح تخطيطك على فوش ..
التفتت عليها داليا : لا تتمصخرين علي .. اختك خقة ..
غادة تضحك : حياتي .. سلمى أختي وأعرفها .. أبرد من الثلج ..
داليا بزعل : لا تقولين عنها باردة ..
غادة : لأنها كذا ..
داليا باستغراب : كيف .. سلمت علي بكل احترام ورقي ..
غادة بحزن : باردة معنا .. معنا حنا بس ..

اركبت سلمى السيارة .. ارفعت يدها تدلك جبينها .. راسها ما زال مصدع .. وجسمها كله يرجف.. اسندت راسها على الكرسي .. والتفتت تناظر الشارع .. كأنها تعيش اللي صار لها مرة ثانية .. لازم تتمالك نفسها .. مو وقته تفقد أعصابها .. بكرة عندها عملية كبيرة .. ولازم تستعد لها .. تناظر يدها ترجف .. مو وقته هي بالعافية قدرت تعدي اليوم على خير.. الله يستر من اللي جاي ..
.
.

وااااااااااااااااااااااااااااااااااااااااااااااااااااااو

باااااااااااااارت جميييييييييييييييل

الحين نخلصص من علياء تجي دالياء ههههههههههههه

في انتظاااااااااااااااااااااااااااااارك ي قلبي

عدد الرسائل : 228 تاريخ التسجيل : 19/03/2012

ي ويلي ويلآه خققققه
ترآ حتى آنآ خقيت مو بس دآليآ ههههه
آبدعتي حبيبي
آحسسن للي صآر لعليآء <<< وودي آنكـ تقلعينهآ
وآنآ في آنتظآركـ ي عزيزتي

ابداااااع..
ننطر التكمله..

ابدااعتي
استمررري
وبنتظارك قلبي..

ابدعتـي
بارت جميل جدا
استمري وحنا معك الي النهاية <3

مثل ما تعوودنا منك رووووعه .. وبانتظار الارووع يا قمرر

وووووواوووووو يسلموووووووو ع البارت
Waiting

JoJo

jojo77 كتب:: وووووواوووووو يسلموووووووو ع البارت
Waiting

JoJo

Alpart mrra f9'eee33
Waiting

يمقن لعيون ستفني كتب:: وااااااااااااااااااااااااااااااااااااااااااااااااااااااو

باااااااااااااارت جميييييييييييييييل

الحين نخلصص من علياء تجي دالياء ههههههههههههه

في انتظاااااااااااااااااااااااااااااارك ي قلبي

+1

عدد الرسائل : 33378 تاريخ التسجيل : 24/04/2011

روووووووعه
تسسسلم دياتك عيوني

مبدعة ماشاء الله رواياتك تصلح لان تمثل وتعرض اهنيككككك على ابداعك و رقيك تسلم اناملك يشررررفني ويسعددددني اني اكون مز متابعينك دعوووواتب خبي

ححلو البارتت
ماننحرمم

عدد الرسائل : 374 تاريخ التسجيل : 08/09/2012

حلوه هالرويه متا ينزل البارت الجديد

البارت روعه ننتظر التكملة I love you

روآآيتــــكك رؤؤعـــهه قليلة بحقهــآ ... مبدعةة بكل ماتعنية الكلمــةة

أنـآآ والله مـآسجلت إلآ عشـآآن روآآيتك الجمميلةة ,,, ننتظظر البـآآرت على أحر من الجمر .... ودي

أبداااع
استمرييي
نتظرك

عدد الرسائل : 245 تاريخ التسجيل : 14/07/2012

... الفصل السابع ...

عنود : وش فيك .. من جيت وأنت مو على بعضك ..
جود يدها على جبينها : راسي مصدع .. ما نمت عدل أمس ..
عنود بخبث : الله يهنيك ..
جود تناظرها بنص عين : ما قصدت اللي في بالك ..
عنود ببراءة : قلتِ أنك ما نمت عدل .. افترضت أنه ...
جود قاطعتها : لا تفترضين .. أمس صار لنا فصل .. الله لا يوريك ..
عنود باهتمام : وش صار ..
أخذت جود نفس طويل .. وبدت تحكي لعنود كل اللي صار لهم أمس ..
عنود تستوعب : وجاتكم اليوم الصباح تعتذر ..
جود تهز راسها : أي .. تفاجأت فيها ..
عنود : يمكن ندمت لأنها اتهمتكم ..
جود : لا حياتي ما ندمت .. أكيد سلمى اجبرتها تجي تعتذر ..
عنود : طيب .. هي ليه تسوي كل هذا ..
جود : تبغى تطفشنا من البيت ..
عنود : ليه ..
جود تهز راسها : ليه .. ما أدري ..
ظلوا ساكتين مدة .. عنود مع جوالها .. ارفعت راسها تناظر جود .. اللي كانت منزلة راسها تناظر كوب الكوفي .. " جود شكلها مهمومة وتعبانة .. ما الومك "..
عنود تغير الموضوع : وش أخبارك مع الحب ..
جود تناظرها : تمام .. بس .. ( اسكتت )..
عنود : بس ايش ..
جود بتردد : أحس أن في شي .. بين أمي وبين سلمى ..
عنود : شي مثل ايش ..
جود تفكر : شي كبير .. أمي دايم تتجنب تحط عينها بعين سلمى ..
عنود : ما سألتيها ..
جود : سألتها أكثر من مرة .. وفي كل مرة تتهرب من الإجابة ..
عنود : طيب .. ليه ما تسألين سلمى ..
جود باستغراب : سلمى ..
عنود تهز راسها : أي سلمى .. أنت قلت أول ما جات البيت .. كانت كارهة أمك .. وما تتكلم معها .. ولما صارت هي اللي تصرف على البيت .. اطردتها ..
جود تتذكر اللي صار يومها .. وكيف عرفت سر سلمى .. اللي صار سرها الحين .. عنود تكلم جود .. وجود سرحانه .. عنود تأشر بيدها أمام وجه جود ..
عنود : وين رحت ..
جود تبتسم : معك ..
عنود بخبث : معي .. I think I hit a nerve ..
جود تتجاهلها : راح أسألها ..
عنود : مين ..
جود تشرب الكوفي : سلمى ..

افتحت سلمى باب غرفة الإستراحة بعصبية .. ناديا وراها .. رمت سلمى نفسها على الصوفا .. ويدينها على راسها تدلك .. قربت منها ناديا ..
ناديا باهتمام : سلمى وش فيك ..
سلمى بعصبية : ما فيني شي ..
ناديا بهدوء : ما فيك شي .. وما قدرت تجاوبي على سؤال .. طالب طب سنة أولى يعرفه ..
سلمى بحدة : I forgot .. so what
اقعدت ناديا جنبها : سلمى .. وش صاير لك اليوم .. من جيت وأنت متوترة ..
اسندت سلمى ظهرها على الصوفا .. وراسها لورى ..
سلمى بحزن : ما قدرت أنام أمس .. من الكوابيس اللي جاتني ..
ناديا باستغراب : كوابيس .. قلت أنها راحت ..
سلمى : رجعتي لي أمس .. ما قدرت أنام إلا لما أخذت حبوب ..
ناديا : ليه .. وش صار ..
أخذت سلمى نفس عميق .. وحكت لناديا كل اللي صار معها أمس .. ظلت ناديا ساكتة مدة تستوعب اللي صار ..
ناديا : وإن شاء الله طردتيها ..
سلمى : في البداية .. لكنها جاتني الغرفة .. واقعدت تترجاني أخليها تقعد في البيت ..
ناديا رافعة حاجبها : وأنت وافقت طبعاً ..
سلمى : البنت ما لها مكان ..
ناديا : تروح لبيت أهلها ..
سلمى : أي أهل .. ما أبوها زوجها واحد أكبر منها .. علشان فلوسه ..
ناديا تبتسم : رق قلبك لها .. فديت الحنون ..
سلمى : ما هي قصة حنان .. لكنها ... ( اسكتت ) ..
ناديا : لكنها تحبك ..
سلمى تهز راسها : كل اللي تسويه .. علشان تلفت انتباهي ..
ناديا : وما تخافين تكررها مرة ثانية ..
سلمى : حذرتها .. إذا صدر منها شي .. طردتها ..
ناديا : طيب .. وش سالفة الكوابيس ..
سلمى : ما أدري .. وأنا أشوف علياء أمس تفتش في اغراض جود .. تذكرته لما كان يدور في أغراضي .. واللي صار مع أمي ..
نزلت دمعة من عين سلمى بدون ما تحس .. ارفعت يدها تمسحها .. ناديا امسكت يد سلمى الثانية واضغطت عليها ..
ناديا : سلمى .. أنت أقوى من اللي صار ..
سلمى اخنقتها العبرة : لكني أنا السبب ...
ناديا ودها تضمها لكنها تعرف حساسية سلمى : سلمى لا تحملين نفسك فوق طاقتها .. اللي صار ما لك ذنب فيه .. كله قضاء وقدر .. هذا يومها ..
سلمى تتنهد : أااااااااااااه ..
ناديا : سلامتك من آه .. سلمى وش رايك تستأذنين .. ريحي نفسك ..
سلمى يدها على راسها : ما يكفي جيت متأخرة .. اليوم باين من أوله ..
ناديا : اهدي حياتي .. وان شاء الله ما يصير إلا كل خير..

في مكان أخر ...

راحت تهاني لبيت أهلها .. بما أن فيصل ما يرجع البيت إلا بعد الساعة 4 عصر.. راح تتغدى عندهم .. كانت معصبة من فيصل .. وتبغى احد يسمعها .. لقت أمها وأختها في المطبخ .. يجهزون الغداء .. اقعدت على الكرسي .. تشكي لأمها .. سعاد تسمعهم ومو عاجبها اللي تسمعه..

أم عبد الله في يدها صينية أرز : وتركت البيت وجيت عندي ..
تهاني : ان شاء الله تبغيني أقعد معه .. بعد اللي صار ..
أم عبد الله : انت اللي حديتيه على الشي ..
تهاني : مغتاظة منهم يمه ..
أم عبد الله : يا بنية زوجك واهله ما في أحسن منهم .. لكن أنت اللي رافعه نفسك عليهم ..
تهاني : رافعة نفسي عليهم .. هم اللي مو طايقين يشوفون رقعة وجهي ..
أم عبد الله تأشر عليها : من لسانك اللي ينقط عسل ..
تهاني تأشر بيدها : أوه .. أمي .. وش تبيني أسوي ..
أم عبد الله : حسني معاملتك لهم .. طري لسانك ..
تهاني باشمئزاز : أنا بالزور أتقبلهم .. تبغيني أطري لساني لهم ..
أم عبد الله : شفتِ أن البلى منك مو منهم ..
تهاني : الحين حنا في صالح مو فيهم ..
أم عبد الله : انت اللي حطيت في راسه سلمى .. والا هو ما يفكر في الزواج الحين ..
تهاني : لأن وراها ملايين وعقارات .. يكفي الفندق ..... لها اسهم كثيرة فيه .. ولها جناح خاص فيه ..
أم عبد الله : الله يرزقها ويبارك لها ..
تهاني : وما يمنع أني أتمنى لأخوي الزين ..
أم عبد الله تناظرها بنص عين : لأخوك .. ولا لنفسك ..
تهاني ترفع أكتافها : للجميع .. كلنا راح نستفيد ..
سعاد تضحك : اللي يسمعك يقول البنت موافقة ..
تهاني بحدة : ما أحد طلب رايك ..
سعاد : لا تجين كلك .. حتى زوجك مو موافق على صالح .. كيف تتوقعين سلمى بتوافق ..
تهاني بسخرية : تحمد ربها .. أن صالح فكر فيها من الأساس ..
أم عبد الله بحدة : بنت .. لا تستهزئين .. اللي صار لها مو بيدها .. ولا تنسين أن عندك بنت .. ما تخافين يجيها شي من عيابك ..
اسكتت تهاني ما اقدرت ترد .. أم عبد الله تنادي الخدامة وما ترد عليها ..
أم عبد الله تقوم : وين راحت هذه ..
سعاد تغسل فواكه : أكيد مع بشورة ( بشاير بنت تهاني )..
اطلعت أم عبد الله من المطبخ تدور الخدامة .. سعاد خلصت من الفواكه .. واخذت فوطة تمسح يدينها .. واقعدت جنب أختها ..
سعاد بصوت واطي : أنت من صدقك تبغين سلمى لصالح ..
تهاني يدها على الطاولة .. ومتكية راسها عليها : ليه لأ..
سعاد تناظر الباب: ما أظن سلمى توافق ..
تهاني : أدري .. لأنه أخوي .. هي ما تطيقني ..
سعاد : مو لأنه أخونا .. لأنه رجال ..
التفتت عليها تهاني : وش قصدك ..
سعاد : قصدي أنها ما لها في الرجال ..
تهاني : شلون عرفت ..
سعاد : واضحة مثل عين الشمس .. قصة شعرها .. مشيتها .. تصرفاتها .. ملابسها .. حتى ملامحها حادة ..
تهاني : ما يمنع .. بنات كثير مثلها ..
سعاد : بس أنا سمعت كلام .. هو كلام أنها تعرف بنات ..
تهاني ناظرتها مدة .. بعدين اتسعت عيونها .. وبابتسامة عريضة : من وين عرفت ..
سعاد ترفع أكتافها : عرفت وخلص ..
تهاني : لا .. أبغى أعرف ..
سعاد : وش يهمك تعرفين ..
تهاني بخبث : أنا أبغى أمسك عليهم شي .. خاصة على دكتورتهم اللي يتفاخرون بها ..

غادة تاكل : وش فيك ما تاكلين .. الأكل مو عاجبك ..
داليا تقلب الأكل .. بزعل : ما لي نفس ..
غادة : اللي يشوف حماسك اليوم الصباح .. ما يشوفك الحين ..
داليا : كنت أتمنى أن سلمى تكون موجودة ..
حطت غادة الملعقة : داليا .. تتكلمين جد ولا تمزحين ..
داليا : لا .. أتكلم جد ..
اضحكت غادة بصوت عالي .. التفتت عليها داليا .. تناظرها بنص عين ..
داليا : ممكن أعرف وش يضحكك ..
غادة تأشر عليها : أنت ..
داليا : وش فيني ..
غادة : أتخيلك أنت وسلمى .. الصورة مو راضية تركب ..
داليا بتقوم : الشرهه مو عليك .. على اللي قاعد معك ..
غادة بخبث : مجبورة تقعدين معي .. لأن أخت الحب ..
داليا بحدة : غادة أنا أتكلم جد ..
ناظرتها غادة مدة .. بعدين قامت .. وأشرت لها تلحقها إلى غرفتها .. اطلبت من الخدم يسوون لهم ميلك شيك ..
ادخلوا الغرفة .. اقعدت داليا على السرير .. واقعدت غادة على الصوفا مقابلها ..
داليا : كلميني عنها ..
غادة : مين .. سلمى ..
داليا : لا خيالي .. أكيد سلمى ..
غادة رافعة حاجبها : والله طحت وما أحد سمى عليك .. انت ما شفتيها إلا مرة وحدة .. وحبيتيها..
داليا : ما سمعت بالحب من أول نظرة ..
غادة تبتسم : بلى سمعت .. لكني ما حبيت إلا قالب ثلج ..
داليا بزعل : لا تقولين عنها قالب ثلج ..
غادة بهدوء : اسمعي داليا .. قبل سنة كنا ما ندري إذا عندنا اخت ولا .. ولما توفت جدتها .. قال لنا أبوي أن أختنا الكبيرة بتجي تسكن عندنا .. وبعد شهرين من جات .. أبوي سافر .. وترك البيت مرهون .. وما عندنا أحد يصرف علينا .. سلمى ادفعت الرهن .. وصار البيت لها .. وهي اللي تصرف علينا الحين ..
داليا : يعني هي ما تعطيكم مصروف ..
غادة تهز راسها : بالعكس .. تعطينا وما تقصر .. وهي اللي تدفع أقساط مدارسنا ..
داليا : وهي من وين لها كل هالفلوس ..
غادة : وارثه من جدتها .. عقارات وملايين ..
داليا : ما شاء الله .. الله يرزقها ..
غادة : ومن العقارت هي تصرف علينا ..
داليا : يعني مو مقصرة معكم .. طيب ليه تقولين أنها باردة ..
غادة : في تعاملها معنا .. أول ما جات كانت تكلمنا من طرف خشمها .. حتى الوجبات ما تاكل معنا على نفس الطاولة .. وعلاقتها مع أمي .. الله لا يوريك .. أعداء ما يطيقون سيرة بعض .. لكنها في الفترة الأخيرة تغيرت ..
داليا : شلون تغيرت ..
غادة : أولاً مع عزيز .. صاير مدللها .. أي شي يبغاه تجيبه له .. والحين مشكلتي مع المدرسة .. ومؤخرا كثرت قعداتها معنا .. صارت تتغدى معنا وتتعشى .. وأحيانا تطلب لنا من المطاعم .. بس مو كثير .. تقول مضر ..
داليا تبتسم : فديت الحنونة ..
غادة تناظرها : هذا اللي اعجبك من السالفة كلها ..
داليا تغير الموضوع : ما سألت أمك عن سبب العداوة ..
غادة : سألتها أكثر من مرة ..
داليا : وشنو كان ردها ..
غادة : تتهرب من الإجابة .. وإذا أصريت عليها .. عصبت مني ..
داليا : شي طبيعي .. لأنها بنت ضرتها ..
غادة : لا .. السالفة أكبر من أنها بنت ضرتها ..
داليا : شلون أكبر ..
غادة : ما أدري .. لكني حاسة أنها اكبر ..
طق الباب .. ادخلت الخدامة بيدها صينية عليها كاسين ميلك شيك بالشوكولاته ..

سارة : هذا كل اللي صار أمس .. وجات اليوم تعتذر ..
نعيمة : هالعلياء ما راح تجيبها البر .. كل يوم والثاني مسويه لنا فصل ..
سارة : سلمى ما تقصر .. تتصدى لها ..
نعيمة بحدة : تتصدى لها .. وليه ما اطردتها ..
سارة : لأنها ترجتها تخليها تقعد ..
نعيمة : ليتها طاردتها ومفتكين منها .. ومن مشاكلها .. ما ادري ليه خلتها تقعد ..
سارة : لا تنسين أن عندها أخوها ..
نعيمة : أي اخو ..
سارة : خالد ..
نعيمة : كانت تظن إذا جابت له ولد بيغليها.. هذا هو طار وخلانا .. تتمنن علينا بنت سلوى ..
سارة بهدوء : أم عادل .. سلمى مو مقصرة قايمة بالبيت .. ومو مخليه علينا قاصر ..
نعيمة : مو مقصرة .. لو ودها اطردتنا من البيت من أول ما ادفعت الرهن ..
سارة : لو كنت مكانها .. سويت اللي قاعدة تسويه لك ولعيالك ..
نعيمة : وش قصدك ..
سارة : عارفة قصدي.. علاجك وراتب الممرضة اللي معك هي اللي تدفعهم .. هذا غير مصاريف عيالك .. ومصاريف البيت ..
نعيمة : هي ملزومة تدف....
قاطعتها سارة : لا مو ملزومة .. اللي سويناه فيها وفي أمها مو شوي .. ولا نسيت أن امها ماتت بسببنا .. حتى الحروق اللي في جسمها .. حنا كنا السبب فيها ..
اسكتت نعيمة .. والتفتت تناظر جسمها .. اللي مو قادرة تهش الذباب عنه .. ادمعت عينها ..
نعيمة بحزن : وهذاني قاعدة أخذ جزاي .. راح بكري بغمضة عين .. وانا انشليت .. وتزوج علي تركي .. وجاب لي هالعلة تذوقني المر .. اللي ذوقته سلوى ..
سارة بصوت مخنوق : وأنا بنتي قاعدة تدفع ثمن غلطتي ..
نعيمة : وش قلت ..
سارة تهز راسها : ولا شي ..

دينا : اخيرا جيتِ .. امي ما خلتنا نتغدى إلى لما تجين ..
سلمى تفصخ عبايتها : أسفة .. بس صار عندي حالة .. وما قدرت أطلع إلا لما أتأكد من سلامتها..
دينا : قولي هالكلام لأمي ..
سلمى تبتسم : مع هيونه ما في تفاهم ..
دينا تهز راسها : you think
ادخلت سلمى الصالة .. شافت خالتها قاعدة على الكنبة تناظر الساعة ..
هيا بعتب : كان ما جيت ..
سلمى تسلم عليها : أسفة خالتي .. بس ما قدرت أطلع إلا من مساع ..
هيا : وش عندك اللي أخرك ..
سلمى : الله لا يضوقه لأحد .. ولد صغير انحشر داخل فتحة مجرى التصريف لبركة سباحة .. عنده كسر في الفخذ والذراع .. وارتجاج في الدماغ .. ما قدرت أطلع إلا لما تأكدت من استقرار حالته ..
هيا : اسم الله عليه .. الله يصبر أمه .. وكيفه الحين ..
سلمى : مستقرة حالته ..
هيا : الحمد الله .. اجل تعالي نكمل في غرفة الطعام ..
الحقتها سلمى إلى غرفة الطعام .. الخالة عند وعدها .. سفرة عامرة بما لذ وطاب .. اقعدوا ياكلون ويسولفون .. عن مواضيع كثيرة ..
دينا : تدرين سلمى .. ودي أكون مثلك ..
سلمى تسكب لنفسها : وليه لأ .. شدي على نفسك وجيبي مجموع ودخلي كلية الطب ..
رانيا تضحك : هذه وين والطب وين ..
دينا تقلدها : مو شغلك .. وما احد طلب رايك ..
راينا : انت عدي الرياضيات .. اللي ما يجي امتحانه .. إلا قلبيتها مناحة ..
دينا بحدة : أمي سكتي بنتك .. لأقوم لها ..
هيا بنبرة : استحوا .. احترموا النعمة اللي قدامكم ..
دينا تأشر على رانيا : هي اللي بدت ..
رانيا ترفع أكتافها : وانا ما قلت إلا الصدق ..
دينا : اللي يسمعك يقول فلتة زمانك .. ما دخلت الجامعة إلا بواسطة الوالد ..
رانيا بعصبية : مو ذنبي أن امتحان القدرات صعب .. كثير ما يعدونه .. مو بس أنا ..
سلمى تاكل وتضحك : والله اشتقت لهواشكم ..
رانيا ودينا يناظرونها بعصبية .. بعدين بدوا يضحكون ..
هيا تكلم سلمى : من كثر زياراتك .. اشتقت لهم ..
سلمى : أوه .. للحين هيونه زعلانه .. ولا يهمك راح أخصص يوم في الأسبوع أتغدى معكم ..
هيا : بدون ما تخصصين .. أبغاك تكثرين زياراتك لي .. من رحت ذاك البيت وأنت ما قمت تزورينا مثل قبل ..
سلمى : ما له علاقة خالتي .. بس باقي لي هالسنة وأتخرج .. وضغوط الامتحانات والدراسة ودوامي في المستشفى .. كله ماخذ وقتي ..
هيا : الله يقويك ويساعدك .. ويوفقك ..
بعد الغداء .. اقعدوا في الصالة يشربون شاي .. البنات اعتذروا بينامون شوي .. واقعدت سلمى مع خالتها ..
هيا تشرب الشاي : وش فيك .. عيونك حمراء ..
سلمى : ما نمت عدل أمس ..
هيا : تنامين طبيعي .. ولا لازم حبوب ..
سلمى تبتسم : لا خالتي .. الحمد الله صار لي أشهر ما أخذها ..
هيا تهز راسها : الحمد الله ..
سلمى : أسفة خالتي لأني ما ازروك كثير .. لكن بين دراستي وشغلي وأخواني في البيت .. زين أقدر احك شعري ..
هيا بهدوء : إخوانك ..
سلمى : أي أخواني ..
هيا تبتسم : قبل ما كنت تسمينهم إلا عيال نعيمة ..
سلمى ترقع : ما هم عيالها .. و ...
هيا تاشر بيدها : ما عليه بنتي .. يظلون اخوانك .. وما فيها شي إذا درت بالك عليهم ..
سلمى تشرب الشاي وهي ساكتة ..
هيا تحط البيالة : سلمى .. الجدار اللي انت محاوطة نفسك فيه .. إلا ما يجي يوم وينكسر .. وما فيها شي .. إذا حنيتِ .. أمك الله يرحمها .. كانت حنونة فوق ما تتصورين ..
سلمى : وش فادها حنانها ..
هيا : ربي ياخذ حقها منهم ..
ظلوا مدة ساكتين .. هيا ملاحظة أن سلمى متغيرة .. صحيح هي تعبانة .. لكن وجهها مضوي .. وصايرة تضحك وتبتسم كثير .. بالعادة هي كله ساكتة .. نسحب الكلام منها سحب .. يا ترى وش سبب هالتغيير .. انتبهت سلمى لنظرات خالتها .. وافهمتها .. حطت البيالة على الطاولة .. تبغى تهرب .. قبل ما تحقق معها خالتها .. هيا إذا بغت تعرف شي .. تعرفه ..
سلمت سلمى على خالتها .. واطلعت .. خالتها تناظرها وتبتسم " هربي مثل ما تبين .. مردي راح أعرف .. من هي اللي ادخلت حياتك .. وضوتها لك .. إلا ما أعرف يا السلم ".. !!!

في الليل ...

كانت جود تناظر الساعة .. " ليه عقارب الساعة تمشي ببطء ".. كانت تنتظر الكل يروح لغرفته علشان تروح لسلمى .." لازم أعرف منها كل شي .. لازم أعرف سبب العداوة اللي بينها وبين أمي .. ما راح يهدى بالي إلا لما أعرف " ..

كانت سلمى في غرفتها مع الاب .. تحضر للعملية .. تحس مخها مو راضي يجمع .. الارهاق غزى جسمها .. ومو قادرة تقاومه .. وضعت الاب على الطاولة .. واسندت ظهرها على الصوفا.. وراسها لورى .. غمضت عينها .. ويدها تدلك جبينها ..
طق الباب .. دخلت جود وقفلت الباب وراها .. سلمى ابتسمت وهي مغمضة عينها .. ( لا تقولين ما جاك نوم ) ..
قربت منه جود .. وباستها على خدها ..
جود : كيف عرفت أنه أنا ..
افتحت سلمى عيونها .. واحضنت جود .. صارت جود في حضنها .. ويدينها حول رقبة سلمى ..
سلمى تبوس رقبة جود : من ريحة عطرك .. تجنن ..
جود بغنج : بس عطري اللي يجنن ..
سلمى تبوسها : كلك على بعضك حلو ..
جود تناظر الاب : شكلك مشغولة ..
سلمى تهز راسها : بعد بكرة عندي عملية كبيرة .. ولازم أحضر لها ..
جود بتقوم : أجل أخليك تذاكرين ..
امسكتها سلمى : لا تقومين .. أصلا ماني قادرة أجمع ..
جود تناظرها ويدها راس سلمى : وش فيك حياتي ..
سلمى : ارهاق وتعب ..
جود تلعب بشعر سلمى : سلامتك .. فيني ولا فيك ..
سلمى تشفها بقوة : فديتك حبي ..
بعدت عنها جود.. تسوي روحها ما اسمعت : حبك ..
سلمى : أي حبي ..
جود تقرب اذنها من سلمى : ما سمعت ..
سلمى مصت شحمة اذن جود .. وانزلت تبوس رقبتها .. ويدها تحسس جسم جود .. جود تتنهد .. تذكرت جود سبب جيتها .. بعدت عن سلمى ..
سلمى باستغراب : وش فيك ..
قامت جود عن حضن سلمى .. واقعد جنبها .. ترتب نفسها ..
جود : في موضوع حابة أتكلم معك فيه ..
لفت سلمى وصارت مقابلتها : موضوع عن ايش ..
أخذت جود نفس عميق : وش اللي بينك وبين أمي ..
سلمى نزلت راسها : ما في شي بي...
قاطعتها جود : لا تهربين من الإجابة .. أدري أن بينكم شي .. وكل ما سألت أمي .. تغير الموضوع .. ولا تجاوبني .. أبغى أعرف ..
سلمى تناظر جود : سالفة قديمه ..
جود : وش هالسالفة .. اللي تخليكم تتجنبون تناظرون بعض ..
سلمى : وش راح تستفيدين إذا عرفت ..
جود : أبغى أعرف اللي بين أمي وبين حبيبي ..
ارفعت سلمى يدها .. تمسح خد جود " لو عرفت راح تكرهين أمك .. أدري وش كثر تحبينها وتغلينها .. ما أبغى تتغير نظرتك لها " ..
سلمى : جود .. هي سوالف قديمة .. وتغث .. ما أبغى أتكلم فيها ..
جود مكتفة يدنها : ليه ..
سلمى بحزن : لأنها تذكرني بأمي ..
جود : أسفة حياتي .. ما كان قصدي .. أقلب عليك المواجع ..
سلمى بهدوء : جود .. خلي الماضي في الماضي .. ولا تنبشينه ..
جود تبوس خد سلمى : أمرك حياتي ..
سلمى تسوي روحها زعلانه وتقرب خدها من جود : للحين أحس بحزن ..
جود افهمت لها .. وبعدت عنها .. وقامت بتروح للباب ..
سلمى باستغراب : وين ..
التفتت عليها جود : لا تحاولين تصرفين الموضوع ..
قامت سلمى : أصرف الموضوع .. كيف ..
جود تاشر بيدها : ب .. ب .. بحركات ما لها داعي ..
سلمى تقرب منها خطوة خطوة : أها .. حركات ..
جود تناظر عيون سلمى .. تعرف هالنظرات .. تحاول تقاومها .. وتسوي روحها مو مهتمة ..
جود مكتفة يدينها وترجع لورى : لا تقربين .. والا ..
سلمى تقرب : وإلا ايش ..
جود : يحق لي أعرف اللي بينكم .. وما يصير تغشين وتتهربين من الموضوع ..
سلمى يدينها حول خصر جود .. تبتسم : أغش شلون ..
جود يدينها على قميص سلمى : تدرين ما اقدر .. وانت تناظريني بالشكل ..
سلمى تشيلها .. يدين جود حول رقبة سلمى .. ورجولها حول خصرها .. وهم رايحين للسرير ..
سلمى تشفها : حياتي .. لا تزعلين ..
جود : أنت اللي تبعديني عنك ..
سلمى تبتسم : كل هالقرب وبعيدة ..
جود رافعة حاجبها : عارفة وش أقصد ..
وصلوا الى السرير .. نومت سلمى جود على ظهرها .. وهي فوقها تشفها .. وتفصخها البيجامة ..
سلمى : حياتي .. راح أقولك كل شي .. لكن في وقته ..
جود : والحين مو وقته ..
سلمى تفصخ ملابسها .. وتناظرها : حابة نتكلم الحين .. ولا ...
اسحبتها جود لعندها : نخلي الكلام بعدين ..
شفتها سلمى بقوة : as you wish
امسكت سلمى خصر جود .. واقلبتها وصارت فوقها .. جود اضحكت .. ونزلت راسها تبوس سلمى ..

كانت واقفة تسمع أصواتهم .. ويدها مقبوضة .. " راح يجي يوم وأخليك تبكين .. بدل ضحكك .. هذا وعد علي .. لأبكيك اضعاف ضحكتك هذه يا الحقيرة " .. ارفعت يدها تمسح دموعها .. " وش تشوف فيك .. شيفة .. وش اللي عاجبها فيك "..
اطلعت علياء من جناح سلمى .. وانزلت من الدرج بسرعة .. وما انتبهت لغادة اللي كانت في المطبخ .. المحتها غادة .. " وش عندها هذه فوق .. وليه كانت تبكي "..
.
.

وواووو البارت خطييييييير
Waiting

JoJo

ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي Suspect

يارب غاده تقول حق سلمى انها شافت علياء

في انتظااااااااااااااااااااارك قلبي

» هاى رحبو فيني ابغى صفقة قوية
» الشيطان×_× من كتاباتى
» عشاق بين احضان الشياطين(روايه جريئه) ابداآآآآعــ
» الى الشيطان الي هو ولد ومسوي نفسه مرجوجه.. وش تحس ....؟تعال بالله