صفقة مع الشيطان ..

يمقن لعيون ستفني كتب:: ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

+1 ..

عدد الرسائل : 33378 تاريخ التسجيل : 24/04/2011

جمممميل حيل البارت
واحسسس قريب هالعقرب بتطرد جود pale

باررررت ابدااااااااع...
ننطررر التكمله...

البارت حلو Very Happy

كملى

يمقن لعيون ستفني كتب:: ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

يمقن لعيون ستفني كتب:: ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

Awesome <3
ابدااع البارتات Smile

كملي في انتظارك

البارت رووعة تسلم ايدينك الحلوتين

عدد الرسائل : 228 تاريخ التسجيل : 19/03/2012

قمه في الابداع ما شاء الله عليك
الله ياخذ الزفت علياء وش تبي تهاني ذي بعد
شوفي عاد فواحد من البارتات ابيك تدخليني عشان اكفخ الثنائي القاهرني <<<تحمست واااايد هههههههه
ويسلمووو ي عسل بانتظاركـ

أعجبت بما خطت اناملك ..
فرفقاا بقلبي الصغير ..
فإنه بـ انتظارك عزيزتي ..

pirate

الباااارت حيل حيل حلو تسلم ايدينج وواي زعلت الصراحه
يوم قلتي بتوقفين الامير فنتري بس اهم شي راحتج
زيعطيج العافيه على هالبارتين الحلوووين

موضوع: ‏......... الجمعة نوفمبر 09, 2012 4:38 am

ابدااااااع وربيي انيي احب رواياتك واسلوبك جناان في انتضاااااريك ياعسل..............فتوووووو

عدد الرسائل : 245 تاريخ التسجيل : 14/07/2012

اقتباس :: وواووو البارت خطييييييير
Waiting

JoJo

نورت ..
.
.

اقتباس :: ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

مشكورة حياتي ..

مرورك الأروع ..

فديتك ..
.
.

اقتباس :: يمقن لعيون ستفني كتب:
ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

+1 ..

نورت ..
.
.

اقتباس :: جمممميل حيل البارت
واحسسس قريب هالعقرب بتطرد جود

ما تقدر .. والسلم موجود ..
منورة ..
.
.

اقتباس :: باررررت ابدااااااااع...
ننطررر التكمله...

منورة ..
.
.

اقتباس :: البارت حلو

كملى

منور ..

إن شاء الله قريب أنزل بارت جديد ..
.
.

اقتباس :: يمقن لعيون ستفني كتب:
ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

منورة ..
.
.

اقتباس :: يمقن لعيون ستفني كتب:
ابدااااااااااااااااااااااااااااااااااااااااااااااااع حياتي

ماننحرررررررررم يعطييييييك الف عافيييييييه

علياء الحقييييره وش تبي يارب غاده تقول حق سلمى انها شافت علياء

في انتظااااااااااااااااااااارك قلبي

نورت ..
.
.

اقتباس :: Awesome <3
ابدااع البارتات
كملي في انتظارك

مشكورة ..

إن شاء الله قريب أنزل بارت ..
.
.

اقتباس :: البارت رووعة تسلم ايدينك الحلوتين

يسلمك حياتي ..
.
.

اقتباس :: قمه في الابداع ما شاء الله عليك
الله ياخذ الزفت علياء وش تبي تهاني ذي بعد
شوفي عاد فواحد من البارتات ابيك تدخليني عشان اكفخ الثنائي القاهرني <<<تحمست واااايد هههههههه
ويسلمووو ي عسل بانتظاركـ

يسلمك حياتي ..

وعلياء بتتكفخ قريب ..

فديت طلتك ..
.
.

اقتباس :: أعجبت بما خطت اناملك ..
فرفقاا بقلبي الصغير ..
فإنه بـ انتظارك عزيزتي ..

pirate

منور ..

وإن شاء الله قريب أنزل بارت ..
.
.

اقتباس :: الباااارت حيل حيل حلو تسلم ايدينج وواي زعلت الصراحه
يوم قلتي بتوقفين الامير فنتري بس اهم شي راحتج
زيعطيج العافيه على هالبارتين الحلوووين

يسلمك حياتي ..

ولا تزعلين .. مجرد ما اخلص من هالرواية .. راح أكمل رواية أسيرة الأميرة ..

بإذن الله ..

منورة ..
.
.

اقتباس :: ابدااااااع وربيي انيي احب رواياتك واسلوبك جناان في انتضاااااريك ياعسل..............فتوووووو

مشكورة حياتي ..

منورة ..
.
.

عدد الرسائل : 38 تاريخ التسجيل : 12/09/2012

Realy , I'm speechless
Don't know what to say
God bless you mind sweety

يٓ فآتنه يٓ جمييله آبدعتي وربك وآنآ سجلت في آلمنتدى كله عشآنك وكل روآيآتك جميله عندك آسلوب يشد آلي يقرآ ..
دمتي بخير ❤

عدد الرسائل : 245 تاريخ التسجيل : 14/07/2012

اقتباس :: Realy , I'm speechless
Don't know what to say
God bless you mind sweety

thanks dear

I'm glad you like it
.
.

اقتباس :: يٓ فآتنه يٓ جمييله آبدعتي وربك وآنآ سجلت في آلمنتدى كله عشآنك وكل روآيآتك جميله عندك آسلوب يشد آلي يقرآ ..
دمتي بخير ❤

يسلم شانك ,,

مشكورة على الكلام الحلو ..

ودي لك ..
.
.

في بارت الحين ..؟!

صرااحه ابداااع ... واحس قليله عليك جد عجبني الباارت ..

بس ليش خايفه من علياء شكلها والله بتفرقهم .. وبتجئ ع راس جوود مصيبه من وراااهااا ها العلياااء ..

بانتظاارك قلبووو وتسلمين ع باااارت ...

جين ..

عدد الرسائل : 8 تاريخ التسجيل : 08/11/2012

ابداااااااااااااع مو طبيعي
تسلم اناملج

انتظر البارت الجاي ... Embarassed

اب..

عدد الرسائل : 245 تاريخ التسجيل : 14/07/2012

... الفصل الثامن ...

كانت سلمى نايمة في حضن جود .. جود تلعب بشعر سلمى .. " أدري أنك تعبانة .. وتكابرين .. ليه ما تقربيني منك .. دايما أحس فيه جدار بينا .. أه سلمى .. راح أنتظرك حبي .. يكفيني اللي بينا الحين .. لكن لو اعرف اللي بينك وبين أمي .. وش سبب العداوة اللي بينكم ".
كانت سلمى تتكلم وهي نايمة .. ( لا .. ماما .. لا تروحين ) حست عليها جود .. وبدت تصحيها .. سلمى قاعدة تشوف كابوس .. جود تحاول تصحيها بقوة .. وسلمى تصيح وتنادي أمها .. جود هزتها بقوة .. فتحت سلمى عيونها .. تتنفس بصعوبة .. جود تمسح راسها وتهديها ..
جود بحنان : حبي .. كان كابوس ..
سلمى تناظرها وتتلفت : أنا وين ..
جود : أنت معي .. كنت تحلمين ..
اقعدت سلمى وهي تتنفس بصعوبة .. ويدها تمسح وجهها .. جود جنبها .. يدها تمسح ذراع سلمى وتسمي عليها .. بعدت عنها سلمى .. وقامت وراحت إلى الحمام .. تغسل وجهها وراسها .. الحقتها جود .. ظلت واقفة عند باب الحمام .. تناظر سلمى اللي راسها تحت الحنفية .. والماء يغطي راسها كله .. ظلت مدة طويلة .. قربت منها جود .. سكرت الحنفية وارفعت راس سلمى .. شافت عيونها حمراء من البكاء .. أخذت فوطة واقعدت تمسح راسها ووجهها .. بعدين امسكت يدها واخذتها معها إلى غرفة النوم .. وقعدتها على السرير .. وراحت إلى غرفة الملابس .. وارجعت بيدها قميص قطني .. قربت من سلمى وفصختها اللي عليها .. كان مبلل ماء .. ولبستها اللي جابته .. وهي تلبسها القميص .. سلمى تناظرها وتبتسم ..
سلمى بحزن : أسفة .. أزعجتك معي ..
جود حطت اصبعها على فم سلمى .. بهدوء : اشششش .. ما ازعجتيني ..
ابتسمت سلمى واسندت نفسها على ظهر السرير .. واقعدت جنبها جود ماسكة يدها .. ظلوا مدة ساكتين .. جود ما كانت تبغى تضغط على سلمى .. كانت تبغاها هي اللي تبدأ بالكلام ..
أخذت سلمى نفس عميق : حلمت بأمي ..
جود ماسكة يد سلمى بيدينها الثنتين : خير ان شاء الله ..
سلمى تكمل : كنا على البحر نتمشى .. كانت تسألني عن حياتي .. وتطمن علي .. قلت لها أني دكتورة .. ابتسمت .. وضمنتي وقالت لي أنها proud of me .. كنت أبغى أقول كل شي عن حياتي .. لكنها راحت .. فجأة اختفت ..
سلمى اخنقتها العبرة .. واقعدت تصيح .. ضمتها جود لصدرها .. راس سلمى على صدر جود .. ويدها ماسكة بيجامة جود ..
سلمى تصيح : في اشياء كثيرة ما قلتها لها .. كنت أبغى أقول .... ( تبكي ) ..
جود تهديها : اششش babe ..
سلمى تتنهد : راحت وما اسمعتني .. قعدت اناديها .. ما التفتت علي .. فجأة اختفت ..
جود تمسح راس سلمى : حياتي .. يكفي أنها جات تطمن عليك ..
سلمى تبكي : اشتقت لها كثير .. بسببي ماتت .. بسببي راحت ..
جود مو فاهمة : بسببك ..
سلمى ما اسمعتها .. كانت تبكي .. ظلت جود معها .. إلى أن هدت .. ورجعت تنام مرة ثانية .. ما كان ودها تتركها لحالها .. لكن لازم ترجع إلى غرفتها ..
ادخلت جود غرفتها .. وهي تفكر في اللي قالته سلمى " بسببي ماتت " .. كيف بسببها .. لازم أسأل أمي .. شلون ماتت أم سلمى ..

في الصباح ...

انزلت سلمى الدرج بكسل .. راسها مصدع من استيقظت من النوم .. ما نامت عدل أمس .. لكن هالمرة ما كان السبب كابوس .. لأنها شافت أمها في الحلم .. مثل ما تتذكرها .. لو يتكرر الحلم مرة ثانية ..
جاتها الخدامة تسألها أذا تبغى فطور .. سلمى رفضت .. بتاكل لها شغلة في الطريق .. كان ودها تشوف إذا جود راحت الجامعة ولا لأ .. علشان توصلها معها .. محتاجة تكون جود جنبها ..
لكن لقتها نايمة .. لأنها أوف اليوم .. ما حبت تزعجها وخلتها تنام ..
ادخلت سلمى المستشفى وصادفتها ناديا على الباب ..
ناديا تبتسم : صباح الخير ..
سلمى بتعب : صباح النور ..
ناديا : وش فيك ..
سلمى : ما نمت عدل أمس..
ناديا : للحين كوابيس ..
سلمى تفتح باب غرفة الاستراحة : لا حلمت بأمي أمس ..
ناديا متفاجأة : أمك ..
ادخلوا غرفة الاستراحة .. وافصخوا عباياتهم .. والبسوا زيهم .. التفتت ناديا على سلمى وهي تلبس .. انتبهت لرقبتها .. صارت تناظرها بنص عين .. التفتت عليها سلمى ..
سلمى مو فاهمة : what
ناديا تناظرها بنص عين وتاشر على رقبتها : ما لا داعي تكذبين وتقولين كوابيس ..
سلمى للحين مو فاهمة .. انتبهت لنظرات ناديا عليها .. التفتت تناظر المراية .. شافت أثر على رقبتها .. وجهها صار أحمر من الإحراج .. التفتت على ناديا ..
سلمى : ما كذبت .. أنا صدق حلمت بأمي أمس ..
ناديا : as you say
سلمى تشرح : حلمت بأمي أمس .. وزين أن جود كانت معي أمس .. ( بحزن ) ..
ناديا لاحظت عيون سلمى الحمراء من كثر البكاء .. وهالات سوداء تحت عينها .. طبعا هي ما تحط make up .. ولا كان اخفت الهالات اللي تحت عينها ..
ناديا باهتمام : وش صار ..
أخذت سلمى نفس عميق وحكت لناديا حلمها اللي شافته أمس .. ناديا كانت تستمع لها باهتمام وتهز راسها ..
ناديا تبتسم : خير إن شاء الله .. أكيد جات تطمن عليك ..
سلمى بحزن : أدري .. لكن كان ودي أسولف معها أكثر .. حتى لو كان حلم ..
ناديا : سلم حبيبي .. أنت عارف أنه حلم .. وهي اللي زارتك .. على الأقل شفتها بعد كل السنين..
سلمى تناظرها : وش صيغة المذكر اللي تكلميني بها ..
ناديا تغمز لها : babe this is who you are. but you keep denying it
سلمى تكمل لبس : أنت عارفه الأسباب ..
ناديا تهز راسها : هذاك قبل 20 سنة .. الحين جراحة التجميل تقدمت بشكل مذهل .. وما يحتاج أعلمك .. ما هو في مجالنا ..
سلمى تكمل عنها : أدري .. لكنها one shot إذا فشلت .. راح اخسر أكثر من اللي خسرانته already..
ناديا بخبث : لكنك الحين عندك سبب قوي يخليك تسوين العملية ..
سلمى ماسكة دفتر : وش قصدك ..
ناديا تناظر الباب : قصدي جود .. يعني ما يجوز تخلي بنت الناس .. إلا ما تصلح اللي ..
سلمى رمت عليها الدفتر .. وراحت لها .. لكن ناديا اركضت إلى الباب وهي تضحك .. افتحته واطلعت .. ما اقدرت سلمى تلحقها .. " مردودة يا حلوة " .. التفتت سلمى وهي تضحك .. شافت الدفتر مرمي على الأرض .. انزلت واخذته ورجعته مكانه .. راحت إلى جهة النافذة تناظر الشارع والمباني اللي حواليهم .. " ناديا معها حق .. قبل ما كنت أهتم .. ولا كان عندي أحد أهتم له وأحبه .. لكن الحين في جود .. ما يصير أظلمها معي ".. أسندت سلمى راسها على النافذة وكتفت يدينها .. " جود .. من وين طلعت لي .. وقلبت كياني كله "..

صحت جود من النوم على الساعة 11 الظهر .. أخذت لها شاور .. وسوت لها شي سريع تاكله .. وقعدت تدور أمها .. لازم تعرف كل شي عن أم سلمى وشلون ماتت .. وليه سلمى تحمل نفسها الذنب ..وسبب العداوة اللي بين أمها وبين سلمى ..
اسألت الخدم عن أمها قالوا لها أنها عند نعيمة .. راحت لهم .. قربت من غرفة نعيمة .. واسمعت صوت امها وهي شوي وتصيح .. وقفت عند الباب تسمع كلامهم ..
سارة : صرت ما انام الليل .. كأني أسمع صراخها ذاك اليوم .. والنار مشتعلة في ملابسها .. وهي تركض وتصيح ..
نعيمة : وتوه الحين يصحى ضميرك ..
سارة بحدة : بس حنا شوهنا البنت ..
نعيمة : ما كان بقصد منا .. كان قصدنا نخوف أمها ..
سارة : وجات في البنت ..
نعيمة : يعني بتسوين لي صاحبة ضمير .. وين كان ضميرك لما طلبت منك تحطين حبوب هلوسة في أكل سلوى وشربها ..
سارة : كنت بحاجة للمال ..
نعيمة : وسلوى ما كانت مقصرة معك .. تعاملك كأنك وحدة من البيت .. حتى إذا غيرت أثاث البيت .. غيرت أثاث ملحقكم .. ونفس أثاث البيت .. وملابس عيالك نفس ملابس بنتها .. ما تشتري لهم إلا جديد ..
سارة تناظرها باستغراب .. نعيمة بنبرة : don't give me that look .. أنت خنت مراة ضفتك أنت وعيالك بعد سجن زوجك .. وعاملتك مثل اختها .. أنا كنت أشوف بعيني .. وما كانت تبخل عليك بشي .. لكني شفت فيك اللي ما شافته هي .. شفت الطمع والجشع ..
قامت سارة بعصبية : غلطتي أني سمعت كلامك وقتها .. وهذاني أدفع ثمنها من صحتي ..
نعيمة بحدة : سارة .. انا ما طقيتك على يدك .. أنا عرضت عليك ذهب وفلوس .. وانت بسهولة بعتيها.. ما بين في عينك اللي سوته لك ..
سارة تبرر : كنت مضطرة .. كنت أبغى أطلع زوجي من السجن ..
نعيمة : وش دعوة لما طلع .. بين في عينه .. تركك أنت وعيالك .. وتزوج وحدة ثانية .. عايش معها .. ولا درى عنكم ..
سارة تتنهد : قلت لك .. اني قاعدة أدفع ثمن اللي سويته .. الزوج تركني .. وصحتي راحت .. وبنتي .. ( اسكتت ) ..
نعيمة : وايش .. كملي ..
سارة عند الباب : ولا شي ..

افتحت سارة الباب .. حست ان في أحد كان واقف ورى الباب .. تلفتت ما شافت أحد .. راحت في اتجاه ملحقها .. جود كانت في دورة المياه اللي قريبة من غرفة نعيمة .. مو مصدقة اللي اسمعته .. أمها ونعيمة كانوا سبب اللي صار لسلمى .. الحروق اللي في جسمها .. أنت سببها أمي.. ليه .. هي وش سوت لك ..
اطلعت جود من دورة المياه .. ما كانت تبغى ترجع الملحق وتشوف أمها .. راحت إلى الحديقة .. صارت تتمشى .. وتحدق في النباتات .. أخذت لها زهرة من شجرة الليمون تشمها .. قعدت مدة تفكر وتسترجع كل اللي سمعته .. كل اللي عرفته للحين أن أمها ونعيمة كانوا السبب ورى حروق سلمى .. لكن كيف وليه .. وش سالفة حبوب الهلوسة ..
وجود تتمشى تذكرت شغلة ما كانت منتبهة لها وقتها .. واربطتها باللي اسمعته مساع .. وقفت مكانها .. وطاحت الزهرة من يدها .. معقولة .. هذا التفسير الوحيد .. " من أول ما جات سلمى البيت .. ما كانت تسمح لأمي تسوي لها شي .. القهوة .. الشاي .. العصير .. كانت تطلبه من خدامتها اللي جات معها .. حتى إذا المحت أمي في المطبخ جنب الأكل .. ما تاكل منه .. وخلت مسؤولية المطبخ على الطباخة اللي استقدمتها .. كانت نادراً ما تاكل شي من البيت .. إلا إذا كان مغلف ومعلب .. كنت أظن لأنها مهووسة بالنظافة والصحة واللياقة .. الحين عرفت السبب "..
مشت جود وقعدت على اقرب كرسي .. مو مصدقة اللي اسمعته .. معقولة أمي تسوي كل هذا .. لهذا السبب كانت سلمى تتصرف معي ببرود .. حتى لما اطلبت مني ( ادمعت عينها جود ) كانت تبغى تنتقم من أمي .. لكنها الحين تحبني .. ولا تمثل علي .. لا .. لا .. هي كانت باردة معي وقاسية لشهور .. لكن الأسابيع اللي طافت .. كانت معي غير .. أشوف في عيونها حب وحنان .. وحب تملك غير طبيعي .. ( ابتسمت ) .. هي تحبني .. أكيد تحبني ..
....... : أشوفك قاعدة في الحديقة .. ما عندك جامعة اليوم ..
التفتت جود على مصدر الصوت .. شافت علياء واقفة وبيدها كوب نسكافيه .. " أوف وش جابها هذه بعد "..
جود بدون نفس : اليوم أوف ..
اقعدت علياء جنبها .. تشرب الكوفي : حلو الواحد يريح شوي .. هم الدراسة متعب ..
جود تناظرها باستغراب .. وش عندها علياء تسولف معها .. ما كأنها سوت شيء قبل كم يوم .. جود بتقوم : أنا راح أدخل ..
علياء تناظر الكوب : لا تفرحين كثير باللي عندك ..
التفتت عليها جود : ما فهمت وش تقصدين ..
علياء بخبث : فاهمة وش أقصد ..
جود بحدة : اذا عندك كلام قوليه من دون لف ودواران ..
علياء تقوم : العز اللي انت فيه ما راح يدوم لك .. والا كان دام لغيرك ..
جود : أي عز ..
قربت منها علياء .. وارفعت اصبعها لفم جود : عز سلمى ..
نزلت علياء يدها بسرعة .. قبل ما تنزله جود .. والتفتت بتروح ..
علياء من بعيد : إلا ما تمل منك ..
من دون ما تسمع ردها .. مشت عنها علياء وهي تبتسم .. " إلا ما اخرب اللي بينكم "..

في الليل ...

هيا تبتسم : هلا والله .. زين طرينا على بالك ..
غادة تسلم عليها : أنتِ دايم على بالي ..
هيا : لو على بالك .. كان طليت علي بين كل يوم والثاني ..
غادة تجلس : صدقيني أم ياسر .. مو لاقيه وقت أحك راسي .. بين الشغل والبيت والعيال ..
هيا تبتسم : ربي يعطيك العافية .. ها بتتعشين عندي اليوم ..
غادة بتتكلم .. قاطعتها هيا : ما أبغى اسمع اعذار ..
غادة هزت راسها : وش عشاك ..
هيا : نعمة كريم ..
غادة تبتسم : يعني سفرة عامرة ..
هيا : احمدوا ربكم .. غيركم مو لاقيها ..
غادة : الحمد الله ..
جات الخادمة معها صينية فيها شاي وقهوة .. واطلبت منها هيا تجيب صينية الفطاير .. اللي سوتها ..
غادة تشرب قهوة : تشوفين سلمى ..
هيا تاشر بيدها : أمس متغدية عندي ..
غادة : صار لي فترة طويلة ما شفتها ..
هيا : هي من راحت ذاك البيت .. وما صرنا نشوفها مثل قبل ..
غادة : أنا ما ادري وش اللي جابرها تصرف عليهم ..
هيا : يظلون اخوانها ..
غادة باشمئزاز : قصدك عيال نعيمة ..
هيا تهز راسها : عيالها واخوان سلمى ..
غادة : لو انا مكانها .. قضبتهم الباب ..
هيا تشرب القهوة : سلمى مهما بينت انها قوية .. تراها بنت امها .. قلبها حنون ..
غادة تتنهد : وش نفعتها الحنية .. الله يرحمها دخلت عقرب لبيتها ..
هيا : ربك كريم .. ياخذ حقها وحق بنتها ..
غادة : امين ..
غادة تتلفت : أجل وين بناتك .. من جيت ما شفتهم ..
هيا تشتكي : كل وحدة في غرفتها ولاهية بجوالها .. ما سوى فينا خير هالآيباد ..
غادة تبتسم " بدينا ".. هيا تكمل : ما قمت اشوف بناتي .. حتى إذا كانوا جنبي .. كل وحدة لاهية بجوالها .. واذا كلمتهم ما عطوني وجه ....
قطع كلام هيا صوت رنة جوال .. غادة تناظرها : جوالك ..
شالت هيا جوالها .. وشافت الرقم .. زوجة أخوهم عبد الرحمن نورة ..
هيا تبتسم : هلا بأم خالد ..
نورة : هلا فيك .. وش أخبارك وأخبار العيال ..
هيا : الحمد الله بخير وعافية .. أنتو كيفكم وشلون بوخالد والعيال ..
نورة : الحمد الله يسألون عنك ..
هيا : تسأل عنهم العافية ..
نورة بتردد : أم ياسر .. بغيت أتكلم معك في موضوع ..
هيا : خير ان شاء الله ..
نورة تبتسم : الخير بوجهك .. تذكرين ام صقر ..
هيا تفكر : من ام صقر ..
نورة تقرب لها : حماة سعاد اللي كانت ساكنة جنب بيتكم القديم ..
هيا تتذكر : أي .. أي عرفتها .. اللي زوجها مدير مدرسة ....
نورة : أي هذه هي ..
هيا : وش فيها ..
نورة : أختها شافت سلمى .. وكأنهم يبغونها لخالهم ..
هيا باستغراب : سلمى .. وين شايفينها .. في المستشفى ..
نورة : لا في المدرسة ..
هيا : أي مدرسة ..
نورة : مدرسة غادة ..
هيا تناظر غادة : غادة تشتغل في الأحوال مو في المدرسة ..
نورة : غادة أخت سلمى ..
هيا : أي .. بنت نعيمة ..
نورة : أي .. كانت في مدرسة أختها غادة .. واخت أم صقر تشتغل مدرسة هناك .. وشافتها .. واتصلوا فيني .. يبغون يكلمونك ..
هيا تهز راسها : والله يا نورة .. بيت ال .... والنعم فيهم .. بس تعرفين أن سلمى ما تفكر في الزواج ..
نورة : بس هيا .. سلمى مو صغيرة .. وما فيها شي تتزوج وتدرس.. كثير عايشين كذا ..
هيا تبتسم : أدري .. بس تعرفينها .. وما نقدر نجبرها على شي ما تبيه ..
نورة : على العموم .. انا مجرد مرسال ..
هيا : اعتذري للجماعة .. وخبريهم أننا نتشرف فيهم .. لكن كل شي قسمة ونصيب ..
نورة : معك حق .. كل شي قسمة ونصيب ..
صكرت هيا جوالها .. وغادة تناظرها باستغراب .. التفتت عليها هيا ..
هيا تحط جوالها على الطاولة : وش فيك تناظريني بهالشكل ..
غادة : أنت حتى ما سألت سلمى .. يمكن تكون البنت موافقة ..
هيا : ما راح توافق ..
غادة : وأنت وش عرفك .. قبل كانت تدرس .. بس الحين باقي لها سنة وتتخرج ..
هيا تهز راسها : ادري .. لكني عارفة جوابها .. ما راح توافق ..
غادة : أنت جزمت بدون ما تسالينها ..
هيا بحدة : وأنت وش حارق دمك في الموضوع ..
غادة : بنت أختي .. وأبغى لها الخير ..
هيا : يعني أنا اللي أبغى لها الشر ..
غادة تاشر بيدها : أنت عارفه وش أقصد ..
هيا بهدوء : غادة .. موضوع زواج سلمى خليه علي ..
غادة : شلون أخليه عليك ..
هيا : غادة في امور أنت ما تعرفينها ..
غادة : أي أمور ..
هيا : تعرفينها في وقتها ..
غادة : كاني أكلم امي الله يرحمها .. لما يجي أحد يخطب سلمى .. كانت ترده حتى بدون ما تسأل سلمى .. وش السر اللي مخبينه ..
هيا تقوم : لا سر ولا شي .. تعالي شكلهم حطوا العشاء ..
اسبقتها هيا .. تنادي بناتها .. وغادة وراها " وش سالفتكم .. أنت وأمي .. دايم تتكتمون عن موضوع زواج سلمى " ..

في البيت ...

كانت سلمى في المكتبة .. بين الكتب وبين الاب .. قاعدة تستعد لعملية بكرة .. كانت صابة كل تركيزها على الاب .. وتمثل بيدها أفضل طريقة للشق .. وطريقة العملية .. وتعيد أكثر من طريقة ..

كانت غرفة المكتبة قريبة من ملحق سارة .. ومطلة على الحديقة اللي تفصل بين الفيلا وبين الملحق .. ونوافذ المكتبة كانت فرنسية .. طويلة تاخذ طول الجدار تقريبا .. ومفتوحة على الحديقة.. كانت جود واقفة تناظر سلمى من النافذة .. " عليها عملية كبيرة بكرة .. وما ابغى ازعجها .. لكن كلام علياء أزعجها كثير .. بداية علاقتها بسلمى كانت عبارة عن صفقة بينهم هم الثنتين .. تشوف سلمى مقابل جلوسهم في الفيلا .. لكن الحين الوضع تغير .. صاروا couple أو كذا هي تفكر .. لكنها ما تعرف وش تفكر فيه سلمى "..
انتبهت جود لأختها جنان جنبها .. التفتت عليها ..
جنان : ما تبغين تتعشين ..
جود : لا ما لي نفس ..
جنان باصرار : بس أمي قالت ما أرجع إلا بك ..
جود ما ودها تشوف أمها .. هي من الظهر وهي تحاول تتجنبها .. لكن إلى متى راح تتجنبها .. لا بد من المواجهة .. " للحين ماني مصدقة .. أن أمي تسوي كل اللي سوته .. تطعن المراه اللي دخلتها بيتها .. وأمنتها عليه .. وهي اللي تسببت في تشوه سلمى والحروق اللي على جسمها "..
جنان تهزها : جود وين رحت ..
جود انتبهت لنفسها .. والتفتت على اختها : ما رحت مكان .. يا الله نروح نتعشى ..

غادة تناظر داليا وتضحك .. داليا تناظرها باستهجان : فيه شي يضحك ..
غادة : أبداً .. لكنك عزمت نفسك مرتين .. وفي المرتين كان تخطيطك على فوش ..
داليا ترفع أكتافها : لكن هالمرة غير ..
غادة : شلون غير .. عزمت نفسك على العشاء .. وسلمى ما تعشت معنا ..
داليا : لكنها موجودة في البيت .. هذا يكفيني ..
غادة : وش دعوة هي شايفتك من الأساس ..
داليا بدلع : أخليها تشوفني ..
غادة بجدية : داليا .. أنت صديقتي وأحبك وأعزك مثل أختي وأعز .. لكن اللي تفكرين فيه .. بعيد المنال .. سلمى مو من هالنوع ..
داليا بحزن : مو بيدي .. كل شي فيها يجذب ..
غادة : انت معجبة بشكلها وشخصيتها .. لكن اللي تفكرين فيه مستحيل ..
داليا : لا تسكرينها في وجهي ..
غادة تهز راسها : أنا ما أسكرها في وجهك .. لأنها من الأساس مسكرة ..
داليا تناظرها بنص عين .. ورمت عليها المخدة .. غادة تضحك .. عصبت منها داليا ..
داليا بعصبية : لا تضحكين ..
غادة تضحك : مو بيدي .. بس الموقف يضحك ..
داليا مكتفة يدينها : يا المليقة ..

سارة : جود وش فيك ما تاكلين ..
جود تلعب بالملعقة : مالي نفس ..
سارة باهتمام : ليه وش فيك ..
جود عيونها على الصحن : احس اني مغبونه .. deceived
سارة تسال : غبن ..
ارفعت جود راسها والتفتت على امها : لما تعيشين مع شخص طول عمرك .. وتكتشفين صدفة أنك ما تعرفينه .. هذا ما يسمى غبن ..
سارة مو فاهمة : من تقصدين بهالكلام ..
قامت جود : ما اقصد أحد ..

اطلعت جود من الملحق بعصبية .. وراحت للحديقة " مو طايقة تشوف أمها .. ولا هي قادره تكلمها في الموضوع .. بس لازم أكلمها "..
اقعدت تتمشى في الحديقة .. وبدون ما تشعر وصلت إلى نافذة المكتبة .. شافت سلمى مع الاب .. ما حبت تزعجها .. ولفت بترجع .. خطت خطوتين .. وحست بيد تمسكها .. التفتت شافت سلمى تبتسم .. جات عينها بعين سلمى .. اخنقتها العبرة .. ورمت نفسها في حضن سلمى .. سلمى ضمتها بقوة .. ودخلتها معها إلى غرفة المكتبة ..
سلمى تهديها : وش فيك حبي ..
جود تتنهد : ما فيني شي ..
سلمى ترفع راس جود : أجل ليه تبكين ..
جود تهز راسها : متضايقة ..
سلمى تمسح دموعها : ما عاش من يضايقك وأنا موجودة ..
جود تناظرها " معقولة تحبيني بعد كل اللي سوته أمي فيك " .. سلمى تناظر جود ومو فاهمة وش فيها .. وليه هي حزينة ..
جود تتنهد : بس .. أبغاك تضميني ..
سلمى تضمها بقوة : ما طلبت شي .. ( تغمز لها ) لو أقدر أحطك في جيبي وادور بك ..
اضحكت جود : وش دعوة بروش ..
قربت سلمى من وجه جود تبوسها : لا .. قلبي ملكتيه وسكنتيه ..
جود تناظر عين سلمى : سلمى ..
سلمى تبتسم : عيون سلمى ..
جود بتردد : تحبيني ..
ناظرتها سلمى مدة : أحبك .. وأعشقك حد الثمالة ..
جود تضحك : ما ابغاك سكرانه ..
سلمى تناظرها : شلون تبغيني ..
جود احمر وجهها .. سلمى ارفعت يدها تمسك راس جود من الخلف .. وتبوسها .. جود خافت وحاولت تبعد ..
جود بخوف : يمكن أحد يدخل ويشوفنا ..
سلمى تقربها منها : ما أحد يقدر يدخل المكتبة .. وانا موجودة ..
جود بتتكلم .. قاطعتها سلمى ببوسه طويلة .. حاولت جود تقاومها في البداية .. لكنها استسلمت لها.. وحطت يدينها حول راس سلمى .. نزلت سلمى تبوس رقبتها .. ورمتها على الكنبة وهي فوقها ..

كانت مترددة وخايفة تدخل .. افتحت باب غرفة المكتبة بخفيف ..وتسمرت مكانها .. مو مصدقة اللي تشوفه .. سلمى ومعها وحدة .. أو بالأحرى سلمى وتحتها وحدة .. !!!؟؟؟؟
.
.

الرواية حلووووة حيل كمليها bounce

و لا تحرمينا من ابداعك

رووووعه حبووبه
بصراحه ادمنت رواياتك
عساك ع القوة

ودي

حماااس رووووعه
كملييييييي
وبنتظارك غلاي...

الفصل6,7,8 كل واحد أروع من الثاني
تفاجأت بساره والي سوته في سلمى وأمها ماتوقعت يوصل لذي الدرجه،،
سألني شخص عن ايش تتكلم الروايه؟!
قلت كلام كثير بس بعد ماقريت الفصول الثلاثه أختصرت كلامي تتكلم عن (غياب الضمير والحقد والجشع ومصير الحب إلي ينولد بمثل هالبيئه)
سؤالي لگ ماتفكرين تتوسعين ف الكتابه ونشر روياتگ بشكل أكبر؟!
وأرجع أقول ماشاء الله عليگ مبدعه بكل معنى الكلمه،،،جد أعجز عن وصف روعة إبداعگ بسرد وكتابة الروايات،،الله يحفظگ
والحمدلله ع سلامتگ،،،،،تحياتي لگ،،

» هاى رحبو فيني ابغى صفقة قوية
» الشيطان×_× من كتاباتى
» عشاق بين احضان الشياطين(روايه جريئه) ابداآآآآعــ
» الى الشيطان الي هو ولد ومسوي نفسه مرجوجه.. وش تحس ....؟تعال بالله