صفقة مع الشيطان ..

عدد الرسائل : 33378 تاريخ التسجيل : 24/04/2011

ننتظرك

عدد الرسائل : 245 تاريخ التسجيل : 14/07/2012

... الفصل الرابع عشر ...

كانت جود تستمع لقصة سمر وسلمى .. وهي تشرب العصير .. تحاول تبتسم وتهز راسها .. كأنها مستمعة لهم .. لكن في راسها بركان قاعد يغلي .. علاقة سمر والسلم قوية .. بينهم أمور مشتركة .. يسافرون سوى .. واهتماماتهم وحدة .. يكفي انهم من نفس الطبقة .. وين أنا وين هم .. وش تشوف فيني .. وقدامها سمر ..
سمر تشرح : ما قدرت أقفز .. إلا لما السلم ضمني معه ..
سلمى تضحك : جاني صمم مؤقت ذاك اليوم من صراخها ..
سمر رافعة حاجبها : ما عندي قوة قلبك حبي .. المسافة بعيدة من الجسر الى النهر ..
سلمى تغيظها : كنت تصارخين قبل ما نقفز ..
سمر ترقع : أهيء نفسي ..
سلمى تقلدها : يس بيبي .. تهيئن نفسك ..
ناديا : طيب دامك تخافين من الأماكن العالية .. وش مرقيك فوق .. ليه تغامرين ..
سمر ترفع اكتافها : حبي .. الحياة مغامرة .. نخوض غمارها كل يوم بيومه ..
ناديا تبتسم : يا عيني على الفلسفة ..
سمر : هذه مو فلسلفة .. this is my life style .. الواحد كم مرة بيعيش ..
ناديا تكمل : مرة وحدة ..
سمر : so .. ليه نعيشها بهم ونكد .. اضحك وعيش حياتك وارمي الهم ورى ظهرك .. وش ماخذين منها ..
ناديا تهز راسها : ولا شيء ..
سلمى تناظرهم : قلبتوها محاضرة ..
التفتت سمر على جود : جود ما سمعنا صوتك ..
جود انتبهت : ها ..
سمر تبتسم : لا أنت مو معنا أبد .. ( تغمز لها ) اللي ماخذ عقلك يتهنى به ..
جود احمر وجهها .. ضمتها سلمى وباست خدها ..
جود باحراج : أسفة .. سرحت شوي ..
سمر : ما تنلامين ..
ناديا : سمر خفي عليهم شوي ..

جات أغنية أجنبية .. سمر تحب ترقص أجنبي .. لكن ما أحد يشجع غير سلمى .. سلمى تعرف ترقص لكنها ما تحب ترقص .. لازم يغصبونها عليه .. امسكت يد سلمى ..
سمر تكلم جود : راح أستلف منك السلم شوي ..
سلمى تناظرها : أنا فستان تتسلفينه منها ..
جود تذكرت سالفة الفستان اللي لبّسته لسلمى في الفندق وقعدت تضحك .. سلمى التفتت عليها ..
سلمى باستغراب : وش يضحكك ..
جود تغمز لها : تذكرت سالفة تضحك بخصوص الفستان ..
سلمى افهمت لها : شكلها عاجبتك ..
جود تغيظها : مرة .. تجنن بالفستان ..
سمر مو فاهمة : من هي اللي تجنن ..
جود : وحدة تقرب للسلم ..
سلمى تهز راسها وبتغيظ جود : تعالي سمر .. خلينا نرقص ..
جود تاشر بيدها لهم : have fun
سلمى تناظرها بشزر .. سمر التفتت عليها : من هي اللي تجنن بالفستان ..
سلمى بين أسنانها : وحدة بتنجلد بس نرجع ..
سمر تضحك : راحت عليك يالسلم .. وجات من تمشيك على هواها ..
سلمى : أنا ما احد يمشيني على هواه ..
سمر : أي صدقتك .. انت ما تحب ترقص .. لكنك قمت علشان تغيظها بس ..
سلمى تناظر جود وهي تسولف مع ناديا وتضحك : وليته فاد .. شوفيها تسولف ولا هامها ..
سمر تضحك : إلا ميته من الغيرة بس ما تبغى تبين ..
سلمى تهز راسها : نون النسوة ما ينعرف لكم ..
سمر رافعة حاجبها : الحين حنا ما ينعرف لنا .. ما احد لاعب بحسبتنا غيركم ..
سلمى تأشر على نفسها : ما احد لاعب بحسبتنا غيركم .. نون النسوة تمشونا على كيفكم .. واذا تكلمنا استعملتو سلاحكم السري ..
سمر تضحك : وشنو سلاحنا السري ..
سلمى ترفع اكتافها : دموعكم .. يا أخي تجوبون راس الواحد اذا نزلت دمعة ..
سمر اضحكت بصوت عالي .. جود انتبهت لصوت ضحكة سمر .. ارفعت راسها تناظرهم ..
" وش عليه يضحكون .. أوف .. حتى ضحكتها تجنن .. أوف "..

اوصلوا لـ dance floor .. كان فيه اربع بنات يرقصون .. لما قربت سلمى افصخت جاكيتها .. ورمته على اقرب كرسي .. وامسكت يد سمر واسحبتها .. وبدوا يرقصون .. كان رقصهم حلو ومتناسق .. واجسامهم لايقة على بعض .. معظم الضيوف بدوا يصفقون ويصفرون ..
كانت جود تراقبهم بشزر .. وعيونها بتطلع من الغيظ .. " يبغى يردها لي .. لاصق فيها " .. جود مو قادرة تتحمل اكثر .. قالت لناديا انها بتروح الحمام ..

كان جنب دورات المياه .. powder room .. ادخلت جود الحمام .. لقته زحمة وهي تبغى مكان هادي .. ادخلت الباودر روم .. كان فيها بنتين يعدلون مكياجهم .. راحت جهة المراية .. واقعدت تضبط مكياجها .. تحاول تتماسك .. " سلمان قال لها انه يحبها هي .. اعرف انه يحبني .. ما هو لبس فستان علشاني .. بس ودي اقوم واعضه وهو قاعد يتمايل مع سمر "..

جود كانت قاعدة تفكر .. وما انتبهت أن نجلاء ادخلت الغرفة .. وأشرت للبنتين يطلعون .. لما ما قاموا .. خزتهم .. خافوا منها واطلعوا ..
ادمعت عين جود .. اخذت منديل تمسح عينها : أوه .. اخترب المكياج .. مو وقته ..
نجلاء بحنان : ما احد يستاهل تنزل دمعتك علشانه ..
التفتت جود على نجلاء .. شافت قدامها بنت حلوة وبيضاء .. طويلة وعريضة ..كانت لابسة بنطلون اسود وقميص أبيض وعليه جاكيت بيج .. شعرها قصير صابغته كستنائي .. ملامحها حادة .. ونظراتها تخوف .. جود صارت تدور بعيونها عن البنتين اللي كانوا موجودين .. ما لقتهم .. خافت أكثر ..

خلصت الأغنية .. ارجعت سمر وسلمى لطاولتهم .. بين تصفيق وتصفير .. قربت سلمى من الطاولة .. وما شافت جود ..
سلمى تكلم ناديا : وين جود ..
ناديا رافعة حاجبها : راحت الحمام .. ما قصرت فيها حضرتك..
سلمى تاشر على نفسها : أنا .. وش سويت ..
ناديا : اسال نفسك ..
سمر حست بتانيب الضمير : شكلها تضايقت لما شافتنا نرقص ..
سلمى تبتسم : أحسن ..
سمر : أنت ليه قاسي ..
سلمى تشرب ماء : أبد .. بس كنت أبغى أغيظها شوي .. ونجحت المحاولة ..
ناديا : هذا اللي طلع معك .. بدل ما تروح تراضيها ..
سلمى " محذرها ما تذكر سالفة الفستان " : ماني رايح ..
قامت سمر : انا بروح أشوفها ..
ناديا تناظر سلمى : وش صاير لك قلبت فجأة ..
سلمى ترفع أكتافها : ما فيني شي ..
ناديا : شلون ما فيك شي ..
سلمى ترفع أكتافها : شي بيني وبين جود ..
ناديا باصرار : شي مثل ايش ..
سلمى تأفف : شيء خاص ..
ناديا تناظرها مدة " سلم تغير وجهه لما جود قالت فستان ..لا .. لا ما أصدق .. مستحيل "..
سلمى : وش فيك تناظرني بهالشكل ..
ناديا تضحك وتصفق : الله .. يا السلم ولبست فستان ..
سلمى احمر وجهها : من قال .. أنا ما البس فساتين ..
ناديا تشرب الشاي وتغمز لها : أي صدقتك .. والله برافو عليها ..
سلمى قامت : أوه .. أنا بروح أشوف جود ..
ناديا : أي روح قلبي .. روح ..
سلمى بترد عليها .. لكن ما في فايدة .. أي شيء بتقوله بيزيد الطين بلة ..ناديا ما يفوتها شي .. لاحظت ردة فعلي لما جود ذكرت سالفة الفستان .. بنت اللذين هبلت فيني .. المفروض أنا اللي أزعل ..و رايح الحين أراضيها ..

نجلاء تناظرها وتبتسم : ليه خايفة .. أنا ما أعض ..
جود ابلعت ريقها : ماني خايفة .. بس تفاجأت فيك ..
نجلاء تقرب : بسم الله عليك .. أسفة اذا خوفتك ..
جود تعدل مكياجها : حصل خير ..
نجلاء التفتت جهة المراية .. تسوي روحها تعدل ملابسها .. وتعدل شعرها .. وهي تسرق نظرات لجود .. كانت تناظرها من راسها الى قدمها .. وعيونها تطيل النظر على رقبتها وصدرها .. وساقها اللي مبين من الفتحة .. " صاروخ .. حسافة كل هالجمال لسلمى .. ووجهها عادي لكنها جذابة .. جسمها لحاله عذاب "..
خلصت جود من المكياج .. وجات تقوم .. وقفت قدامها نجلاء .. جود ارفعت راسها لأن نجلاء أطول منها ..
جود : وش فيه ..
نجلاء تقرب منها : مو حرام كل هالجمال وأحد يجرأ يزعلك .. قولي لي اسمه وانهيه لك ..
جود بجمود : ما احد يجرأ يزعلني .. بعدين أنا مو بحاجة لك تدافعين عني ..
نجلاء تبتسم : بس أنا أبغى ..
جود مو فاهمة : وش اللي تبغين ..
قربت نجلاء من جود الى ان صاروا متقابلين وجها لوجه .. وجود ترجع الى ورى .. الى ان الصقت بالجدار .. وحطت نجلاء يدها على الجدار .. علشان تحكر جود بينها وبين الطاولة ..
ارفعت نجلاء يدها ومررت أصابعها على خد جود : أبغاك لي ..
بعدت جود يد نجلاء بعصبية : بعدي عني ..
حاولت جود تبعد عن نجلاء .. لكن نجلاء امسكتها بقوة .. وثبتت يدينها فوق راسها على الجدار.. وقربت وجهها تبوس جود .. جود تلف وجهها .. وتحاول تفك نفسها .. لكن نجلاء أقوى منها ..
امسكت نجلاء يدين جود بيد .. واليد الثانيه تلف وجه جود علشان تبوسها ..
نجلاء بخبث : تزدادين حلاة كل ما قاومت ..
جود نزلت دمعتها : بعدي .. لا ..

سمر بحدة : قالت لك بعدي ..
التفتت نجلاء وهي تبتسم وللحين ماسكة جود : سمر ..
قربت سمر بسرعة لنجلاء .. واسحبت جود وراها .. وصارت هي مقابل نجلاء .. نجلاء رافعة يدينها وتبتسم ..
نجلاء تغنيها : دايم تجين في الأوقات الغلط ..
سمر بنبرة : نجلاء ضفي وجهك واطلعي من المزرعة .. لا تشوفين شيء ما يسرك ..
نجلاء تعدل جاكيتها : اوكي طالعة ..( تلتفت على جود وتغمز لها) : you're mine ..
مشت نجلاء الى الباب .. وقبل ما تطلع .. التفتت تناظر جود وترسل لها بوسه على الهواء .. جود خافت وامسكت بذراع سمر .. اطلعت نجلاء وهي تضحك ..
جود خرت مكانها .. اسندتها سمر وقعدتها على اقرب كنبه .. سمر تهديها ..
سمر : أنت بخير ..
جود تتنفس بصعوبة : أي .. فاجأتني ..
سمر بين أسنانها : ما أدري متى رجعت هالحقيرة ..
جود : تعرفينها ..
اقعدت سمر جنب جود .. بقرف : ومين ما يعرف انجي .. توقعتها ذلفت الى الأبد ..
جود : apparently she hasn't
سمر تهز راسها : واضح .. نفوذ اهلها ما يوصف .. اكيد دبروا غيرها يشيل وصخها ..
جود مو فاهمة : وصخها ..
سمر تشرح : نجلاء تتاجر في الحبوب ..
جود متفاجأة : مخدرات ..
سمر : مو مخدرات مخدرات .. حبوب ..... وغيرها ..
جود بخوف : وهم مسكوها وهي تبيعهم ..
سمر : لا وهي تدخلهم .. لكن نفوذ أهلها كبير .. اقدروا يطلعون بنتهم منها .. وياخذها واحد ثاني مقابل مبلغ جامد ..
جود : الى هالدرجة قوية ..
سمر : ما في اقوى من رب العالمين .. لكنها راعية مشاكل .. والكل يتحاشاها ..
جود : سمر ما ابغى سلمان يعرف شي .. أخاف يتهور ويسوي لها شي .. وهي تدبر له مصيبة..
سمر تهز راسها : معك حق .. لكن انا قدها .. وما راح أمشيها لها بالساهل ..
جود التفتت على سمر : ما شكرتك على مساعدتك لي .. لو ما جيت في الوقت المناسب كان ...
قاطعتها سمر : لا تشكريني .. المفروض أحرص هالأشكال ما تدخل مزرعتي ..
اسكتوا مدة .. بعدين اخذت سمر يد جود .. تبتسم : جود .. أنا أسفة على اللي صار ..
جود : مو ذنبك .. أنت مو مسؤولة عن تصرف هالحقيرة ..
سمر نزلت راسها : ما أقصد نجلاء ..
جود مو فاهمة : مين ..
سمر أخذت نفس عميق : أقصد سلمان .. أكيد ضايقك لما شفتينا نرقص .. وهو ما قصر ..
جود تبتسم : يبغى يردها لي ..
سمر : توقعت شغلة بينكم .. وباين انها مأثرة فيه بقوة ..
جود تضحك : فوق ما تتصورين ..
سمر تضحك : الله يهنيكم .. واضح اللي بينكم ..
جود : كيف ..
سمر : نظرات السلم لك .. اهتمامه فيك .. وغيرته عليك .. وده يضرب كل وحدة تناظرك باعجاب .. ( سكتت مدة ) أول مرة أشوفه سعيد وعيونه تبرق .. وجه مضوي .. تأثيرك عليه واضح ..
جود تناظرها .. سمر تأشر بيدها : لا تخافين مني حياتي .. أصلا حتى لو حاولت .. قلبه معك ..
جود بزعل : أي باين .. من رقصه معك ..
سمر تضحك : يا شيخة .. السلم ما يحب يرقص .. ونحتال عليه علشان يرقص .. هو قام بس علشان يغيظك .. شكله من شغلة بينكم ( تغمز لها ) ..
جود تضحك : أدري .. بس ... ( اسكتت )..
سمر بهدوء : بس غرتي ..
جود تهز راسها .. سمر تكمل : طبيعي تغارين .. لكن مو مني ..
جود : بس .. أنتو كنتم .. ما أدري..
سمر : السلم خبرك عن علاقتنا ..
جود تهز راسها : أي ..
سمر تبتسم : مهما كان اللي بينا .. ما كان حب .. سميه أي شي إلا حب .. ما كان يناظرني مثل ما يناظرك الحين .. أدري أنه يحبك .. أصلاً واضح .. الغبي اللي ما ينتبه للي بينكم ..
جود تناظر سمر .. وكأنها المحت غيرة عيونها .. معقولة تغارين مني أنا .. ما في وجه للمقارنه بينا .. حتى لما كانوا يرقصون كان السلم يناظرني طول الوقت .. كنت أفكر انه يبغى يغيظني بس .. من غيرتي ما انتبهت ..
سمر تكمل : يكفي أنه راح يسوي العملية علشانك .. سنين أنا وناديا نحاول فيه .. وهو رافض .. والحين متحمس يبغى يسويها بأقرب فرصة .. صار عنده رغبة علشان يعيش .. صحيح كنا نسافر سوى .. وتشوفينه يضحك ويمزح .. لكن عيونه حزينة .. اغلب وقته ساكت ..
التفتت سمر على جود : وكل هذه بفضلك أنت ..
جود احمر وجهها : لا تبالغين .. أنا ..
سمر قاطعتها : أنت تحبينه .. وحبك كان كافي له .. علشان يغير حياته لأجلك أنت .. أنت وبس..
جود اسكتت .. سمر امسكت وجه جود وارفعته : ما أبغاك تشكين ولو لحظة أن السلم يفكر في غيرك .. يكفي أن عيونه ما فارقتك طول الرقصة .. حتى لما قمت .. حاول يروح وراك ..
جود تبتسم : أنا أحب سلماني .. لكني ... ( اسكتت )..
سمر : تغارين عليه ..
جود باندفاع : بقوة .. وهو عنده قدرة غير طبيعية على استفزازي ..
سمر تضحك : وأنت مو مقصرة فيه .. ما أدري وش قلتِ له .. قلبت مزاجه 180 درجة ..
جود ابتسمت وهي تتذكر سالفة الفستان .. بعدين ابلعت ريقها .. تذكرت تهديده لها إذا ذكرت سالفة الفستان مرة ثانية .. ما راح يعديها لي بالساهل .. الله يستر ..

اطلعوا من الغرفة .. التقوا بسلمى في الطريق .. جود راحت لها بسرعة وضمتها .. سلمى استغربت .. لكنها ضمتها بقوة .. كانت ترجف ..
سلمى باهتمام : وش فيك حبي ..
جود تبوس خدها : أبدا .. اشتقت لك ما يصير ..
سلمى تناظر عيون جود " فيها شي " : يصير قلبي .. معك كل شي يصير ..
احضنت سلمى وجود وارجعوا لطاولتهم .. وسلمى تناظر سمر " وش صار " .. سمر تبتسم " ولا شي " .. اتركتهم سمر وراحت تتأكد أن نجلاء اطلعت من المزرعة .. وتسأل من معه جات..

ناديا : اهلين بالكناري ..
سلمى تناظرها بنص عين : حنا ما نخلص من تعليقاتك ..
ناديا تاشر براسها : not so soon babe
سلمى بترد .. لكن جود امسكت يدها : خلاص حبي .. هي تمزح معك .. لف السالفة ..
سلمى باستها بوسة طويلة : أمرك حبي ..
جود احمر وجهها .. ناديا تضحك : قويه يا السلم ..
سلمى : مو ذنبي أني ما اقدر اقاومها ..
ناديا : أحرجت البنت .. شوف وجهها قلب ألوان ..
سلمى تضمها : وأنا وش ذابحني غير حياها ..
ناديا تبتسم : الله يهنيكم .. ( تتلفت ) وين سمر .. ما أشوفها ..

حصة : ها صورتيها ..
ريناد تنزل جوالها : أي صورتها .. ما احد انتبه ..
حصة تناظر الضيوف : لا .. اصلا الكل عينه عليهم ..
ريناد تبتسم : حلو ..
حصة تقرب منها : وريني ..
ريناد تقرب لها الجوال .. حصة تناظر : وااو .. nice catch
ريناد تضحك : هالصورة راح تدفع لنا سفرة ايطاليا ..
حصة تضحك : ما أصدق ان تهاني دفعت هالمبلغ بس علشان تصورين بنت حماتها ..
ريناد تسكر الجوال : الغيرة والحقد يسوي أكثر .. هاللي تشوفينها قدامك تحت يدها عقارات وملايين .. جدتها كاتبه أغلب حلالها باسمها .. والباقي لعيالها .. خوال سلمى ..
حصة تهز راسها : علشان كذا هي مستاءة ..
ريناد بسخرية : أذكر لما كانت تتفاخر بزوجها .. وبعقارات أمه .. ما درت أن هالعقارات لسلمى..
حصة : لو عرفت .. كانت اشبكت مع سلمى ..
ريناد تضحك : تسويها ..

جات اغنية هي هي وي وي لوليد الشامي .. جود قعدت تتمايل عليها .. ناديا شافتها ..
ناديا : قومي نرقص عليها ..
جود تبتسم : ما أقول لأ .. وبعدين ابغى اعلم بعض الناس الرقص على اصوله ..
سلمى تغمز لها : ما يحتاج حبي .. " أدري خصرك لحاله عذاب " ..
راحوا لـ dancing floor .. وبدوا يرقصون .. جود كانت ترقص عدل .. وتتمايل برشاقة .. سلمى عيونها على جود .. ما شالتها من عليها طول ما كانت جود ترقص ..
انتبهت سلمى ليد على كتفها .. التفتت شافت سمر .. اقعدت جنبها ..
سمر : ما شاء الله .. حلو رقصها ..
سلمى عيونها على جود.. ولا شعوريا : عذاب ..
سمر : ايش ..
سلمى انتبهت لنفسها : ولا شي ..
التفتت سلمى على جود .. تناظرها وتبتسم .. لكن عيونها على البنات اللي يجون يرقصون مع جود .. ودها تروح وترفسهم وحدة وحدة .. لكن جود كانت مستانسة وهي ترقص مع ناديا .. وما حبت تخرب عليها .. وهم محتفظين بأدبهم .. بس ان وحدت تخطت حدودها .. طيرتها ورى الشمس ..

اطلعوا من المزرعة .. سمر اصرت عليهم يقعدون يكملون السهرة .. لكن ناديا وراها عيالها .. وجود كانت متوترة من الموقف اللي صار مع نجلاء .. سمر فهمت لها .. وخلتهم على راحتهم .. لكن اخذت منهم وعد .. يجون يوم عندها في المزرعة .. هم بس ..

وصلوا ناديا لبيتها .. وراحوا لبيتهم .. اصعدت سلمى غرفتها .. وبدلت ملابسها .. ونامت على سريرها .. ما جاها نوم .. اقعدت تتقلب يمين ويسار .. مو قادرة تنام .. خطرت لها فكرة .. ترددت .. لكنها قامت .. ونزلت تحت .. وراحت في اتجاه ملحق سارة .. وراحت لجهة نافذة جود.. طقت على النافذة بشويش .. تبغى تصحيها بدون ما تخرعها ..

انتبهت جود لصوت على النافذة .. خافت وشغلت النور .. وراحت لجهة النافذة .. وهي خايفة .. قربت وشافت سلمى .. استغربت وافتحت النافذة ..
جود بخوف : وش فيك ..
سلمى ببراءة : مو جايني نوم ..
جود رافعة حاجبها : وجاي تنام عندي ..
سلمى : اذا سمحت لي .. بعدي ..
جود بعدت عن النافذة : طيب واهل البيت ..
سلمى تدخل من النافذة : كلهم نايمين .. ما احد درى عنا ..
جود تضحك : مجنون ..
احضنتها سلمى وباستها : مجنون بحبك .. بتجبين اخرتي ..
جود يدينها على رقبة سلمى : بسم الله عليك حبي ..

كانت واقفة عند نافذة الصالة .. ما حست فيها سلمى لما نزلت .. " مو قادرة على بعادها .. رايحه لها بنفسك .. شكلنا بنضحك كثير بكرة ".. سكرت غادة الستارة .. واصعدت الدرج وهي تبتسم ..
.
.

تسلمين ع البارت الي أكثر من رائع
بعد هالبارت صار عندي خوف كبير من نجلاء (الله يستر )
سمر عجبتني شخصيتها كثير
ماعرف وش أقول عن خطة تهاني والبنت الي صورت سلمى
وجود حاسه بغيظ منهم وش هالطمع والحقد الي فيهم
غاده شكلها راح تهبل بسلمى وجود
الله يعطيگ العافيه،،إستمري بتألقگ الدائم
بتظاااارگ شوقتيني للأحداث الجايه
تحياتي لگ

مشتاقه لحبيبي كتب:: تسلمين ع البارت الي أكثر من رائع
بعد هالبارت صار عندي خوف كبير من نجلاء (الله يستر )
سمر عجبتني شخصيتها كثير
ماعرف وش أقول عن خطة تهاني والبنت الي صورت سلمى
وجود حاسه بغيظ منهم وش هالطمع والحقد الي فيهم
غاده شكلها راح تهبل بسلمى وجود
الله يعطيگ العافيه،،إستمري بتألقگ الدائم
بتظاااارگ شوقتيني للأحداث الجايه
تحياتي لگ

روووعه ابداااااع
شخصية سمررر حلووة مررره وشكلها بتكون لها احداث ممتعه بالرواية
بانتظارك يالغلا
ياارب ماتطولين علينا Sad

Rww333aaa alpaarrtt abd33ttiii
Waiting you 7bebee

عدد الرسائل : 15 تاريخ التسجيل : 14/11/2012

البارت الييييييم حد النخاع
السلم كل يوم نكتشف شي بشخصيته
وجود ونتعلق فيهم اكثر
برضو سمر جميله جميله لآخر درجه
ان شاء الله تستمر ولا تخربها خخخخ
نجلاء -_- ي صبر الارض من قريت اسمها
حسيتها بتقعد على قلبي وفعلا طلعت غثيثه
الله يستر عندي إحساس الموقف اللي بين
جود وانجي م بيعدي على خير والسلم بيدري
بس اتوقع بيدري بطريقه ثانيه يعني مب منهم
اتمنى توقعي غير صائب :'( !!
وسالفه الصور هذي ضربت لي عقلي
خخخخخ عجزت أحط توقع لها او وش بيصير
ننتظر على شووووق و فرح وسعاده
وكل شي زين :$ خخخخ

Zoz ™ كتب:: البارت الييييييم حد النخاع
السلم كل يوم نكتشف شي بشخصيته
وجود ونتعلق فيهم اكثر
برضو سمر جميله جميله لآخر درجه
ان شاء الله تستمر ولا تخربها خخخخ
نجلاء -_- ي صبر الارض من قريت اسمها
حسيتها بتقعد على قلبي وفعلا طلعت غثيثه
الله يستر عندي إحساس الموقف اللي بين
جود وانجي م بيعدي على خير والسلم بيدري
بس اتوقع بيدري بطريقه ثانيه يعني مب منهم
اتمنى توقعي غير صائب :'( !!
وسالفه الصور هذي ضربت لي عقلي
خخخخخ عجزت أحط توقع لها او وش بيصير
ننتظر على شووووق و فرح وسعاده
وكل شي زين :$ خخخخ

واااااااااااااااااااااااااااااااااااااااااااااااااااااااااااااااااااااااااااااااااو

جميييييييييييييييييل الباااااااااااااااااااارت

ي زيييييييييين السسلم و جوود

الله يسستر من نجلاء

ريناد بتوصصل الصوره ل تهاني

في انتظاااااااااااااااااااااااااااااااااااااااااارك على ناااااااااااااااااااااار

تسلم اناملك

بانتظارك

♡̸

قد يكون قلبي قلبُ طفله?َ $'
تعششق ااكثر منَ اللآزم تعطي ااكبر من المعقول تسااِمح كثيرااِ وترضى آاسرع ممااِ تتوقعوُن تبحث عن رااحةةة غيرهااِ ولاا ترهق?ُم لكنهااِ تغضب تصرخ وتبكي آذاا توقعت شيء ولم يحدث تبكي حتى تنااِم وحين تستيقظ تنسى كل شيء

*هكذاا قلبي ♡<3

عدد الرسائل : 228 تاريخ التسجيل : 19/03/2012

الله الله ع جمال البارت
حبيت سمر من موقفها مع نجلاء وشكل نجلاء بتسوي كثير بعد !!؟
اتوقع الصور راح توصل لتهاني ؟؟؟
غاده راح تجنن السلم
وتسسلم هـ الايادي اللي كتبت
انتظركـ ع نار

فعلا واااااو روعه إبداع حماااس
كملي لاتتأخرري كثير مافيني صبر
تحياتي

عدد الرسائل : 5 تاريخ التسجيل : 10/10/2012

نايس
في انتظار
بس بليز خليه وطويل

احبك موت كتب:: نايس
في انتظار
بس بليز خليه وطويل

Zoz ™ كتب:: البارت الييييييم حد النخاع
السلم كل يوم نكتشف شي بشخصيته
وجود ونتعلق فيهم اكثر
برضو سمر جميله جميله لآخر درجه
ان شاء الله تستمر ولا تخربها خخخخ
نجلاء -_- ي صبر الارض من قريت اسمها
حسيتها بتقعد على قلبي وفعلا طلعت غثيثه
الله يستر عندي إحساس الموقف اللي بين
جود وانجي م بيعدي على خير والسلم بيدري
بس اتوقع بيدري بطريقه ثانيه يعني مب منهم
اتمنى توقعي غير صائب :'( !!
وسالفه الصور هذي ضربت لي عقلي
خخخخخ عجزت أحط توقع لها او وش بيصير
ننتظر على شووووق و فرح وسعاده
وكل شي زين :$ خخخخ

اشتقت لمماا تخط اناملك .. فصدممت بمماا كتبت ..
لايزال لساني يكرر.. ابدعتي ثم ابدعتي ثم ابدعتي ..
حفظك البااري انسستي ..

pirate

عدد الرسائل : 5 تاريخ التسجيل : 07/12/2012

ماشاء الله عليك ابداااع بمعنى الكلمة
قريت كل رواياتك وم سجلتك الا عشانك عيني عليك بارده
ننتظر التكمله لا تطولين علينا فديت قلبك

stay waiting Laughing

لا توجد كلمات تصف ابداعك يا فتاه !!
استمري، دمتي بألف عافيه drunken

Up

ما احب اشوف الرواية تحت لازم نرفعها بالردود lol!

بانتظاارك يالغلا

الباااااااااارت واييييييد حلو تسلم ايدينج حبي
ويعطيج الف الف الف عافيه
ونبي بارت بسرعه لاتطولين علينا ياقلبي
وشكرا والبارتً جداً جميل 💞💕💓💗💋

عدد الرسائل : 245 تاريخ التسجيل : 14/07/2012

مساء النور على الجميع ..

حابة أعتذر على تأخيري في تنزيل الفصول .. لكن هانت .. ان شاء الله باقي فصلين أو ثلاث

بالكثير .. وتنتهي الرواية .. فتحملوني شوي ..

ومشكورين على الردود الحلوة والمشجعة .. اللي تحمسني أكمل الرواية .. وأنهيها علشانكم ..

ودي لكم ..

عدد الرسائل : 245 تاريخ التسجيل : 14/07/2012

... الفصل الخامس عشر ...

علياء : وش فيك رجعت بدري ..
نجلاء تفصخ جاكيتها : انطردت ..
علياء باستغراب : انطردتِ .. من اطردك ..
نجلاء ترمي الجاكيت على الكنب : سمر ..
علياء : ليه اطردتك ..
قعدت نجلاء جنبها .. تبتسم : لأني حاولت ابوس جود ..
علياء بحدة : ايش ..
التفتت نجلاء عليها .. رافعة اكتافها : مو ذنبي إذا عندها شفايف تترجى أحد يبوسها ..
وقفت علياء .. بحدة : أنا قلت لك تساعديني أبعدها عن سلمى .. مو تتغزلين فيها ..
نجلاء قامت وراحت للميني بار .. أخذت لها زجاجة تيكيلا .. وكاسين وأخذت ليمونة من الثلاجة.. وقطعتها شرايح .. وعلياء تناظرها وهي معصبة .. راحت لها وهي تضرب رجلها على الأرض ..
نجلاء : بس حضرتك ما قلت لي أن عليها ( هيمانه ) جسم عذاب .. خصرها لحاله حكاية ..
علياء بين أسنانها : هذا وقته ..
نجلاء تصب التيكيلا : قلت لك راح أساعدك .. لكن ما في مانع أني أنا أستفيد بعد ..
مدت لها نجلاء كاس .. واشربت هي كاس دفعة وحدة .. غمضت عينها .. واخذت لها قطعه ليمون تمصها .. علياء اشربت كاسها وحطته على الطاولة ..
علياء تاخذ شريحة ليمون : شلون بتستفيدين ..
نجلاء تعبي الكاسات : أبغى جود لي ..
علياء : اخذيها ما همتني .. كل اللي يهمني سلمى .. أبغى سلمى لي ..
نجلاء تشرب الكاس دفعة وحدة .. وتضربه على الطاولة : تتهني بها .. لكن جود لي أنا .. أنا وبس ..

جود تتنهد : بس .. يكفي ..
جود تتلوى وظهرها مقوس .. راسها لورى .. ويدينها ماسكة المخدة .. سلمى راسها تحت .. وماسكة أفخاذ جود بيدينها الثنتين ..
ارفعت سلمى راسها .. تناظر جود .. شعرها رطب .. وتتنفس بصعوبة .. نزلت راسها تبوس بطنها وتصعد الى صدرها ورقبتها .. نامت سلمى على جنبها .. حاطة راسها على يدها .. واليد الثانية على بطن جود ..
جود التفتت عليها : قلت أنك ما راح تطوف لي سالفة الفستان ..
سلمى تبوس خدها : وليته يفيد معك ..
جود تبتسم بخبث : keep trying babe
سلمى تحذر : صغير .. لا تتحداني .. ما أنت قدي ..
جود تضحك : ما أهون عليك ..
سلمى : أخ بس لو كنا في غرفتي ..
جود بدلع : وش كنت راح تسوي ..
مالت عليها سلمى وباستها : كنت خليتك تصرخين باسمي ..
جود تناظره بنص عين : don't flatter you're self
سلمى : ماشي حبي .. الوعد بعدين ..
جود بثقة : وانا قد التحدي ..
سلمى تمشيها لها : طيب يا صغير .. مثل ما تبي ..
عدلت سلمى نفسها .. وصارت جود في حضنها .. بما أن سرير جود صغير .. مو قادرين يتحركون بحرية ..
سلمى تلعب بشعر جود : حبي .. وش صار في الحفلة ..
جود خافت أن سلمى عندها خبر باللي صار مع نجلاء : ما صار شيء ..
سلمى : شلون ما صار شيء .. ولما طلعت من الباودر روم .. كنت ترجفين .. سمر قالت لك شيء ضايقك ..
جود : لا لا .. بالعكس .. كانت محترمة جداً معي ..
سلمى : أجل .. شنو اللي ضايقك ..
جود ترقع : لما شفتك ترقص معها .. تضايقت وقمت ..
سلمى تبتسم : تغارين علي حبي ..
جود بثقة : مو غيرة ..
سلمى تقلدها : أجل شنو ..
جود قامت وصارت مقابلتها : دفاع شرعي عن النفس ..
سلمى مقضبية جبينها : دفاع .. دفاع عن شنو ..
جود تأشر على سلمى : عنك .. أنت ملكي .. وما أسمح لأحد يأخذك مني ..
ارفعت سلمى يدها وامسكت وجه جود : أنا كلي لك .. صغير ..
جود رافعة حاجبها : على بالي ..
سلمى تبوس رقبة جود : وأنا أقدر ..
ارجعت جود لحضن سلمى .. سلمى تلعب بشعرها .. وتبوس جبينها ..

في الصباح ...

صحت غادة من النوم مبكر على غير عادتها .. طول الليل وهي تفكر شلون تستغل اللي عرفته .. أخذت لها شاور.. واقعدت ترتب أفكارها .. "ما راح ترفض لي طلب الحين .. دامي أعرف سرهم ".. راحت لغرفة سلمى .. دقت الباب ما أحد رد .. افتحت الباب بحذر .. " يمكن يكونون نايمين " .. طلت على الغرفة .. ما لقت أحد فيها .. ابتسمت وهي طالعة ..
انزلت الدرج وهي تبتسم : let's the show begin ..
راحت لملحق سارة .. شافتها في الصالة .. تشرب شاي وتطالع التلفزيون ..
سارة تحط البيالة : أمري بنتي .. امك تبي شيء ..
غادة : لا خالتي .. أنا كنت أبغى جود في شغلة ..
سارة تستفسر : شغلة ..
غادة : كنت أبغاها تشرح لي شغلة في الرياضيات مو فاهمتها ..
سارة تهز راسها : أي .. والله هي نايمة الحين .. ما ادري متى رجعت أمس .. الساعة قريب 1 وللحين ما اقعدت ..
غادة بخبث : إذا ما يضايقك خالتي .. أصحيها ..
سارة تأشر بيدها : لا بنتي .. انا أصحيها ..
غادة يدينها ورى ظهرها : اوكي أنا أنتظرها ..
قامت سارة وراحت الى غرفة جود .. غادة استغلت الفرصة واطلعت .. راحت في اتجاه الحديقة.. وقعدت تتنظر مقابل نافذة غرفة جود ..

افتحت جود عيونها بكسل .. اسمعت احد يدق الباب .. سلمى صحت وراها .. كانت بترد .. لكن جود حطت يدها على فم سلمى .. سلمى تذكرت أنها في غرفة جود .. أخذتهم نومة ..
جود تنادي : نعم أمي ..
سارة : جود .. قومي بسك نوم .. صار الظهر ..
جود : طيب دقايق وأقوم ..
سارة : قومي الحين .. غادة هنا تبغاك تشرحين لها شيء .. ما ادري وش سمتها ..
جود وسلمى قاموا بسرعة .. سلمى انزلت من السرير .. واقعدت تلبس ملابسها بسرعة ..
جود تكلم أمها : طيب أمي .. دقايق وأجي ..
سارة : زين .. لا تتأخرين ..
سلمى بعصبية : هذه وش جابها الحين .. العادة ما تقعد الا العصر ..
جود تلبس : ما أدري عنها .. بس عجل واطلع قبل ما احد يشوفك ..
سلمى قربت من النافذة : أسف جود .. ما حسيت بنفسي أمس ..
جود تقرب منها تبوسها : عادي حبي .. أحلى نومة نمتها في حياتي ..
سلمى تبتسم : me too ..
جود تفتح النافذة : يا الله روح .. وانتبه ما احد يشوفك ..
سلمى اقفزت من النافذة .. والتفتت على جود تبوسها على السريع .. جود اشهقت وهي تناظر ورى سلمى .. سلمى التفتت .. تسمرت مكانها وهي تشوف غادة .. واقفة تناظرهم وهي تبتسم ..
غادة بابتسامة عريضة : يا سلام .. على الملأ ..
سلمى احمر وجهها من الغضب والإحراج .. " كانت لعبة منك يا النزغة .. يصير خير "..
غادة بثقة : أنا أنتظركم في غرفة المكتبة .. ( تأشر بيدها ) بعد ما تخلصون شغلكم ..
سلمى بتروح لها .. لكن جود امسكت ذراعها .. وغادة اركضت وهي تضحك .. وتناديهم : أنتظركم ) ..

سلمى بعصبية : هالنزغة .. شلون انتبهت ..
جود تفكر : شكلها تدري من زمان .. ومراقبتنا ..
سلمى : يعني هي ما جات تطلب منك تشرحين لها ..
جود تبتسم : شلون أشرح لها .. وهي علمي وأنا تخصصي أدبي ..
سلمى يدها على راسها : بنت اللذين .. شلون فاتتني هذه ..
جود تضحك : قلت لك تدري من زمان .. وخططت لهالمقلب ..
سلمى تتوعد : تصبر هالنزغة ..
اكتمت جود ضحكتها .. سلمى معصبة حدها .. باين من مشيتها .. ادخلوا غرفة المكتبة من باب الحديقة .. لقوا غادة حاطة كرسي مقابل الكنبة .. وقاعدة عليه حاطة رجل على رجل ..
لما شافتهم غادة .. أشرت لهم يقعدون على الكنبة المقابلة لها .. سلمى ودها تروح وتخنقها .. لكن جود ماسكتها .. اقعدوا .. غادة تناظرهم كأنها الأم وهم عيالها وقاعدة تهزأهم ..
سلمى بعصبية : تكلمي وش عندك ..
غادة تلعب بشعرها : عندي كل خير .. لا تستعجلين على رزقك ..
سلمى بتقوم لها .. جود امسكت ذراعها .. اقعدت سلمى وهي تهز رجلها ..
غادة تهز راسها ..بحسرة ( تمثل ) : وين الهيبة .. والرزة .. والخشم المرفوع اللي ما ينزل الأرض ..
سلمى قامت وراحت لغادة .. غادة قامت بسرعة من الكرسي .. وصارت تركض في المكتبة وسلمى وراها ..وغادة تضحك وتغيظها أنها ما تقدر تصيدها .. صار المكتب بينهم .. سلمى اقفزت من فوق المكتب .. جود تناظرهم وهي كاتمة ضحكتها .. غادة انحاشت ورى جود .. راحت لها سلمى .. وصارت جود بينهم .. غادة ماسكة بلوزة جود من ورى .. وجود يدينها على صدر سلمى تبعدها ..
جود : سلمى اهدي .. وخلينا نسمعها ..
سلمى بحدة : اللي أبغى اسمعه صوت رقبتها بين يديني ..
غادة بخوف ابلعت ريقها وشدت بلوزة جود بقوة .. سلمى عيونها تتطاير شرار ..
جود بهدوء : سلمى .. وش رايك تقعد .. تقعدين على الكرسي .. وحنا نقعد على الكنبة ..
سلمى عيونها تتنقل بين جود وغادة .. بعدين التفتت واقعدت على الكرسي .. جود وغادة اقعدوا على الكنبة اللي جنب الكرسي ..
غادة وهي تقعد : وااو .. بكلمة منك .. سكتت ..
التفتت عليها جود بحدة : don't push it
غادة بخوف : طيب .. لا تعصبين ..
سلمى تناظرها وتبتسم : you too
جود تتجاهلهم : غادة .. وش طلباتك ..
غادة تسوي روحها مو فاهمة : طلباتي ..
جود تناظرها بنص عين : أكيد راح تستفيدين من اللي عرفتيه ..
غادة بابتسامة عريضة : of course
جود : سمعينا ..
طلعت غادة من جيب بنطلونها ورقة صغيرة مطوية .. سلمى لما شافتها .. ابتسمت بسخرية .. لكن ابتسامتها اختفت لما شافت غادة تفتح الورقة .. غادة انفضت الورقة .. وبدت تقرأ طلباتها ..
تبغى غرفة نوم جديدة وتغير ديكور غرفتها بالكامل .. وتزيد مصروفها الى الضعف .. وتبغى تروح دبي .. ويكون عندها بطاقة فيزا مفتوحة .. تشتري اللي تبغاه بدون أي اعتراض.......
كانت سلمى تسمع لطلبات غادة .. وجهها بينفجر من الغضب ..
غادة : اخر شيء .. أبغى سيارة خاصة لي ..
سلمى : في شيء ثاني بعد ..
غادة تطوي الورقة : لا .. هذه كل طلباتي ..
سلمى قامت : أنت من مفكرة نفسك .. ابغى غرفة .. أبغى سيارة .. وش رايك بمزرعة بعد ..
غادة تأشر على راسها : اه تذكرت .. أبغى أسوي حفلة في مزرعتك .. أعزم فيها البنات بعد الامتحانات .. وأبغاها فخمة وفيها طق بعد ..
سلمى تناظرها مو مصدقة : بعد ..
غادة تناظرها ببراءة : يب .. بس هذا كل اللي أبغاه ..
سلمى ماسكة نفسها : ما أدري أعضها ..
غادة : سلمى أنت مو في وضع يسمح لك تهددين .. فالأفضل لـ ...
راحت لها سلمى قبل ما تكمل .. لكن جود وقفت وصارت بينهم ..
جود التفتت على غادة : غادة أنت عارفة أن أغلب طلباتك مبالغ فيها ..
غادة : أي .. بس ....
قاطعتها جود : لكن ممكن يتحقق لك بعضها .. مثل غرفة النوم .. سفرة دبي والحفلة في المزرعة.. أظن هذا معقول ..
التفتت جود تناظر سلمى .. سلمى : ممكن ازيد مصروفك شوي .. لكن مو الضعف ..
التفتت جود على غادة .. اللي كانت تسوي روحها تفكر .. هي ما كانت تتأمل أن سلمى راح توافق على طلب واحد .. لكن من حسن حظها أن سلمى وافقت على أهم الطلبات .. الأفضل توافق وتنسحب وإلا سلمى راح تقصم رقبتها .. وجهها شوي وينفجر ..
غدة : احممم .. مع أن لي بعد طلبات ...
جود تهز راسها وتبتسم : don't push it girl
غادة تناظر سلمى .. بخوف : موافقة ..
جود بفرح : ممتاز .. everybody win
تسحبت غادة من قدام جود .. وظهرها للباب وترجع بخطوات للخلف .. خايفة من سلمى ..
غادة تأشر باصبعها : بس في شرط ..
سلمى بتروح لها .. امسكتها جود : شنو ..
غادة تبلع ريقها : تعطيني وعد .. أنها ( تقصد سلمى ) ما تعاقبني ولا تسوي لي شيء ..
سلمى تهز راسها : طيب .. أوعدك ..
غادة تاشر على جود : كنت أقصد جود ..
سلمى عصبت : يعني كلمتي ما تعني لك شيء ..
جود تضحك وماسكة سلمى : وعد .. ما أخليها تسوي لك شيء ..
غادة تبتسم : yes ..
اطلعت غادة من غرفة المكتبة بسرعة .. قبل ما سلمى تغير رايها .. لازم تعمل احتياطاتها ما تكون لحالها في اليومين القادمين .. سلمى ما راح تعديها لها بالساهل .. بتتجنبها الى أن تهدى ..
سلمى تكلم جود : وأنت معاها ..
جود تقعد على الكنبة : طلباتها معقولة ..
سلمى : ما قصدت طلباتها .. أقصد أنها تطلب منك ما تخليني اسوي لها شيء .. تبغيني الحين أقوم أكسر ظهرها ..
جود : ما تقدر لأنك تحبها .. وبعدين هي أختك الوحيدة ..
سلمى تفكر : أي صح .. بس ودي اعضها النزغة .. شلون عرفت .. ومتى ..
جود تناظرها رافعة حاجبها : بعدين تعال .. شنو قصدك ما أقدر أخليك ..
سلمى : ها ..
جود : من قال ها سمع .. يعني ما أمون عليك ..
سلمى تبتسم ويدها على راسها من خلف : بلى حبي تمونين .. طلباتك أوامر ..
جود تناظرها : على بالي ..
اقعدت سلمى جنب جود وضمتها : وأنا أقدر أزعلك صغير ..
جود تلعب بقميص سلمى : أوعدني ما تسوي لها شيء .. أعرفك ..
سلمى : كنت ناوي لها على مقلب .. بس معليه مردودة ..
اضحكت جود بصوت عالي .. سلمى تناظرها : وش يضحكك ..
جود : منظرك وأنت تسمع لطلباتها .. ما أدري شلون قدرت تمسك نفسك ..
سلمى تهمس في اذنها : لأنك جنبي ..
جود : إلى هالدرجة لي كل هالتأثير عليك ..
سلمى تبوسها : فوق ما تتصورين ..

ريناد توريها الصورة : وش رايك ..
تهاني تشوفها و تبتسم : حلو .. مرة حلو ..
ريناد : نفذت اللي طلبتيه مني .. وهذه صورتها وهي تبوس خويتها بعد ..
تهاني : ماني ناسيتك .. لا تخافين ..
ريناد : حياتي لا تفهميني غلط .. ما أقدر أرسلها لك إلا لما اطمئن أن المبلغ عندي..
تهاني رافعة حاجبها : ما في ثقة ..
ريناد تبتسم : مو في مثل هالمواضيع ..
تهاني : طيب .. راح أجيبهم لك .. مجهزتهم من أول ما اتفقنا ..
قامت تهاني واصعدت الدرج تجيب المبلغ .. ادخلت سعاد الصالة شايلة بيدها صينية عليها 3 فناجين قهوة ..
سعاد تعطي ريناد القهوة : أجل وين تهاني ..
ريناد تاخذها : راحت تجيب الفلوس ..
سعاد : يعني صورتيها خلاص ..
ريناد تبتسم : وفي أحلى وضع بعد ..
سعاد : وريني ..
ريناد توريها الصورة .. سعاد حطت يدها على فمها : حرام عليكم اللي بتسوونه في البنت ..
ريناد ترفع أكتافها : وحنا وش سوينا ..
سعاد : بتفضحونها مع أهلها ..
ريناد تأشر على نفسها : لا تقولين لي هالكلام .. قوليه لأختك ..
سعاد : قلته لها أكثر من مرة .. ولا في فايدة ..
ريناد : هي حاطة سلمى براسها ..
سعاد : مو ذنب البنت أن جدتها كاتبة حلالها باسمها ..
ريناد تشرب القهوة : تصدقين شغلة سعاد ..
سعاد : وش هي ..
ريناد : أحس أن سلمى ولد مو بنت ..
سعاد بسخرية : ومن وين جبت هالاحساس ..
ريناد بجدية : ما أدري .. هيك احساس .. مشيتها .. جسمها .. بحة صوتها .. وفي شغلة خلتني أشك أكثر..
سعاد تضحك : وش هي ..
ريناد : أنا أتكلم جد سعاد .. لا تضحكين ..
سعاد تهز راسها : طيب أسمعك ..وش هي الشغلة اللي خلتك تتأكدين ..
ريناد تكمل : سلمى ما راحت دورة المياه اللي في القاعة ..
سعاد تشرب القهوة : وش دراك .. كنت تراقبينها ..
ريناد : طول الحفلة .. عيني ما انشالت من عليها ..
سعاد : يمكن راحت وأنت ما انتبهت ..
ريناد : لا ما راحت .. لأني لحقتها لما قامت .. كانت رايحة لدورة المياه اللي في مجلس الرجال..
سعاد : عادي .. يمكن كان الحمام زحمة ..
ريناد : مرينا على الحمام .. ما كان فيه زحمة كثير .. بالعكس كان فيه .... ( اسكتت فجأة )..
سعاد باهتمام : شنو كان فيه ..
ريناد توها تنتبه : كان في بنتين يلبسون أو يغيرون لبسهم أو شيء ..
سعاد : يمكن تكون استحت وما حبت تحرجهم ..
ريناد تشرب القهوة وتهز راسها : ممكن .. " أو ممكن تكون ولد .. وما حب يتكشف على البنات"..

بعد عدة أيام ...

غادة تأشر على الجدار : أبغى يكون في باترن هنا .. وهناك لون محايد ..
سلمى : أنت على هالحوسة .. ليه ما نجيب مهندس ديكور ونخلص ..
غادة تهز راسها : لا لا .. غرفتي أنا اللي اصممها بنفسي .. أتدرب من الحين ..
سلمى اقعدت على الصوفا : تتدربين على ايش ..
غادة : على تخصصي ..
سلمى مو فاهمة : تخصصك ..
غادة : اه صح .. أنا ما قلت لك ..
سلمى بتعصب من طول المناقشة مع غادة : ما قلتِ لي ايش ..
غادة تقعد جنبها وفي يدها باد عليه ورق راسمه عليها تخطيط الغرفة .. وقاعدة ترسم وتمسح ..
غادة عينها على الباد : راح أدرس هندسة ديكور ..
سلمى تهز راسها : تخصص حلو .. أنت شايفة نفسك تقدرين عليه ..
غادة بحماس : طبعاً .. أحب تغير الديكور .. وكيف تغير بيئة مكان بأشياء بسيطة ..
سلمى تناظر الباد والرسم " ما أنت هينه يا النزغة .. ما شاء الله عليك " ..
غادة توريها : ها اعجبك ..
سلمى تبتسم : حلو .. أهم شيء أنت اللي يعجبك ..
غادة : لا أنا عاجبني ..
سلمى : خلاص تم .. بعد الامتحانات .. نبدأ بتغير الغرفة ..
غادة : ولا تنسين الحفلة ..
سلمى تضحك : ماني ناسيتها .. لا تحاتين شيء ..
دخل عليهم عزيز .. طفشان .. قعد على bean bag بملل ..
عزيز : طفش ..
غادة : وش تبينا نسوي لك ..
عزيز يترجى : سلمى خلينا نطلع ..
سلمى : وين نطلع وامتحاناتكم باقي لها أيام ..
عزيز : أي مكان .. وش رايك نروح البحر ..
غادة : وش يودينا هناك ..
سلمى تناظر النافذة : وليه لأ .. الجو حلو ..
عزيز بفرح : صدق ..
سلمى تبتسم : أي صدق .. شوف هاني إذا كان بيروح معنا ..
عزيز يقوم : يصلح يروح معنا عمر ..
سلمى تبتسم : أي يصلح ..
غادة تغمز لها : وأخت عمر بعد ..
سلمى تحذر : غادة ..
غادة ببرائة : كنت أقصد جنان ..
سلمى : روح قول له اذا كان بيروح معنا ..
غادة : وأنا بروح ..
سلمى : توك رافضة ..
غادة : حلاة الطلعة مع group
سلمى تناظرها : group
غادة تقرب من الباب .. تبتسم : طبعاً .. بروح اقول لجنان ولجود .. (بخبث) أهم شيء جود ..
سلمى لاحت عليها المخدة .. لكنها ما صادتها .. انزلت سلمى وهي تضحك .. " غادة مو ناوية تجيبها البر ".. راحت للمطبخ .. تقول للخدامة تجهز لهم لطلعة البحر .. وأجرت اتصال علشان تأجر يخت لهم ..

جنان بانبهار : واااو ..
عزيز : حنا راح نركب هاليخت ..
سلمى تهز راسها : أي .. راح نركبه ..
هاني : فيه جسكي ..
سلمى تبتسم : في ثنين .. وواحد للصغار .. حجمه صغير ..
غادة : يس ..
هاني يناظرها : ومن قال أنك بتركبينه ..
غادة يدينها على خصرها : وش دعوة بأستأذن منك ..
هاني بإصرار : ما راح تركبينه ..
غادة بعناد : بأركبه ..
سلمى : خلاص .. الكل بيركب الجسكي .. بالدور ..
هاني بيتكلم .. قاطعته سلمى : الكل .. ما عندي فرق بين بنت وولد ..
هاني سكت .. وركب اليخت وهو يضرب برجله على الأرض ..
سلمى تناظره وتضحك .. قربت جود منها : يعجبني فيك أن ما عندك تفرقة بين بنت وولد ..
سلمى تهمس لها : ما أنا عايش الأثنين ..
جود بحنان : أعز ثنين على قلبي ..
سلمى تتنهد : وش ذابحني غير هالقلب ..
غادة التفتت وراها .. وشافت جود وسلمى يمشون ببطء .. يتهامسون ويضحكون ..
غادة صفرت .. سلمى انتبهت لها ..
غادة بخبث : بسرعة يا الكناري .. لا تغيب علينا الشمس .. وتنحسب علينا طلعة ..
سلمى بين أسنانها : يوم بعضها ..
جود تضحك : حاول ما تبين عصبيتك .. هذا يحمسها أكثر ..
سلمى : القهر أني ما أقدر أرد عليها ..والا شافت مني شيء وجه ثاني ..
جود تبتسم : مو من قلبك ..
سلمى تبتسم : أكيد مو من قلبي .. لكن هالنزغة بتطلع عيوني ..
جود تضحك : هذه ضريبة الأخ / الأخت الكبير ..
سلمى تبتسم : أول مرة أعرف هالشعور ..
جود تمسك يد سلمى : I know babe

اركبوا اليخت .. وابحر بهم الى داخل البحر .. طبعاً غادة بعد اصرار وحَنة !! امسكت الدفة تبع اليخت .. سمح لها القبطان بعشر دقايق .. تقود اليخت .. وقفوا عند منطقة جيدة ومناسبة .. نزلوا الجسكي .. ركب هاني أولاً .. وبعده غادة .. جنان تخاف تنزل البحر وقالت أنها تبغى تصيد سمك.. ماسكة الصنارة وتنتظر .. عزيز وعمر ركبوا الصغير ..
سلمى تراقبهم .. وشددت على الخدم عيونهم ما تنشال من عليهم وهم في البحر .. راحت تدور جود .. لقتها في أخر اليخت .. تراقب البحر .. احضنتها سلمى من ورى .. وباست رقبتها ..
جود بخوف : سلم .. حنا مو لحالنا .. اخواني واخوانك معنا ..
سلمى تشم رقبة جود : كلٍ لاهي .. ما أحد درى عنا ..
لفت جود جسمها وصارت مقابل سلمى : وأنت مو مقصر .. ما تخلي فرصة تفوتك ..
سلمى تبوس خدها : يعني موعاجبك حبي ..
جود تلعب بقميص سلمى : بلى .. لكني خايفة ..
ارفعت سلمى وجه جود : من ايش حبي ..
جود تزفر : ما أدري .. بس ناقزني قلبي .. ماني مرتاحة سلم ..
سلمى تضمها بقوة : طبيعي تخافين حياتي .. حياتك بتتغير و...
قاطعتها جود : خايفة أخسرك ..
سلمى : تخسريني .. معقولة .. بعد كل اللي مرينا فيه ..
جود تبتسم : مجرد احساس ..
سلمى تزفر : نون النسوة واحساسكم ..
جود رافعة حاجبها : حياتي احساسنا ما يخيب ..
سلمى تغيظها : أدري رادار مو احساس ..
جود تضربها بوقس على صدرها : قول ما شاء الله ..
سلمى تضحك : ما شاء الله ..
جود تسوي روحها زعلانه : حنا باحساس ومو ملحقين وياكم ..
سلمى : والأسباب ..
جود تناظرها بنص عين : عيونكم زايغة ..
سلمى اضحكت بصوت عالي .. وباست جود بقوة .. جود حاولت تبعد .. لكن سلمى محاصرتها..
غادة تصارخ وتغيظ هاني : ها ها ها .. حبيبي هذا فن ..
ارفعت سلمى راسها بسرعة تناظر غادة .. " المحتالة تعمدت تجي هنا " .. جود تأشر لها وتشجعها .. غادة تلعب بالجسكي .. وتقوده بمهارة ..
جود تنادي : girl's power
غادة تأشر لها وتبتسم : ياهوووو ..
وهاني وراها .. يحاول يسبقها أو يسوي مثلها .. مو عارف .. ومعصب .. يسب ويلعن .. ويقول أن الجسكي اللي راكبه .. فيه شيء .. سلمى وجود يناظرونه ويضحكون .. مسكين مو قادر يتحكم فيه ..
ارفضوا يطلعون من البحر الا لما بدت تغيب الشمس ويظلم الوقت .. عمل لهم الطباخ مشاوي وأكلات بحرية .. ومن ضمنها سمكة جنان اللي صادتها بفخر .. على انها سمكة متوسطة لكنها اصرت يشوونها وياكلون منها .. والغريب أنها كفتهم كلهم !!!

اوصلوا البيت على الساعة 8 في الليل .. الكل منهك من طلعة البحر .. غادة تتفاخر أنها تعرف تسوق في البحر .. وهاني يتعلل بأن الجسكي تبعه خربان .. وادخلوا في نقاش من الأقوى البنات ولا الأولاد .. سلمى تسمعهم وتضحك .. " وين حنا فيه .. في الروضة " ...
اطلعت سلمى من الحمام .. أخذت لها شاور سريع .. لأن جوالها كان يرن بصورة مستمرة .. اطلعت بسرعة .. وشافت الرقم .. خالتها هيا ..
سلمى بخوف : خالتي ..
هيا : هلا سلمى .. وينك فيه .. من العصر وأنا أدق عليك ..
سلمى : أسفة .. كنت في البحر .. وأكيد ما يوصل الارسال .. وما وصلنا الا من تو ..
هيا : طيب .. أبغاك تجيني البيت الحين ..
سلمى : خير خالتي .. وش فيه ..
هيا : اذا جيت تعرفين .. لا تتأخرين ..
سلمى : طيب .. ألبس وأجيكم ..
هيا : ننتظرك ..
سكرت سلمى جوالها ورمته على السرير .. " وش فيها خالتي .. مو طبيعية .. كانت تكلمني بجمود .. الله يستر "..

اوصلت سلمى بيت هيا .. ادخلت الصالة .. لقت خالاتها كلهم موجودين هيا وغادة .. خالتها هيا تناظرها بنظرات شفقة .. وغادة تناظرها بعصبية .. وخالها فيصل اللي وجهه كان أحمر من الغضب .. وكأنها المحت تهاني في الغرفة الثانية ..
سلمى : مساء الخير ..
فيصل بحدة : ومن وين يجي الخير .. وأنت هايته ما احد درى عنك ..
سلمى بعصبية : فيصل احترم نفسك .. لا تقول خال ما أقدر أرد عليك ..
فيصل : ولك عين تتكلمين ..
سلمى تأشر بيدها : أفهم .. وش فيك هالمرة ..
فيصل يوريها الجوال .. فيه صورتها وهي تبوس جود .. سلمى التفتت تناظر تهاني .. اللي كانت تبتسم بوجهها ..
فيصل بحدة : ممكن أعرف شنو هذا ...؟؟؟؟
.
.

موضوع: حياتي الأحد ديسمبر 09, 2012 7:10 am

تسلمين يالغلا وحشتني طلتك
وحلو مره البارت واكيد راح انتظرك بكل مره بس لاتغيبين كثير
تحياتي ياقلبي

مساءگ جوري وتميز
معذوره حبببتي خذي راحتگ.
البارت رووووووعه كالعاده مميزه بسردگ وكتابتگ للأحداث
تسلمين وماننحرم منگ ومن إبداعگ
بصراحه ماعندي أي تعليق ع أحداث البارت
كل تفكيري انحصر بسلمى وكيف راح تطلع من المشكله الي حطتها فيها تهاني.
أتمنى تحصل لها حل وينقلب الموضوع ع تهاني وتخلصينا منها.
بإنتظارگ في البارت الجاي،الله يحفظگ ويحميگ من كل شر..
تحياتي لگ

» هاى رحبو فيني ابغى صفقة قوية
» الشيطان×_× من كتاباتى
» عشاق بين احضان الشياطين(روايه جريئه) ابداآآآآعــ
» الى الشيطان الي هو ولد ومسوي نفسه مرجوجه.. وش تحس ....؟تعال بالله