البارت ال(5) :
ووصلنا للجامعه
وصلو تقريبا عالساعه 3 العصر كان الجو مغيم وحلو ، رزان مندهشه من المباني الكبيره للجامعه المحاطه بمساحه خضرا بعدها اشجار عملاقه وخلفها اسوار طويييييله وتمو يمشون داخل وداخل لمن وصلو لبوابه ثانيه وراها كان السكن عاليمين واماكن الترفيه عاليسار حديقتان وملعبان كرة سله وكرة قدم ، وقدام طريق طويييييل وبنهايته بوابه عملاقه .
نزلو بعد ما وقفو سيارتهم قريب للمدخل الخلفي للمبنى واستقبلتهم مروان وشلتها ؛
مروان: ياهلا يا هلا حمدالله على السلامه
وتبوس خد سلطان وميمي لفت على رزان الي كانت تتامل المكان ؛
مروان( قرب صوبها): شرايج بالمكان ؟؟
رزان (متفاجئه): اوووه مروان لا المكان فوق الي تخيلت خصوصيه تامه !!!
مروان : افا عليج نعجبج احنا
رزان (ابتسمت بعدين تذكرت): الا صح شصار على الملف ؟؟
مروان : ههههههه لا تحاتين ظبطت اموررج كلها
رزان: ههههه زين سويت الا حنا بنسكن بنفس المبنى ؟؟
مروان: اي سويت تبديل بالغرف وظبتكم ،بتصيرين بالدور ال3 الغرفه 103 مع ياسمين وميمي
رزان : اوووف 3 بنات شالحشره !!!؟؟؟؟؟
مروان : ليه !؟ عادي هذي ياسمين نسخه اكثر فهاوه من ميمي !!! والغرف واسعه لا تخافيين
رزان(مبتسمه بتعجب) : اوكيييييه !!!!
مروان اشر لشلته يشيلون الاغراض معهاهم وبالفعل شالوهم وو صلوهم لداخل الغرفه ،
دخلت رزان وميمي وشافو اثاث الغرفه اسود وابيض والارضيه خشب بني محروق ، كانت الغرفه روعه
اول ما يدخلون ممر بعدها عاليمين الاسره وبينها طاولات صغار بدرجين والسرير الي عالجدار كان فوقه ثياب واغراض (معناتها هو حق ياسمين )
والدواليب مقابله الاسره عاليسار وكل دولاب فيه باب مرايا
وقدامكم جلسه عصريه من الجلد الاسود مع تلفزيون
بعد الجلسه باب عالمطبخ وجنبه عاليسار الحمام (اعزكم الله)
وجنبه عاليمين منطقه مرتفعه 3 درجات وفيها المكاتب الي قدامهم البلكونه(الشرفه)
اصلا نص الجدار عاليمين زجاج وفيه ستاير الكترونيه؛
ميمي (طبت على السرير الي بالنص): هذا ليييي
رزان ( ابتسمت ): اصلا انا ابغى الي على جنب من اول من دخلنا
وبدو يصفون الثياب واغراضهم بالدواليب حقتهم ، بعد ما خلصو طبت رزان عالسرير؛
رزان(بدلع لا ارادي): اااااخ جوعااااااااااااانه
ميمي(ابتسمت وقعدت جمبها طلعت جوالها): خلاص انا الحين بدز مسج لسلطوني يدبر لنا اكل ويجيبه لنا فوق لانه مالي خلق انزل او حتى اتحرك
رزان(مغمضه عيونها): اييه عفيه الله يخليج لسلطونج
ميمي: هههههه اي للمصالح هااااا
رزان(ابتسمت وفتحت عيونها): شكلي بنام وبخلي الاكل بعدين
ميمي : نو نو ما يصير لازم تاكلين شي
رزان(بعناد): لا ماااا ابي وانا اصلا اسوي كذا من قبل يلا خليني انام دام سلطونج بيتاخر
رزان غمضت عيونها وميمي سحبت راسها وحطته على فخذها وحاطه ايدها حول رقبت رزان وبيدها الثانيه تداعب وجهها وتمسح شفايفها وبعدها فصخت نظاراتها كان شكلها طفوولي ، رزان نامت عالطول لانها كانت قاعده من الصبح وراسها كان يعورها ف عشان كذا ما حست ب ميمي خير شر ،
[ عالفكره هي لسى لابسه الكاب ]
بعد ربع ساعه دخلت مروان وسلطان ومعاهم اكياس الاكل ، مروان دخل وكان بيصرخ بس ميمي اشرت له انه يسكت لان رزان نايمه ؛
مروان(بهمس): اووووووبس سوووررررري
سلطان دخل بعد مروان ويطالع ميمي ووضعيتها مع رزان انقهرررر وضغط على الكيس الي بيده ، مروان انتبه له وهمس باذنه ؛
مروان(بهمس): ترى هم ربع وانت عارف حركات ميمي
سلطان :..............ساكت
مروان(بهمس لميمي ): يلا قعديها عشان تاكل
ميمي(بهمس لرزان): روووز رووووزي حبيبتي يلا قومي.....يلا قومي كلي معانا
رزان فتحت عيونها ببطء وصعوبه تطالع حولينها شافت ميمي وابتسمت بعدها عدلت قعدتها ولبست نظاراتها شافت سلطان ومروان يجهزون الاكل الي كان عباره عن مشويات وبيتزا ، فركت عيونها بشكل طفولي ؛
ميمي(تشهق): هييييييي امبيييييه رزان شوفي عيونج حمر
مروان(تركض لها وتشوفها): والله اشووووف!!....... لا مو وااايد حمره
رزان تمقطت وراحت الحمام تغسل وهي بالحمام(عزكم الله) فكت الكاب عن شعرها وسوته ذيل فرس وطلعت لهم؛
مروان (انتبه لها بدى يصفر): يا لبيييييييه اخق انا عالاشقر يا هوووووه
ميمي(ركضت لها): امبيييييه روز مو من صجج متى صبغتيه تاخذين العقل اشوف
سلطان ( مبهور ما كانها الي شافها بالصبح كانت وااااايد مختلفه ):نعيماً..
مروان : نعيماً
رزان(مبتسمه وفيها النوم): الله ينعم عليكم
ميمي(تفغص خدود رزان): ياااا قلبوس تهبليييين
وقعدو ياكلون ويهذرون عن الجامعه ، ورزان مو معاهم مع المخده والسرير اكلت بيتزا وشربت عصير مسحت فمها وقامت؛
رزان : حمدالله
ميمي: ما كلتي شي قعدي
رزان : ما اقدر لازم انام
وانبطحت عالسرير وتلحفت نص تلحيفه ؛
ميمي :سلطوني ما ودك نقعد بمكان لحالنا >> وغمزت له
سلطان(ابتسم): ايييه والله ودي يلا خلصي اكل ونروح
مروان : انا مالي خلق بشوف تلفزيون وبنام هني
ميمي خلصت اكل بسرعه وبعدها شالو الاكل وحطو الباجي بالثلاجه؛
ميمي: يلا بااااااي روني تيك كير اوف روز
وعطته بوسه بالهوا ،وطلعت هي وسلطان
وبنص الليل قعدت رزان وتطالع حولينها ، تذكرت شصار لها مؤخرا ، زفرت بقهر وقلة حيله، شافت مروان منسدح عالكنبه قربت عنده وسندت ايدينها عالكنبه ؛
رزان(تتكلم داخل مخها): نفسي اعرف ليش صارت بويه وجهها حيل بريئ وكيوت اخخخخخ بس شفايفها عن يومها سيكسي اخخخ،
ولا ارادي رفعت صبعها ومررته على شفايفها وابتسمت ؛
رزان(تتكلم داخل مخها): هههه شفايفها ناعمه
رزان عضت على شفايفها وبعدت عن مروان بسرعه ؛
رزان قعدت عالكنبه(تتكلم داخل مخها): اففففف انا مدري شلون جيت هنا ؟! كيف بعيش مع هالبويات ؟!
اااااااه بس يا قلبي (وتحط ايدها على قلبها وتزفر بتعب) ما ادري اذا بقدر استحمل اكثر (غمضت عيونها تمنع دموعها تنزل) ما اعرف اذا انا بعيش وبخلي احلامي حقيقه (مسحت دمعه نزلت غصباً عنها) لا انا اقوى من كذا ،
دخلت الحمام غسلت وجهها وشافت نفسها بالمرايا تتفحص وجهها ما عجبها شكلها وجها حيل تعبان لبست النظاره وطلعت راحت لدولابها ،طلعت مرايا وكحل ومسكره وروج وردي فاااتح قريب للون شفايفها ، تكحلت وحطت مسكره وحطت روجها ،طلعت لها قميص ابيض ولبست فوقه بلوزه قطنيه كحليه واسعه باكمام طويله كانت طويله من ورى(تغطي الى نص الفخذ) ولبست معها بنطلون اسود وشراب اسود بعد ، وتعطرت بعطرها الي تحبه ودايم تتعطر منه سكرت الدولاب وقفت قدام المرايا ولبست النظاره فكت شعرها وكورته على فوق نزلت خصلتين على جنب ولبست طوق احمر ولبست خاتم وسلسال واسواره وحلق باللون الذهبي الباهت وطالعت نفسها برضى ؛
رزان(تكلم نفسها): ايووواا كذا انا على طبيعتي
لفت على مروان ابتسمت وراحت المطبخ و لقت كييس كبير مليااااان شوكولاته !!! ، طلعت لها مالتيزر وجالكسي فتحت الفريزر لقت اسكريمات سحبت لها ايسكريم فانيلا بالتوفي واخذت ملعقه ، شافت شيبس اخذت لها واحد مع بوب كورن بالجبنه ، وطلعت لصاله
حطت اغراضها عالطاوله وسحبت مخدتيين حطتها عالارض قدام كنبة مروان>> هههه تبي تغثها
رزان بسطت وقعدت عالارض وفتحت التي في على فيلم ومرااااا متحمسه طولت عالصوت، اخذت الايسكريم وكبت فوقه المالتيزر والجالكسي وبدت تاكل ، اندمجت تماما مع الفلم؛
مروان انزعجت من الصوت فتحت عيونها تطالع شافت شعر رزان قدامها تفاجات بعدين تذكرت انها رزان؛
مروان(دق راس رزان): يعني طرده هييي
رزان(بدلع بزارين): اييييي!!! وججججع انقلع !!
مروان(عدلت جلستها): ليش مطوله ؟!!! قصري عالصوت اشوف
رزان(مسكت الملعقه بفمها وقصرت عالصوت حبتين): اصلا كنت ابيك تقعد بس نسيت نفسي وتحمست مع الفلم
مروان نزل عالارض و لزقت جنب رزان وخذت الملعقه من فمها ؛
رزان(متفاجئه): مرروااااان هات الملعقه اشوف !! روح جيب لك غيرها !!
مروان : لا ما بقوم وعادي لقمه لج ولقمه لي !!
رزان تنرفزت وعطتها الايسكريم بكبره وبعدت عنها اونها زعلانه ؛
مروان(تمد لسانها):احسسسسسن خير ما سويتي
رزان خزتها بس مع النظاره مو واضح من العاكس ، فتحت الشيبس وبدت تاكل مع التغميسه .
بعد نص ساعه صار الوقت وحده بالليل ؛
رزان: وييين ميمي والي ينقال عنها ياسمين؟؟
مروان: ميمي نايمه مع سلطان وياسمين نايمه مع خويتها اكيد
رزان هزت راسها وبعدها مسحت ايدها وحول فمها وبتقوم بس مسكت ايدها مروان؛
مروان(بوجه بريئ وخايفه):وييين بتروحين دامج قعدتيني تقعدين معاي ؟؟
رزان : شفيك بروح اشرب ماي ؟!!
مروان: ايييه عبالي
تركتها ومشت رزان للمطبخ ،صبت لها ماي وشربته ، ورجعت لصاله خذت بطانيه وقعدت جنب مروان ولحفتها معاها ، مروان تقرب من رزان ؛
رزان(تتكلم داخل مخها): يا لييييل وانا بيتمون يلاحقوني البزارين وين ما اروح !?!
(قصدها غاده والحين مروان)
مروان(تتكلم في مخها): يا سلاااااام دافيه وحنونه وحبوبه يا بخت الي بيخاويج سواءً ولد او بنت واخخخخخ من ريحة عطرج مو طبيعي يوصف شخصيتج الغامضه !!!
ورزان طلعت جوالها وقعدت تحوس فيه خلصت وجت بتحطه عالطاوله بس.....ما قدرت لان مروان نايمه على كتفها !!؛
رزان(تتكلم في مخها): من صجها ذي ؟!؟!؟!!!
رزان(قربت لاذنها بهمس): مروان مروااااان
مروان(مو حاسه بعمرها): هاااااااااااه !!!!
رزان: قوم عني يلا روح نام عالسرير
مروان فتحت عينها شافت وجه رزان ، حاوطتها بايدينه ولمتها بقوه ودخلت راسها بصدر رزان؛
مروان: احببجججججج !!!
رزان : شنوووووه؟؟ لا عاد شكلك فصلت عالاخر هااااه !!!!
رزان مسكت ايدينها ووقفتها؛
رزان : تبي ظهرك ينكسر نام عالكنب او انك تنام ب.......
مروان(تقاطعها): انام وياج
رزان(طفشت): افففف لا لااااا تنام على سرير ميمي
مروان(تترجاها):بس هالمره عفيه عاد....
رزان(تفكر وساكته):.........
مروان (يطالع وجهها):..........
رزان(بنبرة تهديد تخرع): اوكيه بس هالمممره ويا ويلك يا سواد ليلك ان قلت لاحد فاهم !!؟
مروان(متخرع ومتفاجئ): فااااهم والله فاهم
وقعد على السرير منزل راسه ،رزان حست انها خرعته بزياده وحبت تلطف الجو ، قعدت جنبه وقربت؛
رزان(بدلع): مرواني حبيبي زعلت !!
مروان(منزل راسه وساكت):............
رزان قعدت تحوس بشعر مروان وتضحك وهو يوخر يدينها ويعدله ؛
رزان : هههههه شعرك يونس هههههههه
رزان(مسكت ذقن مروان ولفته صوبها): خلاص عاد والله ما اعيدها ، بلاش الزعل ترى ما ارضى عليك
مروان(رفعت راسها وخزتها على جنب): هممممم متاكده ؟؟
رزان: ههههههههههههههه ايييه متاكده
مروان ابتسمت وحطت راسها على فخذ رزان ؛
رزان : يعني افهم انك رضيت ؟!!
مروان(مغمضه عيونها): اييييه
رزان: يلا وخر خلني اتلحف بررررد
مروان بعدت ، ورتبت رزان السرير وانسدحت وعلى طول مروان طب بحضن رزان ؛
رزان(منحرجه ومتفاجئه): هييييييه شدعوه امك انا !!!؟!!!
مروان(مغمضه عيونها): لا ابوووي
رزان(انسدحت على ظهرها وبعدت مروان عنها): احنا قلنا تنام معاي مو تلزق فيني !
مروان ما همه ورجع لزق فيها ، رزان طنشت لانها تبي تنام
في الصبح؛
قعدت رزان شافت مروان نايم عالكنبه ، ولفت يسارها شافت ميمي نايمه بحضن سلطان ، فتحت عيونها عالاخر ،
رزان(تتكلم في مخها): متى جووو ذيلا ؟؟؟؟
رفعت راسها تشوف ياسمين اذا جت بس كان السرير فاضي ، قامت غسلت وجهها وبدلت ثيابها ، راحت المطبخ جهزت لها فطور وسوت لها كوفي من الي جايبته معها (وهو مكس مسويته بنفسها ، طلعت عالبلكونه وحطت فطورها ، داخل قعد سلطان وقّعد ميمي ومروان كانت الساعه 8 ونص والجو مغيم ، بعد ما قامو وغسلو ميمي جهزت فطور لهم و اخذته للبلكونه ؛
ميمي(تبوس خد رزان): صباااااح الخييير
رزان(ابتسمت): صباح النور ايش النشاط الي جايك اليوم ومسويه بانكيك بعد اوووووه يا بخته سلطونك هاااه هههههههههه
ميمي :ههههههه هذا لنا كلنا بعد شوي بتجي ياسمين ونفطر سواا
جاووهم مروان و سلطان وقعدو ينتظرون ياسمين ؛
سلطان :الا وينها ست الحسن والدلال بيبرد الاكل وهي ما جات ؟!!
مروان: تلقاها ضيعت زي كل مرررره ههههههه
ميمي : نطرو شوي الحين بتجيي
ياسمين (تصارخ من داخل): ويننننننننننكم
مروان : نحن هنننننننااااا
ياسمين جاتهم وكان شكلها محيووووس روجها ممسوح نصه بوجهها ورقبتها كلها بقع حمرا شعرها معفس وتنورتها قصييييييره حيييل + بلوزتها الازارير كلهاااا مفتحه وما كانت لابسه ستيان وكعبها يا هوو طول ومو قادره تمشي عدل كانت توحححححفه
مروان مبطل حلجه عالاخر ، ورزان المسكينه صدت عنها اونها تقرا الجريده ، ميمي مصدومه ما تدري شتقول ، وسلطان ؛
سلطان: ههههه شكلج رايحححه فيها امس ههههههه مع منو هالمره ؟؟؟
ياسمين(ترمش بعيونها): عبوووووودي فديت قلبه
ميمي(تغير السالفه): يلا جوعتينا خلونا نفطر
ياسمين : لححححححظه !!!
ومشت صوب رزان ونزلت الجريده من ايدها و.....
و......
و....
و.........
وتتوقعون شسوت ؟
نزلت الجريده من ايدها؛
ياسمين : كيووووووت
وباستها قريب من اذنها بقوووووووووووووووه
مروان وسلطان : هههههههههههاي
مروان : ههههههههه لا مو من صجها تستهبل ههههههههه
ميمي: ههههههههه ما توقعتها منج ياسمييييين ههههههههههههه
رزان(عدلت جلستها واشرت لياسمين تقعد جنبها، همست باذنها): ما عليج منهم كلي فطورج احسن لج من هالوجيه
ابتسمت لها ياسمين ورزان ردت الابتسامه ،؛
مروان: امووت واعرف شقلتي لها!!
ياسمين(بدلع): مااااااا لك خص سر بيني وبينها انت شكو
مروان(مد لسانه): مالت
رزان: مريوم بتداااومين ؟؟!
ميمي: اييييه اكيد بداوم بس محاضرتنا انا وانتي الساعه 10 تو الناس
رزان: اهااا انتي معاي بنفس الكلاس ؟؟؟
ميمي : يب يب لا تحاتين مروان وسلطوني مضبطين كل شي
رزان ابتسمت وشربت قهوتها للاخر وقفت بتدخل داخل ؛
رزان :انا باخذ لي غفوه قعدوني لمن تتجهزون اوكييه ؟؟
ياسمين : اييه روحي ريحي عمرج ،شكلج ما نمتي زين امس
رزان ابتسمت لها ودخلت ؛
ميمي؛ مروااانوه شمسوي انت بالبنت شوف وجهها شلون صاير ؟!!!
مروان(يبتسم لمن تذكر شصار امس): ما سوينا شي بس سهرناا عل فلم الى الساعه 1 مؤدبين احنا شفتي ؟!!
ميمي : ترى روز ما تخاوي بس فريندز لا اقل ولا اكثر
ياسمين: ليييييش ؟!
ميمي :ما ادري !هي جذي
مروان: عيل شجابها هني وهي عارفه ان الجامعه كلها بويات وليديات ؟!!!
......(الكل سكت محد يعرف الاجابه عن هالسؤال لان محد يعرف جوابه الا رزان)......
ياسمين(بفهاوه):يممممقن فيه وحده تحبها وجات عشان تشوفها !!
مروان: ايييه صج اهي ما جابت طاري وحده تحبها او جذي ؟؟؟!!
ميمي: لا لا لا روز واعرفها ما عندها هالخرابيط اهم شي عندها دراستها ..
سلطان: عجيييييب موضوعها اصلا حتى شكلها ما يبين هي ليدي او شي ثاني
مروان: يمكن عشان المدرسين هنا يدفون بالدرجات ؟!
ميمي(رفعت كتوفها): يمكن ....
وخلو الموضوع مفتوح جي ...........
[اعرفكم على ياسمين ؛ بنت ما يمر يومين الا وهي نايمه عند وحده من خوياتها البويات ولبسها دايم مفصخ وقصير وهي مدمنة الكعب العالي بشرتها برونزيه وشعرها طويييل وتحب تسويه كيرلي وجهها كيوت بس خشمها سيف وحاد ]
قبل مايمشون بنص ساعه قعدت ياسمين رزان عشان تتجهز
رزان خذت بنطلون رصاصي فاتح مع بلوزه بيضاء طويله من ورى مع جاكيت رسمي من زارا لونه اسود، ودخلت تتروش
وياسمين وميمي مطقمين مع بعض ، بلوزه وردي فاتح وفوقها جاكيت ابيض ، وبنطلون جنز ، بس ياسمين مسويه شعرها ويفي و ميمي مسويته ستريت
بالنسبه لرزان كورت شعرها لفوق ولبست طوق ونزلت خصلتين على جنب ،بخت عطرها لبست شنطتها وحطتها على جنب (الشنطه الي يسمونها شنطة ساعي البريد) ولست كعبها
ومشت مع البنات
لمن نزلو غيرو جهتهم بدال ما يطلعون من البوابه الي ورى راحو للبوابه الي قدام ؛
رزان : من وين بتطلعون دوختو راسي ؟!؟!!
ميمي: من قدام عشان يشوفنا الكل
لبسو نظاراتهم الشمسيه وطلعو وبالفعل الكل كان يطالعهم كان شكلهم ستايل وكشخه ونفس ما يقولون يبيضون الوجه ؛
رزان(تعض على شفايفها وتتكلم في مخها): اففففف زين جي يا مريمووووه فضحتيني قدام خلق الله عز الله رحت وطي اففففف
ميمي وياسمين يضحكون بصوت عالي ومصدقين نفسهم
ركبو بسيارة زي الباص الصغيره توصلهم للجامعه وترجعهم لسكن والبعض يروحون بسياراتهم
باختصار وصلو لقاعتهم (كانت قاعه من النوع الي على شكل مدرجات)رزان من اول ما دخلت خذت نظره سريعه على الموجودين الاغلبيه بويات بس كانو قاعدين لحالهم بصوب واحد، رزان راحت المدرج الثالث وقعدت على جنب لحالها وميمي وياسمين قعدو بالنص ، بعد خمس دقايق دخلت عليهم الاستاذه تبع مادة الاحصاء سلمت وقعدت تتكلم عن مقدمه الفصل ،بعد فتره كانت روز ترسم بالنوت حقها وصلت لها ورقه رفعت عينها شافت بنت ليدي تغمز لها، فتحتها ؛
عندج احد تخاوينه ؟؟!
رزان كتبت لها : انا ما اخاوي احد
ورجعت الورقه للي قدام فتحتها ال ليدي شافت رد رزان رجعت ردت عليها وخلتهم يوصلون الورقه ، فتحت رزان الورقه من جديد ؛
حسااااافه كان ودي اشفج
رزان رفعت حاجبها ،وكتبت لها ؛
بسيطه دوري غيري تشفج احسن مني
وعالفكره بدون اوراق ورسايل اذا بغيتي شي كلميني بعد الحصه
ورجعت الورقه لها ،شافت البنت ردها وعفسة الورقه بدون ما تلف على رزان
رزان(تتكلم بينها وبين نفسها): اوووووووووه شكل البنت عصبت انا شسويت من اولها مشاكل
بنهاية المحاضره رزان لبست جاكيتها ودخلت اغراضها تبي تطلع بسرعه عشان ما تواجه البنت
دق الجرس بس شلة بوياات تمو محلهم وطلع الي طلع و رزان بتطلع معاهم ؛
.......: انتييي الي اسمج رزااان !
رزان(لفت شافت البنت كانت عن جد سيكي): نعم شبغيتي !!
......(البنت قربت منها وعلى وجهها ابتسامه): انا لممموش ممكن شوي من وقتج ؟
رزان( قعدت على حافة الطاوله وتكتفت): تفضلي
لمى: احس اني شايفتج من قبل كنتي ب الجامعه الامريكيه صح ؟!!
رزان(موقادره تطالع بوجهها مباشره كانت فاتحه ازرار بلوزتها):صح كنت هناك !!
لمى(تلعب بشعرها) : زييين ممكن تكونين مرافِقتي في الحفله ؟؟
رزان(ناسيه): انو حفله ؟!!
لمى(بدلع): يووووه الحفله الي بتصير يوم الخميس !!!!!
رزان: ااااااه ايه ذكرت ، والله ما ادري انا اصلا ما ودي اروح
لمى طلعت نوت صغير كتبت رقمها وعطت الورقه لرزان ؛
لمى : تفضلي خبريني برايج ويا ليت يكون قبل يوم الحفله وعالفكره موضوع الحفله عن الازياء التنكريه
رزان خذت الورقه : اوكيييه توقعي اتصالي اليوم بالليل
لمى : اوكيه باااااااي
وطلعت برا القاعه رزان كانت تحت ومعطيه الي ورا ظهرها ، طلعت جوالها وسجلت رقم لمى وتمت تحوس بجوالها شوي خلصت وسكرته ، لفت على ورى شافت ميمي وياسمين مع شلة البويات راحت صوبهم ؛
رزان : ميمي وين الكافتيريا؟؟
سكتوا كلهم وكانو البويات يتفحصونها من اولها لاخره؛
رزان(انحرجت شوي بس مو مبين): احححم الكافتيريا وين ؟
ياسمين(مسكت ايدها): تعالي معاي انا ادليج عليها
ميمي: لحظه بروح وياكم نطروني
ميمي لفت على البويتين الي تكلمهم ؛
ميمي: زوز فصول تجون ويانا ؟!
زوز(بويه اسمها عبير): انا ما عندي مانع مشينا فصول
فيصل(من اكثر البويات جمالاً): ايييه مشينا
[عبير او زوز بويه لعابه والكل يعرف هالشي بس برضو البنات يعجبون فيها ويجونها حليوووه صديقة فيصل منذ الطفوله و مروان برضو ، امها وابوها دائما يسافرون وهم اغنياء ،شعرها اسود مدرج قصير يوصل لرقبتها ودايماً ترفعه لفوق وعيونها عسليه وبشرتها برونز فاتح ]
[فيصل بويه تهبل عيونها اخضر غامق لان امها روسيه بس ابوها كويتي وهم مطلقين وتعيش مع امها في دبي وشعرها اسود مدرج وقصييييير حييييل بشرتها بيضاء وابرز شي فيها ابسامتها وشفايفها لونها وردي فاااتح]
وراحو الكافتيريا طلبت لهم ياسمين قهوة بس رزان و عبير(زوز) خذو لهم عصير اورنج؛
فيصل تحوس بجوالها وكل شوي تطالع رزان، وياسمين وزوز يحشون بخلق الله ويضحكون ،رزان تشرب عصيرها بهدوء ، ميمي تكلم سلطان وبعد ما سكرت لفت على رزان وكانت بينهم فيصل ؛
ميمي : اييييه صوووح روز شعندها ذيك البنت تكلمج ولا بعد ترسل لج اوراق بعد ؟؟!!
رزان(خزت ميمي وعدلت جلستها): شنو مصلحتج اذا قلت لج ؟!
ميمي: اففففف يا شينج اذا صرتي نفسيه !!!!
رزان (ابتسمت ابتسامه جانبيه):............،
ميمي(تتدلع): زين قومي معاي الحمام بعدل شكلي بعد شوي بيجي سلطوني
رزان قامت وفيصل قام وياهم ؛
فيصل(بابتسامه خقت عليها رزان): نطروني بجي وياكم
ميمي : يلا
راحو الحمام وكان ملياااان كالعاده ومسكت كل وحده مرايا وقعدو يظبطون شكلهم ، رزان حطته جلوس وخلصت اول وحده ووقفت عالجدار ، بعدها خلص فيصل ووقف جنب رزان ،ورزان قلبها طبول حيييل متوتره لقرب فيصل منها ،
دخلت وحده مستعجله ودفت رزان بالغلط على فيصل ،فيصل انتبه لها ومسكها من كتفها وقربها له ، لان اصلاً مكان وقفتهم كان غلط كانو واقفين عند الباب ، رزان تتجنب تطالع بوجه فيصل ،بعدها ما استحملت وقربت لاذن فيصل ؛
رزان: ب اطلع برى وبنتظركم !!
فيصل(قرب لاذنها وتعمد يلزق خده بخدها): بطلع وياج دقيقه !!
رزان اقشعر جسمها ،فيصل ابتسم ومسك ايدها وخذها برى الحمام، بعد ما طلعو شافو ميمي مع سلطان برى؛
رزان(عصبت و مشت عندها): احنا صار لنا ساعه ننطرج داخل في الحشره وانتي هني !!! قسم حسيت اني بموت داخل من الخنقه
ميمي : وييييي حبيبتي بسم الله عليج انا قلت لسلطوني بس هو سحبني وطلعنا
[عالفكره رزان بسرعه تختنق لان عندها ضيق تنفس ]
رزان(مكشره): خلاااص حصل خير انا برجع السكن !!
ميمي : بس ما يصلح تروحين لحالج اخاف يصير فيج شي !
فيصل : انا اوصلها بطريقي
ميمي : ايييه والي يعافيك تكفى ..
لبست رزان نظارتها الشمسيه ومشت ورى فيصل للسياره وطول الطريق العيون عليهم اشكالهم ملفته ومين يفوت فيصل وهي تمر بالممر ما انتبهو ان رزان تمشي وراه لانها مخليه مسافه بينها وبينه ، وبعد ما طلعو لبرى مشت رزان جنب فيصل ركبو السياره وراحو للسكن وطول الطريق ساكتين ،بعد فتره من الصمت ؛
رزان : وقفني عند البوابه الخلفيه اقرب لي
فيصل: انا بنزل وياج عالفكره
رزان(ما تدري شتقول) :............اوكييه
فيصل ابتسم ، وصلو وصعدو فوق ودخلو الغرفه
قعدت فيصل على سرير رزان (بس ما كانت تدري انه سريرها)، رزان فصخت جزمتها والجاكيت وطلعت لها بلوزه بيضاء وااااسعه وتوصل لنص الفخذ ،فيصل اكلت رزان بعيونها وين ما تروح عيونها تلاحقها ، دخلت رزان الحمام تروشت عالسريع بس ما غسلت شعرها وطلعت شافت فيصل منسدح على سريرها قربت صوبه قعدت عالسرير لقته ناييم وكان شكله بريئ ، عضت شفايفها ؛
رزان(تتكلم في مخها): اخخخخخ بس من قدها حبيبته لو كانت حبيبتي كنت خشيتها لي وما خليت احد يشوفها ، انا شقاعده اقول ، اففففففف زين ما انتبهو علي لمن مشيت وراها ولا صرت علك في حلوجهم ،بس احييييييييه عن يومها ما قد شفت بويييه زييها رزان مدت ايدها تلمس شفايفها بس مسكة نفسها وبعدت ايدهاا ، قامت عن السرير بسرعه وراحت صوب المرايه تمشط شعرها خلصت وجدلته وربطته ، راحت صوب السرير وقعدت على الطرف ؛
رزان(انحنت صوب فيصل وهمست): فيصل فصوووول قوم فصولي قوم شوي
فيصل مستغرب من الصوت فتح عينه شاف رزان وطرا على باله فكره ؛
فيصل : اففففف شتبين ؟!؟
رزان : ابيك تقووم عن سريري ب انام
فيصل دخل تحت اللحاف وزحف شوي ،
فيصل: تبين تنامين نامي جنبي ولا دوري لج مكان ثاني
رزان(عصبت):،افففففففففف
قامت وانسدحت على فراش ميمي تقلبت وتقلبت ما ارتاحت بس بالاخير استسلمت للنوم
نهاية البارت (5)
بصراحه رغم التاخير والتعب ما اعتبر نفسي حطيت لكم بارت حلو
كان ودي اضيف احداث كثيره بس ما امداني بس ان شاء الله اعوضكم بالبارتات الجايه
$توقعاتكم$
فيصل يحب رزان ؟! وهل ممكن رزان تحبه ؟
رزان بتقبل دعوة لمى ؟!؟!
تعتقدون شنو مشاعر مروان اتجاه رزان ؟!؟!
موضوع: ¥< لا بعدكم ما عرفتوني ، حتى لو شفتو ورى الجدران >¥ 
الأحد نوفمبر 18, 2012 4:49 am
