رواية : مالي غيرك في عز غربتي. [ tomboys & ladies ]

مشكوريين والله تسلمو على تشجيعكم Smile

ادري اني تأخرت بس انا كتبت نص بارت .. ان شاء الله بس يكمل انزلو

البارت الرابع ،،
-
-
-

العنود : ها خاله شلون كان العرض ؟
مها تبتسم و تأشر بإبهامها يعني تمام ..
العنود عرفتها على حلا وعرفت حلا عليها ..
حلا : كيفك يا خاله
مها تطالع فيها بنظرات كنها تهديد العنود استغربت منها اما حلا انحرجت وسكتت : بخير الحمد لله
يلا عنود امشي اليوم عازمتك على عشا برا بمناسبة الفوز ،،
العنود ما قالت شئ ومشيت وراها وهي ناويه تتفاهم معاها بس ترجع البيت ،،
اما حلا راحت مع الفريق والاستاذه كلهم رايحين يتعشون في مطعم .. حلا معاهم جسداً لكن عقلها وقلبها مو معاهم ابداً ،،

عند العنود ،، دخلو المطعم ،. وطللبو الكل وجالسين ياكلون ويسولفون
مها : عنود ابا اسألك
العنود تهز براسها بمعنى اسمعك
مها بجمود : ممكن أفهم اش قاعده تسوين مع ذي اللي اسمها حلا
العنود تسمرت يوم قالت اسمها وما عرفت اش ترد انبلع لسانها
مها : هاا قولي اسمعك
العنود بهدوء : مدري لا تسأليني الحين ،. بعدين اش سويت انا ؟
مها : متى اسألك ! لما توقعين ومحد يسمي عليك ؟ انتي بنفسك قلتي انك مستحيل مستحيل توقعين في الحب او حتى تجربينه ،. شفتك تري في الحفله كنت مراقبه حركاتك معاها
العنود ساااكته وتحس كلام خالتها فيه شئ من الصحه وشئ غلط : برضو مدري لكن .. << سكتت مره ثانيه
مها شكت ان العنود تحبها من جد فتحت عيونها وقربت وجهها من العنود : لكن ايشش ،؟
العنود لفت وجهها للجهه الثانيه وهي بنفسها ما تدري وش تقول ومهي متأكده من مشاعرها كيف تواجهه خالتها : انا مو متأكده من نفسي مقد اصرح لك بشئ حالياً .. وقامت من مكانها
راحت ركبت السياره تنتظر خالتها
مها حطت يدها على جبينها وبقلبها ،، مو معقول اللي يسير الله يحفظك يالعنود من كل شئ يضرك ،، شنو تحبها !؟ لا لا مستحيل اهي اصلأ قالت انها مو متأكده .. هزت راسها كنها تبي تطلع هالافكار من راسها دفعت الحساب .. وراحت ركبت السياره اول ما قفلت الباب انطلقت العنود بسرعه جنونيه ووجهها جامد كنها تحذرها تتكلم .. فجأه
...............

____
... : انا مقدر اسمع لك مره ثانيه انا راح اتصل ببنتي واتطمن عليها وان تبي تطلقني سوي اللي تبي بس هذي بنننتي من دمممي لي 6 شهور مدري عنها بأي قلب تبيني اعيش ؟ كل يوم اموت الف مره على حالها هي ميته ولا هي عايشه .. << كانت تصارخ ودموعها تتسابق على خدودها ومنهاره
....: شموخ حبيبتي هدي ،، خلاص مو انتي اللي تبريتي منها ! خلاص استحملي غلطتك ما عندي شئ ثاني اقوله وانا متبري منها تماماً
شموخ : يا ناصر اتتتقي الله هذي تظل بننتنا ،، انا قررت اني ماراح اسمع لك وراح ادق عليها من اليوم لين ترد واتواصل معها تبي تطلقني طلقني اللي مافيه خير على بنته مابيكون فيه خير لمرته .. << دخلت غرفتها وجلست تبكي وفتحت جوالها وجلست تطالع في مكالماتها التي لم يرد عليها .. ( حلو الصغيره ) 6 مكالمات فائته لليوم
... طبعاً هذي هي أم حلا ،،

الاسم : شموخ
العمر 45
الوزن : 65
الطول : 174
الشخصيه : هي ام حلا ،، إمرأه شخصيتها قويه وقلبها قااسي لدرجة انها قدرت تتبرا من بنتها << بعدين نعرف ليه ،. لكن مهما يكون لازم يكون فيها حنان وندمانه هي على اللي سوته وودها تصلح غلطها ،. جميييله جدداً ومحافظه على نفسها وشكلها ابداً ما كنها ام مخلفه ،
....

الاسم : ناصر
العمر 56
الوزن : 77
الطول : 176
الشخصيه : هو والد حلا ،. يحب شموخ وما يقدر يرفض لها طلب الا انها ترد بنتها مع انه يحب بنته لكنه ما يتراجع عن كلمه قالها ،. من يوم ما تبرا من حلا وهو يحاول يتناسا الموضوع ولا يبا يكلمها او يضعف لان في وجهة نظره ،، ان الرجال اللي يغير كلمته مهو رجال عن حق ..

...تجري ورا الدكاتره وهم يدفون السرير وتبكي : عنود حبيبتي تكفيين اصحي عنوووود ..
دخل الدكتور مع عنود لغرفة العمليات وكانت الضربه في راسها وكان ينزف دم .. مها ميته من الخوف ومي داريه اش راح تسوي .. سارت تمشي في الممرات رايحه راده وتدعي ربها انها تقوم بالسلامه
خرج الدكتور من غرفة العمليات ،،

في المطعم مع الفرقه ،،
خلاص دوبهم خلصو اكل وبيقومون كان الكل يضحك ويسولف الا حلا ما كانت معاهم ،. كانت حاسه بخوف ما تدري ليه .. تعوذت من ابليس وقامت من مكانها .. أخذت لها تاكسي وراحت على بيتها ووجهها جامد .. ما تدري ليش هي متوتره ،،

طبعاً الكلام هنا بالانجليزي بس ما فيا حيل اكتب انجليزي واترجم بكتبو عربي << كسل
مها ورجولها يالله ياالله شايلتها : ها دكتور طمني
الدكتور ياخذ نفس : الحمد لله هي الضربه جات في راسها صح .. بس مهي خطيره ما اثرت عليها كثير لكنها احتاجت 4 غرز .. عندها كدمات متفرقه في وججها واصبعها الخنصر انكسر بس وان شاء الله راح تكون بخير .. الحين هي تحت تأثير البنج. يمكن حق ساعه وتصحى ،،

مها كنها ارتاحت شوي : الحمد لله يارب ،، طيب متى حتخرج ؟
الدكتور : بكرا انشاءالله نشوف حالتها واحتمال نخرجها..

،مها وهي تكلم الدكتور ، شافتهم وهم يخرجونها من السرير رايحين للغرفه اللي حينومونها فيها
راحت معهم وسارت تمشي جمبهم وهي ضامه يد العنود .. الين دخلو الغرفه ،،

يرن جوالها ... مره مرتين .. وهي للحين تطالع في الرقم ومهي مستوعبه ان امها تدق عليها .. ترجع تتأكد من الاسم .. وترجع تطالع في الاتصال وهي مستغربه .. خطر في بالها انها بتقول لها لعد تتصل عليها او تسمعها كلام يسم البدن .. ما خطر في بالها ان امها مشتاقه لها وتبي تسمع صوتها على الاقل.. .. قررت انها ما ترد على الاتصال ..
حلا : يكفيني ان باقي عندي ذكريات حلوه معاك .. مابي اسمع شئ يدمرها الحين. ،، تنهدت ونزلت دموعها تلقائي.. ياربي شفيني ليش خايفه .. ماسار شئ خلاص .. اهدي يا حلا خلاص << كانت تحاول تقنع نفسها ان مافي شئ مضايقها وانها سوت الصح في انها ما ردت على اتصالات امها ،.
قامت بتكاسل واخذت شور ،، ورجعت انسدحت على بطنها .. غفت من غير لا تحس على نفسها ،.

شموخ تبكي بحرقه وقلبها مو متطمن : اااه ياربي ،، وتطالع في اسم حلو ع الجوال .. الله يخليك حبيبتي ردي علي ،،
شرف : يممه خلاص لا تبكين ان شاءالله بترد بكرا .. كل يوم دقي عليها ان شاء الله ترد..
شموخ منهاره : شلوون ما ابكي شللووووون ؟ ! ،، يارب طلبتك ،، بس ابيها تكون بخير ياربي خل قلبي ينحرق استاهل اللي يجني بس لاتوجع قلبها واحميها يااارب ،،
شرف تمسح عل ظهر امها وتهديها وهي عندها امل انها بخير وراح ترد على اتصالاتهم قريب..

،،،
الإسم : شرف << هي اخت حلا
العمر :30
الوزن : 63
الطول : 171
العمل : تشتغل في شركة اتصالات ،،
الشخصيه : صارمه وعنيده ،، ما تنزل دمعتها الا في المصيبه الحقيقيه .. كلمتها مسموعه في البيت بما انو هي الاخت الكبيره ،، << اخوانها الباقين نتعرف عليهم بعدين ،، شرف ،، تحب حلاا حييل ويمكن هي اكثر وحده من بعد امها مفتقدتها ..

في الصباح ،، قامت من النوم
غسلت وججها وشربت القهوه ،، وراحت للجامعه ..
حلا جات بتفك باب السياره .. تحس يدها بالقوه تمسك يد الباب ..قطبت حواجبها بإستغراب اخذت نفس وفكت الباب بقوه .. ركب السياره وراحت للجامعه

اليوم جميع طلاب الجامعه بيحتفلون في فرقة الجامعه بمناسبة فوزهم .. يعني راح تكون الجامعه أنواع الحماااس .. دخلت وتشوف الكل مقبلين عليها ويحضنونها ويباركون لها .. كانت تجاملهم وتحاول تضحك معاهم ،، محد انتبه انها مو على بعضها الا غلا ..
غلا تحضنها وتضحك معاها : مبرررروك والله تستاهلون كان أدائكم الافضل
حلا تبتسم : الله يبارك فيكي .. الحمد لله
غلا سحبت حلا من الزحمه وقعدت تمشي معاها
حلا : مشكوره خرجتيني من الزحمه
غلا : ههههه. باين انك تغصبين نفسك ع الابتسامه حتى ..يلا تعالي اشتريلك قهوه بس مو تسرحين وتنسيني ..
حلا تضحك : لا والله دوبي قبل لا اجي شربت قهوه وذحين عندي محاظره ما ابا اتأخر لما اخلص اذا لقيتك اشرب معاكي القهوه ..
غلا : اوكي حبيبتي يلا موفقه ..

حلا دخلت القاعة .. عيونها كانت تدور لشخص .. ما لقيته.. استغربت ..
تلقائياً اخذت جوالها .. وإتصلت على( العنود ) محد رد .. مره ومرتين .. برضو محد رد
حلا في نفسها .. ياربي اش ذا الحظ من امس .. ان شاء الله خير
دخلت الاستاذه وادتهم المحاظره

كانت العنود نايمه .. ومها برضو نايمه في نفس الغرفه اللي تنومت فيها العنود ..
صحيت مها قبلها .. راحت جهت سرير العنود مسحت على راسها وباستو ،،
راحت غسلت وججها ،، ورجعت جلست .. اخ انكسر ظهري وانا نايمه ع الكرسي ..
كانت حتصحي العنود بس .. شافت الساعه في جوال العنود .. الساعه 10 .. لسا بدري خليها كمان ساعه وارجع اصحيها ،. بس انتبهت انو في 3 مكالمات فائته ..
شافت من مين .. كان الاسم ( my 7llo ) على طول افتكرت حلا اللي في الحفله .. بس ليه مسميتها ماي حلو ؟ انا ما اشوف انو في تفسير ثاني لحركاتها معاها ،،
اخذت نفس واتصلت عليها ..

حلا دوبها خارجه من المحاظره ودق جوالها شافت المتصل .. ( العنود ) ردت من غير تردد
حلا : الو
مها : اهلا.. السلام عليكم
حلا استغربت مو صوت العنود : وعليكم السلام .. ممم مين معايا ؟
مها : انا خالة العنود مها مسرع نسيتيني
حلا افتكرت لما سلمت عليها : اوه اهلين .. لا ما نسيتك والله بس ما خطر في بالي انتي المتصل
مها : ههههه يلا معليش سماح هالمره .. بس يا حلوه لقيت اتصالات منك على جوال العنود .. تبغينها في شئ ضروري عشان اقولها ؟
حلا .. اش جاب جوال العنود عندها كيف شافت اتصالاتي ؟ : ءءا .. لا بس عشان هي ما داومت اليوم قلت اتطمن عليها .. ان شاء الله انها بخير
مها اخذت نفس : مدري اش اقولك والله بس العنود في المستشفى ،،
حلا كانت تمشي وقفت تحس وججها و اطرافها تجمدت مهي قادره تحرك اصباع .. بصعوبه : لـ.. يـ.ش ؟
مها تتنهد : تقدرين تجين في المستشفى ؟ واقولك اش صار ،،
حلا وقلبها مو مرتاح.. اصلا من امس وقلبي مو مرتاح : ايه بس قوليلي اسم المستشفى واجي ..
مها : مستشفى الـ.... تعالي الدور الثاني تلاقيني انتظرك في الممر

وصلت حلا المستشفى ..
واول ما طلعت من المصعد في الدور الثاني كانت مها تستناها قدام الباب ..
مها كان وجهها تعبان كان باين في وجهها التعب ..
حلا حطت يدها على كتفها : سلامتها ما تشوف شر .. بس اش صار لها ،؟
مها بحزن : الله يسلمك ،، صارلنا حادث ،. محد تضرر غيرها حتى السياره ما تضررت اكثر منها
حلا قلب وججها : كيف يعني حالتها خطيره
مها بسرعه : لا لا الحمد لله صحيح انها مو مره بخير الحين بس مهي في منطقة الخطر ،. << وقالت لها في ايش تأذت العنود بالضبط
حلا : اللحمد لله بس انها مو في خطر .، طيب اقدر اشوفها ؟
مها اظنها نايمه الحين .. بس تقدرين تخشين بهدوء ..
حلا : اوكي شكراً يا خاله ..

وراحت عندها في الغرفه .. فتحت الباب بشويش .، كانت العنود جالسه في السرير بس مهي نايمه .. و ما انتبهت انو في احد دخل الغرفه
قربت حلا من السرير : كح .. سلاماتك عنود ما تشوفين شر ،.
العنود التفتت بسرعه وهي متفاجئه : ءء اللله يسلمك .،
حلا وقلبها يدق بسرعه ما تدري ليه ،. قربت منها وجلست جنبها كان في مكان فاضي في السرير : هذا عقاب عشان تسوقين المره الجايه بتأني ..
العنود بضحكه : الشيطان شاطر ولا انا اصلا دايما متأنيه
حلا تضحك : ما عليك خلاص صار اللي صار ..
العنود : مين قالك اني هنا
حلا : ما شفتك مداومه اليوم استغربت واتصلت على جوالك وردت خالتك ،. الا صح متى قالولك تخرجين ؟؟
العنود : اها.، خالتي تقول احتمال اليوم اخرج ،. بس بالضبط متى مدري
حلا : ان شاء الله تخرجين اليوم وتداومين في الجامعه بكرا وما عليك خلاف
العنود : ههههه ان شاء الله
  دخلت مها .. التفتو عليها : ها كيفك عنود للحين ،.
العنود : بخير الحمد لله احسن
حلا : الحمد لله .. انا حخرج ذحين اهم شئ اتطمنت عليكي ،.
العنود وهي ودها انها تقعد معاها اكثر : اوكي الله معاكي ومشكوره ع زيارتك ما تقصرين ،.
حلا اكتفت بإبتسامه
مها : خليني اوصلك لين سيارتك .،

مها وهي تمشي مع حلا : حلا
حا التفتت عليها : هلا !
مها بتردد : ممم ابي اسألك ،. بس ما ابيك تفهميني غلط
حلا بإهتمام : قولي
مها : انتي بينك وبين العنود شئ ؟
حلا تسمرت مكانها ،، اش خلاها تسأل هالسؤال ،، اش راح اقولها اللحين .. انا نفسي ما اعرف هيا اش تعنيلي
مها تخبطها على كتفها ،، حلا انتبهت لنفسها : مم ليش يعني تسألين
مها : فضول يعني ،.
حلا تتدراك الموضوع و من ورا قلبها : العنود صديقه جديده تعرفت عليها هالسنه .. حييل طيبه وتعاملها حلو مع الكل ..
مها ما استغربت من جوابها كانت متوقعته : اهاا .، الله يديم هالصداقه بينكم ..،
، وصلتها مها لعند سيارتها ورجعت للعنود ،.

حلا ماكان عندها محاظرات ولا شئ وطفشانه ،. فأتصلت على وحده من صاحباتها عشان تجي معها ويتغدون في مطعم ،.

في المطعم ،.
ورد : ما اصدق حلا تعزمني في مطعم
حلا تضحك : وليه ما تصدقين
ورد : لان معد سرنا نشوفك كثير وزمان عنك يعني الشهر اللي فات اخر مره كلمتك فيها
حلا : ولا يهمك كل يوم بجلس معاك لين تملين مني
ورد : افا عليك انا ما امل منك ،.
،، جا الاكل وجلسو ياكلون ويسولفون ..،

....
الإسم : ورد
الجنسيه : سعوديه - الرياض
العمر: 23
الوزن : 66
الطول : 172
الشخصيه : ورد بنت على نياتها وحبوبه ،، مالها شعبيه كبيره في الجامعه بس الكل يعرف انها من الناس المقربين لحلا .. جمالها متوسط ،، شعرها بني فاتح ،، وحنطيه احلى ما فيها عيونها ، متزوجه وتدرس هنا مع زوجها اللي يكمل ماجستير،.

العنود بعد ما شاف الدكتور حالتها مهي خطيره كتب لها خروج ،. وخرجت الساعه 7 في الليل
. ونامت هي وخالتها في فلتهم ،. على اساس انها راح تداوم بكرا

في شقة حلا ،. دخلت غرفتها ورمت نفسها ع السرير ونامت علىى طووول حتى من غير ما تتغطى ،.
والجوال يدق ويدق ويدق ( mam ) لكنها كانت نايمه وما ترد ،.

شموخ ترمي جوالها جنبها وتحط راسها ع المخده : سامحيني حلا .. واللي يحفظك لي سامحيني .. وماراح اسيبك مره ثانيه هذا وعد .. ونامت ،.

يوم جديد في الصباح ،. قامت حلا من النوم غسلت وجهها ولبست . بنطلون بنطلون جملي ضيق وبلوزه بيضا اكمام طويله وسااده ومن جهة الرقبه في ربطة فيونكه كبيره ،.
وهي تشرب القهوه السودا فتحت جوالها .. مهي مصدقه اللي تشوفه ،. 4 اتصالات من امها ،، هالشئ فرحها وخوفها في نفس الوقت خافت ان تكون امها تهددها معد تتصل فيها او تهدددها انهم راح يرجعونها .. واستبعدت موضوع ان امها ممكن تكون سامحتها او اشتاقت لها ،. .، تجاهلت مكالمات امها واتصلت برقم العنود ،.

العنود كمان صحيت من النوم ولبست برمودا ابيض ضيق ،. وبلوزه بيج علاقي وطوييله ،.
شافت اتصال من حلا ،، المعت عيونها وابتسمت ..
حلا : الو السلام عليكم
العنود : اهلين وعليكم السلام
حلا وقلبها ينبض بسرعه : ها كيفك اليوم بتداومين ولا لسا في المستشى !
العنود : لا لا بداوم وجهزت بس استنى خالتي تصحى عشان توصلني للجامعه قدها حالفه اني ما اسوق لين اتعافى تماماً..
حلا تضحك : هذا القرار الصح .. انا في الطريق للجامعه امر اخذك ؟
العنود : اوكي يلا
،. وارسلت لها عنوان بيتهم .. وجات اخذتها

في الجامعه .. خشت حلا وجنبها العنود ،.
البنات انصدمو من شكل العنود وكيف وججهها كدمات وعلى راسها شاش .. راحو لها يسلمون عليها ويسألونها اش فيها ..
غلا شافت العنود من بعيد وشافت جنبها حلا .. وحولهم بنات كثير ،. استغربت ،. وش عندها جايه مع العنود ،. وراحت جهتهم .،

راح اوقف هنا ،.
تتوقعون حلا راح تتشجع وترد على اتصالات امها ،. ؟
العنود وحلا قربو يكتشفون مشاعرهم تجاه بعض ولا لسا بدري ؟
مها راح تكون ضدهم او راح تكون معاهم ؟

Hope u like it Wink

Lina

كح .. سلام عليككم Smile

كيفكم اخباركم ؟
المهم حبابيبي ،. طبعاً انا محى اوقف الروايه ابداً Smile

بس بما انو هنا مافي حمااس اعتقد اني حكملها في المنتدى الجديد .. اظن الاغلب هنا مسجلين فيه ،. ما ادري رغم انو المسجلين فيه اقل من هنا بكثير بس يعني يردون احس انهم متابعين الروايه ،. بس برضو هنا يعني اشوف المشاهدات كثيره Smile

بس هذا ما لدي Very Happy

مايصير قلبو احنى في انتظارك هنا Sad

رواايتككك تجنننن حلوو ه مرره متي تننزلي باارات لاتطولي علينا bounce

كملي

لاااااااع لا تروحي منتدى ثــــاني

كمــــــلي هنـــا لو سمحتي

تحـــياتي ...

انا حكملها في كل الحالات محى اوقفها ..، بس انا حنزل بارتين كمان هنا اذا الوضع زي ما هوا ما شفت لا حماس ولا شئ حكملها هناك ،، مع اني اعرف انو كثير يتابعوها هنا وجوني ع الخاص كمان ،. بس انا افضل وجودهم في الصفحه هنا ،.

اوكي مايصير الى الي في خاطرك واحنى في انتظارك study

xxxror كتب:: اوكي مايصير الى الي في خاطرك واحنى في انتظارك

Thax .. I would

معليش ادري اتأخرت وما نزلت بارت بس ظروف ،. ان شاء الله اليوم او بكرا متى ما اقدر :/

» مالي غيرك عشيق ( بويـآآت )
» رواية بويات ( اسألني لوعشقت غيرك )
» رواية بويات ( اسألني لو حبيت غيرك )
» رواية بويات (اسألني لو حبيت غيرك)
» رواية بويات ( اسألني لو حبيت غيرك )