روايه صدفه حياتي

#البارت السادس والعشرون#
-----------------------------------
ام مشعل وام ايات ودلال وصلوا سوق شرق..!!
ام مشعل:شهالعالم وله جنه دوامات مايدوخون هالناس
ام ايات: اي تعرفين بعد عيد الاضحى مابقاله شيء
ام مشعل: اي صح عاد ذكرتيني ودي اروح اعتمر
ام ايات: لا خليها بعد الحج اروح أنا وياج
ام مشعل: اي خوش عيل واشوف مشعل ادا بيروح
ام ايات: اي زين اقولج شرايج ندخل هالمحل ملابسه حلوه
ام مشعل: اي يله دلول وينهي

دلال كلش مالها خلق وبالياله تتسحب عشان تمشي..!!
ام مشعل: شفيج تمشين بالقطاره خلصي تحركي
دلال: زين يمه لاتقعدين اصارخين ترى احنه بمجمع

ام عهد: ها يمه حصلتي شيء تبينه
عهد: الله يمه بو100 فلس اموت عليه
ام عهد: اي يمه اشتري الي يشترون مو احسن منج
عهد: عاد يمه احلى مافيه دفتر التلاوين والالوان احس لمه الون اكون بعالم ثاني
ام عهد: اي عيل اشتري
عهد: اي وباخذ لي دفتر واقلام
ام عهد: لو سمحت شوف بنتي شنو تبي وقولي الحساب جم
راعي المحل: ان شاء لله مدام ها اختري الي تبين
عهد: اي خلصت
راعي المحل: الحساب 950 فلس
ام عهد: وياي عاد سوق المباركيه الواحد إذا دخله مايطلع منه
عهد: اي يمه بس كله خضره وريحه سمج ولحم
ام عهد: اي يمه هاذي عادات كويت قبل واحلى مافي الديره هالسمج وهاللحم والدياي

ابو بندر: شوف عاد راح نشتري جبن وزيتون وخضره عاد شوف أنا بروح حق راعي السمج حدي مشتهي صبور
بندر: يبه اشتر كل الي بخاطرك افا عليك امش اوديك عند راعي السمج.. السلام عليكم جم كيلو الصبور عندك
راعي السمج:2 ونص حجي
بندر: مو جنه غالي
راعي السمج: لا وين حجي هذاسعر السوق وممكن لو يتفتر ممكن حصل اغلى
بندر: اوك عيل عطنه كيلو صبور ونظفه عدل
راعي السمج: ان شاءلله عمي

-------------------------------------------------

زهور وصلت عند شهد..!!
زهور: نزلي أنا تحت
شهد:يله كاني.. يمه أنا طالعه
ام شهد: ها منو مرج
شهد: زهور يمه
ام شهد: اوك ديري بالج
شهد: ان شاءلله
زهور: سنه على ماتين
شهد: شسوي امي كلمتني
زهور: ها شفيج شنو صايرلج
شهد: اقول بطلي اي سي دي عندج ابي اغاني
زهور: اووه اليوم مكيفه عدل
شهد: اي بس بنفس الوقت مومرتاحه
زهور: ليش شفيج
شهد: بعد شفيني اكو غير بدر
زهور: ليش اصاير بعد
شهد: ماكو قلت له أنا وياك كل واحد بطريج وقالي أنا احبج وما اقدر بدونج ووعد اتغير ومن هالحجي وخلاني بالخط وقلت له كل شوي راح اطمن عليك بس ما ادري قلبي ناقزني
زهور: ليش تحسني ان فيج شيء راح يصير
شهد: ما ادري الله يستر


ابو شوق وصل حق محل للتدريب السياقه..!!
ابو شوق: السلام عليكم
ابوفتحي: وعليكم السلام تفضل؟
ابوشوق:اول شيء شلون المدربين عندكم
ابوفتحي:الحمدلله لاتوصي حريص واحنه راح نكسبك زبون عندنه اي شيء تبيه احنه بالشوفه اول شيء شنو تشرب
ابوشوق:شاي إذا ممكن
ابوفتحي: بابو عطنه شاي واحد
بابو: ان شاءلله
ابوفتحي: انزين تبي مدرب وله مدربه
ابو شوق: لا مدربه احسن
ابوفتحي: شوف عندنه وحده مصريه ووحده فلسطينيه
ابوشوق: لا مصريه عطنه
ابوفتحي: اوك ماشي جم يوم تبي
ابوشوق: تقريبا اسبوع كافي وياليت تكون ساعتين بعد صلاه العصر
ابوفتحي: ماشي شوي بس.. السلام ازيك ام عصام كيف الاحوال اقول في واحد طالبك انتي فاضيه
ام عصام: الحمدلله أنا تمام ايوه أنا فاضيه باي وقت
ابوفتحي:طيب بكره بعد العصر ينفع
ام عصام: ايوه. مافيش مشكله بس كم ساعه
ابوفتحي: ساعتين
ام عصام: على بركه الله بس انت ابتعلي العنوان وبكره هكون عندهم
ابوفتحي: ماشي ام عصام يعطيك العافيه.. خلاص انت عطني العنوان وان شاءلله بكبره العصر هتكون عندك
ابوشوق: ماشي قواك الله وهذا عنوانه وهذا رقمي اي شيء يصير بلغني وشاكرلك
ابوفتحي: ولو ماسوينه شيء

-------------------------------------------------

ايــــات قاعده تتقلب مايالها النوم..!!
وقامت يابت دفترها وقلمها..!!

#ساعات في اشياء بداخلج ودج انج اطلعينها بس موقادره وفي اشياء ودج انها تصير بس مو قادره تحصلينها وساعات يكون تفكيرج متخربط وموعارفه شنو اسوين ومحتاره الف فكره وفكره ابالج وقعدتي تفكرين والف سؤال يخطر ابالج! ليش الناس يعاملوني جذي! ليش كل ماكلمت شخص يخوني! وله يجرحني! وله يجذب علي!ليش كل هذا يصير! جد تعبت وموعارفه شنو اسوي،ساعات اقول يمكن خيره، وساعات اقول الي كاتبه الله لي بيصير، وساعات هم اقول يمكن كانوا لي شر والله بعدهم عني،وهم كنت افكر وافكر واقول وينه هالشخص الي ممكن يضحي عشاني وينه الي يتحملني بكل حالاتي وينه الي يكون لي سند بكل شي، ويعصب علي ويغار علي ويتحكم فيني ويقولي لا اسوين وله تحطين هذا ما احبه، ويهتم فيج دايم، كليتي شربتي، شنو اسوين، تفكرين بشنو وانا معاج، مضايقه، ناقصج شي، ليش تبجين دموعج غاليه، وكنتي تفكرين وتفكرين ان ممكن الاقي هالشخص الي ممكن ان يعوضني عن الدنيا ومافيها، ااخ ياقلبي، تكفى ريح بالي،وقولي راح الاقي هالشخص الي ممكن يريحني طول حياتي!!#

-------------------------------------------------

صـــكرت دفترها ونفس الحال مبارك ماقدر ينام ودخل على ايات بي بي ام..!!
MA?:PING!!!
PING!!!
PING!!
YoOoni?:بسم الله خرعتني بالبنقات
MA?:اي عبالي نايمه
YoOoni?:اي كنت نايمه بس ماقدرت
MA?:ليش فيج شيء
YoOoni?:لا بس كنت افكر وكتبت لي خاطره وتوني صكرت الدفتر
MA?:اووه حركات اي عاد اصدقين حتى أنا ماقدرت انام
YoOoni?:وله انا
MA?:اي شفتي قلبونه عند بعض
YoOoni?:اها
MA?:شفيج قلت شيء غلط
YoOoni?:لا ماقلت
MA?:عيل ليش احسج كلمتيني بنفسيه
YoOoni?:لا شكو عادي بس كنت اذكر الي كنت اكلمها وخلاص
MA?:انتي من صجج يبه عيشي حياتج بفله ترى الحياه نعيشها مره وحده لو نقعد نبجي ونضايق ماراح نخلص
YoOoni?:يمه ماعرفتج وانتي تنصحين
MA?:جب شنو قالولج اعرف كل شيء لا تحاتين
YoOoni?:يمه ينخاف منج
MA?:اي اعجبج يله قومي الحين اكلي شيء ادري انج موماكله صح
YoOoni?:يمه يمه قلت ان انت يني اعوذ بالله اي ماكليت
MA?:اي شفتي حسيت يله قومي غسلي ويهج وقومي اكلي
YoOoni?:زين زين خلاص الحين اشوف امي شنو حاطله لي احميه واكل
MA?:عفيه على الشطوره بس تخلصين كلميني
YoOoni?:اوك

-------------------------------------------------

ابـــــرار وصلت المعهد..!!
بدر انصدم..!!
بدر: ابرار شعندج هنيه
ابرار: شعندي ها محاضرتك متى تبدي
بدر: ابرار احنه بمعهد فشله لا تقعدين اصرخين
ابرار: سؤال وجاوبني ومتى محاضرتك تبدي؟ بدر: كا 5 دقايق بس
ابرار: اوك أنا قاعده اهنيه انطر
بدر: تنطرين شنو اسوين
ابرار: انطر ماوراي شيء عندك اعتراض
بدر: لا ماعندي
ريتاج:حصه الكلاس بده يله
بدر: يله اوك الحين اييلج.. يله أنا بمشي
ابرار: وين وين تلفونك معاي
بدر: من صجج ابرار وله تتغشمرين
ابرار: بدر لا تنرفزني وبروحي معصبه عطني تلفونك لا الم الناس عليك
بدر: خلاص زين هدي هاج هذا التلفون يله أنا بدخل محاضرتي بس اخلص اييلج

بــــدر يتحلطم (الله يستر بس لا ادق شهد وله اطرش شيء)..!!

ام مشعل وام ايات افتروا السوق لين اتعبوا..!!
ام ايات: اقول ام مشعل خلينه نقعد بهالكافيه باكل اي شيء احس ريجي نشف
ام مشعل: موكثري والله
ام ايات: اقول خل يعطونه المنيو
ام مشعل: شحقه منيو خو ماعندهم شيء هذا كافيه مومطعم
ام ايات: سؤال شحارج كلها منيو..
Excuse me,give me menu ples,
الجرسون:ok madam wait
ام مشعل: يعني لازم منو وله مثقه وماتعرف شيء بالانجليزي فشلتينه
ام ايات: اوك
Give me 1 croissant and milk and tea and 3 water
الجرسون: ok
ام ايات: quickly please
ام مشعل: شهالثقافه ماعرفتج
ام ايات: اي شعبالج أنا اتكيت
ام مشعل: عفوا منو الاتكيت إذا انتي اتكيت أنا شنو ام الخلاجين
ام ايات: ليش شفيها ام الخلاجين عادي باجر اروح الصالون واسوي عمليه تجميل
ام مشعل: هههه وربي انتي اضحكين عمليات تجميل بالصالون وله عيادات حسستيني بصكين على هيفاء وهبي وله مريام فارس
ام ايات: ليش ان شاء لله الي صاروا احسن مني اروح اتفخ واشفط الكرش واصك عليهم
ام مشعل: اقول لحد يسمعج بس فشلتينه حتى انجليزي ماتعرفين
ام ايات: دلال شوفي امج من اليوم اطفرني دلال: يمه شفيج ترى بمجمع احنه بس نركب السياره تفاهموا

-------------------------------------------------
هذا الجزء السادس والعشرون
-------------------------------------------------

#السابع والعشرون#
-------------------------
مشعـــل كان طول الوقت يخز امل..!!
حمود: اقول امول ترى هذا لوع جبدي بقوم اتهاوش وياه
امل: اسكت لا تفضحنه مالنه خلق سوالف
حمود: شنو مالنه خلق سوالف امول من اليوم قاعد يطالع فيج ويخز وغمزات شنو هذا مايستحي
امل: انت هد وطول بالك
حمود: ماشي
مشعل:شدعوة يعني عطينه ويه ماطلبنه شيء ترى
امل:لو سمحت إذا ماسكت بناديلك مدير المطعم
مشعل: عاد مدير المطعم عاد أنا عناد ماراح اطلع من اهنيه الا وماخذ رقمج
امل: غصب اهو مابي اخذه تدري شلون اتصل على المخفر عشان يعرفون يتصرفون وياك
مشعل: لا دام فيها مخفر خلاص يبه اسفين يله ناصر خلنه ندفع الحساب ونمشي
امل: وع قطيعه شهالاشكال العقد
حمود: ماعليج منه خليه يولي بس ناس فاضيه اي اقولج أنا وهند ردينه والحمدلله
امل: اي زين يعني مرتاح وياها
حمود: اي الحمدلله
امل: اي زين

ابـــوشوق رجع البيت..!!
ام شوق: ها شنو سويت
ابو شوق: ماكو رحت وقالي باجر تكون المدربه بعد العصر موجوده الا اهي وينهي
ام شوق: بغرفتها اكيد
ابوشوق: الحين اصعد لها

شــــوق كانت اسولف ويه سلوم..!!
سلوم: اصدقين عاد السوالف وياج ماتنمل
شوق: وله انتي

ابو شوق طق الباب..!!
شوق: ويت ويت مريوم تفضل
ابوشوق: هايبه قاعده
شوق: اي يبه قاعده
ابوشوق: زين شوفي ترى باجر المدربه بتمرج بعد العصر
شوق: صج يبه
ابوشوق: اي صج وبس تخلصين تدربين وتنجحين اشتريلج السياره الي تبينها
شوق: ماتقصر يبه الله يخليك لي يارب
ابوشوق: امين يارب ها ماراح تنزلين تقعدين تحت ويانه
شوق: بله يبه شوي وانزل
ابوشوق: عيل انطرج تحت
شوق: ها حبي
سلوم: ها حياتي
شوق: اي كملي
سلوم: اي وبس


-------------------------------------------------

نــــوره كانت تفكر بسلوم واصلا سلوم مادرى عن هوى دارها..!!
فجأه عزوز الي كان يكلمها قبل دق عليها..!!
ونوره تتحلطم(احنه ماراح نخلص مع هالعزوز)..!!
نوره: سؤال انت ماكو كرامه
عزوز: نوره سمعيني
نوره: ما ابي اسمع اي شيء خلاص لوعت جبدي فارج عني خل اشوف حياتي
عزوز:ماراح اخليج وقتلج أنا ابيج يعني ابيج
نوره: روح حق الي كلمتها وخنتني عشانها
عزوز: اهي راحت خلاص
نوره: عقب شنو وقلت مافي الا نوره ارجع لها مو
عزوز: شكو فهميني أنا رجعت لاني ما اقدر اكلم هذيج أنا قلبي وياج
نوره: وانا ما ابيك موغصب
عزوز: مو انتي قلتي اخر مره اسويلج فعل
راح اسويلج فعل
نوره: يصير خير يله أنا بصكر يله باي

وصكرتـــه نوره من عزوز وكلش واصله حدها..!!

ايــــات راحت شافت شيء تاكله وقعدت بالصاله اشوف تلفزيون..!!

رنـــا حيل مستانسه ابيت ابوها...!!
احمد يكلم ام رنا ويبي يونسها..!!
احمد: خلاص عاد لي متى جذي قومي بسج
ام رنا: وين اقوم بس انت شايف شنو صار
احمد: ادري ياحياتي ماعليه كل شيء راح ينحل شرايج تقومين تبدلين الحين ونروح المطعم
ام رنا: صج
احمد: اي صج يله قومي بدلي
ام رنا: يله ثواني واخلص
سلوم:انزين اقول شوق
شوق: قولي
سلوم: فكرتي بالموضوع
شوق: ممم مريوم شوفي انتي تدرين اني نورمل وصعب اتأقلم مع بويه خلينه نتعرف على بعض وان شاء لله خير
سلوم: اوك وانا بكون وياج لو شنو ماصار.. ويت شوق جنه اسمع صوت تلفزيون ويت دقيقه
احمد: هلا بمريوم تعالي حياج
سلوم: لا سلامتك
احمد: انزين ترى أنا وامج راح نطلع تبين تطلعين ويانه
سلوم: وين بتروحون
احمد: بنروح فرايديز
سلوم: افكر واقولك
احمد: اوك مو اطولين
شوق: مريوم شفيج
سلوم: ريل امي يقولي بيتعشون بره ودي اروح وياهم واخرب عليهم
شوق: ههههه ياحليلج والله خلاص روحي خربي عليهم وانا بروح انزل تحت عند اهلي
سلوم: اوك ماشي ديري بالج وكلميني بي بي ام
شوق: اوك


-------------------------------------------------

سلوم: أنا راح ايي وياكم
احمد: اوك عيل بدلي
سلوم: اوك

هنــــد اقعدت من نومها وشافت حمود قايلها ان بيطلع..!!
ودقت عليه..!!
هند:هلاحبيبي وينك
حمود: شنو توج قاعده
هند: اي توني
حمود: أنا بالقهوة ويه امل
هند: اوك أنا بقوم اغسل وانزل تحت
حمود: اوك أنا بس ارد اكلمج
هند: اوك
امل: منو هند الي داقه
حمود: اي فديتها
امل: الله يخليكم لبعض
حمود: امين يله متى تبينه نقوم
امل: كيفج
حمود: لا خلينه شوي
امل: اوك بس نص ساعه عشان ما ابي اتاخر عن البيت
حمود: اوك

ام عهـــد خلصت شغل بالمباركيه وركبوا السياره..!!
ام عهد: ها ان شاء لله استانستي
عهد: الحمدلله
ام عهد: اي شيء تبين بس قوليلي
عهد: ان شاء لله يمه

مشعل يتحلطم..!!
ناصر: شفت كنت تبي اسويلنه مشاكل
مشعل: ياعمي تولي شايفه نفسها
ناصر: الحين شايفه نفسها
مشعل: اقول شرايك نروح عند فيصل
نشرب لنه شوي
ناصر: يله فوقه
مشعل: احسن من الفراره ويت ادق عليه.. هلا بوخلي شلونك ها وينك
فيصل: تمام انت الي وينك من عقب الحفله ما شفتك
مشعل: موجود اقولك عندك شيء نشربه
فيصل: افا عليك بس انت تعال وما اقصر وياك
مشعل: بعدي محد فاهم مزاجي غيرك
فيصل: حبيب قلبي
مشعل: ها فيصل وكلمناه والحين رايحين له

شـــوق نزلت تحت واهي مستانسه اول مره ترتاح وتسولف فون جذي..!!
ابوشوق: هلا يمه تعالي قعدي يم ابوج
شوق: ان شاءلله
ابوشوق: وين الجاي ماصارت
ام شوق: ان شاءلله كاني
ابوشوق: اي هذا الجاي السنع
ام شوق: اي طبعا غير جاي ام شوق ماتحصل

شـــوق كانت سرحانه وكانت ماسكه فونها كل شوي اشوف سلوم دخل عليها او لأ..!!

بنـــدر وابوه خلصوا من سوق المباركيه..!!
بندر: ها يبه ارتحت الحين
ابو بندر: اي والله حيل ارتحت
بندر: ان شاء لله دوم يبه يله خنه نحط الاغراض ونركب السياره

واول ماركب بندر شغل السي دي وله اغنيه رد الزياره

رد الزيارة علينا يا حلو الأطباع
ما عدت أقوى فراقك أكثر من إسبوع
رد الزيارة
من يوم وادعت زولك و القلب ملتاع
للحب سلطان أمره مقضي ومسموع
لا يشغلك قول واشي .. القول خدّاع
ما في دروب المحبة حاجز وممنوع
رد الزيارة
مد الخطاوي وعاود يا خلّي إبساع
في خافقي صار حبّـك يالزّين مطبوع
الحب بيني وبينك مكشوف القناع
يعطي البراهين ما بين آهات و دموع
رد الزّيارة

ابوبندر: اخ على هالاغاني اسمع بس مو الاغاني الي الحين مالها طعم وله لون
بندر: انشهد يايبه


-------------------------------------------------

ام مشعل وام ايات ودلال خلصوا من السوق..!!
ام مشعل: اف ريولي تكسرت من المشي
ام ايات: موكثري احس نفسي ان ريولي صج راح تتقطع
ام مشعل: يعني أنا ريولي تعورني انتي لازم ريلج تعورج
ام ايات: اي المشاركه حلوه
دلال: انتوا شفيكم من اليوم تضغطون ابعض يمه رديني البيت ترى حدي مصدعه


هنـــد انزلت تحت اقعدت بالصاله..!!
ام هند: ها قعدتي
هند: اي يمه من شوي ابوي وينه
ام هند: ماكو شوي وينزل
هند: اوك عيل أنا بقعد بالصاله
ام هند: اوك

ام نـــاصر مرت ام سليمان البيت ..!!
وطقت الجرس..!!
ميري: نعم منو فيه باب
ام ناصر: ماما موجود
ميري: اي فضل
ام سليمان: ميري منو بالباب
ميري: هذا ماما ام ناصر
ام سلميان: اوك روحي شوفي شغلج.. هلا بوخيتي تفضلي
ام ناصر: يله عشان مانطول على الناس
ام سليمان: ثواني بس اييب عباتي
ام ناصر: اوك انطرج مو اطولين

ام سليمان راحت غرفتها تاخذ عبايتها..!!
ام سليمان: يله مشينه
ام ناصر:اي يله

شهـــد وزهور اوصلوا بيت ملاك..!!
ملاك: اهلن اهلن توه مانور البيت
زهور: بوجودج مابغينه نشوف بعض من تخرجنه
شهد: عاش من شافج
ملاك: عاش غاليج حياكم تفضلوا
زهور: والله لج وحشه ماصارت نكلم بعض تلفونات وما انشوف بعض
ملاك: كا الحين شفتيني

شهـــد دقت على بدر موقاعد يرد عليها وطبعا منو ماسك الفون ابرار..!!
ودزت له واتس اب..!!
(( حبيبي أنا ابيت رفيجتي ملاك انت بس تخلص كلمني ))
وابرار افتحت الواتس اب وقرته..!!


#ياترى شنو راح يصير#
-------------------------------------------------
هذا الجزء السابع والعشرون
-------------------------------------------------

#البارت الثامن والعشرون#
--------------------------------
شـــهد استغربت ان بدر مارد عليها وخصوصا انها حاسه ان راح يصير شيء..!!
ملاك: شهد شفيج موعلى بعضج
زهور: بعد منو الي مضايقها
ملاك: لايكون بدر
زهور:اكو غيره
ملاك: انتي من صجج تضايقين أنا شوفيني على كثر ماكنت احب ناصر الا ان صرت اكرهه والحين امي اصلا نست موضوع الريال الي متقدم لي مابي ازوج وع كرهت الرياييل مايحبون الا وناستهم وبس
زهور: خليها تفهم وتستوعب
شهد: شفيكم علي منو قال اني احبه ان شاء لله موشهرين اعشق ترابه بس تعلقت فيه وتعودت واحس ان راح يصير شيء بس ما ادري شنو
ملاك: يعني مثل شنو
شهد: ما ادري

مشعــل وناصر وصلوا عند فيصل..!!
مشعل: ها كل شيء جاهز
فيصل: افا عليك بس
مشعل: كفو كفو
ناصر: اقول مشعل انتوا متى اسوون حفلات كالعاده
مشعل: يعني على حسب مو وقت معين مره خميس مره جمعه مره سبت يعني على حسب المزاج
ناصر:وبنات وجذي
مشعل: اي من صجك ها تبي اصبلك معاي
ناصر: اي صب

مبارك كان يكلم ايات بي بي ام..!!
MA?:هاكليتي
YoOoni?:اي كليت الحمدلله
MA?:عافيه
YoOoni?:يعافيج
MA?:ايات ممكن طلب؟
YoOoni?:تفضل
MA?:عادي ادق عليج
YoOoni?:اي اوك
مبـــارك دق على ايات..!!
مبارك: اي زين كليتي
ايات: اي الحمدلله

ايـــات قاعده بالصاله..!!
ام مشعل وصلت ام ايات البيت..!!
ام ايات: يعطيج العافيه على هالطلعه
ام مشعل: ماسويت شيء احنه خوات
دلال: يله مع السلامه خالتي
ام ايات: الله يسلمج يمه

-------------------------------------------------

ام ايات دخلت البيت واسمعت ايات تتكلم بالفون..!!
ايات: اي وانت كليت؟
ام ايات: خوش خوش تكلمين منو؟
ايات: ها يمه اكلم رفيجتي
ام ايات: يوم اقولج تعالي السوق تقولين مالي خلق اشوف حق التلفونات جاهزه
ايات: يمه سكتي فشله البنت بالخط
ام ايات: بس تخلصين راح اتصرف وياج
مبارك: تبين اصكر
ايات: لاعادي خلك بس امي كانت تبيني اروح السوق ومارحت وشافتني اتكلم بالتلفون حنجت اف تعبت
مبارك:جب اقول أنا معاج

ابـــــرار ماسكه نفسها..!!
بدر طلع من المحاضره..!!
ريتاج: حصو منو هاذي الي يت
بدر: بعدين افهمج واقولج
ريتاج:اي اوك امبيه شكلها معصبه
بدر: الله يستر بس
ابرار:ها خلصت
بدر: اي خلصت
ابرار: عندك محاضره بعد
بدر: اي اخر محاضره
ابرار:راح ترد وياي البيت وراح تلحقني وشوف إذا مالحقتني راح اتصرف تصرف ثاني اخليك تكره عيشتك سامع
بدر: خلاص زين زين هدي ترى احنه بمعهد مو بالبيت
ابرار: اوك يله امش وراي
بدر: انزين ابي تلفوني
ابرار: تلفونك ماراح تمسكه الا إذا اهلك دقوا غيره لا
بدر يتحلطم((الله يستر بس شكلها درت عن شهد))

عبــدالله راح قعد ابووه..!!
عبدالله: يبه يبه قوم
ابوعبدالله: شفيك اصاير
عبدالله: وله شيء يبه بس قوم
ابوعبدالله: اوك روح الصاله الحين اقوم

ريـــم قعدت اختها رنا...!!
ريم: رنا رنا
رنا: هاا شنو؟
ريم: يله قومي
رنا: الساعه جم
ريم: تقريبا 7
رنا: الله يله كاني قمت

-------------------------------------------------

ســـلوم بدل وخلص..!!
ام رنا: أنا خلصت
احمد: يله مريوم
ام رنا: شفيها مريوم
احمد: راح تيي معانه
ام رنا:تيين وانتي ساكته بسوين ازعاج قعدي من الحين
سلوم: شكو اسوي ازعاج مو ياهل أنا
ام رنا: يله مشينه

شــــوق تفكر بسلوم..!!
ونوره تفكر شلون تقدر تييب راس سلوم مره ثانيه..!!
وفجر ضايعه بينهم..!!
ام عهد وصلت البيت..!!
ابو عهد: ها ان شاءلله استانستوا
ام عهد: اي الحمدلله عاد شرينه الاغراض الي نبيها وبنتك بعد شرت اغراض حقها
ابو عهد: ها يبه استانستي
عهد: اي زين الحمدلله

بنــــدر وصل البيت مع ابوه...!!
بندر: ها يبه ان شاء لله استانست
ابو بندر: اي يابوك بيض الله ويهك ويارب يرزقك ابنت الحلال الي تريح بالك
بندر: امين يارب بس يبه تو الناس اهم شيء رضاك عندي
ابوبندر: راضي عنك دنيا واخره
بندر:يله يبه اخليك أنا بروح ابدل وانزل نشوف التلفزيون ونشرب جاي ويه بعض شرايك
ابوبندر:رايي من رايك
بندر: يله ابدل وارجعلك
ابوبندر: اوك

مـــلاك قاعده اسولف وياهم..!!
ملاك: يله عاد كل وحده حزينه فجوها اقول زهور اهلج متى يردون من السفر
زهور: والله ما ادري
ملاك:عاد ياحظج ياليت اهلي مثل اهلج
زهور: سكتي بس وربي ساعات احس اني كلش موبنتهم
ملاك: ليش
زهور: ما ادري احس
ملاك: عاد تخيلي يصير نفس الافلام تطلع موبنته تطلع بنت الجيران ومربينها حده فلم
زهور: حده
شهد:عاد أنا بخاطري امي تكون مثل اهل الامريكان اطلع واروح على كيفي شوفي التخيلات عاد
ملاك: مالت لو اهالينا من امريكا جان ما عشنه جذي
زهور: حده

-------------------------------------------------

دلال تتحلطم بالسياره..!!
دلال: اف يمه مره ثانيه ماراح اروح السوق
ام مشعل: اهو بكيفج
دلال:يمه صراحه بدعتي انتي وخالتي ام ايات يعني قاعدين بمجمع فشلتونه
ام مشعل:اقول جب وانتي ساكته
دلال: كلام الصج دايم ينزعل منه

ابــــرار وصلت البيت مع بدر...!!
ام ابرار: ابرار يا ابرار
ابرار: يمه بعدين اكلمج حصوه تعالي
ام ابرار: الحمدلله والشكر
ابرار:هاك ممكن تقرالي الواتس اب
بدر:وين
ابرار:اقره وراح تعرف
بـــدر تبلعم موعارف شنو يرد..!!
ابرار: ممكن تفسرلي هالكلام
بدر: اي كلام بس الله يهداج دازينه بالغلط
ابرار: مدزوز بالغلط وكاتبه لك
(( حبيبي أنا ابيت رفيجتي ملاك انت بس تخلص كلمني ))
بدر:اي حبي بالغلط يعني مومكتوب اسم اول شيء ثاني شيء جان رديتي عليها بنفس الوقت مو تتهميني يمكن اهي دزت عشان تخرب بيني وبينج كبري مخج
ابرار:شوف عاد إذا طلع كلامك صج بسوي اي شيء تبيه بس إذا طلع جذب وربي موتك بيدي
بدر: اوك يله عاد حياتي أنا حبيبج بدور
ابرار: مشكلتي ما اقدر اعصب عليك اكثر بس شسوي أنا مينونه غيره احبك بجنون
بدر:وانا احبج حياتي

شـــهد من عقبها خذتها السوالف وما ردت كلمت بدر..!!
-------------------------------------------------
هذا الجزء الثامن والعشرون
-------------------------------------------------

#البارت التاسع والعشرون#
-------------------------------
ابــــرار طوفت السالفه بمزاجها..!!
بدر: حبي يله أنا بروح البيت الحين
ابرار: ماشي الحين راح ادق وراح اضل بالخط
بدر: اوك
ام ابرار: شنو صاير
ابرار: ماكو شيء
ام ابرار: كل هذا موصاير
ابرار: يمه شفيج تحنين قتلج ماكو شيء وخلاص أنا صاعده غرفتي

ابرار دقت على بدر..!!
ابرار: شوف أنا طوفت كل هذا بمزاجي وانت تعرفني عدل
بدر: خلاص حياتي الموضوع انتهى

شـــهد ما اهتمت حق بدر لان اتعبت من سوالفه..!!
ام شهد: ها وينج؟
شهد: ابيت ملاك
ام شهد:يله ردي البيت
شهد:يمه تو الناس
ام شهد: سمعي الحجي وتعالي
شهد: اف زين
زهور: شفيج
شهد: امي تقولي ردي البيت
زهور: يله شوي ونطلع

ام سليمان وام ناصر اوصلوا عند ام صالح...!!
ام صالح: يا هلا وغلا
ام سليمان: هلافيج
ام ناصر: ها شلونج ام صالح
ام صالح: ماعلي دامكم بخير حياكم استريحوا ام ناصر: هاذي ام سليمان الي قتلج عنها
ام صالح: اي هلاومرحبا
ام سليمان: هلافيج اي عاد أنا كلمت اختي ام ناصر اشوفلي وحده تقره فنجان وابيج تقرين لي واشوف حظي هالعوي
ام صالح: اي ان شاءلله بس خل نشرب القهوة التركيه ومايصير خاطرج الا طيب
ام سليمان: وجم تاخذين؟
ام صالح:ما نختلف وله تحاتين
ام سليمان: ان شاءلله

-------------------------------------------------

نـــاصر ومشعل مايدرون وين الله قاطهم..!!
دلال ردت البيت واهي تتحلطم..!!
ام مشعل: بسج تحلطم وصعدي دارج
دلال: مره ثانيه ماراح اطلع وياج وبنشوف
ام مشعل: اي خير بنشوف

ابو سليمان لي الحين قاعد بالقهوة..!!
شوق سرحانه تفكر بسلوم اول مره تحس بهالاحساس..!!
ابو شوق: اقول شوق شوي شوي بالسياقه وديري بالج
ام شوق: اي والله السياقه تخوف هالايام محد يعرف يسوق كل واحد اخذ ليسن بالواسطه وله هندي يدعم بخلق الله
ابو شوق: اي شوق شنو السياره الي بخاطرج شوق شوق
شوق: نعم يبه
ابو شوق: وين بالج
شوق: وياك يبه
ابو شوق: اي خير وياي
شوق: ما ادري يبه قفلت
ابو شوق: مره ثانيه خلي بالج وياي اقول شنو السياره الي تبينها
شوق: يبه عادي اي شيء
ابو شوق: يعني على ذوقي
شوق: اي يبه

عـــهد قاعده تحاول قد ماتقدر تطلع من الي اهيه فيه...!!
#جربت انك تحب انسان وهالانسان كان مالي حياتك بكل زوايا اشوفه وبكل مكان ماكنت متخيل حياتك بدونه كان يزفك كان يعصب عليك كان يخاف عليك ويغار عليك وكان واقف معاك رغم كل شيء رغم انك ماعندك اخوان وانك وحيد صار اهو كل شيء ماكنت تتوقعه لحظات حلوة صارت بينك وبينه ايام ماتنسي لا بالعقل وله بالقلب كنت تحبه لدرجه الجنون كنت تموت بترابه وكنت تعشق كل شيء يخصه صرت مجنون بهواه وما اشوف احد غيره لكن الشعور الي حيل يعور انك تفقد انسان وما اشوفه ابد وماتسمع حسه وله ضحكته وله اشوف عيونه وله اي شيء يخصه راح عنك تركك وحيد صاروا كل الي حولك غريبين عنك واهو الوحيد الي دايم في بالك بس وينه الي كان يدافع عنك ومعاك ومايخليك ويسامحك بكل شيء مات وصارت الذكرى اهي الي تجمعني فيه شعور حيل يعور#

-------------------------------------------------

ريــــم قاعده اسولف ويه اختها...!!
ريم: اووه نسيت
رنا: شلي نسيتيه
ريم: اليوم قلت لدلال ان بنروح المسيله
رنا: وي يله يوم ثاني
ريم: اي شكله جذي بخاطري اروح
رنا: اي عشان اروح وياكم
ريم: صج
رنا: اي وناخذ مريوم ويانه
ريم: تهقين بتوافق
رنا: ماعليج أنا اقنعها
ريم: اي صج خليها علي
رنا: ماشي

ابـــراهيم طلع من غرفته ويروح حق اخته يقعدها...!!
ابراهيم: نوروه ويهد
نوره: ها شتبي خرعتني
ابراهيم: قومي يله شنو ماوراج دراسه
نوره: اف زين ماتخلون الواحد يرتاح
ابراهيم: لا تتحلطمين لا طراق
نوره: اووه زين

عـــزوز دق على نوره مره ثانيه وحب يثبت لها ان اهو تغير وشاريها..!!
نوره: ماراح نخلص
عزوز: سمعيني بالاول
نوره: شنو
عزوز: انتي مو تبين سلوم؟
نوره: اي
عزوز: راح اييبلج كل اخباره واذا تبين تخربين حياته ماعندي مانع
نوره: من صجج تتكلم وله تتغشمر
عزوز: لا من صجي في مره عزوز قالج شيء غلط
نوره: لا
عزوز: ها شقلتي
نوره: اوك موافقه بس شلون
عزوز: عطيني بنه إذا عندج وعطيني كل شيء يخصه افا عليج وراح اراقبه لج بكل مكان واقولج كل شيء يخصه
نوره: اوك ادزهم لك واتس اب
عزوز: ماشي انطرج

-------------------------------------------------

عزوز يكلم نفسه((إذا مايبت راسج يا نوره وخليتج تركضين وراي ما اطلع عزوز))
نوره صدقت كلام عزوز وماتدري شنو راح يصير...!!

مـــلاك حيل استانست ان شافت زهور وشهد..!!
ملاك:والله حيل استانست لاني شفتكم
زهور: موكثرنه والله بس يله ماعليه مره ثانيه نقعد وياج اكثر تدرين لازم اقط شهد بيتهم
ملاك: ماعليه المهم شفتكم وقعدنه وسولفنه ويه بعض وانتي شهد لاتفكرين ومثل ماقتلج
شهد: ان شاء لله
زهور: يله مع السلامه

زهــــور كل شيء عندها ومتوفر لها اي شيء تبيه يكون جاهز حتى دراسه ما ادرست من كثر ماهي مدلعه عند ابوها وامها...!!

ام سليمان تنطر تقره لها الفنجان..!!
ام صالح:شوفي يابنت الناس انتي كلش مومرتاحه بالبيت ودايم مشاكل ويه ريلج انتي الي اسوين كل شيء بالبيت وكل يوم مصيبه ما ادري وين تاخذينها من ولدج ومن بنتج ريلج يفكر ان يزوج عليج ويقعدها عندج هذا الي باين
ام سليمان: الله الله كل هذا راح يصير الله يستر بس
ام ناصر: صراحه الله يعينج الحمدلله ماعندي ريل
ام سليمان: جب اقول يعني أنا قلت الحين راح اسمع شيء يفرح ياليتني ماسمعت
ام صالح: والله يا ام سليمان هذا الي طالع عندي بالفنجان مايبت شيء من عندي
ام سليمان: على خير ان شاءلله ام ناصر اقول خلينه نمشي لان وصلت حدي
ام ناصر: شفيج ام سليمان هدي مايصير جذي السموحه ام صالح عطي المره فلوسها
ام سليمان: جم تبين الحين؟
ام صالح: 50 دينار
ام سليمان: جم كلمتين 50 دينار لو قايله قصه حياتي جم تاخذين
ام صالح: 100 دينار
ام سليمان: هاج اقول فمان الله
ام ناصر: شفيج عصبتي بعد هذا الفنجان
ام سليمان: انتي ماسمعتيها فوق هذا نصابه على جم كلمتين 50 دينار ياعمي تولي زين
ام ناصر: زين هدي ويله ركبي السياره

-------------------------------------------------

امـــل وحمود خلصوا من القهوة...!!
حمود: يله خلينه نمشي
امل: يله
حمود: لو سمحت الحساب
الجرسون: تفضلي
حمود: يله امول قومي

امل في كلام وايد بقلبها حق حمود بس مو الحين راح تقوله حقه كل شيء وقته حلو...!!

دلال حطت راسها ونامت مالها خلق شيء..!!
ايات لي الحين تكلم مبارك...!!
ام ايات: عطيني التلفون الو الو ردي ليش ساكته
ايات: يمه ترى عيب حركتج
ام ايات: عيب ها شوفي جم الساعه وانتي تتكلمين لي هالحزه
ايات: يمه ترى أنا ماعندي احد عشان اقعد وياه وله اسولف فوق هذا حارمتني من التلفون اني اكلم ربعي يمه جد تعبت من هالعيشه أنا بكلم ابوي وبعيش عنده
ام ايات: اي خل يربيج عدل ما اوصيج

بنـــدر نزل عند ابوه يشوف تلفزيون..!!
هــــند اتصلت على حمود اشوفه وين...!!
هند: ها وينك حبيبي
حمود: ماكو راد البيت
هند: اوك بس توصل البيت كلمني
حمود: ماشي روحي

امـــل بنت عاديه ماتكلم شباب وله بويات بس حمود حيل قريب منها وحيل يفهمها ويعرف شلي تفكر فيه واهي كانت تفكر فيه من زمان بس ماتقدر تقوله..!!

وكانت تسمع أغنيه في حاجات نانسي عجرم...!!
فى حاجات تتحس ومتتقلش وان جيت اطلبها انا مقدرش
ولو انت عملتها بعد ما انا اطلبها يبقى مينفعش
فى حاجات تتحس ومتتقالش توجع فى القلب ومبتبانش وافضل علطول تعبانه مابين طب اقولك ولا مقولكش
مقدرش اقولك غير كل طريقة حبك
ليا
مقدرش اقولك غير كل طريقة حبك
ليا
او غير عليا ولا فجأنى فى مرة وهاتلى هديه
املاء عنيا اعمل حاجه
انا مش عارفاها
املاء عنيا اعمل حاجه
انا مش عارفاها
مقدرش اقولك غير كل طريقة حبك
ليا
او غير عليا ولا فجأنى فى مرة وهاتلى هديه
املاء عنيا اعمل حاجه
انا مش عارفاها
املاء عنيا اعمل حاجه
انا مش عارفاها
مقدرش اقولك حلى الدنيا فى عينى وغير فيا
لو مهما كنت
قريب منى وكنت قريب ليا
مقدرش اقولك شكل حياتنا اللى اانا عيزاها
اعرف
لوحدك شكل حياتنا اللى انا عيزاها
اوقات بيبان انى سكت وهديت
ورضيت واتعودت
مش معنى كده انك علطول تحسبنى انى استسلمت
وساعات بتحس
انى زهقت مع انى بخبى انى تعبت
متوصلنيش ياحبيبى اقول ده ياريتنى
اتكلمت
مقدرش اقولك حلى الدنيا فى عينى وغير فيا
لو مهما كنت
قريب منى وكنت قريب ليا
مقدرش اقولك شكل حياتنا اللى اانا عيزاها
اعرف
لوحدك شكل حياتنا اللى انا عيزاها
مقدرش اقولك غير كل طريقة حبك
ليا
او غير عليا ولا فجأنى فى مرة وهاتلى هديه
املاء عنيا بتعمل حاجه
انا مش عارفاها
املاء عنيا بتعمل حاجه
انا مش عارفاها
مقدرش اقولك حلى الدنيا فى عينى وغير فيا
لو مهما كنت
قريب منى وكنت قريب ليا
مقدرش اقولك شكل حياتنا اللى اانا عيزاها
اعرف
لوحدك شكل حياتنا اللى انا عيزاها
مقدرش اقولك غير كل طريقة حبك
ليا
او غير عليا ولا فجأنى فى مرة وهاتلى هديه
الا عنيا بتعمل حاجه
انا مش عارفاها
مقدرش اقولك شكل حياتنا اللى اانا عيزاها
اعرف
لوحدك شكل حياتنا اللى انا عيزاها

وضلت طول الوقت سرحانه تفكر...!!
-------------------------------------------------
هذا الجزء التاسع والعشرون
-------------------------------------------------

#البارت الثلاثون#
--------------------------------------------
شـــهد وزهور اطلعوا من بيت ملاك..!!
ام ملاك: ها راحوا رفيجاتج
ملاك: اي يمه راحوا
ام ملاك: ان شاء لله استانستي وياهم
ملاك: اي يمه الحمدلله
ام ملاك: انزين اقولج اخلي الناس يمرونه باجر
ملاك: ها
ام ملاك: شفيج تبلعمتي
ملاك: لايمه وله شيء اي عادي خل اييون
ام ملاك: خلاص عيل باجر انشاءلله اعطيهم موعد موتفشليني
ملاك: اوك

شـــهد كانت طول الوقت سحرانه..!!
زهور:شفيج
شهد: مافيني بس ما ادري شفيه بدر موقاعد يرد علي
زهور: يمكن صاير شيء طولي بالج
شهد: زهور اهو حيل متغير ما ادري شفيه أنا قلت له إذا ماتعدلت راح اوخر لاني جد تعبت زهور: انتي فكري عدل وشوفي شنو الي احسن لج وسويه
شهد: هذا الي راح يصير

سلوم يكلم شوق بي بي ام..!!
Salom??³????:ها شنو اسوين
Shwaga?:ماكو قاعده ويه اهلي
Salom??³????:تبين اخليج
Shwaga?:لاعادي انتي وينج
Salom??³????:ماكو تونه واصلين المطعم
Shwaga?:اي زين اكلي عدل
Salom??³????:ان شاء لله
Shwaga?:?
Salom??³????:شفيج
Shwaga?:مافيني
Salom??³????:اكيد
Shwaga?:اي
Salom??³????:نطري علي راح اينن ريل امي
Shwaga?:حرام عليج
Salom??³????:لاموحرام عشان يحس شوي عموما خليني اخلص واكلمج
Shwaga?:اوك
ام شوق: ابي افهم من مساع ماسكه الفون وتضحكين
شوق: لايمه ماكو شيء قاعده اشوف فيديو يضحك
ام شوق: فيديو يضحك اي زين

ايــــات لي الحين تكلم مبارك..!!
ايات: اقول مبارك أنا حدي قفلت وابي انام اشوفك بالمدرسه باجر
مبارك: ماشي وانا بعد بنام دامج بتنامين
ايات: اوك تصبح على خير
مبارك: وانتي من اهله وتغطي عدل?
ايات: ان شاءلله
ام ايات: واخيرا خلصتي
ايات: اي وبرد انام
ام ايات: شكله ماراح تتعدلين
ايات: يمه شفيج اتعدل بشنو أنا ماسويت شيء غلط ترى قاعده اسولف فون عادي
ام ايات: طلع لج لسان بعد
ايات: يمه أنا بنام

ام ايات عطت ايات طراق وايات مصدومه وراحت غرفتها تبجي..!!

احمد: ها شنو تبين تاكلين
سلوم: شوف ابي هذا البطاط ويه الجبن وابي ستيك لحم وابي روبيان وابي ببسي
احمد: وانتي يا الغاليه شنو تبين
ام رنا: كل شيء من ذوقج حلو
احمد: خلاص اوك لوسمحت..!!

واحمد طلب الاكل الي يبيه سلوم وسلوم ميت ضحك..!!

زهور وصلت شهد البيت..!!
شهد: مشكوره وماقصرتي
زهور: جب مابينه
شهد: يله ديري بالج

ام شهد: مابغيتي توصلين
شهد: شسوي يمه خذتنه السوالف
ام شهد: ماشي صعدي غرفتج بدلي
شهد: ان شاء لله

بـــدر وصل البيت..!!
بدر: حبي أنا ببدل
ابرار: اوك بدل وانت على الخط
بدر: اوك زين
ام ابرار: ابرار ابرار
ابرار: نعم يمه
ام ابرار: ماتبين تتعشين
ابرار: شوي وانزل

ام سليمان وام ناصر اوصلوا البيت..!!
ام سليمان: لا مومن صجها رفيجتج هاذي بواقه عيني عينك
ام ناصر: هدي ماعليه طول بالج الحين ودخلي الحين ريحي
ام سليمان: ان شاء لله
ام ناصر: يله اخليج عيل
ام سليمان: بحفظ الله.. خل اصعد اطمن على سليمان كل العاده الابو هايت

اطمنت ام سليمان على ولدها وراحت غرفه بدر الي اهي حصه تطمن عليها..!!
ام سليمان: ها متى وصلتي
بدر: من شوي
ام سليمان: هاذي انتي يا نوم يا طالعه
بدر: يمه شنو تبيني اسوي
ام سليمان: شنو اسوين ابي مره تصيرين بنت مثل باجي البنات صايره مثل الصبيان تعدلي كل الي اسوينه مايفيدج
بدر: يمه انتي داخله علي قالبتها موعضه خلاص مالج شغل فيني
ام سليمان: انتوا بهالبيت ماتبون النصيحه اي طالعه على منو على ابوج الي مخربج اروح انام احسن لي

ابو سليمان: يله ابو مطلق اخليك أنا
ابو مطلق: تو الناس
ابوسليمان: وين تو الناس ما اشوف الساعه جم
ابومطلق: يله نشوفك باجر
ابوسليمان: ان شاء لله

عهـــد قاعده تحاول قد ماتقدر تغير من نفسها لو شوي وحطت راسها ونامت..!!
نوره قاعد تفكر شلون عزوز راح يراقب سلوم ويخرب حياته..!!
فجر اعقل وحده فيهم مالها بشغل الحب والسوالف..!!

حمود رد بيتهم..!!
فاطمه: تو الناس
حمود: شسوي القعده ماتنمل مع امل ابوي وامي وينهم
فاطمه: نامو من زمان
حمود: عيل خل ابدل واكلمج
فاطمه: اوك

امــل ردت البيت..!!
ابو امل: ليش تاخرتي موقتلج لا اطولين
امل: شسوي يبه الشارع زحمه كان
ابو امل: ان شاء لله استانستي
امل: الحمدلله يبه يبه أنا رايحه انام تامرني بشي
ابوامل: لا سلامتج

امـــل بداخلها كلام موقادره تعبر عن الي بداخلها لو شوي..!!
#شعور يذبح لمه تحب انسان وهالانسان يكون اعز ربعك وتشوف كل شيء يخصه وتعرف كل شيء عنه واهو مايدري انك تحبه وانت كل يوم تتقطع واهو يتكلم عن الشخص الي يحبه واشوفه جدامك يسولف معاه ويكلمه وينام معاه بالخط وانت ساكت موقادر تعبر عن الي بداخلك غير انك تكتم وتكتم ماتدري لي متى راح تكتم هالحب الي بداخلك غير انك مرتاح لمه اشوفه فرحان حتى لو مع غيرك وبنفس الوقت موقادر تتحمل ان اهو ويه شخص ثاني وانت من الاساس تبيه حقك، صعب اصارحه وصعب تقوله، وراح تكتم هذا بداخلك لين تقيس نبضه واشوف شنو مشاعره اتجاهك، جد شعور حيل يعور لمه تحب انسان وهالانسان يكون اعز ربعك#

امل بدلت وحطت راسها ونامت..!!
ريم تكلم اختها رنا..!!
ريم: رنا بسألج سؤال؟
رنا: اي عادي سألي
ريم:عمرج فكرتي تحبين؟
رنا: احب لا طبعا احس تفاهه
ريم: ليش بالعكس إذا لقيتي شخص يحبج ونيه زواج
رنا: ادري بس كلش ما افكر بحب الحين افكر بدراستي وبس
ريم: اي صح اقول شرايج انام لان باجر ورانه دوامات
رنا: اي صح يله خلينه انام

احمد: اقول لي متى رنا بتكون بره البيت دقي عليها راضيها
ام رنا: نعم اراضيها أنا ماقلت شيء غلط عشان اراضيها ومثل ما اطلعت خليها لي تعرف قيمتي
سلوم: اي مو هذا الي انتي تبينه وتبين تنحشيني أنا بعد بس ماراح تقدرين باحلامج
ام رنا: اي طلع لسانج انتي بعد اقول اكلي وانتي ساكته وخلينه نرد البيت راسي افتر سببتيلي صداع

حمود دق على هند..!!
حمود: حبي ترى أنا بالبيت
هند: ليش تأخرت
حمود: شسوي حياتي خذتني السوالف ويه امل
هند: اي زين كليت
حمود: اي روحي
هند: عوافي
حمود: اشتقتلج
هند: موكثري حبيبي راسي مصدع خلك بالخط أنا بنام
حمود: خلاص عيل أنا بقعد ويه اختي فطوم
هند: اوك حبيبي
حمود: نوم العوافي وتغطي عدل
فاطمه: اي شنو سويتي ويه امل
حمود: ماكو تخيلي رحنه نشيش وله 2 يتحرشون بامل وع قطيعه زين افتكينه منهم
فاطمه: اي بعد المصبنه ماعندهم شغل غير المغازل ولو اختهم تحرش فيها واحد لعنوا خيره مايشوفون نفسهم
حمود: اي والله ناس ما ادري شلون صايره
--------------------------------------------

#البارت الواحد والثلاثون#
--------------------------------------------
حــــمود:فطوم يله قومي عشان بنام
فاطمه: اوك نوم العوافي

ام رنا وريلها وسلوم خلصوا اكل وردوا البيت...!!
Salom??³????:حبي أنا وصلت
Shwaga?: الحمدلله على السلامه
Salom??³????:الله يسلمج عشان بحط راسي وانام وراي مدرسه
Shwaga?: اوك نوم العوافي
Salom??³????:الله يعافيج يله اخليج
شوق: يمه أنا بروح غرفتي انام
ام شوق: اوك يمه نوم العوافي
شوق: يعافيج يله يبه تصبح على خير
ام ابرار:شنو ماتبين تتعشين
ابرار:لايمه مابي ابي انام
ام ابرار: الشرهه علي انطرج
ابرار: حياتي أنا بنام
بدر: نوم العوافي حبيبي

شــــهد خلاص موقادره تتحمل علاقتها مع بدر دزت له الي بقلبها واتس اب..!!
(( اسمعني أنا تعبت من كثر ما اقول راح تتعدل ووعدتني اليوم انك تتغير بس ماكو فايده يبه الله يوفقك بحياتك وانساني وراح امسح كل شيء يخصك وما ابي اشوف رقمك مره ثانيه وله ابي اسمع طاريك))..!!

مشعل وناصر ناموا بدون لايحسون وماردوا بيوتهم..!!
ابو سليمان رجع البيت وحط راسه ونام..!!

#صـــــار الصبــح?#
بندر قام من نومه عشان يروح دوامه..!!
بندر: صباح الخير يبه
ابو بندر: صباح النور ها ارتحت بالنومه
بندر: اي يبه حيل ارتحت
ابوبندر: اقول بندر ابيك تاخذني وياك الدوام بندر: يبه وين اخذك خلك بالبيت ارتاح
ابوبندر: يضيق خلقي يابوك اخذني وياك
بندر: من عيوني بس خل الخدامه تغيرلك ملابسك على ما اتريق.. كوماري يا كوماري
كوماري: نعم بابا
بندر: بدلي حق بابا وبعدين نزليه الصاله
كوماري: ان شاء لله بابا

سلـــوم قعد من النوم..!!
سلوم:يمه قعدي احمد عشان يوديني المدرسه
ام رنا: اف زين.. احمد يا احمد قوم عشان تودي مريم المدرسه
احمد: زين زين الحين اقوم خليها تبدل وتخلص اول
ام رنا: مريوموه روحي بدلي وخلصي وتعالي سلوم: اف وع اكره يوم شفته
سلوم كلم شوق بي بي ام..!!
Salom??³????:صباح الخير حياتي أنا بروح المدرسه وريل امي راح يقطني بس ارجع المدرسه اكلمج
رنا قامت من نومها..!!
رنا: ريم ريم يله قومي مدرسه
ريم: يله كاني
رنا: أنا بقوم ابدل وبروح الجامعه

الكل قعد من نومه..!!
كوماري: بابا أنا خلاص
بندر: يله روحي شوفي شغلج

سلوم: يمه تراني خلصت
ام رنا: يله احمد قوم ودها المدرسه
احمد: يله زين

سلوم ركب مع احمد ريل امها..!!

#بالمدرسه#
مبارك: هلا بالزين كله
ايات: هلافيك
مبارك: ها شلون النومه
ايات: الحمدلله تمام وانت
مبارك: ماعلي الحمدلله امج ماقالت شيء
ايات: اخ بس امي عطتني طراق اول مره تعطيني
مبارك: اخ ليش
ايات: شدراني عنها فصلت
مبارك: ماعليه حياتي ان شاء لله كل شيء يتعدل

احمد قط سلوم المدرسه..!!
سلوم: تعالي الساعه 1 ونص
احمد: اوك

منار: هلا بالزين كله
سلوم: هلافيج
منار: ها من ويهج امبين ان عندج سوالف
سلوم: سكتي بس فرحانه وموفرحانه
منار: شفيج بعد
سلوم: بنجلط من ريل امي
منار: وانتي لي الحين
سلوم: لي باجر بس أنا اعلمج فيه
منار: شنو بسوين
سلوم: بعدين اقولج
هدى: يمه يمه
نور: شفيج ياخبله
هدى: مريوم اخييه بس
نور: اقول ثقلي بس شدعوة درت عنج الحين هدى: جب راح اييب راسها وبشوفين
نور: بنشوف ياعبقريه

دلال: ها وينج ليش تاخرتي
ريم: ماكو على ما ابو قط اخوي وقطني
دلال: مالت عليج
ريم: وعليج انتي
دلال: وين عهد
ريم: اكيد تلاقينها بالصف
دلال: امشي خل نشوفها
ريم: يالله

رنا بسرعه بسرعه طلعت من البيت..!!
شوي وله يدق تلفونها وله حمني..!!
رنا: انت وبعدين معاك
حمني: ليش موراضيه تعطيني فرصه وربي قصدي شريف مابي منج شيء أنا
رنا: حمني أنا مومالت هاالسوالف فجي عني احسن
حمني: انزين اليوم بقعد معاج بالحديقه موشرط بره بس بكلمج بموضوع وبعدها كيفج رنا: اوك يصير خير

مشاري الي اسمها غلا قاعده وتلحق ريم..!!
ريم: هاذي لي الحين
دلال: شوفيها شتبي
ريم: شكله جذي.. هلا امري شفيج من بدايه الدوامات وانتي تلاحقيني في شيء
مشاري: اي فيه
ريم: شنو فيه
مشاري: معجبه
ريم: حدج فاضيه ترى أنا مومالت هالسوالف مشاري: ادري وهالشي الي خلاني انعجب فيج
ريم: مشاءلله وعارفه عني كل شيء
مشاري: اي
ريم: تدرين شلون لحقيني لين تنفجرين
دلال: شفيها
ريم: حدها فاضيه معجبه الاخت ماعلينه عهد شلونج كنت ادري انج قاعده بالصف؟
عهد: الحمدلله امس طلعت ويه امي
دلال: صج اي زين الحمدلله غيري جو
ريم: مثل ماقتلج عهد احنه خواتج اي شيء تبين موجودين بالفرصه لا تطلعين احنه معاج
عهد: الله يخليكم لي يارب
ريم: امين

شوق قامت من نومها وبطلت تلفونها وشافت سلوم مكلمها حيل استانست وقامت غسلت وبدلت عشان تروح المعهد..!!
ونفس الشي هند..!!

ناصر قعد من النوم..!!
ناصر: مشعل مشعل قوم لا نتاخر على الدوام..!!
مشعل: الساعه جم
ناصر: 7 وربع
مشعل: الله مايمدينه نرد بيوتنه الحين
ناصر: انت قوم الحين لو نتأخر عادي بس مالنه خلق سوالف
مشعل: يله كاني قعدت
ناصر: يله انطرك بالسياره
مشعل: اوك
فيصل: ها صح النوم شكله امس مزاجكم عالي
ناصر:اي حيل وين مشعل
مشعل: داخل قاعد يبدل
فيصل: يله خوش

احمد: اف بنتج هاذي راح اطلع لنه قرون
ام رنا: انطر راح اطردها اهي بعد تروح عند ابوها باخذ راحتي لي متى وانا اربيهم خل ابوهم يربيهم
احمد: ما ادري كيفج سوي الي تبين
ام رنا: خلنه نرد انام احسن
احمد: اوك

شوق خلصت واركبت مع السايق..!!
هند نفس الشي خلصت وركبت السياره..!!
بندر اخذ ابوه وراح الدوام..!!
ابوهند قام من نومه عشان يروح دوامه..!!
--------------------------------------------

#البارت الثاني والثلاثون#
-----------------------------
#بــالجامعه#
--------------
بدريه: هاصباح الخير وانتي هذا حالج كله معصبه
رنا: سكتي عني بدريه واصله حدي
بدريه: ليش شفيج شنو صايرلج
رنا: مافيني شيء بس لاع جبدي من هالحمني ملوع جبدي
بدريه: اي شوفيه شنو يبي وبعدين خليه يولي احسن من ان كل يوم ياذيج
رنا: تهقين جذي
بدريه: اي اهقى ونص
رنا: اصدقين صح كلامج خل اخلص من موضوعه لان حيل قاعد يضايقني

ســـلوم بالصف..!!
سلوم: مناروو
منار: ها
سلوم: اقول عطيني دفاترج عشان بكمل دفاتري
منار:زين خليه بالهده اعطيج
ابله صفيه: يامريم قومي اوقفي
سلوم: شفتي كله منج
منار: أنا شكو
ابله صفيه: اعربي ماتحته خط:الطالب يقوم باداء واجباته بدقه. اعربي كلمه بدقه
سلوم: وانا شدراني زين اعرف اسمي
ابله صفيه: انتي بتستعبطي
سلوم: لا انكت
الصف:هههههههه
ابله صفيه: اخرسوا خليكي واقفه طول الحصه
سلوم: مالقت الا أنا اعرب
منار: جبي لا تسألج مره ثانيه
سلوم: تولي زين

ريــــم بالحصه منتبها..!!
مشاري الي اهي غلا اطلعت من حصتها عشان اشوف ريم..!!
مشاري: ابله ممكن اروح الحمام موقادره بطني يعورني
ابله نهاد: بسرعه ماتتأخريش
مشاري: ان شاء لله

شوي وله تمر من صوب صف ريم وقاعده اطالعها وريم بله شعور لفت وشافتها ولاع جبدها..!!
ريم: ولين شكله ماراح نخلص منها

ومشاري رد الصف وله جنه شيء صار..!!

ايات كانت سرحانه وكالعاده ماتدري وين الله قاطها..!!
#ضاع مني كل شي،، ضاع مني الحب والحنان،، ضاع مني الامن والامان،، لقيت كل شيء مصكر بويهي،، ووين ما اروح احس نفسي اني موقادره اتحمل،، تعبت! اي نعم تعبت! تعبت من كثر الجذب،، النفاق،، الخيانه،، والحب المزيف،، وكل ما اقول هانت يرجع كل شيء مثل ماكان،، مالقيت حب صادق ومالقيت اي شيء يسندني طول عمره،، طيب ليش! ليش كل هذا يصير! يوم اني احب من قلب يكسرني ينهد حيلي لاني حبيت بجنون واهو باخر دقيقه يقول مانصلح لبعض،، جد تعبت وانهد حيلي من كثر التعب مايفيد الحسره وله الندم،، لاني أنا الي اخترت ولاني حيل غلطت ولاني ما عرفت اي شيء من البدايه هاذي غلطتي موغلطتهم اني وفيت لهم من البدايه وانا الي استاهل..!!

مبارك: بس ماتعبتي وانتي تكتبين
ايات: جب انت وخلني اكمل
مبارك: شوفي اخليج تكملين لمه تكتبين شيء سنع مو خلاني وله تندمت
ايات: كيفي جب اسوي الي ابيه والله
مبارك: تعالي طقيني
ايات: اي اطق
مبارك: جب اقول وانتبهي احسن
ايات:اصلا عادي كله انزف تعودت
مبارك:هههه مينونه وربي

شــــوق وصلت المعهد..!!
موضي: هلا وغلا
شوق: هلافيج
موضي: اشوف شكلج مستانسه ان شاء لله دوم
شوق: موضي
موضي: هلا
شوق: تدرين كلامج صح
موضي: على شنو
شوق: على سالفه البويه الي قتلج عنها
موضي: اي ها شنو صار
شوق: اطلعت تبيني
موضي: موقتلج ان أنا اعرف بهالسوالف ماطعتيني وانتي شقلتي
شوق: ماكو قلت لها ان أنا ما اعرف اكلم بويات وله عمري بحياتي اعرف شلون اعاملهم من جذي عطيني فرصه اعرفج اكثر ووافقت
موضي: اي زين بس ديري بالج وخلج حريصه لا تتعلقين الا لمه تعرفينها عدل
شوق: اي ادري لا تحاتين

هــند وصلت المعهد..!!
افراح: شفيج بعد معصبه
هند: مافيني لاع جبدي والخرا الي دعم سيارتي لي الحين مادقيت عليه وله ابوي دق عليه
افراح: هدي هدي اليوم كلمي ابوج وانتهى الموضوع
هند: اف زين زين

بندر وصل دوامه مع ابوه..!!
سميره: اهلن حضرتك نورت المكان
بندر: اقول سميره ييبيلي ماي وقهوة بسرعه
سميره: ان شاء لله حضرتك مش عاوز البريد
بندر: بس تييبين القهوة والماي ييبي البريد وياج
سميره: تأمر حضرتك عاوز حاجه تانيه
بندر: لا سلامتج

ابوهند وصل دوامه ويه ابوعبدالله..!!
مشعل ركب السياره..!!
مشعل: طولت
ناصر: شرايك انت شكله راح نحصل زفه وراح يقعدونه بالدوام
مشعل:شورانه نقعد اقول اسكت احسن

وناصر ومشعل ردوا بيوتهم وفوق هذا متاخرين عن الدوام..!!

نوره الي قاعده تفكر بعزوز ان سلوم يقدر يخرب حياه سلوم وكلش مالها مزاج..!!

مـــلاك داومت..!!
ملاك: شخباري دوام
حنان: اي خو انتي غبار
ملاك: جب اقول
حنان: جب انتي اي قوليلي شنو اخر التطورات
ملاك:تطورات لي الراس سمعي خل اقولج
حنان: اسمعج
--------------------------------------------

#البارت الثالث والثلاثون#
------------------------------
مــلاك قالت حق حنان كل شيء صار لها...!!
مشعل وصل ناصر بيتهم عشان يبدل ودخل بيتهم شوي شوي عشان امه لاتحس ومشعل نفس الشي بيرجع بيتهم عشان يبدل ويوم خلص راح دوامه..!!
ناصر اخذ شاور على السريع..!!
وبسرعه بسرعه راح الدوام..!!

شهد اتخذت قرارها ووخرت عن بدر..!!
بس بدر لي الحين مع ابرار..!!

#بالفرصه#
---------------
دلال: امشي بسرعه خلينه نلحق على عهد
ريم: زين زين ليش مستعيله
دلال: ها عهد يله قومي خلينه نتمشى
عهد: يله كاني.. اقولكم شيء
ريم: اي قولي
عهد: من توفت الي احبها ومن تعرفت عليكم اول مره احس بهالشعور ان حيل ارتاح لمه اكلمكم واذا ماشفتكم احس اني حيل مضايقه ريم: لا تقولين جذي عهد الف مره نقولج احنه خواتج ومافي فرق بينه وواجبنه نوقف وياج
مشاري: هلا بالزين
ريم: عما ماشوفين جدامج
مشاري: اشوف بس لمه اشوفج انعمي
ريم: انتي شكلج وحده مينونه
مشاري: مينونه فيج
دلال: خلاص ريم حقريها
ريم: وع عما بعينها
عهد: ههههههههههه
ريم: لحظه موجنه ضحكتي بله بله توج ضحكتي
عهد: اي شفيج مصدومه
ريم: يمه فديت الضحكه أنا لو ادري جان خليتها كل يوم تتحرش فيني عشان تضحكين
عهد:هههه حرام عليج
ريم: شوفي دلالوو هالخميس كلنه نروح المسيله ماشي
دلال: خلاص ماشي شنو اسوي امي امسكتني من صوب عشان ام ايات هاذي
ريم: اي قولي حق امج من الحين
دلال: زين زين لا تحنين

ايــــات دايم تفكر..!!
#كنت دايم افكر واقول!
ليش هالشخص قاعد يهتم فيني!
ليش دايم يسأل عني ويهتم لوجودي!
ليش قاعد يسويلي الي بخاطري ويحب يونسني!
ودايم يطفرني! ومايخليني ابد!
ودوم يتصل علي ومايصكر الا واهو مطمن علي؟
ليش أنا لي الحين موقاعده احس فيه باي مشاعر صوبه؟
مرات احسه ان صديق؟
مرات احسه ان اشتاقله؟
ومرات احس ان حيل تعلقت فيه؟
واذا غاب حسه احس في شيء ناقص؟
وايد اشياء كانت ابالي وافكر فيها حيل؟
وخصوصا ان اهو مافتح معاي اي موضوع ان يبيني؟
وكنت اقول اذا قالي ابيج! شنو بيكون رده فعلي؟
راح ارتبك راح اخاف وراح اتوتر؟
بس وقتها! راح اتخذ القرار الي يخليني احب هالانسان وماراح اوخر عنه ابد؟
مسأله وقت لا اكثر؟
مبارك: لاحلفي بس الاودام فرصه وانتي تكتبين هاج يبتلج اكل
ايات: ليش تييبلي مومشتهيه
مبارك: اقول بله دلع واكلي
ايات: اقول مبارك
مبارك: قولي
ايات: عادي اسألك سؤال واجاوب بصراحه؟
مبارك: اي اكيد
ايات: انت ليش قاعد تعاملني جذي من بين هالبنات كلهم
مبارك: ها
ايات: شفيك تبلعمت
مبارك: لا ماكو شيء اقول مو جنه الصمونه ابردت مع العصير يله اكلي
ايات: زين باكل

مبارك(( اشوه اني غيرت الموضوع))..!!

بندر: ها يبه ان شاء لله مرتاح
ابوبندر: اي يبه اكيد دامني وياك اكيد بكون بخير
بندر: يبه عن اذنك بس بروح عند صبحي بشوف الديكورات وارجع
ابوبندر: اخذ راحتك ابوي
مشاري: ها اليوم مسير علينه
بندر: اي قلت ايي اشوف الديكورات واشوف الشغل
مشاري: اي خوش ها شنو صار على البنت
بندر: والله ما ادري البنت مادقت كلش بس اكيد راح ايي اليوم الي ادق فيه
مشاري: شكله حدك واثق
بندر: اي افا عليك بشوف يله اخليك الحين وديربالك على الشغل
مشاري: تامر امر
بندر: هايبه تاخرت عليك
ابوبندر: لاعادي ياوليدي

خلصت الفرصه وكل واحد راح حق صفه..!!
رنا دخلت محاضرتها..!!
حمني دزلها واتس اب(( بس تطلعين من المحاضره انطرج بالحديقه بكلمج وبعدها ماراح اشوفيني))
ردت عليه(( اوك بس اخلص))

عزوز قاعد يخطط شلون يكسب نوره مره ثانيه..!!
(( لازم اسوي اي شيء بس عشان اكسبها بس ترجع من مدرستها وانا اتصرف وياها))
--------------------------------------------

#البارت #34
-------------------
ســــلوم حيل مستانس ان شوق ادخلت حياته بس شوق ماتدري شنو الي راح ينطرها...!!

مشعل وناصر اوصلوا الدوام متاخر..!!
الضابط: مشاءلله ما اشوفون الساعه جم الحين
مشعل: حضره الضابط
الضابط: مابي اسمع اعذار اليوم راح تقعدون لي الليل
مشعل: الله لي الليل ليش؟
الضابط: عقاب لكم
ناصر:شفت شلون كله منك
مشعل: جب انت الثاني اقعد شوراك
ناصر: نقعد بعد شورانه

شـــوق طول ما اهي بالمحاضره بالها ويه سلوم..!!
موضي: نحن هنا
شوق: ها
موضي: شفيج وين سرحتي
شوق: لا ماكو شيء
موضي: علينه
شوق: اي شفيج
موضي: لايكون
شوق: شنو لايكون جبي بس
موضي: ماشي شوق حسابج بعد المحاضره

رنـــا طلعت من المحاضره..!!
بدريه: شفيج مستعيله
رنا: ماكو بشوف حمني شيبي
بدريه: واخيرا
رنا: اي قالي تعالي الحديقه يبي يتفاهم وبعدها ماراح يشوفني خير شر يامعوده خل اشوف شيبي وافتك منه
بدريه: اي زين اسوين احسن من ان يلحقج بكل مكان ويفشلج
رنا: يله يله بعدين اكلمج
بدريه: اوك

وراحت رنا عند حمني..!!
حمني: هلا بالزين
رنا: هلافيك يله اختصر لان ماعندي وقت
حمني: بسم الله هدي شوي شوي حبه حبه
رنا: هدينه يله اسمعك
حمني: رنا أنا اسف لاني سببت لج ازعاج بالجامعه لكن موبيدي والله من اول ماشفتج ما ادري شلي تغير ادري بتقولين بنات الجامعه وايد اقدر اقصر عليهم بس أنا كلش مو جذي رنا أنا قصدي شريف ومستعد اتقدم لج واروح حق اهلج شقلتي
رنا: عفوا شقلت تتقدم لي ليش بتروح لاهلي شتقولهم أنا بالجامعه وما اشتغل وعندك اعانه بس
حمني: لا مو بس اعانه أنا قررت اني اتوظف بشركه الاتصالات ومنها ادرس الصبح وشغلي بليل لين اخلص جامعه واتوظف ها شقلتي
رنا: خلاص انت روح حق اهلي وكلمهم
حمني: يعني موافقه
رنا: مو أنا الي اوافق اهلي إذا قالوا اي بوافق إذا قالوا لا يعني خلاص
حمني: خلاص اوك بس شلون اكلم ابوج
رنا: ويت اعطيك رقمه كاهو سجل عندك الحين تبي شيء
حمني: لا سلامتج واسف إذا ازعجتج
رنا: لاعادي يله عن اذنك

رنا على كثر ماكانت منقثه منه الا ان تغيرت نظرتها حق حمني..!!

هند وافراح وشوق وموضي اطلعوا من المحاضره عندهم بريك،،!!
هند: اف الدكتوره تصدع الراس تخلي الواحد ينام بمكانه
افراح: اي والله
هند: اف عاد مادقيت على حمود
افراح: اي يمكن نايم
هند: اي يمه فديته نايم

امــــل بالدوام سرحانه،،!!
وضحه: وي بعض الناس سرحانين ما ادري شيفكرون فيه
مشاعل: خليها يمكن تفكر بالعاشق الولهان
امل: امبيه انتوا شفيكم الواحد مايسرح الا لازم حبيب حدكم فاضين
مشاعل: عيل شتفكرين فيه خلينه نساعدج
امل: مشكوره ماني بحاجه لمساعدتكم
المديره: امل تعالي ابيج
مشاعل: روحي حق المديره لا اسويلج سالفه
امل: اي اروح لها احسن من اني اجابلكم
مشاعل: مالت على شنو شايفه نفسها
وضحه: يعني أنا الحلوة الجميله
مشاعل: خلينه عنج اقول شرايج ناخذ شاليه
وضحه: اي يله فوقه
مشاعل: بس متى
وضحه: أنا اشوف الحجوزات واقولج
مشاعل: صار
امل: هلا استاذه
المديره: اقول متى يخلص التقرير الي قتلج عنه
امل: ماكو بس يبيله تعديل ونهايه الدوام يكون عندج استاذه ودي اقولج شيء
المديره:اي قولي
امل: استاذه أنا حيل متأذيه من مشاعل ووضحه وشكثر يقطون نغزات وانا ساكته
المديره: اوك مومشكله أنا اتصرف وياهم
امل: مشكوره استاذه تامريني على شيء ثاني
المديره: سلامتج
مشاعل: كاهي شرفت
امل اطالعهم بنظره احتقار...!!
امل (( اخ ياحمود لو تدري شكثر احبك))

موضي: يله غدري شكنتي سرحانه فيه
شوق: ما ادري موضي قاعده افكر بمريوم حيل احس صج انها جم يوم بس حيل ادخلت قلبي
موضي: مشاءلله قتلج ديري بالج عشان لا تتعبين وبعدين هند درت
شوق: لا
موضي: ليش ماتقولين لها
شوق: انطر مريوم تقولها لان اهي رفيجتها وتمون عليها
موضي: خلاص كلميها اليوم وقولي لها
شوق: هذا الي راح يصير
--------------------------------------------

#البارت #35
-----------------------
الـــوقت مر بسرعه..!!
ام رنا: احمد احمد قوم اخذ مريوم من المدرسه
احمد: اف زين بله هاذي حاله الواحد ماينام
ام رنا: قوم بسك تحلطم
احمد:زين زين

والكل خلص محاضراته ورادين بيوتهم..!!
هـــند كانت ادق على حمود موقاعد يرد شكله نايم..!!

صارت الهده..!!
--------------------
هدى: اخيه بس
نور: مالت بس
هدى: عليج
نور: مصدقه انها بتعطيج ويه
هدى: بشوفين كل شيء بوقته حلو

منار: سلوم مو تنسى تقولي شنو راح يصير
سلوم: اوك اكلمج بي بي ام واقولج
منار: اوك يله باي
سلوم: باي

ريم: عهد كلمي امج عشان الخميس نروح المسيله
عهد: اوك صار
ريم:واي شيء تبين كلميني بي بي ام او دقي علي
عهد:اوك
دلال:مو تنسين
عهد: ان شاء لله

احمد وصل مدرسه مريوم..!!
سلوم:سلام
احمد: وعليكم السلام ها شلون المدرسه
سلوم: تمام ماعلي
احمد: الحمدلله

رنــــا وصلت البيت..!!
رنا: سلام
ام عبدالله: وعليكم السلام
رنا: شلونج خالتي
ام عبدالله: خالتي كده مره وحده
رنا: خالتي قلتي شيء
ام عبدالله: لا ياختي الحمدلله أنا كويسه يله روحي غيري اواعيك عشان تاكلي
رنا: ان شاء لله

رنا تمت تفكر بحمني ان صج كلامه وله قاعد يضحك عليها..!!
سلوم رجع البيت وسيده مسك تلفونه عشان يكلم شوق لان حيل اشتاق لها..!!
شوق توها توصل البيت...!!
ام شوق: ها وصلتي
شوق: اي يمه
ام شوق: يله روحي غسلي وبدلي عشان تاكلين
شوق: ان شاء لله

شوي وله يدق تلفونها اغنيه اشتقتلك مشاري العوضي..!!
سلوم: ها الحلوة شلونها
شوق: تمام ماعلي
سلوم: الحمدلله ها كليتي
شوق: لا توني واصله
سلوم: حتى أنا
شوق: اقول مريوم
سلوم: قلبها وروحها
شوق: عادي اقول شيء بس مو تضايقين
سلوم: قولي عادي
شوق: متى تكلمين هند وتصارحينها بلي بينه
سلوم: وي نسيت امس كنت بكلمها وراح عن بالي افا عليج بعد شوي اكلمها واقولها على كل شيء امري بعد جم شوق عندي
شوق: يمه ما انحرم منج
سلوم: وله منج ياروحي حياتي عادي اقوم ابدل وادق عليج أنا قلت بس ادخل غرفتي ادق لاني....
شوق: لانج شنو
سلوم: لاني ولهت على صوتج.
شوق: بس استحي
سلوم: يمه فديت الي يستحون
شوق: يله حياتي قومي بدلي وانا بعد ابي ابدل اخلص اكل واكلمج
سلوم: اوك روحي انطرج

مشعل:هاذي حاله
ناصر:انت الي يبتها لنه
مشعل: جب يعني كلش امس ماكيفت ويه ويهك
ناصر: بله كيفت بس مو نتاخر عن الدوام بعدها ننطرد مانلاقي وظيفه
مشعل: مالك شغل أنا ادبرها

حنان: كل هذا صارلج الله يعينج
ملاك: حده من صجج خليها على الله
حنان: وانتي راح تتزوجين هذا الي امج قالتلج عليه
ملاك: ما ادري اليوم امي راح تكلمهم واشوف

شـــهد من عقب مادزت الكلام حق بدر وبدر ما كلمها وله درى عنها..!!
زهور حيل مشتاقه حق اهلها..!!
هنـــد وصلت البيت..!!
وراحت بدلت ونزلت تحت..!!
ام هند: بسم الله متى دخلتي ومتى بدلتي
هند:بعد دخلت وبدلت ونزلت
ام هند: فيج شيء
هند: فيني اشياء يمه ان شاء لله ما اتفشل واروح للدوام جذي بسيارتي
ام هند: اي روحي صلحيها
هند: ان شاءلله يمه مو أنا اروح الوكاله ما ادري الكراج وابوي مادق على الريال
ام هند: خلاص لمه يرجع كلميه
ابوهند: شفيكم شصاير
ام هند: كا ابوج وصل كلميه
هند: يبه ابيك ادق على الريال يصلح سيارتي
ابوهند: الكرت مو عندي عندج عطيني وانا ادق
هند: ها خلاص يبه أنا اتصرف
ابوهند: اوك شوفي شنو يصير معاج وقوليلي يله أنا بقوم ابدل وابي الغده يكون جاهز
ام هند: ان شاء لله.. يمه منج ليش ماخليتي ابوج يدق
هند:خلاص أنا اصرف
ام هند: عيارتج

نوره ادخلت معصبه..!!
ام ابراهيم: شفيها هاذي
ابراهيم: شدراني

نوره كلش مالها خل اي شيء..!!
شوي وله تمسك تلفونها..!!
عزوز(( بس تردين البيت كلميني ضروري))
نوره تتحلطم(( خل ادق اشوف شنو يبي))
نوره دقت على عزوز وله نغمه تلفونه (( مالي أنا والفرقى...))
عزوز: هلا بالصوت
نوره:هلافيك
عزوز: ها توج راده
نوره: اي شفيك اصاير
عزوز: ماكو انتي ما عطيتيني عنوان بيتهم وله البن
نوره: اي صح اوك الحين ادزه لك
عزوز: ماشي انطرج

نوره مضايقه حيل ماتدري شنو اسوي..!!
ايـــات ردت البيت واهي حيل ماخذه بخاطرها على امها..!!
ام ايات: ايات يمه أنا اسفه ماكان قصدي بس انتي نرفزتيني حيل
ايات: ماعليه يمه حصل خير
ام ايات: يله عاد ما احب اشوفج مضايقه
ايات: مومضايقه يمه عادي
ام ايات: اكيد
ايات: اي يمه
ام ايات: يله عيل اخليج ترتاحين
ايات: ان شاء لله

مبارك دق على ايات..!!
مبارك: ها شلونج الحين
ايات: تمام ماعلي
مبارك: بتنامين
ايات: اي
مبارك: يصير اضل بالخط
ايات: اوك
--------------------------------------------
الي يبيني اكمل البارت 36 يدعمني على الاسك والانستا..!!
حسابي بالانستا..!!
KBLACKCAT
الاسك..!!
http://ask.fm/KhaledBLACKCAT
--------------------------------------------