روايــــة بنات ال high school ......

الجزء الثالث
المدرسه قعدت تطالعها وبعد تفكير وافقة نوره طلعت من الصف بس ماراحت الحمام مثل ماقالت حق الأبله راحت تمشى وتدور فالمدرسه ..
نرجع حق أمل ومها وهدى فالصف
هدى:ابله ابي ارجع مكاني برد
المدرسه طالعتها بنضرات وصدت تكمل شرح الدرس
هدى نقهرت قامت من مكانها :شفيج انتي اقول لج برد
المدرسه عصبت:شو انتي انا عندي اسم
هدى:عيل اقول لج برد تطالعين بنضرات وتصدين
المدرسه ماعرفت شنو تقول
هدى سحبت كرسيها ورجعت ورى
المدرسه:اذا حكيتي معها بطردك برى
هدى:تكلمت انا الحين
المدرسه:انا ئلت اذا
المدرسه حطت أمل قدام عندها فسحبت أمل كرسيها عند الكمبيوتر وفتحته قعدت تفتح مواقع وتخربط واذا التفت الأبله عليها تصكر الشاشه عشان ماتصيدها .,.
هدى التفت على مها :وين راحت نوني تأخرت
مها حطت راسها بدون هتمام على الطاوله :مادري
هدى:شفيج .؟
مها:ولاشي
هدى :متأكده
مها بتسمت وبتسامتها فضحتها
هدى:مهاوي شفيج قولي؟
مها:مادري بس نوره واايد متغيره هلأيام ماتلاحظين
هدى:شنو المتغير فيها
مها:ماتتصل مثل قبل وأسلوبها واايد متغير
هدى:تبيني اقول لها
مها:لا لا خليها على راحتها
هدى:اذا اسلوبها وتصرفاتها مضايقتج قولي لها
المدرسه تصرخ على مها وهدى:انتو شو ماعندكم كرامه اسكتو اسكتو ازا انتو مابدكم تتعلمو غيركم بدو انتي رفعي راسك
هدى:ابله مها مصدعه
المدرسه:من كتر الحكي ارفعي راسك من على الطاوله
هدى:ماتقدر راسها يعورها
نوره تتمشى فالممرات بين الصفوف دخلت الحمام بتعدل شعرها وحصلت عبير البوي الي عطتها ريال فالكفتيريا :هااي
عبير:هايات
نوره وقفت تعدل شعرها
عبير تطالعها :بسئلج سؤال وجوابي بصراحه
نوره طلعت الغلوس من مخبا تنورتها :سئلي
عبير:انتي شابكه
نوره رفعت يدها
عبير تحطمت احلامها لم شافت الخاتم في يد نوره :من متى؟
نوره:من سنتين
عبير:اها الله يخليكم حق بعض
نوره ماردت كانت مشغوله فالغلوس
عبير:شـ عليج
نوره:شارده من حصة العلوم
عبير ضحكت: نفس الشي بس انا من حصة العربي
نوره:اي من تدرسكم
عبير:ابله هميا
نوره:اي احنى في اول كانت تدرسنه عربي وحده اسمها عاشه قطريه بس الحين طلعت كانت حبوبه وكله تنكت كنت اموت على حصتها
عبير:نحس طلعت من المدرسه على دفعتنه
دخلت وحده من رفيجات نوره الحمام اسمها "عليا " في صف ثالث ثنوي نوره سلمت عليها
و تسندت على الطوفه تطالع عبير
عبير:عندج ايميل
عليا كانت داخله وفي يدها دفتره ومقلمه وقفت تعدل شعرها
نوره:عندج قلم
عبير تطالع عليا :ممكن
عليا:اي تفضلي
عبير خذت قلم وكتبت ايميل نوره على يدها وطلعت من الحمام تمت نوره مع عليا فالحمام
عليا:معجبه
نوره وقفت مع عليا في نفس المنضره تعدل شعرها :كأنها... سوت معاي تحقيق
عليا:واو انتي لين الحين مع مها ولا
نوره:لين الحين مع مها
عليا:ومها تدري عنها
نوره:نو
عليا شلت اغراضها وباست نوره على خدها:يالله اشوفج على خير
نوره بتسمت بعد ماطلعت عليا من الحمام تمت نوره بروحها فتحت الماي وقعدت تلعب فيه وكل ماتدخل بنت تسئلها عن الوقت .......
عبير دخلت صفها مستانسه قعدت وقالت حق رفيجتها "غلا" كل الي سار بينها وبين نوره
غلا:ذي ايميلها
عبير:اي تعرفين البنت حبوبه وطيبه واموره ودلعها ااه من دلعها
غلا ضحكت :بس لا تنسين البنت شابكه
عبير:بخليها تحبني وتموت فيني وتترك حبيبتها
غلا:وحده شابكه معاها وتحبها من سنتين بتهدها عشانج انتي
عبير بثقه:بتهدها عشاني وبتشوفين
بعد مارن الجرس نوره طلعت من الحمام ورجعت الصف مها كانت واقفه عند باب الصف نوره قربت منها ومسكتها من خصرها:شـ علينه
مها تطالع البنات الي يتمشون فالممر:مادري
نوره :شفيج
مها:مافيني شي
نوره:انتي حتى ماتطالعيني
مها طالعتها:مافيني شي
نوره :متأكده
مها :اها
أمل طلعت من الصف ووقفت معاهم:وين رحتي
نوره حاطه عينها في عين مها:قعدت فالحمام لين مارن الجرس كنت انتظر بعض الناس
مها وخرت عن نوره ودخلت الصف
نوره:شفيها
أمل:مادري
هدى كانت تكلم بنت لم خلصت وقفت مع أمل ونوره عند الباب شافت نوره ساكته وتفكر :نوني شفيج
نوره ضمت هدى:حنونه انا متضايقه
هدى:ليش يا عمري متضايقه
نور ماتكلمت
أمل:مها
نوره:ماسويت لها شي مادري شفيها متضايقه مني
هدى:بعدين بقول لج شفيها
نوره:ليش هي فيها شي
هدى:اي
مدرسة الرياضيات :شو هاد ليش هيك ضامتها
نوره وخرت عن هدى
هدى:لأنها متضايقه
مدرسة الرياضيات:وانتي بدك تخففي عنها
هدى بدلع :اي
دخلو البنات الصف نوره حطت راسها على الطاوله وهدى قاعده تلعب في شعرها اما مها وأمل قعدو يسولفون على ورقه
أمل :شفيج مع نوره ؟
مها :ولاشي بس هي متغيره
أمل :مادري اشوفها عادي
مها:لا مب عادي اسلوبها واايد متغير
نوره كانت تشوف الورقه الي تدور بين مها وأمل سحبتها من يد أمل وقرت الكلام شقتها وحطت فتاتها فالدرج,
مها:ابله ممكن اروح الحمام
مدرسه الرياضيات:ممكن
طلعت مها من الصف ...
أمل قعدت مكان مها عند نوره:نوني شفيج
نوره ماردت حطت راسها على الطاوله
أمل :ترى خذت معاها عطر
بعد دقايق نوره ستئذنت وطلعت من الحصه وهي طالعه شافتها الضابطه هيا: نوره شتسوين برع الحصه ؟
نوره: بروح الحمام
الضابطه هيا:انزين حمامكم ذي الصوب
نوره توهقة :بروح عند الممرضه اول باخذ لي بندول
الضابطه هيا :اها
نزلت نوره وراحت الحمام الفرشات دخلت الحمام قعدت تطالع الحمامات :مها ..مها
مها فتحت باب الحمام
نوره خذت الزقاره من يد مها:حكرتي الحمام بريحة الزقاره
مها:انزين بس شفطه
نوره عطتها تشفط بس شفطه وبعدين حذفت الزقاره ويرت السيفون عليها :
مها عطرت نفسها والحمام
نوره:ليش ماقلتي لي هالكلام
مها:اي كلام
نوره تطالعها بنضرات:انتي عارفه اي كلام
مها:مادري احس انج متغير
نوره:انزين ليش ماتقولين لي ليش تقولين حق هدى وأمل
مها نزلت راسها :خفت اقول لج وتزعلين
نوره مسكت يد مها :وانا زعلانه لأنج ماقلتي لي
دخلت ضابطه الحمام وشافت نوره ومها:شتسون
نوره ومها ماردو عليها طلعو من الحمام
نوره :لو عدتي هالحركه مره ثانيه مب احسن لج
مها مسكت نوره من خصرها :شبتسوين
نوره:انتي جربي وبتشوفين
مها:اليوم واايد طويل مع ان اليوم بس اربع حصص
نوره:بكره بتداومين
مها:انتي بتداومين
نوره:مادري بشوف
مها:اذا بتداومين تصلي وقولي لي
نوره:اوكي اليوم الساعه كم بتروحين النادي
مها:الساعه 4 ونص
نوره:اها
في طريقهم حق الصف رن الجرس يعلن عن انتهاء اليوم الدراسي الأول
في بيت نوره الساعه 3 العصر نوره قاعده فالغرفه تدور شي تلبسه ومعليه على صوت الأغاني فلاب توب
دخلت ام نوره الغرفه: صكري الأغنيه الحين بيأذن العصر
نوره صكرت الأغنيه
ام نوره :وين بتروحين
نوره:النادي
ام نوره :بأذن من
نوره:ابوي
ام نوره قعدت على السرير:وليش ماستئذنتي مني
نوره:شنو الفرق انتي وابوي واحد
ام نوره:في فرق وبعدين انتي مب مسجله في نادي ؟ ليكون ناويه تسجلين!
نوره كانت معطى امها ظهرها التفت وشافت امها قاعده على : قومي تحتج سلسلتي
ام نوره قامت وقعدت على طرف السرير :ماجاوبتي
نوره:اليوم في مباراه ورفيجتي تلعب سله فـ بروح اشجعها
ام نوره:بدال لا تروحين تشجعينها قعدي درسي مثل اختج
نوره تطالعها مستغربه:شنو تدرس
ام نوره:ليش انتي ماكنتي موجوده فالصف اليوم
نوره ماحضرت ولا حصه واذا حضرت بتكون راقده او قاعده تسولف:مبله حضرت بس ماتذكر ان عندنه واجب وبعدين صح نوف مب معاي فالصف نوف في صف الحمص
ام نوره:صف الحمص
نوره تنرفزت :اوووف ياربي يمه بتأخريني من كثر ماتسئلين روحي سئليها شنو صف الحمص
ام نوره:عشان اسلوبج الي مثل ويهج مافي روحه
يتبع ...

الجزء الرابع

نوره:اووف ياربي يمه بتأخريني من كثر ماتسئلين روحي سئليها شنو صف الحمص
ام نوره:عشان اسلوبج الي مثل ويهج مافي روحه
نوره "ستغفر الله مب وقتها":يمه اسفه الساعه 4 ونص بتبدى المباراه وانا لين الحين ماحصلت لي شي البسه وانتي قاعده فوق راسي تسئلين سئله عجيبه
ام نوره قامت :انزين نوف بتروح معاج
نوره حطت يدها على راسها:شدخل نوف شدخل نوف لا مابتروح معاي
ام نوره:شفيج بس اسئل
نوره طقعت ولا كأنها تسمع شي
في بيت هدى الجو هادي ام هدى قاعده فالصاله تطالع التلفزيون دخلت هدى وهي ماسكه الاب توب باست راس امها وقعدت:مامي بروح النادي
ام هدى:اوكي
"ام هدى جاهله ماكملت المرحله الأعداديه فـ هي طيبه وعلى نياتها ماتعرف اي شي عن بنات هلأيام والسوالف الي تسير ومالها خص فالتكنلوجيا "
دخلت نوف غرفة نوره بدون ماتستئذن وذي سبب هوشه بينهم
نوره:انتي بقره كم مره اقول لج طقي الباب قبل لا تدخلين
نوف:نسيت ...شفتي فلاشي
نوره:يعني فلاشج شنو بيسوي في غرفتي
نوف:لا بس قلت يمكن يكون
نوره قاطعتها:نوفو نجلعي فلاشج مب عندي
نوف:حترمي نفسج احسن لج ترى انا واايد ساكته عنج
نوره كانت قاعده على الأرض تحط في ريلها مناكير قامت وقربت من نوف حتى سارت تتنفس زفيرها :يالله شنو بتسوين
ام نوره كانت في غرفتها طلعت لم سمعت صوت صراخهم:انتو شنو ماعندكم احساس الوحده ماتقدر ترتاح في بيتها
نوف:قولي لها تحترم نفسها ولا بت
نوره قاطعتها:ولا شنو
ام نوره صرخت:سكتو انتي نجلعي غرفتج وانتي نجلعي غرفتج
نوره دخلت غرفتها وصكرت الباب رن جوالها وهدى الي متصله
نوره ردت وهي متنرفزه:الوو
هدى:شفيج
نوره:نوفوه الثوره نرفزتني
هدى:اها انزين سمعي حصوه بتجي
نوره:مبروك
هدى:مادري متوتره حدي
نوره:لا عادي لا توترين انا بكون معاج
هدى:انتي بتقعدين مع مهوي وبتنسيني
نوره ضحكت
هدى:انزين شنو بتلبسين ؟
نوره:تنوره قصيره
هدى:قصيره لين وين
نوره ضحكت
المباراه , الحفلات المدرسيه , ..الخ هي المناسبات للتعارف بين البويات والبنوتات
نوره واقفه مع هدى فالحمام و أشكال البنات فيه تحفه كأنه كباريه او مرقص او عرض ازياء او حفلة خطوبه !!!!!!!
نوره:اذا فصخت عبايتي شنو بتسوي مهوي
هدى ضحكت:اذا شافتج وهي تلعب بتوقف المباراه وبتقول لج ذلفي لبسي عبايتج
نوره ضحكت فتحت العبايه تشوف الي لابسته فالمنضره:بس مب واايد قصيره
هدى :من صجج
نوره لابسه تنوره سوده قصير توصل لين نص فخوذها
هدى صكرت عباية نوره
نوره:تدرين اني بروح بيتها
هدى:متى
نوره:اول ماتخلص المباراه
هدى:وامج تدري
نوره:قلت لها اذا فاز فريقنا بنحتفل في بيتج
هدى فتحت عينها:في بيتي
نوره:تعرفين انتي الوحيده الي توثق فيج
هدى :الله يستر جان ماتتصل وترد امي وتقول لها انج مب موجوده
نوره:لا ماعتقد بتتصل
دخلت وحده الحمام:بنات يالله المباراه بدت
فالمدرجات نوره وهدى قاعدين
هدى رن جوالها:نوني حصه تنتظرني برع بروح اشوفها
نوره:اوكي
طلعت هدى من القاعه تقابل البوي الي تعرفت عليها اون لاين سار لهم مع بعض 4 شهور حصه بوي فالجامعه ثالث سنه لها تعرفت على هدى من المنتدى فالبدايه كانو فرند وبعدين تطورت علاقتهم وسارت حب
حصه واقفه تطالع الباب تنتظر البنت الي تدردش معاها من اربع شهور واخيراً طلعت ومثل ماتوقعت تكون ملكة جمال .........
في بيت ام نوره , نوف قاعده مع امها فالصاله
ام نوره:نوف انتي تعرفين نوره طايشه ومتهوره ومتكبره وماتحب الا نفسها بس بعد هي طيبه وحبوبه وعسل على القلب احياناً
نوف:يمه نوره من اول مادخلنا الثنويه تغيرت وانتي لاحظتي هالشي سارت أنانيه وسطحيه
ام نوره:من رفيجاتها ؟
نوف:هي تأثر فيهم وهم يأثرون فيها
ام نوره:والتأثير
نوف:سلبي
بعد ساعه خلصت المباراه وطلعو البنات من القاعه
نوره واقفه تطالع هدى وحصه :انا بروح اشوف مها
هدى:اوكي
حصه:احنى بنطلع نتمشى برع شوي
نوره:اوكي
نوره راحت غرفة التبديل وتقريباً كل البنات يعرفونها وهي تعرفهم لأن مب أول مره تحضر مباراه مها توها طالعه من الحمام تفاجئة لم شافتها ماتوقعت انها تحضر :نوني
نوره:بشحمها ولحمها
مها واقفه عند باب الحمام:انا الحين معرقه
نوره:تغسلي انا بنتظرج مني
مها دخلت الحمام نوره قعدت مع الفريق تسولف معاهم
حصه وهدى واقفين عند الباب يتمشون
حصه:الوقت مر بسرعه
هدى تطالع ساعتها:اي
حصه:انا الحين برجع البيت بس انشالله اشوفج مره ثانيه
هدى:تعالي بكره المدرسه
حصه:من عيوني الساعه كم تخلصين
هدى:تسلم لي عيونج الساعه 10
حصه:اوكي
حصه باست خد هدى :يالله بااي
هدى حمر ويها:بااي
نوره دخلت الحمام شافت مها واقفه تحط في شعرها جل مشت صوبها بدون ماتحس مها بوجودها وضمتها من ظهرها وطبعت بوسه في رقبتها :تأخرتي
مها صكرت الجل:خلصت يالله بس بحط اغراضي
نوره ساعدتها قعدت تطوي ثيابها وتدخلهم الشنطه
مها:لا تعبين نفسج
نوره:تعبج راحه
دخلت هدى الحمام وهي حاسه انها بتطير من الوناسه:بكره بتجي المدرسه
مها:ماشفتها
هدى:بتشوفينها بكره نهاية الدوام
سكتو البنات نوره قاعده ترتب ثياب مها ومها واقفه تعدل شعرها
هدى :مها شفتي نوره شنو لابسه
مها تطالع نوره من المنضره:لاء شنو لابسه ؟
نوره توعد في هدى:ولاشي عادي
مها شكت :اشوف فتحي
هدى بدى شغل النذاله:وكانت تبي تفصخ عبايتها
مها ستغربة "شنو لابسه ذي":اشوف شنو لابسه
نوره صكرت شنطة مها:لا
مها بأصرار:اشوف
نوره بدلع:لا
مها:فتحي عبايتج
نوره قربت من عند مها وفتحت كم زر من العبايه
مها فتحت الأزره الباقيه وفتحت عينها من الي شافته:كنتي تبين تفصخين العبايه
نوره واقفه وعبايتها كلها مفتوحه :لا
هدى:جذابه لو ماقلت لها لاء جان فصختها
نوره ضحكت
مها تطالع نوره بنضرات ...
هدى:انا انتظركم برع لا تأخرون
مها:عشر دقايق
نوره:10 دقايق شنو بتسوين فيني
مها:كيفي 10 انتي روحي
هدى طلعت وهي ميته من الضحك
في بيت ام نوره
ام نوره:نوروه تصلت
نوف:لا
ام نوره خذت التلفون وتصلت قطعة ام نوره عليهم اللحظات ال.... نوره طلعت جوالها من شنطتها:الو هلا يمه ..انا قلت لج بروح بيت هدى اي توها مخلصه يمه اوووف انزين بااي
مها:شنو
نوره طلعت الغلوس من شنطتها:تبيني ارجع البيت الحين
مها تلبس عبايتها :اووف
نوره:المره الجايه
مها طلعت جوالها تتصل فالدريول :اوكي..الو يالله جهز السياره
نوره لبست شيلتها:خلصتي
مها:اي يالله
طلعت مها مع نوره , هدى كانت واقفه تنتظرهم عند الباب :وي انتو حتى دقيقتين ماكملتو
نوره ضحكت:امي تصلت وقالت الحين ارجع البيت
هدى:تو الناس الحين الساعه 9
نوره:مادري عنها
مها :تبين اوصلج ولا الدريول برع
نوره:الدريول برع
مها:وانتي
هدى:انا الدريول برع

اليوم الثاني في كفتيرية المدرسه أمل وهدى قاعدين يسولفون اما نوره ومها يشترون
أمل:حسافه كان ودي اشوفها
هدى:اليوم بتجي نهاية الدوام..فاتج امس نوروه كانت لابسه تنوره
أمل ضحكت:تنوره
هدى:ياليت التنوره الي في بالج تنوره قصير لين نص فخذوها وسوده
أمل:اكيد مهوي ستخفت
هدى:خليتهم فالحمام وطلعت
:لو سمحتي
هدى التفت على مصدر الصوت:هلا
:نوره داومة اليوم
هدى:اي
:اوكي شكراً
هدى:عفواً
أمل :من ذي
هدى :مادري أول مره اشوفها
أمل:ليش تسئل عن نوره
هدى:مادري
مها ونوره وصلو حطو الأكل على الطاوله
مها:شسوت امج امس يوم رجعتي البيت
نوره:وي قولي شنو ماسوت
مها ضحكت
نوره:صج عطتني محاضره عن المستقبل والشهاده ورفاق السوء واختي الي لازم اهتم وافكر فيها
أمل: نوني في وحده سئلة عنج
نوره ستغربة:وحده من
أمل:مادري بس شكلها من بنات أول
نوره ماهتمة قعدت تبلع
في نهاية الدوام هدى كشخت ووقفو البنات ينتظرون الأخت حصه وأخيراً وصلت
هدى:حصه ذي رفيجتي أمل امس ماكانت موجوده
حصه سلمت عليها:تشرفنه
وقفت عند الباب الضابطه تهاني النسره الي ماتداني نوره وشلتها ولا هم يدانونها
الضابطه تهاني:انتو وين سياراتكم
محد رد عليها مشت ووقفت في نص المكان
الضابطه تطالع أمل :انتي وين سيارتج ؟
أمل تطالع بنضرات:تكلميني
الضابطه :اي اكلمج
أمل:انا عندي اسم واسمي امل
الضابطه التفت على نوره المتخصره: وانتي ليش متخصره قدام الهنود وقفي عدل

يتبع...

الجزء الخامس
الضابطه التفت على نوره المتخصره :وانتي ليش متخصره قدام الهنود وقفي عدل
مها ردت عليها:انتي على اي اساس تكلمينه انتي مب مسؤله عنه الضابطه هيا مسؤله عنه وبعدين احنى مب فالمدرسه احنى برع المدرسه فأنتي مالج خص فينه
الضابطه تهاني:الحين قدامي تروحين عند المديره
مها:سوري دوام المدرسه انتهى
الضابطه تهاني :انتي وحده قليله الأدب ومب متربيه وانا كلامي مب معاج كلامي مع اهلج
نوره:اسلوبج سوقي
الضابطه تهاني عصبت:ماسمعة شنو قلتي
نوره:مب مستعده اعيد كلامي مب مشكلتي ان انتي ..
دخلت الضابطه المدرسه وهي معصبه
حصه ماتت من الضحك:مب مصدقه الي توه سار
مها:صدقي ذي ولا شي
حصه:انتو منتهين
فلأداره الضابطه هيا مع الضابطه تهاني طبعاً تهاني قالت لها كل الي سار
الضابطه هيا:انزين ماتعرفين اساميهم
الضابطه تهاني :لا بس بتحصلينهم برع كل وحده فيهم لابسه نضاره اكبر من الثانيه
الضابطه هيا:شتسوين هاذي الموضه
الضابطه:هاذي مصخره بليز هيا وقفي بناتج عند حدهم ولا انا بأدبهم
دخلت نوره البيت مع اختها نوف على الساعه 1 ونص
ام نوره كانت قاعده تطالع التلفزيون :ليش متأخرين مب اليوم تطلعون الساعه 10
نوف باست راس امها :سئليها الأخت طاقه سوالف مع رفيجاتها
نوره ماوقف على طول راحت غرفتها بدلت ثيابها وبعدين فتحت الاب توب ونسدحت على السرير فتحت المسنجر ووصلتها اضافه قبلتها حطت حالتها بزي ونزلت تتغدى
ام نوره :تبين مجبوس ولا برياني
نوره:لاذي ولا ذي ابي سلطه
بو نوره:حبيبتي اكلي خلي الرجيم يولي
نوره:لا يبه لازم احافظ على رشاقتي ولا تبيني اربي شحوم مثل بعض الناس
ام نوره عصبت:نوره تأدبي
نوره طقعت ولا كأنها تسمع:يبه في جوال يديد توه نازل عاجبني اشتر لي اياه
ام نوره :جوالج ماسار له شهرين عندج
نوره "ياربي" :ها يبه شقلت
بو نوره مايقدر يرفض طلباتها :اوكي
ام نوره:لا ماتشتري لها الجوال الا لم تجيب a في تقريرها الأول
نوره وهي تاكل غصت , نوف ضحكت
نوره:اذا جي ماراح اشوف الجوال يبه بليز بليز
بو نوره: انشالله
نوره التفت على نوف:مافي شي يضحك يالمعقده
ام نوره:اي ماتدري ان بنتك نوف حطوها في صف البنات المتفوقات
نوره:قصدج الحمص
بو نوره:ماشالله عليج الله يوفقج نوره في فلم يديد توه نازل رعب بروح اشوفه تجين معاي
نوره ستانسة:اي
ام نوره:خذ نوف معاك انا اليوم معزومه على العشا في بيت وحده من رفيجاتي
بو نوره:اوكي الساعه 7 جهزو
نوره قامت وباست خد ابوها :احبك يا احلى واطيب ابو فالعالم
ام نوره وبو نوره ضحكو عليها
بعد الغدى نوره قعدت تسولف مع ابوها
في بيت مها
مها قاعده فالصاله تطالع مباراة كرة قدم بين السد والغرافه مع ابوها
مها واقفه ومنفعله مع المباراه :لا لا يمين غبي غبي اووف
دخلت امها الصاله ومب مصدقه الي قاعده تشوفه:شفيكم
بو مها:قاعدين نشوف مباراه
مها:ابوي قال اذا الغرافه فازو اعزمه على عشا واذا السد فازو راح يطلع لي سياره
اخت مها الكبيره العنود فتحت عينها:شنو تطلع لها سياره انا ماطلعت لي
مها:انتي بنت
ام مها والعنود قعدو يطالعونها"بأن انتي شنو "
فالستي سنتر نوره ونوف وابوهم يتمشون
نوره:يبه لو انا تخرجت من الثنويه شنو تبيني اتخصص
بو نوره:حبيبتي تخصصي التخصص الي تبينه
نوره:لا يبه انت قول شنو خاطرك
بو نوره:امم دكتوره
نوره تحمسة:خلاص من يوم ورايح تناديني الدكتوره نوني
نوف:بس انا بسير دكتوره
نوره طالعتها بحتقار:شنو انتي لزقه لاحقتني في كل مكان
بو نوره:نوره احنى في مكان عام وكله ناس
نوره :يبه هاذي تطلع الواحد من طوره انزين ماعليك منها اسمع
نوف ولا كأنها معاهم هم يمشون ويسولفون مع بعض اما هي لاء تمشي بهدوء وكأنهم غاصبينها على الطلعه وهم داخلين قاعة العرض رن جوال نوره ومها الي متصله:الو هااي حياتو ,...حلفي متى واو من صجج مبروك ياقلبي عقبالي اوكي اكلمج اذا رجعت البيت بااي حياتي ....
يوم الاربعا اليوم ذي يوم مشؤم بالنسبه حق نوره ورفيجاتها ولازم تسير مشكله
نوره قامت من النوم وهي مالها نفس تروح المدرسه فتمت منسدحه فالسرير بجامتها دخلت ام نوره الغرفه وتفاجئة ببنتها منسدحه على السرير وتطالع السقف قعدت على السرير وحطت يدها على راسها :نوره شفيج
نوره تمثل بأنها مريضه:ااي يمه بطني يعورني يمكن اليوم بتشرف
مافي ام ماتعرف بنتها ويمكن علاقه نوره بـ أمها مب قويه بس تعرف بنتها زين وحافظه تصرفاتها:الأسبوع الي طاف كانت مشرفه لو قلتي لي بأن حرارتج مرتفعه كنت بصدقج لأن جسمج حار
نوره ضربت راسها من غبائها:غبيه غبيه انزين يمه مابي اروح
ام نوره :عطيني سبب واحد مايخليج تروحين اليوم الاربعا وبكره الخميس مابقى الا يوم على الويكند
نوره:يمه انتي قلتي السبب اليوم الاربعا
ام نوره فتحت الستاره وصكرت المكيف:شنو يعني مافهمة
نوره قامت من على السرير تحاول تشرح حق أمها شنو الاربعا:يمه يوم الاربعا يوم نحس يوم مشؤم صدقيني لازم تسير مشكله
ام نوره:وليش لازم تسير مشكله اليوم بالذات
نوره:لأن الأربعا يمه الأربعا
ام نوره وهي طالعه ضحكت:عندج نص ساعه تجهزين فيها
في بيت مها
البنات قاعدين يتريقون مع امهم وابوهم
مها قاعده تطرش مسجات حق رفيجاتها
ام مها تنرفزت من صوت الي يطلعه الجوال كل ما يوصل لها مسج:مها ممكن تخلين مسجاتج وخرابيطج بعد الفطور
مها:انشالله البنات مب مصدقين ان ابوي بيطلع لي سياره
العنود:يبه ليش تطلع لها سياره وانا لاء
بو مها:لأنها تعرف تسوق وماتخاف مثلج وغير عن جي مها عن عشر ريايل
مها بتسمت بفخر :فديتك يبه
ام مها:بكره بنروح السوق العصر
مها:كنت بقول لج لأن في اشياء ناقصتني
العنود:بنروح بدون ريم ونرجس
مها:اي يمه يقعدون ويصارخون فضيحه
بو مها:ريم ونرجس انا باخذهم الألعاب لا تحاتون
فالمدرسه دخلت نوره المدرسه مع هدى شافو بنات واقفين عند باب الساحه لأن كانو ينشدون النشيد الوطني
نوره :اووف طابور امشي من باب المدرسات ندخل المدرسه
للمدرسه عدة مداخل المداخل الأماميه مدخلين واحد للطالبات والثاني لهيئة التدريس وبما أن الحين طابور فالمدرسات كلهم فالساحه طلعو هدى من المدرسه ودخلو من مدخل المدرسات وراحو صفهم دخلو الصف وفصخو عباياتهم وقعدو يتعدلون
نوره قاعده على الطاوله تعدل شعرها:حنونه عندج علوج
هدى بحزن :لا أموله اليوم بتغيب
نوره:ليش
هدى:الاربعا
نوره:ااه قلت حق امي قالت لي بلا سخافات
هدى:انا عشانج جايه ولا امي ماتفرق عندها اداوم ولا اغيب
نوره:انا بسبة امي وعشان مها ... سكتت وبعدين ردت ...انشالله اليوم يمر على خير
هدى:اشك
دخلو البنات الصف
هدى ستغرب:مسرع ماخلص الطابور
وحده من البنات:كان بس نشيد وطني وفتشو على الأظافر
نوره:الحمدالله ماحضرنه جان الحين قرعو اظافري
دخلت مها الصف بنشاط :صباح الخير
نوره قامت وباستها على خدها :صباح النور..مبروك مقدماً على السياره
هدى سلمت عليها:متأكده اخاف بس جي يسكتج
مها:يوم الجمعه بروح اختار السياره
نوره:وشنو في بالج
مها حطت شنطتها وفصخت عبايتها:بورش
هدى:حلو انتي عندج ليسن
مها خذت المنضره من يد هدى تعدل شعرها:لا بس اعرف اسوق
نوره :يالله خـ نطلع قبل لا تدخل الأبله
هدى:مره قعدت افكر من وين طلعت كلمة ابله
نوره:ابله على وزن هبله
هدى:اي والله
نوره سحبت المنضره من يد مها وحطتها على الطاوله وسحبت مها من يدها عشان يطلعون قبل لا تدخل الابله ولكن دخلت الابله
كان عليهم عربي ومدرسه يديده من منطقه يديده
هدى:العلوم اردنيه والرياضيات سوريه والعربي سودانيه ليش ؟ليش؟
قعدو البنات
هدى:انا الاحظ ان السودانين شنطتهم الي ورى واايد كبيره
نوره تركز:اي كلهم جي انزين سمعو بما ان اليوم الأربعا اي شي يسير بينه يعني تهاوشة معاج او حذفت عليج كلمه عادي take at easy لأن اليوم الاربعا
المدرسه سكتت البنات كلهم سكتو والتفتو على نوره
نوره:من أولها..سوري ابله
المدرسه:لا بنسمع كلامك شكلو اهم من كلامي
نوره نزلت راسها
المدرسه:ايش اسمك
نوره:نواري
المدرسه:اسمك نواري
نوره بتسمت:اي اسمي نواري جاسم ال..
المدرسه:حلو اسمك فيه ايقاع موسيقي
احياناً المدرسات يعني ماتقدرون حتى توصفون غبائهم المهم نكمل
المدرسه كملت شرحها نوره التفت على هدى:أموله وحشتني
هدى:اي فديتها بذبحها بكره اذا ماداومة
نوره فتحت عينها :ليش بكره ناويه تداومين
هدى:امج ماختلج تغيبين الاربعا بتخليج تغيبين الخميس
المدرسه لمحت نوره وهي تكلم :نواري والله اذا ماسكتي راح توقفي
نوره:مس اسفه بس كنت اسئلها عن النقطه الي توج شرحتيها مافهمتها ممكن تعيدينها
المدرسه حست من كلام نوره اقصد نواري انها فاهمه ومعاها منتبه على الدرس فـ ماعاقبتها شرحت لها النقطه الي كانت تقولها
فالحمام
مها واقفه تعلج ونوره وهدى يعدلون شعرهم
نوره:اول ثلاث حصص مرو على خير الله يستر من الحصتين الجاين
هدى:انشالله مابيسير شي
دخلت عبير مع رفيجتها غلا الحمام ستانسة لم شافت نوره كانت تدورها فالمدرسه
عبير:هااي
نوره سلمت عليها:اهلين شخبارج؟
عبير:تمام وانتي
نوره:تمام
عبير:انا ضفتج
نوره بسرعه تنسى فـ نست اذا هي قبلت اضافتها او وصلتها اضافة عبير:امم مادري بشوف
عبير:اوكي
دخلت عليا الحمام ومعاها بنت سحبت مها وطلعت نوره مانتبهة كانت واقفه تكلم عبير
نوره:خلاص انا اليوم بجيك على الايميل
عبير:اوكي
نوره التفت وماشافت مها سئلة هدى وقالت لها انها طلعت مع عليا فـ بعد ماتعدلت طلعت مع هدى يدورون مها
نوره :يوعانه ابي اكل
هدى:وين مهوي فلوسنا عندها
نوره وقفت مع هدى فالساحه يدورون مها
هدى شافت مها تمشي مع بنت مايعرفونها وأول مره يشوفونها :نوني تعرفين ذي البنت
نوره:اي بنت
هدى اشرت لها على البنت الي تمشي مع مها
نوره ستغربة:لا من ذي؟ انتي تعرفينها! وليش تمشي مع مها ..
هدى:I don’t know بس شكلها معجبه ومشيتهم ذي ماتبشر بخير
نوره خذت هدى وراحو وقفو عند زاويه :انا الحين معصبه ومتنرفزه ابي اروح الصف اذا انتي يوعانه روحي شتري لج انا مالي نفس اكل
هدى:امشي الصف ومهوي حسابها بعدين
نوره:لا خليها

يتبع ....