روايــــة بنات ال high school ......

الجزء السادس وعشرون



مسكت يدها الثنتين بالقو نوره حاولت انها تفلت من قبضتها

:نوره نوره انا مها

نزلت راسها تطالع الأرض و تساقطت دموعها من عينها تحكي قصة ألم وعذاب عاشتها

:نوره شفيج ؟ انتي شلون جيتي البيت ومع من ؟انا مب مصدقه أخيراً حصلتج !

نوره حررت يدها من قبضت مها وكملت طريقها لكن مها ماتركتها مستحيل تتركها اَخر مره تركتها ختفت:نوره نوره

نوره وقفت تطلع سويج سيارتها من شنطتها

مها:نوره شفيج ؟وين بتروحين ؟انا ماشبعت منج الي جابتج اليوم بيتي بدعي لها؟ ليش تصيحين

نوره صرخت في ويها :انا مريم ... انا الرخيصه الي تكلمينها فالشات والمسن BAD GIRL

مها مب مصدقه:شنووووو ..... انتي!!!!!

نوره فتحت السياره بتركب بس مها مسكتها :نوره مابتروحين مكان..؟

نوره:تركيني بروح البيت الوقت تأخر ولين ماوصل

مها سحبت السويج من يد نوره بالقو:مابتروحين اي مكان فاهمه وبعدين مافي حد ينتظرج فالبيت تروحين حق من !!!!!

نوره حضنت مها يمكن تحس بالقهر والألم والحرمان يمكن تحس بالضياع الي عاشته نوره نتيجة قرار امها الفاشل الي دمرها وخلاها#####........

دخلت نوره البيت مع مها كان شكلها مأساه المكياج خترب وعيونها , هيا ستغربة لم شافت مها ماسكه البنت من خصرها من ذي ؟ومن تكون؟ شسالفه !

هيا :مها شسالفه ؟من ذي؟

مها توهقت شنو تقول

نوره :رفيجتها

هيا:أول مره اشوفج مها ولا مره جابت لي طاريج

مها تنرفزت :هيا مب وقته البنت تعبانه الساعه 10 خلاص انهي الحفله وابي الكل يطلع من البيت في نص ساعه

هيا ستغربة :شنو؟ تو الناس

مها :ستغفر الله هيا انا راسي بينفجر وبكره عندي دوام لا تنسين

هيا باست مها على خدها ,نوره حاولت انها تمسك نفسها وماترتكب جريمه قتل بعد حرام تذبح البنت فــ اليوم الي نولدت فيه

مها دخلت نوره غرفة نوم , نوره فصخت عبايتها وهي تعبانه حدها نسدحت على السرير

مها:دقايق بجيب لج شي خفيف تلبسينه

نوره:مشكوره

دخلت مها غرفة الملابس وهي مستانسه مب مصدقه بعد كل هالسنوات نوره ترجع ماكانت متوقع هالشي طلعت لها جلابيه قصيره لين الركبه ورديه خفيفه وناعمه راحت الغرفة تركض دخلتها ماحصلت نوره طار عقلها :وين راحت ذي

نوره طلعت من الحمام وهي تنشف ويها ستغربة لم شافت ويه مها :شفيج..؟؟؟

مها رتاحت عطت نوره الجلابيه :لا ولاشي ها شرايج

نوره:حلوه شكراً

مها :العفو انا بروح ارتب العفيسه الي تحت

نوره بتسمت

طلعت مها وصكرت الباب نوره بدلت ثيابها ولبست الجلابيه نسدحت على السرير تفكر في الي سار اليوم حقيقه او خيال انا اكيد قاعده احلم انا في بيت مها اااه يا مها كل منج يايمه وديتيني بيت خالتي ونقلتيني مدرسه ثانيه تعرفت فيها على بنات خمه فالنهايه سرت مثلهم الا اخس منهم انا ولد حرام في بطني تمت نوره حوالي ساعتين اتقلب يمين ويسار ماقدرت تنام

قامت وطلعت من الغرفه بكل هدوء بطنها يعورها تبي تاكل ماتعشت ولا تنسون الي في بطنها

سمعت صوت مها مشت ورى الصوت ووصلت عند الصاله شافت الي ماكانت تبي تشوفه مها قاعده وهيا منسدحه على الكرسي بس حاطه راسها على ريل مها ومها تلعب في خصلات شعرها وتذوبها بأبيات شعر ونضرات

مها ماحست بوجود نوره بس هيا حست لأن شافت ظلها فالطوفه :من نوره

مها رفعت عينها وشافت نوره واقفه تطالعها

نوره ماقدرت تتحمل:المطبخ وين انا يوعانه

هيا:تحت على يمينج

نوره:شكراً

"خيانه "المسمى الوحيد حق الي قاعده تشوفه بس اي خيانه وانا سار لي كم سنه ماشفتها "

مها قامت:انا بروح اشوف شفيها هي نفسيتها شوي تعبانه

هيا:اوكي

نوره طلعت خيار وخس ..الخ قررت ان تسوي لها سلطه خصوصاً ان خايفه وزنها يزيد ويبين الحمل

مها واقفه عند باب المطبخ :نوره انا

نوره واقفه تغسل الخضروات:انتي شنو

مها:انا اسفه على الي شفتيه فوق هيا حبيبتي من سنه ونص واليوم عيد ميلادها ومابي اخربه عليها وصدمها بانج حبيبتي الـ

نوره قاطعتها:لا تصدمينها ولا تجرحينها بس جرحيني وصدميني خليني اندم على اني قعدت الليله مني خليني اتحسف على اني دخلت ذاك اليوم الشات وكلمتج وتطورة علاقتي فيج

مها:نوره لا تكونين أنانيه الليله عيد ميلادها ولازم كل شي يكون حلو وبعدين انتي اَخر وحده تتكلمين عن الخيانه

نوره صكرت الماي وحطت الخضروات فالطاوله طلعت السكينه من الدرج وبعصبيه :الخيانه انج تخونين شخص تحبينه مع شخص عاجبج الخيانه انج ماتفكرين في عواقب تصرفاتج الخيانه انج تجرحين الشخص الي تحبينه وانتي عارفه هالشي .. انا انا ماخنتج ماخنتج انا قلبي مانبض بأسم اي شخص من عقبج انا ماهديت أغنية حب حق اي شخص انا لم كنت اماارس الجنس مع الشباب كنت امارسه عشان الفلوس وهم عشان الوناسه مافي اي مشاعر حب متبادله انتي ماعندج اي خلفيه عن الي مريت فيه فلا تقولين عني خاينه .....

مها تحسفت على كل كلمه قالتها :نوره انا اسفه سامحيني انا

نوره وهي تقطع الخيار دموعها احجبت الرؤيه شوي فـ جرحت صبعها:ااي

مها كانت واقفه عند الباب فـ دخلت عشان تشوف جرحها لكن نوره كانت واايد منفعله فتحت الماي وحطت صبعها مها مسكت صبعها تبي تشوف الجرح

نوره وخرت عنها:انتو البويات مثل الريايل تلعبون تقولون بأنكم فاهمين البنات زين وتقدرون تعاملونه احسن من الريايل بس كلكم مثل الشي مثل الشي

مها:نوره شفيج ؟ انا ماقصدت ولاشي من الي قلته مساعه

طلعت نوره من المطبخ بدون أكلها طلعت غير الجرح الي في يدها جرح ثاني في قلبها

"جيتك وفيني جرح وهديت جرحي جرح سارو بدال الجرح فـ القلب لك جرحين "



مها طقت الباب بس نوره ماترد فـ فتحت الباب ودخلت الغرفه:نوره

نوره منسدحه على السرير ومعطا الباب ظهرها

مها :نوره انا اسفه انتي تعرفين اني احبج واموت فيج وصدقيني عمري ماحبيت انسانه مثلج وكلامي من قلبي طالع نوره عطيني فرصه وسمعيني

..............

مها شافت مافي فايده طلعت وصكرت الباب وراها قعدت فالصاله :اوووف

سمعت صوت باب الغرفه ينفتح طلعت نوره منه قعدت على الكرسي عندها :انا اسمع يالله

مها:نوره لم امج ودتج عند خالتج امي ودتني عند دكتور نفسي ولم شافت مافي حل قررت بأن الحل الوحيد الي بيفيدني هو الزواج

نوره فتحت عينها"الزواج"

مها:تزوجت الزواج غيرني بس مب وايد ألبس لبس بنات اتمكيج اكشخ مثل البنات بس في داخلي البس ذي مايمثلني من كم شهر توفى زوجي في حادث سياره ورجعت على طول حق طبيعتي ابي انساج و الطريقه الوحيده هي اني اتعرف على بنات بس ولا وحده من هالبنات قدرت تنسيني

نوره:وهيا

مها:هيا مثل فاطمه ومثل عليا

نوره ضحكت:ماشالله كم وحده حاولت انها تنسيج !!!

مها:واو حوالي 15 .... 5 بنات جامعه والباقي من الشغل من المجمع من الشات

نوره:وهيا

مها:هيا من جامعة ####

نوره:اها

مها:ونسيت اقول لج ان عندي بنت

نوره ستانسة:حلفي

مها:والله اسمها جواهر عمرها سنه وثلاث شهور

نوره:حلفي وينهي

مها:في بيت امي عشان الحفله وجي

نوره:ابي اشوفها

مها:بكره بتجي الظهر مع الخدامه

نوره:اي حسافه مابشوفها

مها :ليش؟ شوفي ترى في احلامج ماخليج ترجعين البيت بروحج انتي بتعيشين معاي محد فالبيت غيري انا وبنتي والخدامه

نوره:بس مها بضيق عليكم

مها:مابي اسمع هالكلام مره ثانيه بكره تروحين وتجيبين اغراضج

نوره:مصره

مها:اي

نوره:وهيا

مها مسكت يد نوره:ماعليج من هيا المهم أنتي حياتي انا مب مصدقه انج قدامي

نوره سحبت يدها:هيا موجوده

مها ضحكت ومسكت يدها :شتسوي تم لين هالحزه فالبيت لا رجعت بيتهم الحين الساعه 12

نوره بنضرات كلها أغراء:اها يعني مافي حد فالبيت غيري وغيرج

مها قربت منها :اي

نوره :ويت ويت لا تنسين اني

مها فهمتها قامت وقومتها معاها :اوكي قومي انتي ماتعشيتي

نوره :وااي بطني من مساعه يطلع أصوات

مها:اسمع من مساعه

نوره ضحكت:شنو بتسوين لي

مها:اممم شنو مشتهيه

نوره:اي شي من يدج حلو

مها:شنو تبين بيتزا ولا معكرونه

نوره:واو الزواج صج عدلج وغيرج..

لقيت روحي بعد ما انا لقيتك
بعد اللقا ارجوك لا لا تغيبي
صعب علي ابقى وانا ما نسيتك
احساسي كني بين ربعي غريبي
كل ما تبيه من عمري انا عطيتك
حتى الخفوق ينطق بكلمة حبيبي
ليت النجوم تقبلها مني ياليتك
في كل فجر بقول يا شمس غيبي
كم لي اصيح و اقول ياني فديتك
ماعاد شي من نصيبي نصيبي
ياكل عمري لك بعهد وفيتك
انت حبيبي و باقي لي حبيبي
في هاجسي وحلمي و وهمي لقيتك
حتى الاماني في الامل لك تطيبي
ابد ما اظن اني في لحظه نسيتك
وان كان ذا ظني فالله حسيبي
و هذه مناتي بعد ما انا لقيتك
ابي حياتي تهتويني حبيبي....

الجزء الثامن وعشرون

الساعه 1 ونص الظهر نوره منسدحه على الكرسي فالصاله وحاطه المخده على ويها نفتح الباب أكيد ذي مها راجعه من الدوام :مهاوي

:هااي

نوره شلت المخده وشافت ...: هيا

هيا:اي شخبارج

نوره قعدت :تمام وانتي؟

هيا:الحمدالله

نوره ستغربة ذي شنو الي يايبها هالحزه و: انا ماسمعت صوت الجرس

هيا ضحكت:مها معطتني نسخه من مفتاح البيت

نوره:اها ومها تدري انج مني

هيا:اي كلمتها قبل لا ادخل

نوره نصدمت :كلمتيها .. هيا علاقتج في مها مثل ماهي ولا تغيرت...

هيا تتكلم وهي على وشك انها تطير من الوناسه:تغيرت وللأفضل اليوم انا بروح اتغدى معاها في فندق ####

نوره نصدمت :ماقالت لي

هيا ستغربة من رد نوره :ليش هي لازم تقول لج كل شي

نوره :لا بس

هيا قاطعتها:نوره انتي تعرفين تمكيجين انا توني راجعه من الجامعه ومثل ماتشوفين مكياجي خفيف ممكن تمكيجيني

نوره قامت وهي راسمه بتسامه ناصعه على ويها :بروح اجيب المكياج من الغرفه انتي انتظريني مني

هيا:اوكي

بعد خمس دقايق رجعت نوره بـ علبة المكياج :اي لون تبين احط لج

هيا:وردي مره وحده مع العبايه

نوره:اوكي

بدت نوره تلون ويه هيا بدون نفس وكانت معصبه لدرجة ان وهي تمكيجها تفكر انها تخربط في ويها دخلت مها البيت وشافت نوره واقفه فالصاله تمكيج هيا الي قاعده على الكرسي

"واو 2 much...الله يستر ":السلا م عليكم

هيا تكلم نوره:شوي نوره

نوره وقفت قامت هيا وسلمت على مها

هيا:حياتي شرايج فالمكياج

مها تطالع نوره وخايفه من ردة فعلها:حلو

هيا رجعت و قعدت على الكرسي ونوره كملت شغلها

مها فصخت شيلتها وقعدت على كرسي مقابل نوره وهيا :جواهر رجعت من الحضانه

نوره ماردت

مها "اوكي اوكي السكوت الي يسبق العاصفه"

نوره بعد ماخصلت عطت هيا المنضره تشوف

هيا تطالع نفسها فالمنضره:روعه مشكوره حياتي

نوره تلم اغراضها:العفو

هيا :يالله مها الساعه الحين 2

مها بدى التفهي :ها وين

نوره بنبره حاده:الفندق

هيا لمت شعرها ولبست شيلتها وجهزت : بنروح بسيارتج ولا مع الدريول

مها:سيارتي هاج شغليها انا بروح اشوف جواهر مابتأخر

هيا خذت سويج السياره وطلعت

مها:نوره انا بفسر لج

نوره :انا مب محتاجه اي تفسير حق اي شي انتي .."سكتت ونزلت دمعه من عينها " شلت علبة المكياج بتروح مها مسكت يدها

نوره سحبت يدها بالقو :شوفي مها انا تعبت ولاعت جبدي

مها:شسويت ...

نوره:شسويتي انا شنو في حياتج ؟ انا شنو بالنسبه لج؟

مها:أنتي عارفه انتي شنو بالنسبه لي

نوره:انا ولاشي بالنسبه لج مها المفروض تقطعين علاقتج مع هالبنت بس انتي لين الحين تطلعين معاها وتشوفينها وطايحة لي غزل وتبوس فيها

مها:نوره سمعيني انا ماقدرانهي علاقتي مع البنت بهالسرعه وبدون سبب

نوره:بدون سبب ....وجودي هو أكبر سبب عشان تقطعين علاقتج فيها بس الضاهر انتي مب مستعده قولي انج تحبينها وتعلقتي فيها قولي

هيا دخلت البيت

نوره نزلت راسها عشان هيا ماتشوف دموعها :روحي تأخرتي

هيا:يالله مها تأخرنه

مها ماكانت ناقصه :دقيقه انتي روحي السياره

هيا طلعت

نوره مسحت دموعها :انا وانتي علاقتنه مالها أمل ...

مها طلعت من البيت بدون ماتقول اي شي

نوره قعدت على الدريه تصيح "وبعدين! وبعدين ! وبعدين ! "

....الصراحة قولها لي ماتبيني
لاتعلقني معاك قول الصراحه....

……………………………

قاعدين ياكلون ...لاء ...وحده تاكل والثانيه تلعب بلأكل

هيا:شفيج حياتي؟

مها حطت الشوكه:مالي نفس

هيا مسكت يد مها :ليش ياعمري؟

مها سحبت يدها بهدوء من يد هيا بدون ماتسبب تساؤلات عندها:تعبانه راسي ينفجر من الشغل ....

هيا:اها نوره لين متى بتم فالبيت ؟

مها:لين ماتطلع روحها من جسمها ؟ا

هيا :حلو ان رفيجتج تعيش معاج في نفس البيت ...

مها ماردت

هيا:من يوم ما نوره دخلت حياتج وانتي متغيره ........!

مها:دخلت ...نوره من زمان في حياتي

هيا:من متى انتي تعرفينها؟

مها:من قبل لا اعرفج

هيا:اها ...مها انتي واايد متغيره ماسرتي تتصلين وتسئلين مثل قبل مها انا ضايقتج في شي

مها:مافيني شي صدقيني مافيني شي انا بس مشغوله هلأيام في صفقات ومشاريع

هيا:من يوم ماعرفتج وانتي مشغوله في صفقات وعقود مع شركات شفيج؟؟

مها تلعب فالأكل

هيا:انتي حتى مب قاعده تطالعيني وانا اتكلم من اليوم الي شفت فيه نوره واسلوبج متغير معاي

مها تنرفزت:ممكن اعرف ليش تدخلين نوره في كل شي..؟!

هيا :لأن كلامج وتصرفاتج معاها ساعات تحسسني بأنها كل شي في حياتج

مها:خلصتي غداج

هيا حطت الشوكه بدون نفس وقامت

مها دفعت الفاتوره ولحقتها

……………………

نوره معصبه معصبه حدها ونفسيتها تعبانه وحالتها كانت صعبه من قلب دخلت المطبخ وشربت غرشتين كبار "عشرج" الخدامه نصدمت هي جربت العشرج وهو مب حلو عشان نوره تشربه بهالطريقه نوره تشربه وكأنها تشرب بيبسي او ميرندا طلعت من المطبخ وسارت تركب وتنزل من الدري بسرعه وهي تركض فوق الخمس مرات وفالمره السادسه بدى الألم دخلت الله يعزكم الحمام دقايق وتسمع الخدامه صرخة نوره من الألم تخرعت نزلت تحت الصاله عشان تتصل في مها وهي نازله على الدري شافت دم على الدري نزلت بسرعه وتصلت في مها

مها نزلت هيا البيت وقررت أنها تروح المكتبه تشتري اغراض رن جوالها

:الو

الخدامه:نوره في يصرخ

مها :شنو يصرخ

الخدامه:في يشرب عشرج وبعدين في دري كل دم هي يدخل حمام يصرخ واايد قوي انتي يسمع وفي دم وواجد دم على دري... ثياب نور

مها تسمع الصوت كان صراخ مب طبيعي:اوكي اوكي انا الحين بجي انتي لبسي مدام نوره عبايه انزين

الخدامه:اوكي مدام

مها تصلت في دكتوره كانت تردد لها لم كانت حامل في جواهر وقالت لها عن حالة نوره والدكتوره قالت لها تجيبها بيجهزون لها غرفة عمليات

دخلت مها البيت وشافت نوره قاعده على الكرسي وتعصر من الألم وثيابها كلها دم ركبتها السياره بمساعدة الخدامه

مها:انتي روحي قعدي عند جواهر انا بتصل اتطمن عليها كل نص ساعه

الخدامه:اوكي

وهم في طريقهم العياده

مها عايشة حالة خوف والي زاد خوفها وتوترها ان نوره كانت شبه ميته اتنفس لكن لا ترد ولا تفتح عينها

.......................................................

فالسياره هيا ماسكه يد مها :انا احبج وماقدر اعيش بدونج مها انا ماتخيل حياتي بدونج مها الله يخليج لا تتركيني ترى بدونج حياتي مالها معنى ....

مها:هيا لا تقولين هالكلام الي خقلني خلق غيري

هيا:انا ابيج مابي غيرج

..........................................................

طلعت الدكتوره من غرفة العمليات

مها :ها شخبارها .!

الدكتوره:الحمدالله بخير بس فقدنه الجنين

مها :الحمدالله انزين اقدر اشوفها

الدكتوره:ممكن ..هي كانت متعمده انها تجهض الجنين ...

مها توهقت شنو تقول لها :هي أصلاً ماتعرف انها حامل كنت بفاجئها بكره في عيد ميلادها وبقول لها أنها حامل .........

الدكتوره:اها طيب وين زوجها ؟؟؟؟؟

الجزء التاسع وعشرون



طلعت الدكتوره من غرفة العمليات

مها :ها شخبارها .!

الدكتوره:الحمدالله بخير بس فقدنه الجنين

مها :الحمدالله انزين اقدر اشوفها

الدكتوره:ممكن .. هي كانت متعمده انها تجهض الجنين ....

مها توهقت شنو تقول لها : هي أصلاً ماتعرف انها حامل كنت بفاجئها بكره في عيد ميلادها وبقول لها أنها حامل

الدكتوره:اها طيب وين زوجها ؟؟؟؟؟

مها :وانتي شتبين في زوجها

الدكتوره:لازم اشوف زوجها واكلمه ذي اجراء عام

مها :ستغفر الله البنت أرمله الحين ممكن اشوفها

الدكتوره:طيب في أوراق لازم توقعين عليها

مها:انزين

وقعت مها على الأوراق وستفسرت عن حالة نوره اكثر قالو لها بأن الغرفه الي بيحطون نوره فيها غرفه فيها سريرن بالعربي معاها وحده فالغرفه مها دفعت لهم مبلغ كبير وحطوها في غرفه كانت محجوزه حق واحد من عيال الشيوخ المهم تمت مها مع نوره مارجعت البيت كل نص ساعه تتصل على الخدامه تتطمن على بنتها جواهر... تفاصيل ويه نوره رجعت ذكريات الثنويه حق مها الثنويه أحلى مرحله في حياتهم طيش وناسه وهبل حب وغرام وجنون عقد صداقه مدى الحياه وقعت عليه نوره ومها وأمل وهدى ....

نوره فتحت عينها ماكانت مستغربه من وجودها فالغرفه بس ماكنت متوقعه انها تكون موجوده في ذي الغرفه توقعت انها تكون فالقبر بعد الي سار حاولت انها تعدل قعدتها بس حست بعجز العجز شعور غير محبوب لدى الكثير وغالب الناس مايريدون الرحيل من العالم دون معايشته مها طلعت الله يعزكم من الحمام توضت عشان تصلي الفجر

ستانسة لم شافت نوره قاعده وماتشتكي من شي :الحمدالله على السلامه

نوره ماردت

مها :خوفتيني عليج ليش تسوين جذي

نوره:ذي الي لازم اسويه من زمان اذا خليته اكثر من جذي في بطني مابقدر انزله بسهوله

مها:جان قلتي لي انتي ما

نوره قاطعتها:انتي لاهيه مع حبيبة القلب

مها غيرة الموضوع:الجنين مات واليوم المغرب بيرخصونج

نوره قاطعتها :لا تغيرين الموضوع

مها:اي موضوع نوره الموضوع انتهي وتصكر

نوره بعصبيه :لا مانتهى مها انا لاعت جبدي ماقدر اكمل حياتي معاج انتي خاينه وانانيه وماعندج قلب انا مادري شلون في يوم من الأيام حبيتج

كلام نوره مثل السهم خترق قلب مها وسبب نزيف خذت مها سويج سيارتها وشيلتها بس قبل لا تطلع :يجي منج اكثر ماتوقعت في يوم اني اسمع هالكلام منج توقعتج اكثر انسانه عارفتني وفاهمتني لكن توقعاتي طلعت مب في محلها نوره مب بس انتي الضحيه فالغرفه ذي انا بعد كنت ضحيه انا امي طلعتني من المدرسه وخلتني اكمل دراستي فالبيت ودتني حق طبيب نفساني تتخيلين نفسج كل يوم في عيادة دكتورنفساني انا حياتي كلها نقلبت فجأه....

العايله كلها كان موضوع سترجالي بالنسبه لهم شي عادي انا تقمصه دور الولد وسرت ولد بمعنى الكلمه وماكان عندهم اي مشكله بعد خمس سنوات يبون يرجعوني بنت انا مب صوره في يدهم يقلبونها بنت و ولد وقت مايبون زوجوني واحد اكبر مني بـ 7 سنوات كان المفروض اخذ جايزة الأوسكار على تمثيلي عليه مثلة له بأني احبه وعشقه لبست الفساتين وحطيت المكياج والكل توقع اني خلاص رجعت بنوته مثل مايقولون بين المنزلتين منزله وانا كنت بين البنت والولد .... كان صعب اتقبل موضوع زواجي لأني ولا مره في يوم فكرت اني بتزوج غصبن عني مب برضاي لم مات ريلي رجعت بيت أهلي لأن المحامي يبي يدرس الوصيه أكثر فـ موضوع الوراثه تاخر شوي امي طلعت لي بزوج ثاني اكبر مني بـ ثلاث سنوات لكني رفضته ورفضي ذي خلق فجوه كبيره بيني وبين أمي سارت هوشه كبيره بيني وبينها المهم قلت بعتمد على نفسي وبسيطر على حياتي بنفسي شتغلت في وظيفتين الصبح في شركه #### والعصر في بنك ###### خذت لي بيت أجار وقعدت فيه مع بنتي جواهر كانت تمر أيام ماشوف جواهر مع انها معاي في نفس البيت لأني ارجع الساعه 11 فالليل من الدوام ارجع تعبانه كل الي افكر فيه وابيه هو السرير وبعد ما عدلو الوصيه طلع البيت بأسمي رجعت البيت مع بنتي ورجعت مثل قبل كل الناس فالدنيا مرو بلحظات صعبه في ناس ستسلمو وناس قررو انهم يتغلبون على مشاكلهم وينسونها لا تحطين في بالج ان كل واحد تشوفينه مبتسم مستانس في حياته ترى واايد ناس ورى ابتسامتهم عذاب وقهر وألم وحسره قلتي اني خاينه وانانيه وماتقدرين تكملين حياتج معاي اذا طلعت من هالباب راح اطلع من حياتج ووعدج ماتشوفين رقعة ويهي مره ثانيه قولي لي اطلعي وبطلع من حياتج كلها !!

............................................................

وقفت السياره عند باب بيت ازرق

مها:هيا قبل لا تنزلين بقول لج شي

هيا بدى التساؤلات تسئل نفسها : شنو

مها :مادري شلون اقول لج

هيا "شسالفه " قولي شفيج ؟

مها :هيا علاقتي معاج لازم تنتهي نكون فرند احسن

هيا في ثواني تسربت دموعها من عينها:ليش انا شسويت

مها مسحت دموع هيا :انتي ماسويتي شي بس انا ماقدر اكمل حياتي معاج

هيا:مها قولي لي أول ليش

مها :في وايد أسباب

هيا بأصرار:ومنها

مها بعد تفكير قررت انها تقول الحقيقه:نوره مب رفيجتي نوره حبيبتي من ايام الثنويه

هيا:انا كنت عارفه ان نوره ذي وراها سالفه

مها:والحين عرفتي السالفه

هيا مسكت يد مها :مها انا احبج احبج

مها:هيا انتي بنت صغيره وحلوه والحياه قدامج

نزلت من السياره بجرح مع الأيام بيختفي ومابيبقى له أثر وبتبقى مها في صفحت النسيان مطويه

..........................................................

:انا احبج

مها حطت مفتاح السياره وشيلتها وقعدت على السرير عند نوره

نوره:انا اسفه انا الي كنت أنانيه بس والله الي مريت فيه لو شنو ماراح اقدر انساه حياتي سارت جحيم وكل ماقول بكره بيكون احسن يطلع اليوم الثاني اخس من اليوم الأول كل يوم الضغط يزيد وحس اني بختنق احس اني ماعرف شي احس اني ماستاهل شي ولم شفتج مع هيا حسيت بأن احاسيسي كلها في محلها بديت احط بيني وبينج حاجز وحاول اني ماتعلق فيج كثر ما انا متعلقه فيج لأني خايفه أنج صج تحبين هيا وتخلين عني " بدت عيونها تمطر " راشد قال لي بأنه يحبني ويهتم فيني بديت احبه واحب الجنس الخشن الغزل الكلام الرومنسيه الدلال والدلع كنت في بداية عشقي له بس صدمني بواقع انه كذاب شاطر وخاين تكلمنا عن كل شي كل شي الزواج البيت العيال تخيلي عمري ماتخيلت نفسي بـ هالغباء شلون صدقته شلون! من بعد هالموقف وانا نضرتي للحب تغيرت بديت اعيش في خوف واكبر خوف من ان اقرب ناس لي يجرحوني

مها مسكت يد نوره :لم تخافين معناته عندج شي بتخسرينه وانتي خايفه تخسريني مثل ما انا خايفه اخسرج

نوره : مها ليش يسير فينه جي ليش احنى من بين كل البنات الي فالعالم نذوق المر فتره طويله ولين جينه بنذوق الحلو نحس بمروره فيه انا تعبت مها انا تعبت انا لم شربت العشرج وكنت اركب الدري وبديت أنزف ماكنت ابي اموت الي في بطني بس كنت ابي اموت نفسي بعد

مها شهقت لم سمعت اَخر جمله وغرقت في حضن نوره ....................

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام

انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام