روايــــة بنات ال high school ......

الجزء العاشر

مها:انتي تكلمين عبير
نوره نصدمت من سؤال مها: اي
مها:من متى
نوره:من اربع ايام
مها عصبت : انتي تعرفين اني ماداني هالبنت ليش تكلمينها
نوره:لأن انتي ماتدانينها انا ماكلمها
مها:انتي ماتدانين روان وبتعدت انا عنها اتوقع منج نفس الشي
نوره:بس روان معجبه فيج
مها:يعني الي سمعته صح
نوره:شنو سمعتي
مها بكل برود:نوره الي بيني وبينج انتهى ......... فصخت الخاتم وعطته نوره
نوره نصدمت الجمله لين الحين ترن في طبله اذنها حطة هديتها وطلعت من البيت ركبت السياره وهي تصيح الدريول ستغرب :مدام شنو في
نوره صرخت عليه:مالك خص روح بيت
نوره قضت اليل سهرانه مع دموعها في عيد الحب انتهة علاقتها ...
اليوم الثاني الصبح هدى وأمل ومها يتشمون أمل وهدى ماعندهم اي فكره فـ الي سار امس
نوره كان شكلها مأساوي لا كحل ولا شي في ويها ولبسها عادي وعيونها حمر من كثر ماكانت تصيح وسهرانه هدى لم شافتها شهقت :شفيج نوره
مها معطتهم ظهرها
نوره قعدت تصيح في حضن هدى , أمل عورها قلبها تأثرت وعيونها دمعة
مها دخلت الصف وخلتهم بروحهم
هدى:نوره سكتي وقولي لي شفيج عورتي قلبي
نوره مب قادره تسكت مدرسة الفيزيا كانت تدور على نوره تفاجئه لم شافتها تصيح :نوره شفيج
هدى:مادري يا ابله جات وهي تصيح
المدرسه :نوره تعال معاي خلاص انتو روحو الحصه بدت
هدى :انا مابدخل الا لم اشوف شفيها
المدرسه:هدى مب وقته انتو روحو وانا بشوف شفيها
هدى:قلت لج مابحضر اي حصه الا لم اعرف ليش رفيجتي تصيح
المدرسه:أمل دخلي بس وحده ماقدر اخذ ثنتين معاي
هدى:انتي روحي انا بشوف شفيها بقول لج
أمل دخلت الصف وستغربة وجود مها فالصف وسكوتها الصبح ..
المدرسه خذت نوره ودخلتها غرفتها عطتها فاين تمسح دموعها ومااي
المدرسه:تبين تقولين لي ولا تقولين حق هدى
نوره تطالع هدى المدرسه فهمت وطلعت من الغرفه خلتهم بروحهم عشان ياخذون راحتهم
هدى:نوره شفيج
نوره قالت حق هدى كل الي سار ورجعت تصيح ....
المدرسه دخلت الغرفه :نوره المسابقه تبدى الحين اذا ماتبين تشاركين عادي
نوره مسحت دموعها:لا بشارك البنات معتمدين علي
هدى:نوره اذا ماتبين عادي مب مهم طز فالرحله اهم شي انتي
نوره:لا عادي
بنات اول وثاني ولجنة التقيم المكونه من مديره ودكتوره فالجامعه ومدرسة عربي نوره قاعده في غرفة التدريب مع البنات المشاركين معاها
هدى:كتبتي شي
نوره:اي اليوم الصبح كتبت
مدرسة الفيزيا طلبت من هدى انها تغادر الغرفه وبدت تنادي اسامي البنات وحده ورى الثانيه
أمل لم عرفت الي سار عصبت :انتي غبيه ولا بقره ختاري واحد من الثنين
مها:هي غلطانه
أمل:أول مره تغلط تقومين تنهين علاقتج فيها مهوي انتو سار لكم سنتين مع بعض اتجي حماره بزر في أول وتنهيها وذي عبير انا اوريج فيها
مها:انا كنت معصبه ومنفعله وماقدرت امسك نفسي
هدى:ليش ماتصلتي لها وحليتي المشكله معاها نوره مارقدت وطول الليل كانت تصيح
مها:ليش انا الي قدرت ارقد
نادت المدرسه اسم نوره لكن نوره ماطلعت فنادت البنت الي ورى نوره هدى طلعت من القاعه ومها لحقتها مع أمل دخلو غرفة التدريب وحصلوها طايحه على الأرض
نوره اغمى عليها فـ تمت عند الممرضه وبعدين عطوها اذن خروج من المدرسه هدى نزلت حق نوره شنطتها وعطتها ورقه من عند مها نوره فتحت الورقه وقرتها ::
" I know sometimes its gone rain but can we make the day go right I cant sleep with all the pain … I don’t wanna go to bade made at u &I don’t want u go to bade made at me "
مقطع من اغنية نيو ^_^
نوره قامت وقبل لا تطلع قالت حق السكرتيره :اغراضي مب كامله في شي بروح اجيبه من فوق اذا جات الخدامه خليها تاخذ شنطتي وتروح السياره
السكرتيره:اوكي
نوره راحت الصف طقت الباب بنات الصف كلهم كانو يفكرون في نوره فـ اي حد يطق الباب الكل عينه على الباب
المدرسه فتحت الباب ووقفت تتكلم مع نوره , رفيجات نوره قاعدين ورى فما يعرفون من عند الباب وحده من البنات الي قدام قالت لهم ان نوره واقفه عند الباب مها على طول نقزت من مكانها
المدرسه التفت وشافت مها في ويها:طلعي بدها اياك
طلعت مها والأبله صكرت الباب مها ماقالت شي حضنتها بالقووتمو حاضنين بعض دقايق
مها :خوفتيني عليج
نوره خانتها دمعه ,,, مها مسحتها :سامحيني انا غبيه هبله من كثر ماكنت معصبه ماكنت قادره افكر
نوره:انتي سامحيني لأني ماقلت لج عن عبير والكلام الي قلته امس كان سخيف
الضابطه هيا كانت توها طالعه من مكتبها :نوره حبيبتي شفيج..
نوره بتسمت:ولاشي
الضابطه هيا :فديتج مافي شي يستاهل دموعج الغاليه
نوره اشرت لها على مها :قولي لها لا تزعلني
الضابطه هيا:افا يامها
مها :لأني حماره
الضابطه هيا:لا يابنتي محشومه المهم لا تزعلينها وانتي مب حلو ويهج وانتي تصيحين
مها:تعور القلب صح
الضابطه هيا:اي ها اذا مره ثانيه زعلتيها بتشوفين شي عمرج ماشفتيه
مها:هاذي اول واَخر مره
الضابطه هيا:انزين نوره اتصلت لي السكرتيره وتقول لج نزلي سيارتج تحت
نوره:اوكي
مها:بوصلها
الضابطه هيا:اوكي وصليها وعلى طول الصف
مها :اوكي
في طريقهم وهم نازلين :سوري خربت عليج عيد الحب
نوره:لا عادي
مها:بعوضج واليوم انا بجي بيتكم
نوره ستانسة:صج
مها:صج
وقفو عند باب الأداره :اذا رجعت البيت بتصل لج
نوره:بنتظرج
نوره باست خد مها وراحت رجعت مها الصف وهي مستانس بس وناستها ماراح تكمل الا لم تحط حد حق عبير ومب بس هي الي ناويه تحط حد هدى وأمل بعد وكان ذي كله نهاية الدوام راح يسير ...........
نهاية الدوام الكلام ينتقل بين البنات من بنات صفهم لين بنات المدرسه هوشه نهاية الدوام بين مها وأمل وهدى وعبير
كل البنات كانو مجتمعين عند باب المدرسه مخلين سياراتهم تنتظر عبير وصلها خبر بأن مها تنتظرها عند الباب فـ لم طلعت كات جاهزه ومعاها رفيجاتها "مثل العصابات الي في أمريكا بس الفرق ان مناك يستعملون اسلحه "
مها لم شافتها وقفت في ويها :سمعي ياواطيه بسبتج انتي خربت احلى يوم في حياتي وجرحت اغلى انسانه عندي وانتي تعرفين عن من اتكلم
عبير قاطعتها:بسبتي اقول حترمي نفسج ولا بتشوفين شي عمرج ماشفتيه
مها ضحكت
أمل:لو في امج خير قربي من نوره او مها او هدى
عبير:عن قلة الأدب
مها:انتي اخر وحده تكلمين عن الأدب يامتربيه
مها شافت غلا البنت الي وصلت لها الكلام :وانتي يابنت الكلب ان شفت رقعة ويهج مره ثانيه عند باب صفنه او واقفه مع نوره بتشوفين شي عمرج ماشفتيه
أمل:لو احنى مب واقفين قدام مدرسه جان نتفتج
مها :شوفي ان تصلتي او كلمتي نوره بأي طريقه يا عبير ماتلومين الا نفسج اوكي
هدى:خلاص امشو واايد نزلنه من مستوانه
مها وأمل وهدى راحو , نوف كانت واقفه وسمعت وشافت كل شي ونقلت حق نوره الي سار

يتبع...

الجزء الحادي عشر

نوره كشخت لبست الفستان الأحمر وفتحت شعرها وتمكيجت خلت الخدامه ترتب غرفتها وتبخرها
ام نوره دخلت الغرفه وتفاجئة بنضافتها وريحتها :الي يشوفج يقول قاعد ترتب الغرفه حق ريلها
نوره "اي ريلي" :يعني تبيني اخلي الغرفه وصخه
ام نوره:وليش في غرفتج تقعدون ليش ماتقعدون فالصاله
نوره:نبي ناخذ راحتنه وبعدين فالصاله ابوي يمر كل ساعه فـ ماراح ناخذ راحتنه ..انتي وين بتروحين لابسه عبايه
ام نوره:النادي العلمي مع نوف
نوره ستانسة البيت بيفضى :ومتى بترجعون
ام نوره:والله مادري مب كأنه الفستان واايد قصير ومخصر وبعدين صدرج نصه طالع
نوره:يمه عادي انا فالبيت ورفيجتي الي بتيي
ام نوره:نوف ماتلبس الي تلبسينه
نوره:لأنها دبــــــــــــــه
ام نوره:لا لأنها تستحي
..............
أمل عفست الكبت وهي تدور لها على تي شيرت وسيع كل الـ تي شيرتات ضيقه وتبين سلاسل الترجيه اَخر شي قررت انها تلبس جاكيت سبورت وتنزل حق ابوها وامها
أمل نزلت وقعدت في كرسي مقابل امها وحطت على بطنها مخده صغيره :يمه
ام أمل:نعم
أمل:بما أنج دكتورة تجميل كبري لي صدري
بو أمل فتح عينه :بتذبحني هالبنت بتجيب لي سكته قلبيه
أمل:امي مكبره صدرها عادي
بو أمل:امج كبيره لكن انتي توج ياهل
أمل:عنصريه
ام أمل:شفيه صدرج حلو
أمل:لا صغير واايد ابيه شوي اكبر
ام أمل:اذا خلصتي ثنويه
أمل:ليش يعني اذا خلصت ثنويه
ام أمل :coz I said so
أمل :انزين شرايج تصغرين خشمي مب عاجبني
بو أمل:انتي اكيد مب صاحيه وبعدين من بيدفع لج حق العمليه
أمل:انت
بو أمل:سوري
أمل:شنو انت ابوي ومسؤل عني ولازم تدفع لي
بو أمل:وانا مابي
أمل:عادي امي بتسوي لي بلاش صح يمه
ام أمل:انا امج فالبيت فالعياده انا دكتوره لا عرفج ولا تعرفيني
أمل قامت وطلعت من الصاله معصبه
بوأمل:دلعنه لها خربها
ام أمل: ذي بنتنه الوحيده اذا مادلعناها ندلع من
أمل دخلت غرفتها وصكرت الباب وقفلته وهي ميته من الضحك:الحمدالله فتكيت من القعده معاهم الحين اقدر اقعد وطالع الفلم على راحتي
.................
دخلت مها البيت وفتحت عينها من الي شافته " شموع فالصاله على الدري على الطاوله موسيقى رومنسيه وهدوء وهي واقفه حافيه لابسه فستان احمر وشعرها الأسود على كتفها :انا اكيد احلم
نوره:ستغليت فرصة ان محد فالبيت ولعبت لعبتي
مها:محد فالبيت
نوره:اي امي طلعت مع نوف وابوي طلع
مها قعدت فالصاله ونوره دخلت المطبخ تجيب لها شي تشربه شافت الخدامه قاعده :روحي نامي خلاص
الخدامه ماصدقت على طول طلعت من المطبخ وراحت غرفتها
مها فصخت عبايتها وقعدت على الكرسي دخلت نوره وفي يدها صينيه فيها جيك عصير فراوله لونه ساير احمر فاقع
مها:متى بيرجعون البيت
نوره صبت عصير وعطت مها وقعدت:امم مادري بس بيتأخرون انزين قولي لي شسار اليوم نهاية الدوام
مها ضحكت
نوره طلعت خاتم مها الي فصخته امس في عيد الحب "الدبله" مها مدة يدها ونوره لبستها اياه
مها:ماراح افصخه لين ماتطلع روحي
نوره:بعد عمرن طويل
مها شربت نوره من قلاسها ونوره شربت مها من قلاسها ........
....................
ام أمل كانت بتكسر الباب من كثر ماتطق الباب على أمل:أمل الله يرضى عليج فتحي الباب
أمل منسدحه على السرير تاكل اسكريم:مابي خلوني في حالي
ام أمل:امل فتحي انا امج
أمل صرخت:مابي
ام أمل:امل ذي كله عشان مارضينه تكبرين صدرج
امل ضحكت بصوت واطي سكتت وصرخت :مابي افتح الباب انا متضايقه الحين ومابي اشوف حد
................
أمل ماسمعت رد امها "اكيد راحت " .....
.......................
نوره قامت تطفي الشموع الي فالصاله وعلى الدري والطاوله وحذفتهم فالزباله
مها يرت نوره من يدها:يالله وين غرفتج
نوره:دقيقه بفتح اليت
مها سحبتها :مب لازم
نزلت ام نوره من السياره ووقفت تكلم رفيجتها على الجوال نوف دخلت البيت فتحت اليت ستغربة"ليش اليت مصكر وين نوره " شافت قلاسين عصير على الطاوله وشمعه "ليكون مها الي يات البيت " دخلت ام نوره البيت تثاوب:تعبت ابي انام بروح اشوف نوره وبعدين بروح غرفتي
نوف ركبت بسرعه الدري متوجهه غرفة نوره قبل لا امها تركب وتشوف شي يمكن تصيدها سكته قلبيه بسبته , باب غرفة نوره مب مصكر وكان شوي مفتوح نوف وقفت قدام الباب تسمع اصوات ضحك نوره ومها "نوره:لا لا مهاوي ههههههههه" نوف فتحت الباب و
يتبع ......
....

الجزء الثاني عشر

نوف ركبت بسرعه الدري متوجهه غرفة نوره قبل لا امها تركب وتشوف شي يمكن تصيدها سكته قلبيه بسبته , باب غرفة نوره مب مصكر وكان شوي مفتوح نوف وقفت قدام الباب تسمع اصوات ضحك نوره ومها "نوره:لا لا مهاوي ههههههههه" نوف فتحت الباب
منظر يقزز نوف نزلت عينها تطالع الأرض :امي بتجي تسلم على مها قبل لاتدخل غرفتها تنام
نوره قامت بسرعه عدلت فستانها وحطت شعرها على رقبتها تخفي اَثار ال..
مها عدلت نفسها
ام نوره شافت نوف واقفه عند الباب ونوره ومها واقفين عند المنضره :السلام عليكم
مها :وعليكم السلام شخبارج خالتي
ام نوره:الحمدالله تمام وانتي
مها:الحمدالله
نوره معطى امها ظهرها مالتفت عليها
نوف دخلت غرفتها وهي متنرفزه من الي شافته صكرت باب الغرفه بالقو
نوره تمشي في غرفتها وهي متوتره اما مها قاعده على الكرسي:اخاف تقول حق امي
مها:ماعتقد هي لو بتقول حق امج جان قالت لها اول ماشافتها
نوره:تعتقدين مها انا خايفه خايفه
رن جوال مها ردت :الو ..انزين بااي ....حياتي الدريول برع اذا سار اي شي تصلي وقولي لي
نوره:اوكي
اليوم الثاني فالمدرسه نوره دخلت الصف متأخر حطت شنطتها وبعدين فصخت عبايتها وطوتها وأخيراً عدلت تنورتها وقعدت
مها:سار شي امس
نوره:لا ماقالت حق امي اليوم بكلمها فالسياره
هدى :شسالفه
نوره:نوف دخلت غرفتي وشافتني مع مهوي في وضع لا أحسد عليه
أمل ضحكت :شنو الوضع
مدرسة الفيزيا:كافي انج داخله الحصه متأخر ووقفتي ربع ساعه تفصخين عبايتج وتطوينها وفوق ذي كله قاعده تسولفين
نوره:أولاً تأخرت لأن زحمه ثانياً ماوقفت ربع ساعه بس دقيقتين ثالثاً انا كنت اسئلهم عن الي فاتني
مدرسة الفيزيا:رابعاً روحي حق الضابطه هيا وقولي لها ابلة الفيزيا طردتني
نوره قامت :خامساً ولايهمج
طلعت نوره من الصف وراحت حق الضابطه هيا وقعدت تتريق معاها ...!
رن الجرس يعلن عن انتهاء الحصه الأولى مها وهدى وأمل قعدو مع نوره في مكتب الضابطه هيا
أمل:الكل يحسدنه عليج
الضابطه هيا ضحكت :عاد انا محد يحسدني عليكم
هدى:اووف انا محد باط جبدي فالمدرسه كثر الضابطه تهاني
نوره :كريهه
الضابطه هيا:تهاني جايه من مدرسة حكوميه فالوضع غريب عليها شوي
مها:عاد فرق كبير بين نظام الحكوميه و المستقله
أمل :ابله انتي متزوجه
الضابطه هيا طلعت لهم صورة من جوالها:اي وعندي بنتين توأم عمرهم 10 سنوات
هدى:شسمهم
الضابطه هيا:شهد وشمه ,, شهوده شيطونه عكس شمه
نوره تطالع الصوره:عيل مثلي انا ونوف
الضابطه هيا:بالضبط
أمل:الله يخليهم لج انا أمنيتي ان يكون عندي اخت او اخو مب شي تكونين بنت وحيده
مها:بالعكس الدلال والدلع كله لج وبعدين انتي وحده ومطلعه قرون امج وابوج
رن جرس الخمس دقايق ودخلو البنات الحصه تفاجئو بشكل الطاولات من قروب الى لاين
نوره:شسالفه
مدرسة العربي:تطبيق
أمل:في شنو
مدرسة العربي:القصيده
هدى:اي قصيده
المدرسة:القصيده والقواعد بتاعت الدرس انا كتبت على الصبوره راح تقعدو وتحلو التطبيق
قعدو البنات وزعت المدرسه التطبيق وبدى الكل يحل الا نوره ورفيجاتها
أمل:من فلاحتنه قاعدين مع بعض ..ابله انا مادرسة
مدرسة العربي:ليش مادرستي شو كنتي تسوي امس
نوره رفعت يدها :ابله انا امس مها درستني
مها:درس نظري وتطبيق
أمل وهدى ضحكو
مدرسة العربي:طيب اكتبي
نوره:اكتب الي درستني مها امس
مدرسة العربي مب فاهمه شي:اي
نوره:عادي
مدرسة العربي:اي
أمل قامت :انا بغير مكاني
مدرسة العربي:قعدي قدام
أمل قعدت عند بنت حمص وسوت كوبي وبست حق ايجاباتهم .
نوره كتبت اسمها وسلمت الورقه وهدى نفس الشي
نوره التفت على هدى الي قاعده وراها :سمعي بنلعب لعبه اقول لج اسم وانتي تقولين لي الاسم ذي في شنو يذكرج او شنو يعني لج
هدى: يالله
نوره:جوني
هدى:الممثل جوني ديب
نوره:روبي
هدى:ارنوبتي
نوره:الي ماتت
هدى:لا الي ماتت اسمها نيكول ذي ضاعت
نوره:اها انزين ميري
هدى:مرة خالي
نوره فتحت عينها:اسمها ميري
هدى:لا بس اول ماتزوجت خالي يدتي كرفتها خلتها مثل ميري
نوره:انزين حصه
هدى:ولاشي
نوره:مها
هدى:الحب مب اني احبها طبعاً انا احبها كـ رفيجه بس مادري انتي معاها قصة حب عجيبه
نوره بتسمت:انزين أمل
هدى:الحياه حلوه احسها عايشه حياتها ومايهمها حد اذا الموضوع يخصها
نوره:تصرفاتها تذكرج بأغنية fall out boy الي تقول
I don’t care what u thinks as long it's about me
هدى :اي
نوره:انزين نوره
هدى:نوره الأخت الي ماولدتها امي
نوره اونه مب عاجبها الكلام كشرت:انا نوف وانتظر الوقت الي افتك فيه منها تجيني اخت ثالثه
هدى:مالت ...خلاص
نوره ضحكت:امزح معاج
هدى مدة بوزها :مابي مابي
نوره:حنونه خلاص فديتج احبج اموت فيج
مها التفت:اشم ريحة خيانه
هدى ضحكت
نوره:مهاوي شوفي حنونه زعلانه
مها :افا حنونه ليش
هدى:سئليها
مها:ليش
نوره:حنونه امزح معاج انا اموت فيج
هدى:وانا بعد
أمل كانت تسمعهم وبنبره حزينه:ابله ابي رفيجاتي
نوره:أمولتي تعالي وحشتيني
أمل:ممكن
مدرسة العربي:عطيني ورقتك اول
أمل عطتها ورقتها ورجعت مكانها حق رفيجاتها :I MISS U
مها:ME 2
نوره:ME 3
هدى:ME 4
مها:امس شفتي الفلم
أمل:تدرين شسويت امس عشان اشوف الفلم
نوره:شنو
أمل:امي وابوي دايماً الساعه 8 عندهم family time المهم الفلم الساعه 8ونص وانا لازم اشوفه سار لي اسبوع انتظره بعد تفكير وتخطيط نزلت الصاله وقلت حق امي ابي اكبر صدري وغير شكل خشمي طبعاً رفضو فـ رحت غرفتي جي وانا معصبه وحاله وقفلت الباب
هدى ضحكت
نوره:عليج افكار يعني انا اخطط وجي بس ماوصلت حق مستواج
أمل:حبيبتي احنى الخوال عندنه افكار غير عنكم يالبيض
هدى:البنت ذي فيها عنصريه غريبه
أمل ضحكت:حرام الوحده تفتختر بلونها
هدى:بس مب جي
أمل تأشر على نوره ومها:ليش عندج هالثنتين مفتخرين بشذوذهم
نوره ضحكت بصوت عالي فالمدرسه هزئتهم كلهم ووقفتم ورى على الطوفه
رن الجرس وعلى طول البنات طلعو
نوره:بعدين نروح الكفتيريا خلونه نتمشى
مها:طلباتج أوامر
أمل:لا ياعمري انسي انا يوعانه ابي أكل
هدى:قبل لا يرن الجرس بـ ربع ساعه بنروح الكفتيريا
أمل بعد تفكير :اوكي
نوره:خـ نتمشى برع وحشتني الشمس
المدارس المستقله مصكره يعني الساحه داخل المدرسه وطبعاً الساحه كبيره وفيها ac شي حلو لكن أحياناً نشتاق حق اشعة الشمس
أمل وقفت عند الباب الي يطلعهم على الساحه الخارجيه:شوفو انا ماقدر امشي تحت الشمس اكثر من عشر دقايق
نوره تترجاها:بليز عشاني بس خمس دقايق
أمل :بس خمس دقايق
نوره :اوكي
وهم يتمشون شافو الضابطه تهاني تمشي مع مدرسه من المدرسات
مها:ستغفر الله شوفو من قدامكم
نوره :هاذي اكيد بنت عمة حمارة القايله
مها:ليش مب بنت خالتها
نوره:لا حمارة القايله امها مقطوعه من شيره
هدى:وليش ماتكون هي حمارة القايله
نوره:لأن انتي حمارة القايله
هدى مدة بوزها:ترى انتي اليوم واايد مستلمتني
نوره باستها:سوري ياعمري خلاص بستلم أموله اصلاً حمارة القايله خاله
أمل:الخوال وقتهم فالليل مب الظهر
نوره تطالع مها:اي صح عيل من حمارة القايله
مها:شوفي نوني اذا فكرتي بس انج تقولين ان انا حمارة القايله ولاحظي مب تقولين فكرتي انج تقولين
نوره:خلاص خلاص انا حمارة القايله
هدى:اي والله انتي ماتنامين الظهر
مها:حركات ..انا شابكه مع حمارة القايله
ضحكو البنات
أمل:انا بكره بغيب
هدى:ليش
أمل:ملل
نوره:لا أموله لاتغيبين ترى المدرسه ممله بدونج
مها:بذبحج اذا غبتي
أمل بدلع:وااي ماتقدرون تستغنون عني

يتبع ....

الجزء الرابع عشر

طق طق طق
هدى قاعده على السرير تدردش على المسن:من
:انا امج
هدى :اووف ..شنو تبين
ام هدى ستغربة من هالأسلوب اليديد"شنو تبين " :امم العشا جاهز
هدى:تعشيت
ام هدى:انزين حبيبتي رفيجتج نوره تصلت
هدى:ادري
ام هدى :حياتي في حد مضايقج اليوم
هدى:لا راسي يعورني وابي انام
ام هدى نزلت من على الدري وهي مستغربة من اسلوب هدى اليديد ومن كثر ماكانت لاهيه فالتفكير نست دريه وبغت اتطيح على ويها لو بو هدى مامسكها جان طاحت وتكسرت
بو هدى:شفيج يامريم
ام هدى:لا بس هدى مادري شفيها متضايقه
بو هدى:هدى متضايقه ليش؟كل شي تبيه تحصله !!!
ام هدى :مادري
صكرت هدى الاب توب وغرقت مع دموعها في مخدتها دموع شنو ؟ وليش ؟ !!!
فالمدرسه
أمل ومها ونوره وهدى قاعدين فالكفتيريا يسولفون ويضحكون
أمل تحدت نوره انها تقول حق بنت ان شعرها خايس ونوره كانت قد التحدي
وجا وقت نوره تتحدى أمل
نوره :اتحداج تكتين نسكافيه على الضابطه تهاني
مها ماتت من الضحك :قدها ولا
أمل :اكبر منها بسنتين..قامت أمل وخذت نسكافيه مها... الضابطه تهاني واقفه مع مدرسه عند باب الكفتيريا أمل راحت صوبها وكتت النسكافيه عليها ومثلت بأن مب قصدها
حطت يدها على حلجها:سوري وحده خبطتني من ورى
نوره ومها وهدى ماتو من الضحك
الضابطه تهاني :لا عادي
أمل طلعت "فاين " من مخباها :تبين تيشو
الضابطه تهاني سحبت الفاين من يدها بالقو وطلعت من الكفتيريا
أمل رجعت الطاوله بابتسامة نصر
نوره:اااه بردتي حرتي فيها
هدى:اوكي اوكي الحين دوري دوري
أمل:انتي ومها
هدى:ابيج تسئلين بنت ماتعرفينها عن لون ستيانها
نوره ماتت من الضحك
مها قامت
هدى:ماتعرفينها
مها وقفت تفكر من تسئل هالسؤال :نوره انا ماعرف اختج نوف كل الي اعرفه انها اختج
هدى:لا انتي تعرفين ان نوره اختها ابي وحده ماتعرفينها ولا تعرفين اسمها
مها:انزين دقيقه
راحت مها حق مجموعة بنات قاعدين قريب من طاولتهم وسئلت وحده منهم عن لون ستيانها وجاوبتها البنت وروتها خيط الستيان رجعت مها بابتسامة نصر
قعدت مها تفكر
أمل:يالله باقي خمس دقايق وبيرن جرس البريك
مها:انزين ابيج تبوسين خد الهنديه " عامله تنظف الحمامات" الي تنظف الحمام
هدى فتحت حلجها:شنو
مها:يالله قدامي الحمام
نوره وأمل قامو وقامت معاهم هدى ودخلت الحمام والهنديه قاعده على كرسي
مها:يالله
هدى:حرام عليج انا شسويت لج
مها:يالله
هدى ستسلمت حق الواقع راحت حق الهنديه وقفت قدامها وقالت لها"ثنكيو اي لوف يو " وباست خدها وعلى طول طلعت من الحمام :ابي معقم وااع الله ياخذ بليسج يا مهوي
نوره:مارضا
هدى:على بليسها
نوره:على كل شي فيها
مها طلعت لسانها تحر هدى
رن الجرس يعلن عن انتهاء البريك وبنات الكافتيريا كلهم بصوت عالي "لا "
مها:أمولتي شرايج نستأذن من الحصه ونروح نتدرب
أمل:اوكي نستأذن من ابله الفيزيا
نوره:وواع علينه فيزيا
هدى:اي ماشفتي الجدول وانتي طالعه
نوره:لا
طلعت نوره مع رفيجاتها من الكفتيريا وراحو الصف وهم في طريقهم الصف مروعلى مكتب الضابطه تهاني وشافوها لابسه عبايتها مسكينه وبعدين مرو على مكتب الظابطه هيا وماحصلوها وأخيراً دخلو الصف .......
مدرسة الفيزيا:واايد بدري
أمل:ابله بعد اذنج بنروح نتدرب حق المباراه احنى المديره معطتنه الأذن نروح نتدرب وقت مانبي بس قلت من الأدب استئذن منج بعد
مدرسة الفيزيا : اوكي
أمل طلعت ومعاها مها نوره وهدى توهم بيطلعون بس
مدرسة الفيزيا:انتو الثنتين قعدو انتو ماتلعبون سله ولا تجذبون وتقولون انكم تلعبون لأني في نهاية الحصه بنزل وبسئل مدرسة الرياضه
نوره:ابله نبي نشجعهم
مدرسة الفيزيا:تشجعونهم في شنو فالتدريب دخلي انتي وهدى الصف وانتو الثنتين روحو
نوره وهدى دخلو الصف نوره معصبه فـ قعدت وحطت راسها على الطاوله
مدرسة الفيزيا:نوره رفعي راسج
نوره:شنو !!
مدرسة الفيزيا:رفعي راسج
نوره:ليش انا مانتبه في حصتج وانتي تعرفين فـ احسن شي اسويه اني احط راسي وانام
مدرسة الفيزيا بنبره حاده :رفعي راسج
نوره رفعت راسها :رتحتي الحين
مدرسة فيزيا بتسمت:واايد انا مب مصدقه ان اختج نوف
نوره :حتى انا مب مصدقه
مدرسة الفيزيا:لا صج نوف في قمة الأخلاق والأدب
نوره وقفت :شنو قصدج ان انا في قمة قلة الأدب ها ذي قصدج
مدرسة الفيزيا:نوره ان ماقعدتي الحين وسكتي بتشوفين شي عمرج ماشفتيه
نوره :انتي الي بديتي
مدرسة الفيزيا:انا ماقلة انج في قمة قلة الأدب
نوره:بس كنتي بتقولين ولا تنكرين هالشي شوفي انا نوره وذيج نوف اوكي مايهمني اذا هي في قمة الأخلاق والأدب مايهمني وسؤال ليش تقولين هالكلام قدام البنات من طلب رايج فيني او في نوف
مدرسة الفيزيا صرخت عليها :نوره قعدي وسكتي
نوره قعدت والتفت على هدى تسولف معاها شعرها كان طايح على ويها فما كان يبين شنو كانت تقول
مدرسة الفيزيا تنرفزت :نوره انا قلت لج قعدي وسكتي ماقلت لج قعدي وسولفي وبعدين رفعي شعرج عن ويهج
نوره:مالج خص في شعري مب ناقص الا تقولين لمي شعرج ولبسي تاج
مدرسة الفيزيا حاولت انها تمسك نفسها:رفعي شعرج عشان نشوف ويهج الحلو
نوره :مابيج تشوفين ويهي
مدرسة الفيزيا:شوفي نوره اذا قلتي كلمه وحده يا انا يا انتي فالصف
هدى :نوره خلاص سكتي
نوره سكتت
مدرسة الفيزيا كملت شرح الدرس
نوره التفت على هدى:تعرفين شنو ودي العن خيرها وعلمها قدرها بنت الذين
هدى:نوره خلاص عشاني
مدرسة الفيزيا لمحتهم وهم يتكلمون:نوره كلمه وحده صدقيني بطردج من الصف ومابتحضرين حصصي طول السنه
هدى قامت:ابله ممكن اروح الحمام
مدرسة الفيزيا:تفضلي
هدى طلعت من الصف وماراحت الحمام نزلت تحت قاعة الرياضه دخلت القاعه وحصلت أمل ومها يتدربون
أمل ستانسة لم شافت هدى:ها نزلتكم
هدى:لا مهوي نوره معصبه وقاعده ترادد الابله المهم الأبله قالت لها يا انتي يا انا فالصف فـ لحقي لأن نوره الأمبير عندها ضارب ومب راضيه تسكت وخوفي الأبله صج تنفجر وتطرد نوره من الصف
مها :امل انتي تدربي انا بروح اشوف نوره وبرجع
أمل:اوكي
في طريقهم وهم راجعين الصف
مها:شسالفه شسار
هدى:الأبله تقارن بين نوف ونوره فـ قالت ان نوف اخلاقها عاليه وفي قمة الأدب من هالخرابيط المهم نوره شوطت وقالت لها شنو قصدج ان انا قليلة الأدب وبعدين شافت نوره وهي تسولف معاي وشعرها كان طايح على ويها وقالت لها ترفعه نوره قالت لها مالج خص شعري وكيفي وبعدين قالت لها يا انا يا انتي فالصف
مها:اها
وصلو الصف هدى دخلت اما مها وقفت عند الباب ستئذنت من الأبله انها تكلم نوره والأبله وافقت
لم طلعت نوره
مدرسة الفيزيا:هدى انتي مارحتي الحمام رحتي تجيبين مها
هدى:خوفي نوره تفقد اعصابها وتغلط واايد عليج وبعدين مها هي الوحيده الي تقدر تهديها
مدرسة الفيزيا:اها مشكوره حبيبتي
هدى:العفو
مدرسه الفيزيا: انتو رباعي حلو كنت اعتقد انكم بس جي شلة وناسه وهبل بس الحين تصرفج برهن لي العكس
هدى بتسمت :احنى شخصياتنه مختلفه وطريقة تفكيرنه واسلوبنه بس احنى نفهم حق بعض ونهتم في مصلحة بعض الي بينه عقد صداقه مدى الحياه
مدرسة الفيزيا:الغريب ان كل وحده فيكم شخصيتها مختلفه عن الثانيه فـ مادري شلون متفقين مع بعض يعني انتي هاديه وتفكرين فالشي قبل لا تقولينه ونوره تزعل وتعصب بسرعه وأمل مربوشه البنت ذي عندها نشاط ماشالله ومها أسلوبها حلو وألفاظها وعباراتها
هدى:وذي الحلو انا قبل لا اعرف نوره كنت استحي بسرعه وكانو البنات احياناً يغلطون علي ومادافع عن نفسي نوره علمتني ان مب من حق اي حد فالعالم انه يهيني ويحسسني بأني ولاشي ولم تعرفنا على أمل طبعاً أمل شي ثاني أفكارها الغريبه أسلوبها الجريء والصريح علمتني الحريه ومها علمتني ان مايحتاي البس قناع عشان الناس يحبوني الي بيحبني بيحبني مثل ما انا و ابله نصيحه مني لا تقارنين ترى اصابع يدج مو سوى
ابله الفيزيا:ماكان قصدي اني اقارن انا كنت بس
هدى:يمكن انتي ماتقارنين بس بالطريقه الي قلتيها فهمنه انج تقارنين
برع الصف نوره ومها
مها:نوره شفيج
نوره:ولاشي بس هالحماره خلتني اشوط بكلامها الي مثل ويها
مها مسكت يدها :حبيبتي حاولي تمسكين نفسج عشان خاطري الحماره الي داخل تقدر تطردج من الصف وتحطج في صف غير صفنه واحنى مانبي نفترق
نوره:اوكي بس لو قالت كلمه وحده بـ
مها قاطعتها:لو قالت فقره كامله تنتقدج فيها تحملي
نوره:مها ماقدر اسكت تعرفين اني لازم ارد ودافع عن نفسي
مها:حبي عشان خاطري
نوره تنهدت:اوكي
مها:عطيني بوسه قبل لا تدخلين
نوره باستها
مها :ترى بسئل بنات الصف واذا قالو لي انج راددتي الأبله ياويلج مني
نوره ضحكت:اوكي
مها:يالله دخلي
نوره دخلت الصف وقعدت مكانها وهي ريلاكس حدها
هدى:ها جيتها فادت ولا
نوره :فادت واايد... حنونه
هدى:عيونها
نوره مسكت يد هدى:احبج يا اعز واغلى رفيجه .
هدى ضغطت على يد نوره :وانا بعد

"الصديق هو من يعرف ماذا تحتاج ؟وماذا تريد؟ في ماذا تفكر ان تقول؟ ومتى ستقوله؟ الصديق هو أول شخص يكون موجود عندما تحتاج الى مساعده
الصديق هو جزء منك
الصديق هو أروع وأفضل انسان بالنسبه لك في هذا الكون
تحيه الى كل الأصدقاء المخلصين في الكره الأرضيه
ومن لم يجد صديقاً مخلصاً بعد ! واصل البحث فـ هو موجود في مكان ما
افتح عينيك فربما يكون أمامك وانت لا تعلم ......."

يتبع....

الجزء الخامس عشر

دخلت هدى البيت تعبانه بعد يوم دراسي طويل ستقبلتها امها كالعاده
ام هدى:هلا حبيبتي الغدى جاهز
هدى ركبت الدري :مابي كليت فالمدرسه بروح انام
ام هدى:هدى حبيبتي فيج شي
هدى:اووف ابي انام وبس
.............
امل قاعده على النت تسولف مع رفيجاتها الأنجليز تعرفت عليهم من موقع ماي سبيس
دخل عليها ابوها:هااي حبيبتي
أمل:هايات
بو أمل:لا تقولين لي تغديتي
أمل:انا ماتغدى
بو أمل ستغرب:من متى
أمل:من خمس سنوات
بو أمل موقفه مب حلو فأحسن شي يسويه هو انه ينسحب :اوكي حبيبتي اعتقد اني بتغدى بروحي
أمل ضحكت:انت دايماً تتغدى بروحك شنو اليديد
.........
نوره منسدحه على الكرسي فالصاله تطالع تلفزيون دخل ابوها البيت وهو يتكلم فالجوال وكان يتكلم بصوت واطي وذي الي سمعته ونصدمت لم سمعته "حياتي اكلمج بعدين بااي حبي " وراح غرفته
نوره تفكر بتوتر وخوف :اوكي امي راقده فالغرفه مستحيل يكون يكلمها
طلعت ام مها من المطبخ وفي يدها جوالها
نوره رتاحت "غبيه في شنو كنت افكر مستحيل ابوي يخون امي "
........
كل الي فالبيت نايمين ماعدا هي قاعده على الكرسي تكلم الحب واختها الصغير في حضنها
نرجس اخت مها الصغيره عمرها سنتين قاعده في حضن مها تلعب معاها :من قلب نرجس
نرجس تصرخ بصوت عالي:مها
مها:انزين من قلب مها
نرجس تأشر بيدها:نونو 2"وترويها بيدها رقم 2 "
نوره على الخط تسمع كلام نرجس:وااي فديتها حبي ابي اشوفها
مها:صح نونو انتي ونونو رفيجتي ......... تكلم نوره : تعالي البيت وبتشوفينها
نوره:اوكي
العنود دخلت الصاله وفي يدها مرضاعه :يالله نرجس تعالي
نرجس تعلبشت في مها :مابا مابا ميمي ميمي
العنود:هاج شربيها
مها:اوكي هاتي المرضاعه
العنود عطت مها المرضاعه وراحت غرفتها تنام
مها سدحت نرجس على حضنها وحطت المرضاعه في حلجها
نوره تسمع اصوات :شسالفه
مها:دقيقه ذي واايد ثقيله حضني مايكفيها
نوره تضحك:الحلوه دبدوبه
مها:اي .. قاعده تشرب حليب والله بتنفجر من كثر ماتشرب حليب
نوره:حرام عليج ياهل
مها:ياهل والله دينصور الي يشوفها مايقول عمرها سنتين
نوره:ليش هي ضخمه
مها:لا بس لأنها واايد دبدوبه بس والله فديتها تينن ماشالله عليها بيضه وشعرها اسود ناعم مثلي لم كنت صغيره بس انا مع الوقت ضعفت وصبغت شعري وحاله هي الله يستر اذا بتم للأبد على هالحجم بتبرى منها
نوره:مهاوي حرام عليج لا تقولين جي
مها:انشالله يا اَنسه نوره
نوره:جي تعجبيني
...............................
طلعت بنات ومافي احلى من طلعت مجموعة بنات مجمع تجاري حق العبط والاستهبال والحريه
في "مانجو" يتسوقون
أمل:عيد ميلادي الاسبوع الياي
نوره:الحفله بتكون في وين
امل:خاطري اسويها في قاعه بس مادري لين الحين ماقلت حق ابوي
مها:من بتعزمين
أمل:ربعنه الي فالمدرسه , بنات صفنه, رفيجاتي الي فالمسن والنادي وبنات خالاتي واعمامي
نوره:يعني حوالي كم عددهم كلهم
أمل:تقريباً 55
هدى فتحت عينها:واو 55
أمل:ذي غير عن العنود ورفيجاتها
هدى :العنود من
مها:العنود اختي يعرفون بعض من سنتين
هدى:انتي عرفتيها على أمل
مها:لا هي تعرفت على العنود في منتدى ال.......
هدى:اها
أمل:انزين شرايكم نروح السينما
نوره:يالله فلم رعب
هدى:لا اخاف
أمل:هالنعومه كلها وتبين تشوفين فلم رعب
هدى ضحكت:انا والله على بالي بتقول فلم رومنسي ,موسيقي , دراما
نوره:انا مدمنة افلام رعب
أمل:انسو مستحيل ادخل فلم رعب
هدى:شرايكم ندخل فلم #######
الكل موافق بس ينتظر موافقه نوره وطبعاً نوره وافقت وحتى لو ماوافقت يعني ماراح يدخلون عشان حضرتها المهم ..
صكرو الأضاءه لان الفلم بيبدى
أمل:تشوفوني ولا
نوره نفقعت من الضحك
مها :انتي ماتبيني عدل بس الألوان الي في شيلتج ماعليها كلام
أمل:اي انا لبست العبايه ذي بالذات عشان لم ندخل السينما تعرفين يمكن جي يجي واحد يقعد علي عباله مافي حد
نوره:عمري ماشفت وحده تقطع نفسها مثلج
وحده من الحريم الي قدام التفت على البنات :لو سمحتو ممكن تسكتون نبي نسمع
أمل:شنو ماسمعت شنو قلتي
نوره وهدى يضحكون بصوت خفيف
:ممكن تسكتون الفلم بدي ونبي نسمع
أمل:ادري انا الفلم بدى وبعدين سمعي محد ماسكج
هدى:قطعتها
أمل:مالاعب
البنات ندمجو فالفلم نوره اول ماشافت البطل
نوره:ذي الي خان زوجته مع الخدامه
((البنات وهم يتناقشون صوتهم عالي فـ كل الي فالصاله يسمعون عن شنو يتكلمون"
أمل:ليش عندهم خدم مناك
مها:اي المشاهير بس
هدى:احنى عندنه الفقاره عندهم خدامتين فالبيت
أمل:نوره مب ذي زوجته #####
نوره:ذي womanizer " يعني زير نساء بالعربي" أصلاً تعرفين كم ولد عنده
مها:كم
نوره:6
أمل:ويعه مايبين عليه
نوره:وعنده ثنين عمرهم 7 سنوات مب توأم
أمل:الخال مايلاعب
مها:وتدرون كم عمره
نوره:اممم 34
مها:لا 36
هدى شهقت :مايبين شكله واايد شباب يعني الي يشوفه يقول فالعشرينات
أمل:بس والله شكله عذاب
واحد من الشباب الي فالجهه الثانيه قام وبصوت عالي:خواتي اذا انتو ماتبون تشوفون غيركم يبي يشوف ويسمع
نوره تهمس في اذن هدى"قطعنه يقول خواتي خف علينه ياالطيب "
هدى ماشالله اذا ضحكت شنو يسكتها
مها:وي نوره شنو قلتي لها
نوره:ماقلت شي يضحك
أمل قامت وعلة شوي على صوتها اكثر من ماهو عالي :الفلم سخيف والي يطالعونه اسخف
مها ونوره وهدى قامو
الشاب نفسه الي قال لهم يسكتون وقف :عن قلة الأدب
أمل:مب مستعده انزل من مستواي ورد عليك
طلعو البنات وهم ميتين من الضحك من السينما
نوره:انتي عجيبه عجيبه
أمل:احم احم
خذو وقت البنات لين ماوقفو ضحك وسكتو بعدين دخلوالحمام يتعدلون
نوره فصخت شيلتها عشان تلم شعرها
أمل:نفختي اوكي عدله
هدى:اها
أمل:انا مادري متى موضة الحجاب بو نفخه تروح والله ماقدر اتسند نفس الأوادم على الكرسي
مها:ليش تسوين النفخه اذا انتي مب مرتاحه
أمل:لزوم الشياكه
نوره: شوفي خمس دقايق وخلصت وطلعت نفختي احسن من نفختج الي تمين عليها نص ساعه
أمل:حبيبتي لا تقارنين في فرق كبير بينه
نوره ضحكت:سوري سوري
أمل:ماقلت لكم بكره المغني بيغني #### في قطر وابي اروح ابوي مب راضي
نوره:بس انتي بأي طريقه وبدون مايدري بتروحين
أمل:فاهمتني
هدى:الكل فاهمج

يتبع ..........

الجزء السادس عشر

فالمدرسه وتحديداً في صف مها ورفيجاتها
مها ونوره وهدى قاعدين على طاولة الteacher وأمل تشخبط فالصبوره كانو يلعبون اللعبه الي "ترسمين فيها حبل مشنقه مب عارفه شلون اوصف اللعبه بتفهمونها لم تشوفونهم يلعبون"
نوره:m
أمل رسمت راس
هدى:h
امل رسمت جسم
مها:n
أمل رسمت اليد الأولى
نوره:t
أمل كتبت حرف الt:صح ...اخر حرف
مها:انزين شنو مغني ممثل لاعب كره
امل اونه ماتسمع مها:يالله هدى اي حرف
هدى:امممم k
أمل:صح رابع حرف
مها:امم a
أمل رسمت اليد الثانيه:لاء
نوره:اممم c
أمل :صح ثالث حرف
دخلت مدرسة الرياضيات الصف على قد مايلوعون جبدها الا انها عاشقه شقاوتهم :شو عم تعلمو؟؟؟
مها:ابله ساعدينه
مدرسة الرياضيات حطت كتبها وقعدت تطالع الحروف وتفكر
نوره ضحكت بصوت عالي:وصخه وصخه عرفة الكلمه ""الكلمه تبدى بحرف ال f و حرف t يرمز الى تهاني لأنه أول حرف من اسمها
أمل مسحت الصبوره:صج
مدرسة الرياضيات التفت على نوره :شو هي الكلمه
نوره:مايسير اقول لج انتي كبيره
مدرسة الرياضيات فتحت عينها:شو
نوره:ابله مانبي درس اليوم
مدرسة الرياضيات:انتو كل يوم مابدكم درس مو بس اليوم
نوره:اي والله انا مادري انتي شلون متحمله نفسج مدرسه
مدرسة الرياضيات ضحكت:يالله ئعدو في اماكنكم
مها:ابله اختي نخطبت
مدرسة الرياضيات:ايه مبروك عئبالك
مها:الله يبارك فيج
نوره:ابله بكره حفلة الخطوبه فـ بكره كلنا بنغيب انا وهدى ومها وأمل
مدرسة الرياضيات:من ئرايبينك
مها:اي يحبون بعض من يوم ماكانو فالأعداديه يعني عن قصة حب
مدرسة الرياضيات:ايه حلو الزواج بعد قصة حب
نوره:منقود عند العرب ماعندنه هالخرابيط شنو حب وبعدين زواج والله لو يدرون أهالينا يدفنونه في حوش البيت
هدى:الا عند الزباله الخضره الى عند باب البيت
مدرسة الرياضيات ضحكت على كلامهم
أمل:ذيله متخلفين انا مابتزوج الا عن حب
نوره:يقول لج زواج عن طريق حب زواج فاشل
مدرسة الرياضيات:كلام نوره صح بس مش كل زواج حب فاشل
نوره:بس نسبه كبيره الي يتطلقون
مها:يعني شنو اختي بتطلق
نوره ضحك:فالج ماقبلناه سمعي اختج واحد من الأهل انا تكلم عن الغريب
مها:اها
مدرسة الرياضيات:ليش انتو عندكن حدا تزوج عن حب وتطلق
نوره:لا امي وابوي عن حب بس لين الحين مع بعض
مدرسة الرياضيات:ايه انا بتكلم عن الحب البريء واذا بتلاحظو دائماً يعني بتشوفو البنات الي بيتزوجو زواج تقليدي في ليلة عرسهم خايفين عكس البنات الي تزوجو عن حب بتحلصوهن فراحنين ومش مسدئين بتعرفي
مها:ايه عنوده واايد مستانسه ومب خايفه
مدرسة الرياضيات تطالع نوره:ماتكوني متشائمه ترى زواج الحب مو فاشل مثل ما الكل بيئول وعندك ابوك وامك دليل حي
نوره قتنعت مع الأدله وكلام المدرسة ومها وأمل
مدرسة الرياضيات:ايه شو هاد نص الحصه راحت على زواج الحب مو تروحو تحبو وتئؤلو مدرسة الرياضيات شجعتنه
...............................................................................................................
العصر نوره قاعده فالصاله تطالع تلفزيون دخل ابوها البيت وهو يغني ومستانس وحاله
نوره:يبه شفيك
بو نوره:مستانس حدي عطوني دوره في فرنسا شهر ولم ارجع معاشي بيزيد
نوره:كم يعني بيزيد
بو نوره:هو 50 الف بيسير 60 الف
نوره:واو مبروك عاد يحظك فرنسا شهر متى بتسافر
بو نوره:بعد سبوعين
ام نوره نازله من الدري مستغربه نوره وبو نوره مستانسين وكأنهم بيطيرون من وناستهم :شفيكم
نوره:ابوي بيروح فرنسا شهر ولم يرجع بيزيد معاشه
ام نوره ماستانسة بالخبر:شهر
نوره:اي بس بيزيدون راتبه
ام نوره:كم
بو نوره:10
ام نوره:من 50 لين 60
بو نوره:اي
ام نوره:مبروك الله يوفقك
بو نوره:الله يبارك فيج
.....................................................
أمل قاعده فالحديقه مع أمها يسولفون عن حفلة عيد ميلادها
أمل:انزين يمه ########## في قطر ويوم الأحد بتكون الحفله وابي اروح
ام أمل:ولا في أحلامج
أمل:ليش
ام أمل:وين تروحين انتي من صجج بدال لا تروحين محاضرات دينيه ثقافيه علميه
أمل قامت متنرفزه:دينيه ,ثقافيه , علميه للأسف يمه انا مب نوف
قامت أمل ودخلت البيت مخليه امها قاعده بروحها فالحديقه
........................................
نوره تصلت في هدى تسولف معاها تصلت على رقم غرفتها , جوالها بس ماترد وأخيراً مافي الا تلفون البيت يمكن تكون قاعده مع امها
ام هدى ردت على التلفون:الو
نوره:هلا خالتي شخبارج
ام هدى:الحمدالله نوره انتي شخبارج ؟
نوره:تمام هدى وين
ام هدى:اليوم عندها تقويه والساعه 4 بتخلص
نوره ستغربة شنو موضوع التقويه وشلون نسيت سئلها :اوكي بااي
ام هدى:مع السلامه
.................................
حفلة خطوبة العنود الجو ماينوصف صوت الاغاني والناس الي موجودين والرقاصات العراقيات الي ستأجروهم والقاعه روعه الكل تعجب اذا حفلة الخطوبه جذي العرس شلون !!
نوره لبست فستان فضي قصير مع عقد الماس وشعرها سوته كيرلي ومكياجها روعه
هدى لبست فستان برتقال طويل ساده مخصر على جسمها كان شكلها وااايد كيوت
أمل لبست فستان اصفر واايد واايد حلو عليها الفستان قصير ومخصر وركبت لها اكستنشن بني غامج طويل لين نص ظهرها فطلع حلو مع شعرها الطبيعي الي يوصل لين نهاية رقبتها
مها لبست بنطلون جنز بيج وقميص ابيض طويل شفاف وتحته لابسه بدي ابيض وفاتحه أزرة القميص وشعرها سوته سبايكي ولبست عدسات خضره فشكلها كان يذبح واايد بنات حاولو انهم يتقربون منها نوره ماقدرت تسوي شي لان ام مها موجوده والخوف انها تشك وتسير سالفه
هدى واقفه مع نوره
هدى:اول مره اشوفكم ماتلمسون بعض او تغازلون بعض
نوره :من قال لج قبل لا دخل القاعه دخلت معاها الحمام
هدى ضحكت:مايسير يمر يوم مايسير بينكم شي ....الا هي وين
نوره:فوق تساعد اختها
هدى:اي وأمل
نوره:مادري ابي اروح الحمام تعالي
هدى:اوكي
طلعو من القاعه ودخلو الحمام والحمام مليان بنات نوره وقفت تتعدل مع هدى
اربع بنات واقفين مع بعض يتكلمون عن ..
الأولى :يقولون انها اخت العنود
الثانيه:واااي شكلها عذاب
الأولى :مابطلع اليوم الا برقمها او ايميلها
الثانيه:بنتحر لو طلعت شابكه
نوره التفت على هدى وضحكت
وهم طالعين من الحمام نوره شافت بنت دبدوبه في حضن خدامه قاعده على كرسي عند باب القاعه
نوره:اكيد ذي نرجس
هدى:نرجس من
نوره:تعالي وبتشوفين
نوره راحت وقعدت على كرسي فاضي عند الخدامه :ذي نرجس اخت مها
الخدامه:yes
نوره :اشوف عطيني اياها فديتها اتينن "الخدامه عطتها نرجس الي كانت لابسه فستان فوشي قصير وطوق فوشي يلمع"
هدى:واااي ذي اخت مها
نوره تبوس في نرجس
هدى:بس بتفشين خدودها
نوره:تهبل تهبل
نرجس مستانسه تضحك
نوره:وااي باكلها
مها دخلت وشافت نوره وهدى قاعدين عند باب القاعه مع نرجس :هااي
نوره:هايات ها شخبارها الحلوه
مها:تمام طالعه قمر قمر ماشالله عليها
نوره:يحليلاتها متى بتنزل
مها تطالع الساعه:بعد نص ساعه
نوره:اها
مها فصخت عبايتها:عيل حصلتي نرجس
نوره:حصلتها مهوي تينن باخذها معاي البيت
مها عطت الخدامه عبايتها :شوفي ماتبي تاخذني تبي تاخذها
نوره عطت نرجس الخدامه وقامت من على الكرسي :انا دوم ابي اخذج بس اهلج مب راضين
هدى:مها لم كنى فالحمام كانو في معجبات يتكلمون عنج وحده تقول انج عذاب والثانيه بنتنحر اذا طلعتي مرتبطه
مها مسكت يد نوره :مانتحرت
هدى:لا محد قال لها
مها:شوفي في واايد معجبات اليوم فـ حطي بالج علي
نوره ضحكت:I will keep my eyes on you
ام مها واقفه مع حريم عند باب القاعه
وحده من الحريم شافت مها:ذي ولد ولا بنت

يتبع...

الجزء السابع عشر

ام مها واقفه مع حريم عند باب القاعه
وحده من الحريم شافت مها:ذي ولد ولا بنت
ام مها نحرجت :اي ذي بنت
وحده منهم :ذي وين اهلها عنها شلون جي مخلينها
دخلت مها مع نوره وهدى القاعه
نوره:حياتي وين تبين تقعدين
مها تطالع الطاولات:قدام عشان نكون قراب من العنود
هدى:مافي اي طاوله خاليه قدام
نوره:عندي فكره
نوره خلت وحده من المضيفات تطلب من الحريم الي قاعدين قدام ينتقلون حق اي طاوله لأن الطاوله ذي محجوزه ... قعدو البنات وأمل وصلت اخيراً وقعدت معاهم
أمل:مساعه كان فيها حريم
نوره:احني رفيجات اخت العروسه يعني احنى VIP
أمل :طبعاً
مها:قلت حق العنود فالعرس بنسوي بطاقات حق الVIP
حطو اغاني ريمكس "اغاني عبدالمجيد و راشد الماجد " يعني الأغاني الربشه التي تخليج غصب تقومين وترقصين نوره قامت مع هدى يرقصون على الستيج
قربت وحده من المعجبات الي كانو فالحمام تتذكرون رقم "2" اهي قعدت على الكرسي عند مها البنت:هااي
مها:هايات
البنت :انا وايد معجبه فيج وابي اتعرف عليج
مها "واو البنت واايد جريئة " :اسمي مها
البنت :انتي اخت العنود
نوره شافتهم ونزلت من على الستيج وقعدت على الطاوله:هااي حبي
مها رفعت يدها ترويها الخاتم
البنت تحطمت وقامت من على الطاوله
ام مها شافت كل شي من البنت لم قعدت ونزول نوره من الستيج ومها وهي ترفع يدها تروي البنت الخاتم
..........................................
الساعه 2ونص فالليل نوره دخلت البيت وهي مستطربه حدها ركبت الدري في طريقها حق غرفتها شافت ليت مكتب ابوها مفتوح وسمعت صوت ضحكات ابوها فصخت الكعب ووقفت عند باب المكتب تسمع ....
أمل فتحت باب البيت بهدوء فصخت كعبها ودخلت مثل الحراميه الطابق الأول محد فيه وظلام
أمل ضحكت حست أنها غبيه شلون نست ان الساعه 10 كل الي فالبيت ينامون ركبت الدري ووقفها صوت ابوها وهي راكبه الدري
بو أمل:تو الناس
أمل تصرقعت وقلبها كان بيطيح في يدها :بسم الله
بو أمل:تعرفين الساعه كم الحين
أمل هزت راسها بالنفي
بو أمل:3 ونص قمت اصلي صلاة الفجر اذا كنتي تعرفين ان في صلاة اسمها صلاة الفجر ومريت على غرفتج وماحصلتج لو ماشفت البطاقه على السرير جان اتصلت فالشرطه و
أمل قاطعته:على فكره ترى امي تعرف
بو أمل:امج تعرف لكن انا ماعرف
أمل:والله مب مشكلتي اذا هي ماقالت لك
بوأمل:واذا قلتي لي ووافقة ماكنت اتوقع انج ترجعين هالوقت بنت بروحج مع دريول
أمل:ذي مب وقت توقع ...اوكي انا رجعت الساعه 3 الفجر يعني رايحه حفلة خطوبه متي تبيني ارجع الساعه 12
بو أمل:امج اذا راحت ماترجع الا الساعه 12 ونص انتي ترجعين 3 ليش
أمل حطت يدها على راسها:اووف انزين ابي انام
بو أمل:روحي نامي وكلامي معاج بكره الصبح قبل لا تروحين المدرسه
أمل فتحت عينها:مدرسه انت من صجك مابقى الا ساعتين على الساعه 6
بو أمل:تبين تغيبين يومين ورى بعض بدون عذر
أمل:اووف انزين
أمل راحت غرفتها وفصخت فستانها طرشت مسج حق مها ونوره وهدى انها بتداوم بكره بس ماتدري اذا هم بيداومون الوحيده الي تعرف انها بتداوم هي مها لأن عندهم تدريب
...............
مها مارقدت مب لأنها ماقدرت ترقد لاء لأن اختها العنود ماخلتها ترقد قعدت تتكلم عن مشاعرها تجاه ولد خالتها جاسم وأحلامهم مخططات العرس فـ مارقدت راحت المدرسه مواصله ...
رقدت في اول ثلاث حصص والبريك تدريب "نوره وهدى غايبين "
فالحصه الرابعه
مها حاطه راسها على الطاوله مقابل أمل :ااه راس يعورني كله بسبة العنود وصدقيني الحين هي راقده فالبيت
أمل:صدقيني انا امس بعد مارقدت
والى عالم الاحلام وماقامو البنات من نومهم الا على جرس انتهاء اليوم الدراسي
نوره ماطلعت من غرفتها طول الوقت تفكر وتفكر في الي سمعته امس كان كلامه خطير كان كلامه يجيب المرض "من الغبيه الي تكلمه وليش تكلم واحد متزوج ياربي وامي اذا عرفت شنو بتسوي انا لازم اقول لها هي لازم تعرف بس بعدين حياتنه بتكون صعبه امي في صوب وابوي في صوب ذي قوانينها غير عن ذي نسمع كلامه او كلامها انفذ قوانين من ! " وهدى شلون نسيت هدى الي تطلع من العصر ومادري وين تروح وتقص على امها المكسينه وتقول لها ان عندها تقويه "
لم رجعت أمل البيت سار تحقيق طويل وطويل لمدة ساعتين
بو أمل:أمل انا بديت اخاف منج ومن سلوكج
أمل تقلب عيونها :سلوكي
بو أمل صرخ :لم انا اكلمج تحترميني فاهمه جربت معاج الطريقه العلميه عشان اتقرب منج وافهمج مافي فايده الأدبيه بعد مافي فايده قولي يا بنت محمد شلون اقدر اتعامل معاج شلون فهميني الامبالاه عندج ضرب حده فاتورة جوالج 5000 فالشهر انا ابو واشتغل في وظيفتين جوالي فيه 200 واحد وفاتورتي 3500 فالشهر
ام أمل:أمل انا عطيتج حريه بس انتي ستعملتيها بطريقه خاطئه امل جوالج .لاب توبج .والتلفزيون كلها اشياء بتنشال من غرفتج لين ماتعدلين سلوكج وماراح تروحين نادي وبتطلعين من فريق كرة السله فالمدرسه
أمل نصدمت :شنو ..لا انتو تمزحون
بو أمل:احنى مب صغار عندج عشان نمزح معاج وعلى فكره الحين لم تروحين غرفتج مابتحصلين ولاشي من هلأشياء
أمل:ذي بس عشان رجعت امس متأخر
ام أمل:وعشان تذكرة حضور حفلة ### الي بتكون يوم الجمعه مب الأحد
أمل راحت غرفتها معصبه صكرت الباب وقفلته........
......................
أول ويكند يمر أمل ماكلمت ولا وحده من رفيجاتها وهدى نفس الشي يمكن بس نوره تكلم مها قبل لا تنام ومدة المكالمه ربع ساعه
................
يوم الأحد البنات داومو بس مب مثل عادتهم بنشاط وحماس وحيويه خصوصاً أمل الي طول الوقت هاديه
فالكافتيريا ولا وحده من البنات قامت وشرت لها شي تاكله كل وحده فيهم سرحانه وهاديه
نوره :في شي ابي اقوله مب قادره احبسه اكثر من جذي
مها وأمل وهدى :شنو
نوره قبل لاتبدى بدت دموعها تتسرب من عيونها :بعد حفلة الخطوبه رجعت البيت الساعه 2 ونص وحصلت ابوي قاعد فالمكتب مثل المراهق انتظر لم كل الي فالبيت ينامون وراح يكلم حبيبته الي كتشفت بأنها زوجته قال لي عنده دوره في فرنسا لمدة شهر اتصلت فالشركه وسئلت قالو ماعندهم دورات حق فرنسا ابوي يخون امي مع وحده عمرها 20 سنه تزوجها بالسر وبياخذها شهر العسل فرنسا بعد اسبوعين
مها مسحت دموع نوره :وانتي شسويتي لم عرفتي
نوره:ولاشي طول الويكند كنت افكر انا منصدمه وخايفه
هدى قاعده قدام نوره على الطاوله قامت وحضنتها
مها:خلاص حبي
هدى:خليها تصيح دموعها تطفي النار الي في قلبها
بعد ماقالت نوره مصيبتها
أمل:خذى جوالي ولاب توبي وشل التلفزيون من غرفتي يقول مايعرف شلون يتواصل معاي وتقول هي انها ماتقدر توثق فيني قال اني مستهتره ماقدر اتحمل المسؤليه مافكر الا في نفسي يقول جربت كل الطرق معاج بس مافي فايده منج .. هو مب محتاج كتب ودراسات وابحاث على النت عشان يقدر يتواصل معاي هو محتاج يعطيني وقت وفرصه اتكلم وعبر عن نفسي هو على اي اساس يقول اني مستهتره ومب مهتمه هو مايكون موجود لم ارجع من المدرسه هو مب موجود العصر المغرب او العشا هو مب موجود في عيد ميلادي او فاليوم الي استلم فيه شهادتي هو مب موجود فـ على اي اساس يتكلم ويقول اني مب مهتمه وهي نفس الشي
نوره ستغربة:هاذي حياتج
أمل:اقوم الصبح اتريق اجي المدرسه ارجع البيت اقعد على النت انام يمكن اقعد معاهم نص ساعه وفي هالنص ساعه هو يقرى وهي تتكلم فالتلفون ارجع غرفتي على النت او فون وبس انام ويبدى اليوم الثاني نفس الشي يعني انا امي وابوي مب دايماً موجودين مثل امهاتكم
نوره:ماتوقعت تكون ذي حياتج عتقدت ان حياتج مثاليه وحلوه وحاله
أمل: بس انا الحلوه والربشه اما الي فالبيت العكس تماماً
نوره:فديتج يا احلى واربش وحده في قطر

يتبع...