عـرس الـدمـ .. رواية بوبات بوليسيه /بقلمي

المقدمه غريبه و تخوف بس بنفس الوقت تجذب
راح اكون من متابعينك ان شاء الله
ننتظر اول بارت.

يلااا عااد ننتظر على احر من جمرر =)

الـبارت الــاول
الفصـل الـاول

فـي كورنيش ابوظبي النائـمة
ضوء القمر و الهوا البارد و الامواج العالية
وقفت هاجر تطالع البحر وشعرها القصير يحركه الهوا القوي عيونها البنية الصغيرة تلمع و تدل انها بتبدى نوبة صياح خشمها احمر شفايفها الصغيرة الوردية تقوست بحزن ..
تتذكر قبل سنة كانت واقفة وياها فـ نفس المكان ربيعتها واختها وكل دنيتها ..
هاجر : آآآآه وربي تعبت
مهرة بحزن: ادعي لها حبيبتي
هاجر بهدوء مب طبيعي يميل للـ ينون خذت نفس وقالت: تعرفين يا مهرة قبل سنة بالظبط نفس التاريخ 23-9 كنت واقفة وياها فـ نفس المكان .. اخر مرة جفتها.. لمتني .. متعودة عليها قبل لا تسير تسبني او تظربني .. متعودة عـ عبطها من سنيين ..( شهقت وبدت تصيح ) حسستني اني بفقدها زيغتني لميتها حييل سالتها شفيج قالت لي وهي تحاول تبين عادي سبتني وقالت انها تبا تسير بدون سب .. ما حسيت بشي كنت غبية .. حييل غبية سبيتها و اوني زعلت باستني (حطت صبوعها عـ شفايفها)باستني وقالت لي انها تحبني حيل و مارامت تيود عمرها وصاحت .. صحت وياها بس مجرد انها تصيح انا اصيح (ابتسمتو وسط دموعها وكملت) وربي محتايتها حيل محتايتنها .. (لفت عـ مهرة ويهها كله دمووع ) ابيها بقول لها اني احبها بعد .. ليش جي تسوي فيني خانتني و هدتني بروحي شوقتني ما نفترق .. افترقنا ..
مهرة لمت هاجر وصاحت وياها
هاجر بصراخ و صياح : خاينة .. خاااينة

هاجر و نور ربيعات من 10 سنين .. عاشو كل عمرهم سوا .. نفس الحركات .. مستحيل تشوف هاجر دون نور و العكس .. ما يظهرون الا سوا ..هاجر قوية .. و شخصيتها قوية ومستحيل تخاف او تترد تسوي شي فـ بالهاا .. بس وفاة نور هزتها .. ومن عقيها اتغيرت هاجر 180 درجة .. نور كانت شخصيتها مب وايد قوية بس تحب المغامرات و تترد قبل لاتسوي اي شي و فكل شي تاخذ راي هاجر ..

فـ مكان آخر
جواهر: بونسواار
عويش:هاااي
جواهر يلست : افف زحمة
عويش: هيه .. اقول سمعي
جواهر : قولي
عويش:امس فـ السكيت تحيدين البوية اللي شعرها قصير اللي تمت تلحقج
جواهر:اللي لابسة جاكيت اسود
عويش:هيه.. يتني وقالت لي انها تبا رقمج و بنج قبل لا ادري انها تلحقج .. عطيتها الرقم بس ماعطيتها البن
جواهر:هيه رقمين غريبين يدقون علي من الصبح
عويش:المهم اباج ترمسينها وتتعرفين عليها
جواهر:لاا وييع جفتي ويهها انتي
عويش:بتتعرفين عليها ولا ؟
جواهر:زين انتي اول قولي ليش ؟
عويش: مب الحين بقولج .. بس ابا اتأكد اذا هي ولا مب هي
جواهر شهقت : مااقلت لج
عويش سندت ظهرها عـ الكرسي و بعدم اهتمام:شو
جواهر ظربتها عـ راسها : هاجر يالغبية
عويش تنقز :وينها شفيها
جواهر بحزن: مهرة توها مرمستني وقالت انهااا ردت لحالتها
عويش:لاا لاتقولين .. وحطت ايدهاا عـ شعرهاا .. و وينهم الحين
جواهر : يعني وين اكيد الكورنيش
عويش: قومي قومي بنسير
*ملاحظة : نور و عويش توأم يشبهون بعض بكل شي و نفس الصـوت و الستايل و صعب تفرق بينهم بس هاجر وجواهر وربيعهم اكيد يفرقون

فـ مكان آخر
يالسة فـ الصالة
عبير : شمووووووخ تعالي بحط الفيلم
شموخ وهي ياية صوبها: اي فيلم
عبير: ما ردي (وتركب الفلاش ميموري فـ التي في) حمود نزل فيها افلام
شموخ انسدحت عـ العنفة و تتحلطم: حمود ينزل افلام غبية كلها مسدسات و ظرب
عبير : لا نزل لج فيلم think like a man
شموخ و هي سايرة: جفته .. انا بسير ايلس عـ الاب
عبير : لاتعاالي
شموخ : زين تعالي نسوي مغامرة
عبير بنص عين : مغامرة الساعة عشرة و نص و يوم اليمعة انتي تبين عبد الله يذبحج .. اقول اهجدي
شموخ: انتي شفيج اهجدي و سامجة انتي متعرفة عـ سعودية ولا شـ السالفة ؟
عبير بحماس: هيه هيه اسمهاا نوال و 22 سنة مس انجليزي كيووت من الخااطر
شموخ : زين تعالي انا خاطري فـ ايس كريم شرايج نسير باسكن بنسير وبنرد قبل لا حد يلاحظ
عبير :لالاا انا اخاف
شموخ وهي تسير صوب السلم: افف انتي غبية انا بسير بس ما بييب لج وياي
عبير بصراخ : لو مايبتي لي رح فسد عليكي <<ترمس زلمي كـ عبط
شموخ : اوكي اوكي

جواهر: هاجر حبيبتي لا تصيحين انتي جي تعذبينهاا ادعي لهاا
هاجر تصيح و تشهق: لاااا هي حية حية وربي احس انه حية
عويش تراقب بصمت و هاجر كاسرة خاطرها
مهرة:هاجر قومي بنسير الساعة استوت 11 ونص
هاجر هدت شوي :لا انا بترياهاا هي دقت علي الصبح وقالت لي نسير الكورنيش هي بتي
مهرة: هاجر حبيبتي قومي
هاجر تطيح دموعها: اقولج بترياهاا .. اكيد ما بتتأخر
مهرة: جواهر ساعديني قوميها
جواهر مب رايمة ترد خايفة تصيح وتزيد هاجر
عويش:هاجر
هاجر قبل لا تلف عليها قالت بفرح :نوور نوور (وقامت يوم جافتها اختفت الابتسامة ) عويش وين نور ليش مايت وياج
عويش قربت منها و عطتها كف و بدت تصيح بصمت : حرام عليج حراام عليج اللي تسوينه .. لا تعذبينها .. عبالج محد يذكرها غيرج .. محد محتايها غيرج ..انا محتايتنها اكثر عنج .. تتخيلين اني كل يوم اطالع المنظرة ما اتذكرها .. اجوف ويهي ما اتذكر .. الانسانة اللي تشاركني حتى فـ شكلي ما بتذكرها ( فجأة لفت عنها وخذت نفس )انا بسير
هاجر بسرعة:لاتسيرين ..( لمتها من ورا).. انتي الوحيدة اللي حاسة فيني .. كل شي فيج يذكرني فيها .. دخيلج لاتسيرين
عويش : زين تأخر الوقت تعالي بيتنا
هاجر ابتسمت :اوكيه وسحبت شنطتها وسارت قبلها
مهرة: غريبة هـ البنت
جواهر: كل ماجفت هاجر اول شي يخطر بـ بالي وين نور (بحزن) ماتعودت اجوفها روحها .. الله يرحمها
عويش مسحت دموعها وقالت بعصبية :جواهر البنت اليوم اباج تتعرفين عليها وتعرفين اي شي عنها
جواهر بعصبية:اووه سيري جوفي هاجر لاتذبح عمرها .. و البنت مابتعرف عليها اليوم
عويش عطتها نظرة حادة
جواهر : اوكيه اوكيه بس اموت واعرف انتي شو تبين منها
عويش : كل شي فـ وقته حلوو
(وسارت)

نرجع شوي قبـل سنتين
فـ صالة الهيلتون
الاضواء كلها مبندة الا السبوت لايتس .. صوت الاغاني يهز الصالة ..
وقفت عند الباب تطالع الكل بغرور .. اسم على مسمى .. كانت مغرورة .. جميلة بمعنى الكلمة كل شي فيها مميز .. عيونها واسعة زرقا جنها قطوة .. شعرها اشقر كثيييف خيالي .. خشمها سيدا .. شفايفها حمرا .. طويلة و جسمها متناسق .. لونها برونز .. ملامحها اجنبية .. كانت ماخذة احلى الملامح من امها و ابوها عمرها 18
وقفت غرور و ترمس ربيعتها طيف اللي ما تقل عنها جمال
طيف جمالها خليجي العيون السودا واسعة وناعسة .. الشعر الاسود الكتيف الطويل .. حنطاوية.. طولها متوسط .. جسمها يميل للضعف .. خشمها سيدا و فيسها صغير شفايفها وردية بس غامجة شوي عمرها 17 ونص ,, مب جميلة قد ماهي جذابة
طيف بشهقة صغيرة : طالعي هاي من اول البارتي سكرت عـ آخر البارتي بتموت
غرور: الله يعينها عـ عمرها ..
طيف:دان تأخر ..
غرور : هيه .. اقولج برايه خلنا ندخل
طيف: حرام تريي شوي ..
وصل دان وهو كاشخ
دان بوية عمرها 18 فيه جذاب .. ملامحه حادة .. شعره اسود قصير منتفف .. عيونه سودا صغيرة عليه نظرات تدوخ .. خشمه سيدا و شفايفه وردية بس التدخين غير من لونها كبيرة .. فيسه طويل .. طويل و جسمه متناسق مع طوله .. جسمه مشدوود ..
طيف اونها معصبة:بدري
دان بنص ابتسامة:زحمة .. الشوارع كلها مبندة تصليحات ..
غرور بنظرة اشمئزاز وهي تطالع البنات: شكل البارتي سخيف (بعدهم عند الباب و تتفلسف :\ )
طيف: حسيت .. بس مب مشكلة لو ماعيبج نسير اي مكان ثاني
دان يطالع طيف:كاشخة اليوم
طيف بخقة:من زمان حبيبي
غرور:طاع الخبلة .. اقول شكلنا مب حلو واحنا واقفين عند الباب يلا
بعد نص ساعة
طيف بزيغة :دان ..
دان: شو
طيف :طالعي اللي يالسة ترمس اللي جدامج
دان اعتفس ويهها :غرور البارتي سخيف (تسحب منها القلاس)
غرور محتشرة :No , it’s not bad
طيف:يلا بسرعة
وظهرو

اشرقت الشمس في مدينة ابوظبي تعلن بداية يوم جديد
ثاني اسبوع دراسي
الطـابـور
وصلت المدرسة وهي متحمسة دخلت من باب الادارة .. المكان فاضي .. بلعت ريقها ما تحب تتاخر وهي طبيعي متأخرة اسبوع
شافت وحدة شكلها ادارية
المس :انتي اللي هناك
ردت بخوف:نعم مس
المس:ليش هني مب فـ الطابور يلا بسرعة تحركي
:مس انا اول يوم دوام الي
المس:وش اللي اخرك اسبوع
فبالها الله سعودية :مس انا كنت مسافرة
المس : شو اسمك واي صف
:اسمي روزاليندا الفريد
المس رفعت راسها :العب معك انا
روز:مس والله شوفي الليست تبع ثاني ادبي
المس: زين انتي شعبة 4
روز: شكرا مس .. بس وين بالضبط مكان (قاطعها صوت جرس بدية الحصة الاولى )
المس : ماعندكم صف محدد .. كل مس عندها صفها ,, وانتو تروحون لهم الصف
الفسـحه الـاولـى
بنوته طولها متوسط جسمها يميل للنحف سمرا شعرها اسود اطول من كتفها بشوي كثييف نص شعرها قذلة شكلها كيوووت عيونها بنية ناعسة خسمها شوي كبير شفايفها مب صغيرة:لوسمحتي
جواهر فبالها (ياحلوج):هلا ؟
...:انتي جواهر
جواهر:هيه انا جواهر ..(بابتسامة ) خير ؟
...:ها .. لالا ولاشي حبيبتي
جواهر باستغراب:اوكيه
جواهر تلف عـ البنات:نور وين عويش
نور:ما ادري
يت وحدة من ورا غطت عيون نوور:افف عن العبط قولي منوو انتي
البنت باستغراب:نور
نور: هيه نور وما ادري وين عويش .. قسم بالله شكلي بكتب نور فـ ويهي
جواهر:انا قلت لج قصي شعرج او خليها هي تقص .. او لون الصبغة ..
نور: انا اقص هي تقلد .. انا اصبغ هي بعد تقلد
جواهر:شزااااااابة .. هي بوية وتقص قصير انتي بنوتة ليش القصير ؟!
نور بدلع: احلى
جواهر: بس يطلع عليها (تقلدها)احلى
هاجر ظربت جواهر عـ راسهاا :ما ارظى عـ ماي بيبي
نور تقوم وتلمها:آه فديت ريلي وعزيزي وكلي انا
هاجر تعظها :الحين انا ادافع عنج وانتي تتفدين ريلج
نور تبعد عنها:آآآح يعوور يا حمارة و بعدين ما يظحك
جواهر:الناس تسلم و تبوس وهاي تظرب وتعظ
هاجر تبوسها عـ خدها:ها الحين استويت من الناس ولا بعدني
جواهر : مممممم لاا
هاجر:مالت اقول جب بس
عويش:هلووو صبااياا
جواهر:تعالي جوف اختج الغبية شو تقول
عويش ظربت هاجر عراسها و تطالع نور :ليش تقولين
هاجر:ليش تظربيني شيخصني انا
عويش:ما ادري .. المهم .. شيخة تقول ان في بوية منقولة نقل تأديبي مدرستنا
نور بحماس :صدق .. ليش شو سوت
عويش : مم سالي شيخة هي تعرف البوية
(وسارت عنهم وهي ترمس بنت)
شيخة تاكل كاكاو :تسألوني عن شو؟؟
(شيخة بنوته سبورتيه .. فـ مواقف تكون دلووعة بقوة و مواقف بوية اصل .. طولها اقصر من المتوسط بشوي و 24\7 تاكل بس ماتمتن جسمها متناسق تقريبا .. بيبي فيس عيونها صغار بس مب مسحوبة لونها عسلي و هي حنطاوية و شعرها اسووود كثييييف يوصل نص ظهرها تسويه دايما كيرلي ناعم و ترفعه بوني تيل خشمها سيدا بس عريض و شفايفها كبار )
جواهر:البوية اللي بينقلونها سكولنا
شيخة:اهاا .. مم انا ما احب هـ الانسانة احسها خقاقة .. وبعدين زلمية و ناقلينها لانها كاسرة ايد بنت
نور بأستنكار:كاسرة ايد بنت وين عايشين نحن
شيخة:لو تشوفينها مخيفة مع ان جسمها لو تستوي بنوته بتطلع سكسيه بس ويهها و شعرها و ستايلها جنها صبي
جواهر:متى بتيي
شيخة: قالت هـ الاسبوع
نور:اهااا
شوق من بعيد تصارخ:نووور (شهقت يوم وصلت) تعالو تعالو بسرعة
(شوق سبورتية شعرها بني ناعم فوق كتفها بشوي حنطاوية عيونها بني غامق وخشمها متناسق مع ويهها شفايفها حمرا مايلة عـ الاحمر الغامج و هي يمنية )
شيخة : شوو
نور بحماس: شو شو شو
شوق:تعاالو بسرعة وتسحب نور و شيخة و تربع صوب الادارة
شيخة :ويت ويت اسكر القميص (كانت مبطلة اول 3 و براتها حمرا مبينة )
شوق محد بجوفج .. تعالي بسرعة
شيخة ستسلمت وربعت وراها
وقفت عند باب المترجمة (المترجمة مالت المديرة الاجنبية)
شوق :لا ترمسون بس اوقفو وياي .. نور انتي بوية
نور :نعم ؟!؟!
شوق : انتي كملي وياي بس و جوفو شو بسوي
بطلت الباب بابتسامة جذابة:هلا
المترجمة توها متخرجة طوييييلة و ضعييفة و ملامحها زلمية بس ترمس اماراتي
المترجمة ردت الابتسامة:هلافيج حبيبتي .. تبون شي
شوق : امممم خالد (تأشر عـ نور) معجب فيج
نور انصدمت بس مثلت انها استحت او خايفة تردها
المترجمة تطالعها بنظرات اعجاب
شوق تكمل :وتبا ايميلج و رقمج وبنج
المترجمة :اسمي مريم
نور بصوت واطي سمعوه كلهم اونها مارامت تيود الكلمة : فديتج
شيخة تحاول تكتم الظحكة
مريم كتبت ايميلها و عطته نور : خلنا نبداها ايميل
شوق سحبت نور اللي كانت تبا تكمل تمثيل
وشيخة فقعت ظحك
نور: لوووووول
شوق:احم احم لاحظت اليوم قبل الطابور نظراتهاا
نور تذكرت شي :انا بسير و مشت بسرعة صوب مبنى المختبرات
(مبنى المختبرات مفروض ان فيه مختبرات وصف حاسوب و صف مشرفة عـ المبنى .. بس المختبرات سوولها مبنى ثاني و تم هـ المبنى شبه فاضي مافيه غير صف الحاسوب )
شيخة بصدمة :نووور تسير مبنى المختبرات مستحيل
شوق:شو اللي مستحيل عادي .. (و بمصخرة) يمكن عندها معجبة سرية بتجوفها
شيخة: ...... (شوق ماسمعت شي لان الجرس رن)
شوق:شوو ماسمعت
شيخة انحرجت:ها .. ولاشي
شوق :اوكيه برايج .. نسير الكلاس و لا نتمشى فوق ؟
شيخة:لا نسير الكلاس
(ثاني ادبي 1 – عربي )
هاجر بصوت واطي:عذور جوفي المس من تحت الطاولة
عذاري تنزل راسها وتطلع منها ضحكة مكتومة: شو مسوية المينونة
(المس كانت رافعة كندورتها و تبين الشلحة و فاصخة الجوتي)
المس:عذاري هاجر نور برا
نور ترفع راسها :نعم !
المس :براا
نور:فجأة ,, اوكيه .. برا برا
(ثاني علمي 5 – رياضيات )
شيخة:تيتشر .. مب فاهمة .. اقين اقين
المس: I’ll say it again ,,if u don’t understand it this time I’m not going to say it again ,,I said it over ten times ,,and
شيخة: انزين شو I do اذا انتي don’t know شقايل تشرحين
المس ما فهمت اللغة المنقعة وكملت شرح
شوق:شيخة ياالدافورة فهميني هاي
شيخة:خليني افهمها بالاول
(شيخة تكره الحفظ اذا فهمت شي حفظته اذا ما فهمته ما تروم تحفظ .. واختارت علمي كـ تغيير .. اما شوق سوت قرعة بين الادبي و العلمي وطلع علمي )
(ثالث ادبي 3 – فراغ)
....: هيه اسمها جواهر
...:مايبتي شي يديد .. وبعدين منو قال اني ابا اتعرف عـ جواهر .. انا ابا نور .. قسم باالله لاخليها تندم قد شعر راسها انها رفظتني
...:وشو بتسوين
... بخقة وتقة زايدة :انا ... عمري ما حطيت شي ببالي ومايبته .. ان ماخليتها تكره عمرها وتحس انها حشرة ما اكون انا ... بنت ....
....: انتي مينونة ,, مستحيل انسى شو سويتي فـ شيوم .. حرام عليج نور مب وصخة شرات شيوم
... بخبث: بس عايبتني و بعدين ما بخسر شي .. هي بتسوي كل شي بارادتها .. ولو مب بارادتها بيبين العكس
....:طلعيني من السالفة
... تنزل راسها و تيود البي بي : انتي اساسا مالج دخل
اول ثانوي 9 – كيمياء
نوف:مس بسير الحمام
المس: بسرعة
نوف تمشي بسرعة البي بي لعوزها
وصلت الحمام طلعته يم المغاسل
جافت بوية تطالعها : لاتبطلينه هني جوفي لج روم وبطليه داخل لان الاداريات دوم يدخلون حمامات الطالبات عشان المخالفات اللي نفسج (وظهرت)
نوف :بصوت شبه واطي : واو شو اسمها (وبقهر) افف غبية
بندت البي بي وردت الكلاس
الفسـحة الثـــاانيــة
شيخة بفرح:مريوووووووم ونقزت عليها
مريوم:حيااتي شوااخ (وباستها)
(مب حبايب .. احنا جي نحب بعض بطريقة غريبة يعني كل شلتنا جي بينا حركات حبايب من زود الحب لوول )
كلهم يلسو فـ الكانتين
شيخة:بنات باجر السكيت ؟
مريوم:ياخي مليت من السكيت لو اسير فيه مغمضة مابدعم فـ شي
هاجر ظحكت:زين وين تبون تسيرون ؟
نور:دبي
لفو عليها باستغراب
نور :هيه دبي .. نسير عـ اساس السكيت و نسير دبي
هاجر:زين و الوقت و ويا منو بنسير
نور : الوقت بنقول زحمة و جدامنا حادث و ماحسيت بالوقت هناك و بنسير ويااا اممممم
شيخة:انا
نور : شو انتي
شيخة باستنكار:نسيتو اني طلعت ليسن
هاجر:لا طبعا .. لااا طبعاا .. اسير ويا الدريول ولا اسير وياج مينونة انا ,, حياتي ماباها تنتهي بهاي الطريقة
شيخة مدت البوز:خلاص .. نأجر سيارة و دريول
مريوم :شرايكم نسير من الصبح !
هاجر: شقايل
مريوم:نشرد من السكول .. و نقول نبا نسير السكيت بعد السكول يعني ما نرد البييت و محد بينتبه و بنكون فـ دبي من الصبح
نور :يااخطيرة .. بس مممم
هاجر:صدق انج خطيرة انا موافقة
شيخة:لاحبيبتي اخاف ..
مريوم:لييش ياخي مغامرة مرة وحدة
شيخة:خوفي تعيبكم و تسونها كل اسبوع
هاجر : لاا مابنسويها كل اسبوع اساسا المولات و اي شي فاظي الكل مداوم .. بس مجرد عبط
و بعد محاولات شيخة اقتنعت
عويش تيلس و تربع ريولها :شو تسوون
جواهر تيلس عـ ريول مريوم:ازيكم يا اوطط .. عاملين ايه
نور:والله انا كويسة وانتي يام حنفي
مهرة تيلس:آآآه تعبت
(مهرة بويه يزقرونها خالد طوييلة و ظعيييفة شعرها بني مدرج آخر طبقة توصل اخر رقبتها منتتف طالع روعة مع بياضها اللي ما تحبه ويهها تحسينه طويل شوي عيونها عسلية تذببحح خشمها سيدا الكل عباله انها معدلة her eyebrows بس هم مرسومين خلقة و شفايفها وردية اللي تحت كبيرة بالنسبة للي فوق  .. انسانة مزاااجية حيييل و عنييييدة و تميل للغموض يعني محد تقريبا يعرف عن حياتها اي شي و ما تحب الازعاج بس احيان تكون هي سبة الازعاج .. )
نور:من شوو
خالد:مس الرياضة ماطاعت اني اظهر من عدها الا وانا مسجلة فـ الفريق ..(وبعصبية) اقول لها قصب يعني تقول لي (وتقد المصاروة ) ايوة منتي بتعرفي تلعبي كدة نحنا حنفوز اقول لها مس مابلعب لج عدل تقول انتي منتي لمى تشوفي البنات بيلعبو مش حترضي تطلعي خسرانة و بعدين منا عارفة حركاتكم بتاعت البنات دي في بنات كتار هناك حرضي تطلعي قدامهم بصورة وحشة ؟
نور وهي تظحك عـ شكل خالد وهو معصب شكله عجيب : لووول حليلك .. تصدق كسرت خاطري
هاجر بعدها تظحك و تتطنز عليه : اتخيل شكلك تلعب كرة طائرة ..(سكتت تكمل ظحك) وتمر بنوته و تتنح فيها فجأة تييك الكرة عـ ويههك كاااااااااااااك
شيخة:لوووول و بعدن ماشاء الله ويهك فيه مغناطيس يجذب الكوور .. تحيد السنة اللي طافت يوم اونك مسوي فيها جنتل
نور:متى ؟
شيخة:يوم مريوم الايمو طاحت و اونه خلود بيساعدها فجأة تييه الكورة عـ راسه و اللي فارتنها مريوم بطي (مريوم بطي احسن وحدة تلعب طائرة و فرتها قوية و تعور) جان يطيح عـ مريوم (وتظحك) لوول وربي ظحكت عليه ليين قلت بس كااااك
خلود:مالت عليكم انا عبالي وحدة بتتنازل وتسجل .. بسير اجوف لي واحد من الشباب يتبرع
طيف بكل ثقة :انا بسجل
كلهم لفو عليها
شيخة:اونج عاد بتسجلين وتلعبين
طيف :هيه بسجل
هاجر باستنكار:انتي طيووف البنوته الرقيقة تلعب كرة طائرة
(طيف بنوته دلوعة و كيوت .. كل شي فيها صغير .. طولها اقصر من المتوسط بشوي و ضعيفة شعرها يوصل آخر ظهرها بني فاتح كيرلي ناعم بطبيعته .. ويهها صغير حواجبها مرسومة بطبيعتها عيونها صغيرة بس واسعة خشمها صغير شفايفها مب حيل صغيرة وردية و هي بيضا و بشرتها حساسة لو حد يود ايدها يعلم عليها بقوة .. حساسة حييل و تتأثر بسرعة .. )
*ملاحظة : طيف اللي فـ السكول مب نفس طيف ربيعة غرور ^^
طيف بابتسامة كيوت :هيه
خالد يطالعها بصدمة :لا طيوف اخاف عليج انتي ما بتتحملين
طيف بثقة:خلونا نسير عند مس الرياضة ونجوف
خالد :اوكيه لعبي ضدي و نجوف
طيف :اوكيه يلا جدامي
كلهم سارو طبعا
عند مس الرياضة
بدا خالد يسوي ارسال بس سواها خفيفة خوفا عـ طيف .. طيف ردت الكرة بكل قوة.. فـ النهاية المس وافقت انها تسجل
خالد : صدمتيني طيوف .. من وين متعلمة
طيف:العب ويا خواني
نور تصفق: واو طيووف شو هـ المواهب اللي طلعت فجأة
طيف بخقة :من زمان حبيبتي
هاجر:انا ما بعلق خلوني بعدني مصدومة
خالد يلم طيف:ياقلبي انتي (يبوس خدها)فدييتج والله
طيف:افداك بيبي .. انا بسير الكلاس اكيد الحصة بدت
كلهم سارو كلاساتهم وانتهى اليوم

فـ الليل
نور ميودة الفون :يا هاجر ياحبيبتي للمرة المليون انا ما احبها شو تبين فيها
هاجر وعايبنها الموضوع : وانا للمرة المليون اقولج البنت ما تعرف عني شي مجرد انها معجبة وتسلم
نور:لاحتى سلام
هاجر :اقول نور خلي عنج العبط
نور:لا اقولج البنت انا ما احبها وويها يلوع جبدي
هاجر:اوكيه انا مابرمسها اذا انتي تركتي نصور
نور بعصبية: هاجر انتي اللي عن العبط هو معجب فيني شو اقول له .. ما احب احرج معجبيني
هاجر:انا بعد مابحرجها
نور:اوكيه سكري السالفة وقولي لي .. قلتي حق ابوج عن باجر
هاجر:هيه يقول لي (وتلقده) سالي امج
نور:ما يوز عن سوالفه ياخي
هاجر:حبيبتي انا تعودت
نور:زين دقي عـ امج وساليها
هاجر :دقيت بس بنتها ردت قالت لي امي تقول لج هي ما تحبج و حد شل عنها التلفون و بند فـ ويهي
نور:زين دقي مرة ثانية
هاجر:مغلق
نور:انا بدق اوكيه
هاجر:دقي
نور دقت و ردت ام هاجر
ام هاجر:الو السلام عليكم
نور :وعليكم السلام .. هلا خالوو
ام هاجر:هلا فيج حبيبتي
نور:انا نور ربيعت هاجر
ام هاجر تغيرت نبرة صوتها:هيه ؟
نور:هاجر تقول لج باجر بتيي دبي ويانا
ام هاجر: ليش تسالني عندها ابوها
نور باشمئزاز منها :يعني خالو افهم انتي موافقة ولا
ام هاجر بلعانة : لا مب موافقة و لو علي ما اخليها تسير المدرسة
نور تمثل الفرح : صدق خالو مشكورة انج وافقتي .. باي انا بدق عـ هاجر اقول لها انج وافقتي و تبند بسرعة
و يطلع عندها الخط الاول
نور:ماطاعت بس قلت لها انج بتيين المهم انج بتين
هاجر: آه هم وانزاح شوي و بدق عليج بجوف ابوي الحين عنده شي ثاني ولا خلاص
نور :اوكيه
و بندو الفون
نور انسدحت تبا ترقد
هاجر سارت ترمس ابوها
شيخة واقفة عند الكبت تفكر شو تلبس تمورو ..
مهرة و طيف و مريوم راقدين

انتهى اليوم بالنسبة لبطلاتي وانتهى البارت
سوري البارت قصير وماشي احداث بس ان شاء الله البارت الياي بيكون اطول واحداثه اكثر و يعيبكم
والســمووحـهـ عـ القصـوور

واااااو
البارت إبداع كملي كملي بليز cheers

WooooW
kmaLeee Very Happy

» رواية {+ تـــشرفــــنـــــا +} // رواية ؤااقعية جريئة )) بويات ' شباب .... بقلمي shoudi اكتملت
» رواية ** فقدتك يا أعز الناس ** رواية واقعية جريئة بقلمي...shoudi
» رواية بقلمي
» رواية لا تتخلين عني/بقلمي
» روايه بقلمي ألم وأمل