رواية بويات ( اسألني لو حبيت غيرك )

(( البارت العشرون ))

فهود قاعد مصدوووم
نواف : حبيبي انت وعدتني تتــ.......
قاطعة فهود : أوششششششش مابي اسمع لك
نفس
نواف : تكفى اسمعني , انا ما سويت جذي الا لأني
أحبك والله احبك
فهود : قوم اطلع برا
نواف : والله أحبك فهود , وين تبيني اروح
فهود شد نواف من ذراعة : مابي اشوفك
هني ( دفعه جهة الباب )
نواف طلع وركب سيارته ضرب الشباك بقوة
وشخط بسرعة

فهود بعد ما طرد نواف فتح الستاير
وعفس كل الي سواه نواف وصرخ بأعلى
صوته : الحقييييييير

دخلت فرح على صرخته
فرح بخوف : فهود شفيك ؟!
فهود مازال يصرخ : ضحك علي الواطي
(رمى الصحون الفطور)
فرح ركضت له : فهود شفيك ؟!! منو هذا ؟!
فهود دفعها وراح ركض لجناحة وقفل على نفسه

سلوم طبعاً من أول ما صحى و هو يدق على منال
ومنال مسكرة فونها .. على طول جا في باله سيف
ودق عليه

سيف كان يكلم العنود ويحاول يوصل لها أن
أخوه ما خطب أحد ولا صار شي من الي
قالته أمه , شاف خط ثاني وطبعاً كان سلوم

سيف : حياتي أخليج الحين , سلوم يدق
العنود : زين بس تخلص كلمني

سيف رد على سلوم
سلوم بصوت تعبان : سيف
سيف : هلا !
سلوم : مرني ابيك
سيف : سلوم فيك شي ؟!!
سلوم : بس تعال
سيف : طيب دقايق وانا عندك
منال كانت تطالع صورها مع نواف قبل
وتشوف شلون كان شكلها , ( كانت تحب
تسوي اي شي يطلبه .. كان يحب شعرها قصير
وأسود ويحب تلبس فساتين او قمصان فتحة
الصدر تكون كبيرة ) أبتسمت منال و بنفسها :
( بردك لي يا نواف )

أبو انفال وميرا رجعوا بيتهم و أستقبلهم أنفال
بطريقة ما توقعوها , والحين تغدوا وقرروا
يطلعون يتمشون ( يتسوقون للبيبي الجديد )
انفال متحمسة : فكرة حلوة بابا
ميرا : جد رح تجين معاي يعني ؟!!!
أنفال : اممممممم بشرط
الأبو : انتي تآمرين
أنفال : شرطي انك تجي معنا
الأبو : يا يبة ماعرف بهاذي السوالف انا
انفال وميرا : بليييييز
الأبو مايقدر يقول لا : ان شاء الله
أنفال بفرح : واااو أناا بروح اتجهز
( صعدت ركض )
الأبو وميرا : ههههههههههههههههههه

سيف عند سلوم
سيف : سلوم شفيك خوفتني ! صوتك
بالفون مايطمن
سلوم قعد على سريره : أول شي انا آسف
سيف : على شنو ؟!
سلوم : الي قلته والي سويته لك
سيف ضرب كتف سلوم : جب زييين !
ترا أبداً ماله داعي الأعتذار , طيب وثاني شي ؟
سلوم انسدح : فهود
سيف : شفيه ؟!
سلوم : شبك مع نواف
سيف بصدمة : هااااااا !!!!!
سلوم : اي الي سمعته , شبكوا
سيف : بس شلون !! فهود يحب مستحيل
يشبك مع نواف !
سلوم : خيير ! شقلت ؟؟
فهود يحب ؟
سيف انتبه للي قاله : أقصد يمكن يحب يعني
سلوم : من متى فهود يحب ؟؟ و يحب منو ؟؟ و أصلاً
ليش ماقال لي !
سيف متوهق : يه , سلوم الله يهديك شفيك شنو هالتحقيق
أنا غلطت بالكلام من الصدمة شدخل فهود يحب الحين !
سلوم يطالع سيف بنص عين : سيييييفوه , أنت تعرف شي
ومخبيه عني , و أعرفك لا خبيت محد يفضحك غيري
سيف: اوووف سلوم بقولك و الي بيصير
يصير , أصلا ما أعتقد يصير شي لأنهم
شبكوا خلاص
سلوم : أييي عفية , جذي تعجبني
سيف : أسمع ياخي فهود يحب
سلوم : أنزين الي بعده
سيف : الصبر زين وأنا أخوك
سلوم : سيفووه بدووون تفلسف , قوول الموضوع
وخلصني
سيف : تبي الموضوع أجل ؟؟؟
هاهاهاهاها
سلوم بصراخ : سييييييييييف
سيف : هههههههههههههه زين زين لا تعصب
سلوم : تكلم
سيف : الله يسلمك و يعافيك ويرجع أمك وأبوك
بالسلامة ويرزقهم بنوتة حلوة تصير أختك ويــ.....
سلوم أنفجر و مسكه من رقبته
سيف : كح كح والله بقول والله
سلوم تركه : ثوااااني يا سيف لو ماقلت ماتلوم الا
نفسك
سيف : كحح يا حمار فهود يحـــــبك أنت
سلوم : سيييف وبعدين مع الأستهبال !
سيف : والله ما أستهبل فهود يحبك ومن
أيام الثانوية

سلوم منصدم بقوووووووة : ............................
سيف : شفيك !
سلوم سرحااان : شلووون !
سيف : يحبك بعد شلون
سلوم : سيف أبي أعرف الموضوع كاااامل
سيف : زين

الساعة 9 = موعد نجلاء و يوسف

نجلاء نزلت اللوبي واهي متزينة على الآخر
لقت يوسف قاعد يتنظرها بالكافية

نجلاء : حبيبي
يوسف قام بسرعة : قلب حبيبج انتي
نجلاء : تأخرت ؟
يوسف : حييييييييييييل الحين الساعة 9 و دقيقة
نجلاء : كلها دقيقة وبعدين هالدقيقة كنت أمشي
فيها من الشقة لين اللوبي
يوسف : وحشتيني ( يبوس يديها )
نجلاء مستحية : ماقلت وين راح نروح !
يوسف : ياروحي خليها مفاجأة
نجلاء : اوك عمري
يوسف : يلى نمشي ؟
نجلاء : اي يلة
نواف من بعد الي صار مع فهود
كان وافق عند باب بيته وماوقف بكى
ومايبي يدخل البيت لأن أبو طرده
عشر دقايق بالضبط ودق فونه وكانت أمه
الي تتصل

نواف رد وصوته باين انه تعبان ومبحوح من البكي :
نعم ؟؟
الام بخوف : نوف يمة وينج ؟؟
نواف : شتبين أنتي بعد ؟؟ ناوية تكملين الي سواه
زوجج ؟؟
الأم تبكي : حراام عليج .. أنا مب قادرة أنام وأنتي
مو بالبيت ولا أدري وين أرضج وين سماج
نواف : أنا للأسف للحين عايش
الأم : أكلتي شي من أمس ؟؟ لقيتي مكان تنامين ؟؟
نواف بصوت شبة مسموع : لا
الأم : أنزين وينج فيه ؟؟ أنا عندي مكان تنامين فيه
نواف : ويين ؟
الأم : الشالية
نواف : وشلون أدخل بالله ؟!
الأم : تعالي الحين البيت أبوج مب موجود أخذي المفتاح
وخليني أتطمن عليج , وهناك أخوج خليفة كل شوي
بيمرج مشان يتطمن عليج
نواف ماكان عنده خيار غير أنه يوافق فدخل البيت أخذ المفتاح
وراح الشاليي

أنتهى البارت

(( البارت واحد وعشرون ))

سلوم رافع يدينه على راسه : يعني شنو ؟!!
طوال هالسنوات فهود يحبني !!

سيف : ..............

سلوم : ليش ما قال ؟؟ ليش ماتكلم ؟؟
كان طول الوقت يبعد عني البنات و يفهمني أنهم
مايناسبوني !!

سيف : الحين شناوي تسوي ؟!
سلوم : ولا شي طبعاً !
سيف بصدمة : شلون ولا شي ؟!
سلوم : سيف أنا شابك مع منال واهو شابك مع
نواف
سيف : يعني انت ما تحس بشي من ناحيته !
سلوم : فهود صاحبي وأعزه و ..... ( سكت )
سيف : شفيك سكت ؟؟
سلوم : بس
سيف : لا كمل و شنو ؟!
سلوم : خلاص سيف ........... بقوم
ادق على منال صار لي فترة ما أدري عنها
ولاهي راضيه تدق

أخذ الفون ودق على منال

منال كانت بالصالون ( تعرفون ليش طبعاً )
شافت فونها و وردت من غير نفس : الوو
سلوم بفرح : حبيبتي !!
منال : لبيه
سلوم : وينج عني حياتي وحشتيني
منال : ياقلبي انت اسفة بس صارت عندي مشاكل
بالبيت شوي اشغلتني
سلوم : مشاكل البيت تشغلج عني ؟!!!
منال : حبيبي انت تعرف مريم
سلوم : بس هاذة مب عذر انج ماتسألين عني كل هالوقت
منال : سلوم !!! داق تتهاوش ولا شنو !
سلوم : شفيج تكلميني جذي منال ؟
منال : اووه سلوم انا بالصالون ومالي خلق اتناجر
عن أذنك ( سكرته بفيسه )

سلوم وصلت معه من حركتها ومارجع دق

سيف مستغرب : شفيكم ؟ صوتها طالع من الفون !
سلوم : تولي

فهود كان بداره ويبكي , ماوقف بكي من
طرد نواف .... دخلت فرح و جايبة له
أكل , فهود مسح دموعه بسرعة : ليش
داخله ؟؟ شتبين ؟
فرح : فهود شفيك حبيبي ؟
فهود : شفيني ؟؟ شنو شايفه فيني ؟
فرح : ولا شي
فهود : خلاص اجل طلعي وسكري الباب
فرح : انزين انا جبت لك أكل
فهود : ما طلبت اكل انا
فرح : انزين فهود ......
فهود طالعها : شنو ؟!
فرح : انا أسفة
فهود : على شنو آسفة ؟
فرح : لأني رحت بيت هديل
فهود : مايصير تعتذرين وبعدين الي سويته كله مشانج
انا خايف عليج منهم هذول اوصخ بنات أهي و أختها
مابيج تقربين من هالأشكال
فرح : ليش تقول عنهم هالكلام , أنت شلون عرفت
كل هالسوالف
فهود : ماالي خلق أسولف وأقص قصص الحين
فرح : انا ابي أعرف
فهود : طيب مرة ثانية مب الحين
فرح : أوف طيب

أنفال كانت تتمشى مع ابوها وميرا بالمول
الأبو : بسكم يايبه كسرتوني
ميرا : معليش حبيبي هذا آخر محل
أنفال : شنو ناوي انت !! تبي أخو أنفال يطلع
مبهذل ؟!
الأبو : هههههههههههههه خلاص يبة سوو الي تبونه
( حس بأحد وراه يسحبه بخفيف )
لف لقاه صاحبه وينادونه خالد او بو وليد
ابو أنفال : يا هلاااا واالله !
خالد: هههههههههه هلا فيك يالقاطع

( سلموا على بعض وقعدوا بكافية قريب
يتكلمون عن اشياء كثيرة )

في كندا
نجلاء ويوسف بشقة بعييييدة عن فندقهم

نجلاء تصيح : حرام عليك شلي , سويته أنت
يوسف بدون اهتمام : ماسويت شي احنا كل مرة نسوي
هالشي
نجلاء بصراخ : أنا و أنت مب انت و أصحابك كلهم !!
يوسف : ماتفرق ( يلبس ملابسه )
نجلاء : شلون ماتفرق عندك !! انت مو تحبيني مو المفروض
تغار علي ؟!
يوسف بستهزاء : هههههههههههههه أنا ما احب وحده رخيصة
نجلاء بصراخ اعلى : انا مب رخيصة انا حبيتك انت , وهالشي
ماصار مع احد غيرك غير زوجي
يوسف : هاذي انتي قلتيها يعني خنتيه , خنتي زوووجج
يعني مستحييييل اوثق بوحدة خانت زوجها مشان تنام
معاي ... والحين اخر واحد من اصحابي راح يدخل
وياويلج لو قلتي له لااا لأنج بتروحين فيها

( طلع وصفق بالباب )

بعد دقايق دخل صاحبه وتفاجئ بنجلاء الي كانت منزله راسها
ودموعها على خدها ... لف بسرعة وطلع من الغرفة لقى بفيسه
يوسف

يوسف مسكه من كتفه : وين رايح ؟! أكيد هالحقيرة قالت
لك لا
.......: اتركني يوسف انا لازم امشي الحين
( دفع يوسف ومشى )

( منوو هالشخص !!! )

الساعة 12 بالليل

يوسف رجع نجلاء لشقتها مع زوجها
يوسف : لا تنسانا ياحلو ( رمى التصوير الي صورها
بفيسها ) , خلاص طفشنا منج

نجلاء ما كانت قادرة توقف من التعب والآلآم الي بجسمها
فتحت باب الشقه دخلت بهدوء , ماكان طالع غير صوت شهقات
صياحها , راحت دارها اهي وزوجها وهي تمشي بخطوات بطيييئة
قطع خطواتها صوت زوجها يناديها الي كان قاعد
بالصاله والمكان ظلااااام

محمد : نجلاء
نجلاء بصوت رايح من البكي : هلا
محمد : خلصتي من مركز التجميل ؟؟
نجلاء بكت بصوت مسموع : اي
محمد : نجلاء وين كنتي ؟
نجلاء بخوف : ..... بمركز التجميل
محمد بصرخة : اخر مرة اقول لج وين كنتي ؟
نجلاء شبه انقطع نفسها من صرخته : ............
محمد بحزم : بكرا نرجع البحرين
نجلاء بخوف واااضح : محمــ....
محمد : اسمي مابي اسمعه على لسانج ( أخذ السي دي
ودخل الدار )

نجلاء بقت بالصالة تبكي بحرقة على الي صار لها

عند نواف بالشالية

نواف كان يدق على فهود يبي يتطمن عليه
و بوسط اتصالاته دق عليه رقم غريب

نواف رد
..... : الوو
نواف : نعم ؟!
.... : ماعرفتني !
نواف يحاول يدقق بالصوت : لا
...... بدلع : ههههههههه أجل مابقولك لين تكتشف
لحالك
نواف : اقول ماني بفاضي لدلع , بتقولين منو انتي ولا
اسد الفون ؟
........ : وي ! مازلت تعصب بسرعة نوافي
نواف سمع "نوافي" و فتح عيونه على اللآخر لأن محد كان يناديه
جذي الا ..... وبصوت مبحوح : منـــآل !!!!

أنتهى البارت

ابدااااااااااااااع drunken

بإنتظظارر التكملةة Very Happy

عدد الرسائل : 112 تاريخ التسجيل : 05/08/2012

البارتات واااااااايد حلوة
تسلم أناملك يا قلبي
بانتظار التكملة على نار

عدد الرسائل : 323 تاريخ التسجيل : 18/07/2012

ألبارت روعه ....
وفي انتضار ألبارت الجائ

ددائمما مبدعع
انتتتظرك حبيبي وابددداع والله

Slooom plzz kmml al part rw3a Laughing

البااااارت روعه cheers

Wâîtįńg the next part 3la nar Embarassed

ننتظرك لا تطولي بليز

آلبـارت خقهـ ...~ cheers

ونتريـآ آلتكملهـ عُ نًـآر يُ عسـل وبليـز لآطولـين ...~ Embarassed

(( البارت الثاني والعشرون ))

منال : ههههههههههه اي
نواف بصدمة : خير في شي ؟!!!
منال : لا مافي شي بس اشتقت لك وقلت أسأل عنك
نواف موداخل باله كلامها : أهاا فيج الخير !
منال : مشغول ؟
نواف : لا
منال : طيب أخبارك مع فهود ؟
نواف بضيق واضح : تمام
منال : اكيد ؟!
نواف : اي !
منال : من صوتك يقول العكس
نواف دمعت عينه : منال شتبين توصلين له
منال : نواااف !! حياتي انت شفيك شلي صاير ؟!!
نواف بكى : كم مرة اقولج مافي شي ؟
منال : حبيبي أنسى الخلاف الي بينا وقول لي شفيك
نواف : ..................
منال : الوو !
نواف : هلا
منال : يعني مابتقول ؟
نواف : ...... انا وفهود اختلفنا وطردني من
بيته
منال بفرح : شنوو !! ليش ؟؟
نواف رجع يبكي : خلاص منال انسي الوضوع
منال : طيب حياتي شرايك بكرا امرك البيت و
تقول لي الموضوع ؟
نواف : لالا
منال بأستغراب : لهاذي الدرجة ماتبي تشوفني !!
نواف : لا ما أقصد بس أنا مب في البيت اصلاً
منال : أهاا , أجل وين تحب أشوفك
نواف : لازم ؟!!
منال : اي لازم
نواف تنهد : خلاص تعالي الشالية
منال : اوك , في وين بالضبط ؟

نواف وصف لها المكان وبكرا راح تمره

الساعة 10 صباح الجمعة

نجلاء و محمد بالطيارة راجعين للبحرين
نجلاء : محمد
محمد عاقد حواجبه : .....................
نجلاء : محمــ....
محمد وهو ضاغط على اسنانه من العصبية
: كم مرة قلت لج اسمي لا تنطقينه !!
نجلاء دمعت : بس أنت ماقلت لي شسويت
عشان كل هاذه !
محمد : بس نوصل بقولج على حقارتج
نجلاء بكت : ........ ( حاولت تشبك يدها
بذراعه )
محمد سحب ذراعه وصد عنها

سلوم تو يصحى من النوم لقى مسكولات من
فهود , أبتسم و نزل الفون خذ له شاور ورجع
فكر يدق على منال بس غير رايه , راح لدولابه
سحب شورت ازرق فاتح فيه خطين لونهم اصفر
وتي شيرت كات ونزل لحمام السباحة

منال تكلم ابوها : متى ناوي تطلع لي سيارة ؟
مليت و أنا كل ما أبي اروح مكان لازم اقولك
توديني !

الأبو : ياكثر ما تحنين بطلع لج بس انتي عارفة
ان ما عندي وقت !

منال : يعني مو قادر تفضى لي كم ساعة مشان
نروح المعرض ؟

الأبو : انتي مقررة شنو تبين ؟
منال : اي , معناها انك ماراح تتأخر !
الأبو : بكرا عندج شي ؟
منال بفرح : لا
الأبو : اقصد الصبح انا
منال : لا ما اتوقع عندي شي
الأبو : خلاص بكرا نروح المعرض وأختاري
السيارة الي تبينها
منال : ججججد ؟!!
الأبو : اي جد !
منال بفرحة بوّست ابوها وراحت لدرج بتصعد
وتذكرت شي : بابا
الأبو : هلا يبة !
منال : بطلع الحين
الأبو : الحييين ؟!
منال : اي
الأبو : مو تطولين شوي ورجعي
منال : من عيوني يا أحلى بابا في
العالم ( صعدت لدارها )

منال اول مادخلت دارها راحت تدور فستان
قصير عاري الصدر( مثل مايحب نواف ) ,
ولقت فستان ابيض فيه ورود برتقالية وفتحة
الصدر واسعة
فهود كان يلعب سلة ( بالحر ) طلعت له
فرح : فهووود !!
فهود وقف لعب وينافخ : هـــلآ
فرح : تعال ابي اكلمك
فهود يواصل لعب : بعدين فروحتي
فرح : ممكن أعرف شلي حادك على اللعب
في هالشمس ؟!
فهود يضحك : كيفي

فرح راحت له ركض وخذت قعدت تلعب معاه

بعد كم ساعة

نواف نايم بملابس البارح بالصالة وحايس المكان
منال وصلت الشالية دقت على نواف بس الفون
مغلق , فقالت لسايق يروح يلم الحارس مشان
يفتح الباب

محمد ونجلاء للأسف وصلوا
دخلوا قصرهم نجلاء راحت ركض لدارها
اما محمد سأل الخدم عند مكان بنته وقالوا
له انها بالمسبح من كم ساعة , وراح لها

لقاها منسدحة على حافة حمام السباحة
محمد بأبتسامة : سارونة
سلوم فز بسرعة : يبة !!
محمد : عيون ابوج انتي ( فتح يدينه
مشان يضم بنته )
سلوم راح لأبوه بسرعة وضمه حيييل :
الحمد الله على السلامة
محمد يشدها له بقوة : الله يسلمج بنتي
سلوم بعد عن ابوه : اسفة دمرتك ماي
محمد أبتسم بصعوبة : عادي
سلوم : وين امي
محمد من غير نفس : بدارها
سلوم راح لها ركض وفتح الباب بعد ما استأذن
: يمه !
نجلاء من دخلت دارها واهي تبكي : قلب امج
سلوم : يمة شفيج !! ليش تبجين ؟؟ منو مزعلج ؟؟
نجلاء : تعالي حبيبتي
سلوم قرب وضمها وهو مب فاهم شي : قولي لي
منو مزعلج يالغالية
نجلاء : .............. ( تبكي بحرقه )

دخل محمد عليهم
وبصوت واضح انه معصب : سارة خلينا بروحنا
سلوم : يبة خلني معاها امي مادري شفيها
محمد بعصبية وصراخ : خلينا بروحنا قلت
سلوم : ان شاء الله ( طلع وسكر الباب )

محمد سحب اللاب تبعه وقعد جنبها
محمد بهدوء : أخر مرة اسألج وين كنتي امس ؟
نجلاء مازالت تبكي : .......... شلون عرفت ؟!
محمد : يعني ماكنتي بالمركز ؟
نجلاء بصوت متقطع : لا
محمد فقد اعصابه وشدها من شعرها شغل لها
السي دي وقرب فيسها من شاشة اللاب : شوفي

نجلاء شافت نفسها وحست انها لعبة او فريسة
بين وحوش , وأشمأزت من منظرها وغمضت عينها
بقوة
محمد بصراخ : شوفي قذارتج
نجلاء بصراخ : مابي اشوف شي خلاص
محمد بصرخة هزت البيت: انتي طــآلــــق

سلوم سمع هالكلمة وحس حس انه انشل
ماقدر يحرك ولا شي من جسمه حتى عيونه
طلع من الدار من غير لا يحس بنفسه لقى ابوه
طالع من البيت وبيده جنطة ملابسه

سلوم بصوت مبحوح : يبه !!!
الأبو قرب من سلوم وباس راسها : أنتبهي لنفسج
سلوم نزلت دمعته : وين بتروح

الأبو نزل راسه ومشى

منال بعد مادخلت الشالية لنواف رتبت المكان وضبطت
شكلها مرة ثانية , بعدها قعدت قريب من نواف تمسح
على شعره وتصحيه

منال : نوافي
نواف فتح عينه بصعوبة : ..............
منال : فديت هالعنون
نواف منصدم : مــــ......مــنآل !!
منال : ياعيون منال
نواف : شتسوين هني ؟!
منال رجعت تمسح على شعرة بحنية : نسيت
اننا متفقين نشوف بعض اليوم ؟
نواف مرتاح من الي تسوية منال : هاا .... اي اي
صح
منال : يله قوم غسل مشان نفطر
نواف متنح : ...........
منال بأبتسامة : قوووم !
نواف : زين .......... زين ( وقام )
نروح لبيت أنفال

أنفال تسولف مع ميرا وبحضنها مجلة ازياء

أنفال : شوفي هالتصميم بجد روووعة
ميرا : اييي
أنفال : شرايج تسوينه ؟
ميرا بأستغراب : انا !
أنفال : اي شفيج مستغربة
ميرا : بس انا كم شهر وراح يظهر بطني
وماراح استفيد منه بشي
أنفال : لا لا انا حسبت حساب هالشي
شوفي جهة البطن وااااسع بدون قياس
ميرا : تتوقعي اسويه ؟!
أنفال : اييي راح يطلع جنااااان عليك

أبو انفال كان يتكلم بالفون وبعيد عنهم شوي
بعد ما خلص الفون قرب منهم

الأبو مبتسم : أنفال يبة
أنفال : هلا بابا !
الابو : ابي اكلمج
أنفال : خير آمرني
الأبو : تعالي معاي
انفال : بابا مافي شي نخبيه عن ميرا ( تضم ميرا )
الأبو بستغراب : والله زيين !!
أنفال : اي نعجبك احنا
الأبو : هههههههههههههههههه
أنفال : يله قول شنو الموضوع
الأبو : تعرفين بو وليد ؟
انفال : ............!!!! ( تهز راسها بــ لا )
الأبو : الي شفناه البارحة
انفال : أي أي شفيه ؟!
الأبو : ولده وليد يبي يتقدم لج
أنفال بصدمة : شنووو !! , يبة بسـ.....
قاطعها أبوها : قبل لا تقررين فكري تراه ولد
نعمة و مهندس وماسك شركات ابوه

أنتهى البارت

(( البارت الثالث والعشرون ))

فهود وفرح دخلوا واهم ميتين
ضحك

فهود : هههههههههههههههههههه اول مرة اعرف
أنج فاصلة
فرح : هههههههههههههههه أعجبك

رموا نفسهم على الكنبه ينزعون شوزاتهم ( ربي يعزكم )
فرح : فهود !
فهود : هلا
فرح : كأنك ما أكلت شي ؟؟
فهود : ........... ( يهز راسه بـ لا )
فرح : الحيييين بتاكل ! من الصبح طالع بهالشمس
وتلعب
فهود متنح : ............... !!!!
فرح : ليش تطالعني جذي ؟!
فهود كان حاس بأحساس مضايقه حيييل
بس مايدري شنو هالأحساس و بسرعة
وبدون مقدمات أخذ فونه وعلى طول
دق على سلوم و كأنه حاس أنه فيه شي
بس للأسف كان فون سلوم مقفل , فهود نزل
الفون وضحك على نفسه

وبنفسه : ( من جدي أنا أتصل فيه ! أهو حتى
ما فكر فيني , بنكمل أسبوع واهو مادرى بي
حي ولا ميت , هه أكيد مقابل منال ومايبي احد
يزعجهم ) .

رمى الفون بعيد وأبتسم لفرح : شنو بناكل ؟
فرح بأستغراب : شفيك الحين ؟!
فهود : مافيني شي
فرح : طيب بمنو كنت تتصل ؟
فهود : سلوم
فرح : أها وليش سكرت بسرعة !
فهود : ماكوا بس مقفل فونه
فرح حاسة ان فيه شي : .......... اوك
فهود بأبتسامة عريضة : أمممممم مو ناوية
توكليني ولا شنو ؟؟
فرح : هههههههههه اللهم لك الحمد كل ثانية
لك حال
فهود : أحم ..... انا باخذ شاور على ما يجهز
الأكل
فرح : وانا بخبر الخدم و باخذ شاور
فهود : ياشين التقليد
فرح : هههههههههههه تراني لاعبة معاك
شي طبيعي بعرق وبحتاج شاور !

فهود : ههههههههههه بس أنا لعبت
أكثر منج
فرح : أقوول بلا تفلسف

نروح لبيت سيف

محمد بعد الي سوته امه حالته النفسية صارت
زفففت وما قام ياكل عدل حتى أصحابه ما قام
يروح لهم ودااايم ملازم داره ويتمنى انه يسمع
اي خبر عن العنود ومحد كان يونسه بأخبارها
غير سيف , والأم طبعاً ندمت على الي سوته
بولدها وقررت انها تصلح غلطها وتروح
تخطب العنود مرة ثانية ولو أنها منحرجة
بعد الصار خايفة يردونها نفس المرة الي فاتت

سيف كان بدار محمد يقوله اخبار العنود
سيف : أممممممم وبس هاذة الي أذكره

محمد بفرح : لالا سموور !
سيف : بسم الله شفيك !
محمد : تذكري عدل يمكن بعد قالت
شي
سيف : أمممممممم ....... لا لا
محمد : يمكن صار شي , يعني قولي
لي بعد شقالت عني
سيف بطفش : يووووووه حمود صارلي
ساعة الا ربع وانا أكرر عليك نفس الموضوع
وانت كل ما اخلص تقول لي عيدي !
محمد : افااا ... سمور ! تبخلين على أخوج
بكم حرف
سيف : ما أبخل بس نشف ريقي وانا أعيد
تعبت
محمد بتمثيل : آآآخ الله يلعن الحاجة
الي خلت سمووور تذلني علي بكم
حرف
سيف : أقووووول لو تفكنا من المسلسل
هاذه وتاكل لك كم لقمة أحسن لي ولك

طقوا باب الدار

محمد : تفضل
الأم دخلت مبتسمة
محمد أبتسم لها : حياج يمة ( يأشر لها
مشان تقعد جنبه )
الأم قعدت : عسى ما أزعجتكم
سيف : أفااا يمة , لو كنا مشغولين نفضى
لج
محمد : أصلا اي قعدة بدونج ما تكمل
الأم أبتسمت بضيق : الله يخليكم لي
محمد وسيف : آمييييييين , ويخليج لنا
محمد : يمة !
الأم تطالعه : ........
محمد : كأن فيج شي ؟
الأم : والله يا يمة مدري من وين أبدى
محمد بخوف : شفيج !! محتاجة شي ؟
الأم : لالا ... بس
سيف بقل صبر : يمة عاد قولي شفيج
ترا خوفتينا !
الأم تطالع محمد : أنت زعلان مني ؟
محمد بأستغراب : افاا , أنا ازعل على أغلى
البشر !
الأم : أقصد على موضوع العنود
محمد : يمة ترا اي شي تسوينة بمصلحتي
أكيد , حتى لو تضايقت من الي صار
بالنهاية برضى
الأم دمعت عينها من كلام ولدها : الله يرضى
عليك , سامحني
محمد : يالغالية أنتي ما تعتذرين حتى لو غلطتي
أنا أعتذر لج و أبوس يدينج بعد ( باس راسها )
الأم : انا قررت شي , وأن شاء الله يفرحك
محمد بأهتمام : شنو ؟!
الأم : انا بخطب لك العنود مرة ثانية
و أن شاء الله توافق هالمرة
محمد بفرحة واضحة : يمة أنتي من جدج
تتكلمين ؟!!!!
الأم تضحك : اي !!
محمد : الله يخليج لي يا أغلى البشر
أنتي

بين السوالف رن فون سيف لقاه رقم فون
ثابت , ابتعد شوي عن امه واخوه و رد

سيف : الوو
...... بصوت متقطع من البكي : سيف
سيف بخوف : سلوم شفيييك ؟! ( طلع من الدار )
سلوم يبكي بقوة وكأنه بزر : تــ .. تعال لي
تكفى
سيف : اجيك وين ؟!! هاذة رقم وين ؟!
سلوم : البيت .... هاذة رقم البيت , تعال
لي تكفى بسرعة
سيف : طيب طيب ثواني

( سكر الفون وطلع بسرعة من البيت )

نواف قال لمنال كل شي ومنال أنقهرت من حب
نواف لفهود

نواف : احبه
منال بعصبية : انزين حبه ( تفتح التلفزيون )
نواف ابداً ما لقها فيس : تظنين راح يعطيني مجال
اوصل له شكثر أحبه ؟
منال بعصبية وقل صبر : ما أعتقد , فهود مب سهل
نواف : بجرب اكلمه

سحب فونه ودق فهود
فهود ياكل و رد على الفون على طول

فهود : الوو
نواف : ............ ( خايف يتكلم )
فهود : الووووو !!
نواف : هــ.. هلا
فهود : اهلين ! منو ؟!
نواف : انا نواف
فهود بعصبية : اظن قلت لك مليون مرة
لا تكــ..... ( قاطعه نواف )
نواف : فهود اسمعني قبل تكفى
فهود يتنهد : ....... قول شعندك
نواف : مقدر بالفون
فهود : و المطلوب !
نواف : ابي اشوفك
فهود : مابي أشوفـــ.....
نواف قاطعه : تكفى
فهود : وين ؟
نواف : في .............. تعرف وين
صاير ؟
فهود : اي اعرف , شوي وبكون هناك
لو تأخرت ثانية بمشي

(سكره بفيسه )

نواف شق الضحكة وقال بصوت مسموع
: احبه والله أحبه ( وقام يتجهز )
منال فاتحة عينها على الآخر وبنفسها : ( ما عطاني أي أهتمام
ما أصدقه ! ما قال لي شي عن لبسي ولا شعري , انا
سويت له كل شي تغيرت عشانه واهو مب معبرني .... نواف جد
نساني )

نزلت دمعة وخذت اغراضها ومشت

سيف منصدم : ما صدق !!!!!
سلوم ما وقف بكي : اذا أنت مو مصدق أجل أنا
شاقول , أمي عمرها ما غلطت بحقه ليش سوا
جذي شلي صاير بس ( يواصل بكي )
سيف يضم سلوم : ممكن تهدا البكي ماراح يغير شي من الي
صار

أنضرب الباب

سيف توقع انها وحدة من الخدم وما حب تشوف سلوم بهالحال
فقام وفتح الباب لقاها منال وارتبك

سيف : منال !!
منال برفعة حاجب : اي منال شفيك نشف دمك !

أنتهى البارت

(( البارت الرابع والعشرون ))

سيف : لا ماكوا بس شلي جايبج ؟!
منال بعصبية : أظنه بيت حبيبي ومايدخلك متى
اجي ولا اروح ( تحاول تبعده وتدخل )
سيف مسكها من كتفها : اول شي كلميني عدل
أنا مش اصغر اولادج , وثاني شي قصري على
صوتج لأنه مب بيت ابوج , وثالث شي ما أعتقد
سلوم يبي يشوفج
منال بنفس مستوى الصوت : والله كيفي اسوي الي
اسويه ما اعتقد انه يخصك
سيف سحبها بياخذها بعيد عن جناح سلوم وتفاجئ ان سلوم
فتح الباب
سلوم : خلها تدخل
منال ابتسمت لسلوم وطالعت يد سيف الي كانت على كتفها
سيف سحب يده وطالعها بنص عين

منال وسيف دخلو ورا سلوم

منال : حبيبي شفيك ؟؟!
سلوم من غير لا يطالعها : خير منال
منال مستغربة : شنو الي خير ؟!
سلوم : ليش جايتني ؟
منال : جاية لحبيبي
سلوم : انتي تذكرين اخر كلام صار بينا
منال نزلت راسها : اسفة
سلوم : .......... ( ضايق حيل )
منال قربت منه حيييل : شفيك ياعمري ؟
سلوم نزلت دموعة وضمها بقوة
منال : بسم الله عليك !!! شفييك قول لي !!
سلوم : امي وابوي انفصلوا
منال منصدمة : امك وابوك !!
سلوم : ........ ( زاد بكيه )

انفال مع ابوها بمكتبه

أنفال : باابا
الأبو : عيونه
انفال مستحية : ..............
الأبو : شفيج ؟!
أنفال : ولاشي خلاص ( قامت بتطلع )
الأبو وقف ومسكها : تعالي وين ..... يبه انتي
محتاجة شي ؟
أنفال : لا .. بس كنتـ ....... ( دخلت ميرا )
وييينج ميرا الله يابج ( وراحت لها ركض )

ميرا : بسم الله , شسالفة
الأبو مب مستوعب شي : شدراني
أنفال تكلم ميرا بأذنها وتنزل راسها

ميرا : هههههههههههههههه

الأبو : يه .... مابتقولون لي يعني !
ميرا قربت من ابو انفال : يا ابو انفال بنتك تبي
تقول لك انها موافقة على وليد

الأبو بفرح : جـــــــــــــــــد !!!
أنفال وهي منزلة راسها وبصوت شبه مسموع :
اي

فرح صار لها كم يوم متغيرة على هديل بعد الي
قاله فهود لها كانت منسدحة وتفكر في هديل وليش
تسوي كل هالأشياء , و للأسف بعد كل الي صار
فرح تمسكت فيها اكثر وقررت انها تبقى معها
وتساعدها مشان تتغير

اما هديل بعد اخر مرة شافت فرح فيها والكلام الي
دار بينهم ماطلعت من البيت وفرح ماتروح من
بالها أبد حاولت تكون طبيعية وتبين ان الموضوع
مو هامها بس الحب محد يقدر يكابر فيه , كانت
دايم تطالع فونها الي كان ما يسكت من اتصالات
فرح ومسجاتها اما الحين محد يكلمها عليه الا
اختها واحيان تدق بعد

اختها تو تدخل البيت وشافتها تطالع الفون
و حابسة بعينها دموعها

مريم تفصخ عبايتها : شفيج بعد
هديل : ...........
مريم : هييي .... أكلمج انا !
هديل من غير نفس : شتبين ؟!
مريم : شفيج ؟؟( تقعد
جنبها )
هديل شمت ريحة أختها عطر رجالي قوي و
أنقرفت : ممكن تخليني لحالي ؟
مريم : مو قبل لا اقولج منو اليوم طلب يشوفج
هديل بصراخ : قوومي عني خليني لحالي , وتحممي
لأن ريحتج ابداً مب حلوة ( قامت لدارها )
مريم لحقتها معصبة : شهالأسلوب الي تكلميني فيه !!
نسيتي نفسج اشوف
هديل ضامة المخدة وتبكي : انتي الي وصلتيني لهاذي
الحالة
مريم : أي حالة !
هديل : الأنسانة الي وثقت فيني وحبتني بعيوبي خسرتها
مريم بستهزاء : ههههههههههههه أشوف قمنا نحس
ونحب !
هديل تطالعها : وليش ما أحب يعني ؟؟ تراني
بشر ماني بكرسي ولا طاولة
مريم : ماعلي من أفلامج الحين , حمود يبيج
بكرا الساعة 7 لا تتأخرين عليه ( قامت
وطلعت من الدار )

نواف طبعاً وصل قبل فهود للمكان الي
تواعدوا فيه وطيااار من الوناسة كان
كان واقف برا السيارة ومستند عليها
وقاعد يرتب الكلام بمخه مشان يقوله
لفهود ويقنعه بحبه .. كم دقيقة بس
وفهود وصل ونواف أبد ما حس فيه
فهود نزل من سيارته و مستغرب من
المكان الي مختارة نواف ... عند البحر
والزاوية الي مختارها نواف رووعة

فهود قرب من نواف ويدينه بجيوبه :
شنو موضوعك
نواف أخترع لأنه ما حس أصلاً بوجود
أحد : بـ... بسم الله ! انت من متى هني
فهود حابس الضحكة ويرفع نظارته
الشمسية : من شوي ماصار لي كثير يعني
نواف أبتسم : ماعلينا حبيبــ....
قاطعه فهود : نواف !!
نواف : أسف
فهود يكتف يديه : أخلص
نواف ضاع منه كل الكلام الي رتبه بمجرد
انه شاف فهود : أ... أخبارك ؟
فهود : أنت جايبني لآخر الدنيا مشان تقول لي
أخبارك !
نواف غمض بقوة : فهود ممكن تسمعني ؟
فهود : هذاني أسمعك
نواف : انا احبك ... والي ابي اوصله لك اني
احبك وبجنون , عمري ما حبيت احد هالكثر ولا
اعتقد اني بحب , انت بجد قدرت تجيب راسي وتعلقني
فيك , أدري كلامي يمكن يضايقك او ما يعجبك لكن هذا
الي صاير وكل الي سويته مشان ابقى معاك واكون قريب
منك حتى لو كنا أصحاب المهم اكون معاك , بجد انا احبك
( مسك فهود من أكتافه ) أنا أحــــبك ... وابي اسمع قرارك
تبيني ولا لا واذا لا وربي ماراح تسمع عني اي خبر ولا
راح تشوفني "" وعد ""

فهود كان سااااكت ولا تكلم منصدم من كلام نواف
نواف : ادري اني قلت شغلات غريبة بالنسبة لك
و ترا انا ما فكرت فيها الا بهالثانية ,
كنت مجمع لك كلام كثييير لكن من شفتك
أظن اني نسيت حتى اسمي

فهود ابتسم ابتسامه صغير : خلصت ؟؟
نواف : اي
فهود رفع يدين نواف عن أكتافه : ................
نواف : ماراح تجاوبني ؟!!
فهود سحب النظارة ونزل راسه
نواف قربت عينه تدمع : يعني لا ؟؟!!
( يرفع راس فهود )
فهود لما حط عينه بعين نواف وشافه حابس
دموعه حس انه يبي يضمه حيييل لصدره
فهود : ......... انا بمشي
نواف بأبتسامه : اوك
فهود : عن اذنك
نواف : لحظة ... عيونك الي ضيعتني
بلونها وسحرها توي افهم منها شي
فهود أنحرج بس ما بين : شلي فهمته
نواف : ......... ماعليك ( ركب سيارته ومشى )
فهود تو بيمشي لف يتأمل المكان الي كانوا واقفين
فيه , لقى شي طايح بالأرض وراح يشوفه ... لقاها
ساعة نواف , ابتسم ونظفها ولبسها ( راح لسيارته
ورجع البيت )

أنتهى البارت

(( البارت الخامس والعشرون ))

محمد ( أبو سلوم ) سافر للكويت
وبالطيارة كان مرجع راسه على الكرسي
ويذكر الي صار ( بنفس اليوم الي نجلاء طلعت
فيه , كان محمد بالبيت بعد ما طلعت نجلاء يستلم فاكسات
و يخلص شغله الي أجله مشان يقضي مع نجلاء شهر عسل جديد
جاله فون من علي ( ابو فهود ) ورد عليه

محمد : الوو
علي بصوت ضايق : محمد
محمد : آمر اخوي
علي مب عارف شلون يبدى : ابي اقولك شي
محمد غرقان بشغله : خير ان شاء الله ! محتاج شي ؟
علي : وين نجلاء ؟
محمد : اعتقد بمركز تجميل
علي : اسف بس حبيت اقولك زوجتك مب بمركز
التجميل
محمد انصدم و وقف شغل : شنو؟! اهي وين أجل !!
علي : آسف على الي بقوله بس زوجتك في شقة ....
( وقال له كل شي شافه )
محمد فتح عيونه على الأخر و وقف : شقلت !!
شدرااك !! انت متأكد ؟
علي : للأسف أنا متأكد , وشفتها وانا واحد من الي
كانوا موجودين بس أول ما دخلت عليها تفاجأت وطلعت
على طول
محمد : دخلت عليها علي !!!
علي : انا قلت لك من شفت الي شفته خبرتك على طول
محمد : وينها فيه الحين ؟!
علي : مازالت بالشقة ... بس محمد تكفى تصرف بعقلانية
لا تروح لها انتظرها لين تجي ماله داعي الفضايح تراك
راح تأثر على مركزك
محمد تنهد بقوة : طيب علي طيب ... انا بسكر الحين
علي : مثل ما وصيتــــ .....
محمد بعصبية : خلااااااص علي !!
علي : اوك .. مع السلامة
محمد سكر الخط وقعد ينتظر نجلاء )

قطع تفكيرة المضيف
المضيف : لو سمحت
محمد : ........ ( يطالعه )
المضيف : ممكن تسكر الحزام وتعدل المقعد
للأستعداد للهبوط ؟
محمد : ان شاء الله
المضيف : تحتاج مساعده ؟
محمد : لا شكراً

( هبطت الطيارة )

سلوم بعد البكي نام بحضن منال مثل الطفل
وكان ضامها بقوة وكأنه ما يبيها تقوم عنه
أما سيف اتصلت فيه امه وراح البيت وطلب
من منال تطمنه لا صحى سلوم ... منال من
اول ما غفى سلوم واهي تفكر بنواف ماتدري
ليش بس كانت تفكر بصوته و ضحكته و عطرة
وتبتسم بدون شعور .. فكرت انها تتصل فيه وتسمع
صوته , رفعت فونها ودقت نواف كان بالشالية منسدح
يفكر بفهود ومب عارف كيف راح يتركه و راح يبعد
عنه مثل ما وعده , رن فونه ولقاها منال
رد ومايدري ليه رد

نواف : الوو !
منال بدلع : هلا
نواف : هلا منال .. أخبارج ؟
منال بنفس نبرة الدلع : نوافي بليز بدون رسميات
.. يعني شنو أخباري ! توي من كم ساعة كنت عندك
نواف : أممممم اي صح هههههههه < من غير نفس

منال حست ان سلوم تحرك بحضنها

منال : نوافي لحظة شوي
نواف : اوك

منال رفعت سلوم من حضنها مشان تقوم ونزلت راسه
على المخده وغطته

منال : الو
نواف : هلا
منال : ما قلت لي شلي صار مع الي خبرك
نواف دمعت عينه بس جاوب بكبرياء مصطنع : هه
يقدر يقول لي لا اهو !
منال احترقت : يعني شنو !!!
نواف نزلوا دموعه : يعني خلاص راح نبقى
مع بعض وماراح يفرقنا الا الموت

منال بعصبية : لاااا !!! مايصير !!!
نواف منصدم : ليش مايصير ؟!
منال : انت شكلك نسيتني نهائياً !
نواف : ..... شفيج انتي ؟!!!
منال : انا احبك افهم

سلوم : منال !
منال على طول سكرت الفون : هــ... هــلآ
سلوم : منو كنتي تكلمين ؟!
منال : صــ... صــآحبتي

نواف كان منصدم كلمة منصدم قليلة على ردة
فعله وكان يبي يستوعب الي سمعه تو ورجع دق
على منال

منال فونها يرن شافت المتصل بسرعة لقته نواف
ضغطت على الفون بقوة

سلوم : شفيج ما تردين ؟؟
منال : هذي صاحبتي ومالي خلق اكلمها دامك صحيت
سلوم : طيب ردي عليها قولي لها انج بزي على الأقل
منال : لا لا بس شوي وتسكر .....( سكت الفون ) شوف
هذي سكرته
سلوم : اها ( ابداً مو داخل باله كلامها لأنه سمع أحبك )
رجع دق فونها للأسف >_<
سلوم قام من السرير : حبيبتي ردي شفيج !!
منال بخوف واضح : يا حيااتي مابي ارد
سلوم بنظره زودت خوف منال : انا قلت ردي
منال دمعت : .............
سلوم قرب وسحب الفون من يدها لقاه نواف يدق
سلوم طالعها بصدمه و رد
سلوم : .............. ( حط الفون على مكبر الصوت وطالع
منال مشان تتكلم )
منال دمعت عينها : الو
نواف : أولاً ممكن اعرف ليش سكرتي !
منال : ولاشي
نواف : ثانياً شلي قلتيه منال ؟
منال : ماقلت شي نواف
نواف مستغرب : بس انتي قلتي احبك وقفلتي الخط !
سلوم فتح عيونه على الآخر ورمى الفون بقوة على الطوف
لين تكسر وقرب حيل من منال وصطرها بقوة
منال حطت يدها على خدها و بكت : سلوم حياتي
افهمني قبل
سلوم بصراخ : شتبيني افهم اكثر من جذي !!!
انتي خنتيني يا منال
منال زاد بكيها : لا سلوم انا ما خنتك , انا حبيت اتقرب منه
مشان اعرف شسالفته مع فهود
سلوم : تخونيني ومع منو !! مع نواف الي فهمتيني وفهمتيه
انج ماتبينه !! ليش ليييش كل هاذه ؟!

منال مو قادرة تتكلم من البكي : أنا .......
سلوم : انتي شنو ؟؟ شتبين تقولين بعد

( شدها من شعرها وجمع اغراضها وسحبها من الدار
لين باب القصر )
وبصرخة هزت البيت : طلعي برا يالخااينة
بعد ما دفعها برا سكر الباب بقوة وراح داره ركض
ورجع يبكي بقوة بطريقة هستيرية

فهود كان بالبيت يتعطر راح يطلع فجأة وبطريقة
غريبة طاح العطر وانكسر , وهو حس بضيقة
مب طبيعية وبدون تفكير سحب فونه ودق على
سلوم لقاه بعد مغلق ورجع يدق مرة ومرتين
وثلاث لين يظاس من الرد , وبصوت شبه
مسموع ( مهب عوايدة يسكر فونه كل هالوقت
حتى لو كان مع منال , اكيد فيه شي .. لالا
ليش افاول عليه انا !! , بس قلبي واحساسي
يقولون العكس أحس انه فيه شي ... اوف
يارب ايش السواه الحين !! , الحين انا
بدل ما أقعد في بيتي واغلي من القلق
ليه ما اروح له واتطمن عليه مهما صار
بينا يبقى صاحبي و اخوي , بس تراه ما سوا
شي هذي سوات نواف ... اوف بس انا
اروح له احسن )

سحب اغراضه وطلع

هديل كانت واقفة عند باب بيت فرح ومتردده
تدخل ولا لا خايفة يشوفها فهود وتصير مشاكل
لفرح وخايفة ترد لبيتها وتخسر شوفه فرح توها
راح تمسك مقبض الباب لقت فهود طالع بسرعة
وصدمها بقوة وطاحت

فهود : اوف !! اسف اختي
هديل غطت فيسها بطرحتها : لا عادي
فهود ساعدها تقوم : اسف والله ما انتبهت لج
هديل : لالا عادي
فهود : تبين احد ؟!
هديل : ها ... لا بس كنت ابي ريم
فهود : منو !!!
هديل بأرتباك : اي ريم داخل اهي ؟
فهود : لا اختي شكلج غلطانه بالبيت .. هذا
البيت بيت فرح
هديل : اهااا أسفة , السموحة على الأزعاج ( ومشت بسرعة )
فهود كان شاك بالموضوع بس خوفة على سلوم خلاه يعمى
عن كل شي ... ركب سيارته وراح لسلوم

هديل اول ما شافته ابتعد رجعت لباب البيت و دخلت راحت ع طول
لدار اشتاقت لها فتحت الباب لقت فرح نايمة قربت منها وبعينها دمعة
فرح وخوف من ردة فعل فرح لما تصحى وتشوفها .. قعدت على طرف
السرير و مسحت على شعر فرح

همست بأذنها : فروحتي .... فروحه
فرح واهي مغمضة : حبيبتي ( ترا صدفة طلعت معها هالكلمة )
هديل : يااااروح حبيبتج
فرح بعد ما سمعت هالجملة قامت بسرعة و كأنها شايفة كابوس
: هديييل ؟!
هديل : بسم الله عليج ياعمري أسفة خوفتج !
فرح : أنتي شتسوين هنا ؟؟
هديل : أشتقت لج يافرح
فرح قامت لباب الغرفة بسرعة وقفلته : انتي تعرفين لو شافج
فهود هني شنو راح يسوي !!
هديل : يسوي الي يسوي انا مشتاقة لج
وابيج
فرح تذكرت كلام فهود وانها تنصب على الخلق : اها
هديل بصدمه : أها ؟! ... شنو يعني
فرح دخلت الحمام ( ربي يعزكم تغسل فيسها ) : اممممم
ولا شي
هديل راحت لها : فرح انتي ما أشتقتي لي !!!
فرح : مو مهم
هديل : فرح شفيج ! انا ما اذكر اني زعلتج بيوم
فرح بقل صبر : لا والله ! تنصبين علي وتفهميني انج تحبيني
والحين تقولين لي عمرج مازعلتيني !
هديل انصدمت من كلامها : انتي منو قال لج كل هالكلام
فرح : مو مهم منو قاله لي , المهم اني تأكدت انه جد
هديل : لا مب جد .. من قال لج اني اللعب ولا انصب عليج
فرح بستهزاء : ممكن تبطلين تمثيل لأني مستحيل اصدقج بعد الي
عرفته عنج
هديل : يا فرح انا ما انكر اني كنت اللعب عليج في البداية .. لكن بعد
فتره حسيت انج كل حياتي والله اني حبيتج صرت أحس بأمان معاج
أحس انج تحبيني كأنسانه مو مثل الكل الي يبيني مشان شكلي ولا
جسمي .. أنتي علمتيني كلمة حب شنو يعني حبيتج يا فرح والله
حبيتج

فرح بأبتسامة سحبتها وضمتها بقوة : ادري انج حبيتيني من اسلوبج
عرفت انج صادقة بكلامج , انا قلت الي قلته مشان أعلمج اني عرفت
كل شي
هديل بكت : انا مابي احد غيرج فرح لا تخليني تكفين مابي فلوس
ماب يشي بس ابيج انتي
فرح : انا كلي لج , بس اوعديني
هديل بعدت عن حضن فرح : اوعدج بشنو ؟!
فرح : ما ترجعين لهاذي السوالف مرة ثانية

هديل غمضت بقوة وذكرت اختها و موعدها مع حمود :
وعــــد

( أنتهى البارت )

(( البارت السادس والعشرون ))

محمد يكلم العنود فون وهي مو ماعطته أي أهتمام
أهي من الأساس تبي تتزوجه مشان تبقى مع سيف 24
ساعة

محمد : والله يا حبي من قالت لي أمي انها راح
تخطبج لي مرة ثانية وانا طاير من الوناسة

العنود بدون أهتمام : اهاا .. فديتك

محمد : ما اصدق راح يكون لنا قصر لحالنا
العنود بصدمة : قصر لحالنا ؟!!
محمد : اي
العنود : يعني ماراح نبقى في بيت ابوك ؟!!
محمد : لا ياروحي انا قاعد ابني قصر قريب
من قصر ابوي وبس نتزوج راح نجهزه بالأثاث
الي تبينه
العنود : بس ....... ( مب عارفه شتقول )
محمد : بس شنو يا قلبي ؟!
العنود : انا مابي بيت لحالي
محمد منصدم : يعني شنو !
العنود : انا ابي ابقى مع عمتي بصراحة اخاف لحالي
وبعدين مايصير نخليها لحالها وانت ولدها الوحيد
محمد يفكر بكلامها : صح .... صح كلامج

فهود وصل لسلوم وكانت الساعة 8 باليل طبعا راح
مشاوير قصيرة و أخرته شوي
ضرب الباب و محد فتح له مسك المقبض
وتفاجئ ان الباب مفتوح دخل والغريبة ان
محد بصالة الأستقبال عادةً يلقى سلوم قاعد
لأنه يكره يبقى بالدار داايم ... فصعد له
جناحه وضرب الباب بتردد محد رد عليه
ورجع ضربه مرة سمع الباب ينفتح

فهود بصدمة : سلـــــووم !!!!
شفيك ؟؟؟؟

سلوم كان فيسة تعباااان كلمة تعبان قليلة
سلوم بصوت مبحوح : وينك عني ؟
فهود ضمه بقوة ومازال منصدم : انا موجود
... بس انت ... قول لي شفيك !

دخلوا الدار

سلوم : انا انتهيييت
فهود ضامه بقوة : بعيد الشر .. قول لي شفيك
تكفى
سلوم : قول شلي مافيني , يافهود اول مرة
أحس اني ضايع وتايه
فهود بحزن وااضح : سلوم لا تسوي بنفسك
كل هاذة ما أقوى اشوفك جذي
والله ما أقوى , أنت بس قولي
الي صاير

سلوم : ............ ( قاله الموضوع )

عند منال

منال بعد الي صار ما وقفت بكي وتعبوا خواتها
وأمها واهم يهدونها لكن ما كوا فايدة كانت تزيد
كل ماتذكرت انها خسرت سلوم ونواف بنفس
الوقت ... وكانت تقول بنفسها : ( شلي سويتيه
يا منال بنفسج خسرتي كل شي بسبب جهالة
و أنانية منج , نواف ولقى له حب ينسيه حبي
وسلوم بعد ما كان يعشقني أكيد صار أكثر أنسان
يكرهني ... )

نخليها بأفكارها المتأخرة ونروح لنجلاء

نجلاء بهاذة اليوم كانت بطووله نايمة وكل ما تصحى تاخذ
منوم وترد تنام ماتبي تذكر ولا شي ولا عندها الجرأة تشوف
بنتها خصوصاً انها عارفة ان بنتها بتسأل شلي صار و هي ابداً
ما عندها رد على اسألتها

هديل بحضن فرح وفرح تغني , وهديل ماكانت حول فرح تفكر
في موعدها مع حمود و بوعدها لفرح ... تحس انها تبي تقول
لها وتفك نفسها من هالسالفة وبنفس الوقت خايفة تخسر فرح
وكانت مترددة ومتوترة حيييل , فرح حست فيها

فرح : حبيبتي !
هديل : .............. ( سرحانة )
فرح : ياروحي !!!
هديل : ....... هـ.. هلآ
فرح : بسم الله عليج وين وصلتي !
هديل بأبتسامة توتر : لا ماكوا
فرح حست ان فيها شي : أممممممم متأكدة ؟
هديل توترت أكثر : اي اي ( تطالع الساعة لقتها 9 )
أنا تأخرت ولازم ارجع البيت الحين
فرح : لا حياتي خلج معاي 
هديل قامت تلبس عبايتها : مرة ثانية فروحتي
فرح : كل مرة تقولين لي هالكلام ولا تجين
هديل باست شفاتها : حبيبتي لا تنسين فهود المفروض ما
يشوفني هني
فرح : مو مهم فهود المهم تبقين عندي
هديل : لا أنا ما ابي اسوي لج مشاكل ... يالله حياتي
أنتبهي لنفسج ( تمسح على خدها )
فرح : وانتي بعد

هديل تو بتطلع

فرح : لحظة
هديل : هلا !
فرح : ماتبين تقولي ؟
هديل بخوف : شنو ؟ شاقول ؟
فرح : الي شاغل بالج
هديل زاد خوفها : لـ.. لآ مافي شي
في بالي اصلاً

((( ياريتج قايلة لها )))

وطلعت بسرعة

فهود : شلي صار فجأه !!!
سلوم وهو يطالع مكان واحد ومايغير نظرة : مدري
فهود : أمك وابوك ومنال ! ترا شي يحير والله
سلوم : وانت
فهود : أناا ؟
سلوم : أي انت , أنت اول واحد تركني وخلاني لحالي
وبدون أي سبب
فهود بضيق : سلوم انا اسف بس كان فيه سببـ.....
سلوم : فهود ادري بكل شي انا
فهود بصدمة : تدري بشنو ؟!!
سلوم رفع يده مشان فهود يسكت : مابي اسمع شي
دامك تخليت عني روح للي تخليت عني عشانه
فهود منصدم : سلوم مستحيل اخليك واروح !! انا كنت
بسـ...
سلوم : فهود قلت مابي اسمع شي وخلني لحالي
فهود : ماراح اخليك لازم تاكل لك شي وتروح
لأمك لأنها محتاجة لك

سلوم : ........

فهود : بلا دلع سلوم قوم اهي محتاجتك الحين
أكثر من قبل , و إذا جاية علي أنك ماتبيني
هنا مستعد أمشي بس أتطمن عليك

سلوم أبتسم

فهود طلع من الدار راح يشوف الخدم مشان
يسون لهم عشى ورجع لسلوم لقاه ضام رجله
لصدره وسرحان , قرب منه فهود حيل

فهود : قوم اخذ لك شور لين يجهز العشا
سلوم : مابي شي
فهود : سلوم ماعرفتك كذا , مو انت الي تتخبى
ورا هالدموع , المفروض تواجه هالمشاكل
سلوم : طيب
فهود أبتسم بحنية : يله قوم

سلوم : ان شاء الله

( وقام ياخذ شور )

(( أنتهى البارت ))

آلبــارتات خقهـ وآبداع بكل معنى آلكلمهـ ...~ Embarassed

ونتريـآج يُ عسـل عُ نـآر ...~ cheers

باارتات نننايس والله
وكالعاده م يحتاج اقول ممممممبدعع وربكك
استتتتناكك ي عسل

عدد الرسائل : 112 تاريخ التسجيل : 05/08/2012

البارتات روعة
بانتظارج على نار يا قلبي

عدد الرسائل : 323 تاريخ التسجيل : 18/07/2012

ألبارت روعه،......
وفي انتضار ألبارت الجائ على أحر من الجمر .....

سلوم روايتك آبداع كلمة قليله فيهاا
مسيفه في المفضله في الفون واللاب
لا تطول علينا حبيبي ننتظرك Wink

الباارت دمااار شاامل ><"
ههع
كملل بنتظــآركـ يآ قلبي لا تطوول عليينا
afro

البارت نايييس بمعنى الكلمه cheers

Waiting the next part Embarassed

ابداااع سلووم كمل

waiting you ya 3sl 3la nar ...~ bounce

عدد الرسائل : 323 تاريخ التسجيل : 18/07/2012

آحــ ?m? ــلى كتب:: waiting you ya 3sl 3la nar ...~

» رواية بويات (اسألني لو حبيت غيرك)
» رواية بويات ( اسألني لو حبيت غيرك )
» رواية بويات ( اسألني لوعشقت غيرك )
» help me آللي يعرف وين تكملهـ آو اي شي عنهـآ يدخل >>> روايه بويات جريئه ( اسالني لو حبيت غيرك ) >>للكاتب : B.Saloom
» رواية : مالي غيرك في عز غربتي. [ tomboys & ladies ]