بيدي حفرت قبري ... رواية جريئة ... اكتملت ...

اتوقع انهم يمسكون ريم
وي عاد ريم ليه تسوي كذا الفروض ما توسخه يده بشكل قرف د\
وحساسه البارت اجاي راح يكون اكشن وكذا د
نتظاررركككككككككككككك Very Happy

??H.A.K?? كتب:: الباااارت يجننن تسلمين حياتي
وننطر التكمله ع نار

روايتك تخقق. ننتظرك cheers

اع ــشق انفااس ــكــ كتب:

??H.A.K?? كتب:: الباااارت يجننن تسلمين حياتي
وننطر التكمله ع نار

+2

ياااخي شيننن خطييير انتي وكلمه ابدااع قليله بحقتتس Neutral

واااااااو رهيييب اتحمست اشوف هنتر احس اني حبيتو ههههههه Very Happy

بانتظاار البااقي بكل حماااس بدت القصه تصير حاميه لاتطولي بليييز Embarassed

عدد الرسائل : 112 تاريخ التسجيل : 05/08/2012

Noor 3Yonha كتب:

اع ــشق انفااس ــكــ كتب:

??H.A.K?? كتب:: الباااارت يجننن تسلمين حياتي
وننطر التكمله ع نار

+2

+3

عدد الرسائل : 103 تاريخ التسجيل : 08/07/2012

Maryomani كتب:

Noor 3Yonha كتب:

اع ــشق انفااس ــكــ كتب:

??H.A.K?? كتب:: الباااارت يجننن تسلمين حياتي
وننطر التكمله ع نار

+2

+3

+4

بارت يجنننننن
فديتك اقوى شي جد مرا تحمست حبيبي
كملي لا تكولين حيل متحمسة للاحداث

عدد الرسائل : 228 تاريخ التسجيل : 19/03/2012

آلله ع آلبآرت روووعه
زينه لو تطلع حآمل آنآ رآح آجن مو بس هي <<< عشآن ريمي وآلله
آنآ بذبح آلشغآله عن ريمي <<< قآهرتني
وتسلم هآلأنآمل ي عزيزتي
بآنتظآركـ

عدد الرسائل : 245 تاريخ التسجيل : 14/07/2012

مساء النور ..

طبعا من عنوان الرواية .. ممكن تخمنون النهاية ..

لكن علشان وحدة عزيزة قلت أغير في النهاية شوي ..

وأبغى رايكم ..

انا حاملة هم النهايه
و الي يعافيج ><"
لا تخليج ريم تموت
او هي و امها يخلون بعض
=( اصلا اهلها دبب يستاهلون الي يصير لهم
احد يسوي بـ مرته جي
جان طلقها و خلاص
الله ينتقم منه هف
=((
لا تخلين النهايه حزينه بليز

عدد الرسائل : 33378 تاريخ التسجيل : 24/04/2011

كمليها طيب Crying or Very sad

اول م نزلتيها كنتي دايم تكتبين وتنزلين
من صار الكل يهتم بالروايه حقرتي وصرتي تنزلين بس شوي Neutral

كممملي

لالالالا لاتخلي ريم تموووت
بلييييز Sad

بانتظااار الباقييي Embarassed

عدد الرسائل : 228 تاريخ التسجيل : 19/03/2012

آيه تكفيييين حيآتي لأ تخلين آلنهآيه تقطع قلبي
عيشتيني جو وعشقت شخصية ريييم
مثل م آسعدتينآ ببدآيتهآ آسعدينآ بنهآيتهآ

تسلم يدك على الرواااايه
تجنننننننن حدهااااااااااااااااا ناااااااااااااااايس
لا تخلي ريممم تموت هي ملح الرواايه

جاااااااااااااااااااااااااااااااااااااااااااااااااااااااااااااااار الانتظااااااااااااار

عدد الرسائل : 40 تاريخ التسجيل : 05/09/2012

أعشقكـ كتب:: آيه تكفيييين حيآتي لأ تخلين آلنهآيه تقطع قلبي
عيشتيني جو وعشقت شخصية ريييم
مثل م آسعدتينآ ببدآيتهآ آسعدينآ بنهآيتهآ

يب يب يااليت ماتمووت =)[b] وكمان لو تقدرين تنزلين اليووم بارت

ولي يخليج لامج وابوج لاتخلين ريم تموت راح اموت وراها>نظام عايشه جو
بس لا لاماابي نهايه سيئه ابي نهايه سعيده وريم تدري ان ابوها مارضى على اللي سوووه وترجع امها وابوها وهي مع بعض ويطلق منيره وتتزوج ديمه > عزيزوه اللي ذابحتنا فيه
وووبس

عدد الرسائل : 245 تاريخ التسجيل : 14/07/2012

هذا فصل جديد توني مخلصة منه الحين .. قلت أنزله قبل أنام ..

وإن شاء الله التكملة بكرة أو اللي بعده ..

... الفصل الحادي والعشرون ...

الجدة بحدة : ما أبغى أحد يكلمها ..
منيرة : يعني عاجبك اللي تسويه .. ما جات العزاء إلا ثالث يوم .. لا وقاعدة في المزرعة ولا همها .. والحين سافرت ولا همها شي ..
موضي : وأنت وش يخصك فيها ..
منيرة : شلون وش يخصني فيها, ما هي محسوبه عليكم بنت .. الواجب أنها تحضر عزاء عمها..
الجدة بهدوء : تبغينها تحضر عزاء اللي خسرها أمها ..
منيرة تناظر خالتها مستغربة : وش قصدك ..
موضي : ريم تدري بكل شي ..
منيرة مو مصدقة : كل شي .. كل شي ..
موضي : أنت ما لاحظت تصرفاتها في الشهور اللي طافت ..
منيرة : بلى .. لكن ما توقعت أنها تعرف شي ..
موضي : لا تعرف ..
منيرة : ومن اللي قال لها ..
الجدة : هذا اللي حنا ما ندري عنه ..
منيرة : ما أحد غيرنا يعرف بالسالفة .. يعني من وين بتعرف .. أكيد مو من أمها ..
موضي : وهي من وين بتشوف أمها .. الله أعلم بديارها الحين ..

سعود ينبه : أبغاك تتأكد .. ما أبغى أي أخطاء ..
ناصر يهز راسه : ولا يهمك طال عمرك .. كل شي مثل ما تبغي ..
سعود : الله يرحم راشد .. هو اللي كان يرتب شغلنا كله ..
ناصر : الله يرحمه .. الشباب مو مقصرين طال عمرك ..
سعود : إن شاء الله .. لأن إذا صار شي .. راح تكون نهايتنا ..
ناصر : لا تاكل هم طال عمرك .. أمورنا سليمة ..
سعود يهز راسه : ان شاء الله ..
طلع ناصر من المكتب .. سعود على النت بوك .. يراجع الحسابات .. " حاس أنه بيصير شي .. قلبي مو مطمن .. اللي قتل راشد للحين ما انعرف.. وما ندري من اللي يتربص بنا .. الله يعدي هالعملية على خير "..

هيفاء تسأل : منو هذا روبيرتو ..
ريم تشتغل على الاب توب : خال صوفيا ..
هيفاء بحذر : هو يدري عنكم ..
ريم تهز راسها : أي .. وأنا أزورهم دايماً حتى بعد وفاة صوفيا ..
هيفاء : وش عندك معهم ..
ريم : شغل .. هم عندهم مجموعة شركات وأفرع كثيرة في أوروبا ..
هيفاء : الله يوفقك ..
ريم ترفع راسها : وش رايك تجي معنا ..
هيفاء : أجي وش أسوي ..
ريم تبتسم : تغيرين جو .. ايطاليا روعة ..
هيفاء بتتكلم .. قاطعتها ريم : راح تروحين معنا .. هذا جواب نهائي ..
هيفاء تتعذر : ريم الله يهديك ما ..
ريم قامت وراحت لأمها تضمها : mom صدقيني راح ترتاحين هناك ..
هيفاء تغيظها : أنت حبيت وحدة منهم .. وعشقت البلد كلها ..
ريم تضحك : من زود حبي له .. عشقت كل أهله ..( ريم يدها تحت راسها كانها تفكر) أظنها كلمات أغنية .. المهم بتروحين معي .. period
هيفاء تمسك يد ريم : خلاص على هالحماس .. شوقتيني أزورها ..
بدت يد ريم ترجف .. اسحبتها بسرعة .. هيفاء انتبهت أن يد ريم صار لها فترة ترجف من جات ذيك الليله ..
هيفاء باهتمام : ريمي .. ليه ما تروحين الطبيب ..
ريم : ما يستدعي .. هي بتخف لحالها ..
هيفاء : شلون بتخف لحالها .. ريم الله يرضى عليك شوفي طبيب بأسرع وقت ..
ريم تبتسم وتبوس راس أمها : على أمرك يا أحلى أم .. بس نرجع من ايطاليا ..
تدخل عليهم فوزية ..
فوزية : كأني سامعة طاري سفرة ..
ريم تأشرعلى أمها: أي قاعدة أقنعها تسافر معنا ايطاليا ..
فوزية باستغراب : معنا .. انت ومين ..
ريم : أنا وسامي راح نروح ايطاليا بعد كم يوم .. عندنا شغل هناك ..
فوزية : وليه لأ .. نغير جو ..
هيفاء : من اللي يغير جو ..
فوزية : أنا وأنت .. العيال يروحون شغلهم وحنا نتسكع بشوارع روما ..
هيفاء تضحك : الله عليك يا فوز .. نتسكع مرة وحدة ..
فوزية تضحك : وحنا وش ما خذين من الدنيا .. حبيبتي عيشي حياتك .. ما أحد معطيك عمر غير عمرك ..
هيفاء تهز راسها : خلاص .. ما عندي مانع .. نسافر ..

أم عبد الله تشرب الشاي : يعني ما في شي جاي في الطريق ..
زينة : شي مثل ايش .. مو فاهمة عليك ..
أم عبد الله تحط البيالة على الطاولة : يا حظي .. يعني ما أنت حامل ..
زينة بفزع : لا .. لا .. الله لا يقول ..
أم عبد الله : وليه .. ما ودك تجيبين عيال ..
زينة : لا ما ودي .. أنا حمد بالغصب متحملته .. تبيني أجيب له عيال بعد ..
أم عبد الله : أنت للحين كارهته ..
زينة : وعمري ما راح أحبه ..
أم عبد الله مستغربة : غريبة .. مع أنك في الأسابيع الأخيرة متغيرة .. صايرة تضحكين ومستانسة .. فكرت تقبلت حمد ..
زينة تلف وجهها : حمد ما له يد في الموضوع .. المهم فكرة أني أجيب عيال من الدعلة انسي ..
أم عبد الله : وهو ما يسألك ليه للحين ما حملت ..
زينة : بلى .. لكن أقول له أنه ما في شي ..
أم عبد الله : هو يدري أنك تاخذين موانع حمل ..
زينة تهز راسها : لا ما يدري ..
أم عبد الله : طيب وإذا عرف .. وش بتسوين ..
زينة تأفف : أوه .. عرف ولا ما عرف .. ما يهمني ..
عصبت زينة من أمها .. تركتها واطلعت .. راحت إلى غرفتها .. نامت على سريرها .. ما تقدر تنام إلا على سريرها القديم .. وممكن في حضن ريم .. أحس بالأمان معها .. ابتسمت زينة .. وأخذت جوالها بتكلم ريم ..

اوصلت ريم وأمها وسامي وأمه روما الصباح .. هيفاء وفوزية راحوا الفندق .. ريم وسامي راحوا لشركة روبيرتو دي لوميز .. اوصلوا الشركة .. رحبت فيهم السكرتيرة .. تعرف ريم .. ارفعت السماعة تبلغ روبيرتو أن ريم موجودة ..

سامي مرتبك : الحين عادي ندخل عليه من دون موعد ..
ريم تبتسم : حياتي .. انا family أقدر أدخل عليه في أي وقت ..
سامي : بس والله يخوف كأنه مافيا ..
ريم تضحك وبصوت هادي : ما هو مافيا ..
سامي يلتفت عليها : صدق .. أنا فكرت لهم نفوذ ومعارف بس مافيا ..
ريم بترد .. لكن انفتح باب المكتب ..وطلع روبيرتو يسلم على ريم .. يكون خال صوفيا ويحبها كثير .. وهو يحب ريم لأنهم كانوا couple .. في الخمسينات طوله معتدل .. وشعره كله أبيض .. ريم دايم تزورهم .. حتى بعد وفاة صوفيا .. ريم تزورهم في الكريسمس وأغلب عطلها تقضيها وياهم.. وأحيانا يكون بينهم شغل مشترك ..
روبيرتو يبتسم : come va ريمي ..
ريم تبتسم : va bene
ريم التفتت على سامي .. تعرفه على روبيرتو .. سلموا على بعض .. وعزمهم روبيرتو داخل المكتب ..
روبيرتو : ريمي .. أشهر مرت من أخر مرة شفناك ..
ريم تزفر: مشاغل ..
روبيرتو : خير ريمي .. شو فيه ..
ريم أخذت نفس عميق .. وقالت لروبيرتو كل شي عن أمها ووين شافتها .. وأبوها واللي سواه فيها .. وعن الشبكة اللي مشترك فيها .. روبيرتو كان يستمع لها وهو يشرب القهوة .. حط القهوة على الطاولة وأسند ظهره على الكرسي ..
روبيرتو : تعرفين اسم اللي يتعامل معه ..
ريم : حنا شاكين بشخص .. بيير فويه ..
روبيرتو : أعرفه .. هو من اكبر مبيضي الأموال في اوروبا .. وشبكاته منتشرة في كل مكان ..
ريم : أدري .. علشان كذا أنا محتاجة مساعدتك ..
روبيرتو : أسمعك ..
اشرحت له ريم اللي ناوية تسويه في أبوها .. بعد ما يتم التحويل .. راح يسحبون الأموال كلها .. وينقلونها إلى حساب ثاني ..
روبيرتو يحذرها : لكن بيير مو من النوع اللي يسكت ..
ريم : حنا ما راح نأخذ فلوسه ..راح نتسلفها وبعدين .. راح نرجعها له مرة ثانية .. كل اللي أبيه أن أكسر بوحاتم قدامه..
روبيرتو : حتى إذا رجعتيها .. اللي راح تسوينه اهانه لهم .. وما راح يمشونها لك بالساهل ..
ريم تاشر عليه : هذا عاد تخصصك ..
روبيرتو يضحك : خلاص .. خلي الموضوع علي ..
قامت ريم وسامي .. روبيرتو وصلهم للمصعد .. وأصر أن يعزمهم على العشاء عنده .. لأن حاب يتعرف على ام ريم .. ريم بتتكلم رن جوالها .. شافت الرقم .. ابتسمت واستأذنت منهم ..

ريم : هلا حبي ..
زينة : اهلين حياتي ..
ريم انتبهت لنبرة زينة : خير babe وش فيك ..
زينة بزعل : ما فيني شي .. اشتقت لك ..
ريم : تشتاق لك العافية حياتي ..
زينة بدلع : متى راح ترجعين ..
ريم : يمكن بعد اسبوع ..
زينة متفاجأة : كل هالوقت ..
ريم بخبث : شو حبيبي إلى الدرجة مشاق لي ..
زينة بدلع : أكثر ما تتصورين ..
ريم تسند كتفها : أه .. وأنا بعد قلبي ..
زينة : أوكي .. أخليك الحين .. وأتصل عليك بعدين ..
ريم : انتظرك حياتي ..
ريم أنهت المكالمة .. وراحت لهم .. روبيرتو كان يناظرها رافع حاجبه ..
روبيرتو: new love
ريم احمر وجهها .. روبيرتو ياشر بيده : don't be , I'm glad you've someone
ريم هزت راسها ..

منيرة بعصبية : أنت ما تقولي وين تودي كل هالفلوس ..
حمد يتأفف : أوه أمي .. قلت لك ضايقة هاليومين ..
منيرة : وراتبك وين يروح ..
حمد : أنت ناسية أني متزوج الحين ..
منيرة : حتى لو كنت متزوج .. ما تصرف كل هالصرف .. وش عندك أكلك .. شربك ببلاش .. حتى فواتير جوالك أبوك يسددها .. ما تقولي وين تودي كل هالمبالغ ..
حمد : يمه .. لا تذلينا .. بتعطيني ولا أروح ..
منيرة تزفر: بأعطيك وأمري لله ..
راحت منيرة تجيب له الفلوس .. حمد يبتسم " لازم هالليلة اغلبه .. لازم .. بنشوف يا حمود "..

هيفاء : وحنا وش يودينا عندهم ..
ريم تقنعها : mom ما يصير الرجال مسوي العزيمة كلها علشانك ..
هيفاء : وأنا وش يدخلني ..
ريم : أنت أمي .. وسنين كنت أظنك ميتة .. حتى هم مستغربين ..
فوزية : طيب وش فيها ..
هيفاء : حنا ما نعرفهم .. بنروح لهم بصفتنا ايش ..
سامي مع جواله : بصفتكم نسايب ..
فوزية : وش قلت ..
ريم لاحت عليه المخدة .. سامي : ما قلت شي .. لكن ما فيها شي إذا رحت خالتي .. ما هي ريم وصوفيا كانوا couple
هيفاء بتتكلم .. لكن فوزية قاطعتها : خلاص هيوف .. العزيمة كلها علشانك .. فشلة ما نروح ..

اوصلوا إلى قصر كبير .. ادخلوا بالسيارة من البوابة .. اوصلوا لعند الباب .. كان في استقبالهم جونيور ولد روبيرتو .. عرفته ريم على امها وخالتها وسامي .. ادخلوا القصر إلى صالة استقبال كبيرة .. روبيرتو وزوجته روزالي كان قاعدين .. قاموا يسلمون عليهم .. ريم تعرفهم على بعض .. ( طبعاً أغلب الكلام بالإيطالي وشوي انجليزي .. ريم كانت تترجم لهم أغلب الأوقات ) ..
روبيرتو يكلم هيفاء : الحين عرفت ريم من وين جايبه جمالها ..
هيفاء انحرجت : مشكور ..
روزالي تمسك ذراع هيفاء : ما عليك منه .. تعالي أعرفك على ام زوجي .. ماريا ..
جدة صوفيا كانت على كرسي متحرك .. أول ما اسمعت صوت ريم .. بسرعة خلت الخدم ياخذونها إلى الصالة .. لكن ريم التقت فيها في نص الطريق..
الجدة ماريا تفتح ذراعيها تضم ريم : وحشتيني يا بنت ..
ريم تبوس خدها : اشتقت لك نونا nonna ( معنى الجدة بالايطالي )..
الجدة تبتسم : ما جاء ماكس وايلينا ..
ريم انصفق وجهها : لا بس انا هالمرة ..
الجدة افهمت لريم وهزت راسها .. عرفتهم ريم على امها وخالتها وسامي .. اقعدوا في الصالة شوي بعدين انتقلوا إلى غرفة الطعام .. الطاولة مليانة بأشهى انواع المكرونية والفطاير واليخنات .. اغلبها أكلات ريم تحبها ..
ريم : وااو نونا تسلم يدك ..
الجدة تبتسم : في العافية حبيبتي ..
ريم تكلم امها : ترى أغلب الأكل نونا هي اللي تسويه بيدها .. لا يغرك هزالة جسمها .. ما شاء الله عليها .. ربي يعطيها الصحة والعافية..
هيفاء تهز راسها : ما شاء الله .. مدللتك على الأخر ..
ريم تاكل : هم عيلتي الثانية ..
روبيرتو : ريم مثلها مثل صوفيا بالضبط .. ربنا أخذ صوفيا وعوضنا بـ ...
ريم تسوي روحها تكح .. وتكلم روبيرتو بالإيطالي .. روبيرتو هز راسه .. وغير الموضوع .. هيفاء انتبهت لحركة ريم .. قربت من بنتها ..
هيفاء : خير وش فيه اللي قلب لونك ..
ريم تهز أكتافها : ولا شي ..
هيفاء شاكه أنه في شي .. لكن خلتها تعدي .. جونيور ناول ريم صينية كرات اللحم .. ريم بتمسكها رجفت يدها .. كانت الصينية بتطيح .. لكن هيفاء امسكتها بسرعة .. اسحبت ريم يدها.. الجدة : ريمي .. سلامتك وش فيها يدك ترجف..
ريم تبتسم : صار لها كم يوم ترجف ..
روزالي : لازم تشفوفين طبيب .. مثل هالأمور ما ينسكت عليها ..
هيفاء تهز راسها : تعبت وانا اطلب منها تزور طبيب .. لكنها رافضة ..
ريم : خلاص يا جماعة .. ان شاء الله بس أرجع .. أشوفي لي طبيب اعصاب ..
الجدة : لازم .. لا تهملين نفسك بنتي .. ما بقى إلا انت .. ( اخنقتها العبرة )..
روبيرتو يهديها : madre هدي نفسك .. ما فيها إلا العافية ..
فوزية استغربت موقف الجدة .. فوزية تكلم ريم ..
فوزية : وش فيها ..
ريم : لأن صوفيا كانت مريضة قبل ما تتوفى .. وهي خايفة علي بس ..
فوزية تهز راسها : الله يرحم بنتهم .. ويخلي لنا بنتنا ..

بعد العشاء .. اطلعت ريم تشم هواء .. طلعت لها سيجارة تدخنها .. تدور في جيوبها على ولاعة ما لقت .. قرب منها روبيرتو وولع لها السيجارة .. أخذت ريم نفس طويل وازفرته ..
روبيرتو بهدوء : ريمي .. طريق الدم صعب ووعر ..
ريم ساكته .. روبيرتو : لازم تاخذين حذرك ..
ريم تهز راسها : لا تخاف علي ..
روبيرتو : وقفي عند هالحد .. وإذا تبغين شخص ينتهي .. عطيني اسمه وأنهيه لك ..
ريم : لا .. لازم أخذ حقي بيدي . .
روبيرتو كشر وجهه .. ولف عنها ..
ريم تراضيه : روبيرتو لا تزعل .. هذه أمور لازم أسويها بنفسي .. ما ينفع غيري ..
روبيرتو : ريمي .. الانتقام أول ما يقتل يقتل صاحبه ..
ريم تهز راسها : I know
روبيرتو يناظر عيونها :remember you're not alone on this ..
ريم تبتسم : I know

في الفندق ..

ريم كانت نايمة على سريرها.. راسها مصدع .. ويدها صارت ترجف بكثرة .." لازم أراجع طبيب .. ما صرت أقدر اخبي الموضوع اكثر ".. ادخلت أمها الغرفة .. وجلست جنبها .. ريم التفتت على امها وابتسمت ..
هيفاء تسأل : من هو ماكس وال ما أدري وش اسمها ..
ريم افتحت عيونها كلها : مين ماكس ..
هيفاء تطالعها بنص عين : أنا اللي أسألك ..
ريم غمضت عيونها تتهرب : وش دراني .. أنت مين وين سمعت بأسمائهم ..
هيفاء : سمعت أم روبيرتو تسألك عنهم ..
ريم تتهرب : أمي يمكن أنت سامعه غلط ..
هيفاء بتتكلم .. ريم قاطعتها : عن اذنك أمي .. بأنام أحس جسمي كله مكسر
اخذت ريم البطانية .. وغطت نفسها فيها .. أمها غطتها عدل .. وباست راسها ..
هيفاء بهدوء : أدري أنك تتهربين .. لكن مصيري أعرف ..
قامت هيفاء من السرير .. وطفت النور .. واطلعت من الغرفة .. ريم افتحت عيونها .. " راح يجي يوم وتعرفين كل شي mom .. لكن مو وقته هالحين ..

في البيت ..

ريم في غرفة الملابس .. تبدل ملابسها .. ديما على السرير ..
ديما بحزن : قلت لك حظي نحس .. أولا الخال والحين الحقه العم ..
ريم تنادي : لا تحاتين .. ما راح يصير إلا اللي تبين ..
ديما : شلون .. الحين مستحيل ..
اطلعت ريم وأسندت كتفها على الجدار: أنا أبغى اعرف .. انت متشائمة ليه ..
ديما : أوه .. ريم .. يعني تسوين روحك ما تعرفين ..
قربت منها ريم .. واقعدت جنبها : أعرف .. وما فيها شي إذا تأجل كم شهر .. يا أخي ثقلي شوي.
ديما تهز رجولها : ريم هذا أنت ودلال .. كلكم تقولون لي أثقل ..
ريم : حبيبتي .. لا تحسيسنه أنك ميتة على دباديبوه .. ثقلي عليه شوي ..
ديما مستحية : طيب وش أسوي .. أحبه ...
ريم تضحك واسحبت ديما لحضنها : حبيه ما قلنا شي .. لكن لا تبينين أنك ميتة عليه ..
ديما اسكتت .. ريم : على العموم قومي خلنا نقعد مع دلال وعلياء .. من زمان ما قعدنا كلنا سوى.. اطلعوا من جناح ريم .. وراحوا لجناح عمتها .. لقوا مليكة ودلال وعلياء جالسين يشربون شاي .. أشرت لهم دلال يجلسون معهم ..
دلال تبتسم : والله زمان عن هالقعدة ..

حمد بعصبية : قلت لك وين الذهب اللي اشتريتيه ..
زينة : انت اخذت كل شي ..
حمد : أدري أنك خاشه غيره ..
زينة : أنت اخذت اللي اشتريته بمهرك .. لكن الباقي من أهلي .. ومالك شغل فيه ..
حمد مسك ذراع زينة بقوة : قولي لي وين حاطة الذهب ..
زينة بألم : قلت لك ما عندي ..
ترك حمد ذراع زينة .. وراح يدور في غرفة الملابس .. صار يبعثر الأغراض .. ويفتح الدروج ويرمي اللي فيها .. زينة معصبة منه .. لكن مو طالع بيدها شي .. لكنه أول ما طاحت عينه على الصندوق الأزرق .. اركضت زينة تاخذ منه .. بعدها حمد بقوة .. وفتح الصندوق شاف الإسوارة اللي أهدتها ريم لزينة .. أخذها حمد .. زينة ماسكته تبغى تاخذها ..
زينة : هذه مو من مهرك .. هذه هدية ..
حمد : هدية ولا غيره .. راح أشتري لك غيرها ..
زينة بعصبية : أقول لك هدية .. شلون بتشتري لي غيرها .. الهدية هدية ..
وهم يتهاوشون على الإسوارة .. طاح الصندوق الأزرق .. وتناثر كل اللي فيه .. حمد انتبه لشريط الحبوب .. نزل وأخذه .. عرف أنه حبوب منع حمل ..
حمد بعصبية : شنو هذا يا هانم ..
زينة بحدة : اللي تشوفه ..
حمد يصارخ : تاخذين حبوب من وراي .. ليه ..
زينة تصارخ : لأني ببساطة أكرهك .. وما أتخيل أجيب لك ولد ..
عصب منها حمد .. وسطرها كف طيحها على الأرض .. لكنه ما اكتفى .. بدا يضربها ويرفسها . وزينة تحاول تقوم وتبعد عنه .. لكنه يمسكها ويضربها ..

دلال : لا تقولين هالكلام .. الميت ما تجوز عليه غير الرحمة ..
علياء : دلال واللي يخليك .. تكفي الفضيحة اللي معاه ..
ديما : أبوي من الأصل ما يطيقه ولا يطيق نجيب اسمه قدامه ..
ريم كانت تشرب شاي .. تستمع لهم لكن عقلها مو معهم .. فزت ريم من مكانها فجأة .. حطت البيالة على الطاولة بقوة .. (زينة ) وراحت تركض صوب الدرج .. تنزل درجتين بسرعة .. الكل استغرب منها .. وقام وراها ..
أول ما اوصلوا الدور الثاني .. اسمعوا أصوات صراخ وصياح ..ريم افتحت باب غرفة جناح حمد بقوة .. وراحت تركض في اتجاه غرفة النوم .. افتحت الباب بقوة .. تسمرت مكانها تناظر حمد ركبته على بطن زينة .. وقاعد يضربها ..
ريم اصرخت بأعلى صوتها : حممممممممممممممممممد ؟؟؟؟؟؟؟
.
.

عدد الرسائل : 99 تاريخ التسجيل : 21/09/2012

روًوووووووعــــــه كملي
و روايتكك خيااااال
وقريت روايتكك الاولى روعه
مشاالله عليكك اسلوووب بالكتاببهه خطير

خوخ Very Happy

Wwwoooowww mbd333aaa kl part ajml mn ele gblo
Ma a3rff esh arod wla kelma t3br 3n ebdaa3k
Waiting you babyy

انيوووه

اممم لسه ماقريت البارتين الاخيرين ..
بس حبيت اقول رايي بخصوص نهاية ريم ..
طبعا اكيد كلنا ماودنا تموت ريم .. لكن ارجع واقول حسب صياغتك للرواية .. يعني شوفي النهاية اللي تناسب صياغة الرواية ومضمونها .. اذا كان ياثر على واقعيتها او لا .. اكيد انتي ببالك شيء من هالناحية .. اكيد انتي فاهمه مقصدي .. وراح نتقبل منك وجهة نظرك بكل احترام..
والحيين برجع اقرى البارتات الاخيرة .. لي بااك اكيد

kH???D كتب:: روًوووووووعــــــه كملي
و روايتكك خيااااال
وقريت روايتكك الاولى روعه
مشاالله عليكك اسلوووب بالكتاببهه خطير

خوخ

+1..

كممممممممممممممممللليييييييييييي بسرررععه

» رواية {+ تـــشرفــــنـــــا +} // رواية ؤااقعية جريئة )) بويات ' شباب .... بقلمي shoudi اكتملت
» الخيار الصعب .... رواية جريئة ... اكتملت
» رواية ليــــت ربــــــــي مــــــــــــــــــــــــــــا خلقني بأحاسيسي ...(رواية بويات جريئة)
» رواية ** فقدتك يا أعز الناس ** رواية واقعية جريئة بقلمي...shoudi
» رواية : أحببتكِ متأخر ..اكتملت