رواية : سلمت له كلي وتخلى / بقلمي

الـــســــلام عليـــــــكم
اخــــــباركم يا أحلى اعضاء ؟؟
هالرواية تعتبر اول رواية لي اممممم
وان شاء الله بتقييمكم لي وانتقاداتكم سواء كانت
مدح او ذم راح اعتبره وسيلة لاول خطواتي
لاكمل دربي في مسيرة كتابة الروايات
وان شاء بفضل الله ثم بفضل تشجيعكم
يكون سر الابداع والموهبه لي مستقبلا
(((( ما احلل من ينسبها له عند النقل ))))
بقلمي : الـــسوسن ..

( الــــــبارت الاول ) :
في صباح السبت الساعة الـ 7 صباحا
انتبهت سمر للوقت بعد سهر طويل ع اللاب
بين المنتديات وبرامج الدردشه باتصال من صديقتها
تهاني لتذكرها بحضورها للجامعه بدري
ومقابلتها من بعد فترة طويلة ما شافوا بعض فيها
بحكم انه ( سمر وتهاني ) كل وحده فيهم بجامعه
لاختلاف التخصص ......
قفلت سمر من صحبتها وضلت تتجهز لروحتها
لجامعه تهاني بس كان كل خوفها وشلون تدخل
وتتعدى ضابطات الامن ؟!؟!!!!؟
لتلاقي اعز صحباتها وتتهنى بشوفتها ..
لبست تنورة ميدي وبلوزة ماركة ( لويس فيتون )
وحطت ميك اب خفيف وكانت بكامل اناقتها ونعومتها
دخلت سمر بوابة الجامعه ومو عارفة وشلون
تدخل الساحة الداخلية بس كانت تجذب انظار من
حولها من البنات بملامحها الجذابه وخصوصا
لما كانت رافعة شعرها ذيل الحصان ومسويه
بف صغير من قدام """
كانت تلفت الانتباه وهي متخوفه وتسأل من حولها
عن طريقة تدخل فيها بس فقدت الامل وضلت تنتظر
تهاني لتدخلها معاها بس بالوقت اللي هي تنتظر فيه
شدتها نظرة وحدة لها وكانت تتجاهلها سمر قد ما تقدر
بس كانت هالبنت حادة بنظراتها وجات لعند سمر
.... : صباحو ياحلو انت مبين انك جديدة ع الجامعة
وشكلك مستوى اول
سمر ( بكل رقة تجاوب ) : لا انا زائرة ومن ساعة
افكر كيف ادخل ؟؟ لان ما عندي بطاقة دخول
^^^^ كانت هالبنت اللي جات لسمر تميل الى الصبيانيه
من ناحية استايلها وجراتها بحكيها وصوتها اللي ترك
سمر تتفاجأ منه .......
^^^^ سمر كانت تميل الى الرقة والنعومه بحديثها
ولطافتها مع البنت ......
.... : لية انتي مو عارفة نظام الدخول يعني !!
لو حسبتي حسابك بجدول والا شئ تدخلي فيه
سمر : الا عارفة وكنت منتظره صديقتي تدخلني
بس تاخرت علي
طلبت البوية انه تجلس مع سمر لحتى تجي
صديقتها تهاني اللي تاخرت عن جيتها
سمر مرتبكه من حضور البنت وطلبها انه تجلس
معاها بس تقبلت هالشئ ...
.... : الا ما قلتيلي شنو اسمك ؟؟؟
سمر : معاك سمر وانتي ^-^ ؟؟
.... : معاك رشود
سمر :
رشود : احم احم اقصد معاك ريم
بس ينادوني رشود
سمر ( تبتسم ابتسامه سخريه لان مو عاجبها
فكرة انو يكون كذا مسماها ) : اها اهلين ريومه
كان بوقتها صحبات رشود ينتظروه ليرجع
ويدخلون داخل الساحة ويا بعض
رشود (( بصوت يملا المكان )) : ابي اجلس مع
الحلوة شوي واجيكم
سمر منحرجه وبنفس الوقت من جرأة رشود وهو
يعلى بصوته والكل يطالع ....
اتصلت سمر ع تهاني بس ما كان فيه اي رد
حست انو راح تنحرج اكثر بوجودها مع ريم
لانها تاخرت عن صحباتها لاجلها ....
سمر : خلاص ياقلبي صحبتي بتجي وتدخلني
معاها ارجعي لصحباتك ....
رشود : شوفي يا سمر لو تاخر الوقت اكثر
راح يكثروا ضابطات الامن ويمكن يدققوا
بالطالبات ولا تقدري تدخلي \\
بس امسكي هذي بطاقتي ادخلي فيها وانا
بعرف ادبر نفسي ...
سمر : لا يا ريم صعبه ؟؟ كيف وشلون
انتي تدخلي لا لا لا لا ماعليك مني قلتلك
بنتظر صديقتي
بس اصر عليها رشود لتدخل
ودخلت سمر
وكانت رشود شاغله تفكيرها وشلون يدخل
طلعت سمر المرايه من شنطتها وضلت
تعدل شكلها وتحط من العطر وتمرره ع
يم رقبتها ولبست هالنظارة الشمسية
بس كان يلفت انتباهها 3 بويات كانوا
قريبين منها ....
البويه الاولى :اووووووه يا حلوووووه اخذيني بدل
هالعطر يلامسك
والثانيه : اوووووح شنو هالريحة العذاب ويغمزوا لها
ويضحكوا مع بعضهم
وهي حيل خايفة ومستحقرة اسلوبهم بس كانت مطنشة
ولا ردت عليهم
جلسوا ع الدرج يم الساحة ويتاملوها
وهي موعارفة تتصرف وكان كل همها تجي تهاني
وترتاح من حقارة هالبنات وانو تدخل ريم اللي
لساتها برا
فكرت بفكرة تدخلها فيها وراحت لضابطات الامن
وقالت لهم نسيت عبايتي برا حاروح اخذها ..
طلعت وراحت لريم واخذت عبايتها وادتها البطاقة
رشود : كيف طلعتي ؟؟؟ وكيف كذا !!
سمر : امسكي بطاقتك ع السريع وادخلي
وحاقولك بالداخل
وبكذا قدر رشود يدخل
خبرتها سمر ع فكرتها وضحك رشود ع حركة
سمر وكيف فكرت فيها
رشود : اووووووه والله مو هينه انتي وافكارك
ضحكت سمر وطاحت عينها بعيون البنات البويات
اللي كانوا مضايقينها وهم يصرخوا ينادوا رشووود
كان رشود رايح لهم ومسكتها سمر من يدها
سمر : انتي تعرفي هدول
رشود : اي صحباتي ليه تسالين ؟؟
وخبرتها سمر باللي صار وانه كانت مستحقره
حركاتهم
مسكها رشود وقال لها تعالي
سمر : لا لا ما بروح لهالاشكال
رشود : قلتلك امشي والحين اخليهم يعتذروا لك
اخذ رشود سمر معاه وراح لهم
وهم كانوا مصدومين كيف رشود يعرف هالبنت
وخصوصا ما شافوها من قبل بالجامعه !!!
....
...
..
.
.. انتهى البااااارت الاول ..
توقعاتكم \\ انتقاداتكم \\

رووووووووووووووووووووووعه حبيبتي تسلم ايدك

[البـــــــــــــارت الثـــانــــــــــــــي:



رشود:سلام ياحلووبن (ويسلم عليهم)وسمر بعيده عنهم شوي
البويات:هلا باللي جايب لنا هالزين والحلا كله ..يووه رشود يلعن شكلك كيف تعرف هالبنت؟؟؟
افااا ولا كاننا صحباتك تخبرنا ولاتعرفنا عليها
البويه مجود:ضبطني معاهااا
رشود:خلصتو كلام!!!؟؟؟؟
اقول مجود اثقل وخل عنك هالسوالف واصرف نظرك عنهااا مو مكفينك هاللي لاعب عليهم
وبعدين وش هالتصرف اللي سويتوه معاها؟؟!!
البويات:اوووخس يارشود ليه ست الحسن شكت لك مننا!!
اقوولكم الحين تعتذروا لها فاهمين
رشود وهو يناظر بسمر قربي حابين يعتذروا لك وهي تقرب وتناظرهم بنص عين وكأن الوضع مو عاجبهاا
يتلقف مجود ويتكلم عن باقي صديقاته:اسفين والله ماكان قصدنا نضايقك والعذر والسموحه
سمر(وبدون نفس) تناظرهم من تحت لفوق وتقولهم ماشي حصل خير...
رشود:يالله اخليكم الحين ويكلم سمر وش رايك بما انك جديده ع جامعتنا خليني امشيك فيها
واعرفك ع كل شي لحتى تجي صديقتك..
سمر:لايارشود مو حابه اعطللك ,,انت شايف الوقت اصلا؟؟!!
الحين اكيد بدت محاضراتك روح لها لاتتاخر
رشود: محاضرتي قدامي وقت لها
سمر وبدون اعتراض وافقت تروح معاها
ريم((طبعا انسانه عربجيه وفلاويه وستايلها الصبياني يميزها ومعروفه باالجامعه باسم رشود
والكل يتمنى يتعرف عليها وحبوبه حيل وقلبها طيب))
طول ماهي تمشي مع سمر كانت كل ماتمرّ وحده من يمها الا وتسلم عليهاا
سمر وتمازح رشود: حركات مبين انك بزنس وومين بالجامعه اقصد بزنس مان وتغمز لها وتلف بخجل
رشود (ويضحك):ابه الكل عارفني هنا
سمر( من النوع اللي ماتحب تحكي كثير وخجلها يلزّم عليها السكوت)
وبس منشغله بالجوال لتشوف ليه تاخرت تهاني هالقد؟!
بس الصدمه هنا !!!!!!!!!
لما ردت تهاني وقالت لها مااقدر اجي
سمر:تهاني ترى مو وقت مزحك ابد,,بجد وينك؟؟
تهاني:والله ياسمر مااقدر اجي السواق تعطلت سيارته وماحد حيقدر ياخدني للكوليج
اسفه ياسمر وامانه لاتزعلي ادري مالي داعي لزمت عليك تجي وماجيت بس والله بسبب
هالسواق الزفت ..
سمر ماتحملت وقفلت الخط وكانت حدّها معصبه
لاحظها رشود>>سمر اش فيك؟؟
سمر:صاحبتي تو كلمتها وقالت ماتقدر تجي اووف ليه هالحظ؟؟
الحين انا قلت لاخوي يجيني متاخر وشوفي الحين الوقت لساته قدامي5ساعات
لحتى اطلع والمشكله مااعرف احد هنا لحتى اقضي باقي الوقت وياه...
رشود(وهو رافع حاجبه):ياهووه واحنا وين رحناا؟؟
كان رشود جدّي مع سمر وطايح بالميانه معاها
بس سمر من النوع الهادي اللي ماتحب تدش بالشخص الا اذا كان بينهم معرفه من قبل
او على حسب شخصيه اللي قدامهاا
رشود:خلاص روقي وخلينا نكمل تمشيه
سمر:لالامعكر مودي ولافيني اتمشى اكثر
(((رشود ويسحب سمر)))اجل تعالي معاي للشله اعرفك على صحباتي
سمر:لايارشود استحي بجد لاتحرجني مع قرووبك
خلاص روح لهم وانا راح اشوف اخوي اذا بيقدر يجي ياخذني!!
رشود<ويناظر سمر>موبكيفك تعالي ماراح ياكلونك
وتبتسم سمر ع كلمه رشود واضطرت توافق وتروح للشله
رشود وكعادته للمره ال2من قبل يوصل للشله يرفع بصوته ويقولهم:
يالله ياحلووين قربو لاحلى ضيفه جايبتها معاي وصحباتها طبعا مثل رشود
اصواتهم تملا المكان ياهوووووووهـ واللي تصفرر وتقول حياكم
سمر (وتمسك رشود):لالالا مره مااقدر صحباتك كثير وجريئات حدهم
وكان رشود مقرب منها ليسمع صوتها لان سمر بطبيعه صوتها صغير
ومن الخجل اتوقع ماصار فيه صوت ,,بس من لحظه قرب رشود من سمر
كانت شله رشود يصيحوو وكان تفكيرهم بانهم حبايب..
جلست سمر ويملاها الصمت وعرفت بنفسها للبنات وحبتهم بحديثهم معاها ومع الوقت قدرت
سمر تتجرأ وصارت تحكي وتضحك وكانها تعرفهم من زمان...
سمر:بنات اسفه كنت ظالمتكم وتوقعت ماراح ارتاح بجلوسي وياكم
بس بجد طلعتوا حبوبات وارتحت لكم حيل,,
الشله:اخذي راحتك ياعسل واحنا بعد حبيناك
يكفي انك من طرف رشود حبيب قلبنا والله فديته
البويه مجود>>كان توه جاي للشله لياخد كتابه ويطلع لمحاضرته
بس لما شاف سمر جالسه مع البنات كنسل عالمحاضره وجلس معاهم
كان يحاول قد مايقدر يتقرب منها ويشاركها حكيها..
////
مرّالوقت دون ماتحس سمر وقرب وقت خروجها بس كان رشود بالمحاضره
وماحبت تطلع لحتى تشكرها عالوقت اللي ضلت معاها فيه,,وعلى معرفتها بصحباتها
بس كان رشود توه في بدايه المحاضره وسمر ماكانت تقدر تتاخخر اكثر
ف طلبت من صحبات رشود رقمها لحتى تتصل وتعتذر كونها خرجت دون ماتودعها
// // //
طلعت سمر وعلى رجعتها للبيت اتصلت بتهاني لحتى تخبرها كيف كان يومها
وشنو صار معاها ولتتاسف ع انها قفلت منها لانها ماكانت تستغني عن تهاني
لانهم صحبات وتوام بعض وكل شي وماحبت سمر تترك اي شي لحتى تخبره لها
رشود خلصت محاضرته ونزل عالسريع لجل يودع سمر لانه كان عارف انه ع هالوقت
راح تطلع سمر بس للاسف ع نزوله للشله مالقى سمر وسأل عنها وقالوا له طلعت وكانت
حابه تودعك بس ماقدرت تتاخر وعطيناها رقمك يمكن تتصل فيك
رشود:تمام عليكم لان انا بعد ماحبيت تروح الا وانا عارف رقمها
بس ان شاء الله تتصل ..
سمر تغدت وبعدها نامت ومن صحيت من نومها افتكرت رقم رشود بس كانت محتاره تتصل
تكلمها او تراسلها بس بالاخير حبت تبين لها برساله شكر بالاول
رشود كان يكلم صاحبته ومن قفل منها انتبه لمسج من رقم غريب
((مساء الخير,,تسلمي غلاي عالوقت اللي قضيتيه معاي واسفه واكرر اسفي لو ازعجتك
ا واخذت من وقت)) وباخر المسج *سمر
رشود (مبتسم) ويرد برساله((مساء النور ابد يالغاليه حبيت هاليوم بمعرفتي فيك
وتشرفت وياحبي لك )).....



نهايه البارت الثاني///[/

Nice story

Waiting baby $