رواية أسيرة الأميرة ... رواية فانتزي ..

عدد الرسائل : 245 تاريخ التسجيل : 14/07/2012

... الفصل الثالث ...

ارسلان : أنت متاكد من اللي تقوله ..
عفار : أي متأكد .. يوميا تروح عالم الإنس ..
ارسلان يشرب كاسه : عادي .. يمكن تتسلى أو تقضي وقت ..
عفار : حاولنا نتبعها للمكان اللي تروحه .. ما قدرنا .. حاطة spell لحماية المكان ..
ارسلان يبتسم : الظاهر أنها تحمي شخص ..
عفار : مثل ما قلت سيدي ..
ارسلان : تابع الموضوع عفار .. وخلني على اطلاع بكل ما يستجد عندك ..
عفار : أمرك سيدي ..
ينحني عفار ويختفي .. تدخل زليخة ( أم ارسلان )..

زليخة رافعة حاجبها : قلت لك ..
ارسلان التفت متفاجئ : أمي .. من متى أنت هنا ..
زليخة تقعد : من البداية ..
ارسلان : يعني سمعت الكلام كله ..
زليخة تهز راسها : أي سمعته ..
ارسلان : وش رايك ..
زليخة تحلل : ريماس كثرت زياراتها لعالم الأنس في الأسابيع الماضية .. ودام عفار يقول أنها حاطة spell حول المكان اللي تروح له .. يعني أنها تحمي شخص .. وبما انها تحميه .. يعني أنه شخص مهم بالنسبة لها ..
ارسلان بدون اهتمام : ما أدري .. ريماس تحب المغامرات .. ودايم تسافر لعوالم كثيرة ..
زليخة بحدة : أنت إلى متى بتظل غبي ..
ارسلان : وانا وش قلت ..
زليخة : واضحة مثل عين الشمس .. أكيد تحب أحد .. تعرف وش معنى هذا ..
ارسلان بحسرة : أدري ..
زليخة تضرب يد الكرسي : اخ بس لو ما كانت hybrid .. كنا أقنعنا عمك يزوجكم وننتهي من هالموضوع ..
ارسلان يضحك : اللي يضحك أن الإنسية هي اللي أنجبت hybrid ..
زليخة : وهذا اللي مخوفني أكثر .. تدري أن ريماس عمرها ما راح تنسى أنّا تسببنا في موت امها ..
ارسلان : وحنا وش دخلنا .. هذا قانون عندنا أي انسية تنجب ولد منا لازم تموت بعد الولادة مباشرة ..
زليخة : لكن عمك كان يحبها .. وكان مستعد يكسر القانون وقتها .. هي ظلت مع بنتها حوالي 7 شهور ..
ارسلان : وأنت ما قصرت .. هيجت كل البلاط ضده .. إلى ان قتلها ..
زليخة : وانا وش استفدت .. ما دريت ان بنتها hybrid ..
ارسلان يصب مشروب : أمي ما احد يدري إلا بعد السنة الثانية من الولادة ..
زليخة تعض اسنانها : انا كان كل قصدي أحرق قلب عمك عليها ..
ارسلان : أي مو واضح .. بنتها صارت أميرتنا وراح تصير ملكتنا مستقبلاً ..
زليخة تاشر على رقبتها : وأول شي راح تسويه لما تصير ملكة .. بتطير رقبتي ..
ارسلان يضحك .. التفتت عليه أمه بحدة : أنت اضحك وانبسط وخلها تشيل الجمل بما حمل ..
ارسلان بعصبية : وش تبيني أسوي ..
زليخة : لا تسوي شي .. يكفي أنها قعدتك في البيت .. لا شغلة ولا عملة ..
ارسلان يبرر : عمي مو راضي يسمع لي .. حتى ما سمح لي أبرر له موقفي ..
زليخة : أي موقف .. أنت تمرد بسيط مو قادر تقضي عليه .. ومعك جيش كبير بكامل عدته .. اهزموكم .. لا وأسروا ثلث الجيش ..
ارسلان بحرج : أمي عشيرة شيبان .. من أقوى العشاير في المنطقة على الرغم من قلة عددهم .. حتى عمي يتجنب مواجهتهم ..
زليخة : وهي راحت لهم بدون جيش .. بس مرافقتها .. وحلت معهم كل شي .. وصاروا من أقوى حلفائها ..
ارسلان يحط يده يفكر : هذا اللي مجنني .. كيف قدرت عليهم .. ما ادري..
زليخة تضرب يدها على فخذها : يا حظي .. مو كل الأمور تنحل بالسيف .. لازم تدخل السياسة في الموضوع .. شوف ريماس .. معظم البلاط يحترمها ويحسب لها ألف حساب .. وحتى اللي ما يحترمها يخاف منها ..
ارسلان : مو اميرتهم ..
زليخة : وأنت ليه ما تصير مثلها .. أنا ودي أنت تكون ولي عهد عمك مو هي ..
ارسلان : يعني وش تبغيني أسوي .. ما أقدر أكون مثلها .. شوفيها قدرت تلغي قانون صار له الاف السنين .. وما لقت معارضة شديدة ..
زليخة : أصلا حتى المعارضين قدرت تبعدهم عن البلاط .. كل يوم يزيد نفوذها أكثر وأكثر .. اليوم ألغت قانون قتل الإنسيات .. وبكرة ربك أعلم ..
ارسلان بقرف : ما تشوفينهم في شوارع المدينة ..
زليخة تلف وجهها : بلى كرهوني بالطلعة ..
ارسلان : كل وحدة تمشي ووراها أولادها .. تناظرنا كأننا أنداد لهم ..
زليخة : كله من ريماس .. من ألغت القانون .. كثير من رجالنا أنجبوا من بنات الإنس ..
ارسلان يضرب يد الكرسي : ودي بخطة أنسف ريماس نسف ..
زليخة تبتسم : هذا اللي أبغاك تفكر فيه دائما .. الملك من حقك .. أنت المفروض تكون ملك مو هي ..
ارسلان يتوعد : لا تحاتين إلا ما يجيها يوم ..

( ارسلان ولد عم ريماس .. وكان المرشح الوحيد لولايه العهد قبل ما تنولد ريماس .. وسيم وشعره أشقر .. طويل ورشيق .. ماهر في استعمال السيف .. ماكر وغدار ..
أمه زليخة من عشيرة معروفة لكنها مفلسه .. بيضاء و جميلة .. شعرها أشقر طويل يصل إلى ظهرها .. تزوجت من جهام أخو الملك من أجل المال والسلطة .. كان زوجها هو المفروض يكون الملك .. لكن جفار تحداه في مبارزة وأغلبه وصار هو الملك بدلا عنه .. جهام ما تحمل الخسارة .. حاول ينقلب على اخوه وما قدر .. سافر إلى احد العشائر يطلب منهم العون لكنهم اغدروا فيه .. واقتلوه تقرباً من الملك جفار .. ومن يومها وزليخة حاقدة عليه .. وتسوي المستحيل علشان تضمن لولدها الحكم ) ..

صحت يارا من النوم .. احست بارتياح أول مرة تنام براحة من يوم الحادث .. لكنها بسرعة تذكرت اللي صار أمس .. أكيد كنت احلم .. أكيد .. ارفعت يدها تتحسس رقبتها .. حست بالطوق .. فزت من نومها بسرعة .. وراحت إلى المراية تناظرها .. وتشوف الطوق الي محوط رقبتها ..

مستحيل .. كنت احلم .. حاولت تمسح الطوق ما اقدرت .. عصبت .. " الله ياخذك " بصوت عالي .. " أدري أنك هنا " ..
ريماس وراها.. ببراءة : حرام عليك وأنا وش سويت ..
التفتت يارا بخوف تدورها : خليني أشوفك .. لا تتخبين ..
اظهرت ريماس نفسها ليارا : أنا ماني جبانة ..
يارا بحدة : شيلي اللي على رقبتي ..
ريماس تهز راسها : أسفه ما أقدر..
يارا دموع في عيونها : أنت وش تبغين مني بالضبط ..
ريماس قربت منها .. يارا بعدت عنها ..
ريماس تبتسم : قلت لك أني أبغاك لي ..
يارا تمسح دموعها : أنا ما أصلح لك .. اتركيني في حالي ..
ريماس تناظرها مدة : طيب .. لكن على شرط ..
يارا تبتسم : وش هو ..
ريماس : ترجعين اللي اخذتيه مني ..
يارا باستغراب : بس أنا ما أخذت منك شي ..
قربت منها ريماس .. وامسكت يد يارا وحطتها على صدرها جهة قلبها ..
ريماس بحنان : أخذت قلبي ..

يارا تحس بدقات قلب ريماس تدق بسرعة .. حاولت تسحب يدها .. لكن ريماس امسكتها واسحبتها لعندها .. ويدها الثانية على ظهر يارا تقربها منها .. صاروا متقابلين وجها لوجه .. يارا لفت وجهها .. ريماس تبتسم وتقرب تبوس خد يارا .. بعدين تلحس خدها وتنزل إلى رقبتها .. وشعر ريماس .. يلتف حول ساق يارا إلى فوق .. يارا اشهقت بصوت واطي .. بدت تدوخ ..
ريماس بعدت عنها .. يارا مو قادرة توقف على رجلينها ..
ريماس بخبث : لسانك يقول شي .. وجسمك يقول شي ثاني ..
يارا ترتب نفسها : ما يخصك .. ما راح تحققين مرادك ..
ريماس تهز راسها : ما أظن .. أنا دائما أخذ اللي أبغاه .. حتى لو بعد حين ..
يارا تاخذ فوطة وروب .. ريماس تطالعها : وين رايحة ..
يارا ظهرها لريماس : راح أخذ لي شاور .. حابة تجين معي بعد ..
ريماس اجمدت فترة : لا اخذي راحتك .. راح انتظرك هنا ..
يارا تلتفت عليها : راح تنتظرين كثير ..
ريماس تبتسم : ما عندي مانع أنتظرك العمر كله .. أنا نفسي طويل ..
يارا تناظرها بغضب وهي طالعة : نشوف من أطول نفس ..

اطلعت من الغرفة .. واصفقت الباب وراها .. ريماس قعدت على الكنبة تضحك .. " حتى لو فكرت أبعد عنها .. الحين غصب أبغاها .. حلوة وهي معصبة ".. ريماس تناظر الباب " أبغاك لي برضاك " ..
ادخلت يارا الحمام .. وهي تفصخ ملابسها .. تذكرت ريماس " يمكن تكون في الحمام " .. قعدت تناديها .. وتتلفت ما حست فيها .. " زين " ..
وهي تحت الدش تسترجع اللي صار .." هي قدرت توقفني بدون ما أتحرك .. كانت تقدر تسوي ... بس ليه مصرة أني أخضع لها .. بتجنني هذه .. أنا حتى ما أدري وش تكون .. جنيه ولا ايش " .. اطلعت يارا من الدش .. قعدت تنشف جسمها .. وصلت لفخذها وتذكرت شعر ريماس وهو ملتف عليها .. كان ودها ريماس تكمل .. هزت يارا راسها " أنا وش قاعدة أقول .. بتجنني .. وما احد بيصدقني .. بفكرون اني انجنيت "..

ارجعت يارا الغرفة .. شافت ريماس عند التسريحة .. تشم العطور ووجهها يتغير .. يارا تدقق في ملامح ريماس .. حلوة وتقاسيم وجهها حادة .. لون عيونها لحاله يكفي .. انتبهت ريماس ليارا والتفتت عليها .. ريماس تاشر على عطر .. ومكشرة وجهها ..
ريماس : عطوركم لها ريحة غريبة .. وخاصة هذا ..
يارا تناظر العطر .. حاطة يدها على خصرها : الحين عطر Miss Dior ريحته غريبة .. حرام عليك .. هذا عطري المفضل ..
ريماس تبتسم : أجل راح يكون عطري المفضل ..
يارا لا شعوريا : حلالك ..
تحسفت يارا على اللي قالته .. ريماس قربت منها : وأنت متى تكونين حلالي ..
يارا تناظر شعر ريماس ( يلتف على ساق ريماس ).. احمر وجهها : in your dreams
والتفتت في اتجاه الدولاب .. تدور في ملابسها ..
ريماس تبتسم : أنت دايم في أحلامي ..
ريماس راحت في اتجاه السرير .. اقعدت واسندت نفسها على ظهر السرير .. وحطت رجل على رجل تراقب يارا .. يارا اخذت لها training suit والتفتت .. شافت ريماس نايمة على سريرها ..
يارا : أنت ما عندك بيت تروحين له ..
ريماس : بلى .. لكن حابة أقضي اليوم معك ..
يارا بحرج : أبغى ألبس ملابسي ..
ريماس تهز أكتافها : وأنا ماسكتك .. البسي اللي تبين ..
يارا : شلون ألبس وحضرتك موجودة ..
ريماس تبتسم بخبث : ما هي أول مرة ..
يارا احمر وجهها .. وضمت الملابس تغطي نفسها : من متى وأنت تراقبيني ..
قامت ريماس وقربت من يارا : من أشهر .. أول مرة شفتك فيها كنت ماسكة جهاز وتبكين ..

يارا تفكر " يعني أول يوم جيت هنا .. يعني من 3 شهور .. وهي تراقبني .. يعني شافتني وانا عريانة أكثر من مرة " .. عصبت يارا منها .. ورمت عليها الملابس .. ريماس مستغربة ردة فعلها .. اهجمت عليها يارا تضربها .. وريماس تضحك تحاول تمسكها ..
يارا بعصبية : ما تعرفين شي اسمه خصوصية .. حرية شخصية ..
يارا تضرب وريماس تحاول تصدها وهي تضحك .. إلى ان طاحت ريماس على السرير .. فوقها يارا .. جات شفايفهم على بعض .. يارا انحرجت .. قامت بسرعة وبعدت عن ريماس ..
ريماس قامت وهي تبتسم .. يارا تبعد عنها : لا تقربين مني ..
ريماس تمرر يدها على شفتها : بعد ما ذقت الشهد .. تبغيني أوقف ..
يارا خافت .. صارت ترجع لورى .. وريماس تقرب منها .. إلى ان الصقت بالجدار .. حاولت يارا تهرب .. لكن ريماس القت عليها spell .. يارا تحاول تتحرك مو قادرة .. قربت منها ريماس .. ارفعت يدها تمرر أصبعها على خد يارا إلى رقبتها .. يارا ادمعت عينها ..
يارا شوي وتصيح : لا .. تكفين لا .. إلا الألم .. لا ترجعينه ..

ريماس تناظر عيون يارا .. خايفة ومرعوبة .. فكت ريماس ال spell .. وبعدت عن يارا .. يارا طاحت على الأرض .. ريماس تناظرها وقلبها يتقطع من الداخل " ليه تبعديني عنك .. عطيني فرصة " .. انزلت ريماس إلى الأرض .. صارت على مستوى يارا ..
ريماس بحنان : ليه ما تعطيني فرصة ..
يارا بخوف : أخاف تؤذيني ..
ريماس : وأنا أقدر ..
يارا تصيح : أنت أمس عورتيني ..
ريماس : وعد مني ما راح أكررها مرة ثانية .. كل اللي أبغاه تعطيني فرصة ..
يارا تمسح دموعها وتقوم .. قامت معها ريماس .. وبعدت عنها .. ما تبغى تضغط عليها ..
يارا : أنا ما أعرف وش انتي .. وايش تبغين مني ..
ريماس بدفء : أبغاك لي ..
يارا بحدة : غصب ..
ريماس تهز راسها : لا .. برضاك ..
يارا بتحدي : وإذا قلت لأ ..
ريماس تبتسم : ما راح تقدرين تتخلصين مني بسهولة ..
يارا اسكتت مدة .. بعدين راحت تشيل ملابسها المرمية على الأرض .. ريماس تراقبها .. يارا حزينة ومكسورة .. قربت منها ريماس ..
ريماس بحذر: طيب ممكن نعقد اتفاق ..
يارا تناظرها : اتفاق ..
ريماس : أي .. تعطيني فرصة حتى نتعرف على بعض .. وإذا ما اعجبتك .. راح اتركك ولا راح تشوفيني مرة ثانية ..
يارا تكلم نفسها : قصدك ما راح احس فيك ..
ريماس اسمعتها : هذا بيت القصيد .. كيف تقدرين تحسين فيني وانا ما اظهرت نفسي لك ..
يارا باستغراب : أنت كيف سمعتيني .. كنت اكلم نفسي ..
ريماس تاشر على اذنها : سمعي خارق ..
يارا باستغراب : كلكم ..
ريماس تهز راسها : لا بس ال hybrid
يارا تسأل : hybrid
ريماس تشرح : يعني تقدرين تقولين فينا من صفات من الذكر وصفات من الأنثى وعندنا مميزات ما هي موجودة عن باقي شعبنا .. مثل حدة الحواس .. والشعر الطويل .. ( تبتسم ) وامور أخرى .. وقدرات خارقة ..
يارا تفكر : اذا كان فيك صفات من الجنسين .. شلون راح تتزوجين ..
ريماس تقرب منها وتبتسم : hybrid ياخذون mate وعادة هم اناث ..
يارا ابعلت ريقها .. حاولت تغير الموضوع وقعدت تناظر شعر ريماس يلتف حول ساقها ..
يارا تناظر شعر ريماس : شعرك يتحرك لحاله ..
ريماس : أي اقدر أتحكم فيه ..
يارا : وما تقصينه ..
ريماس بسرعة : طبعاً لا ..
اسكتوا مدة .. ريماس : يعني ما عندك مانع نتعرف على بعض ..
يارا رافعة حاجبها : لو الأمر بيدي قلت لأ .. لكن إذا كنت عند وعدك .. ما عندي مانع ..
ريماس تبتسم : اوكي اتفقنا ..
يارا تناظرها بنص عين : ممكن الحين ألبس ملابسي ..
ريماس : تبغيني أختفي ..
يارا : لا .. أدري أنك راح تشوفيني .. لكن اعطيني ظهرك على ما ألبس .. ولا تلتفتين ..
ريماس تضحك وتلتفت : أمرك يا حلو ..
يارا تلبس ملابسها بسرعة .. وعيونها على ريماس .. ريماس واقفة ومكتفة يدينها ..
يارا : تقدرين تلفين الحين ..
التفتت ريماس على يارا .. كانت لابسة تريينغ سوت .. راحت يارا للتسريحة تعدل شعرها .. وريماس تراقبها ..
يارا تمشط شعرها : كلميني عن نفسك .. أنت جني .. ولا شنو ..
ريماس قعدت على السرير : لا ماني جني .. لكني مخلوق من عالم ثاني ..
ارفعت يارا شعرها وثبتته .. بعدين التفتت عليها : من وين جاية ..
ريماس : من الصحرا ..
يارا بدهشة : يعني أنت عايشة في الصحراء ..
ريماس تضحك : مو صحراكم .. عالمنا غير ..
يارا : كيف وصلت هنا ..
ريماس : قلت من قبل .. لنا قدرات خاصة .. نقدر نطير ونختفي .. واشياء كثيرة ..
يارا تحاول تسأل ريماس عن عالمها .. تحاول تلقى نقطة ضعفها علشان تقدر تتخلص منها .. وريماس افهمت لها .. لكنها اقعدت تجاوبها على كل اسئلتها برحابة صدر ..
يارا متفاجأة : وااو تقدرين تطيرين ..
ريماس تغمز لها : حابة تطيرين معي ..
يارا بخوف : لا لا .. أخاف احد يشوفني ..
ريماس تضحك : يعني أنت مو خايفة أنك تطيرين معي .. خايفة أحد يشوفك ..
يارا احمر وجهها واسكتت .. ريماس : تطمني ما راح يقدرون يشوفنك ..
يارا باستغراب : كيف ..
ريماس تشرح لها : راح أغطيك لا تخافين ..
يارا بتتكلم .. ريماس وقفت فجأة .. وحطت يدها على جبينها كأنها تسمع لأحد .. بعدين التفتت على يارا ..
ريماس تعتذر : انا لازم أروح الحين ..
يارا بحزن : راح ترجعين مرة ثانية .. ( يارا مو مصدقة اللي قالته ) ..
ريماس تغمز لها : sure.
يارا احمر وجهها .. اختفت ريماس بسرعة .. ناظرت يارا المكان اللي اختفت منه ريماس .. بقايا رمل .. " يعني كانت معي طول هالفترة " ..

اوصلت ريماس عالمها في اللحظة الأخيرة .. استنفذت كل طاقتها علشان ترجع بسرعة .. جفار كان في انتظارها .. قاعد على أعصابه .. أول ما شافها راح لها وانحنى ..
جفار بخوف : كنت خايف تتأخرين مولاتي ..
ريماس ترتب نفسها : وصلت على اللحظة الأخيرة ...
جفار : مولاتي .. ليه ما تاخذين حراس معك ..
ريماس تمشي وهو وراها : ما أبغى أشد الإنتباه لوين أنا رايحة ..
جفار : لكن في من حاول يتبعك ..
ريماس تبتسم : أدري .. وضيعتهم أكثر من مرة ..
جفار : لكن مولاتي .. الحذر واجب .. خاصة أن .. ( تردد )..
ريماس وقفت والتفتت عليه : خاصة ايش .. تكلم ..
جفار: ارسلان مولاتي ..
ريماس : وش فيه ..
جفار : يحاول يقلب البلاط عليك مولاتي ..
ريماس تهز أكتافها : وش الجديد .. ما هي أول مرة ..
جفار : لكن هالمرة .. يحاول يستغل كونك عزباء للحين .. وخوفه على استمرارية نسلكم ..
ريماس تضحك : استمرارية نسلنا .. وش دعوة هو ما وده يبدنا على الأخر ..
جفار : حبيت أخبرك مولاتي ..
ريماس تاشر له يتبعها : تعالي معي جفار .. كأن ولد زليخة يبغى من يذكره بحجمه ..
جفار يبتسم عارف وش ناوية عليه ..
.
.

جججججججججناان
بأنتظظار البارت الرابعع

البااااارت وااايد حلو تسلمين بعد روحي انتي وننطر التكمله ع نار

البارت رائع جدا

يارا بتحب ريماس وبتصير مغامرات جميله بين ها الثنائي

اما ارسلان وامه زليخه بيسوون مشاكل كبيره

البارت مشوق والروايه رائعه

استمري في انتظارك يا جميله

BESHO ♥ كتب:: جججججججججناان
بأنتظظار البارت الرابعع

مدى. كتب:: البارت رائع جدا

يارا بتحب ريماس وبتصير مغامرات جميله بين ها الثنائي

اما ارسلان وامه زليخه بيسوون مشاكل كبيره

البارت مشوق والروايه رائعه

استمري في انتظارك يا جميله

بويه سامي كتب:

BESHO ? كتب:: جججججججججناان
بأنتظظار البارت الرابعع

عدد الرسائل : 3866 تاريخ التسجيل : 21/08/2012

مدى. كتب:: البارت رائع جدا

يارا بتحب ريماس وبتصير مغامرات جميله بين ها الثنائي

اما ارسلان وامه زليخه بيسوون مشاكل كبيره

البارت مشوق والروايه رائعه

استمري في انتظارك يا جميله

+1

عجيييييييييييييييييييييييييبه

يعطييييييك العافيييييه حياتي

اتوقع ديما بتتقرب من ريماس و من عالمها

كممممملي حياتي انا في انتظااااااااارك

قلبي متى راح تنزلي بارتي

بصرآآآآآآحه روايتك أبدآآآآآآآآآع

مرررررررررررررره. عجبتني كملي. فديتك

بليززززز نزلي البارت

تتقبلي ودي واحترامي

موضوع: هلا الجمعة أكتوبر 12, 2012 6:09 am

يسلمو عالابداع
Very Happy

ننتظرك

رووايتك روووعه
والخيال فيه ماينوصف ابدااع لا حدود
استمررري
وبنتظار التكمله
.............

روايتك أبدآآآآآآآآآع

مررررررررررررررهـ عجبتني^^

قققلبيييييييييييي طووولتييييي ووينش

تتتراكي طوولتي واجد

Waitting for the next part
Thanks for the amazing part
flower

حناني كتب:: بصرآآآآآآحه روايتك أبدآآآآآآآآآع

مرررررررررررررره. عجبتني كملي. فديتك

بليززززز نزلي البارت

تتقبلي ودي واحترامي

الروايه مرررررررررا ابدااع cheers

فينك تراك طولتي حييييييييل Sad

بويه سامي كتب:: تتتراكي طوولتي واجد

Queen B كتب:: Waitting for the next part
Thanks for the amazing part

عدد الرسائل : 40 تاريخ التسجيل : 05/09/2012

......

عدد الرسائل : 245 تاريخ التسجيل : 14/07/2012

... الفصل الرابع ...

كانت سيرينا قاعدة في احد شرفات القصر الكبيرة .. حواليها حديقة صغيرة .. تشرب مشروب ساخن .. معها بعض نساء البلاط .. ووصيفاتها .. ادخلت مارينا تدور خالتها .. راحت لها .. انحنت .. اشرت لها سيرينا تقرب .. اقعدت جنبها .. خبرتها برد ريماس ..
مارينا بحزن : يعني رفضت ..
سيرينا تحط الكوب : كنت متوقعه جوابها ..
مارينا : لكني أحبها .. كل ما أتقرب منها تصدني ..
سيرينا : ما راح تقبل فيك لأنك بنت اختي ..
مارينا : إلى الدرجة تكرهك ..
سيرينا تهز راسها : تكرهنا كلنا .. لا تنسين ان عشيرتنا عارضت انها تكون وليه عهد مولاي الملك ..
مارينا : أدري .. كنت تبغين ولدك هو اللي يكون ولي العهد ..
سيرينا : أي .. ستيبان اكبر منها ..
مارينا : لكنها hybrid .. هذا لحاله يكفي .. من أول ما اكتشف مولاي أنها hybrid .. أعلن انها ولية عهده .. على الرغم من أن ستيبان أكبر منها بسبع سنوات ..
سيرينا تبتسم بحزن : حتى لما تحداها ستيبان .. حاولت ما تغلبه بسرعة .. اطالت مدة القتال .. حتى ما تبين ضعفه قدام الشعب كله ..
مارينا : أول مرة أسمعك تمدحينها ..
سيرينا : لأنها ما اقتلته .. حاولت تبين أنهم متكافئين .. مع أنها تقدر تهزمه بثانية .. وترجت مولاي أنه ما ينفيه .. وهذا دين أدينه لها طول عمري ..
احدى الخادمات صبت لمارينا كوب من مشروبهم الساخن .. وناولتها إياه ..
مارينا تاخذ الكوب : لكنها تكرهنا ..
سيرينا : أكيد .. لا تنسين أننا حاولنا نبعدها عن ولاية العهد أكثر من مرة .. إلى أن كبر ستيبان .. وتحداها بحجة انه الأكبر والأجدر ..
مارينا : لكني أحبها .. ما لي علاقة بعداوتكم ..
سيرينا : يعني وش تبغيني أسوي .. أجبرها تحبك .. خليت مولاي يكلمها .. ورفضت ..
مارينا اسكتت ونزلت راسها بحزن .. سيرينا امسكت يدها ..
سيرينا بحنان : لا تزعلين .. يمكن في امل .. لأنها إلى الآن ما أخذت لها .. mate

مرت ساعات ويارا في مرسمها .. ما انتبهت أن السماء مغيمة .. إلا لما اسمعت صوت قطرات المطر على زجاج النافذة .. التفتت على النافذة .. قربت منها وصارت تناظر الشارع .. كيف المطر يغسل كل شي معه.. الشجر .. الشوراع ..والناس تحت يركضون إلى داخل بيوتهم ..
ارجعت إلى لوحتها .. كانت راسمة ريماس بشعرها الطويل .. " كائن غريب .. لكن عيونها جذابة .. أحس لونها يتغير .. ولا يمكن يتراوى لي .. وش فيني .. توها رايحة .. واشتقت لها .. لا لا .. أنا أبغى أتخلص منها بأي طريقة ".. ارفعت يارا يدها على اللوحة .. تمرر اصابعها على وجه ريماس اللي ارسمته لا شعوريا ..

ارسلان قاعد في الحانة مع مجموعة من الرجال .. يسولفون ويضحكون .. وفي مجموعة ثانية يلعبون في احجار .. وشكلهم يتهاوشون .. احتد النقاش إلى أن بدوا يضربون بعض .. وصاروا يكسرون الطاولات والكاسات .. حاولوا يفكونهم عن بعض .. ما أحد قادر .. وصل الإزعاج للمكان اللي قاعد فيه ارسلان .. تأفف من الإزعاج وقام يشوف وش صاير ..
قرب منهم .. وصرخ فيهم يوقفون .. ما أحد اهتم فيه .. أحد المتخاصمين ضربه على وجه .. طاح ارسلان على ظهره .. ساعده عفار يقوم .. الحانة مقلوبة فوق وتحت .. على ضرب وهواش وصراخ وضحك على ارسلان ..
ادخلت ريماس مع مرافقتها الحانه .. انتبه لها صاحب الحانة وراح لها .. قربت ريماس من الهوشة .. وبصوت عالي ملئ بالسلطوية ..
ريماس بصوت عالي : enough
الكل سكت والتفت على الباب .. تقدمت ريماس خطوة خطوة .. وهي تناظر في عيونهم .. انحنوا لها .. ريماس تناظرهم وتكلم صاحب الحانه ..
ريماس : وش اللي صاير .. ليه هالفوضى ..
صاحب الحانه : مولاتي .. في اثنين اختلفوا في لعبه الحجر .. ( يأشر عليهم ) ..
قربوا منها بخوف .. اركعوا على أرجلكم ..
ريماس بنبرة : وش سبب خلافكم ..
رجل 1 : دميترس حاول يخدعني .. مولاتي ..
دميترس يدافع : مولاتي .. هو ما يعرف يلعب ..وإذا أحد اغلبه يتهاوش معه ..
رجل 1 بحدة : لكنه سرق أحد الأحجار وحطها في ملابسه ..
ريماس تلتفت على دميترس .. دميترس يفتح ذراعيه : أنا ما أخذت شي مولاتي .. وتقدرون تفتشوني ..
ريماس أشرت لأحد مرافقيها يفتشونه .. وما لقوا شي .. التفتت على الرجال اللي متهمه ..
رجل 1 : صدقيني يا مولاتي .. ما في اللي هو ..
دميترس يعدل نفسه : تجيك التهايم وأنت نايم .. مولاتي أنا أطالب بحقي من هالشخص .. اتهمني أني سرقت الحجر .. وأنا ما سرقته ..
ريماس تناظره رافعة حاجبها .. قربت منه .. دميترس خاف .. ريماس القت عليه spell .. ودخلت يدها في جيبه .. وطلعتها مع الحجر .. الكل تفاجئ ..
دميترس يرقع لنفسه : مولاتي .. كنت أمزح معه ..
ريماس امسكته من قميصه : كنت تمزح معه .. كل هالفوضى .. وكنت تمزح معه ..
دميترس يبتسم : أبدا كنت أطري الجو ..
ريماس بحدة : تمزح معي حضرتك ..
دميترس يعتذر : العفو مولاتي ..
ريماس رمته على الأرض .. جاء أحد الحراس وأخذه .. التفتت ريماس على صاحب الحانة .. واشرت له يقرب .. قرب منها وانحنى ..
صاحب الحانة : امرك مولاتي ..
ريماس تحذره : ما أبغى اللي صار يتكرر مرة ثانية .. مسؤوليتك أنك تحل المشاكل اللي تصير قبل ما تكبر ..
صاحب الحانه يبلع ريقه : أمرك مولاتي ..
اتركته ريماس واطلعت .. وراها مرافقتها والجنود .. طلع ارسلان من جيبه منديل يمسح الدم اللي نزل من فمه .. كان يناظرها بشزر .. " اقدرت توقفهم بكلمة وحدة .. وأنا الغبي " .. مسك يده عفار .. سحبها ارسلان بسرعة .. وقعد يرتب ملابسه .. ويعدل نفسه ..
ارسلان بحدة : أقدر أمشي لحالي ..

كان جهار واقف أمام النافذة .. وفي يده كاس .. يناظر المدينة اللي حوله .. سفان واقف وراه .. ينتظر رده على اللي اسمعه ..
جهار بدون ما يلتفت عليه : هذا كلام قديم .. ريماس صار لها سنين بدون mate ..
سفان : مولاي .. لا تنسى محاولات الإغتيال اللي تعرضت لها الأميرة ريماس .. في السنوات الأخيرة..
جهار : شي طبيعي .. حنا في حاله حرب مع العشاير المجاورة لنا ..
سفان : صحيح مولاي .. لكن بما أن الأميرة ما اتخذت لها mate إلى الآن .. وما أنجبت لها أولاد .. فهذا يعرض السلالة ..
جهار التفت عليه وقاطعه بحدة : ماني بحاجة لأحد يذكرني بمصلحة بيتي ..
سفان يعتذر : العفو منك مولاي ..
جهار : بدل ما تشغل نفسك بزواج ريماس .. ركز اهتمامك على جبل خيدان ..
سفان يبلع ريقه .. راح جهار لمكتبه وقعد على الكرسي والكاس للحين في يده .. سفان اتبعه .. لكنه ظل واقف مكانه ..
جهار :تظن أن ما أدري عن تردي الأوضاع هناك .. والكائنات اللي تُغير على القرى المجاورة..
سفان : أرسلت كتيبة من الجنود يستطلعون الموضوع .. مولاي وننتظر منهم الرد ..
جهار رمى الكاس على الأرض بعصبية : نص أفراد الكتيبة قتلوا والباقي يا جريح يا مجنون من الأهوال اللي شافوها .. وأنت تنتظر الرد ..
سفان بخوف : مولاي .. أنا أبذل قصارى جهدي لحل الموضوع ..
جهار بسخرية : أنت لو تدفع عمرك كله ما قدرت تحله .. ( بأمر ) روح واستقبل الجنود اللي راجعين .. وخل قائد الكتيبة يجي مكتبي أول ما يوصل ..
انحنى سفان .. وطلع بسرعة .. وهو رايح لمكتبه " كيف عرف بأمر الكتيبة .. كنت أظن أقدر أحل الموضوع بنفسي .. وبكذا أكسب لنفسي صيت .. لكن طلع الموضوع أكبر مما توقعت " ..
دخل سفان مكتبه .. لقى صيب ينتظره .. قعد سفان على الكنبة .. باين عليه التعب والإرهاق .. موضوع جبل خيدان كل ما له ويكبر .. وللحين ما عندهم معلومات كافية عن الكائنات اللي تغير عليهم ..
سفان: خير وش عندك ..
صيب : سيدي .. عندي لك خبر عن الأميرة ..
سفان : رجعت ..
صيب : نعم سيدي .. وكانت في الحانة قبل قليل ..
سفان : أي حانه فيهم ..
صيب : حانه باترن ..
سفان : طيب وين المشكلة ..
صيب قص على سفان بكل الأحداث اللي صار اليوم في الحانه ..
سفان : الأميرة قوية وشجاعة .. هذا ما أحد ينكره ..
صيب : لكن ..
سفان : لكنها تكرهني .. مهما حاولت أقرب منها واكسب رضاها .. أعرف أن بعد مولاي الملك .. ممكن تقيليني من منصبي أو حتى تقتلني ..
صيب : هي ما تحب طريقتك في إدارة المملكة ..
سفان : ولا انا أحب طريقتها في إدارة الأمور ..
صيب : انا أشوفها ملتزمة بواجباتها وقايمة بها على أكمل وجه .. والكل ملاحظ .. يكفي أنها قدرت تنهي عداوة مئات السنين مع عشيرة شيبان .. في خلال 3 شهور من المحادثات الدبلوماسية ..
سفان يصب له مشروب : وهذا اللي مخوفني .. نفوذها .. كل يوم يكبر عن اليوم اللي قبله .. وكلمتها مسموعه عند الكل .. أخ لو ما كانت hybrid ..
صيب : يعني وش راح يصير ..
سفان : راح يكون استيبان هو ولي العهد .. ومثل ما انت عارف .. استيبان سهل التحكم فيه .. غير ريماس .. كان ودي لو اقتلته ذاك اليوم ..
صيب : ليه .. كنت أظنك تحب استيبان ..
سفان : أنا احب مصلحتي .. ولو أنها اقتلته كان ظمنا تكون عشيرة امه في صفنا .. لكنهم بعد اللي سوته لاستيبان .. غيروا معاملتهم معها 180 درجة .. صاروا يتقربون منها ..
صيب : يعني هي اللي مهتمة فيهم .. هي ما تطيقهم ..
سفان : لا تفرح كثير .. هم يحاولون يخلون بنتهم mate لها ..
صيب: اللي أعرفه أنها رفضت ..
سفان يهز راسه : حتى لو رفضت الحين .. إلا ما يجي يوم وتقبل ..
اسكتوا مدة .. بعدين سفان التفت على صيب ..
سفان : عرفت وين المكان اللي تروح له في عالم الإنس ..
صيب يهز راسه : مع الأسف لأ .. حاطة spell لحماية المكان .. وكل ما قربنا منه .. نرمى في مكان بعيد ..
سفان يشرب وهو يبتسم : أكيد تحب شخص اللي عاملة كل هالإحتياطات علشان تحميه ..
صيب : تبغيني أتابع الموضوع ..
سفان : لا .. اليوم الخبر بفلوس .. بكرة يصير بلاش .. إلا ما نعرف ..

زليخة بخوف : وش صار لك .. ( بغضب ) من اللي ضاربك .. من اللي يتجرأ ويضربك ..
ارسلان يقعد على الكنبة : ما احد ضربني ..
زليخة تاشرعلى وجهه : واللي في وجهك وش هو .. زينة ..
ارسلان يتحسس عينه : صارت هوشة في الحانه .. وحاولت أفكهم ما قدرت .. وجاء بوقس على وجهي ..
زليخة تنادي أحد الخدم يجيب ضمادات ومعقم .. علشان تعقم جرح ولدها .. اقعدت جنبه تعقم جرحه ..
زليخة : وانت وش يخصك تفكهم ..
ارسلان يتألم : أه .. كنت أحاول أثبت وجودي .. وأفرض احترامي عليهم ..
زليخة : وش استفدت الحين .. فرضت احترامك ..
ارسلان بحسرة : إلا خليتهم يضحكون علي ..
زليخة حست بألم ولدها .. مو من الجرح .. من الإهانه اللي تعرض لها ..
زليخة : طيب .. كملي لي .. وش صار بعدين ..
ارسلان : جات ريماس وبكلمة منها .. الكل سكت ووقف مكانه ..
زليخة تعض اسنانها : وهذه متى رجعت ..
ارسلان : ما أدري .. لكنها قدرت توقفهم بكلمة .. والكل خاف منها ..
زليخة : أكيد استعملت عليهم حيلها ..
ارسلان يهز راسه : أبدا .. بكلمة منها وقفوا حتى لما ناظرتهم .. صاروا يرجفون من الخوف ..
زليخة افهمت سبب عصبية ولدها : وهذا اللي مزعلك ..
ارسلان بحدة : طبعاً .. وش اللي عندها مو عندي .. الكل يهابها ويحسب لها ألف حساب ..
زليخة : لأنها الأميرة .. ووليه العهد .. أكيد بيخافون منها ..
ارسلان قابض يده : الملك لي .. وما راح أخليها تتهنى فيه ..

دميترس يشرح لإرينا المقلب اللي سووه لارسلان .. وشلون اضربه .. ارينا ميتة من الضحك .. ريماس تصب لها مشروب .. و بالها مشغول ..
ارينا تضحك : أتخيل شكله وهو نافش ريشه ..
دميترس يشرح لها : كنت أنتظره يقرب .. وأعطيه بوقس .. في حياته ما راح ينساه ..
ارينا التفتت على ريماس : princess وين رحت ..
انتبهت لها ريماس : معكم ..
ارينا تبتسم بخبث : وين معنا .. بالك مع اللي بالي بالك ..
ريماس تبتسم : اشتقت لها ..
ارينا باستغراب : already
دخل عليهم جفار .. وفي يده مكتوب .. انحنى وسلمه لريماس .. اخذته منه ريماس وقعدت تقرا.. تغيرت تعابير وجهها ..
ارينا باهتمام : خير وش فيه ..
ريماس : الكتيبة اللي ارسلها سفان لجبل خيدان .. انهزمت وانقتل نص الجنود .. والباقي بين جريح ومجنون من الأهوال اللي شافوها ..
جفار : حتى مولاي معصب من برودة سفان .. حاول يخبي الهزيمة عن مولاي ..
ريماس تبتسم : كان يظن انه يقدر يغلبهم بالقوة .. حنا حتى ما نعرف عنهم غير انهم أقوياء وسريعين ..
جفار فهم لها : مولاتي ..
ريماس تلتفت على دميترس : عندي مهمه جديدة لك ..
وقف دميترس وانحنى : أمرك مولاتي ..
ريماس : أبغاك تاخذ مجموعة صغيرة من أشجع فرسانا وامهرهم .. وتروح للجبل تستطلعون الأخبار ..
دميترس : متى تبغينا نطلع مولاتي ..
ريماس : في أقرب فرصة ..
دميترس : امرك مولاتي .. ( انحنى لها واختفى )..
ريماس تكلم جفار: خلك متابع سفان .. أكيد بيجيب لنا مصيبة .. أبغى أكون على اطلاع بكل خطوة يعملها ..
جفار : أمرك مولاتي .. ( اختفى )
ارينا تناظر ريماس .. مقضبة جبينها .. التفتت عليها ريماس ..
ريماس تهز اكتافها : وش فيك ..
ارينا بحزن : يعني ما لقيت إلا دميترس ..
ريماس تبتسم : لأني ما أثق إلا فيه .. وبعدين لا تخافين عليه .. سحليه يقدر يتلون بالف لون وشكل ..
ارينا : اوه ريماس .. ما أرضى عليه ..
اضحكت ريماس بصوت عالي : كنت أظن اللي بينكم اعجاب .. ما دريت أن الموضوع اكبر..
ارينا احمر وجهها : دميترس غير .. اذكر اول مرة شفته فيها .. ما استغرب ( ارفعت يدها تلمس جانب وجهها ) ان ما عندي علامة مثل الباقي ..
وقعدت تمدح فيه .. وريماس حاطة راسها تحت يدها .. تناظرها وتبتسم .. ولسان حالها يقول حنا الثنتين عاشقات .. اه يارا .. لو بيدي رحت لك الحين ..

( دميترس أحد رجال ريماس .. جسمه رشيق لكنه مو عريض .. طوله معتدل .. شعره كستنائي . قصير .. مغامر ومحتال درجة أولى .. ريماس تعتمد عليه في المواقف اللي تحتاج مكر .. والظاهر أنه مايل لإرينا ) ..

نورة : وش فيك .. صار لك كم يوم منفسه ..
يارا تاشر بيدها : ما فيني شي ..
نورة : شلون ما فيك شي .. مساع بهدلت دعاء بدون سبب ..
يارا : تستاهل اللي يجيها .. لا تقعد تستهبل ..
نورة : وهي وش قالت .. هذا جزاها يعني .. شافتك متضايقة وحبت تطلعك من المود اللي انت فيه ..
يارا تلتفت عليها : وش فيه مودي ..
نورة : أبدا .. رايقه أخر روقان ..
يارا : أوف .. نورة ماني ناقصتك .. بروحي اللي فيني كافيني ..
اسكتوا مدة .. نورة تناظر ليارا باهتمام .. " صار لها أكثر من اسبوع متغيرة .. عصبيتها زايدة وسرحانها الدايم "..
نورة بهدوء : يارا .. أنت للحين تحسين أن في أحد معك في الغرفة ..
يارا التفتت عليها : لا تناظريني كأني مجنونة ..
نورة : ما قلت شي .. لكني خايفة عليك .. وأحاتيك ..
يارا بتتكلم .. لكن رن جوالها .. السايق ينتظرها برا .. سلمت على نورة .. واطلعت ..
ارجعت يارا من الجامعة .. وراحت غرفتها بسرعة .. رانيا تطالعها باستغراب .. جات جدتهم ..
الجدة باهتمام : ما جات معك يارا ..
رانيا تاشر على الدرج : بلى .. وراحت غرفتها ..
الجدة : ما أدري وش فيها هالبنت .. كله قاعدة في غرفتها ..
رانيا بسخرية : يمكن جنت ..
خزتها الجدة .. احمر وجهها رانيا : مو هي تقول أن في أحد معها في الغرفة ..
الجدة بحدة : قالت أنها تحس ..
رانيا تتهرب : ما أدري عنها .. أنا بروح غرفتي ..
الجدة " ما أدري وش صار لها .. لها اسبوعين ما تطلع من غرفتها " ..
ادخلت يارا الغرفة .. " يا رب تكون هنا " .. صارت تلف الغرفة .. وتناظر الأرضيه تشوف إذا في أثار رمل .. ما لقت .. رمت نفسها على السرير .. شوي وتصيح .. " كنت أبغاها تختفي وتروح .. والحين أبغاها ترجع .. صار لها أسبوعين ما جات "..
ارفعت يدها يارا تمسح دموعها .. ريماس ساندة كتفها على الجدار .. اظهرت نفسها ليارا ..
ريماس تبتسم : أفهم ليه كل ما أشوفك .. ألقاك حزينة وتبكين ..
يارا ارفعت راسها .. شافت ريماس .. مو مصدقة .. راحت لها تركض وضمتها بقوة .. ريماس تضمها مستغربة منها .. يارا ارفعت راسها تناظر ريماس .. ريماس تبتسم لها .. وتمسح دموعها بابهام يدها ..
ريماس : اشتقت لي ..
يارا ترفع راسها : كثير ..
ريماس تغمز لها : يعني لو بستك .. ما راح تزعلين ..
بعدت عنها يارا بسرعة.. يارا رافعه حاجبها : مو إلى هالدرجة ..
ريماس تضحك : شكلي راح أتعب معك كثير..
يارا تبتسم وبصوت هادي : I'm worth it babe
راحت ريماس لعندها بسرعة .. يارا تعودت عليها ..
ريماس تهمس في اذنها : I know
.
.

روعه

بانتظارك

~

ابدااااااااااااااااااااااااااااااااااااااااااااااع

اتوقع احد يسسمع يارا وهي تتكلم مع ريماس و يتعقدوون انها مجنوونه او فيها شي

انا في انتظااااااااااااااااااااااارك

» رواية ** فقدتك يا أعز الناس ** رواية واقعية جريئة بقلمي...shoudi
» رواية {+ تـــشرفــــنـــــا +} // رواية ؤااقعية جريئة )) بويات ' شباب .... بقلمي shoudi اكتملت
» الكاتبة سفنقح رواية بويات 2017 تعود ( رواية لاتجرحين)
» رواية حياتي من دونك عذاب رواية جريئه عن حب البنات كويتيه
» رواية ليــــت ربــــــــي مــــــــــــــــــــــــــــا خلقني بأحاسيسي ...(رواية بويات جريئة)