صفقة مع الشيطان ..

موضوع: احلى شي الإثنين ديسمبر 24, 2012 3:28 pm

ابدأع
اسرتينا برواياتك
حبيتها حيل ومتشوقة جدا للاحداث

آلغند.. كتب:

يمقن لعيون ستفني كتب:: واااااااااااااااااااااااااااااااااااااااااااااااااااااااااو ابداااااااااااااااااااااااااااااااع

تسسسسلم يدينك حياتي على الباااااارت

يعطييييييك الف عافييييييييه

داليا اتوقع بتشوف السي دي او تحططه في مكتب سلمى لمن تعرف انه السي دي فيه شي يخص جود

علياء و نجلاء حقيرااااات ياويلهم ان طاحواا في يدين السسلم

نعيمه شنو تبي من سلمى و لييه طلبت تكلمها ..؟؟

في انتظاااااااااااااااااااااااااااااااااااااااااااااااارك على ناااااااااااااار

صرآآحــــــةة أحس بتسير ممصيبة من ورآ دآليـآ هآلخره هذي .. بس االله يستر .. شككراً على هالبارت العججيب والمليئ بالآحداث .. ننتظرك قلبي

حبيبتي متى تنزلين الروايه

....! كتب:

BdoOn Asm كتب:: Waiting

بآنتظــــآرگ

رواية روعة . . يعطيكي العافية (:

غريبةة النآس كتب:: صرآآحــــــةة أحس بتسير ممصيبة من ورآ دآليـآ هآلخره هذي .. بس االله يستر .. شككراً على هالبارت العججيب والمليئ بالآحداث .. ننتظرك قلبي

أتوقع إن داليا راح تكون سبب معرفة السلم بالي صار مع جود
يمكن إحساس نجلاء بالندم يخليها تسوي شي لصالح جود
وأتوقع إن نعيمه عندها شي يخص والدة أو والد السلم
وتبي تعتذر منها بنفس الوقت
ومرات يجيني إحساس إنها راح تموت وتبي تنهي الخلاف
بينها وبين السلم(سوي نفسگ ما قريتي هالجزء من التوقع )
إبداعگ ماله حدود والأجمل إنگ ماتنهين البارت إلا
وفي بال متابعگ أكثر من توقع وتساؤل لأحداث البارت الجاي
إستمري بإبداعگ وتميزگ الدائمين
بإنتظارگ وتحياتي لگ

يسلمووو حبي ع الطرح المميز ننتظر ابداعاتك يالغلا

ودي لگ?. :-)

:-)

عدد الرسائل : 228 تاريخ التسجيل : 19/03/2012

البارت شي حماسي وجميل
اتوقع السلم يعرف قبل م يسافر
واتمنى يكون لنجلاء شي حلو تسويه لصالح جود قبل م تنقلع
حبيت سمر جدا
م ننحرم من هيك إبداع ي عسسل

يسلموووو ايدينك قلبي يلا كملي ياقمر مرا متحمسين

نبي بارت ..بليزز..

بصراحه البارات مررررره يجننن
اسف اني ما علقت من أول بس عندي اختبارات وهم
المهم يا إﻻ انتظرك ابداعك بفارغ الصبر

:
:
:
صباحك راحه
:
:
من زمان يمكن من بداياتي هنا وبدايه الرواية وانا انتظرها تكتمل
:
:

:
:
:
قرأت لك روايه سابقاً
واعجبتني طريقتك في الكتابه
ومتشوقه لهذه
:
:
:
كوني بخير

:

بصرآآحهه

حبيييييييييييييييت نجلاآءء - مدددري ليهًه ؟

يمكَن لأنهآ حبت جوود وبدت تبكي .. حرآآم

وسلمى بعُد شخصيتهآ خققققهه

..... آنتظركً صفقة مع الشيطان .. - صفحة 19 4

حيييييييل تاخرتي علينا .. Sad

alkontesa كتب:: حيييييييل تاخرتي علينا ..

عدد الرسائل : 33378 تاريخ التسجيل : 24/04/2011

alkontesa كتب:: حيييييييل تاخرتي علينا ..

عدد الرسائل : 245 تاريخ التسجيل : 14/07/2012

... الفصل التاسع عشر ...

صالح : راح تجي الشحنة الجديدة عن طريق البحر .. وراح يستلمها أحد رجالنا من البحر.. وتتوزع حسب ما اتفقنا مع الموزعين ..
نجلاء بيدها اسوارة جود وعينها عليها .. وتهز راسها .. ما هي معاه .. صالح انتبه أن نجلاء مو معاه ..
صالح : طال عمرك .. في شيء مو عاجبك في العملية .. نغيره فوراً ..
ارفعت نجلاء راسها : لا .. خليها مثل ما خططنا لها .. ولا تنسى تبخ صاحبنا من خفر السواحل..
صالح يهز راسه : تم طال عمرك ..
افتحت نجلاء الدرج .. وطلعت ظرف بني صغير الحجم .. واعطته لصالح ..
نجلاء : تعطي هذا للمدرسة ..
صالح يأخذ الظرف : ان شاء الله طال عمرك ..
نجلاء تفتح الاب : ما صار شيء جديد بخصوص المدرسة ..
صالح يقوم : لا طال عمرك .. بعد ما تدخلنا ودفعنا مبلغ ضخم للمدرسة .. ما أحد صار يضايقه..
نجلاء عينها على الاب : ممتاز .. يعطيك العافية ..
هز صالح راسه .. واستأذنها وطلع .. افتحت نجلاء ملف الفيديو .. افتحت مقطع الفيديو اللي صورته لجود .. ووقفت الصورة على وجه جود .. مررت نجلاء أصابعها على وجه جود بالشاشة .. " آه .. شكلي والله حبيت .. يا ليت اللي في بالي يصير .. وتحبيني جود .. وربي لأدللك وأحطك على راسي .. بس ترضين علي "..

طلعت نجلاء علبة السجاير .. وأخذت لها سيجارة وولعتها .. لفت الكرسي عن الشاشة .. وصارت تناظر النافذة المقابلة لها .. " لو تصدق علياء .. وتترك جود سلمى .. يمكن يكون لي فرصة معها .. أكيد راح تصدني .. لكني قابلة باللي يجي منها .. حتى لو تذبحني .. بس تكون لي.. أحبك .. وربي أحبك "..
طق الباب وادخلت الخادمة .. نجلاء تزفر الدخان .. والتفتت تسكر الاب ..
نجلاء : what is it
الخادمة : mama wadha is waiting for you
نجلاء ببرود : ok, I'm coming now

اطلعت الخادمة .. وكملت نجلاء سيجارتها .. " أوف .. وش تبي هذ بعد .. ما تفهم أني ما أبغى أشوفهم .. أجل قاعدة في المزرعة ليه .. أوف "..
وقفت نجلاء وطفت سيجارتها .. أخذت جوالها واطلعت من غرفة المكتب .. راحت ناحية الصالة.. لقت الخادمة تقدم القهوة لوضحى .. قربت منها نجلاء .. ورمت نفسها على الكنب .. اللي جنب وضحى ..
نجلاء ببرود : خير وش بغيتي ..
وضحى تحط القهوة على الطاولة : أنتي ما تستحين .. حتى سلام ما سلمتي ..
التفتت عليها نجلاء : سلام ..
وضحى عصبت لكنها ماسكة أعصابها : أظن في طريقة أرقى من هذه تكلمين فيها أمك ..
نجلاء تضحك بسخرية : والله مصدقة نفسك ..
وضحى بحدة : نجلاء احترمي نفسك .. وتكلمي معي باحترام ..
نجلاء : أتكلم بالطريقة اللي تعجبني .. رضيتي ولا بكيفك ..
وضحى قامت : الشرهة موب عليك .. علي أنا اللي جيت أسأل عنك ..
نجلاء : صدقت أنك جاية تسألين عني ..
التفتت عليها وضحى رافعة حاجبها : وليه ما تصدقين بالله ..
قامت نجلاء وأشرت على امها وعليها : ما في الا حنا الثنتين .. ما له داعي تمثلين ..
وضحى بحدة : يعني إذا جيت وسألت عن بنتي اللي غايبة صار لها ثلاث سنين .. وأول ما رجعت ما كلفت نفسها تجي وتسلم علي ..
نجلاء تدلك جبينها : وضحى .. ما له داعي الدراما اللي تسوينها لي كل ما احتجتِ مني شيء ..
وضحى بنبرة : أنتِ ما تستحين تناديني باسمي ..
نجلاء : لا ما أستحي .. وبعدين خلصينا قولي اللي عندك .. ماني فاضية لك ..
وضحى بسخرية : أكيد مو فاضيه .. لاهية مع صديقاتك .. ( بتأكيد ) ..
نجلاء تبتسم : الحال من بعضه ..
وضحى رافعة حاجبها : وش قصدك ..
نجلاء ترفع أكتافها : اللي على راسه بطحة يحسس عليها ..
وضحى بترد .. لكنها ناظرت عيون نجلاء .. واعرفت أنها بتخسر النقاش .. " ما راح تسامحني أبداً .. ولا راح تنسى ".. بعدت وضحى عن نجلاء .. واقعدت على الكرسي بعيد عن الكنبة .. نجلاء قعدت على الكنبة .. أخذت وضحى نفس عميق .. وارفعت راسها تناظر نجلاء .. متغيرة ما هي الأولية .. صاير لها شيء أكيد .. يمكن يكون ... بس لا لأ .. كنت دريت أول وحدة ..
نجلاء بدون صبر : وش بغيتِ ..
وضحى بتردد : سامي ..
نجلاء : وش فيه ..
وضحى : بحاجة مبلغ علشان يكمل مشروعه ..
نجلاء : وأنا وش دخلني ..
وضحى : أبغاك تساعدينه ..
نجلاء بسخرية : وش قالوا لك .. البنك المركزي ..
وضحى : لكنه أخوك وفي حاجة ..
نجلاء : ما شاء الله أخوي وفي حاجة .. ولدك كان نصيبه ضعف نصيبي .. وضيعه في مشاريع لا لها أول من أخر .. وجاي الحين يبغي مني أسلفه ..
وضحى : أحسن من يروح عند غريب ..
نجلاء : لا .. يروح عند الغريب أحسن له ..
وضحى : بس أنت ...
قاطعتها نجلاء : لا بس ولا غيره .. انا طلعت من الفيلا .. وخليت لكم الجمل بما حمل .. فلا تجوني الحين .. تبغون مني أصلح اللي خربتوه ..
وضحى : وحنا وش سوينا ..
نجلاء : ولدك المحترم في خلال سنتين .. دمر شركة عملاقة لها عقود ماشية بأفضل مستوى .. واحمد ربي أني اخذت نصيبي وبعته .. وإلا كان الله أعلم وش صار لي الحين ..
وضحى تأشر عليها : وش دعوة كل اللي عندك من تجارتك النظيفة ..
نجلاء تضحك : ودامك عارفة .. جايه تطلبين مني فلوس ليه ..
وضحى : سامي ما يبغى أحد يعرف انه متضايق ماليا .. وقلت بما أنك اخته أكيد بتساعدينه ..
نجلاء بسخريه : تعجبني فيك ثقتك العالية بنفسك ..
وضحى بحدة : نجلاء ..
نجلاء : يعني اذا جيتي عندي وطلبتِ مني أساعده .. فكرك بأساعده ..
وضحى : مهما صار تظلون أخوان ..
نجلاء : لا صدقت .. حنا اخوان صح .. بدليل أنه تهرب لما صارت لي القضية ..
وضحى رافعة حاجبها : قضية مخدرات .. ما هي هينة ..
نجلاء تأشر على نفسها : وكاني قدامك طلعت منها .. بدون ما احتاج مساعدته .. والفلوس اللي تبيني أعطيها اياه .. من المخدرات اللي أنتي مستقرفة منها ..
وضحى ترقع : لا تلومين أخوك .. كانت فضيحة واللي صار ... ( اسكتت وضحى فجأة وهي تناظر نجلاء .. وجهها تغير فجأة .. ونظرات عيونها جامدة ) ..
نجلاء بجمود ورافعة حاجبها : ما راح تكون أول مرة ..
وضحى اخنقتها العبرة .. قامت والبست عباتها بتطلع .. وهي على الباب .. نادتها نجلاء ..
نجلاء : خبري مدللك .. أني راح أعطيه المبلغ .. لكن بشروطي ..
التفتت وضحى على نجلاء .. لكنها ما شافتها .. كانت نجلاء تصعد الدرج .. وقفت وضحى تراقبها الى أن اختفت عن نظرها .. اطلعت وضحى وركبت السيارة ..

وهي في السيارة تناظر النافذة .. وتحاول تخفي دموعها .. " حتى لو مثلتِ قدام الكل أنك ما تهتمين .. أدري أنه يهمك أمرنا سواء بخير أو شر .. أنا السبب في اللي صرتيه الحين .. وما ألومك لو كرهتيني .. ما وقفت معك وقتها .. وخليتك لحالك تشيلين ذنب مو ذنبك .. أنا اللي كسرتك نجلاء .. وأنا وحدي اللي أتحمل النتائج .. لو بيدي رجعت الزمن لورى .. وغيرت أمور كثيرة .. كنت دفعت عمري كله ولا أخسرك انجي "..

سلمى واقفة : وش فايدة الكلام الحين ..
نعيمة : أدري أن كلامي ما يصلح شيء .. لكني حابة أعتذر عن كل شيء سويته لك ولأمك ..
سلمى تبتسم : واعتذارك هذا بيعوضني عن اللي صار .. بيرجع لي أمي ..
نعيمة اخنقتها العبرة : لا .. مهما سويت لك .. ما يكفر عن خطاي معك ومع أمك .. لكن شوفي حالي .. حوبتها صابتني .. وخسرت بكري وهو في عز شبابه .. وأنا خسرت صحتي .. وخسرت زوجي ..
سلمى بشماته : الزوج اللي سويتِ كل هالحقارة معي ومع أمي علشانه .. تركك بلمح البصر .. لمجرد أنك صرتِ عاجزة ..
نعيمة تصيح : حتى ما انتظر لما أطلع من المستشفى .. تزوج علي وجاب على راسي مرأة ..
سلمى تناظر حال نعيمة وش صار لها .. اللي كانوا يمدحون جمالها ويتغزلون فيه .. ما يشوفونها الحين .. وش صار حالها .. لأول مرة يرق قلب سلمى على نعيمة .. طول عمرها تكرهها .. وما اكرهت أحد كثر ما اكرهتها .. لكن اللي صار لها يكفي .. خسرت كل شيء تحبه في هالدنيا .. وما بقى لها غير عيالها الثلاثة .. حتى اخوانها ما يسألون عنها .. ولا يدرون عن اخبارها من سافر أبوها وتركهم ..
قربت سلمى من السرير .. واقعدت على الكرسي اللي جنبه .. نعيمة كانت تصيح .. أخذت سلمى منديل .. وأعطتها اياه .. نعيمة بصعوبة ترفع يدها .. امسحت دموعها .. ظلوا مدة ساكتين ..
سلمى : نعيمة .. ما أبغى أفكر في الماضي ..
نعيمة : لكن الماضي يلاحقني .. وانا قاعدة أدفع ثمن اللي سويته ..
سلمى تاخذ نفس عميق : خلينا نتناسى اللي صار .. ونبدأ صفحة جديدة ..
نعيمة تبتسم : ما راح تسامحيني أبداً ..
سلمى تبتسم : يبغى لي وقت .. لكني أبغى نبدأ صفحة جديدة ..
نعيمة : وأنا بعد .. عمري ما راح أنسى اللي سويتيه معي ومع عيالي .. وقفت معنا في الوقت اللي تخلى الكل عنا .. بالرغم من اللي بينا .. لكنك ظليتِ معنا ..
سلمى : هذا واجبي ..
نعيمة بحزن : لا .. مو واجبك .. ما أنتِ ملزمة تصرفين علين ...
قاطعتها سلمى : لا ملزمة .. لا تنسين أنهم اخواني .. لو مهما صار ما لنا إلا بعض ..
نعيمة ادمعت عينها : ما عطيتك سبب تحبينهم ..
سلمى تضحك : ما تدرين .. يمكن كل اللي صار .. كان سبب علشان أعرفهم واحبهم ..
نعيمة تمسح دموعها : قصدك هجر أبوك لنا ..
سلمى تهز راسها : يمكن خيرة أنه هرب وترك كل شيء ..
نعيمة : لو ما كنتِ موجودة معنا .. كان الله أعلم بحالنا ..
سلمى : نعيمة ما له داعي هالكلام ..
نعيمة : الا له داعي ..
سلمى تبتسم : انتهينا من هالموضوع .. وراح نبدأ صفحة جديدة .. على الأقل علشان العيال .. ما لهم ذنب في اللي صار بينا ..
نعيمة : صاروا يحبونك .. وما يرضون عليك بكلمة ..
سلمى تضحك : يعني حاولتِ تبعدينهم ..
نعيمة : وما قدرت ..
سلمى رافعة حاجبها .. نعيمة تضحك : كانت أخر محاولة .. ويمكن بسببها فتحت عيوني على شيء .. كنت غافلة عنه ..
سلمى : شنو ..
نعيمة : دفاعهم عنك .. خوفني أني ممكن أخسرهم .. خاصة لما يعرفون وش سويت لك ولأمك ..
سلمى : ما راح تخسرينهم .. وما راح يعرفون شيء ..
نعيمة بحسرة : بس غادة تعرف ..
سلمى : وغادة ما راح تقول لأخوانها تطمني ..
نعيمة بحزن : سلمى .. لو صار لي شيء .. ما أوصيك عليهم ..
سلمى : لا تقولين هالكلام .. الله يخليك لهم ويخليهم لك ..
نعيمة بانكسار : وش فايدتي لهم ..
سلمى : يكفي وجودك معهم ..
اسكتوا مدة .. بعدين سلمى وقفت وقربت من نعيمة ..
سلمى بهدوء : نعيمة أنا خلال شهر راح أسافر ..
نعيمة : أدري قالوا لي العيال ..
سلمى : راح أغيب شهور طويلة ..
نعيمة : راح تدرسين هناك ..
سلمى تهز راسها : لا راح أسوي عملية ..
نعيمة بخوف : عملية .. ليه .. وش فيك ..
سلمى تبتسم : ما فيني شيء ..
نعيمة باهتمام : أجل ليه العملية ..
سلمى تاخذ نفس عميق : راح أقول لك شيء .. وما أبغى أحد يعرفه الا لما اسافر .. أنا بنفسي راح أقول لهم .. بما أننا بدينا صفحة جديدة .. راح أقول لك أنتِ أول .. لأنك راح تمسكين البيت في غيابي ..
نعيمة بقلق : سلمى خوفتيني ..
سلمى : لا تخافين .. اسمعي .. القصة هي أن أنا أكون ولد ..
نعيمة متفاجأة : ايش ..
حكت سلمى لنعيمة عن وضعها .. وعن سفرها لألمانيا علشان تسوي العملية .. وعن الترتيبات اللي سوتها علشان مصروف البيت ومصاريف العيال .. واعطتها اسم المحامي ورقمه .. في حال احتاجوا الى شيء في غيابها ..
نعيمة تستوعب : يعني أنت ولد .. ولد ..
سلمى تهز راسها : أي .. مثلي مثل هاني وعزيز ..
نعيمة : يا سبحان الله .. شلون ومتى ..
سلمى تبتسم : من أول ما وُلدت وأنا كذا .. المفروض كنت أسوي العملية من سن 15.. لكن اللي صار لأمي خربط كل شيء ..
نعيمة : لكن أبوك ولا مرة تكلم عن الموضوع ..
سلمى : لأنه يحس بالاحراج مني .. أنا بالنسبة له مسخ مشوه ..
نعيمة ترجع بذاكرتها لسنين مضت .. كانت تتذكر في يوم اسمعت هواش وصراخ بين سلوى وتركي .. قربت من باب غرفتهم تسمع على ايش أصواتهم طالعة ..

سلوى بحدة : ما لي شغل .. راح تسوي العملية .. رضيت ولا بكيفك ..
تركي : أنا ماني فاضي أسافر علشان علتك..
سلوى : الحين صارت علتي .. ما كانها بنتك ..
تركي بنبرة : ما عندي استعداد أترك أشغالي وأعمالي وأسافر علشان شيء مو مضمون ..
سلوى باصرار : أنا ما علي منك .. راح أخذ بنتي وباسافر بها وين ما كان علاجها .. ان شاء الله في المريخ ..
تركي بسخرية : روحي المريخ .. أصلا يمكن تلقين من يشبه علتك ..
سلوى : خاف ربك .. ما كانها بنتك .. عدوك اللدود ..
تركي : بنتك لا قامت عندي ولا قعدت ..
سلوى : طول عمرك كنت تتمنى ولد ..
تركي ياشر على الجدار جهة غرفة نعيمة : عندي عادل الله يحفظه لي ..
سلوى : وسلمى ممكن تصير ولد ..
تركي بقرف : ماني بحاجة الى علتك ..
سلوى : لكني بحاجتها .. هذا ضناي ..
تركي بسخرية : تتهني فيه ..
سلوى تتمالك أعصابها : ونهايته ..
تركي : تبين تسافرين مع بنتك سافري .. لكني ما راح أسافر معكم وأضيع وقتي ..
سلوى : ما أبغى منك تسافر معنا .. ولا حتى تدفع شيء من جيبك .. الله يخلي لي أمي ويحفظها .. متكفله بكل شيء .. كل اللي أبيه تصريح خروج لي ولبنتي ..
تركي عند الباب : راح أسوي لك التصريح .. بس علشان أرتاح من حنتك وقرقرتك علي ..

بعدت نعيمة بسرعة عن الباب .. وراحت جهة غرفتها .. هي ما اسمعت كل الحوار .. لكنها اسمعت عملية وسفر .. لكنها ما تدري لمين وليه .. بعدها بأسبوع سافرت سلوى وسلمى .. وظلوا 3 أسابيع .. وبعد ما ارجعوا كانت سلوى شخص ثاني .. كأن هم وانزاح عنها .. وكانت ما تسكت لنعيمة عن أي زلة .. حتى تركي ما صار يقدر عليها .. حتى أنه بدا يميل لها ويقعد معها ومع بنتها ..

لهالسبب خافت نعيمة على نفسها .. أن تركي يرجع لزوجته ويتركها .. وسوت المستحيل علشان تخرب بينهم .. وقتها بدت هي وسارة يحطون حبوب الهلوسة لسلوى .. وتدبر مقالب ومكائد لسلمى علشان يكرهها أبوها .. بعد ما شافته يميل لها .. وياخذها معه في أغلب طلعاته ..

التفتت نعيمة بنظرها على سلمى .. " الحين عرفت السبب .. تركي كان يحب الاولاد أكثر من البنات .. وكان يموت في عادل أول ما جابته .. حتى أنه كان يغير حفاظاته بنفسه .. وبعد ما رجعت سلوى من السفر .. تغير وصار يقعد معهم كثير .. حتى انه كان يعلم سلمى أمور رجاليه.. كانت تستغرب وقتها .. لأنها بنت أو كذا كانت تظن "..
انتبهت نعيمة لصوت سلمى تكلمها : ها ..
سلمى : وين رحتِ ..
نعيمة : ولا مكان .. متى راح ترجعين ..
سلمى : احتمال بعد شهور .. ما ودي أطول هناك .. لكن يمكن احتاج أكثر من عملية ..
نعيمة : تروحين وترجعين بالسلامة .. أوه .. أسفة المفروض أقول تروح ..
سلمى تبتسم : لا تتاسفين .. مثل ما قلت لك .. ما أبغى أحد يعرف الا إذا قربت أسافر ..
نعيمة : لا تحاتين ..
سلمى رافعة حاجبها : حتى سارة ..
نعيمة : ولا يهمك .. ما راح أحد يعرف إلا منك ..

غادة تاخذ الفوطة : راح أخذ لي شاور على السريع ..
داليا على الاب : حمام الهنا .. بقعد أسمع أغاني على ما تخلصين ..
غادة عند الباب : طيب ..
انتظرت داليا الى أن ادخلت غادة دورة المياه .. وطلعت السي دي من جيبها .. وشغلته على الاب.. كان ملف فيديو .. شغلته .. اشهقت بصوت عالي .. وحطت يدها على فمها.. بعدين انتبهت لنفسها .. ما تبغى غادة تسمعها .. وصار تركيزها على الفيديو .. وهي تبتسم " وين سلمى تشوف اللي تحبها .. وهي تخونها .. الحين فهمت سبب تصرفاتهم مساع في الحديقة .. والله طحتي بيدي يا جود .. وما أحد سمى عليك .. لازم سلمى تشوف حبيبتها المصون وش تسوي من وراها "..
طلعت داليا السي دي من الاب .. وسكرت الاب .. وافتحت درج مكتب غادة .. وطلعت ظرف بني .. وضعت السي دي فيه .. واكتبت عليه " هام جداً " ..
اخذت الظرف واطلعت من الغرفة .. راحت غرفة سلمى لقتها مقفلة .. نزلت الدرج وتاكدت أن ما أحد موجود .. ادخلت غرفة المكتبه .. وحطت الظرف على مكتب سلمى .. واطلعت من الغرفة بعد ما تأكدت أن ما في أحد يشوفها .. واصعدت الدرج مرة ثانية .. وراحت غرفة غادة.. أول ما ادخلت الغرفة .. لقت غادة طالعة من دورة المياه ..
غادة ميلة راسها على جنب وتنشف شعرها : وين رحتي ..
داليا ارتبكت : نزلت المطبخ أشرب ماء وجيت ..
غادة تأشر على الثلاجة : ما في ماء في الثلاجة ..
داليا ترقع : فيه بس بارد .. وكنت أبغى فاتر ..
هزت غادة راسها .. وشغلت مجفف الشعر تنشف شعرها .. رمت داليا نفسها على السرير .. وقعدت على الاب .. وحطت السماعات على أذانها .. وهي تبتسم بخبث .. وتتمنى تسمع أخبار ترضيها ..

سمر مو فاهمة : هدي وفهمني حبة حبة .. علياء وش دخلها في الموضوع ..
جود تصيح : كان معها سي دي فيه الفيديو .. اللي أنا ونجا... ( تصيح ) ..
ظلوا مدة وهم يحكون .. سمر افهمت أن علياء ورى الموضوع كله .. ما هي صديقة نجلاء المقربة .. كانت تشوفهم دايم في الحفلات .. دائماً مع بعض .. لكنها ما كانت تتخيل أن علياء توصل فيها الدناءة .. تسوي هالحركة الحقيرة مع جود ..
سمر : وبعدين ..
جود تتنهد : هددتني إذا ما تركت سلمى .. راح تسلمه ال سي دي لسلمى ..
سمر تحاول تفهم : ما هي عطتك إياه ..
جود : قالت احتفظي فيه ذكرى .. أكيد مسوين كذا نسخة ..
سمر : والسي دي .. وينه الحين ..
جود تفتح الكتاب : هذا هو عندي .. ( اشهقت بصوت عالي ) ..
سمر بخوف : جود .. جود وش فيك ..
تركت جود الجوال .. واقعدت تدور السي دي في الكتاب .. ما حصلته .. قعدت تدور على المكتب .. ما حصلته بعد .. انتبهت أنها اتركت سمر على الجوال .. أخذت الجوال ..
جود تصيح : سمر ضيعت السي دي ..
سمر بخوف : شلون ضيعتيه .. وين كنتِ حاطته ..
جود تدور في الغرفة وتكلم سمر : كنت حاطته داخل الكتاب .. فتحت الكتاب ما لقيته ..
سمر تهديها : يمكن أنه طاح .. وين كنتِ لما عطتك إياه ..
جود يدها على جبينها : كنت في الحديقة ..
سمر : خلاص روحي دوري في الحديقة .. بعدين اتصلي علي مباشرة ..
جود بخوف : لا تتركيني سمر ..
سمر : ما راح اتركك .. روحي دوريه .. أكيد طاح منك في الحديقة .. راح تلقينه .. يا الله لا تضيعين وقت ..
سكرت جود الجوال .. واطلعت بسرعة الى الحديقة .. تدور السي دي .. راحت عند الطاولة اللي كانت قاعدة عندها .. ما لقته .. قعدت تدور في كل مكان .. وتتبع خطواتها لما كانت في الحديقة ..
جود بذعر : يا ربي وين راح ..

اطلعت سلمى من غرفة نعيمة .. كانت بتروح صوب ملحق سارة .. تطمن على جود .. رن جوالها .. شافت الرقم ..
سلمى : أهلين منى ..
منى : هلا سلمى .. كيفك ..
سلمى : تمام .. أنتِ كيفك .. وشلون الجراحة معك ..
منى بتذمر: زفت ..
سلمى باستغراب : ليه ..
منى : جانا دكتور .. يا هو غثى .. أوف بس ..
سلمى تضحك : مين ..
منى : دكتور حسان ..
سلمى بانزعاج : أوه .. الله يعينكم .. شخص ثقيل .. غير طبيعي هالانسان ..
منى : بقوة .. علشان كذا انا اتصلت عليك ..
سلمى : أمري ..
منى : ما يأمر عليك ظالم .. بس بغيت ملخصاتك عن مادة .......... للحين عندك صح ..
سلمى تهز راسها : أي عندي .. دايم أرجع لها ..
منى تترجى : تكفين السلم .. بغيتهم .. ماني قادرة أفهم على هالعلة ..
سلمى تضحك : ولا يهمك .. راح أخلي السايق يصور نسخة .. ويجيبها لعندك على البيت .. وش رايك ..
منى بفرح : فديت السلم .. ما تقصر عمري ..
سلمى تفتح باب غرفة المكتبة : حاضرين .. نص ساعة وتكون عندك ..
منى : أنتظرك .. مشكورة سلمى .. أنقذتِ مستقبلي ..

ادخلت سلمى غرفة المكتبة .. شغلت النور .. وراحت صوب مكتبها .. اقعدت على الكرسي .. تدور المذكرة .. وطاحت عينها على الظرف البني .. الموجود على المكتب .. ارفعته سلمى وقعدت تقلب فيه .. وشافت المكتوب عليه " هام جداً " .. افتحته وشافت داخله سي دي ..
سلمى باستغراب : شنو فيه هذا ..
انتبهت لخيال جود على النافذة .. التفتت سلمى تناظرها .. كانت جود قاعدة تدور بهستيريه .. كانها تدور شيء .." وش فيها .. شكلها مضيعة شغلة "..

رجعت سلمى السي دي في الظرف .. وحطته في الدرج .. واطلعت من باب النافذة .. راحت لعند جود .. كانت جود تدور بعصبية .. " وين راح هذا .. لو يطيح بيد السلم .. أكون انتهيت "قربت سلمى منها ..
سلمى تبتسم : مضيعة جزمتك سندريلا ..
جود اشهقت ..التفتت على سلمى .. وهي حطت يدها على قلبها .. قربت منها سلمى واحضنتها .. جود ما اقدرت تبعد .. سلمى سبقتها وضمتها بقوة .. وباست راسها ..
سلمى بحنان : أسفة حبي .. ما كان قصدي اخوفك ..
جود تحاول تتمالك نفسها : ما سمعتك لما جيت ..
سلمى تبعد عن جود وتلفها علشان تصير مواجهتها ..
سلمى بحنان : كيفك الحين ..
جود تهز راسها : الحمد الله أحسن .. وطلعت الحديقة حتى .. لكني ما سمعتك لما جيت ..
سلمى تقرص خدود جود : لأنك كنت لاهية تدورين ..
جود احمر وجهها : أي صح ..
سلمى تناظر الارض : وش تدورين حبي .. أساعدك ..
جود تبلع ريقها : كنت أدور .. كنت .. أدور اسوارتي .. طاحت مني .. وما أدري وينها ..
سلمى يدينها على أكتاف جود : تذكري أخر مرة كنت لابستها وين كنتِ فيه ..
جود بارتباك : كنت قاعدة بجنب الطاولة ( تأشر عليها ) ..
سلمى تناظر في الاتجاه اللي تأشر عليه جود : من هناك نبدأ .. تعالي معي ..
امسكت سلمى يد جود واسحبتها معها .. راحت جود معها وهي خايفة .. " أنا قلت له اسوراة .. لو لقى السي دي .. وش راح أقول له .. يا ربي وش هالورطة " ...!!!؟؟؟؟
.
.
لبعض الناس ...
.
.

يسلموووو...
ولي باك بعد ما اقرا البارت..

ابدااااااع ابدااااااع ..
يعطيج العاااااافيه..

البارت ناااايس ..امممم الله يستر من ردة فعل السلم

داليا وحدة مرررة تنرفز ..زودتها كل شوية عندهم بالبيت

اهلها ما يسألو عنهاا ..عقبال ما تنحط بموقف محرج .. ما حبيتها

لا لا مره داليا تتتنررررررففففز :/
ان شاء الله السلم ما يشوف الفديو pale

اصلا جود من البدايه نرفزتني لما مااا قالت ل السلم ... لو قالتلو امداه راح ل انجي دي وقتلها :@
<< محد دخل جو ههههه Razz

المهم تسلمي ع البارت .. في انتظارك Smile

ابداااااااااااااااااااااااااااااااااااااااااااااااااااااااااااااااااااااااااااااااااع

حمااااااااااااااااااااااااااااااااااااااااااااااااااااااااااااسس

داليااااااااااء حقييييييييييييييره

نجلالالاء شكله وراها قصصه

السلم و جود شنو بيصير لو حصصل السي دي و جود معاه

انا في انتظاااااااااااااااااااااااااااااااااااااااااااارك ي قلبي حماااااااااااااااسس

» هاى رحبو فيني ابغى صفقة قوية
» الشيطان×_× من كتاباتى
» عشاق بين احضان الشياطين(روايه جريئه) ابداآآآآعــ
» الى الشيطان الي هو ولد ومسوي نفسه مرجوجه.. وش تحس ....؟تعال بالله