روايه (( عذاب ليدية )) من تاليفي ...!!!!

09.15.2013

* احداث الرواية ادور طبعا مع بويات وليديات وهالرواية طبعا آنا مألفها بنفسي لاني جد احب اكتب روايات وهالرواية غير حقيقيه ..

* بصراحه كتبت هالرواية عشان اوصل لكل البويات شغله دام انكم تحبون وحده فماله داعي تخونون دام حبكم صافي لان الليديات مالهم ذنب وان كل شي ينقط على راس الليديه وانتوا يا بويات فكروا فيها وفكروا بلي تحبونها .... وسامحوني

والحبن ببدأ طبعا ..

طبعا كل عالعاده تعودت انوار كل صبح تقوم تتريق مع اهلها وهي نومها خفيف يعنيي بسرعه على أي شي تقوم وله اشوف الساعه 11 ونص يعني شوي ويصير الظهر لانها كانت سهرانه على النت المهم انوار هاذي ( بوية طيبة حبوبه تحب الكل وتحب تساعدهم وتساعد غيرها وضيعفة وطولها 162 ووزنها 49 بيضه وشعرها بوي وناعم مره تسويه سبايكي ومره عادي وينادونها خالد ) وفجأه دق تلفون خالد وله رفيجة جاسم وهم بويه طيبه حييل وحبوبه نفس خالد ومسكين على نياته بس مايثبت على حب واحد كل يوم وحده ودايم يقول لخالد عشان يضبطله بس مومقتنع خالد بلي يسويه جاسم ..

جاسم: قوة شلونك يا الصديج
خالد : تمام ماشي حالي انت شخبارك ؟
جاسم : انا تمام وبخير اقولك خالد اليوم بتطلع تيي معانه ؟
خالد : وين بتروح
جاسم : شنو نسيت اليوم الخميس مسيله
خالد: يوووه نسيت عبالي اليوم الاربعاء خلاص اروح بس بشرط
جاسم : شنو شرطك
خالد : اول شي تمرني لاني مالي خلق اسوق وثاني شي مالي خلق تييبلي وحده وضبطني معاها
جاسم : طرار وتتشرط اوكي صار راح امرك اجهز الساعه 4 العصر امرك
خالد : اوكي صار انطرك
جاسم : يله باي
خالد: باي

صكر جاسم من خالد واستانس جاسم لان بيروح معاه وطبعا غير ليديات جاسم كلها بالمسيله وخذه جاسم عشان يتونس معاه ويغير جو ..

خالد عايش مع 4 شباب واخت كبيره مزوجه وعندها ولد وطبعا حياته كلها شباب وتصرفاته كلها صبيانيه والام ماتدري عن البيت والابو المسكين والاخوان كل يوم يطلعون ماهامهم شئ والاول اسمه احمد 24سنه يشتغل والثاني محمد 17 سنه يدرس بالثانوية 4 ثانوي والثالث حمد 14 سنه يدرس باولى ثانوي ومبارك 10 سنوات يدرس باولى متوسط خالد عمره 21 سنه توه تخرج من الثانويه وكان يحب وحده وانفصلوا عن بعض لان صادها تخونه وماتحمل مع ان ضحه عشان اهله عشانها ودخل غيبويه وتخلص منها وماوده يخوض تجربه ثانيه لان تعب لكن وده ان يحب وحده وتخاف عليه ويحاتيها وجاسم رفيج عمره من يوم واهم صغار دايم يطلعون مع بعض واهو الوحيد الي مونسه وشايل عليه ضيقته وخصوصا الحين خالد وجاسم داشين نفس الكليه...

والله حالة خالد تكسر الخاطر غير جاسم عايش حياته ولعب وناسه لان خالد طيب ويسامح الكل ولان طيبته اهي الي خربت عليه ولازم تكون شخصيته اقوى من جذي ..

راح اكمل الاحداث وراح تعرفون قصه خالد والي معاه بالروايه...

المهم صارت الساعه 4 العصر ومره جاسم عشان يروحون المسيله ويتونسون وطبعا ليديه جاسم معاه واسمها شوووق ...

شوق : جسومي شفيه خالد مضايق مومستانس لان طلع معانا وله لاني انا موجوده

جاسم : لاحبيبتي اهو بالعكس مستانس بس مضايق بلي يصير له والله كاسر خاطري هالولد

شوق : خلود ماعليه هونها وتهون وانشاء لله تنحل

خالد : انشاء لله
( شوق ليديه جاسم تحبه وتموووت فيه برونزيه حبوبه طويله وضعيفه بس موحيييل )[
وهم نسينه جاسم عايش بروحه وحيد امه وابوه ماعنده غير خوال ومدلعته وايد امه عمره 19 سنه ويدرس مع خالد بالكليه نفسها وماكو احد ما تعرف عليه واسمه امل

وفجاه دق تلفون خالد وله اخته ريم داقه

ريم : قوة
خالد وينك؟
خالد: ياهلا يقويج انا طالع ليش تسالين؟
ريم : لاخلاص عبالي انت بالبيت قلت امركم؟
خالد: لأ طالع بس دقي على امي يمكن موجوده اذا لقيتيها تهيت من مكان ليمكان

ريم : اوكي خلاص باي

خالد : باي

اهل جاسم وخالد يدرون انهم بويات

بشاير تعودت انها دايم تروح المسيله كل خميس بس ساعات يصادف انها تطلع مع خالاتها وماتقدر تروح المسيله بس كل ماصارلها وقت تروح وخالد المسكين له نيه ان يرتبط ويفكر بس خايف من التجربه ولويت البنت المناسبه راح يوافق على طول وماقتلكم ( بشاير بيضه وحلوة وطولها ووزنها زين متينه شوي بس موحييل عادي واسلوبها حلووو وطيبه ) المهم بشاير ماعندها اخوان بس خوات 5 اهي اكبر وحده فيههم والباقي صغار خواتها عوبات ولسانهم طووويل اصغر وحده فيهم 14 سنه واسمها نوره والثانيه 15 واسمها حنان والثالثه 16 واسمها ذكريات والرابعه 18 سنه واسمها حصة انتوا تشوفونهم ان كل وحده اكبر من الثانيه بسنه امهم ماشاء لله عليها تحب البنات وكل سنه تييب وحده والحمد لله مستورين بشاير عمرها نفس عمر خالد 21 سنه

المهم اكمل بشاير راحت بنفس الساعه الي راحوا فيها ووصلت الساعه 5 العصر وصدفه ان جاسم يعرف بشاير معرفه من المدرسه وسلم عليها وهم شوق سلمت عليها اما خالد تفاجئ بجمال بشاير وماتكلم وله قال شي

بشاير : جسووم انت اهني عاش من شافك
جاسم : عاشت ايامج زين شفناج
بشاير : شسوي بعد ساعات انشغل وما افضى كل ما افضى ايي اهنيه
جاسم : ممم عاد اتصدقين صايره حلوة
شوق: انت شكو فيها
جاسم : شنو غرتي
شوق : شلون ما اغار مو انت حبيبي
جاسم : فديت حبيبتي انا
وباسها على خدها
بشاير : تسلم والله خلاص يبه لا تتهاوشون انا بروح الحين تامرني بشي
جاسم : سلامتج

بشاير انتبهت على خالد وشلون خالد كان يخزها ونظراته لها كانت نظره ان وده ان تشوفه وتيي عنده وفجاه لف ويهه عنها ..

وراحت بشاير فخلت الامر عادي بس ظل تفكيرها فيه شلون جذي كان يطالعها وله تحجه المهم قبل لايصير الدي جي وله رقم غريب بتلفون خالد وله منو فطوم حبيبته الاوليه الي خانته والي حتى ماذكرت ان دخل بغيبويه عشانها داقه عشان تقوله ان اغراضك الي عطيتنني اياها ما ابيها ورد خالد...

فطوم : خالد شلونك
خالد: ياهلا تمام عفوا منو معاي ؟
فطوم : مسرع نسيت صوتي
خالد: آسف بس مادققت على الصوت عدل هلا بغيتي شي وشتبين داقه وين عزوز عنج ؟
فطوم : امبله يدري اني داقه عليك وعلى هالاساس انا دقيت حبيت اقولك دامي ارتبطت ماله داعي اخبي اشيائك عندي شرايك اشوفك بمكان واعطيك اياهم
خالد : شوفي ماراح اييلج والله يعافي ازبالات البلد ماكثرووها جذي شقيهم وقطيهم بالزباله ورجاءا ما ابي اشوف رقمج مره ثانيه بجهازي اوكي باي ..

وصكر خالد التلفون بويهه يعني شوفوا الوقاحه الي عليها يعني شلون تتجرأ وقاعده تقهره انها ارتبطت ..

المهم ..

1- اتهقوون ان بشاير شافت خالد لمه تكلم وعصب ؟
2- وشنو مصير جاسم وشوووق هل راح يستمروون مع بعض؟
3- وحياه خالد راح يفكر ببشاير ويرتبط فيها ؟

هذا البارت الاول اتمنى يعجبكم واقدر اكمل الباجي

waiting

بداايه موفقه
تسلم ايدينك
البارت روعه انطر ع ناار

سلام
اول شي حبيت اشكر اخوي وصديقي وعز واحد علي بدنياا خلود
وطبعا انصدمت انك معانا بنفس المنتدى
وثانيا حبيت اقول لكم ترى انا قريت روايه كامل
وحدها خققه وطرر مو بس لانه اخوي قريت رواية قبل لا اعرفه وبعين
صادقته فه يعني ماعرف شلون اقول لكم و
لاتفوتكم ترى حدها حلوه وتمنى انجوف ردوكم عشان اكملها لكم
واخليكم معه رواية واكيد راح يعجبكم

ترى خلود اذا ماعرفتي لي شغل ثاني معاك
ويلا كمل روايتك يا احلى اخو بدنيا Embarassed

وانشالله ينال اعجابكم

الجزء الثاني ...

طبعا بشاير شافت خالد اول مره تحس باحساس انها انجذبت جذي لبويه وارتاحتلها مع إن كل البويات يننوها بس أهي ماتبي وتفكيرها نفس خالد بالضبط وهذا إلي أدور عليه ..

بشاير : مرحبا ممكن إذا ما عليك أمر عادي اقعد يمك
خالد : هلا وغلا مرحبتين أي عادي تفضلي اخذي راحتج المكان مكانج
بشاير : تسلم والله هذا من ذوقك الا ماقتلي اشوفك طول الوقت مضايق ومهموم ما ادري عسى ما شر
خالد : الشر ماييج لا عادي كل شئ يروح تعودت
بشاير : انا آسفه لاني صرت فضوليه يعني موقصدي اتكلم اقدملك اسفي
خالد : لاعادي شدعوة انتي ماقلتي شئ غلط عشان تتأسفين
بشاير : انزين ممكن طلب ؟
خالد : هلا تفضلي
بشاير : عادي اقعد معاك واسولف إذا هالشئ مايزعجك
خالد : لا شدعوة مايزعجني اخذي راحت وعادي إذا نسولف
بشاير : خلاص عيل انا ببدأ بالاسئلة ؟
خالد : اوكي سألي وانا راح اجاوبج بكل صراحه
بشاير : مممم قولي انت شسمك وجم عمرك يعني ابيك تقولي عن حياتك وشخصيتك ؟
خالد : اووووه شكلتنا بنصير صحافه انا وياج على آخر عمرنا
بشاير : شكلته انا إلي بصيرلك صحفيه
خالد : اسمي خالد عمري 21 سنه ادرس بكليه التجاري صارلي سنه ونص وانا وجاسم نفس الشي عندي 4 اخوان واخت كبيره مزوجه انا طيب وحبوب واحب الكل ما احب اشوف الغلط واسويه وبصراحه..............
بشاير : حلو ليش سكت كمل عادي اعتبرني مثل اختك كمل وراح اسمعك لحد بليل عادي
خالد : كنت احب وحده وكنت اموت فيها ظليت معاها 4 سنين عطيتها عمري كله وآخر شئ جازتني بخيانه وهذا انا ضحيت باهلي عشانها ودخلت بغيبوبه ولا درت عني وله سالت وخليتها وصارلي سنه على هالحال واتمنى اني الاقي وحده تحبني واحبها ولاتجازيني جذي دام حاطها بعيوني بجد انا تعبان
بشاير : عساها بعدوينك انشاء لله بجد آنا آسفه وموقصدي اني اضايقك بس شفتكاتكلم بالتلفوون وصكيته وانت معصب حبيت اطمن عليك ...
خالد : أي إلي داقه كانت أهي وقحه تقولي تعال اخذ اغراضك إلي عطيتني اياهم شبي فيهم دامني ارتبطت بواحد غيرك تخيلي
بشاير : صج انها وقحه وماتستحي يعني أهي كانت تلعب عليك صح
خالد : أي تلعب على الف وحده غيري وانا عمي كنت ماشي وراها بس انشاء لله الاقي غيرها

بشاير فجأه لمت خالد وحست فيه ولقت فيه حنان يغطي هالدنيا ومافيها..
بشاير : انزين ممكن طلب اخير ادري ثقلت عليك بالطلبات
خالد : لاعادي اخذي راحتج
بشاير : عادي تعطيني رقمك اسيفه عندي
خالد : أي عادي سجلي
بشاير : انزين الحين ممكن تقوم معاي وترقص لان بعد دقيقه راح يبدي الدي جي
خالد : اوكي ليش لأ

رقص خالد معاها واستانس من داخله إن يت بنفسها وكلمته ..

نسينه جاسم وشوق كانوا لامين بعض قاعدين وله ليديه كان يكلمها كل يوم غير شوق طبعا شوق ماتدري كاتبه حبيبي انا بالمسيله وينك ابي اشوفك ؟ توهق جاسم وطبعا شوق اطلبت التلفون منه وقالت بقره المسج ومارضى وعصبوا وقالت تعطيني اياه وعطاها وقرت المسج وعصبت وراحت عنه ولحقها جاسم..

جاسم : شوق شوق نطري شوي افهمج السالفه
شوق : أي سالفه قولي شنو إلي راح تفهمني غير اني شفت المسج بعيني شراح اشوف بعد
جاسم : انزين سمعيني بالاول
شوق : شسمع قولي شسمع قلت انا علاقتي فيك ماراح ادوووم خلاص جاسم روحلها تنطرك أهي

جاسم : انا ما ابيها ابيج انتي
شوق : لاتقص على عمرك لو تحبني ماتخوني اشكره جذي والله لو قايلي اكلم غيرج جان انا ارتحت بالعكس ماراح اهدك راح اعتبرك مثل اخووو وصديق لكن انت بعتني خلاص انساني ياجاسم وامسح رقمي

جاسم : تكفين لاتقولين جذي عفيه
شوق : شنو بعد غير اني نايمه بحضن حبيبي وحبيبي تفكيره بالف وحده غيري خلاص جاسم انساني انساني ..

راحت شوق عن جاسم ودموعها تنزل من البجي ماتحملت خياتنه شلون الواحد يسامح على الخيانه وخالد كان حييل مندمج مع بشاير وفجأه خالد شاف شوق تبجي واستأذن من بشاير ..

خالد : بشاير عن اذنج شوق جنه معصبه وتبجي خليني اروح لها
بشاير : لأ انا بيي معاك
خالد : اوكي تعالي... شوق شوق
شوق : هلا خالد
خالد : شفيج شوق ليش تبجين ؟
شوق : وله شئ تدري ياخالد إن عمري ماشفت انسان نفس طيبتك وقلبك ياليت كل الناس اتعلم منك وتكون مثل اعلى لهم ..
خالد : تسلمين والله حتى انتي ماكوو مثلج بس قوليلي شفيج ووين جاسم ما اشوفه معاج ؟
شوق : ماهمني ومالي شغل فيه ارجوك ياخالد إذا بتعرف السالفه روح كلمه انا بمشي ..
خالد : اوكي بس انتي هدي وكل شي بالتفاهم ينحل وديري بالج من نفسج ..
شوق : تسلم اوكي انشاء لله يله عن اذنك ...

استناست بشاير يوم قالت شوق عن خالد إن ماكو مثله وان حست إن هذا الانسان إلي تبيه والي تعطيه حياتها كلها عشانها واتكمل حياه خالد كلها ..

شوفوا اصار بعدها ...........

وقفوا الدي جي على صيحه خالد وجاسم وطبعا الناس كلها لمت عليهم غير بشاير كانت واقفه يم خالد ..

خالد : انت شفيك لي متى وانت بظل جذي تخرب حياتك واتأذي وتلعب ببنات الناس قولي استانست الحين اكيد شافت البنت شئ اكيد يا مسج او وحده داقه عليك دامك تحبها يا اخي ليش تعلق البنت دام بتلعب العب بس موتخليها تحبك وتخليها شنو انت ماتحس ..
جاسم : خالد شفيك نطيت علي انت صج صاحبي واخو دنيا بس انا مو ملزوم اكون نفسك يا اخي شوف حالتك شلون صايره يرضيك حالك رجاءا يا خالد لا تدخل في حياتي ..
خالد : الحين يا جاسم مستهز بحالتي على الاقل انا شريف وما اخون ولا اعلق بنت الناس واخليها والعب بمشاعرها انا إلي جدامك صاحبك إلي يحبك طول عمره والحين ما ادخل بحياتك يا جاسم اوكي من اللحظه إذا ماتبيني راح ارووح عنك إذا هالشي يريحك بس بعطيك شغله وجدام هالناس كلهم انك ظلمتني عن اذنك ..

خالد عطه جاسم طراق قوي عشان يحس فيه جاسم انصدم من طراق خالد له والناس بعد وبشاير لحقت خالد ..

خالد : هلا
بشاير : خالد منو يوصلك انت ياي بسيارتك وله مع جاسم
خالد : لأ مع جاسم بس راح ادبر نفسي لاتحاتين ؟
بشاير : لأ شلون ما احاتي انا اوصلك بسيارتي ماعليه وافق تكفى
خالد : خلاص اوكي مشكوره شكلي راح اتعبج معاي
بشاير : لا عادي تعبك راحه ..

استانست بشاير إن راح توصل خالد لحد بيتهم عشان ادل بيتهم وتحفظه وخصوصا كل الناس طلعت من المسيله مضايقه وجاسم واهو بالطريج يذكر كلام خالد رفيجه إلي يحبه ويخاف عليه وعلى مصلحته بس خالد خلاص ماراح يحاجيه وخالد وصل البيت ..

خالد : مشكوره والله وماتقصرين
بشاير : لا العفو شدعوة ماسويت شي كلها وصلتك وبيتكم قريب يم بيتنه انت القرين وانا صباح السالم مافيها شي إذا ساعدتك ..
خالد : تسلمين والله يله تصبحين على خير وطمنيني إذا وصلتي البيت
بشاير : اوكي صار وانت من اهل الخير
استانست بشاير اليوم وردت البيت فرحانه وطايره كأن شي شايلها بس المسكين خالد استلم كلام امه اسمها بدريه ( ام احمد ) ..

بدريه : صج والله وكل هذا هياته باله ماتقولي وينك طول هالوقت
خالد : كنت اتمشى سويت شي غلط
بدريه : امممم اتمشى وتطلع وتروح ولا اكو ام بالبيت طمبرطينه انا بالبيت صح
خالد : لا حشاج يمه بس انتي كله تطلعين وما تهتمين إذا رحنا اوييينه فشي عادي
بدريه : واطول السانك بعد بعد ناقصني انت خو ا كلكم انتوا نسخه ابوكم اذلف عن ويهي وما ابي اشوفك جدامي اذلف يله
خالد : انشاء لله يمه

راح لداره وله يشوف مسج من بشاير تقوله انا رديت البيت وتطمن والحمد لله وبدل وحط راسه ونام لبس بوكسر وتي شيرت حفر ..

اما جاسم ظل قاعد من الصدمه موقادر ينام ..
وشوق المسكينه إلي انصدمه والي ضيعت حياتها عشان جاسم ..
وبشاير إلي خالد خذه تفكيرها من اول مره شافته فيها وردت البيت فرحانه وطايره ..

حصة : شدعوة كل هالوناسه شحقه انشاء لله دوم
بشاير : سكتي بس حدي طايره من الوناسه احس الدنيا موشايلتني شقولج بس
حصه : مم يله عفيه شنو قولي
بشاير : ياي شفت بويه يمه تيننن تهبل موصج طيبه وقلبها حنيتها تدرين شصار اليوووم وشنو سوه اهو ؟
حصه : ليش اسوه ؟
بشاير : تخيلي طق رفيجه طراق جدام الناس والناس كلها مصدومه
حصه : وليش طقه طراق
بشاير : لان يلعب ويخون ويلعب ببنات الناس
حصه : عيل يستاهل صج إن خووش واحد
بشاير : سكتي بس تصدقين عاد اول مره واحد يدخل قلبي كثر خالد فديته
حصه : اسمه خالد
بشاير : اي خالد فديته جني عطيتح ويه
ذكريات : يبه طفوا الليت الواحد بنام ذلفوا سولفوا بره ماتنطرون لحد باجر اسولفون
بشاير : انزين يبه لاتعصبين طالعين يله حصه باجر اكمل لج ولا اقولج شحقه ذلفي احسن يله خمدي

وطلعت بشاير من غرفه حصه وذكريات وراحت لغرفتها اتنام وتتخيل بخالد وصكت الليت ونامت ....

المهم ..

1- اتهقووون شنو راح يكون مصير خالد مع بشاير؟
2- وجاسم راح يعدل وضعه ويتغير ويصير انسان ثاني ويرد حق شوق إلي تحبه وله راح اكمل الطريج إلي اهو فيه ؟
3- ام خالد اتهقون راح تتغير معاملتها مع خالد ؟
4- وخالد راح يحب بشاير او لأ ؟ وراح تقوله بشاير عن قصه حياتها ؟

كملت الجزءالثاني انشاء لله تستمتعون بقرايتها

الجزء الثالث...

شوق قامت من النوم وحدها مالها خلق وانصدمت يعني حتى جاسم ماطرش لها مسج وله دق عليها جنه مومهتم طبعا ورقم خالد مأتعرفه شسوي إهي أدل بيت خالد وعلى أساس أنها تروحله وتكمله ؤشوف إصار إهي لحد الحين تحب جاسم ومستعده أن تسامحه بس لمه يتغير وفكرت بهالفكره والبست عشأن تروح حق خالد بسرعه ...

وبشاير طول ماهي نايمه كانت تفكر فيه وتبتسم واول ماقامت من النوم طرشت مسج لخالد صباح الخير شلونك عساك بخير قامت وحست أن الدنيا موشايلتها فرحانه حيل حتى لمه أنزلت تحت أمها استغربت أنها قاعده امبجر حست أمها في شيء واختها حصه كانت تغمز لها لأن حصه تدري بالسالفه وسلمت بشاير على أمها( اسمها هدئ وحيل تحب عيالها وتخاف عليهم)..

بشاير: صباح الخير يمه
هدئ : هلا وغلا صباح النور
بشاير: يه يه يه شنو هالسفره شهالريوق إلي يفتح النفس من الصبح عيل أقعد أتريق شكله يشوق الريوق
هدئ: يمه شفيج كانج موشإيفه هالسفره من زمان المهم بالعافيه عليج بس ماقلتيلي أمس متى رديتي البيت
بشاير:ها ما تأخرت رديت الساعه بسرعه 10 بليل رديت
هدى: مم المهم بس لا تتعودين أن كل خميس تروحين هناك لأن الخميس الياي خالاتج راح أييئون فجهزي عمرج
بشاير: أف زين انشاءلله ماراح أروح بس متى بييون
هدى:الأسبوع الياي على حزة العصاري
بشاير: إوك Sad

هدى: ئله تريقوا ؤانارايحه ارتاح شوي واشوف أبوكم بيي على الغدا أو لا
أبوهم( حيل طيب وغني ويحب بناته ؤالحمد لله شكر الله على النعمه إلي أهو فيها وان رزقه الله في بنات موصبيان مع أن يبي صبيأن بس قسمته ومكتوب له واسمه إبراهيم)
ودقت عليه هدى عليه...

هدى:قوة يعطيك العافيه
إبراهيم: الله يعافيج ويقويج ها داقه عسى خير انشاءلله
هدى:لأخير شدعوة بس حبيت أشوفك بتيي على الغذا وله بتغدا بره
إبراهيم: لا راح آتغدى بس قولي حق البنات أنا بغديهم بره بمطعم لا أسويت غداً وانشاءلله أنا قبل الساعه 1 الظهر بكون موجود بالبيت
هدى: صج ؤالله فديتك خلإص إوك انشاءلله أقولهم من عيوني هاذي قبل هاذي جم إبراهيم عندي
إبراهيم: فديت عيونج خلإص يبه أنتي قولي لهم وانشاءلله إذا يئت تكونون جاهزين
هدى: إوك صار ئله بأي
إبراهيم: بأي

الأم صكرت من زوجها ؤراحت كلمت بناتها كلهم..

هدى: حصه بشاير حنان نوره ذكريات أبوكم يقولكم تزهبوا قبل الـــ1 بيأخدكم بغديكم برا أنا ماراح أسوي غداً
نوره: صج يمه يؤووووه من قدج الوالد ما يبي يتعب ايدج الحلوة
حصه: أي يمه من قدج مع أن أهو طول الوقت مشغول عنه
ذكريأت: صج يمه المهم أكيد اليوم بصير حده وناسه وبقوله يؤدينه البحر مشتاقه حق البحر :$
حنان:ؤانا بقوله بروح السوق بشتري جم شغله
هدى: هيئي أنتوا شتو تشرطون كلها غداً وبس ومافي أي كلام ثاني ؤسوواا إلي قلتكم عليه وخلاص واذا ييه أبوكن قولوله أنا مالي شغل
نوره: شنو لهدرجه أمي خافت من إبوي
ذكريات: خخخ شكلته.. أقول بشاير شسألفه البويه إلي تينن إلي كنتوا تسولفون عنها أمس أنتي وحصوواا
بشاير: ها ؤانتوا شكو أنا وحصه نتكلم تتليقفين شكومؤشعلج
ذكريات: مالت عليج وعليها يقول ملكه جمال ؤانا ما أدري
بشاير: أقول حدج لا أدوس أبطنج>:O
ذكريات: شنو حبيتيها
بشاير: قتلج موشغلج وبلا لقأفه
ذكريات:بطقاق شدعوة همني 3-|

بشاير ماترضئ على خالد لأنها بدت تتعلق فيه وفجأه يالها مسج من خالد أنا تمام دامج بخير وصحه بس أهم شيء تكونين مرتاحه وبخير استأنست حيل لأن كل يوم يزيد حبها ؤشوقها حق خالد بس انقهرت لأنها ماراح تروح المسيله الخميس الياي...

شوق راحت لبيت خللد ودقت الباب وفعلا طلع أهووو...

شوق: قوة شلونك خالد
خالد: هلا وغلا شوق أنتي شلونج
شوق: شلوني ما اعتقد أني بخير دامني بعيده عن جاسم
خالد: المهم فشله واقفه يم الباب حياج تفضلي
شوق: لا خالد تسلم بس أنا مستعليه بسرعه بس حبيت اطمن على جاسم
خالد:ؤالله ما أدري شقولج يييتج على العين وعلى الرأس بس.....
شوق: بس شنو شفيه جاسم
خالد: مافي شيء لاتحاتين بس أنا وجاسم تهاوشنه وما إنكلم بعض
شوق : ليش إصائر
خالد: مارضيت على إلي سواه فيج بصراحه وكلمته ومأفاد معاه وطقيته طراق جدام الناس بط جبدي واهو كيفه حر بحياته بس نصيحه يأشوق أنسي جاسم لأن مايستاهلج وأبدي حياه يديده
شوق: أف كل هذا صار شلون أنساه قولي شلون صعبه علي
خالد: عارف أن صعبه بس شسوين تحملي وقاومي ؤالحمد لله يت على الحين مو بعدين يطلع على حقيقته
شوق: المهم يأخالد انشاء لله الأمور تسهل ؤانت مساء لله قلبك طيب وكبير بس مثل ماقلت راح أعيش حياتي بعيد عن ألمشاكل ؤالحمدلله يت على جذي جد خالد تعبتك معاي بس ممكن أطل منك طلب؟

خالد:هلا عيوني لج تفضلي؟
شوق: ممكن أسيف رقمك بفوني يمكن احتاجك بشي؟
خالد: أي عادي شدعوة عطيني أسيفه لج وأي شيء تبينه أنا حاضر
شوق: تسلم ؤالله ئله عن إذنك
خالد: إذنج ويأج

وردت شوق البيت واهي جد زعلانه ومضايقه ماتدري شسوي مع جاسم إهي تحبه وله تقدر تنساه بس لازم تنساه مدامه من أوله جذي...

جاسم لحد الحين مصدوم ويذكر كلام خالد لكن ما اهتم وعادي وقاعد يقول بينه وبين نفسه ماراح آتغير مينون أنا أصير نفس خالد وحالته لائبه استأنس أحسن لي وئت أمه تنادي جاسم عشأن يتغده( أمه مدلعته حيل طيبه وحبوبه وتحب جاسم حييل اسمها شيماء)...

شيماء: يمه جاسم تعال تغدا الأكل جاهز
جاسم: هلا يمه لائمه مومشتهي أكل
شيماء:ليش يمه شفيك
جاسم: لايمه مأكو شيء بس تعبان شوي
شيماء: تعبان يمه أسمله عليك بعدوينك أوديك الطبيب
جاسم: لايمه شفيج خلإض بتغدا عشانج
شيماء:فديت وليدي أنا
جاسم: Smile

ونزل تغدا وله أبوه أستلمه دخله بالبلعوم( أبوه موراضي أن أمه أدلعه أبوه عصبي ؤشديد معاه اسمه بدر)
بدر: واخيرا شفناك قاعد تتغده مابغيت
جاسم: سلام يبه شسوي يبه مشغول حذي ومايمديني أقعد واتغدا
بدر: شهالشغل إلي يشغلك عن اهلك مو لازم تقعد تشةفنه شنبي مانبي
جاسم:يبه خلإص عاد أنا زين نزلت عشأن أمي يئت ؤالحين تنكد علي الحين ماتسوي على نزلت
بدر: وطول لسانك بعد تعال طقني بالقفشه بعد ؤالله طالت ؤشمخت أكل واحسابي معاك بعدين
شيماء:صل على النبي يابدر انت أكل وبعدين أنا أكلنه
بدر : ألف وصلي على النبي انشوف بعدين

جاسم منغث واصلا ولافكر بالمسكينه شوق وله درا عن هوى دراها وخالد المسكين مستلمته أمه لأن خالد بيطلع بغير جوو...

بدريه: وين على الله تطلع وادش شنو مأكو سلام
خالد: سلام يمه شلونج
بدريه: زفت دامني معاكم مومأخذه غير الغثا منكم إذلف بس

ؤالله مسكين خالد مايدري مت وين يأخذها على همومه وله مع إمع وله الحب...

شوي ؤراح خالد بحر المارينا وقاعد بروحه ؤشوي يدق تلفونه وله بشائر

بشاير:شلونك خالد انشاء لله تمام
خالد: الحمدلله تمام
بشاير: تدري أقولك شيء أستانست لمه شفت مسجات منك على الأقل طمنتي عليك
خالد: حياتي أنتي تسلمين
بشاير:هاوينك؟
خالد: مأكو طالع
بشاير:وين عادي أيي عندك إذا ماضإيقك
خالد: شدعوة عادي حياج أنا بالبحر تعالي حياج انطرج
بشاير: خلإص إوك أنا بمسافه الطريج وأيي

ؤراحت تبدل بشاير وتروح حق خالد...
شوفوا بعدها إصار شوق دقت على جاسم ؤشوفوا إصار بالمكالمه الأهم أن جاسم رد عليها...

شوق: قوه شلونك
جاسم: تمام
شوق:أكيد بتكون تمام خوو ألف وحده معيشتك جووو
جاسم : جب هاداقه تستهزئين وله شنو وله مفكره نفسج الوحيده إلي بالكويت أنا ألف وحده تتمناني
شوق: ألف وحده تتمناك وحتى أنا ألف واحد يتمناني واذا بغيت بسوي مثل ما انت تسوي والف واحد بيركض وراي مثل الجلب ؤانت كنت أولهم وراي
جاسم:احترمي نفسج أنا عمي وغبي وما أفهم لأني كلمت وحده نفسج وضعيت وقتي معاها
شوق: وحتى أنا تندمت لأني ضيعت وقتي معاك بس انت واحد واطي
جاسم: اوووووووه بأي

وصكر التلفون بويه شوق وقالت أن راح تتنتقم من جاسم وقالتها واهي معصبه

المهم...
1- شنو راح يصير بين خالد وبشاير بالبحر وهل راح تبدي بقصتها وحياتها وخالد بفضض أكثر حقها؟
2-هل شوق راح تنتنقم من جاسم وله بس مجرد تهديد له لأن ضيعت حياتها عشأنها؟
3-وأم خاالد راح تتغير وله بزيد حالتها؟
4-أبو بشائر مادق عليهم وطول ماذكرهم بالغدا تهقون إصار معاه

الجزء الرابع

صكرت شوق وفكرت أنها تنتقم منه بس الأهم أن بشاير راحت حق خالد وأبوها إلي قال أن راح يعزمهم على الغدا لا دق عليهم وله راح لهم ان شاء لله خير الحين شوفوا إصار مع خالد وبشأير...
بشاير:هاي خالد شلونك
خالد:هلأ ؤالله أنا تمام إنتي شلونج
بشاير:أنا بخير ها شلون الجو معاك ان شاء لله مرتاح
خالد:وين ارتاح خليها على الله أم الجو حده عجيئييب#:-s
بشاير:لا تقول جذي ان شاء لله كل شيء سهالات
خالد:المهم ماعلينه من هذا كله تشربين شيء
بشإير:أي بغيت عصير برتقال
خالد:خلإص عيل ؤانا نفسج عيل خلي أناديه واقوله
لو سمحت عطنه اثنين عصير برتقال
الجرسون:تأمر بحاجه تانيه غير ده
خالد: لا مشكور بس اثنين برتقال
بشاير:أي بعد سولف ليش سأكت
خالد:شقول بس خليها على الله
بشاير:عيل خلإص دامك ماتبي تتكلم أنا بتكلم بعدين دورك اتفقنه
خالد:إوك صار أنا أسمعج بالأول بعدين أقولج أنا
بشاير:طبعا انت عارف اسمي :p عمري 21 سنه أدرس بالتجاري
خالد:صج تدرسين هناك أنا هناك بس ما أشوفج
بشإير:صج وحتى أنا ما أشوفك يمكن لأني أحضر محاضراتي واطلع بسرعه وما انتبه فرحتي ؤالله يله عيل راح تمل من شوفتي كل يوم
خالد: لا عاد شدعوة مارأح أمل ئله بعد كملي
بشإير::pإوك عندي 4 خوات ؤانا خامستهم أكبر وحده أنا والحمدلله إبوي وأمي عايشين والحمد لله مستأنسه ؤايد ومومخلين علي قاصر كلش
خالد: أنزين ممكن سؤال وجاوبيني بصراحه؟
بشاير:تفضل ياهلا قول؟
خالد: خلينه من كل هذا بصراحه إنتي حبيبتي من قبل؟
بشإير:مممم أي بس تقدر تقووول أن مالي حظ بالحب ومو أي واحد يدش أبالي لأن أبي واحد يحبني من قلب مو يأخذني جذي أكيد فهمت قصدي
خالد:أي فهمت يعني تبين واحد مثلي جذي مزيون وطيب:p لا آتغشمر معاج أي كملي
بشاير:=))هههه يعني شكله البنات عليك ؤانت مو معطيهم ويه كلش أي أبي مثل طيبتك وحنيتك وقلبك خالد ممكن سؤال؟
خالد: تفضلي
بشاير:انت مشاء لله ألف وحده تتمنى مواصفاتك ليش ماتفكر ترتبط من بعد حبك القديم ؤتفكر تحب
خالد:جان زين الله يسمع منج الأفي وحده تحبني من قلب الحين قليل إلي يدور الحب الحين بهالزمن غير مصالح مايمشون ودني سولي لا ما أبي أدوخ رأسي خليني جذي
بشاير:صح كلامك بس لا تيأس مو كل البنات نفس الشي خلك عندك ثقه ؤقتلك ألف وحده تتمناك وتحطك بعيونها

خالد: أتمنى الاقيها الحين خلينه من هذا كله العصير من أول ما وصل واحنه ماشربناه ئله شربيه قبل لا يصير حار
بشاير:ان شاء لله({})

ظلت بشإير لفتره طويله ساكته وطول الوقت ماتكلمت وخالد كان يطالعها ومبتسم وده أن يقول لها بس مايقدر متردد وخائف من التجربه أن تطلع نفس إلي كان ئكلمها وينصدم ويتعب وفجأه بشاير تكلمت وقالت له واعترفتله ماكانت ودها تقوله بس كانت طول الؤقت تسحب حجي منه....

بشاير: خالد ودي أقولك شيء بس ؤائد متردده وخائفه تفهمني غلط
خالد:لإعادي قولي مارأح أفهمج غلط؟
بشاير:بصراحه يأخالد....أنا....
خالد:انتي شنو تراج قاعده تخرعيني صاير شيء
بشاير:أنا... ما أدري شقول
شوي ودق تلفون خالد وله أخته ريم

ريم: خالد شلونك
خالد: تمام إنتي شلونج ؤشلون ولدج
ريم:تمام انت ؤينك الحين
خالد:أنا قاعد بالبحرمع بشاير
ريم :منو بشاير هاذي شتطلع؟
خالد: بعدين أقولج المهم ليش داقه كنتي تبين شي؟
ريم:أي قلت أشوفك دامني رايحه بيتنه راح تتأخر بره
خالد: لاشوي وياي ؤراح أشوفيني لاتحاتين زاهبه حق اللقافه بتعرفين كل شيء لمه أشوفج؟
ريم: أي خوولأزم أعرف :]x خلإص عيل انطرك
خالد: إوك يا خبله
ريم: بأي يأمينون
خالد: بأي سوري قاطعتج بس إختي الخبله داقه علي تبي أشوفني رايحه بيتنه خبله هالاخت ؤالله أي كملي شنو كنتي تقولين
بشاير:لإعادي شدعوة أخذ راحتك
خالد: أي شفيج متوتره قولي شنو كنتي بتقولين
بشاير:خالد أنا... أنا... خلإص بقول وأمري لله
خالد أنا أحبك وكل يوم أتمنى أني أشوفك واقعد معاك ولمه أسمع صوتك أو أشوف مسج منك ما أدري شيصير فيني تيييلي وناسه موطبيعيه يتغير حالي 180 درجه ما أدري خالد ما أدري بس كل إلي أعرفه أني أحبك يأخالد أحبك واخاف عليك واحاتيك بكل دقيقه يمكن انت مأحسيت بهالشي بس أقولك إياها الحين أنا أحبك وأبيك لاتفهمني غلط بس هاذي مشاعري مااقدر أخبيها أكثر من جذي لأن جد موبيدي</3

دمعت بشاير ؤشوي خالد لمها حيل واستانس لمه قالت له لأن ناطرها واهو الحين يه دوره واعترف لها بمشاعره...

خالد: عفيه عشأني خلإص الحين أنا لأمج وهم تبجئن تبين أزعل منج
بشاير: لا خلإض انت تكفيني عن الدنيا ومافيها خالد أنا ما أبي شيء غير انك تكون معائ وأبي بس قلبك يكفييني

خالد: بشاير تدرين عاد شكثر أستانست ؤانتي معائ ماتدرين أن من أول مره شفتج فيها ؤانا حالي متغير بجد إنتي نورتي حياتي عيل إذا جذي دائم بقعد بروحي عشأن أشوفج
بشاير: يمه منك
خالد:حياتي ؤالله فديت الضحكه أنا

طول الحديث معاهم وفصفضوا حق بعض وردت البيت بشاير وماتدري شنو ناطرها وأم بشاير كانت قاعده أدق على ريلها ومايرد ؤشوي دق التلفون ؤشالته..

المستشفى:السلام عليكم
هدى:وعليكم السلام
المستشفى:هذا بيت إبراهيم محمد سالم
هدى:أي نعم أمر
المستشفى:لأسف حبيت أبلغكم أن أهو تؤه مسؤئ حادث وبين الحيا والمؤت واتمنى نكم تييئون وتشوفونه
هدى:انت شقاعد تقووول انت من صجك اووكي ثواني ونكون عندكم بس ماعليك أمر أي مستشفى نقلتوه اووك خلإص الحين ياييين يعطيك العافيه

ومن الخرعه مو قادره تتملك أعصابها ونادت بناتها واهي تصارخ بشاير حصه ذكريات نوره حنان تعالوا بسرعه لحقوني :'(
كلهم:يمه شفيج ليش إصارخين شفيج خرعتينه
هدى:أبوكم:'(
كلهم:شفيه
هدى:بالمستشفي
بشاير:شنو إبوي بالمستشفي ليش شفيه Neutral

تكلمي يمه ليش ساكته
هدى:دقيت على أبوكم مايرد وله يدقون ألمستشفى يقولون أن سوه حادث قوووي وبين الحيا والمؤت تكفون روحوا بدلوا بسرعه موقادر أتمالك نفسي يله بسرعه ليش واقفين
بشاير: انشاء لله يمه كأنه الحين بروح إنتي هدي ان انشاء لله مأكو إلا العافيه يله الحين أنا وخواتي نصعد أنبدل بسرعه الله سترك يأرب
هدى: أي يله لا تتأخرون بسرعه

انصدموا كلهم موحاطين أبالهم هالشي يصير بس لاحول وله قوه إلا بالله وريم راحت لبيت أهلها..

ريم : مرحبا يمه شلونج
بدريه: أنا تمام بخير بس من وين بئيلي الخير دام خالد وأبوج بالبيت راح أين منهم
ريم: ليش شفيهم إبوي وخالد
بدريه: مطلعين روحي مو كان فيه أم بالبيت موحاطيلي اعتبار
ريم: ماعليه يمه هدي بالج إنتي وكل شر راح ينحل الحين ماعلينه حفيدج موجود ياي يسلم عليج
بدريه: وأي يمه فديته أي هذا إلي يريح البال
ريم: أي يمه نسيت لا أقولج يمكن بأجر أسوي تحاليل يمكن أكون حامل لأن قاعد أحس بألم وعوراض الحمال
بدريه: صج ان شاء لله كل شيء خير والي الله كاتبه لج بيصير
ريم : أمين يأرب خليني أدق على خالد أشوفه وينه طول
خالد ؤينك طولت؟
خالد: كأني ياي بالطريج إنتي وين؟
ريم: أنا أبيتنه ئله تعال
خالد: إوك 5 دقائق واكون موجود
ريم : إوك

وصكرت ريم أخته ؤشوي ياله مسج من بشاير تقوله الحقني أبوووي بالمستشفي انصدم خالد واهو مواعد أخته بالبيت رد دق عليها مره ثانيه وقالها مايقدر يرد لأن أبو واحد من الربع تعبان بالمستشفي...

خالد: ريم سوري ما أقدر أيي الحين صار عندي شغل ما أقدر أيي
ريم : شفيك صاير شيء
خالد: لا ريم مافيني شيء بس أبو واحد من الربع بالمستشفي ولازم أروحله
ريم: خير ان شاء لله إوك إذا هذا طمني ؤشوي ؤشوي بالطريج
خالد: إوك صأر

وصكر خالد التلفون من أخته وطرش مسج حق بشاير وقالها أن أهو راح أيي عنده بالمستشفي يأي بالطريج
وبشأير وأهلها أوصلوا ألمستشفى...

هدى: ياربي يحفظك يأرب ليش صار جذي ليش
بشاير: يمه هدي خلإض مايصير جذي تسوينه بنفسج ان شاء لله راح يطلع إبوي بالسلامه والدكتور يطلع الحين يطمنه بس تعوذي انتي من إبليس
هدى: أعوذ بالله من الشيطان Sad

حصه: أقول بشايروووا
بشاير: ها إنتي الثانيه وقته تكلميني ما أشوفين أمي
حصه: أف منج سمعيني قلتتي حق خالد أن أبوج طاح بالمستشفي
بشاير:أي قلت له ياي بالطريج
حصه: شراح تقولين حق أمي ؤشلون تروحين له
بشاير: إنتي غبيه أقوله روح المكان الفلاني واروحله واطمنه
حصه: هههه حركات
بشاير: واااااائ فديته <3<3
حصه:استحي على ويهج أبوج بالمستشفي ؤانتي تضحكين
بشاير: وليئيين الواحد مايضحك مستكثرين عليع وناسه اااااخ بس يايبه ان شاء لله تقوم بالسلامه Sad

المهم....
1-شراح يصير بالمستشفي أبوهم بين الحيا والمؤت اتهقون راح يعيش وله يموت؟
2-أم بشاير راح تلاحظ واشوف خالد أو لا؟
3-ؤشوق مابينت يأترى تفكر صج تنتقم من جاسم وله مجرد كلام؟
4-وريم راح تحل مشكله أبوها وخالد مع أمها وياترى إخوانها راح يدخلون؟

الجزء الخامس

شوق آتعبت من حالتها وماتدري شسوي واهي تحب جاسم لحد الحين بس شلون تردله عقب مأحانها وظلت قاعده بدارها لا تآكل ولا تشرب ولاتنام لأنها تحبه وماتقدر تنساه ؤخذت دفترها وظلت تكت إلي بداخلها

لماذا أصبح حالي هكذا؟أنا ما ألذي فعلته بحياتي؟
غلطتي أنني أحببته وعشقته ووفرت له كل شيء؟
لماذا فعل بي هكذا؟ لقد رحل إلى غيري وليس غيري فقط غيرها وغيرها يعيش حياته ولكن ليس له قلبا أو إحساسا أو مشأعر الحب ألذي تمتلك إحساسه؟
كنت اتساءل هل كل البشر من الممكن أي يكونوا هكذا؟أو ربما القليل؟
لا أعرف فمنذ أن رحل عني وأبتعد لا استطيع نسيانه فكل شيء يذكرني فيه صورته وصوته وهديته لي بعيد ميلادي كيف لي أن انسى
فكل شيء يذكرني به لماذا هو أناني؟
يحب لنفسه كثيرا ؤانا ارتكبت خطأ أكبر بأنني أحببته لا استطيع أن أقول شيئا؟
لكن أتمنى شيئا واحدا الآن؟
يجب علي أن أتناسئ لكي أعيش حياتي الباقيه بجد لأنني متأكده بأن مصير الدنيا سوف ترجعه لي وحينها سوف أكون بانتظاره واذا رئته وبدون أن يتكلم سوف أقول له أحبك والمه بين أحضاني واقول له أيضا أشتقت إليك يانبض قلبي
لا استطيع أن أنساك ولكن ربما سوف أتناسئ لكي ابدى حياتي الجديده بسعاده ولكن سوف انتظرك مهما فعلت بي؟
لأنك حبي الأول والاخير؟ وأوعدك بأني لا أحد يمتلك قلبي سواك
أحبك واشتقت إليك ...

ومن بعدها شوق صكرت الدفتر وهي بنفسها حيل مضايقه بس أوعدت نفسها أن كل شيء راح يتغير ؤراح تبدي حياتها من يديد وبعدها فكرت بخالد ودقت عليه عشأن تطمن عليه لا أكثر ولا أقل ...

شوق: قوة خالد شلونك
خالد:هلأ وغلا يقويج أنا تمام إنتي شخبارج؟
شوق:الحند لله ماشي خالي أهم شيء تكون انت بخير؟
خالد: Sad

شوق:خالد شفيك صوتك موعاجبني عسئ ماشر صايرلك شيء
خالد:لإعادي وله شيء لاتحاتين
شوق: شلون ما أحاتي أنا أختك قولي شقيك صوتك مو طبيعي مضايق من شيء
خالد: بصراحه يأشوق ما أدري شقولج؟
شوق:قولي عادي أسمعك
خالد:بصراحه أنا بديت أحب
شوق : صج ؤالله انك فرحتني على كثر ماكنت مضايقه صج خبر يونس ؤالله يأخالد انت تستأهلك كل خير والف وحده تبيك
خالد:تسلمين ؤالله بس توني أعرفها ما صارلي فتره معاها والحين أبوها بالمستشفي ؤانا خائف عليها وعلى أهلها وتوه طرشت لي مسج قالت لي تعال وبروح لها Sad

شوق: يه يه يه شهالحب هذا؟ هذا من أوله وجذي صج إلا ماقلت لي شسمها ؟ ومايشوف شر أن شاء لله ولاتحاتي ان شاء لله يقوم بالسلامه وكل شيء يكون بخير
خالد: ان شاء لله الله يسمع منج لأني حيل أحاتي يمه منج ملقوقه ماتيوزين :p اسمها بشاير تذكرينها إلي سلمت على جسوم
شوق: أي عرفتها يا حليلها ؤالله حتى إهي تنحب وتدخل القلب والكل يبيها بس ماتبي فضلت أدور بيدها على حبيب يناسبها والحمد لله حصلته ولقته فيك صج هنيالها
خالد: ؤالله من قدي عيل خلإض يبه أنا ما أقدر أطول عليج لأن لازم أروح لها ألمستشفى واذا رديت اطمنج واذا ماقدرت أكلمج بأجر
شوق : إوك إبوي دير بالك من نفسك ولا تنسى اطمني إذا فضيت
خالد: أوك صار

وصكرت شوق من خالد وحيل ارتاحت من كلامه لأن أهو الوحيد إلي ترتاح له لمه تكلمه بس الحين شوفوا الأحداث ؤشراح يصير بشوق وشوق دق عليها رقم غريب وله بؤيه داقه عليها ماتدري شنو يبي ؤشلون خده رقمها(( اسمه عبود))...

عبود: مرحبا كيف الحال
شوق: هلأ ؤالله مرحبيتن منومعاي

وكانت شوق معصبه>:O
عبود: شدعوة شدعوة ليش معصبه كل هالعصبيه أنزين فيه مجال شوي متكلم
شوق: كيفي انت شتبي أعصب بوقت ما أعصب خلص انت منو ومنوعطاك رقمي ومنوعطاك الحق انك تتصل وعبالك أني وحده رائحه فيها اسمحلي مأكو بنت للارتباط
عبود: أنا أسف إنتي فهمتي الموضوع غلط و....
شوق:شوف ما أبيك تكمل واتعب نفسك كلكم نفس الطينه كلكم تخونون واجذبون رجاءا لا تتصل واذا شفت رقمك مره ثانيه ماتلوم الا نفسك تسمعني بأي
صج ناس ماتسحتي
عصبت شوق قالت شهالناس اللزقه حدهم فاضين يأخذون أرقام الناس ومالهم غير يزعجونهم ..
وخالد بالطريج رائح حق بشاير خائف عليها واتصل عليها وقال لها أن دقائق ويكون بالمستش وغسان بعد أن بشائر ما أشوفه أنا خواتها عادي...
خالد: حياتي ترى أنا ثواني وأوصل طلعي بره إوك
بشاير: إوك قلبي أنا ناطرتك ودير بالك من نفسك وله تسرع
خالد: إوك حبي من عيوني
وصكره خالد وبعدها حصه أخت بشائر نادتها
حصه : بشاير بشائر
بشاير:ها شتبين بعد بسج حنه ؟
حصه: هذا خالد إلي داق غليج
بشاير: أي أهو داق قالي دقائق ويكون موجود وقالي طلعي بره عشأن أشوفه وعشأن أمي ماتلاحظ أنزين أقولج حصه حاولي انج تأخذين أمي وتوكلينها شيء ساحليها من أول مادخلت ألمستشفى وما شربت شيء
حصه: إوك خلإص إوك لاتحاتين راح أخذها بس إنتي لا أطولين واعتمدي على أختج أم لسان

بشاير:فديتج ؤالله يا أحلى أخت قلت محد فأهمني غيرج

شوي لوه خالد سأل الاستعلامات مال ألمستشفى وقالواله الدور واول ماضعد شاف بشاير جدامه...

خالد:ها حياتي طمنيني عن الوالد عسى ماشر
بشإير:ما أدري قلبي يقولون أن سوئ حادث قوي وحالته خطره والحين بالعنايه المركزه ؤالله يستر
خالد:لاحول وله قوة إلا بالله لاتحاتين حياتي ان شاء لله يقوم بالسلامه وتشوفونينه لاتحاتين أنا معاج
بشاير:وهذا الشي إلي مريحيني انك معائ وهذا إلي يخليني مطمنه ومنفائله
خالد:حياتي ؤالله أنا معاج لااتحاتين

ؤشوي حصه وأمها راحوا لحد الغرفه أبو بشاير عشأن يطمنون عليه
وبشأير وخالد أقعدوا وناطرين لحد الحين
وحصه الوحيده إلي تدري عن خالد وبشأير
وألباجئ كلهم يم أمهم
ؤشوي طلع الدكتور يبلغهم الخبر...

الدكتور:ياجماعه منو فيكم زوجه إبراهيم
هدى:أنا دكتور خير طمني ريلي فيه شيء تحجى لا تخرعني
الدكتور:أنا ما أقدر أخبي أكثر من جذي الضربه كانت حيل قويه على رأسه سوينه إلي علينه بس البقة برأسكم
هدى:شنو انت من صجك دكتور وله قاعد تتضمحك أكيد انت قاعد أجذب علينه إبراهيم مامات أهو راح يطلع ؤراح نشوفه أنا أدري أهو دايم يضحك

حصه راحت اركضت بسرعه تقول لبشاير واهي تصارخ...

حصه: بشاير بشإير لحقي علينا أمي إغمئ عليها
بشاير: ليش إصار الدكتور طلع وبلغكم
حسه: الصراحه أي بلغنه
بشاير: أشقال تحجي
حصه: أبوي عطاج عمره
بشاير: Neutral

شنو إبوي مات لا ما أصدق أكيد قاعدين يجذبون إبوي عايش

خالد هدي شوي بشائر الأمور ماتنحل جذي

بشاير: خالد خلإص روح انت الحين أرجع البيت وبعدها أكلمك
خالد:لا مارأح أتحرك لحد ما اطمن عليج
بشاير:خلإض براحتك يله عن إذنك لازم أروح لأمي يله حصه
بشاير:يمه عفيه خلإص هدي موزين إلي تسوينه بروحج لازم نرجع البيت الحين هذا قدره ومكتوب يايمه صلي على البي وان الله وان إليه راجعون
هدى:ألف صلاه على النبي الله يرحمك يا إبراهيم كنت لي كل شيء بس شقول كنت تفكر بعيالك لآخر لحظه وكنت مفكر تعزمهم بس الله ماكتب الروحه الحمد لله على كل حال
بشاير:خلإص يمه خلينا نرد البيت قعدتمه أهنيه مأمنها فأيده
هدى: صح كلامج يابنئتي مارأح تؤدي ولا تييب ئله خلينه نرجع عيل
بشاير:إوك ان شاء لله يمه حصه نادي خواتج عشأن نرد البيت
حصه: إوك الحين أناديهم حنان ذكريات نوره ئله تعالوا بنمشي

وخالد كان موجود وبشأير كانت تغمز له أن يرجع البيت واذا ردت تكلمه واطمنه ورجع البيت خالد وبالطريج ياله مسج غريب مكتوب فيه أحبك ؤراح إظل أحبك حتى لو كنت بعيد عني خالد استغرب من ألمسج وطنش ومافكر وهد فونه وبطريجه راد البيت وكانت أخته ريم وامه ناطرينه لأن تأخر وأمه شوي استلمته وتغير أسلوبها معاه واهو منصدم ...

ريم:هلأ خالد تأخرت
خالد: أي شسوي كنت اطمن على أبو رفيجي
ريم:ها طمني إصار وياها
خالد:لإعادي مأكوشي Sad

ريم:شفيك شكلك أمبين مضايق عسى ماشر
وأمه يت فجاه
بدريه:هلأ بوليدي هلأ بخلود تدري عاد البيت بدونك وله شيء
خالد:من متى عاد البيت من دوني وله شيء مؤمحمد واحمد أحسن مني
بدريه: أي صج البيت بدونك وله شيء تدري عاد تعال أقعد يمي بسولف معاك من زمان ماقعدت معاك
خالد:مالي خلق بروح أنام تعبان حيل أقول ريم أبي أكلمج بموضوع إذا ممكن عن إذنج يمه
ريم: عيوني لك كأني.. يمه يمه ثواني بس أشوف خالد ؤاييلج خلي ولدي عندج
بدريه: أنزين ؤانا شكو أشتغل عندكم خدامه بالبيت أي ؤالله مو ناقص إلا أمسك ياهل واساسه

ؤراحت ريم حق خالد
ريم: هلأ خالد أمرني تراك خرغتني شصاير قيك شيء
خالد:لإعادي لاتحاتين بس ما أدري شلون أبدي كلامي
ريم:عادي قول شفيك لاتحاتي راح أسمعك
خالد:ريم بصراحه أنا جذبت غليج ؤقتلج أن أبو رفيجي بالمستشفي لكن مو أبو رفيجي بالمستشفي أهو أبو البنت إلي بديت أحبها؟
ريم:إلي بديت تحبها شنو بدينه نحب ها خشيت عن أختك أنا أعلمك بس منو هاذي ؤشلون عرفتها
خالد:هاذي سالفه طويلي بس راح أقولها تعرفت عليها يوم رحت آخر مره بالمسيله خذت رقمي ؤخذيت رقمها وصارت طلعات بينه وعرفنه بعض واطلعت معاي بالدوام نفسه وعمرنه نفس بعض وبديت أحبها ياريم موبيدي أحسها غير عن الكل وأبوها أهو إلي توفى
ريم:أن لله وان إليه راجعون أخيئيه يا إخووي بدينه نحب انت يا أبو الرومانسيه الحين شنو إلي بيدي أسويه
خالد:أها وصلتي خيرررر أنا ما أقدر أعزيها إلا بالتلفون فآبيج تروحين بيتهم وتحاجينها وتقولون لها أن خالد ميت أن يشوفج ويبي سمع صوتج لو ثواني لأن يحاتيج حيئيل
ريم : أمم خلإص إوك بس هذا لا تحاتي راح أروحلها بس بشرط
خالد:تدللي أمري أمر عيوني لج
ريم: تغير معاملتك لأمي شوي شوي وتقرب منها لأنها ؤالله تحبك وتخاف عليك بس تدري إهي طبعا قاسي شوي
خالد:ريم بعدين يصير خير على هالموضوع المهم سوي إلي قتلج عليه

ريم:إوك واشوف آخرتها معاك
خالد: تسلمين يا أحلى أخت بهالدنيا

وانزلت ريم تحت واسالتها أمها شنو يبي خإلد من ريم

بدريه:ريم شنو شيبي خالد منج
ريم: هاااا لا مائبي شيء بس يقول أن يبي يأخذ سيارتي وقلت له لا ما أقدر لأن سيارته خربانه ؤانا علي دوام
بدريه:مممم علينه هذا إلي قالج بس وله فيه شيء ثاني
ريم: شيء ثاني مثل شنو لأيهمه الله يهدأج لا أكو شيء ثاني وله شيء بس هذا إلي يبيه
بدريه: أحاول أصدق

أما جاسم عايش حياته مع البينات وكل يوم مع وحده

جاسم: هلاحبي هلأحياتي هلأ قلبي وينج مشتاقلج
دلال: حتى أنا حبيبي أشتقتلك ودي أشوفك ونقعد بروحنه أنا وياك
جاسم: صج حتى أنا قلبي خلإض وله يهمج أشوف الوضع وادق عليج
دلال: إوك حياتي انطرك

وهذا حال جاسم وله فكر بشوق ألمسكينه وخالد حط رأسه ونام والكل نام عشأن الدوامات بأجر كلها راح تبدي ؟

المهم؟

1-اتهقون شراح يصير بحال أم بشائر وعيالها ؟
2-أخت خالد شراح تقول لبشاير؟وبشاير شراح يكون رده فعلها؟
3-المكالمه إلي صارت مع عبود ؤشوق يأترى عبود شيبي من شوق ؤشنو مصلحته؟ ؤشلون أخذ الرقم؟
4-خالد منو البنت إلي طرشت له مسج كانت قاصده وله بالغلط؟
5-فجاه تغيرت معامله بدريه حق خالد يأترى راح تتغير للأحسن أو لا؟
6-شراح يصير مصير خالد لمه أخته تروح تكلم بشائر؟وبأجر دوامات راح يشوف جاسم ؤشنو موقفه بيكون؟

» روايه خقق من تاليفي
» انتقام بويه من ليدي عبر النت > روايه بويات وليديات من تاليفي
» {عذاب رغد} روايه بويات جريئه جداً
» {عذاب رغد} روايه بويات جريئه جداً /بقلمي
» روايه/حياتي عذاب من حبيتك/جرييئئه وواقعيه