روايه (( عذاب ليدية )) من تاليفي ...!!!!

الجــــــــــــــزء 24...

نور وافقت تشوف خالد وتعرف منه سبب غيابه ...
خالد كان مريح بسريره والساعه الحين2:45م واهو وعد نور ان بعد الغدا يبدل ويروح بحر مارينا ويشوفها ويشرح لها سبب غيابه وقام بدل
واول ما ركب سيارته دقت عليه بشاير ...
بشاير : ها حبيبي وينك ؟
خالد : ويني موجود بالبيت على فراشي منسدح ليش قلبي تسالين ؟
بشاير : لأ ولاشئ اسال بس خلود حبيبي لازم تروح اليوم الشركه عشان نخلص شغلنا وانت عارف شغلنا مايخلص
خالد : اوووه قلبي اليوم واصلين من السفر وحدي تعبان ابي ارتاح اليوم وان شاءلله الاحد اخلص كل شئ
بشاير : اوك خلاص انا آسفه لاني قاعده اتعبك وسوري اني ازعجتك طلع النوم اهم مني عن اذنك
خالد : ولين روحي لاتفهميني غلط بس قتلج جد انا تعبان وابي ارتاح والاحد يصير خير
بشاير : خلاص اوك ارتاح انا ماقلت شئ وله قلت اني زعلت الي ريحك يله اخليك ترتاح ...

وصكرت بشاير من خالد واهي منغثه ماتدري ليش قاعد يكلمها جذي وين الحب وينه الي همه الحين نور وبس ان يروح يشوفها باسرع وقت بس
مافكر بشاير شراح يكون مصيرها ومحمد سمع خالد وعلى اساس ان بيطلع وقام اخذ معاه كاميرا وركض بسرعه لحقه ...
نور ما صدقت ان خالد دق عليها وسيده طيران راحت اتحاول ادق على جاسم ورد عليها مثل ماقاله جاسم ...
نور : ياااي واخيرا مابغيت ترد علي شصاير شدعوة نسيتنا وله شنوو ؟
جاسم : لا شدعوة ماعاش من ينساج حياتي بس انشغلت وكنت مريض وتدرين بعد ابووي مايخلي الواحد بحاله وظروف بعد انتي شخبارج شمسويه ؟
نور : ممم زين المهم ماعليك مني خالد دق علي ويبي يشوفني شراح اسوي وشقوله ؟
جاسم : مم حلو ودق عليج وشراح تسوين وشنو تقوليله مممم اي شوفوا ابيج تقولين له ان عندنا حفله بشقتي وابيك تكون معاي واذا ماييت بزعل وبجذي راح ايي وبعدها آخذ حقي منه
نور : اها يعني على اساس اهي شقتي انا واقوله ان بسوي حفله عشان عيد ميلاد رفيجتي اوك صار ولايهمك خل كل شئ علي وبعدها ادق عليك موماترد علي اطنش
جاسم : لا تحاتين راح ارد عليج وبعدها قوليلي شراح يصير معاج
نور : اوك صار ولا يهمك
جاسم : حبيبه قلبي والله

ورد جاسم على نور وقالها شراح تسوي مع خالد وشراح تقوله نور قامت راحت بدلت وخلصت وراحت قالت لامها انها بتطلع مع رفيجتها على اساس
العكس بتروح اشوف خالد وتمثل عليه الدور صح مثل ماقالها جاسم ...
نور : يمه انا بطلع تامريني بشئ
ام نور : لأ يمه سلامتج بس وين طاللعه ومع منو ؟
نور : بطلع يمه بغير شويه هوا مع رفيجاتي مليت وانا قاعده بالبيت اختنقت من قعده البيت
ام نور : خلاص اوك بس موتتاخرين ؟
نور :ة ان شاء لله يمه ماراح اتاخر تامريني بشئ ثاني
ام نور : لأ سلامتج يمه بس ديري بالج من نفسج
نور : ان شاءلله يمه لاتحاتين يله يمه عن اذنج
ام نور : اذنج معاج يمه

واستاذنت نور من امها عشان تطلع بس مو مع رفيجاتها بتطلع عشان اشوف خالد ...
خالد وصل بحر مارينا وقاعد ينطرها الساعه الحين 3:30م ...محمد كان لاحق خالد ووصل لحد بحر مارينا ياترى شراح يسوي محمد هذا الي راح نعرفه مع التكمله ...شوي وله تيي نور وانزلت من السياره وشافها محمد وقام وصورها وبعدها شافها راحت عند خالد وهم صورها وقام ياخذ صوره وراه صوره ... وشوي خالد قاعد يكلم نور ...

خالد : حياتي شفيج الحين شاقه البوز اسمعيني بالاول بعدها احكمي
نور : اوك يله اسمعك تكلم من اليوم وانت ساكت قاعد يروح الوقت وانت بعدك ماتحجيت
خالد : خلاص راح اتحجى وامري لله ... بصراحه يانور انا اشتغل بشركه ابراهيم للمقاولات وانا نائب المدير العام بالشركه وسبب غيابي
عنج لاني سافرت بشغل بره وكانت مده السفره 10 تيام وكنت مجبور فيها واذا مومصدقتني اوريج جوازي وتتاكدين متى رحت ومتى رجعت ؟
نور : ممم حلووو حلووو وتخبي عني بعد ؟
خالد : حبيبي عاد انا صارحتج الحين وقتلج سبب غيابي عاد يله اعذريني يعني انا ما استاهل انج تسامحيني
نور : امبله خلاص مسامحتك بس بشرط ؟
خالد : شنو تدللي عيوني لج آمري ؟
نور : تسلم عيونك ابيك تييلي الشقه عندي حفله عيد ميلاد رفيجتي باجر وقتلها ماراح اييج الا وخالد معاي ووافقت ها شرايك ؟
خالد : لأ لأ اروح حق حفله عيد ميلاد رفيجتج اهي رفيجتج انا شكوووو رايح لاه انتي روحي بس
نور : خلاص مابي شئ طنقرت اوك وله راح اروح الحفله زين
خالد : لأ بتروحين غصبن عليج خلاص يبه امرنا لله راح اروح معاج الحفله اوك جذي
نور : اي جذي ارتحت
خالد : وااي فديتج
نور : يفداك كلي حبيبي
خالد : تدرين اني مشتاقلج حدي وولهان عليج
نور : ادري


خالد : ياااااي شوفوا الثقه
نور : اي اكيد واثقه من نفسي دام اسمي نور
خالد : وااي فديت هالنور انا
نور : بس عاد استحي من الكلام الحلووو
خالد : فديت الي تستحي انا
نور :

ونور اقنعت خالد ان يروح الشقه معاها وجاسم حقق الي كان يبيه وصار...
وشوي بشاير دقت على خالد تشوفه نايم وله قاعد وطبعا خالد جذب عليها كالعاده ...
بشاير : ها عمري شنو نايم
خالد : ها حبي اي نايم ليش اصاير ؟
بشاير : لأ ماكو شئ بس حبيت اطمن عنك خلاص عيل دامك نايم اذا قعدت دق علي انطرك موتخليني احاتي
خالد : اوك خلاص ان شاءلله راح ادق عليج
بشاير : يله باي

وصكرته بشاير من خالد وجذب عليها واهو الحين عايش بالعسل مع نور وخلي بشاير طاف ...
خالد : حياتي قلبي بقولج خاطره وابيج تسمعيني
نور : اوك قلبي اسمعك ليش ما اسمعك ....
اتعلمين اني في حبكِ عزفت الحنين وزرعت الشوق نبضا في فؤادي ومن حبي اعزف لحنا تترنم به اطياف تعانق اسراب غرامي ياموطن
اشواقي ويا مسكن آهاتي اتيت اليكِ لارتوي حبا ولأتعلم ترانيم الهوى في رباكِ كم بنيت الحلم يوما وصوتكِ احساس يداعبني ترافقيني
كشوقي وكوسن في جفوني ترتعش كلمات الحب في شفاهي وتهرب عبارات العشق من اوراقي حين ابعث لكِ بعضا من جنوني
في عينيكِ موطن فيه مولد احلامي وسحر يبث الفرح في آفاقي لاحمل الخب نورا فتعتريني رعشه البعد فامضي وتمضين
معي كنشرة الصباح وكنغمه الحب التي تنبثق من اوتار القلوب يانبض الوفاء لملمي ماتبقين من حطامي اعيدي تاريخ
ميلادي ففي قربكِ تركت الحزن وهجرت شقاء وحدتي ارسل اليكِ مشاعر قلب اعياها الفراق فارويها بعذب الهمسات واحمليها بين
راحتيكِ في شوق وحنان فساتي اليكِ مشتاقا ومعي ميلاد حب جديد ...
نور : يا الله ياعيني فديت شفايفك الي قالوا هالحجي احبك
خالد : يفداج كلي انا حتى انا احبج

وخالد الدبنكي صدق وعاش الدور ومايدري ان نور قاعده تلعب عليه وان نور مايهمها الا انها تسمع كلام جاسم ...
حصه الي حييل تعلقت بعزوز ... عزوز طرش لها مسج ....
انا ماهزني غيرج حبيبي بالبشر انسان
ولاحبيت ابد قبلج ولا افكر احب ثاني
دخيل الليل والقمر ونجمن في سمانا بان
ودخيل الحب وعيونج دمعا غرق اوجاني
ابي حبج يزلزلني يفجر داخلي بركان
ابيه يظهر جروحي يمحي باقي احزاني
ابيج تشدين من عزمي اذا همي تلقاني
ابي حبج ينسيني همومي وعالم الاحزان
وابي قلبج يصبرني اذا جيتج انا اعاني
ابيج تشيلين من قلبي معالم لوعه الحرمان
ابيج توقفين بصفي اذا ظرفي تحداني
ابي قلبج يحسسني في صدق الحب لاجاني
ابي اكمن وسط قلبج لوحدي مامعي انسان
ابملك كل تفكيرج وتملكين كل وجداني
وابي قلبج يواعدني لوخان البشر ماخان
ابي اطلب طلب واحد رجيتج وهو االمهم الآن
ابيج تعيشين في قلبي اذا تسمح مدى الازمان
ابيج تشوفين ماتملكين في قلبي وماتعداني

وردت عليه حصه وقالتله ...

لوشفت حالي كيف عايش بليام
تبكي على حالي وتكره غيابك
سولف لي عن غيبتك وشلون دنياك
عساك تضحك والحزن مادرا بك
لامر طيفك قلت اقلط وحياك
وسط الفؤاد الي هواك وشقى بك

وهذا حب حصه وعزوز ونور دقت على جاسم طبعا وقالتله كل التفاصيل ...


خالد رجع البيت ونور هم ارجعت البيت عقب ماخلصوا سوالف ...

الجــــــــــزء25...

ومرت الساعات .. والساعه الحين 10:00م وبشاير ارجعت البيت مالها خلق دوام الشركه لان خالد موموجود وكالعاده اهو دايم معاها بس سبحان الله
صج الواحد مايبقى على حاله...
حصه : بشاير ليش رجعتي امبجر شصاير ؟
بشاير : موصاير شئ بس احس بتعب من جذي رديت وبصعد داري اريح
حصه : الحمد لله طمنتيني عبالج فيج شئ
بشاير : لا تطمني مافيني شئ

صعدت بشاير واهي مضايقه من تصرفات خالد لها وعقب ماشاف نور واخذ راحته معاها نسى ان عنده حبيبه اسمها بشاير ...
اليوم يوم الخميس وباجر يمعه والي عقبه سبت يعني عطله يومين وماراح تشوفه الا الاحد ...
اليوم يوم اليمعه طبعا كل عاده تيي ريم كل يمعه ابيتهم بس الفتره الي طافت صارت لها ظروف ماقدرت تيي وعلى اساس تيي اشوف اهلها وتعرف
آخر اخبار خالد اخوها وبشاير مضايقه حييل من تصرفات خالد معاها .. ريم اصعدت فوق لدار خالد عشان تقعد تسولف معاه وتعرف آخر آخباره
ومع ان هالقعده نفس القعده الي كان يكلمها عن بشاير بس للاسف الموجه تغيرت ... وريم طقت الباب عليه ...
خالد : منو ؟
ريم : خالد انا ريم
خالد : حياج دشي
ريم : ها الحلو شقاعد يسوي ؟
خالد : ماكو قاعد ما اسوي شئ
ريم : عيل وين بشاير عنك شخبارها
خالد : ماكو موجوده اهي تمام الحمد لله زينه
ريم : اي الحمد لله وماقتلي شلون السفره ان شاءلله استانست هناك
خالد : الحمد لله السفره كانت احلى سفره بحياتي هالسفره غير فيها وناسه موطبيعيه
ريم : ممم ان شاء لله دووم هالضحكه والوناسه والله لايغير عليك
خالد : آمين يارب
ريم :
خالد : ريم بما ان انا وياج قاعدين بروحنه في موضوع مهم ودي اقولج عنه
ريم : شنو تفضل شنو الموضوع المهم الي بتحاجيني فيه
خالد : بس اوعديني انج ماتعصبين ولاتعلقين ؟
ريم : اوك وعد يله قول
خالد : بصراحه ياريم ..... ما ادري شقول
ريم : ها شفيك يله تحجى
خالد : خلاص زين بكمل بصراحه ياريم انا اكلم وحده اسمها نور حبيتها من قلب وما ادري شسوي احس اني ضايع من غيرها
ريم : شنو كلمت وحده اسمها نور وشتطلع هاذي وبشاير مافكرت فيها مافكرت انها سلمت لك كل شئ سلكت ثقتها فيك وحبها وخوفها وكافي انها خلتك معاها بالشركه وصلتك لفووق عقب ماكنت تحت وكافي قلبها لك ليش اسوي بالبنت جذي يعني اكيد مع الايام البنت راح تدري
اذا مو اليوم باجر واذا موباجر عقب باجر لأ يا خالد ماتوقعت منك جذي تخوون يا خالد
خالد : ادري وعارف وهاذي المشكله انا ابي نور وبشاير وما ابي اهدهم وانا قررت يا ريم اختار نور وبس
ريم : انت من صجك تتكلم تختار نور الي ما ادري جم صارلك انت وياها وتخلي عشترك ويه بشاير ما اقوول غير الله يهديك خلاص يا خالد
لا تتكلم وانا بقووم انزل تحت بس صدقني اوعدك ان محد راح يدري بالسالفه يله عن اذنك
خالد :

خالد قال حق ريم عن نور وريم انصدمت من اخوها طلع خاين يعني شراح تقووله واوعدته ان ماراح يقول لاحد وتضايق خالد حيل وموعارف شسوي ...
وشوي دقت نور على خالد عشان تقوله عن الحفله ماينساها وان الحفله اليوم بليل ...
نور : شلونك حبيبي ها توك قاعد وله شنو ؟
خالد : انا تمام قلبي لاه وين قاعد من زمان لان اختي عندنا اليوم
نور : دوم يارب اها اختك موجوده مم انزين موتنسى اليوم الحفله انت اول ماتطلع من البيت دق علي عشان ادليك المكان
خالد : لا عمري موناسي وانشاءلله اكيد راح ايي شلون ما ايي وانتي بتروحين الحفله وما اقدر اخليج بروحج تروحين
نور : مم ليش تغار علي لهدرجه ؟
خالد : اذا ماغرت عليج اغار على منو بله لاتحاتين انا اول ما اطلع من البيت راح ادق عليج
نور : وااي فديت غيرتك انا خلاص عيل اخليك الحين عشان اطلع شنو تلبس اليوم ابيك تلبس احلى لبس عندك
خالد : اوك ولا يهمج راح البس احلى لبس الحين اقووم واطلع جم نور عندي انا
نور : وحده بس انا
خالد : فديتها
نور : خلاص عاد يله قووم ومثل ماقتلك اذا طلعت دق علي
خالد : اوك صار
نور : عيل يله اخليك

نور قالت حق خالد ان ماينسى الحفله اليووم وطلع موناسيها بس اهوو قالها ان اول مايطلع يدق عليها ماراح يدق لان بروح الشركه
اول خصوصا ان اليوم يمعه ماكو دوام بس اهو بروح بخلص جم شغله وبعدها بدق عليها ...
بشاير كانت تفكر بخالد وتصرفاته هاليومين موعاجبتها ليش تغير عليها وكانت تفكر وتقول يمكن ظروفه وكانت وايد تعذره ودقت عليه عشان تقوله
ان بشوفه بس اهو قاعد يتهرب يقولها ان عنده شغل ...


بشاير : ها قلبي شقاعد تسوي ؟
خالد : موقاعد اسوي شئ قاعد ؟
بشاير : مم انزين حبيبي عادي اشوفك اليوم حدي مشتاقتلك ؟
خالد : وحتى انا بس انا بعد شووي مشغوول بسوي جم شغله يعني حدي موفاضي اليوم
بشاير : يعني الشغل اهم مني انا
خالد : ماقلت حبي بس لازم اسوي هالشغل اليوم
بشاير : اوك خلاص فهمت قصدك مابي شئ ومابي اشوفك اخليك مع شغلك الحين

وصكرته بشاير من خالد واهي مضايقه منه شهالشغل الي يلهيه عن حبيبته وكان يتهرب منها وقالها ان عنده شغل ..
وشوي محمد شاف خالد قاعد يبدل وراح نزل تحت يتطره عشان يلحق خالد كونه امه معطيته المفتاح ويتصرف بكل شئ...
خالد بدل وخلص ونزل تحت وطلع وركب سيارته ومحمد قام وراه لحقه بدون مايحس طبعا عشان يعرف وين يروح هالمره ...
عبود دق على شوق وقالها مايقدر يكلمها اليوم لان عنده شغل وتهاوشت شوق معاه وصكرت التلفون ...
عبود : اقول حبي ترى اليوم كلش ما اقدر اكلمج لان عندي شغل واذا خلصته ادق عليج
شوق : شنو هالشغل الي يلهيك عن حبيبتك بس ممكن اعرف شنو هالشغل ولا مومن حقي
عبود : مافي شئ يلهيني عن حبيبتي وهالشغل ما اقدر اقولج اياه لان شئ شخصي وما اقدر اقوله لاي مخلوق
شوق : وانا اي مخلوق مشكور خلاص ما ابي اعرف الظاهر انا موحبيبتك
عبود : شوق ما ابي اهواش على شئ مايسوى اهدي وطولي بالج
شوق : ماراح اطول بالي واذا انت شايف ان هذا شئ مايسوى راح اسوى نفسك واقول ان عندي شغل شخصي بس ماراح اقدر اقولك
وماراح اقول لاي مخلوق يعني ماراح تتضايق
عبود : امبله اكيد بضايق
شوق : خلاص عيل حلال لك وحرام علي خلاص متى ماحبيت تقولي دق علي اوك
عبود : شوق شوق
شوق:عيونها
عبود:أحبج
شوق: ؤانا بعد

ؤخالد ياخذ نص حلالها بدون ماتحس ...
وطبعا محمد تم وراه عشان يعرف وين يروح جاسم راح حق الشقه عشان يرتب كل الامور وعشان يطيح خالد بالمصيده ...
عبود بدل وركب سيارته وراح حق شقه جاسم وقعد معاه يتفاهم شلون راح يقضون الحفله بيييت خالد كونه عبود مايعرف خالد ...
شراح يسوي جاسم بخالد هذا راح تعرفونه مع الاحداث ...

جاسم : واخيرا كل شئ صار اوك والبنات جاهزين مابقى غير نور تييب خالد ويصير كل شئ تمام بتمام
عبود : انزين بس شلون انت وين تقعد يعني اكيد اهو راح يشوفك
جاسم : غبي انت بطل مخك اذا نور يابت خالد انا بروح للغرفه ونور اضبط خالد عاد انت استغل الفرصه وروح تعرف عليه عشان بجذي محد يحس بشئ وغير التقديم ماراح نقصر معاه وانت فاهم قصدي
عبود : شلون موفاهمك يا الاستاذ وربي بتم الاستاذ وانا التلميذ افا عليك كل الي تبيه راح يصير
جاسم : واخيرا ياخالد طحت بيدي عشان تعرف طراقك الي عطيتني اياه مستحيل انساه وراح ادفعك ثمن الطراق غالي
وجاسم ضبط كل شئ وقال لعبود ان عقب مايضبط كل شئ يروح يتعرف عليه وبجذي كل شئ صار اوك ...

لجــــــــــــزء 26 ..
الساعه الحين 6:00م خالد دق على نور عشان يقولها وين مكان الشقه ...
خالد : ها قلبي ماقلتيلي وين مكان الشقه ؟
نور : انت وينك الحين ؟
خالد : انا صوب الديره الحين وين اروح ؟
وصفتله نور تقوله وين المكان وعرف المكان وينه ...
خالد : اوك خلاص دليت المكان
نور : اكيد دليته وله راح تضيع
خالد : لأ ماراح اضيع اكيد دليته عدل
نور : خلاص عيل نشوف بعض هناك
خالد : اوك صار انطرج

نور قالتله وين المكان وقالتله ان تشوفه هناك .. جاسم خطط لكل شئ وسوه الي اهو يبيه طبعا خله خالد يتعلق بنور وخرب حياته
وشوق تعلقت بعبود والمسكينه ماتدري ان عبود رفيج جاسم ...
بشاير من اليوم اطرش مسجات حق خالد ومايرد عليها وحاقرها والمسجات الي كانت اطرشها له هذوووول :
1- حبيبي وينك ؟
2- قلبي قاعده احاتيك ليش ماترد علي ؟
3- انا شسويت عشان ماترد علي وربي بمووت ؟
4- خلاص براحتك اذا فضيت دق علي

وطبعا مارد على وله مسج موفاضي يرد عليها حده مستعيل بشوف نور طبعا ...
وشوي حصه شافت بشاير مضايقه وراحت لها اشوفها ..
حصه : بشاير عسى ماشر مضايقه صارلج يومين قوليلي شفيج انا اختج
وبشاير لمت اختها وتبجي ...
بشاير : حصه انا تعبانه ما ادري شسوي ؟
حصه : ليش اصاير قوليلي
بشاير : خالد من اول مارجعنا من السفر واهو متغير علي فوق تحت موراضي يرد على مسجاتي ومكالماتي باليوم يرد علي فيها ولمه اقوله تعالا لشركه يقوول مشغول وموفاضي ما ادري شصاير له يعني انا ماسويتله شئ ليش يعاملني جذي ...
حصه : ما عليه بشاير طولي بالج يمكن صج اهو مشغوول مع اهله موتقولين ان اهو عنده ظروف يمكن عشان هالشئ مايقدر يكلمج
بشاير : لأ حصه اهو صج عنده ظروف مع اهله بس انا حاسه ان خالد في شئ لان مو على بعضه وانا اعرفه اذا كان موعلى بعضه او في شئ
حصه : خلاص عيل اول ماتشوفينه ساليه ؟
بشاير : وانا اشوفه اليوم قتله بشوفك قال عندي شغل واول بس اقوله ابي اشوفك سيده يفز من مكانه ويروح يبدل ما ادري احس ان مخي متخربط حده
حصه : ماعليه طولي بالج ومايصير الا كل خير
بشاير : الله يسمع منج
حصه : المهم بشاير في موضوع ودي اقولج عنه وابيج تسمعيني وادري وان مو وقته وانتي بهالحاله ؟
بشاير : لا عادي شنو قولي وانا اسمعج ؟
حصه : بصراحه يا بشاير انا حبيت من قلب
بشاير : صج والله منو سعيد الحظ الي اقتحم قلب اختي وخلاه يلين على الحب ؟
حصه : خلاص عاد اسمه عزوز ومعاي بالمدرسه اخييه يا بشاير يحبني ويمووت فيني
بشاير : الحمد لله اهم شئ ان يحبج ويخاف عليج
حصه : حيل يحبني ويخاف علي
بشاير : يله الله يوفقكم ويخليكم حق بعض
حصه : آمين يارب وانتي انشاءلله مايصير الى كل خير
بشاير : ان شاءلله

وارتاحت بشاير شوي من كلام اختها وحصه قالتلها عن عزوز افرحتلها حييل وقالت لها الله يخليكم لبعض والله يوفقكم وكان فكرها كله بخالد ...نرجع حق خالد ...
خالد وصل حق الشقه ونور يت بعده بــــ5دقايق ...
نور دقت على جاسم وقالتله ينخش عشان خالد بيصعد فوق وعشان مايشوفه ...

نور : اقوول جاسم ادخل الغرفه عشان خالد بيصعد
جاسم : اوك الحين بدش
نور : اوك خلاص الحين بصعد انا وياه
ونور قالت حق جاسم ودش الغرفه وصعدت اهي وخالد ومحمد كان وراهم واهو من قبل كان مصور نور وخالد عشان يروح حق صاحبه الشركه ويروح يخرب عليهم...
دلال دقت على جاسم واهو كان بالغرفه ومايقدر يرد عليها لان اغاني وازعاج وعشان خالد صعد ومايشوفه طبعا مارد عليها وطرشلها مسج
وقالها : انا مشغول الآن سوف اتصل في وقت لاحق

ادخلوا نور وخالد واقعدوا ونور تقربت من خالد وخالد قالها شهالمكان وكانت تضحك معاه وصدق خالد الغبي وشربته خمر وحطلته الحبه بدون مايحس
لان كان فاقد الوعي وقام ببعدها وتغير خالد وقام مع البنات ورقص وسوالف وطبعا غير عبود صور خاد عشان يعطيه حق جاسم وبجذي
يضبط الدور عدل ويروح عبود حق بشاير ويقولها عن خالد ...
وبعدها عبود راح حق خالد وتعرف عليه وخالد كان يرد عليه واهو سكران ...
عبود : اقول شسمك بالخير ؟
خالد : منو انت ؟ انت قاعد تحاجيني انا وله الي وراي
عبود : لأ احاجيك انت ؟ قاعد اقولك شسمك
خالد : انا اسمي خلود لا لا لا موخلود اسمي خالد اي خالد
عبود : الحمد لله والشكر موعارف حتى اسمه انزين يله قوم بنمشي
خالد : خلني استانس روح وانساني خلاص وقول فرقنا القدر يله قووم ارقص معاي
عبود : اقوول يا غبي قووم اقولك بنمشي
خالد : انزين قمت لازف والله
وخالد كان مكيف لي الآخر وطلع عبود وخالد عشان خالد مايقدر يرجع البيت فبوديه بيتهم ينام وجاسم طلع من الغرفه وراح قعد عند نور واخذراحته معاها وسوه الي يبيه وحقق الي اباله ...

الانسان رغم طيبه قلبه وحنيته ومايلاقي الشخص الي يفهمه مثل حبيب او صديق بمجرد اي شئ ممكن ايي شخص منحرف ويتعرف عليه
ووصله الى الهلاك بدون مايحس ويلجأ لهالاشياء لحد ماينقرص وتتييله صفعه قويه ويعرف ان الي يسويه غلط ولازم يمحي كل ذاكرته ويبدي
من يديد ولازم تكون عنده اراده وامل وشجاعه ان يغير حياته الى الاحسن لان الحياه والمستقبل ينطرونه احر من الجمر فلايصير حالكم
مثل حال خالد وبشاير مهما بصير فينا من جروح وآلام وقسوه وذل واهانه بقلب قووي نقدر نقضي على كل شئ يواجهنه وان مانثق باي شخص كان
لحد مانعرف اهوو شنو ومنوو وشنو يبي فينا ولحد وين بيوصل دام احنا بكمال ارادتنا ولاتخلون الخوف يسيطر عليكم وخلي ثقتكم دايما عاليه وحتى
لو حبيتوا شخص وظليتوا معاه لابد تاخذون حذركم مهما كان عشان ماتضيع حياتكم مثل ماضاعت حياه خالد وبشاير ....

الجزء 27 ...
اليوم يوم السبت ..
صار الصبح وقعد خالد واهو مو بكامل وعيه وشاف عبود واستغرب وساله انت منو وشتبي فيني ورد عليه عبود ...
عبود : صح النوم واخيرا قمت
خالد : بسم الله منو انت وشتبي مني وانا ويني ؟
عبود : انت موجود عندي بالبيت ولاتخاف ومعاك عبود ومابي منك شئ بس امس انت تعبت بالحفله ويبتك بيتنا تريح
خالد : اها عاشت الاسامي انزين وين سيارتي الحين
عبود : عاشت ايامك سيارتك وينهي بعد موجوده جدام الشقه بعد شوي اوديك تروح تاخذ سيارتك وتروح بيتكم
خالد : اوك خلاص انطر بعد شوي انزين ممكن اروح الحمام
عبود : قوم روح كاهووو قبالك
خالد : اوك عن اذنك
عبود : الله شبلاني فيه ...

عبود منغث لان خالد قاعد ابيتهم وقاله ان بعد شوي ياخذه ويوديه ياخذ سيارته ...
باجر دوامات المدارس مو المعاهد وطبعا حصه مستانسه عشان اشوف عزوز واهو مستانس بعد واهي فرحانه ...
حصه : واااااااااي حبيبي ما اصدق اني باجر بشوفك باجر احلى يوم بحياتي
عزوز : حتى انا قلبي مومصدق ان باجر بشوفج راح اموووت من الشوق لحد باجر
حصه : ياااي حبيبي فديتك انشاءلله يعدي هاليوم بسرعه عشان اشوفك
عزوز : راح يعدي يا قلبي بس ادري ان راح يمشي الوقت بطئ بس راح اتحمل عشانج
حصه : فديتك انا وفديت الي يتحملون عشاني
عزوز : يفداج كلي واذا ماتحملت عشانج اتحمل عشان منو بله

عزوز كلم حصه واهو فرحان لان باجر بشوفها بس هل صج باجر بشووفها هذا راح نعرفه مع الاحداث ...
وفي بيت ام احمد ...
ام احمد قالت حق خدامتهم لجمي تروح تقعد خالد وقالتلها ان موجود ...
ام احمد : لجمي لجمي وصمخ
لجمي : نعم ماما
ام احمد : روحي صعدي فوق حق دار خالد وقعديه من النوم
لجمي : ان شاء لله ماما
وصعدت الخدامه وراحت لغرفه خالد وما لقته وراحت قالت حق معزبتها ...
لجمي : ماما بابا خالد مافيه غرفه
ام احمد : مافيه غرفه عيل وين راح ؟
لجمي : مايعرف ماما
ام احمد : انزين طسي عن ويهي وهذا وين راح وموموجود بغرفته اكيد اهووو كان طالع من امس ومارد راح اعرف السالفه من محمد لان اهووو اكيد يعرف وين خالد؟

خالد طلع مو بغرفته اكيد محمد يعرف السالفه وقاعده تنطره امه عشان يقولها ...
وشوي نزل محمد تحت عشان يقول حق امه السالفه وعشان وعشان يقولها بعد ان اهووو بروح الشركه ويكلم صاحبه الشركه

محمد : هلا يمه
ام احمد : هلا فيك انت وينك الله يهديك من اليوم اقول وينك عشان تقول اصار معاك ويه خالد صعدت الخدامه فوق تقول ان خالد موموجود تعرف وينه ؟
محمد : كاني يمه موجود ليش خالد مانام بالبيت ؟
ام احمد : لأ موجود بغرفته
محمد : اها عيل اكيد الظاهر من سهره امس نام عند رفيجه
ام احمد : اي سهره فهمني
محمد : ما ادري يمه تمييت الحقه وراح حق عماره طبعا شقق فيها اكيد وشوي وله تيي البينت الي شفتها بالبحر معاه واكيد يايمه حفله دام شفته واهي معاه والله اعلم ان خلته يلكها عدل ؟
ام احمد : اووه لهدرجه اوصلت بخالد هالمواصيل انزين بس يعني شنو معناه يلكها ؟
محمد : من صجج يمه ماتعرفين شمعناه يلكها يلكها يعني يشرب خمر عرفتي يمه
ام احمد : اي عرفت بس مو معقوله يشرب عاد مره وحده
محمد : لأ يمه توقعي من خالد كل شئ المهم يمه انا بطلع الحين بروح الشركه عشان اكلم صاحبه الشركه واوديلها الصور عشان مره وحده ننهي خالد ويصير كل شئ لنا
ام احمد : اخيييه عاد وانا ناطره هاليووم احر من الجمر خلاص يبه قووم بسرعه روح حق الشركه واذا رديت قولي اصار موتخليني على اعصابي
محمد : اوك صار ولايهمج يمه الاخبار راح تييلج اول باول يله يمه عن اذنج ولاتحاتين اول ما اوصل البيت اقولج كل شئ
ام احمد : اوك صار


ومحمد نزل وقالها كل شئ وقالها ان بروح الشركه عشان يشووف صاحبه الشركه ويوريها الصور وكان محمد مو اخووو برقع حق بشاير وراح يقولها ان اهووو فاعل خير ... وطلع محمد وركب السياره عشان يروح الشركه ...

نرجع حق عبود وخالد ...

طبعا شوق امس عصبت على عبود وحست انها غلطانه شوي ودقت عشان تعتذر منه بس كلمها بدون مايحس خالد طبعا ...
شوق : قلبي شلونك
عبود : تمام الحمد لله انتي شلونج
شوق : دوم يارب انا تمام بخير حبيبي انا آسفه على امس ولاني صكرته بويهك من جد سامحني ماكان قصدي
عبود : لا عادي قلبي حصل خير
شوق : يعني موزعلان مني وله مضايق
عبود : لأ موزعلان منج
شوق : احلف عشان اصدق انك موزعلان مني
عبود : والله العظيم وغلاتج موزعلان منج
شوق : الحمد لله طمنتني
عبود : تطمني ماني زعلان قلبي عادي شوي واحاجيج لان امي تناديني
شوق : اوك خلاص مومشكله
عبود : اوك باي

واعتذرت شووق من عبود وسامحها وقص عليها وقالها ان امه تناديه عشان خالد اهني مايقدر يحاجيها عشان ماتعرف ان اهو موجود ...
وشوي دق جاسم على عبود يقوله شلون صاحبنه ...
جاسم : ها يا الصديج شلون صاحبنه
عبود : هههههه صاحبنه مايدري وين الله قاطه طايح بالعسل
جاسم : هههههه وهذا الي نبيه
عبود : واخيرا تحلصت منه
جاسم : اي يبه وبرت حرتي فيه
عبود : هذا اهم شئ
جاسم : خلاص يبه ييبه عشان ياخذ سيارته ماني ناقص سوالف بعد
عبود : اي انا قتله ان بعد شوي انروح ناخذ سيارتك
جاسم : اي زين خلاص يبه عيل انا اخليك
عبود : اوك
جاسم : يله باي

وصكره جاسم من عبود كان يطمن عن خالد واصار فيه وقاله عبود ...
شوي نور دقت على خالد واهي مستانسه بلي سوته فيه لان مايهمها لانها كانت تلعب عليه وطبقت الدور صح ...
نور : ها حبيبي شلونك ؟
خالد : تمام بخير
نور : عساها دوم يارب
خالد : وياج انشاء لله
نور : حبي وينك انت الحين ؟
خالد : ما ادري عن واحد اسمه عبود قاعد ابيتهم يقول اني كنت تعبان من الحفله امس ويابني عنده البيت
نور : اها سلامتك حبي ماشوف شر انشاء لله بعدوينك
خالد : الله يسلمج والله يسمع منج بعد شووي بروح آخذ سيارتي عند شقتج صافطها وبودينب عبود آخذه
نور : اها اي ادري قلت اكيد نسيتها او بعد شوي تاخذها
خالد : اي بعد شوي ياخذها
نور : اوك خلاص شوف امي قاعده تناديني بروح اشوفها اوك
خالد : اوك

خالد كلم نور ونور طبعا استانست عقب الي سوته فيه وجذبت عليه وقالت ان امها تناديها واهي ماتناديها عشان مالها خلق تكلمه ...
خالد صار حاله جذي وماراح يتغير وطبعا نسى حبه وايامه مع بشاير لان نور عمت عينه وخلته مايشوف الا اهي ...
شوي عبود ناده خالد عشان يروح ياخذ سيارته الي واقفه جدام الشقه من امس وطلعوا وراحوا الشقه وركب خالد سيارته وعبود رجع بيتهم وخالد بالطريج عشان يرجع بيتهم ...

محمد وصل عن باب الشركه ونزل من السياره وطبعا راح كلم مال الاستعلامات منير عشان يقوله يدق على صاحبه الشركه عشان تيي ضروري ..
محمد : صباح الخير ازيك عامل ايه
منير : صباح النور ياحق انا كويس ومستورين
محمد : الحمد لله الا اقوول عادي ادقلي على صاحبه الشركه وتقولها تيي الشركه عشان في فاعل خير يبيها ضروري ...
منير : تحت امرك يا حق تأمر امر بس استنسى شوي اطلبهالك ... الووو ازيك يا آنسه عامله ايه

طبعا بشاير ردت عليه لان من الشركه اكيد في شئ ضروري خلاه يدق على بشاير ...
بشاير : تمام يامنير انا بخير عسى ماشر داق علي بحزة عطله صاير شئ
منير : ايوة يا آنسه في واحد جانه وبيقول انه فاعل خير ومايرضاج انه يخرج لحد مايشوفك اعمل اييه انا
بشاير : فاعل خير وماقالك شيبي ؟
منير : لأ يا آنسه مايرضاج يقولي قالي اتصل بصاحبه الشركه واقولها ان فاعل خير عاوزك ضروري
بشاير : خلاص اوك مومشكله انا الحين اي واشوف شسالفه ومنو هالريال الي فاعل خير
منير : اوك يا آنسه


وصكره منير من بشاير وقالتله ان شوي ويايه ...


محمد : ها شقالتلك ؟
منير : قالت ان شوي وقايه تقابلك ؟
محمد : الحمد لله خلاص دي الحلاوة وانا هستنى لحد ماتيجي
منير : ربنا يرزقك اكثر ياحق


وطبعا محمد سوه الي اباله وبشاير شوي وتيي خصوصا انها اصعدت دارها بسرعه وراحت بدلت وركبت سيارتها على طول عشان تروح الشركه وتعرف منو هذا فاعل الخير الي يبيها وراح تعرفون التكمله مع الاحداث....

الجزء 28 ...
رجع خالد البيت وريح بداره....
وصلت بشاير الشركه وراحت مكتبها ودقت على منير قالت له خله يصعد هذا فاعل الخير عشان اشوفه شيبي منها .. وصعد محمد لمكتب بشاير
عشان يقولها عن خالد وطق الباب ...
بشاير : تفضل
محمد : السلام عليكم
بشاير : وعليكم السلام ورحمه الله وبركاته تفضل حياك استريح
محمد : مشكوره
بشاير : لا العفو شدعوة
محمد : ماتعرفنا على اسم حضرتج
بشاير : معاك الآنسه بشاير
محمد : عاشت الاسامي ... ماعليه انا آسف على الازعاج وان خليتج تيين اليوم بيوم عطله بس هالموضوع ماقدرت أجله لان يخص حياتج ...
بشاير : لا عادي يخص حياتي شسالفه قولي تراك قاعد تخرعني بس انت ما قتلي شسمك ؟
محمد : انا اسمي طلال وفاعل خير لج لان هالشئ يخص حياتج ولازم اقولج اياه
بشاير : عاشت الاسامي يله قوول تراك قاعد تخرعني
محمد : عاشت ايامج اوك راح اقووول ... هاج شوفي هذووول الصور
انصدمت بشاير من اول ماشافت الصور وماصدقت ...
بشاير : هذا خالد ومنو الي معاه لأ اكيد السالفه فيها ان
محمد : لأ اختي هذا خالد والي معاه حبيبته اهو قص عليج ولعب بمشاعرج ومايندرى يمكن اخذ من حلالج شئ من غير ماتدرين حبيت اساعدج
وعشان ماتنخدعين فيه بعدين يله عن اذنج انا اترخص الحين
بشاير : اخووي طلال مشكوور وماقصرت على مساعدتك لي وهذا من طيب اصلك وهالمساعده بتلاقي اجرها عند رب العالمين
محمد : ونعم بالله لا اختي انا ماسويت الا الواجب وقصدي مساعدتج يله عن اذنج
وطلع محمد من مكتب بشاير واهووو مستانس لان خرب حياه خالد وركب السياره عشان يرجع البيت ...
بشاير انصدمت حييل من خالد ولفت فيها الدنيا ...
بشاير : خالد يسوي فيني جذي انزين ليش انا شسويتله عشان يخوني ومو مقيوله بعد ان خلاني اوقع على اوراق اخذ حلالي فيها لأ ياخالد انت ما اصدق اكيد انا بحلم امبله بحلم اكيد ببس ياليته كان حلم ياليته وماشفت الي شفته ولا الي سمعته صح كلامج يا اختي انعمت عيني فيه وصرت ما اشووف الا اهووو صرخت بويهج وقمت ادافع عنه ولاسمعت كلامج عنه ياليتني سمعت ياليتني ....
انصدمت بشاير من خالد وتذكرت كلام اختها حصه يوووم تقولها ان خالد يقص عليج بس ماصدقتها ماصدقت اختها وبالنهايه شوفوا اصار حق بشاير ...
ارجعت بشاير واهي ميه من البجي ...
نرجع حق جاسم ...
جاسم دق على عبوود يقوله ان يبي يشووفه بستاربكس وقاله اوك ...
جاسم : ها يا حبيب قلبي انت شقاعد تسوي ؟
عبود : قاعد ما اسوي شئ
جاسم : عيل شرايك نطلع دامك موقاعد تسوي شئ
عبود : اوك نطلع ليش مانطلع
جاسم : خلاص عيل شرايك نروح ستاربكس السالميه دامنه ماعندنا شغل
عبود : اوك خلاص اروح ستاربكس ليش ما اروح
جاسم : خلاص عيل انت جذي بع ربع ساعه بدل وروح ستاربكس وانا الحقك اوك
عبود : اوك صار

وجاسم صكره من عبود وقاله شرايك نطلع دامنه فاضين ماعندنا شغل وقاله نروح ستاربكس نقعد شوي ونرجع ....
وشوي عبود دق على شووق يقولها ان بيروح ستاربكس مع رفيجه فيصل الي اهو جاسم ...
عبود : ها حياتي شلونج
شوق : انا تمام
عبود : سوري قلبي تو مساع ما كلمتج عدل بس لان امي كانت تناديني وماقدرت اكلمج
شوق : لا عادي عمري حصل خير
عبود : اقوول حبي ؟
شوق : عيوني
عبود : ترى انا بطلع بعد شوي بروح مع رفيجي فيصل بنروح نقعد بستاربكس اوك وماراح نطول شوي ونرجع
شوق : اشووف اكثرت طلعاتك اوك خلاص شوي وترجع موطول
عبود : اوك حبي ولا يهمج يعني شسوي حبي اقعد بالبيت جني بنت
شوق : اوك خلاص قلت روووح ولا تتاخر
عبود : اوك حبي تامريني بشئ
شوق : دير بالك من نفسك شوي شوي بالطريج
عبود: من عيوني حبي
شوق : فديت عيونك انا
عبود :

وعبود قالها ان بيروح ستاربكس مع فيصل الي اهوو جاسم ... ياترى تدري شووق ان فيصل اهوو جاسم هذا راح نعرفه مع التكمله ...
نرجع حق محمد وصل البيت وراح قال لامه اصار طبعا ...
محمد : يمه يا يمه يمه يايمه ايوووااااا
ام احمد : يهه يههه شفيك شهالوناسه شصار قولي ؟
محمد : شفتها يايمه وقتلها عن خالد وانصدمت يمه ذيج الصدمه الي اقلبتها فوق تخت والظاهر ان اهي ناويله على شئ
ام احمد : هيااااا فرختني والله هذا ابيه واخيرا برت حرتي فيه مابغينا نفتك من خالد ونضيع حياته
تدري شلون اذا صار الي ابالنه سيارتي لك هديه من الحين
محمد : وااي يمه مشكوره يا احلى ام بهالدنيا كلها صج محد عرف قيمتج غيري
ام احمد : فديتك يا يمه اصلاً محد امفرحني غيرك بالبيت واخيراً افتكينا منه ...

محمد قال لأمه شصار معاه ويه بشاير وامه مستانسه حيييل لانها راح تفتك منه ..
نرجع حق شوق ...
شوق كانت تفكر بعبود فكره تييبها وفكره توديها يعني مومعقوله كل هذا طلعات و كل شوي يقولي بعدين اكلمج ومابي اقولج هالشغل الشخصي
انا لازم اروح ستاربكس واعرف منو هذا رفيجه فيصل وقامت بدلت وراحت قالت لامها ان بتروح شوي حق رفيجتها وماراح تتاخر وامها وافقت ...
يا ترى شراح يصير بشووق عقب ماتعرف ان فيصل اهوو جاسم ...
ونرجع حق عبود بدل وخلص وركب سيارته وراح ستاربكس وهم جاسم بدل وخلص وركب سيارته وراح ستاربكس ودخلوا واقعدوا شوي
وعبود ناده الجرسون وطلب اثنين عصير برتقال ...

عبود : لو سمحت
الجرسون : اهلا تفضل ؟
عبود : بغينا اثنين عصير برتقال
الجرسون : اي حاجه تانيه
عبود : لأ شكرا بس بسرعه لو سمحت
الجرسون : تحت امرك يا فندم
عبود : اي ماقتلي اصار مع دلال
جاسم : اصار بعد دقت علي من يوم الحفله وطرشت لها مسج وقتلها اني مشغوول بعديت ادق عليج وله دقيت عليها ...
عبود : ليش مادقيت عليها
جاسم : يا عمي انا كلمتها عشان امي يا اخي ما ادري احسها الحين تعتبرني صديق لها وانا ما ابي جذي وانت عارفني
عبود : اي مقيوله الخيانه جرت بدمك يبه اثبت على حب وخلصنا
جاسم : ياعمي خلها على الله


وركبت شوق سيارتها عشان تروح ستاربكس وشوف عبود ويه رفيجه فيصل الي اهو جاسم ..
وشوي ووصلت شوق ستاربكس واول مادخلت وشافت الي المفروض ماشوفه ..
عبود قاعد ويه جاسم انصدمت وتذكرت يوم عبود يطق جاسم عشانها ويوم عبود ضحى
عشانها وكل شئ سواه عشانها بلعب وتسليه وبانتقام من منو من رفيجه جاسم الي كان
اول رفيجه خالد وهدت المكان وكان يناديها عبود واهي ظلت تبجي وركبت السياره
بسرعه وارجعت البيت وصكرت جهازها ...

عبود : لأ شوق ياشوق صبري افهمج شوق اف شسوي الحين شافتك ؟
جاسم : ولين هاذي شيايبها الحين شراح ترقع لها اكيد الحين اذكرت يوم انت تيي وطقني
وعرفت ان انا راح انتقم منها قولي شراح ترقع لها
عبود : يبه ما ادري ما ادري امش خلنه نمشي من اهنيه

وشوق ردت البيت واهي منصدمه من الي شافته وظلت تبجي طول الوقت وبطلت جهازها وطرشتله هالمسج وصكرته ..
ماعاد تفرق معاي كل شئ عادي معاي وفيت وله ما وفيت مايعور جروحن ماهي اول جروحي
ومو اول تقايري وموتك ابقلبي بدايه يوم عيد ميلادي
باجر ببدل ضحكتي ومقاديري جربت اعانك والحين جووف اعاندي
مايوم قصرت معك بس جوف اشلون بيكون تقصيري ...
عبود كان يدق عليها ومصكره جهازها ...
وبشاير عقب ما رجعت البيت واهي ميته من البجي دقت على خالد عشان تواجهه بالكلام ورد عليها ...
بشاير : قوة شلونك
خالد : تمام بخير انتي شلونج
بشاير : انا تمام دامك بخير وصحه .. ها اليوم فاضي وله مشغوول خو صرت اطلبك وآخذ موعد عشان اشوفك خالد : اي اليوم فاضي ماعندي شئ
بشاير : انزين ابي اشوفك
خالد : اوك خلاص نتواعد بمكانه كل عاده
بشاير : اوك خلاص عيل انا مسافه الطريج واكون هناك انت بدل وروح هناك
خالد : اوك صار

وطبعا خالد فضى عقب شنوو عقب ماعرفت بشاير عن كل شئ وقالها ان بيشوفها بحر مارينا كل عاده ...شوفوا شراح يصير معاهم ...
قام خالد بدل ملابسه ونزل تحت وطلع ركب سيارته وطبعا محمد مالحقه لان خلاص عرف كل شئ يعني شراح يعرف بعد ...
واهو بالطريج الحين بيروح حق بحر مارينا مثل ما اول مره تقابلوا وشافوا بعض بنفس هالمكان وصارت نهايتهم هم بنفس المكان ...
وطبعا اوصلت بشاير المكان وخالد بعد ثواني وصل وشوفوا المقابله الي صارت بينهم ...
بشاير : واخيرا شفتك مابغيت اشوفك ؟
خالد : شسوي يعني بعد ظروف كانت عندي وانشغلت
بشاير : ممم ظروف وماتقولي ظرووف مع منوو ؟
خالد : شنو مع منو ؟ انتي عارفه ان ظروفي مع اهلي ؟
بشاير : اوك وشرايك بهذوول هذوول احلى ظرووف صح ماتقولي انا شسويتلك تخوني ليش قلبي وخذيته وكل شئ
كنت املكه كل صار لك حتى اختي يوم قالت انك تلعب ماصدقتها لاني واثقه فيك وعارفه انت منو وشنو تهقى انا قصرت
معاك شئ وغير سفرتنا الي تونسنه فيها وحتى كلي خذيتني شبقى يا خالد ماني عارقه لاي تفسير او مبرر يخليك تخوني
وتسوي جذي بس انا الحين بسالك سؤال واحد بس انا شنو قصرت معاك فيه ؟
خالد : عمرج ماقصرتي معاي بشئ بس كنت ابيج ادلعيني وتهتمين فيني وتحسين بمشاعري من حقي هالشئ من حقي ارتاح مع اني
ما ارتحت بحياتي وله ضقت الراحه يعني شسوي بدنيتي وها الحين كل شئ ضاع مني بسهوله بدون اي شئ

بشاير : هذا موكلام منطقي وانت عارف ان انا اكثر وحده كنت اريحك وادلعك واهتم فيك واحس فيك قبل الكل محد كان يمك غيري
حتى بتعبك انا كنت معاك وعلى اساس كل شئ ضاع منك هذا انت الي يبته حق روحك موغيرك انت متعب نفسك بنفسك خلاص ياخالد
كل شئ انتهى وحتى العلاقه الي بيني وبينك انساها وعيش حياتك مع حبيبتك الي خنتنب عشانها واوووه نسيت ترى باجر ابيك تيي
الشركه وتقدم استقالتك من الشركه لان مايشرفني يكون واحد خاين وجذاب يكون بشركتي وانساني
وشوي نور طرشت مسج حق خالد : حبي وينك اشتقتلك ؟ وخالد شاف المسج ومارد عليها ماله خلق ...
بشاير : رد على حبيبه قلبك اخاف يصير فيها شئ يله عن اذنك الحين لازم ارتب اموري الحين ولو سمحت امسح رقمي ولادق علي لان كل الي بينه
انتهى ...
وقامت بشاير من عند خالد وقالتله ان كل شئ بينها وبينه انتهى بس اهي من قلبها منقهره ومصدومه وماتقدر تكمل مع واحد خانها
وجذب عليها ورجعت البيت بشاير ريحت وتذكرت كلام اختها حصه وتحسفت انها ماسمعت كلامها من البدايه وهم خالد رجع البيت وبدل وريح
وكان ماله خلق اي شئ ...

شفتـــــــــــوا شلون مافي شئ يبقى على حاله لابد ان اي شئ ينخش لابد ان ينكشف مع الايــــــــــــــــــــام ...

اكرهك اعتادت مشاعري منك الرحيل والف قلبي العيش وحيدا دائما عندما تاتي الي يكون املي هو رؤيتك وكسرا لجووو الاشتياق الدائم الذي
اعيشه لك ولكن في الحقيقه المبرر الاساسي بقدومك هو طلبك للعوده الى الرحيل مره اخرى لم يعد يفاجئني حضورك لو داعي اشواقي
ماتت واحاسيس تحجرت ودموعي نضبت حتى ملامحي اصيبت بالقسوه بسببك غدوت اسهر ليلي لاعتيادي على ذلك لا انتظارا برجوعك لي
هجرني كل من حولي حتى اصبحت لوحدي ولم يعد يضايقني هذا الامر فانا ولدت لاكون يتيمه مع احزاني وجراحي لانتظر مني كلمه ابداء العتاب ولاحتى
استحضارا لمه رايت فقد مللت خلق عالم الحب لشخص جاحد مشاعري واصبح خائن ... اكرهك ...

الجزء 29 ...
شوق وبشاير انصدموا من الحب الي عاشووا والي حبوا طول هالفترة وعاشوا معاهك بجذب وخيانه ونفاف وماحسوا بمشاعر قلوبنا ...
شوق وبشاير بطلوا اجهازتهم وانهت علاقتهم بعبود وخالد للابد ...
وصار الصبح واليوم يوم الاحد وطبعا صارت المدارس والكل راح دوامه الا حصه شافت اختها مضايفه واقعدت معاها وماراحت مع ان حصه كان
هاليومم حلمها الوحيد انها اشووف عزوز بس تحملت عشان اختها الي قبل بشاير ماصدقتها عن كلام خالد وشوفوا اختها الحين شسوت عشانها ...
حصه : شفيج يا اختي قوليلي شصاير انا معاج بتم وماراح اروح المدرسه الا باجر بتم معاج لحد ما اخليج تضحكين
بشاير : ياحياتي يا اختي والله ما ادري شقولج وبصراحه يا حصه كل الي قلتيه عن خالد طلع صح طلع يلعب وخاين وجذب علي ماتحملت
ياحصه عقب شنو عقب ماعطيته كل شئ وبديته اهو عن كل الناس حتى انتي كنتي تنصحيني بس ماكنت اسمع كلامج وله كنت اهتم شفايده
ندمي الحين وانتي شلون راح اتاسف منج والله ياحصه احس نفسي ضايعه ...
وحصه لمت بشاير وقالتلها انها مسامحتها بدون اي شئ...
حصه : خلاص يا اختي كل شئ راح واهم شئ انج تعلمتي درس وعرفتي الصح من الغلط وكافي انج تعلمتي وهذا الي راح يفرحني وانج الحين تمسحين ادموعج وتبدين حياه يديده وتخلين املج وارادتج اقوى من كل شئ وماتخلين قلبج ضعيف واخذي حذرج
بشاير : يا حياتي انتي والله انج ريحتيني يا احلى اخت بهالدنيا واوعدج هاللمره ماراح اختار الا الصح وانا صج تعلمت جرس عمري ماتعلمته من احد ..
حصه : كل انسان بهالدنيا لازم يغلط لكن العيب ان يستمر بغلطه وانتي عرفتي الصح وهذا الي يريحنا كلنا

وحصه تمت مع اختها وماخلتها وفي المدرسه عزوز كان ينطر حصه وصار الطابور وخلص وماشافها استغرب ويقوول ليش ماداومت اكيد فيها شئ...
وخالد الي ضاعت حياته لاه من نور وله من بشاير وله من شغل وله من دوام اهو ضيع نفسه بنفسه ...
عبود قاعد يحاول يدق على شوق حوالي مليون مره وجهازها حولته مغلق واهي ردت عليه عقب ماكتبتله الشعر وانهت كل شئ بينها وبينه يعني ماكووو اي تفاهم ...
بشاير راحت لغرفه امها وماقدرت بشاير تخش عن امها شئ وطبعا قالتلها السالفه من اول ماتعرفت على خالد لحد النهايه وطبعا انها بالبدايه
اوثقت فيها والحين ماتت من حرتها عليها وماتت من القهر من الي سوته بشاير لان موشويه ...

وطبعا خواتها اكرهوها ولاموها لان اهي السبب بموت امهم بس مادروا ان هذا يومها ...
وام احمد ومحمد راحوا قالوا لابوهم عن خالد عبالهم ان كل شئ بيصير لهم بس اطلعوا غلطانين مع ذلك ابو احمد وقف مع خالد وماخلاه ابد يعني الي كانوا يحلمون فيه ضاع وما استفادوا شئ وعقب ماخالد خذه نص حلالها من بشاير بدون ماتدري ....
وخلص دوام المدرسه وعزوز كان يفكر بحصه وليش مايت وطبعا حصه اشرحتله كل شئ صار معاها ...
ابو احمد ماخله ولده خالد وراح صعد داره وواساه ولان خالد ماله خلق وكل شئ خسره ووقف قيده بالكليه ونفس الشئ بشاير وقفت قيدها وجاسم
وشوق ونور هم وقفوا قيدهم مالهم خلق عقب مشاكلهم الي صارت امه دلال اهي الوحيده الي كانت اداوم عادي وماهمها شئ وعاشت حياتها
واقتعنت بان الي قاعده تسويه غلط وان حياتها اولى من كل شئ وخلت جاسم الصديق القريب لها ولان جاسم هم خسر كل شئ خسر نور وخسر دلال وخسر شوق ...

الجزء الاخيـــــــــــــــــــر ...
صار باجر العزا والكل عزا وحتى اخت خالد ماقصرت راحت عزت بشاير ...
بشاير مع كل هذا وكل الظروف الي صارت لها صلحه الاخطاء الي بالشركه وعاشت حياتها وتعلمت درس انها ماتثق باي احد او باي شخص الا لمه تعرفه زين ...
عزوز وحصه اثنينهم على قلب واحد وايخليها ابد ...
جاسم قاعد يحاول يصلح الاموووور مع الكل والحمد لله صار كل شئ وصار جاسم نفس خالد وخالد صار اسوء وصار مثل جاسم ...
دلال كملت دراستها واداوم ...
شوق تعلمت درس وانها ماتثق باحد وعاشت حياتها وماتبي تكلم احد لحد ماتلقى الشخص الي صج يضحي عشانها ويمووت بالتراب الي تمشي عليه ...
نور اكرهت جاسم بعد ماغدر فيها وعاشت حياتها واندمت على كل شئ سوته ...
صراع العمر يدوور بين الواقع والخيال وينتصر الواقع الحزين رسم لحياتي صور صمت قاتله وجعل سحب الالم تحيط بأيامي لتنطر دموعا ساخنع تحكي
الامل وتروي الحنين اسكنت الآهات بين اضلع صدري واخرجت الانين من قلبي نرى نظرات المحبه وبسمات الامل ولكن يبقى الفرح اقل المشاعر خلوداً
لتعود وتخيم تلك الآلام على بين اوراقه ذكريات يائسه حزينه بامل الغد المنتظر ...
وصكرت بشاير دفترها وعاشت بعذاب والم واخسرت امها وابوها وحبيبها وانكتبت وانبصمت وعاشت بعذاب وانختمت وصارت عذاب ليديه ..
بعــــــــــد مرور سنـــــــــــــة ...
1- بشاير ارتبطت بويه اسمها ( علي ) وعاشت معاها الحين احسن عبشه وخذت حذرها من كل شئ وردت لدوامها وتعلمت من حياتها درس لايمكن تنساه ...
2- حصه وعزوز تخرجوا من المدرسه وراحوا وين ؟ كليه التجاري كالعاده يكملون حياتهم والحمد لله مرتاحين مع بعض وزي العسل ...
3- جاسم رد حق خالد وصاروا احلى ربع وتعلم خالد ان موكل من نثق فيه وان كل شخص يحبنا نحبه دام احنا نحب هذا يكفي وردوا دوامهم. وطبعا شاف بشاير مع علي كونه علي معاهم بالدوام بس كان منغث ومنقهر وبشاير كانت تضخك ومستانسه ...
4- عبود ترك جاسم وخلاه لان بعيش حياته وكمل دراسته ثالثه ثانوي وبيشوف نفسه ومستقبله وقاعد يدور بنت الحلال الي يحبها صج بدون لعب ...
5- ام احمد تغيرت معاملتها مع خالد وحتى اخووه صاروا ربع مع بعض وتعلمت ام احمد ان موكل من نبي نتقم من احد نوصله ونحقق الي نبيه
ومحمد قال صج ( من وقع حفرةً لاخيه وقع فيها ) بس الحمد لله تعلمت درس الحين وخالد الحين اخوووي وصاحبي ...
6- ريم اطلعت حامل وريلها استانس والكل استانس معاها وقالوا اذا ولد مبارك واذا بنت ساره
7- شوق ردت لدوامها وصار ماهامها شئ ومايهزها اي احد وكانوا بويات وايد يتحرشون فيها بس ما اهتمت ولا عبرت لاحد ...
8- نور هم داومت وعاشت حياتها ومستقبلها وماتبي تحب
9- ام احمد صارت معاملتها مع الكل حلوة
10- ابو جاسم ردت ثقته بجاسم وحبوا بعض وصار جاسم يعتبر ابووه كل شئ بحياته,,
ومع نهايه روايتي ...
ودي اوصل رساله حق كل ( بويه ) تحب من قلب واقوله لاتخون حبيبتك دامها تحبك من قلب ومهما زعلت منك وله اضايقت تاكد انها تخاف عليك
وتحاتيك ومومعناه انها اليوم ما اهتم فيك ولاحست فيك معناتها تروح تخونها وانها قصرت لأ مادامك حبيت لازم تتحمل وتصبر عشانها من تعب والم
وجرح ومن كل شئ لازم تحسسها بالامان والحب وات مهما صار اتم معاها وتوعدها انك تكوون معاها طوول العمر وفكر بعدها اذا خنت تهقى
ان وحده راح تستمر معاك طبعا لأ لان بهالدنيا ماتلقى غير زمن المصلحه فاتمنى الحين من كل ( بويه ) تحب من قلب لاتخلي حبيبتك لانها بجد
بحاجه لك ومهما صار فيها خلك معاها لحد ماتطمن عليها .....
وانتوا يا ( ليديات ) راح اوصل رساله لكم انكم ماتثقون باي بويه لحد ماتعرفونه عدل وان يحبج من قلب وان ماياعب عليج وان مشاعره صادقه
من ناحيتج واذا عرفتي ان يحبج ويبييج بعدها عطيه ثقتج وحبتج وخوفج لان البنت حساسه ورقيقه بطبعها وما تتحمل صدمات ,,,,,


أسف أني طولت عليكم بروايتي وان شاء لله استفدتوا من كلامي واتمنى أنها نالت على إعجابكم واكررر أسف أني طولت طول الوقت ؤانا أدزها وان شاء لله أكون أني كفئت ووفيت وسلامتكم

اكتملت واخيرا
روايتك خقه