بيدي حفرت قبري ... رواية جريئة ... اكتملت ...

عدد الرسائل : 245 تاريخ التسجيل : 14/07/2012

مشكورين حبايبي ..

إن شاء الله .. كم يوم وتخف ..

لكن راح أرجع لكم قريب .. I love you

سلااااااااامت عيونج وماتشوفين شررر ان شاء الله
Get well soon Smile

عدد الرسائل : 245 تاريخ التسجيل : 14/07/2012

يسلمك حياتي ..

I will get better soon

broken dreams كتب:: مشكورين حبايبي ..

إن شاء الله .. كم يوم وتخف ..

لكن راح أرجع لكم قريب ..

ان شاءالله حططي عليها ثلللللج و ابعدي عن النور القووي

انا في انتظاااااااااااااااااااااااارج

حبييييييييت شخصيه ريمي Wink

رووووعه بارتات وشخصية ريم تعجبني مدري شلون تتحمل هذا كله وتعيش مع اللي ظلموا امها احس منيره واخوها له دخل في سالفة ام ريم وتبلوو عليها يمكن !! ... وو سلامات قلبوووو ماتشوفين شر ونتظر بارت في اي وقت لا تتعبي نفسك هذا اهم شئ ...

جين ...

نااايس باارت
بانتظار الباقي بس لاتطولي علينا بلييز Embarassed

عدد الرسائل : 112 تاريخ التسجيل : 05/08/2012

البارت روعة كالعادة
سلامتج حبيبتي و ما تشوفين شر
بانتظار التكملة على نار

بارت جميل

ب انتظار الباقي

حبيبتي والله اسم الله على عينج وسلامات ماتشوفين شر
والبارت على قولت اخوانا الاماراتيين طر
شحلاته يهبل يجنن تسلمين حبي

Maryomani كتب:: البارت روعة كالعادة
سلامتج حبيبتي و ما تشوفين شر
بانتظار التكملة على نار

+1

Lasted forever Like a Star @ heaven

ماشاء الله ابداإاإاع
اتقنتي يا حلوووووتي
الله يسعدك.كملي حبيبي

روايتتس رووعه حيل
بأنتظارتس ...

موضوع: مره رويه خقه الأحد سبتمبر 02, 2012 1:26 am

م مره رويه خقه جري الانتظار Very Happy

في انتظاااااااااااااااارك

حماااااااااااااااااااااااااااااااااااااااااس

عدد الرسائل : 103 تاريخ التسجيل : 08/07/2012

يمقن لعيون ستفني كتب:: في انتظاااااااااااااااارك

حماااااااااااااااااااااااااااااااااااااااااس

ياروحي مرح تكملي pale

عدد الرسائل : 245 تاريخ التسجيل : 14/07/2012

مراحب قلبوووو

ومشكورين على الردود الحلوة ..

راح أنزل فصل جديد .. وقاعدة أكتب ثاني .. وإن شاء الله إن قدرت أنزله في اليل..

.
.

عدد الرسائل : 245 تاريخ التسجيل : 14/07/2012

... الفصل الرابع عشر ...

الجدة تشرب الشاي : وأنت وش دراك ..
موضي : أقولك أحس أنها تعرف شي ..
الجدة : مثل ايش..
موضي : نظراتها لي غريبة .. كأنها تدري باللي سويناه في أمها ..
الجدة: وهي وش يعرفها بسالفة صار لها أكثر من 20سنة ..
موضي : يمه .. اللي سويناه مو هين .. مو كافي ولدي المعاق .. والحين علياء ..
الجدة بتتكلم .. قاطعتها موضي : بنتي كانت بتروح من بين يديني .. بسبب اللي سويناه ..
الجدة بهدوء: ريم .. لو تدري ما سكتت .. كانت قومت الدنيا ما قعدتها ..
موضي تهز راسها : قلبي يقول لي أنها تدري بكل شي .. والله يستر من اللي جاي ..
الجدة مصرة : لو تدري .. كان ما سكتت .. هي ما ترضى تنجاب سيرة أمها بكلمة ناقصة وهي تحسبها ميتة .. شلون لو عرفت أنها حية .. وش بتسوي ..
موضي ادمعت عينها : ودي أقول لها كل شي .. وأرتاح ..
الجدة بعصبية : جنيتِ أنت ..
موضي بحدة : أي جنيت .. أنا الليل ما أنامه ..بسبب هالسالفة وكملتها سالفة علياء ..
الجدة تحاول تهديها : تعوذي من الإبليس .. لا تنبشين سالفة قديمة .. اندفنت من سنين ..
موضي بحسرة : والحين جاء الوقت اللي ننبشها ..
موضي تصيح .. وأمها تحاول تهديها ..

دلال تستقبل علياء وديما ومليكة .. وهم داخلين البيت .. ووراهم الخدم شايلين شنط وأغراض ..
دلال تضحك : ما خليتوا شي في ايطاليا ..
علياء تسلم عليها وتضحك : طافتك سفرة ولا في الخيال .. ما كان ودنا نرجع ..
دلال : الله يهنيكم .. بس ما تم شي في السوق إلا شريتوه ..
مليكة تضحك : يتنافسون من تشتري أغراض أكثر من الثانية ..
ديما تأفف : أوه حاسدين الفقير على موته الجمعة ..
دلال تضحك : عليك بالعافية حبيبتي .. بس وش خليتي لعرسك ..
ديما تهز أكتافها: ومن قال لك بسوي عرس ..
علياء ومليكة اضحكوا .. تناظرهم دلال وتتسائل : وش فيكم ..
علياء تضحك : فاتتك ريم مع ديما .. تحفه ..
ديما تطالعهم بنص عين .. وترفع يدها : لا تعليق ..
دلال تتلفت : أجل وين ريم .. ما أشوفها هي وراكم ..
مليكة تشيل أغراضها : لا.. ريم راحت دبي ..
دلال : هالبنت ما تقعد .. لاحقه على الشغل .. ترتاح لها يومين ..
علياء : أي راحة .. هي حتى في ايطاليا .. شغلها لاحقها هناك ..
دلال : الله يعينها ويقويها ..
ديما تسأل دلال : أمي جت من جدة ..
دلال تهز راسها : أي وصلوا اليوم الظهر ..
ديما : ولقوا خالي ..
دلال : لا .. دورا في أغلب الفنادق والشقق هناك .. ما حصلوا شي ..
ديما تتأفف : أوف .. الله يعينا على حنتها ..

حمد : اتعبتني أمي .. ما تم لا فندق .. لا شقق مفروشة إلا ودورنا فيها .. ضيعنا أيام على الفاضي ..
زينة كانت قاعدة ترتب ملابسها .. حمد التفت عليها .. وقرب منها ..
حمد يبتسم : ما أشتقت لي حياتي ..
زينة تغصب الابتسامة .. وتهز راسها .. يقرب منها حمد .. لكنها حاولت تبعد .. مسكها بقوة .. حاولت تقوم .. عصب منها ..
حمد بعصبية : أبي أفهم .. ليه كل ما أقرب منك .. تبعدين ..
زينة : ما فيني شي .. راسي يوجعني ..
حمد مو مصدقها : لا تنسين يا مدام أنك زوجتي ..
زينة بجمود : ما نسيت ..
جات زينة بتقوم .. مسكها حمد بقوة .. حاولت تفلت منه .. عطاها كف قوي .. ورماها على السرير .. ما اهتم بصياحها ودموعها .. زينة لفت وجهها وغمضت عيونها ..

هيفاء تستقبل بنتها : وش هذا ..
ريم تبوس يد أمها .. وتنحني لها وتأشر على الأغراض : أغراض for you, majesty
هيفاء تضحك : وأنا وش بسوي في كل هالأغراض ...
ريم تهز أكتافها : whatever you want
هيفاء انتبهت لنبرة صوت ريم .. قعدت تطالعها لفترة ..
هيفاء : فيك شي متغير ..
ريم تهز أكتافها : وش هو المتغير ..
هيفاء : ما أدري .. بس وجهك مضوي ..
ريم لا شعورياً : حاسديني على هالفرحة اللي مو راضيه تكمل .. ( ريم تحسفت أنها تكلمت )..
هيفاء امسكت ذراعها : أي فرحة اللي مو راضيه تكمل ..
ريم توهقت .. يدها على راسها : لا .. ولا شي ..
ريم فكت نفسها من أمها .. وبتروح فوق .. هيفاء تناديها ..
هيفاء مكتفة يدينها : بنت .. تعالي هنا ..
ريم التفتت على أمها : بنت .. عمري 27سنة .. شوفي طولي .. وبنت ..
هيفاء تناظرها بنص عين : حتى لو تكونين في ال 50 تظلين بالنسبة لي بنت ..
ريم تبتسم لأمها .." حلو الشعور أنك واقف قدام أمك ومتوهق وش تقول لها .. مهما قلت ..راح تعرف أنك تكذب " .. قربت ريم من أمها وباستها على خدها ..
ريم تراضي أمها : مو حلو عليك الزعل هيوف ..
هيفاء : أي حبيبي .. قصي علي .. واضحكي علي بكلمتين ..
ريم تطالعها بترجي .. هيفاء بطوفها لها : روحي الحين ارتاحي .. لكن لنا قعدة بكرة .. وأبغى أعرف سر هالفرحة .. ومن هي !!!
ريم ابلعت ريقها .. ورفعت يدها مثل التحية العسكرية : أمر جلالتك ..
هيفاء تقرصها بمزح .. ريم تركض إلى الدرج ..
هيفاء تناديها : مصيري أعرف .. لا تظنين طوفتها لك ..
هيفاء تشوف الأغراض وهي تضحك .. معها حق هي صارت مراة .. بس في نظري هي دايما بنتي ريمي الصغيرونه ..

زينة تغسل وجهها .. وتصيح .. " أكرهك .. أكرهك ".. ناظرت وجهها في المراية .. أثر الكف واضح تحت عينها .. " شكلي ما راح أقدر أطلع ووجهي بهالشكل ".. زينة تطالع وجهها في المراية وتصيح .. " ريم .. وينك "..

غادة : صباح الخير ..
هيفاء تشرب القهوة : صباح النور ..
تجلس مقابلها : أجل وين ريم .. شني سمعتها أمس ..
هيفاء بهدوء : في مكتبها ..
غادة بخبث : والله إلها وحشة ..
هيفاء تناظرها بنص عين .. غادة تضحك : وش فيج .. أمزح معج .. ما يصير ..
هيفاء بنبرة حادة : لا تنسين ريم تصير بنتي ..
غادة تأشر بيدها : أدري .. ما يحتاج تذكريني كل شوي ..
هيفاء بهدوء: أسفة غادة .. لكن اعصابي تلفانة ..
غادة : لاحظت .. علشان هيج حبيت أضحكج .. خير وش عندج ..
هيفاء تبتسم : ريم .. أحسها متغيرة ..
غادة : يعني متغيرة للأحسن أو الأسوء..
هيفاء تهز راسها : ما أدري .. صايرة تضحك كثير .. وأحس نفسيتها متحسنة كثير ..
غادة تصب لها نسكافيه : وهذا اللي مضايقج ..
هيفاء : ودي تقول لي كل شي.. أحس أنها مغبية عني أشياء ..
غادة: مثل شنو ..
هيفاء : أحس أن في حياتها أحد ..
غادة تحط الكوب : زين الله يهنيها ..
هيفاء تطالع غادة : ودي تقول لي من هي .. تتكلم عن حياتها .. تفضفض لي ..
غادة تضحك بصوت عالي .. هيفاء تطالعها رافعة حاجبها ..
هيفاء : وش يضحكك ..
غادة تدهن التوست : حياتي .. أنت أمها ..طبيعي في أمور ما راح تقولها لج ..
هيفاء تحط يدها على الطاولة .. وعيونها على الكوب : أدري .. بس أبغى أعرف .. أنا أمها ولازم أعرف كل شي عن حياتها ..
غادة تاكل : ومنو قاظبج .. روحي الها ..
هيفاء : أنتظرها تخلص شغلها ..

ريم تطالع الصور .. والأوراق اللي أعطاها ياسر ...
ريم تقرأ الأوراق : عيادة نساء وولادة ..
ياسر يهز راسه : عملية إجهاض .. وهو تكفل بكل شي ..
ريم ترفع راسها : وباقي المبلغ ..
ياسر : اندفع لحساب الخادمة .. موجود اسمها في الأوراق ..
ريم تبتسم : وش ماسكة عليهم ..
ياسر يعطيها ال memory card : لهم فيديو هنا ..
ريم تاخذه .. وتشغل على لاب توبها .. وتشوف المقطع .. بسرعة سكرت الفيديو ..
ريم تضحك : والله وطحت بيدي .. شلون قدرت تحصل عليه ..
ياسر : دفعنا للخادمة 3 أضعاف اللي دفعه ..
ريم تبتسم : حلو .. كذا المهمة الأولى تقريباً انتهت .. متى راح يرجع ..
ياسر : الإثنين .. احم طال عمرك .. تبغين نرسل الأوراق إلى زوجها ..
ريم تهز راسها : راح نرسلهم .. لكن مو الحين .. بعد خطوبة ديما .. ما أبغى شي يخرب خطوبتها ..
ياسر يهز راسه : بعد هالفيديو .. راح تصير عاصفة ..
ريم تضحك : مو عاصفة .. قول إعصار .. ناسي هي زوجة مين ..
ياسر يقوم : تامرين شي .. طال عمرك ..
ريم : لا .. يعطيك العافية ..

ريم اطلعت من المكتب وراحت للصالة .. شافت أمها قاعدة على الصوفا تقرا كتاب ..وعلى الطاولة اللي مقابلها صينية بيتي فور وميني كيك .. قربت منها وقعدت جنبها ..
ريم تبتسم : شخبارك أم ريم ..
هيفاء تسكر الكتاب : أم ريم بخير .. بس ما أدري عن ريم ..
ريم ابلعت ريقها : وش فيها ريم ..
هيفاء التفتت عليها : من هي ..
ريم أخذت لها كيك : من هي .. من هي ..
هيفاء رافعة حاجبها : اللي مخلية وجهك يبرق .. والضحكة ما تفارقه ..
ريم تطالع أمها : يعني حاسدتني ..
هيفاء تبتسم : عساها دوم .. بس أبغى أعرف من هي .. ولا تحاولين تتهربين ..
ريم تاخذ نفس عميق : توعديني .. ما تحكمين علي .. ولا تقولين لي أتركها..
هيفاء مستغربة لكنها هزت راسها : أوعدك .. تكلمي ..
ريم قالت لأمها عن زينة .. أول مرة شافتها فيها .. وعن زواجها من حمد .. وأنها تحبها ..
هيفاء كأنك صابه عليها ماء بارد .. تحسفت انها أوعدتها ..
هيفاء : لكنها متزوجة .. ومتزوجة من اخوك .. كل هذا ما له اعتبار عندك ..
ريم : أولاً هي مجبورة تتزوج مدلل أمه .. ثانيا حاولنا نبعد لكن الصدف تجمعنا ..
هيفاء : وأنت مو خايفة ..
ريم بحدة : طبعاً لأ.. هذه حياتي .. my life .. أعيشها بالطريقة اللي أنا أبغاها ..
هيفاء بهدوء : ريم أنا متقبلة your life style .. لكن البنت متزوجة وأنت ساكنة معها في نفس البيت ..
ريم تهز أكتافها : so what
هيفاء بحذر : ريم أنت معها لأنك تحبينها .. ولا لأنك تبغين تنتقمين منهم ..
ريم طالعت أمها مدة : طبعاً لأ.. أنا أحبها .. تكفيني ابتسامتها .. وتغير مودي كله ..
هيفاء تبتسم : ريم .. اللي تسوينه ...
قاطعتها ريم : غلط .. حرام .. قولي اللي تبين .. لكن مسألة أبعد عن زينة .. النقاش في هالموضوع منتهي ..
هيفاء تهديها : ريمي .. ما أبغاك تنضرين ..أنت بنتي الوحيدة ..(اخنقتها العبرة )..
ريم قربت من أمها .. وأخذت يدها وباستها : mom don't worry about me
هيفاء تمسح دموعها : إذا ما أحاتيك .. من أحاتي ..
ريم شوي تصيح : أسفة إني احتديت معك .. لكني أحبها .. وربي أحبها ..
هيفاء تلم بنتها : ريم .. صدقيني خايفة عليك .. لو يصير لك شي أروح فيها ..
ريم : الله يخليك لي .. وإن شاء الله مو صاير إلا كل خير..

رجعت ريم البيت متأخر.. الكل نايم .. ادخلت جناحها .. وهي تبدل ملابسها .. تفكر في اللي راح تسويه مع منصور .. لكن بكرة ضروري أشوف راشد وش عنده ..

صحت ثاني يوم .. وأخذت لها شاور .. البست ملابسها واطلعت من الجناح .. فكرت تروح المصعد .. لكنها غيرت رايها .. وهي نازلة التقت بزينة اللي كانت صاعدة .. ريم تبتسم لها .. زينة تنزل راسها عن ريم .. ريم استغربت .. قربت منها ..
ريم مستغربة : وش فيك حياتي ..
زينة بتلف وجهها .. لكن ريم امسكتها ورفعت راسها .. وشافت أثار ضرب جنب عينها .. ريم عصبت .. وعضت يدها ..
ريم تحاول تمسك أعصابها : والله لأربيه .. هالكلب..
زينة وعيونها مليانه دموع : لا ريم .. الله يخليك ..
ريم بحدة : الله لا يخليني .. إذا عديتها له ..
زينة تصيح .. ريم لمتها وتهديها : خلاص حبي .. ما يصير إلا اللي تبين ..
زينة تتماسك : ما أبغاك تتهاوشين معه ..
ريم تبوس راسها : مثل ما تبين .. حبي ..
ما كان ودها تتركها .. لكن ريم خايفة أن أحد يشوفهم .. زينة اصعدت جناحها .. ريم انزلت .. وراحت إلى غرفة الطعام .. الكل كان موجود .. ريم شافت حمد ياكل .. اشمئزت منه.. سلمت عليهم وراحت ..
الجدة : طيب أكلي لك لقمة ..
ريم طالعة : راح أكل لي شي في الطريق ..

ريم اصفقت باب السيارة بقوة .. ياسر مستغرب .. وش فيها ..
ريم بهدوء: ياسر .. أبغاك تسوي لي عشاء مرتب ..
ياسر : لمين طال عمرك ..
ريم تعض أسنانها : لمدلل أمه ..
ياسر : تم طال عمرك ..

ريم اطلعت من الشركة .. وراحت إلى المزرعة مباشرة .. صار وقت تشوف راشد .. لأنه الحين راح يقر باللي يعرفه واللي ما يعرفه ..
أول ما ادخلت ريم السرداب .. كان راشد نايم على جنبه .. رجوله ويدينه مربطه .. ياسر أشر لتيودور يقعد راشد ويفك رباطه .. راشد قعد وشكله تعبان .. التفت حواليه وشاف ريم جالسة على كرسي .. امسكه تيودور وارفعه .. بعدين أخذه إلى كرسي مقابل ريم .. ووقف وراه ..
ريم تدخن : أسمعك راشد .. قول اللي عندك ..
راشد يبلع ريقه : وش تبغين تعرفين ..
ريم تزفر: عن شبكتكم ..
راشد: أنا مجرد رقم عندهم .. أنفذ اللي يطلبونه مني .. أفتح حسابات وأحول مبالغ ..
ريم : أبغى الـmain account .. عند مين ..
راشد : عند سعود .. هو اللي يعطيني الأوامر وأنفذها ..
ريم : وين يحتفظ بسجلات .. وأرقام الحسابات ..
راشد : عنده notebook ياخذه معه دايماً .. وفيه كل الحسابات ..
ريم ترمي سيجارتها : قولي لي راشد .. قبل أربع سنوات .. وش اللي صار اللي خل أبوي يطردك من الشركة ..
راشد تردد : كنا راح نسوي مشروع .. ونموله بأحد الحسابات .. وبعدين نبيعه ونحول المبالغ مرة ثانية ..
ريم : وش اللي صار ..
راشد : حسبناها غلط .. وتكلف المشروع أكثر من اللي كنا متوقعين .. وإطّر سعود يعوض الخسارة .. لكنه خسر كثير ..
ريم تناظر ساعتها : غريبة أنهم سامحوه بسهولة ..
راشد يهز راسه : مو بهالسهولة .. دفع مبالغ كثيرة علشان يعوض الخسارة .. لكنهم هددوه إذا تكرر مرة ثانية .. راح تكون نهايته ..
ريم بهدوء : الأموال مين وين تجي ..
راشد يبلع ريقه : كل اللي أعرفه أنها تجي من فرنسا ..
ريم قامت .. راشد يطالعها : عمتي .. قلت لك كل شي أعرفه .. متى أرجع بيتي ..
ريم تلتفت عليه وتبتسم : ليه .. مليت من القعدة عندنا .. لسه بدري راشد .. لسه بدري ..
اطلعت ريم وياسر .. وصوت راشد يناديها ويترجاها تخليه يروح .. اركبت ريم السيارة .. وهي تناظر من النافذة .. تفكر بالـ notbook اللي عند أبوها .. هي شافته عنده أكثر من مرة .. ودايم يحطه في الخزنة في مكتبه .. ريم تفكر نفتح الخزنة أولاً .. ننسخ الجهاز ثانياً.. الكلام سهل لكن الفعل صعب .. صعب جداً .. خصوصاً أن أبوها ما يسمح لأحد يدخل مكتبه .. ودايم يقفله ..
إلا ما ألقى طريقة أدخل فيها المكتب .. جاء دورك بو حاتم .. جاء دورك ...؟؟؟
.
.
.

لبييييه بس .. اعشقق كتآبآتكك وؤرببكك آعشقهآ بققووؤآ بععد .. رؤآيتكك اخططر
من الخططر نفسسهه حدههآ آبدآعع ورقي آفككآر ورآقيه بذآتهآ مافي شي يؤصصف
ابدآعآتكك .. ولو فيهه بسدححهه لكك لبييييييييييهه بسس .. ريم > مودي لبآ
شخصيتها دممآر .. وابي اعرفف وش مخططه على عائلتها .. وودي تقلع مدلل آمهه
وزينهه فديتها بسس مغصؤبه عليه بس لقت ريمووهه .. وموضضي اظن انها بتقول
لريمؤو عن سسآلفه اممهآ .. وبؤ حآتم آظن رح يرجع ﻵآم ريم هيؤف .. ومنيرهه
ومدلل امهه ورآهم هآجدين بهالبارت .. ياسسر اظن بيتنآسى ريم .. واممم بسس
مخيخي كلوؤز > تقفل .. ب آنتظظآركك قلببب وخذي رآحتكك ع أﻻخخر

وووووووووووووووااو قلبي ابداااااع

ي لبيييييييييييييييييييه ي ريمممي

اتوقع موضي مابتقول ل ريم ..؟؟

و مدلل امه هذا متى ربي يششيله .. يقههر ي لييت ريم تككفخه تاخذ حق زيوون

اتوقع بتدش مكتب ابوها بس صصعبه على الخزنه بس بترجع تحاول
و يمقن تحط التهممه ب مدلل اممه ههههه ي لييت

في انتظااااااااااااااااااااااااااااااااااااااااااااااارك على ناااااااااااااااار

حمااااااااااااااااااااااااااااااااااااااااااااس

عدد الرسائل : 112 تاريخ التسجيل : 05/08/2012

amaaaaaaaaaazing part
waiting 4 the next part 3la nar

خقة الراويه
يابيه بصراحه جنان
تقبلي مروي قلبو

وااااااو خطييييره صرااحه
متي التكمله بانتظارك بكل حماااس Embarassed

» رواية {+ تـــشرفــــنـــــا +} // رواية ؤااقعية جريئة )) بويات ' شباب .... بقلمي shoudi اكتملت
» الخيار الصعب .... رواية جريئة ... اكتملت
» رواية ليــــت ربــــــــي مــــــــــــــــــــــــــــا خلقني بأحاسيسي ...(رواية بويات جريئة)
» رواية ** فقدتك يا أعز الناس ** رواية واقعية جريئة بقلمي...shoudi
» رواية : أحببتكِ متأخر ..اكتملت