رواية بويـــات-عشــق-جنــون-إنتقـــام " اكتملـــــت "

البارت جد رووووووعه بس توقعاتي يمكن فيصل يحب ديك البنت الإيمو أو يصير بينهم أكشن
مدري كدا أحسس
بانتظار البارت القادم

الرواية بجد روعة اتمنى ما طولين علينا 

الروايه رووووووعه تسلم اناملك ويعطيك العافيه وبالنسبه للبارت الي فيه الرعب مت خووووف صرت اطالع وراي وطار مني النوم ههههه
الروايه جميلللللله وحسيت ككاني اعيش الاحداث بنفسي اسلوبك جذاب وراقي
وف انتظار التكمله 3>3>

في انتظار التكمله

البــــــارت 21




في أحد الاحياء ... تركي واقف قدام بيت له ذكريات غاليه و عزيزه ع قلبه
ريم واقفه عند الباب وتصارخ : تروك يالله بسرعه تأخرنا الحين تفوتنا المحاضره
تركي يركض : يالله يالله خليني أقفل الباب ، قفل الباب ونسى المرتفع اللي بعد الباب و طآآآآآآخ
ريم تشهق بخوف : تركي حياتي صارلك شي ، وتساعده يوقف
تركي بألم : ركبتي تعورت شوي
ريم : ليه ماتنتبه حبيبي كم صارلنا ساكنين هنا ولسى تنسى هالرفعه
تركي : أكيد بنساها ي قلبي وانتي بس تصارخين كل صباح علي
ريم : هههههههههه وش إسوي حبي انت تتأخر ع طول حتى فيصل سبقنا
تركي : خلاص ي الله مشينا
ريم تناظر بنطلونه : بنطلونك انقطع من الركبه
تركي يناظره ويتنهد : خلاص روحي إنتي تأخرتي وأنا أبدل والحق المحاضره الثانيه
ريم : لا مستحيل اروح من دونك ، يالله ندخل بدل بسرعه ونطلع مع بعض
تركي : مثل ماتبين ، دخلوا مع بعض وراح تركي يبدل وطلع بسرعه ، يالله ريمي
ريم : يالله مشينا
عند الباب
ريم : تركي شوف الدرجه قدامك تشوفها ، يالله أنزل وأنا بقفل الباب
تركي ابتسم ونزل : يالله قفلي الباب
ريم تقفل الباب : يالله بسرعه ، و كانت بتطيح مكان تركي بس لحق عليها وحضنها قبل لا تطيح
تركي : هههههههههههههه حياتي العجله من الشيطان وانتي بس مستعجله
ريم متفشله : تأخرنا يالله
تركي : لو حضنتيني مثل ما انا حضنتك الحين كان ماتاخرنا هههههههههه
ريم : ههههههههههههههه كان رحنا فيها كلنا
وظلوا يسولفون ويضحكون لحد مآوصلوا الجامعه
تركي يتنهد بحزن ويمسح دمعته ويكمل طريقه ...

نروح حق ليزا و فيصل

ليزا بغرفة التبديل
رن فون فيصل : هلا دينا
دينا : استاذ فيصل الأستاذه أميره موجوده بمكتبك الحين
فيصل : أوكي حلو ، حولي المكالمه ع مكتبي
دينا : أن شاء الله دقائق ، أستاذه أميره الأستاذ فيصل ع الخط
أميره : مشكوره دينا ، الــو
فيصل حس بشعور غريب و سكت
أميره : الـــو ، أستاذ فيصل معاي؟
فيصل حس ع نفسه : أحم ، السلام عليكم
أميره ابتسمت : و عليكم السلام ، هلا
فيصل : كيفك أميره؟
أميره : الحمدلله بخير ، انت شخبارك ؟
فيصل : نحمدالله ، كيف الشغل معاك ؟
أميره : كل شي تمام لسى المدخل ماانتهى ، والحين نشتغل ع مكتبك مع المدخل
فيصل : يعطيك العافيه ، أميره تقدرين تجين امريكا بكره ؟
أميره باستغراب : ليه ، صاير شي ؟؟
فيصل : لا بس أبي أخذ رايك في كم شغله بخصوص الديكور تبع شركتي لأن شغلك عجبني بصراحه
أميره : بس انا لسى ماخلصت شغلي هنا
فيصل : مو مشكله شوفي أي أحد يكون مكانك وانتي تمشين اليوم أرسلت الطائره أمس تنتظرك بالمطار
أميره وقلبها ناغزها : أوكي مثل ماتبي
ليزا طلعت : ما رايك بهذا الفستان؟
فيصل أشر لها تسكت : أوكي أميره انتظرك بكره في المطار ، تمام؟
أميره سمعتها : أوكي آخليك شكلك مشغول
فيصل : شوي مشغول ، انا راح أرجع إكلمك عشان أقولك متى رحلتك
أميره : خلاص ، يالله مع السلامه
فيصل : مع السلامه ، وقفل
ليزا : مع من كنت تتحدث ؟؟
فيصل : إحدى الموظفات في شركة أبي
ليزا : ماذا تريد منك ؟
فيصل : لا عليك ، هذا الفستان ليس جميل أريد رؤيتك بهذا ، وعطاها فستان أسود لنص الفخذ بدون اكمام من تحت واسع و ضيق من عند الصدر
ليزا لبسته و طلع شكلها خقق بالفستان
فيصل ابتسم : كما توقعت ، سوف تلبسينه الليله للعشاء
ليزا : حسنآ ، أخذوا الأغراض اللي تبيها وطلعوا للفندق يتغدون


الساعه 6 مساء

ليزا طالعه من الحمام لافه شعرها و لابسه روب الحمام ، فيصل قاعد ع الآب يشتغل
ليزا : نحن هنا لنستمتع بيومنا ، وقفلت الآب
فيصل : هذا عملي يجب أن أقوم به بسرعه
ليزا : لا ، غدآ سوف تذهب إلا العمل وتقوم بكل شي
فيصل رفع يدينه بأستسلام : حسنآ حسنآ كما تريدين ، وقف يبوسها بشفتها ، سوف اذهب للاستحمام ، وراح



الساعه 7 نزلوا للعشاء

بعد ماتعشوا وصل طبق التحليه فيصل قدم هديه حق ليزا
ليزا : ياإلهي ، فتحت العلبه كان طقم الماس
فيصل : هل أعجبك؟
ليزا تمسح دموعها : أنه رائع جدآ ، شكرآ لك حبيبي

و انتهوا من العشى ورجعوا للبيت الساعه 10 مساء



غرفة تركي

طق طق طق
تركي : نعم
فيصل دخل : مررررحبآ
تركي ابتسم : أهلين حياك
فيصل يقفل الباب : كيف يومك ؟
تركي : حلو
فيصل : قضيته مع أحد و إلا بروحك ؟
تركي : مع ريم
فيصل ابتسم : كنت أدري انك بتروح مكان شقتنا وكل مكان كنتوا تروحونه مع بعض
تركي يتنهد وبحزن : اشتقتلها
فيصل : لسى تفكر هالتفكير
تركي : الحين لينا صارت بحياتي بس ريم لسى بقلبي و تجي ببالي كثير ولما أكون هنا كل ذكرياتي معاها تمر قدامي
فيصل : عشان كذا حبيت انك تطلع اليوم تغير جو لأني عارف لو رحت تشوف شقتنا وكل مكان كنتوا تروحونه راح تعرف أنها راحت ومابقى إلا ذكراها
تركي : أدري ، ماعلينا قولي كيف يومك ، ويغمزله
فيصل : والله أبد ليزا فرت فيني السوق بعدين رحنا نتغدى بالفندق وأخذت حق الفراره هههههه وبعدين تعشينا ورجعنا البيت
تركي : يلعن شكلك هذا هو يومك أكل و شفشفه وبس
فيصل : وش تبيني إسوي يعني ، نروح الالعاب مثلآ
تركي : ليش لا كثير يحبون الالعاب يستانسون عليها وبالذات إذا لعبة وفزتلها ب دبدوب تصير عندها شي عجيب ماحد مثلك
فيصل : من جد !!
تركي : قسم ، إلا تعال الحين ليزا تدري انك ماتحبها
فيصل ينسدح : يب تدري
تركي : و عادي عندها
فيصل : أهم شي أكون معاها هذا اللي تبيه
تركي : وأنت عادي عندك
فيصل : تركي انت عارف نظامي من زمان أكيد عادي عندي
تركي : عارف نظامك بس هاذي كم صارلك معاها
فيصل : مو مهم أهم شي تكون عارفه أني مااحبها عشان ماتقول أني استغلها
تركي : يآخي انت ماعندك قلب بذمتك ولا مره حبيت
فيصل ابتسم : امبلا
تركي مو مصدق : أوووما فصول ي مخيس تحب و ماتقولي ، مين هاذي اللي كسرت خشمك
فيصل : تخسي وحده تكسر خشمي ، أحب الجوهره يآخي أمي أحب أمي
تركي : هذا اللي طلع معاك أحب أمي ، قوم أنقلع من وجهي يالله
فيصل : تطردني ي تروك
تركي : بدأ بالإفلام الهنديه
فيصل : صح نسيت أقولك بكره أميره توصل هنا أرسلتلها متى موعد رحلتها
تركي : طــيـب .....
فيصل : يعني اختار وحده من الثنتين ي تقعد عند أمها وتتكلم معاها بخصوص جاك أو انك تروح تستقبلها من المطار و تمهد لها الموضوع
تركي : يعني هالخيارين سهله بنظرك
فيصل : انا ماتفرق معاي
تركي : اقعد عند أمها أحسن ، لأن أكيد عندها خبر الحين وسهل أني أواسيها
فيصل : اتفقنا ، بكره نروح نشوف الشغل وبعدين أوصلك بيت جاك وأنا أروح المطار استقبلها
تركي : أوكي ، يالله فارق
فيصل : الناس تقول تصبح ع خير مو فارق
تركي : طــيـب تصبح ع خير فارقني
فيصل : يعني لسى مصر أني آفارقك واللي كان بينا بتنساه بهالسهوله ي تروك
تركي : هههههههههه أنقلع عن وجهي يلعن شكلك
فيصل : خلاص خلاص يالله تغطى تماام وتصبح ع خير ، وطلع


الساعه 8 صباحآ


فيصل يفطر مع ماري ، وتركي توه نازل
ماري : صباح الخير تيتو
تركي : صباح الخير ماري ، ويبوسها بخدها ويقعد مقابل فيصل
فيصل : صباح الخير ي المفارق
تركي : هههههههههه لسى ببالك ، صباح النور
فيصل : ماري لن نحضر ع الغداء اليوم
ماري : والعشاء ؟
فيصل : لا أعلم سوف اتصل لأخبرك
ماري : حسنآ
تركي : هيا لتذهب
فيصل يوقف : الى اللقاء ماري ، ويبوسها برأسها وخدها ويضمها
تركي : الى اللقاء عزيزتي ماري ، ويبوسها برأسها ويضمها
ماري ابتسمت : انتبهوا لأنفسكم
تركي : حسنآ

وطلعوا للشركه

فيصل : سعد كيف الشغل ؟
سعد : الشغل حلو ، عندك اجتماع اليوم مع مدراء الأقسام ..
فيصل : الساعه كم ؟
سعد : 9 ونص
فيصل : حلو ، راح تكون موجود طبعآ
سعد : أن شاء الله

وصلوا الشركه الساعه 9 ، رتبوا وضعهم للاجتماع و الساعه 9 ونص بدأ الاجتماع .........
الساعه 11 و ربع إنتهى الاجتماع
فيصل : وش ذا والله تعبت
سعد : خلاص أنا راح أكمل عنك الشغل
فيصل : لا يكفي اللي عندك ، بأخذها معاي البيت
تركي يناظر الساعه : يالله فيصل تأخرنا
فيصل : أوووه لسى ورانا مشاوير يالله يالله
سعد : أوصلكم و إلا يأخذكم "دين"
فيصل : لا انت خلك في مكتبي دين يوصلنا
سعد : أوكي ، انتبهوا ع أنفسكم


طلعوا من الشركه 11 ونص ، وصلوا تركي بيت جاك الساعه 12 ، فيصل وصل المطار 12 ونص ورحلت أميره توصل 1 ظهرآ

تركي : برنسيس سوف تصل اليوم
ريبيكا : هل تعلم بما حدث لـ جاك
تركي : لا ولكن فيصل سوف يخبرها
ريبيكا : لقد كانت تقول لي أن جاك يعمل مع أشخاص مشبوه بهم ولكن كنت أقول لها بأنه ليس كما تعتقد ، لقد وثقت به كثيرآ
تركي : لا بأس فما يزال أخيك
ريبيكا : نعم أخي الذي دمر حياتي
تركي باستغراب : ماذا تقصدين ؟!!
ريبيكا : هو من تسبب بطلاقي
تركي : لماذا؟
ريبيكا : لأنه لا يحب زوجي وكان رافض أن اتزوجه ولكن والدي كان يقف بجانبي وبعد وفاته قام جاك بتهديد زوجي إذا لم يطلقني سوف يقوم يقوم برفع قضيه بمحكمة هنا لكي يأخذ نصف أملاكه مع الطلاق
تركي : لا تقلقي سينتهي كل شي بأحسن حال

في المطار ، أميره وفيصل في السياره

أميره : قولي الصدق ، أمي صايرلها شي ؟
فيصل : لا امك بخير الحمدلله ، بس خالك ...
أميره : وش فيه ؟؟
فيصل استغرب برودها : جاك في السجن طلع من المافيا
أميره : كم حكموه؟
فيصل : لسى ماانحكم بس أكيد مؤبد
أميره : الله يعينه ، كيف وضع أمي ؟
فيصل : تركي عندها ، ممكن إسألك سؤال
أميره : أدري تبي تعرف ليه أنا مو مهتمه بموضوع جاك ، انا أقولك لأني كنت حاسه أن وراه شي مو تماام ، و يكفي أنه سبب فراق أمي و أبوي
فيصل سكت ماعلق ع شي

وصلوا بيت جاك الساعه 2 ظهرآ


طلوا يتكلمون بخصوص جاك و بعدها فيصل فتح لأميره موضوع أبوها

فيصل : انا أقول تعطين أبوك خبر لأنه لو عرف بيرجعها ع ذمته
أميره : و ليه واثق كل هالقد ؟
فيصل : من جدك إنتي ، أبوك لو ما يحب امك ماكان ظل بدون زواج للحين
أميره تفكر
فيصل ضربها ع رأسها بخفيف : وش تفكرين فيه ؟
أميره : ههههههههه لا بس أفكر بكلامك
فيصل : وشنو طلع معاك ؟
أميره : معاك حق أبوي لو مايحب ريبيكا ماكأن ظل بدون زواج
فيصل : والحين يجي دورك تجمعينهم مع بعض
أميره : كيف ؟!
فيصل : أول شي لازم أبوك يكون هنا و بعد مايعرف بكل شي راح يردها ع ذمته بدون تردد
أميره ابتسمت : ووووآي مو مصدقه برجع أعيش معهم مع بعض ، و ضمت فيصل
فيصل مو مصدق و ما بادلها نفس الحماس ، أميره انحرجت و بعدت عنه
أميره : أسفه بس تحمست شوي
فيصل : لا عادي ، يالله احنا لازم نمشي و عطيني خبر بكل جديد أبي أسمع أخبار حلوه تماام
تركي : فيصل يالله نمشي تأخرنا ، أميره نشوفك ع خير
أميره : أن شاء الله ، مشكورين ع كل شي ماقصرتوا
تركي : واجبنا يالله مع السلامه
أميره : بحفظ الله



الساعه 9 صباحآ

مكتب دلع
طق طق طق
دلع مشغوله ترتب ملفاتها لأن عندها اجتماع : تفضل
...... : السلام عليكم
طاح ملف من يد دلع "معقوله هو ، هذا صوته أنا متأكده " ..........



مكتب طلال


طلال : الدنيا مو فوضه ي حمود إذا مالقيت المدير فيه نائب المدير ما تتصرف بهواك
حمود : أعذرني طال عمرك بس انا شفت هذا أحسن حل للشركه
طلال : ي حمود ي حمود افهمني انت ع أي أساس تتصرف هالتصرف ، يتنهد بتعب ، طيب قولي كم بنخسر في هالمشروع ؟
حمود : مليونين
طلال : وش اللي خلاكم توافقون ع مشروع فاشل يخرب ميزانية الشركه
حمود : ما درسنا المشروع عدل و هذا اللي خلانا نغلط هالغلطه
طلال : خلاص أنا بشوف حل بإذن لله ، تقدر تروح الحين بس ما أبي و لا أحد يعرف بهالموضوع مفهوم
حمود : تامر طال عمرك ، وطلع
طلال : مافيه غيره بيساعدني ، دق ع سالم
سالم : هلا والله
طلال : هلا بك ي بعدي ، شخبارك؟
سالم : الحمدلله تمام، انت وش علومك ؟
طلال : ماشي الحال ، سلوم بغيتك في خدمه
سالم : أمرني حبيبي عيوني لك
طلال : تسلم ماتقصر ، جتنا صفقه و المسئولين درسوا المشروع غلط و راح يكلفنا خساره مليونين و أبي حل للمشكله
سالم : طــيـب أنتوا الشركه الوحيده اللي انعرض عليها هالمشروع؟
طلال : احنا أول شركه انعرض عليها
سالم : حلووو ، وما حد يدري عن موضوع الخساره
طلال : لا أنا نبهتهم ماحد يدري
سالم : زين سويت ، أجل أسمع شوف الشركات اللي متلهفه ع هالصفقه و حاول تبيعها ع أحد هالشركات بطريقه ذكيه
طلال : كيف ؟؟!
سالم : لازم تشترك بمشروع ثاني ناااجح في هاليومين وأدرس المشروع عدل ، وبعدها أعرض المشروع الأول للبيع لأحد الشركات بحجة انك مكتفي بمشروعك الجديد وانه لواحد من أصحابك وحاب تدعمه و قولي وش يصير معاك
طلال : أوكي راح إسوي مثل ما قلتلي ، مشكور سالم أعذرني عطلتك عن شغلك
سالم : لا تشكرني الحين إذا انحل الموضوع يصير خير ، تامر ع شي بعد
طلال : لا سلامتك فديتك
سالم : يالله أجل انتظر منك خبر حلو
طلال : بإذن لله


بيت جمانه

فهاد قاعد ع السرير و يلبس ساعته
جمانه توها طالعه من الحمام : حبيبي بروح أجيب الفطور
فهاد : لا حياتي تأخرت ع الدوام لازم أروح
جمانه : مستحيل تروح بدون ماتفطر دقائق و يكون عندك ، وراحت بدون ماتسمع أي رد منه
فهاد شاف صورتها ملزقتها بالمرايا راح يشوفها و يبي يأخذها بدون ما تحس انتبه ع دفتر مذكراتها تردد قبل يفتحه بس فتحه و ظل يفر بالأوراق بسرعه يعني فضاوه مو أكثر بس لفت نظره اسم " سالم " و قرأ كل شي مكتوب .......



نرجع لدلع

دلع : لك وجهه تجيني المكتب بعد !!!
هاني : أسمعيني قبل لا تتصرفين أي تصرف الله يخليك أسمعيني
دلع تناظر شكله كيف متغير و نحفان وتحت عيونه هالات سودا دليل قلة النوم و الإرهاق : أسمعك
هاني : ممكن اقعد ؟
دلع : تفضل
هاني يقعد : مشكوره ، شوفي أنا بقولك كل شي عشان إنتي بعدين تحكمين بالحق
دلع : اختصر
هاني : أوكي راح اختصر ، شلتي تحدوني أجيب رأسك و أنا قبلت التحدي كالعاده حاولت آخليك تميلين لي في البدايه بس ماقدرت كنتي تصديني و ماتعطيني فرصه و هالشي خلاني أتعلق فيك وأحبك وبعدها صرتي تطلعين معاي و تكلميني و ملتيلي و ماتقدرين تنكرين هالشي
دلع ارتبكت : أقول أخلص علي » تصرفها
هاني : بعدين سمعتي شلتي وش قالولي يوم البارتي اللي سويتيه ، بس ما سمعتيني وش قلت ، انا أحبك و أعشقك ي دلع والله أعشقك شوفي حالي من بعدك كيف صار
دلع : انا سمعت اللي عندك ، شنو مطلوب مني الحين ؟
هاني : أبيك تكونين معاي
دلع : بصفتي ؟
هاني : حبيبتي و حياتي و كل دنيتي
دلع : أسفه جيت متأخر
هاني بصدمه : وش قصدك ؟!
دلع : انا تيكن الحين
هاني مو مصدق : مستحيل أنا أعرف كل شي يصير معاك مستحيل تكونين تيكن مع غيري
دلع : هاني مافي شي مستحيل و إنتهى الموضوع
هاني : كيف إنتهى وش تقولين إنتي
دلع : يعني إذا ماعندك شي تقوله تقدر تتفضل ورأي شغل
هاني ابتسم و نزل رأسه : ماتوقعت تكونين بهالقساوه علي ، و وقف ، مشكوره ع وقتك لي ، وطلع
دلع انهارت وظلت تبكي ، دخلت عليها آنفال بعد ماشافت هاني طالع من عندها وقعدت تواسيها و أجلت اجتماع دلع لبكره


نرجع لبيت جمانه

جمانه تدخل و بيدها صينية الفطور : و هذا احلى فـ .... ، وينه ذا اختفى .. فهاد فهاد ، انتبهت ع دفتر مذكراتها مفتوح ع السرير طاحت الصينينه من يدها و ركضت للدفتر و أنهارت تبكي و تصرخ ، لا مو كذا مو كذا لازم تسمع مني أنا ....



طلعوا تركي و فيصل الساعه 3 ونص و طول الوقت فيصل ساكت ماتكلم
تركي : يآخي وش فيك من وقت ماطلعنا و انت ساكت
فيصل : هاه
تركي : لاااااا الأخ فاهي ع الآخر
فيصل : وشو ؟!!
تركي : أقول شخبارك
فيصل : بخير
تركي : ههههههه لا أشك فيك بصراحه ، صار شي معاك
فيصل : لا وش بيصير يعني
تركي : ي خبر اليوم بدراهم بكره ببلاش


قضوا باقي اليوم عادي بدون أي شي يذكر ، بس في السعوديه فيه شي يذكر .....



الساعه 8 مساء في السعوديه


بيت دلع

دلع تبكي في غرفتها : انا أحبك ايه أحبك بس انت ماتستأهل حبي لك أنت واحد حقير وأنا مستحيل اغلط و أكون معك ..... وظلت طول الليل ع هالوضع


بيت فهاد

فهاد قاعد بالصاله ع أعصابه
أو فهاد : وش فيك معصبه ؟
فهاد : مافيني شي
أبو فهاد : سمعتك تقولين بتسافرين ، وين بتروحين؟
فهاد : بكره مسافر الكويت
أبو فهاد باستغراب : ليه وش عندك هناك ، توك رجعتي من الكويت ؟!
فهاد بعصبيه : 24 سنه ماتدري أنا حي أو ميت والحين تجي تحاسبني و تسألني وين و ليه ....
ابو فهاد بحزن : معاك حق ، ووقف يبي يمشي
فهاد حس أنه جرح أبوه : يبه أنا أسف بس متضايق و مخنوق شوي عشان كذا أبي أسافر بكره
أبو فهاد : إذا وجودي مضايقك أنا بسافر
فهاد : لا يبه مو انت اللي مضايقني بالعكس وجودك مالي البيت علي ، متضايق من واحد من الشله
أبو فهاد : قصدك وحده
فهاد ابتسم : المفروض تتعود ع هالشي واحد أو وحده ماتفرق
أبو فهاد : الحمدلله أهم شي أني شفت ابتسامتك ، يالله خلنا نتعشى
فهاد : لسى ماتعشيت ؟!!
ابو فهاد : وشلون أكل و انت جوعان
فهاد : خلاص يالله نتعشى .......



شركة أبو طلال

طق طق طق
طلال باله مشغول بالمشروع : ادخل
أبو طلال : ما انت ناوي ترجع البيت
طلال : هلا يبه ، شوي و اخلص شغلي و اطلع
أبو طلال : يعطيك العافيه ، يالله أنا طالع
طلال : بحفظ الله



بيت جمانه

جمانه : وش اسوي يآربي مين يطلعني من هالمصيبه ، مافي إلا فيصل لازم أدق عليه بس الحين أكيد نايم ، بكره أدق عليه والله يستر ......




الساعه 9 صباحآ


فيصل وتركي في السياره طالعين للشركه ، رن فون فيصل

فيصل ابتسم : هلا ياسر
ياسر : كيف الحال ؟
فيصل : بخير الحمدلله ، وش عندك من علوم ؟
ياسر : أبشرك لقيتها و طلعت سعوديه بعد
فيصل مو مصدق : لا لا مو من جدك
ياسر : والله من جدي ، أمرني وش تبيني إسوي الحين ؟
فيصل : خلك وراها بس ، اليوم أجيك الكويت
ياسر : انتظرك ي بوس
تركي : مين ياسر ذا ، و خير بتسافر الكويت و تسحب علي !!
فيصل : لا ما عليك ماراح اسحب عليك ، أصلآ احنا مخلصين شغلنا و أمس طول الليل سهران ع الملفات و كل شي تقريبآ جاهز الحين نوصل و نخلص باقي الشغل و سعد يضبط موعد الرحله و نطلع الكويت و من الكويت للسعوديه
تركي : ما عندك مشكله ، قدام
فيصل : سعد حاول تكون الرحله الساعه 1 الظهر عشان نوصل بوقت مناسب
سعد : مثل ما تبي طال عمرك






انتهى البــــــارت



بالتوفيق لكل اللي عندهم أختبارات
شدوا حيلكم

بآرتت خخخونفششآري،
آتتوقعع فههود بيتركك جمآنهه ويآويلل سآلم منن فهودد ‏،
فييصلل بيححب آمميرة آككيددد ‏،
تركي ‏
رحمتةة دآيمم يتذككر ريمم ‏،
يعطيكك ألف عآفيةة على البآآرت ‏
بانتظظآركك ححب ‏

ما تتخيل قد ايش اعشق روايتك تعجبني حييييييييييل
و اسلوبك اسلوب محترف
انتظررك دووم

يسلمو على هالبارت الخطير

انا سميته بارت الاحزان
ذكريات تركي
صدمة فهاد بسالم
فراق هاني ودلع

اتوقع البارت الجاي حمااااس واكشن
بين فيصل والبنت الايمو
ننتظر ابداعك

تسلم يا بعدهم على هالبارت الحلو
ويعطيك العافيه على هالروايه الابداع قليله بحقهااااا
ننطر البارت الجاي واتمنى ما تطول علينا

تسلم يدك علي بارت الروووعه و اتوقع انه فيصل بيفهم فهاد السالفه و ما بتكبر بينه وبين سالم و بنتظار الجاي حياتي

البارت جد جد روووووعه بنتظارك في البارت القادم ..

يعطيك العااافيه
تسلم اييييدك على الباارتي رووووووعه
بنتظار البارتي القادم

وينك فيصل طولت عليناااا =(

البــــــارت 22




الساعه 12 ظهرآ

بعد ما ودعوا فيصل و تركي ماري ، طلعوا للمطار رحلتهم الساعه 1 ظهرآ

.............

الساعه 9 صباحآ

في السعوديه "بيت فهاد "

أبو فهاد : ما راح تروح الدوام ؟
فهاد : لا
أبو فهاد : متى رحلتك ؟
فهاد : 8 بالليل
أبو فهاد : مالقيت غير هالرحله متأخره
فهاد : لقيت بس بكره وأنا أبي أسافر اليوم
أبو فهاد : تروح و تردلي بالسلامه

.............

مكتب دلع

دلع : آنفال رأسي يعورني عندك بندول أو أي شي يخفف الألم
آنفال : عندي بس إنتي مانمتي أمس كله شوفي شكلك كيف صاير
دلع : مو بيدي و الله حاولت أنام بس ما قدرت
آنفال : الله يعين ، انا بروح أجيبلك الحبوب و أرجعلك ، و طلعت

...............


مكتب طلال

طلال : هاه حمود وش صار ؟
حمود : قدرنا ندخل بالمشروع اللي درسته الحمدلله
طلال براحه : الحمدلله ، يالله الحين تعرض المشروع الأول لشركه اللي قلتلك عليها
حمود : حاضر طال عمرك

..............


الساعه 8 مساء

فهاد في المطار ينتظر موعد الرحله بس تأخرت بسبب عطل في الطائره

أبو فهاد : هلا فهاد ، وش فيك ؟
فهاد : هلا يبه ، الرحله تأجلت الساعه 11
أبو فهاد : ليه ؟
فهاد : يقولون عطل في الطائره
أبو فهاد : يالله خيره يبه ، الحين وينك؟
فهاد : قاعد بالكوفي
أبو فهاد : بتظل عندك لساعه 11 ؟!!
فهاد : ايه لأنهم يقولون يمكن تجي بدري
أبو فهاد : الله يعين

..........

بيت جمانه

جمانه تدق ع فيصل : ليه مقفل فونه يآربي مو وقته أبد ...

........

بيت دلع

دلع تكلم طلال : متى سافر ؟؟
طلال : اليوم الساعه 8 رحلته
دلع باستغراب : غريبه وش عنده بالكويت وأنتوا توكم رادين منها
طلال : هذا اللي محيرني ، أحس فهاد صاير غير عن قبل
دلع : و أنا بعد لاحظت هالشي بس للأحسن أحسه أقوى من قبل و ما صار يمرض الحمدلله
طلال : أي و الله الحمدلله

........


في الطائره

فيصل : تركي لما لينا تضمك تحس بشنو ؟
تركي باستغراب : نعم ؟!!
فيصل : يآخي ماعليك جاوبني بس
تركي ابتسم وناظر لبعيد : أتذكر ريم لما كانت تحضني و تشم رقبتي و أحس بدقات قلبها من قوتها أحس كأنها دقات قلبي أنا و أضمها أكثر لصدري كأني أبي ادخلها جواتي ما أبيها تبعد عني أبد أبيها تدوم لي أنا تدوم لتركي و بس
فيصل ابتسم : ما ألومك لو ظليت تفكر فيها انت مجنون بعشقها
تركي : أعشق ترابها ي فيصل أذكر أدق التفاصيل بملامحها بس لو تسألني عن تفاصيل لينا مااذكرها لأني إذا شفتها أشوف ريم ، صح لينا تشبه من ريم بس تفاصيل ريم غير مالها شبيه أبد
فيصل : طــيـب أقولك شي ؟
تركي : قول
فيصل : كلامك هذا كله سجلته عندي
تركي مو فاهم : ليه
فيصل : أي غلطه تسويها معاي راح أوصل التسجيل حق لينا هههههههههههههههههههههه
تركي ملامحه اختفت : أوم النذاله ي فصول مالك داعي ، انا خويك ليه حركات النص كوم هاذي
فيصل : تذكر الصوره و أنا لابس فستان
تركي تذكر شكل فيصل و فقع ضحك : ههههههههههههههههههههههههههههههههههههههههههه
فيصل : أضحك أضحك
تركي : ذكرتني فيها والله ، عادي أنا ابتزك بالصوره و انت بالتسجيل
فيصل : هههههههههه إذا لقيت الصوره ي ثور
تركي : وين بتروح يعني هههههههههه
فيصل : تذكر لما طلعنا من قسم الشرطه في الكويت و قلتلك أبي جوالك أكلم فهاد ، بعد ماكلمته مسحت الصوره هههههههههههههه
تركي : يلعن شكلك يعني بهاذيك الظروف و انت تذكرت صورتك
فيصل : أجل شنو ي بابا هاذي هيبه تبيني أضيعها بلحظه
تركي : و الله انك مصيبه ، طيب شسمه ذا التسجيل أحذفه ي الحبيب
فيصل : هههههههههه كم تدفع
تركي : كم تبي ؟
فيصل : هدية عزيز لنجاح ع حسابك
تركي : كم قيمتها ؟
فيصل : تقريبآ بتاخذ ثلاثة أرباع حسابك
تركي : سياره أكيد
فيصل : يب
تركي : شنو ؟
فيصل : بنتلي
تركي : كثر منها عاد ، شوفلك غيرها
فيصل : مو حق 2012 أبي حق 2013
تركي : ي سلام و هاذي كم قيمتها إذا الأولى ب أكثر من 700.000
فيصل : 810.000 بس
تركي : يصير خير إذا مات جدي عبداللطيف شريتها
فيصل : استغفرالله لهدرجه موته مستحيل بنظرك هههههههههههههه
تركي : عمره فوق 100 صدقني و لسى يمشي و يهاوش ع عياله
فيصل : يعني ينفع في متحف من التراث
تركي : بقوه بعد ، إلا تعال قولي وش عندك تسأل عن الإحضان و الاحساس ليكون حبيت ليزا
فيصل : لا مستحيل ، كذا بس مو عشان شي
تركي يخزه : وراك شي و أنا متأكد ، بس ماردك بتقول ...


..........


الساعه 11 مساء في السعوديه

فهاد طلع ع رحلته أخيرآ ، وجمانه لسى تحاول توصل لفيصل ، دلع تحاول تشغل بالها بأي شي عشان ماتفكر في هاني ، طلال مرهق من المسؤوليه اللي التزم فيها ، آنفال تحاول تنام بس شوقها لطلال اللي مشغول عنها بهالفتره مانعها ، لينا تدعي ربها يردلها تركي بالسلامه و تنام .....


فهاد وصل الكويت الساعه 2 و ع طول راح الفندق اللي حجز فيه قبل يوصل للكويت ، و ما قدر ينام لحد ما صلى الفجر و ناااااام


الساعه 6 المغرب وصلوا فيصل و تركي وصلتهم رسائل كثيره كالعاده
فيصل باستغراب : غريبه هاذي جمانه تتصل علي الله يستر ليكون فهاد مريض
تركي : دق عليها بسرعه طيب
فيصل يدق ع جمانه
جمانه ردت بسرعه : الو فيصل الحق علي
فيصل : أهدي أهدي وش فيك
جمانه : فهاد عرف كل شي و سافر حق سالم أكيد ذبحه الحين فيصل تكفى سوي أي شي
فيصل : متى سافر ؟
جمانه : أمس الساعه 8 الليل
فيصل : خلاص خلاص أنا بالكويت الحين بتصرف بطريقتي
جمانه : الحمدلله يأرب تكفى بسرعه و طمني الله يخليك
فيصل : طــيـب و لا يهمك راح اطمنك
جمانه : انتظرك ، يالله مع السلامه
فيصل : سعد ع الشركه ع طول بسرعه تكفى
تركي : وش صاير ؟؟!
فيصل : بعدين تفهم خلنا نوصل أن شاء الله ماصار شي .....



شركة سالم

سالم يكلم السكرتيره : لا تدخلين أحد و لا تحولين اتصالات مشغول ...

..............

فهاد في السياره : وش اللي خلاني أنام كل هالوقت ، أن شاء الله يكون بالشركه و الله راح آخليك تندم اليوم ي سالم ي حيوان

وصل فهاد الشركه بعد نص ساعه

فهاد : ممكن اقابل المدير
السكرتيره : أسفه المدير مشغول الحين بس إذا حاب تنطره تفضل
فهاد : عنده أحد يعني ؟
السكرتيره : لا بس عنده شغل و .....
فهاد طنشها و دخل مكتب سالم ........

...................

فيصل : استعجلك شوي ي سعد
سعد : زحمه طال عمرك فيه حادث هنا
تركي : أركد يآخي صرقعتنا ، وش قصتك
فيصل : فهاد هنا يبي سالم و أكيد الحين تمشكلوا و تذابحوا و انتهوا
تركي مو فاهم شي : و ليه طيب وش صاير بينهم ؟!!
سعد : وصلنا طال عمرك
فيصل يفتح الباب : أنزل بسرعه ، وراح ركض
تركي وراه و هو ما يدري عن شي
وصل فيصل عند مكتب سالم ويسمع صراخ و السكرتيره واقفه عند الباب ماتدري وش تسوي
فيصل : لا تدخلين أي أحد ، ودخل عليهم
فهاد حاط ركبته ع بطن سالم و ماسكه من رقبته و يضربه بقوس و يسبه ، فيصل يسحب فهاد عن سالم و يلزقه بالجدار و تركي توه يدخل و يآخذ سالم ع جنب
تركي : أهدوا ي شباب وش صاير ؟!!
فهاد بعصبيه : مافي شي ، بس أبي أربي الحيوان اللي عندك
تركي : طيب ليه وش مسوي الحيوان اللي عندي ؟!!
فيصل : خلونا نهدأ و هذا مو مكان مناسب نتفاهم فيه ، يالله نروح أي مكان ثاني
تركي : نروح الفندق
فيصل : تبي تفضحنا أكثر ، سالم مفتاح شقتك معك ؟
سالم : بدرج المكتب
فيصل : تركي جيب المفتاح و الحقونا ، سحب فهاد من يده لسياره ، و تركي و سالم بسياره



الساعه 8 مساء

في الشقه
فيصل : فهاد قول اللي عندك ..
فهاد : ماعندي شي غير أنيي أبي أربي هالزباله اللي قدامك
سالم منزل رأسه و ساكت
تركي : طيب ي آخ فهاد داق مشوار من السعوديه للكويت عشان تربيه فضاوه يعني ..
فيصل : فهاد انا أعرف الموضوع كله
فهاد بعتب : و ليه ما قلتلي ي فيصل مخليني مثل الأطرش في الزفه و أنتوا تضحكون علي
فيصل : فهاد الموضوع مو مثل ما انت متخيل أنا بعد ماعرفت بالموضوع بعدت سالم عنك و سفرتي لأمريكا هي اللي آخرتني كنت بقولك لما أرد من السفر بس ربك ماكتب تمشي الأمور مثل ما أنا أبي ، انت مريض وأنا اخاف عليك من نسمة الهوا ي فهاد والله ماكنت أبي يصير فيك شي عشان كذا منعت جمانه تتكلم أبي أقولك كل شي بهدوء و ماحد يدري عن الموضوع غيرنا الثلاثه
سالم : والله ماكنت أدري أنها حبيبتك والله ماكنت أدري
فهاد بحقد : و إذا مو حبيبتي ي حيوان تسوي اللي سويته فيها غصب عنها ي واطي ، وقف يبي يروحله مسكه فيصل
فيصل : أهدى ي فهاد مو كذا بتنحل
فهاد : و لا راح تنحل أبد ، أسمعني زين من هاللحظه بالذات لا أعرفك و لا تعرفني واللي سويته في جمانه بأخذه بأيدي منك و قدام فيصل و تركي
فيصل : وش قصدك ؟!
فهاد : إذا كنت قد اسمك تعال قابلني
سالم وقف قدامه : فيصل وخر عنه ما راح يرتاح إلا إذا أخذ حقه
فيصل ابتعد عن فهاد ، فهاد ع طول ضرب سالم كف قوي سالم رجع ع ورا من قوته و فهاد طاح فيه ضرب بدون أي مقاومه من سالم ، تركي يناظر فيصل يبيه يتدخل ، فيصل أشرله بعد 5 دقائق .... و بعدها أخذوا فهاد بعيد عن سالم
فهاد يتنفس بسرعه : و هذا شي قليل ي حشره ، و طلع من الشقه
فيصل : تركي خلك عند سالم أنا بلحق فهاد ، وطلع



الساعه 9 صباحآ


فيصل : فهاد لسى مانمت من أمس ؟
فهاد : نمت شوي ، اليوم برجع الديره
فيصل : كلنا بنرجع معك ، وش بيكون وضعك معها ؟
فهاد : هي مالها ذنب يكفي أنها تعذبت بسكات عشان صحتي
فيصل : و الله انك كفو ، غيرك يسحب عليها و لا يفكر بإللي سوته عشانه ، أنا بطلع الحين عندي مشوار ساعه و أرد ، رحلتنا 12
فهاد : أوكي لا تتأخر و انتبه ع نفسك
فيصل : أن شاء الله ، وطلع


في السياره
فيصل : ياسر وينك ، انا عند الكوفي اللي قلتلي عليه
ياسر : انا أشوفك الحين أجيك ، التقوا
فيصل : هلا ياسر ، شخبارك ؟
ياسر : الحمدلله بخير ، البنت قاعده ع الطاوله اللي ع اليمين
فيصل : أوكي ياسر مشكور ، ودخل الكوفي يدور ع " دارك " مالقاها ، حس بيد ع كتفه لف و تفاجئ
دارك : سمعت انك تدور علي ، وقعدت ، ناسي شي عندي ؟!
فيصل يقعد مقابلها : عندي كم سؤال ابيك تجاوبيني عليها و بس
دارك : تفضل ....
فيصل : إنتي كنتي تعرفين شي عن موضوع البنات اللي انقتلوا ؟
دارك : ايه
فيصل : ردت فعلك كانت بارده لما تلببس الروح ميمو ؟!
دارك : لأني كنت أدري أن هالشي راح يصير
فيصل بفضول : كيف ؟!
دارك ابتسمت : راح أقولك كل شي عشان ترتاح ، أنا صديقة نريمان و كنت حاسه أن صقر له يد بأختفائها لأنه تعرض لها كثير و كانت تقولي ، قررت أكون من شلته عشان أوصل لكل شي بالساهل و أنا اللي جبت لعبة " ويجا " عشان نريمان تقدر تدخل منها و تقول كل شي وصار اللي أبيه ، وجودك اختصر علي باقي الأشياء البلاغ و الجثث و كل شي
فيصل : إنتي ورا كل هذا !!!!
دارك : ايه ، عندك سؤال ثاني
فيصل : ستايل و إلا ؟
دارك : لا ستايل بس
فيصل : كيف عرفتي أني أبيك ؟
دارك : ههههههه مو شي صعب أني أعرف هالشي ، خلصت أسئلتك وقتك إنتهى ، ووقفت ، أشوفك ع خير ، وراحت
فيصل : غريبه هالبنت ، ظل نص ساعه بعالم ثاني و بعدين حس ع نفسه و رجع للفندق

......................


تركي : وين فيصل ؟
فهاد : يقول عنده مشوار ساعه
تركي : ماقالك متى رحلتنا ؟
فهاد : يقول الساعه 12
تركي : كيف النفسيه ؟
فهاد : تمام
تركي : نمت زين ؟
فهاد : يب
تركي : والله وضعك غريب اللي يشوفك أمس مايقول هذا انت رايق و ماحد مثلك
فهاد : اللهم لا حسد
تركي : لا يكثر ، قولي وش راح تسوي مع جمانه ؟
فهاد : و لا شي هي مالها ذنب بإللي صار ، صح في البدايه راح يكون تعاملي شوي رسمي لأني ماراح اقدر أقرب منها أحس أني أشوف اللي صار قدامي بس مع الوقت راح يرجع كل شي أوكي
تركي : أن شاء الله ....
....... دخل فيصل
فيصل : السلام عليكم
فهاد و تركي : و عليكم السلام
تركي : شفتها ؟
فيصل : ايه ، و قعد مقابل تركي و فهاد
فهاد : مين اللي شفتها ؟
فيصل : البنت الأيمو اللي من شلة صقر الله يرحمه
فهاد : وش تبي فيها ؟!
فيصل : فضول ذبحني و لقيت أجوبه ع أسئلتي ، هاه جهزتوا أغراضكم
تركي : أكيد جاهزه من متى الأغراض طلعت من الشنطه أصلآ
فيصل : و انت صادق و الله ، كيف الجو بجناح واحد مو أحسن ؟
تركي : منتاز
فهاد يخزهم : مثل وجهيكم
فيصل : الله يسلمك ، من ذوقك
تركي : مثل وجه مين أكثر ، عشان نعرف قد شنو عاجبك الوضع؟
فهاد : نص نص
تركي : أفحمتني

......................................

رحلتهم 12 ظهرآ و صلت طائرتهم 4 العصر
رجعوا السعوديه بعد ما انحلت مشكلة و وضحة أجوبه




إنتهى البــــــارت


انتظروا البارت 23 و الأخير

يععطيك الععااافيه البارتي رووووعه
وتسلم يدك على البارتي
في انتظار البارتي اللي بععدو

ااااااااااااااااااااا ما ودي تخلص
جد الروايه جمييييييييييييييله
انتظرك

امممم يعني خلاص وصلنا للنهايه
المهم انو كل بارت كان احلى من الثاني
حبينا شخصيات وكرهنا شخصيات
تأثرنا بمواقف ضحكنا وحزنا وتوقعنا وتفاجأنا 
اكيد النهايه بتكون حلووه
ونبي منك وعد لا توقف ابداعك

بأارت خططير

انتظر الباارت الأخخير لاتتاخر