البارت العاشر
وصل فيصل الساعه 6 مساء
فيصل : سعد ع البيت بسرعه
سعد : حاضر طال عمرك
وصل البيت بعد نص ساعه شاف سيارات كثيره عند البيت ولسى عنده أمل إن أبوه عايش ما مات نزل من السياره وصار يسرع في خطواته يبي يتأكد من اللي سمعه فتح الباب شاف أمه تبكي وخواته عندها جته غصه يبي يبكي بس مسك نفسه لا أهلي يبون أحد يقويهم ويوقف معاهم أمسك نفسك ي فيصل
فيصل : السلام عليكم
كلهم يناظرونه ومتفاجئين
فيصل : صدق الخبر اللي وصلني؟؟
أم فيصل تمسح دموعها : ايه ي يمه بس الحمدلله ع كل حال
فيصل لا يأربي لا ليه أبوي ليه غمض عيونه من هالصراع اللي داخله : استغفرالله إن لله وإنا اليه راجعون ، راح ناحية أمه وسلم ع رأسها عظم الله أجرك يالغاليه ادعيله وترحمي عليه والله يصبرنا
فيصل يقول هالكلام وبداخله مومصدق إن أبوه مات
أم فيصل مستغربه : الله يجزاك خير بس ليه تقولي هالكلام يمه؟؟!!
فيصل : وشنو أقول يمه هذا أبوي وزوجك لإزم أعزيك فيه ..
أم فيصل : بسم لله عليه وش فيك تبي تموت ابوك حسبي الله ع ابليسك !!
فيصل بحزن ع حال أمه : الله يهديك يمه هذا قضاء وقدر والموت حق استغفري ربك
أم فيصل : ما اختلفنا بس تموت ابوك وهو عايش لا والله مو حق !!!
فيصل يستوعب : كيف !!! أبوي مامات ؟!!
أم فيصل بنفاذ صبر : استغفرالله يآربي هذا بيجيب أجلي اليوم ...
ملاك : فصول يالحبيب أستوعب معاي أبوي مامات الحمدلله حي يرزق سواق أبوي هو اللي مات“وتأشر ع رأسها“ فهمت ؟؟
أم فيصل : ملاك عدلي أسلوبك ناقصني وحده ثانيه بعد
فيصل من الفرحه مااهتم لكلام أمه فز من مكانه وباس رأس ملاك : الحمدلله يآربي الحمدلله وركض للباب ووقف ، إلا هو وينه الحين ؟
ملاك : الحمدلله والشكر في مجلس الرجال اللي برا ماتشوف هالزحمه
فيصل طلع بدون مايرد عليها يركض للمجلس وقف عند الباب يعدل شكله ودق الباب ودخل
فيصل رفع يده : السلام عليكم
الكل : وعليكم السلام والرحمه
أبوه لما شافه وقف من الفرحه : هلاوالله بالغالي الحمدلله ع السلامه
فيصل يمشي بثقل ويسرع خطواته وهو وده يطير لأبوه حضنه وحب رأسه
فيصل : الله يسلمك يبه والحمدلله ع سلامتك كيفك وكيف صحتك إن شاء الله بخير ؟؟؟؟
ابو فيصل : ههههههههه الحمدلله يبه بصحه وعافيه ، لو أدري إن هالخبر يرجعك لي بهالسرعه كان كل مأسافرت أخليهم يوصلولك خبر مثله ..
فيصل : لا تكفى والله المره الجايه أروح فيها يالله مسكت نفسي لما سمعت هالخبر يأرب لك الحمد
وكل اللي بالمجلس يناظرونهم ....
أبو فيصل : الحمدلله تعال جنبي يبه خلني أملي عيني بشوفتك
جلس فيصل ع يمين أبوه وهو فرحان وطاير من ألوناسه بعدين استوعب أنه مايشوف أخوه عبدالعزيز انقهر هين ي عبدالعزيز تارك أبوي بهالظروف وهاية مع عيال إبليس
فيصل : يبه استأذنك شوي بشوف العشى واضبط الأمور ..
ابو فيصل براحه : عساك ع القوه أذنك معك
طلع فيصل وكل اللي بالمجلس يتكلمون عنه
1....... : والله أنها أرجل من أخوها
2...... : أي والله عن عشر رجاجيل
3..... : بس أحسها لو أنوثه كان طلعت احلى والله كنت اتزوجها بدون كلام
1....... : أقول أسكت قسم بالله لو تسمعك توديك ورا الشمس
« نخليهم يحشون ونطلع نشوف فيصل
فيصل وهو معصب : سعد تشوفلي عزيز التبن وينه وتجيبه من شوشته لهنا
سعد : حاضر طال عمرك ، والحمدلله ع سلامة الوالد الله يطولكم بعمره
فيصل ابتسم : الله يسلمك ، أمين يأرب تسلم ي سعد واعذرني إتعبك معاي ..
سعد : لا طال عمرك بالعكس هذا واجبي وأنا مبسوط معاك
فيصل : طيب انت روح سوي اللي قلته لك وأنا بشوف أمور العشى
سعد : اللي تشوفه ، يالله مع السلامه
فيصل : بحفظ الله
راح عند الطباخ حق البيت خاص للمناسبات
فيصل : هاه ي صبحي كل شي تمام ؟
صبحي : أهلن استاز فيصل أزي حدرتك ؟
فيصل : الحمدلله وأنت أزيك ؟
صبحي : الحمدولله ، كل حاقه قهزه وكلوا تماام
فيصل : حلوو يعطيك العافيه ، و راح يشوف إلقهوه والضيافه
فيصل : هاه ي شباب خفوا يدينكم أبي 3 يطلعون الحين بالقهوه و 3 التمر
كلهم : حاضرين طال عمرك وطلعوا ع طول مثل ماقالهم فيصل «كانوا سعوديين اللي مختصين بضيافة مجلس الرجال
فيصل يدق ع تركي عشان يطمنه
تركي ع طول رد : هاه فيصل وش صاير قول بسرعه ...
فيصل : ههههههههه هدي هدي هدي أبشرك كل شي تمام الحمدلله طلع سواق أبوي اللي مات وابوي بخير الحمدلله
تركي يتنهد براحه : الله يبشرك بالخير ريحتني الله يريحك دنيا وأخره
فيصل : وياك يأرب
تركي : طيب وش سالفة اللي دق عليك ويقول إن ابوك اللي مات ؟؟؟
فيصل وهو فاهم الموضوع : بعدين بعدين الحين خلنا مبسوطين بسلامة الوالد
تركي : إيوه وأنا مأكل تبن في هالشركه والشغل فوق رأسي
فيصل يتريق : ليه انت لسى في أمريكا ؟؟
تركي : لا ي شيخ هين ي فصول إذا ما جيتك بكره و......
فيصل يقاطعه : لا لا لا امزح معك ي ثور خلك مكانك أنا يومين بس أورجع نخلص اللي علينا ونرجع مع بعض ، أووكي ؟
تركي : ايه كذاا خلك عاقل أوكي انتظرك
فيصل : يالله إقلب وجهك ورأي ضيوف وعشى واوم الحاله
تركي : الله يعينك ماأدري وش فايدة هالأخو إللي عندك
فيصل : ماعليك أبي أربيه هاليومين
تركي : راح فيها ههههههههههههههههه ، سلملي ع عمي وتحمدله بالسلامه عني
فيصل : هههه يوصل إن شاء الله
ررن فون فيصل
فيصل : هلا سعد هاه وينه؟؟
سعد : معانا طال عمرك أجيبه عندك ؟
فيصل : جيبه ورا البيت
سعد : حاضر وقفل
فيصل واقف ينتظر عزيز
عبدالعزيز يصارخ و2بودي قارد ماسكينه : وخروا عني قلت قسسم لوماتشييل يدك عني انت وياه لأربيكم و .. سكت لما شاف فيصل قدامه
فيصل يصفق : برافو برافو فكوه ي شباب خلونا نشوف مرجلته
عبدالعزيز ساكت
فيصل : وين راح لسانك أستاذ عزيز تكلم صارخ ي .. رجــــال مسكه من صدره وين كنت هايت ي حيوان ابوك كاان بيروح فيها وأنت داشر مع عيال إبليس ومو هامك شي !!! انت شنو من آدمي ماتحس ماعندك قلب هذا ابوك يلعن شكلك وبعدين وش هالملابس اللي لإبسها ماتستحي تمشي فيها قدام الناس في الشارع وإلا مسوي كول ي الخكري
عبدالعزيز : فيصل مااسمحلك ....
فيصل يقاطعه : أووووه تكلم الرجال أخيرآ طلع عنده إحساس يعني إحساسك يطلع إذا أحد غلط عليك بس لما ابوك كاان بيموت إحساسك ضايع صح ؟!!!!
عبدالعزيز : بس أبوي ماصارله ....
فيصل يقاطعه : تآكل تبن ولا حرف أسمعه منك أسمعني زين ونفذ اللي أقوله تروح تغير ملابسك المصخره وتلبس ثوب وشماغ زي الرجاجيل وتنزل هنا بعد 5 دقائق لو تأخرت دقيقه وحده ماتلوم إلا حالك فاهم ؟
عبدالعزيز : فاهم و طلع
فيصل يتنهد ويحط يدينه ع رأسه ويقعد ع الكرسي
سعد بخوف : سلامتك طال عمرك وش فيك ؟
فيصل : لا تخاف سعد مافيني شي شوية إرهاق عارف سفر وتعب وكملها الزفت عزيز
سعد : الله يهديك لا تعب نفسك انت بس قول إللي تبيه وأنا إضبطه مثل ماتبي
فيصل ابتسم : ماتقصير ي سعد رايتك بيضا
سعد : ولو طال عمرك ذراعك اليمين
عبدالعزيز : هاه ؤبعدين
فيصل : أسمعوا الخكري ذا “هاه ؤبعدين“ أقول تكلم زي الناس وخل عنك أسلوب الخكر أللي مماشيهم ، أسمع إللي بقوله الحين تمشي معاي للمجلس وتضيف الرجال ومتى ماقلتلك العشى جاهز تقلطهم ع العشى وحسابك بعد مايروحون
رحوا غرفة الضيافه وفيصل يعلم أخوه كيف يقهوي الرجال ودخل سلم عليهم مثل ماقاله فيصل ويقهويهم
ابو فيصل بقلبه الله يحميك ي فيصل من كل سوء لولا الله ثم انت كاان رحت فيها
فيصل يأشر حق عبدالعزيز
عبدالعزيز : شنو ؟
فيصل : العشى جاهز
عبدالعزيز : وطيب ؟!!
فيصل بعصبيه : تبيني اصكك كف أعلمك المرجله
عبدالعزيز خاف : خلاص الحين أقلطهم وراح ع طول يقلط الرجال
فيصل راح عنده : أسمع الحين يخلصون أمسك البخور وخلك مرزوز هنا
عبدالعزيز شوي وييبكي : فيصل هذا الشغل في غيري يسويه
فيصل : انا مااشاورك أنا أمرتك فاهم ، ومشى عنه
بعد ما طلعوا الضيوف
فيصل : سعد أبي حراسه حول البيت بس ماابي أحد ينتبه عليهم أبد
سعد : سويت هالشي طال عمرك
فيصل ابتسم : والله انك تقرأ أفكاري
سعد : ههههههه تلميذك
فيصل : طيب وش صار ع إللي وصيتك عليه؟
سعد : اللي كنت متوقعه صح حادث الوالد كاان مقصود عطلوا الفرامل وكانوا عارفين متى راح يطلع من الشركه بس الله كتبله عمر جديد وطلع مع السواق الثاني
فيصل : الحمدلله ، أبوحمد ورا كل هذا
سعد : ايه طال عمرك الرقم اللي دق عليك كان باسم ولده بس بعد مادق عليك الغاء الرقم بس انا قدرت أجيب هالمعلومات من واحد أعرفه
فيصل : حلو حلو ، يعني اول كاان يبي يفلسه والحين يحاول يقتله طيب ليه أكيد فيه سبب كبير
سعد : يمكن لأن الوالد نجح في شغله وهو خسر كل شي ...
فيصل : لا مستحيل هذا سبب تافهه أكيد في سبب أكبر من كذا وأنا راح أعرفه
سعد : ع فكره الشله دقوا علي لماعرفوا انك وصلت وقالوا إعطيك خبر يبون يشوفونك
فيصل : وليه مادقوا علي ؟
سعد : أكيد عارفين انك مشغول بسالفة الوالد وماحبوا يزعجونك
فيصل : صح معاك حق ، ناظر إلساعه كانت 12
سعد : طال عمرك عبدالعزيز في الملحق مثل ماوصيتنا
فيصل : حلو ماابيه يطلع من الملحق أبد وبكره اتفاهم معاه ، انا أبي اطلع أشوف الشله
سعد : بس الوقت متأخر خلني أوصلك أنا
فيصل يفكر : معاك حق أجل 5 دقائق أبدل والاقيك في السياره ودق ع طلال
طلال : هلاوالله بالبوس
فيصل : هههههه أسمع 5 دقائق وتكون عند فهاد الحين بجيكم
طلال : أوووكي
طلع فيصل لابس ثوب وشماغ
فيصل : يالله سعد بيت فهاد
سعد : حاضر
وصل 12ونص
دق الباب فتحه فهاد وضمه
فيصل : هههههههههههه لهدرجه مشتاقلي
فهاد : قسم بالله لگ وحشه والحمدلله ع سلامة الوالد
فيصل : الله يسلمك وش علومك ؟ وين طلول ؟
طلال يأكل : هنا هنا حياك
فيصل : انت ليه تحسسني انك عايش في مجاعه؟
فهاد : هههههههههههههه والله من جد من أول ماوصل وهو يزط
طلال : الحين تتمنن مع ؤجهك ع الكم صحن معجنأت وحلى وعصير
فيصل وفهاد : هههههههههههههههههههههههههههههه
طلال : فيصل وين تركي ؟
فيصل : في أمريكا يقول يبي يستقر هناك
كلهم استغربوا
فهاد : غريبه معقوله تركي يستقر هناك وهو دائما يقول مستحيل يفارق حبيبته
طلال : بس حبيبته ماتت ي ذكي
فهاد : قصده قبرها ي غبي
فيصل : خلصتوا ؟؟؟
طلال : لگ الحشيمه ي كينغ
فهاد : مره بوس ومره كينغ متى تستقر ؟
فيصل : لا يكثر انت وياه ، انا قلت حق تركي يقعد هناك لأني كنت راجع إسوي كم شغله وبرجع أخلص شغلي بأمريكا فهمتوا ؟
رن الجرس
فيصل : أكره هالصوت أفتحوا الباب بسرعه
فتح فهاد الباب
فهاد : هلا سلوم
سالم : هلا فيك ، هاه وين فيصل ؟
فيصل : تعال تعال ، متى جيت مع ؤجهك؟
سالم : هههههههههه هلا والله ويسلم عليه أول شي الحمدلله ع سلامة الوالد ثاني شي لگ وحشه ثالث شي صارلي 3 أيام هنا
فيصل : الله يسلمك والله حلو تذكرتنا ، لمتى بتقعد ؟
سالم : يمكن بعد بكره أرجع
فيصل : لا لا لا مايصير خلك أسبوع بعد أنا برجع أمريكا بعد بكره وبقعد يومين ونرجع أنا وتركي وبسوي بارتي ع شرفك
سالم : مثل ماتبي دام السالفه فيها بارتي ماعندي مانع هههههههههه
فيصل : هههههههههه طيب أنا استأذن الحين حدي تعبان بروح أريح شوي ورأي شغل في شركة الوالد
الكل : الله يعينك ع المسؤليه
فيصل : أمين يالله سلام وطلع
الساعه 7ونص صباحآ
فيصل نازل من الدرج وشاف أبوه يفطر ومتجهز لدوام
فيصل : صباح الخير
الكل : صباح النور
فيصل : وشلونك يبه ويحبه ع رأسه
ابو فيصل براحه : انا بخير ونعمه الحمدلله
فيصل : يبوس رأس أمه وشلون الغاليه ؟
أم فيصل : الحمدلله
فيصل يناظر ابوه : خير يبه أشوفك جاهز ومتضبط ع وين العزم ؟؟
ابو فيصل مستغرب : ع وين يعني الشركه أكيد
فيصل : لا لا لا انا معطيك أجازه شهر كامل واتررك لي الشركه انا أمشيلك أمورها
ابو فيصل : وش يقعدني في البيت زي الحريم
فيصل : هههههههههه وش دعوه يبه اطلع مع الحلوه اللي جنبك سافروا غيروا جو
ابو فيصل : هههههههههههههه الله يقطع إبليسك ، بس شغل الشركه صعب عليك بروحك
فيصل بثقه : لا ماعليك انا مضبط كل شي حتى عزيز بيداوم معي
أم فيصل : وشلون يداوم معك !!! والدراسه ؟!!
ابو فيصل : ليه من متى ولدك مجتهد بدراسته خلي فيصل يأدبه ويربيه
فيصل : لا تخافين يمه هاليومين بس أعلمه للشغل والأسبوع الجاي يداوم المدرسه والعصر يجي الشركه وكذا يكون اكتسب خبره ويأخذ مصروف من تعبه عشان يحس بالمسئوليه
ابو فيصل : جعل عيني ما تبكيك ي فيصل
فيصل : الله يطول بعمرك يبه ، يالله استأذن وطلع
راح الملحق لقى عبدالعزيز نايم
فيصل : يأرب صبرني عليه ، بصراخ عزيز يالله فز أبي أشوف طولك
عبدالعزيز فز من الخرعه : وش فيك وش صاير؟؟؟
فيصل ماسك ضحكته : قوم خذلك شور بسرعه وبدل ملابسك 5 دقائق وتكون قدامي فاااااهم ؟
عبدالعزيز : طيب
فيصل طلع من الملحق ودق ع سالم
سالم بصوت كله نوم : الو ، ويتثاوب
فيصل : هههههه لسى نايم صحصح معاي ي حبيبي
سالم : وش تبي انت ترى انا في أجازه مو معسكر
فيصل تذكر عزيز أخوه وفقع ضحك : هههههههههههههههههههههههههههههه
سالم يناظر بجواله : وش فيه ذا ، فيصل داق عشان تضحك ؟؟!
فيصل : لا أبيك تمرني الشركه بغيتك في موضوع ضروري
سالم استغرب : ليه وش فيه؟؟؟ صاير شي ؟؟؟
فيصل : خلاأاص تعال عندي وتعرف كل شي
سالم : أوكي إلساعه 9 ونص أكون عندك
فيصل : أوكي انتظرك ، وقفل
ودخل الملحق ي زفت لسى مأخلصت
طلع عبدالعزيز وهو جاهز ولابس ثوب وشماغ
فيصل ابتسم : حلو بديت تفهم وتستوعب يالله مشينا
وتوجهوا لشركه ، فيصل راح مكتب الوالد ودق ع واحد من اللي عندهم خبره وكفائه عاليه عشان يعلم عبدالعزيز الشغل وبدأ يشتغل ويراجع أمور الشركه ويشوف أخبار عبدالعزيز أخوه
إلساعه 9ونص اندق الباب
فيصل ابتسم : تفضل سالم حياك
سالم : السلام عليكم
فيصل يوقف : وعليكم السلام ي هلا ، كالعاده دقييق في مواعيدك
سالم : هههههههه الوقت كالسيف إن لم تقطعه بتر رقبتك
فيصل : هههههههههههه أقولك أسكت لا حد يسمعك وأنت تآلف بالأمثله ، اقعد
سالم يقعد : وش ورأي خلني أؤلف كتابآ جديدآ مفبركآ
فيصل : هههههههههههههههههههههههههههههه ماتبطل من سوالفك ، قولي أول وش تشرب غير الويسكي ؟
سالم :هههههههههههههه قهوه عشان أصحصح معك
فيصل : أوكي ، الو .. جيبي لمكتبي واحد قهوه ساده وواحد عصير ليمون وسكر ، إيوه سالم كيف شغلك ؟
سالم : والله أبد الوالد معطيني مكتب في شركته بدون شغل يعني أداوم وإلا ماأداوم ماتفرق
فيصل : حلو انا أبي خبرتك تساعدني في الشغل
سالم : كيف يعني؟
فيصل : أبي أسافر بعد يومين وأخوي عزيز ماعنده خبره أوخلفيه عن الشغل أبيك تكون مكاني والعصر راح يجي الشركه وأبيك تكون ع رأسه تعلمه كل صغيره وكبيره مايسوي شي قبل ماتشوفه ، وش رايك ؟
سالم بتفكير : والله عرضك حلو بس راح أداوم هنا لحد ماترجع بس
فيصل : يمكن يعجبك الشغل وأشغلك بالشركه
سالم : يصير خير ، اللي تامر عليه انا حاضر
فيصل ارتاح : فديتك والله ريحتني ، بعد ماتشرب قهوتك أعلمك كل شي تحتاجه لشغل ..
سالم : أوكي
بعد يومين من الشغل والتعب والكرف المستمر
في الشركه ...
فيصل واقف عند باب مكتب أخوه ويناظره كيف مجتهد مع الأوراق الحمدلله نفس ماتوقعت يبيله بس أحد يشد عليه شوي ويصير رجال طق الباب : السلام عليكم
عبدالعزيز يبتسم ويوقف : هلااا فصول
فيصل : فصول بعينك أصغر عيالك أنا
عبدالعزيز : هههههه أسف آخ فيصل
فيصل : ايه خلك كذا عاقل ، هاه كيف الشغل معاك؟
عبدالعزيز : والله حسيت بتعبكم ماأدري كيف تتحمل كل هالشغل
فيصل : حلو انك حسيت بالمسئوليه لأني مسافر اليوم وأبيك تكون قدها
عبدالعزيز توهق : فيصل مو من جدك تتكلم ، الحين أنا توني عرفت للشغل تبيني أمسك الشركه بكبرها ؟!!
فيصل : ماعليك لاتخاف انا مستحيل أضحي بشركة الوالد هههههه ، في واحد راح يكون معك أول بأول عنده خبره وفاهم بكل الشغل وعلمته ع كل شي
عبدالعزيز بتردد : ا ا يصير إسالك سؤال ؟
فيصل : أكيد تفضل
عبدالعزيز : وش عندك كل شهر لإزم تسافر ؟
فيصل ابتسم : راح أقولك ي ملقوف ، لأن عندي شركه خاصه فيني ولازم كل شهر أروح أشوف الشغل هناك
عبدالعزيز بصدمه : شركه !!!! من متى؟؟
فيصل : من زمان بعد ماتخرجت من الجامعه
عبدالعزيز : وابوي يدري ؟
فيصل : قلتله أمس
عبدالعزيز : ماتتعب شغل هنا وهناك ؟؟
فيصل : وش إسوي لو كنت شاد حيلك وتخرجت كاان رحمتني شوي
عبدالعزيز تفشل : معاك حق انا ماكنت حاس بالمسئولية أبد كل همي فلوس توصلني وبس لكن الحين خلاااص صحيت وعرفت الصح من الغلط وان شاءالله راح أعوضكم عن اللي فات
فيصل : شد حيلك بس والله يوفقك ، أسمعني زين من الاسبوع الجاي راح ترجع تدوام المدرسه والعصر تجي الشركه وفي غيابك سالم راح يستلم الشغل أي شي يحتاج توقيع الوالد توديه مكتبه اللي بالبيت مفهوم؟
عبدالعزيز : مفهوم ، بس مين سالم؟
فيصل : هذا اللي راح يساعدك بالشغل بعد شوي راح يجي
عبدالعزيز : أوكي
فيصل يوقف : يالله انا طالع الحين ، يناظر إلساعه رحلتي بعد 4 ساعات
عبدالعزيز يوقف : تروح وترد بالسلامه
فيصل : الله يسلمك ، وطلع
في السياره
فيصل يددق ع تركي بس مايرد : وينه ذا صارلي يومين أدق عليه مايرد علي يالله كم ساعه وأعرف سالفته !!
سعد : وصيت اثنين يراقبون عبدالعزيز مثل ماطلبت طال عمرك
فيصل : حلو ، أهم شي توصلني إخباره أول بأول
سعد : إن شاءالله ، الحين نطلع ع الدار ؟
فيصل : ايه ، جبت الهدايا اللي وصيتك عليها ؟
سعد : أكيد طال عمرك
قعد فيصل في دار الأيتام ساعتين لأنه مشتاق حق عبود وأمول بعدها راح المطار والساعه 2 ونص أقلعت طيارته الخاصه لأمريكا
انتهى البارت
مقتطفات البارت 11
....: تركي اختفى ؟!!!!
....: أدري انك تحبني بس كبريائك مايسمحلك تعترف ..
....: لقد حاولت ولكن لم استطع ذلك
....: هل كنت تعلم بأن هذا سيحصل له ؟؟
....: مصادري تقول أنه هناك ..
....: ولكن انا أحببتك بصدق
....: هذا لن يغير شيئآ ماري
....: ارسلت من إحدى عصابات المافيا
....: أميره يبدو أنني أحبك
سوري ع التأخير. انتظر ردودكم وتوقعاتكم
اتحفوني
موضوع: رواية بويـــات-عشــق-جنــون-إنتقـــام 
الجمعة أكتوبر 12, 2012 1:29 am
مررررة ينااااااااسو
:D:D
