قوووة بويات , ليديات
شلوونكم ؟....
بدش بالموضوع بسرعة
انا نزلت بمنتدى ثاني رواية بأسم يوميات حياة سبورتيه
بس لأنه هالسوالف تخالف شروط المنتدى والمسؤولة اغلقتلي الموضوع
قررت اسجل وانزل الرواية هني لأنه الأعضاء طلبوا مني اكملها
أخليكم مع القصة
أحداث القصة تدور عن حياة بنت سبورتيه والقصة حقيقية رغم اني رح اغير بعض الأشياء عشان الخصوصية والشخصيات الي بالقصة كلهم ما بين المرحلة المتوسطة والثانوية و فووق
نبدأ بتعريف اول شخصية
الشخصية الأساسية والي قصتنا تتكلم عنها
داانه ... 15 سنة , سبورتيه شعرها قصير وصابغته أشقر , عيونها بني غامق , طولها متوسط , نحيفة بس مو واايد
بشرتها فاتحة بس على سماار بس تعتبر بيضة والبعض يشوفها سمرة شوي
دلال ( أخت داانه ) 18 سنة , كيووت مرة ودلووعة حييل ,عيونها خضر , شعرها طوييل وأشقر, طولها مثل داانه واهي انحف منها بشوي , بيضة واايد و بشرتها فاتحة
آياات (أخت داانه الثانية ) 13 سنة , مشكلجية رغم مظهرها الكيووت , شعرها أسود و طوييل سمرة شوي , عيونها أخضر غامق , أقصر من داانه بشوي وانحف منها طبعا
عبوود او عبدالله ( أخ داانه ) عمره 8 سنين
أماال ( أم دانه ) وزوجها محمود ( ابو عبدالله )
هذي عايلة داانه بإختصار , و باقي الشخصيات بتعرفونها بالقصة
البارت الأول
الساعة 6 الصبح
يررن المنبه
آماال ( أم عبدالله ) تدخل غرفة داانه : داانه يلا قوومي اليوم أول يوم دواام بالمدرسة ما نبي تأخير
داانه : يمه تكفين 5 دقايق بس
آماال : يلا قومي ابي اصحي أختج بعد
دانه تقووم : ردينا للبلا
تغسل ويها , تلبس المريول ... وتوقف جداام المناظرة تسرح شعرها
تمسك شنطتها وتاخذ نظاراتها الشمسية وساعتها وتنزل للصالة
آياات : دانه يلا تعالي تريقي , مووبي اتأخر من اول يووم
دانه : ان شاء الله
خلصوا ريووق وراحوا المدرسة مع السواق
بالمدرسة ...
آياات : داانه تكفين دوري وياي على فصلي وعقبه روحي
دانه : هذا الي ناقص , ما عندج عيوون يعني !!
آياات : عشان اظل ويااج لين ما تلاقين ربعج
دانه : اها .... اوك
داانه : آياات هذي أسيل رفيجتج
آياات : صج ... خلاص بااي
داانه : وييت
آياات بس شافت اسيل نست كل شي وراحت لعندها
داانه : خلني ادور فصلي احسن
يمر الوقت
باقي 10 دقايق عالجرس ودانه ما لقت فصلها
داانه : امبييه هذا اسم نوورة بس اسمي مو وياها
دشت دانه الصف تدور نورة وما لقتها
يت بتطلع من الصف لقت بويها لميس ( لميس ونورة رفيجات دانه بس من الربع المقربين لها )
لميس : داانه يا عمري , (وتضمها بقوة )
داانه حست بخنقه وصارت تبجي
لميس تبعد عن دانه شوي : داانه .. اافاا .. قاعدة تبجين
داانه : انتي ونور ما رح تكونون وياي يعني خلاص افترقنا وصار الي ما ابيه
فجأة يرن الجرس
لميس تمسح دمووع دانه : خلاص كبرنا ما عدنا صغاار
داانه : اوك بمر عليج بالهدة
لميس : ان شاء الله , ( وترووح )
داانه قاعدة تمشي وتشوف من بعيد بنت تقرب منها
البنت : داانه
داانه : حلاا ( حلى بنت خالة داانه , اهي بعد بويه وطول عمرها بتسوي حركات دانه من يوم ما قلبت بويه حلا صارت وياها بويه بعد )
حلا : شفيج ؟؟ كنتي تبجين ؟
داانه : لا بس للحين ما لقيت فصلي
حلا : ههه فصلج كااهو جداام فصلي بالضبط , يا حليلج
حلا تضم داانه وتقولها : حتى لو قلبتي بويه بتظلين طول عمرج دلووعه
داانه تبعدها : هييي شنو دلووعه , لا تقولينها لي مو لايقة هع
حلا تمسك بإيد داانه ويروحون على فصولهم مع بعض
حلا وصلت وعطت دانه بوسه على خدها وراحت
دشت داانه الفصل وصار الكل يطالعها
كانت قالبة فيسها ورافعة حواجبها ومو عاطية فيس حق احد
مشت لين المقعد الي قبل الاخير وقعدت
البنت الي قاعدة بالمقعد الثاني جدام دانه : لو سمحتي
دانه : هلاا
البنت : عادي تقعدين وياي
دانه : اوك ( وتقوم تقعد يمها )
البنت : أنتي داانه صح
داانه تطالعها بإستغراب : وانتي من قالج اسمي
البنت : اول ما دشيتي الفصل سمعت بنات يقولون هذي دانه
داانه : اها
البنت : أنا اسمي بدور
داانه : عاشت الأسامي
البنت : تسلمين
دانه : الله يسلمج
الأبلة تدخل الفصل : السلام عليكم
البنات يوقفوون : وعليكم السلاام
الأبلة : قعدووا
داانه تقعد بدون نفس : اووف
بدور : مضايقة من شي
دانه : لا , ليش
بدور : احسج معصبة
دانه تبتسم : لا عادي
مر الوقت ودانه تتعرف عالبنات الي بفصلها
بالهدة داانه تطلع من الفصل وتلقى بويها حلى
يمشوون مع بعض و من الضيقة داانه مالها خلق تشوف احد ثاني
وما مرت على لميس ولا شافت نور
عقب الدوام
ردت البيت تعبانه حييل
وو ناامت
الساعة 7 المغرب
صحيت داانه و قامت من الفراش بالحيل
و نزلت للصالة ...
آماال : الحين حتى صحيتي
دانه : ما حسيت بالوقت
آماال : إذا تبين تاكلين قولي حق ماري تحط لج الأكل
دانه : اوك
وتقوم تطلع لغرفتها
تمسك الفون وتشبك عالفيسن
نورة منزلة بوست ببروفايل دانه ( وينج اليووم ؟؟ , لازم أشوفج .. باجر الصبح نطريني بفصلج )
فجأة بنت تكلم دانه عالخاص
البنت : قووة
دانه : الله يقويج
البنت : ممكن اتعرف
داانه : أنا داانه عمري 15 , وأنتي ؟
البنت : أنا شروق , عمري 16
دانه : العمر كله إن شاء الله
شروق : ويااج
دانه : تسلمين
شروق : الله يسلمج , ممكن طلب
دانه : أأمري
شروق : ابي اسمع صوتج
دانه : انتي تعرفيني ؟
شروق : لا , بس ارتحتلج
دانه : توني أعرفج
أنتي أكيد بنية ؟؟
شروق : اي , هذا رقمي #####972 متى ما تبين أتصلي علي .
دانه : اوك يصير خير
سجلت خروجها من الفيس عقب ما خذت الرقم , بنفس الوقت يرن فونها
المتصل _ هنوو _
(هنا حبيبة دانه بس أكبر منها و موب وياها بالسكول مواصفاتها : طولها وجسمها تقريبا مثل دانه بس فيه انوثه اكثر بيضة وشعرها صابغته اشقر وعيونها بني )
داانه : ألو
هنا : هلا حياتي
دانه : شلونج
هنا : تمام , طمني عليك ياا قلبي
دانه : دووم حياتي أنا بخير
هنا : انزين ليش ما تسأل
دانه : بدأت المدارس وأنشغلت بالأغراض وجذي
هنا : انت دايما عندك عذر
دانه : شسوي
هنا : سلامتك لا تسوي شي , خلك 24 ساعة مع ربعك ولا تسأل عني و لو دقيقة
دانه : هنوو
هنا : لا تقول شي , كل مرة ارضى واقول عادي بس انا ملييت
دانه : وش تقصدين يعني
هنا : يعني اهتم فيني
ابسألك بصراحة وجاوبني
دانه : أسألي !!
هنا : في احد غيري بحياتك
دانه : لا
هنا : اها بس احس انه غيري ماخذك مني
دانه سمعت صوت احد ياي : انزين هنا اكلمج بعدين
هنا : مو لازم ... بااي
داانه :اوف من هالحال لازم نتهاوش كل مرة
دانه صكت فونها وفجأة دلال تدش الغرفة
دلال : دانو أبيج لا ترديني
دانه : خير .. شفيج ؟
دلال : محمد يبي يشوفني الحين ( محمد حبيب دلال)
دانه : هالحزة ... شيبي هذا
دلال : المطلوب منج أنج تساعديني وما تخلين أمي تدري بغيابي .. إذا سألتج عني قوليلها عند دينا
دانه : ان شاء الله
دلال : يلا سي يا
و تطلع من غرفة دانه وتروح عشان تقابل محمد
بغرفة آيات
قاعدة تفكر ( يا ربي ليش تغيرت ... كله من هذي الي اسمها هديل ... إذا ما خليتها تندم ما أكون بنت أمي وأبوي )
الساعة 10 ردت دلال البيت و نامت
اما دانه ظلت منسدحة بفراشها لين ما غفت عينها
و آيات نامت و إهي تفكر بأسيل و هديل
بثاني يوم
الساعة 7 بالمدرسة
دانه قاعدة بالفصل
و تتكلم مع بدور فجأة ما تحس غير أحد يضمها من ورا
دانه : منو
البنت تهمس بإذن دانه : توأم روحج
دانه تلف : نورة
نورة : منو غيري يا عمري إشتقتلج
و تضمها بقوة
دانه : خلنا نقوم نمشي أحسن
نورة : يلا
دانه : بدور تيين ويانا
بدور : لا ابنطر رفيجتي
دانه : براحتج
دانه و نورة طالعين من الفصل
بنفس اللحظة بنت تخبط بكتف دانه واهي داشة للفصل ، و تطالعها و تمشي
دانه ما انتبهت ولا اهتمت حتى
نورة : إمبيه غادة وياج بنفس الفصل
دانه : منو
نورة : إلي خبطت فيج أظن إنها غادة بس متغيرة
دانه : غادة !
أها هذي إلي كانت السنة الماضية تدش عرض بيننا كل ما تشوفنا نمشي هع
نورة : خخخ تدش عرض بس ، هذي تدش طول و عرض
دانه : ما علينا
نورة : شخبار الحب
دانه : أمس تهاوشنا
نورة : وووه ... ما راح تخلصون من المشاكل
دانه : احس أنه هنوو ما توثق فيني
نورة : دانه راح أقولج بصراحة بس لا تزعلين
دانه : قولي
نورة : انا آسفة بس إكره هنا
احسها تغار من الكل حتى صارت تشك فينا
دانه : أي ما توقعت توصل لهالدرجة
صدمتني يوم قالت أنه بيننا شي
نورة : إحنا بيننا مو بس شي بيننا إشياء
دانه : ههع إلي يسمعج يصدق
نورة تمسك أيد دانه بقوة : تكفين لا تفارقيني
دانه تبتسم : ما راح أفارقج
مضى اليوم عادي و نظرات غادة ما تفارق دانه
بالليل ... دانه قاعدة عالبي بي و تطالع الأسماء
انتبهت على اسم شروق
و فكرت أنه تتصل عليها
بس طرا على بالها يمكن تكون البنت نايمه
فطرشت لها مسج ( هاي شرووق أنا دانه ... إلي تعرفت عليج عالفيس ، شلونج أبي اتطمن عليج !)
شوي ويرن فون دانه
المتصل : شروق
دانه : الو
المتصل : هلا والله
دانه : إنت منو
المتصل : اسمي فهد
دانه : هييي هذا مو رقم شروق
فهد : شروق ههه
دانه : ليش تجذب
قولي انك شب من البدايه
فهد : إنتوا البويات ما تأمنون بالشباب
لازم نلعب عليكم حتى نكلمكم
دانه : أقول لا تتصل مرة ثانية ... بااي
و تصك االخط
فهد رد يتصل
دانه فصلت مرة و مرتين و بعدين حطته عالوضع الصامت ...
فهد عبالها الموضوع بهالسهولة هذي هع
بعد ساعة
دانه تمسك الفون و تلقى 22 مكالمة فائتة
دانه : هالحقير صج لزقة
فهد رد يتصل
دانه ردت بالغلط
دانه و بخاطرها (يا ربي وش هالعلقة) : شنو
فهد : قولي مساء الخير ، هلا بالحب ...
دانه : انت شتبي! قلتلك لا تتصل ولا ما تشوف خير فهد : أبي إشوفج
دانه : انت ما تفهم ... غبي
و تصك الخط
دانه : خله يولي
و تنسدح بفراشها و تناام
الصبح
الساعة 6:30
دانه تبي تطلع من غرفتها ، و تلقى بويها أختها دلال دانه : بسم الله
دلال : لو تعرفين شصار أمس
دانه : ماأبي أعرف ، بروح المدرسة
و تمشي من جدامها
دلال : متأكدة ... الموضوع يخص فهد
دانه حست بصدمة و لفت لناحية دلال : شنو
دلال : ما عرفتج والله ... انتي بالعادة مالج بسؤالف الشباب !
دانه : ااأووص ولا كلمة ، بس أرد من المدرسة راح إقولج السالفة كلها
دلال : اكيد لازم تقؤلينها
بالمدرسة
دانه كانت سرحانة طول الوقت بالموضوع
و ما تشوف غير غادة تقعد جدامها
غادة : صباح الخير
دانه : ...........
غادة : قلنا صباح الخير
دانه : هاااه ... أقصد صباح النور
غادة : سرحانه بمنو
دانه : ليش تسألين ؟
غادة : خلاص مو لازم تجاوبين
دانه : أؤك
غادة : بخاطري آخذ رقمج و نصير ربع
دانه تطالعها بإستغراب : إنتي عطيني رقمج وأنا بتصل عليج
غادة : أؤك حبيبتي
دانه : حبيبتج !! عفوا أنا تيكن
غادة : سوري ... وش تبيني أناديج
دانه : أسمي دانه
غادة : عاشت الأسامي ، هذا رقمي
دانه : أؤك
غادة تعمز لها و ترووح
و مر وقت الدوام و دانه تتعرف عالبنات و يأخذون رقمها أو إيميلها و إلي تطلب البن والي تطلب حسابهاا بتويتر أو ألفيس .....
عقب الدوام
ببيت عايلة ابو عبدالله
دانه و دلال بالغرفة
دلال : يعني هذا كل شي !
دانه : اي اصلا انتي تعرفين اني ما أكلمك شباب
دلال : و انتي بتعطين رقمج لأي أحد!
دانه : شدراني يعني لما كلمته طريقته ما تبين انه شب
دلال : جم مرة لازم اقولج لا توثقين بالناس
دانه : الحين مو وقتج قوليلي شصار أمس
دلال : انا ييت بالليل و لقيتج نايمة والفون يمج و في احد يتصل
بس رديت استغربت انه المتصل شب و صرت اقوله منو انت
يقولي وين دانه , قلت السالفة لمحمد وقالي عطيني الرقم
طبعا انا عطيته الرقم و كلمه و ما عاد اتصل يعني ارتاحي
دانه : أي مشكورة
ابي آخذ رأيج بموضوع
دلال : موضوع !
دانه : ابي اسوي بارتي بنهاية الاسبوع , شرايج
دلال : ونااسة ... أصلا أنا ابي فرصة عشان اعزم رفيجاتي من زمان عنهم
دانه : اوك بس حاولي تقنعين أمي عشان تسمع منج
دلال : ليش ناوية تعزمين بويات !!
دانه : طبعا لهالسبب ابيج تكلمينها اصلا الحفلات هذي مو حلوة من غير بويات
دلال : بشرط
دانه : شنو الشرط
دلال : بتعزمين البوية الي مرة شفتها معاج بالصورة و قلتلج عجبتني
دانه : أي عوااش
دلال : أي اهي بحاول معها
دانه : هييي تراج تيكن
دلال : فكري بالبارتي
دانه : الا البارتي , خلاص بكلمها بس اقنعي امي
دلال :ان شاء الله
آماال : يا بنات تعالوا تغذوا
دلال : يلا قومي الحين خلنا نتغذا وعقبه بكلمها بخصوص البارتي
دانه : اوك
آيات : يمه مااحب المعكرونه
آمال : ترا سويت بيتزا بعد
آيات : يميي
دانه : دلوعة
آيات : خييير .. شقلتي
دانه : ما تسمعين
آيات : يمه عندج دانه
دانه : اقوول جب صج بزر
آماال : خلااص ولا كلمة قاعدين ناكل ولا نتهاوش
يرن فون البيت ...
أماال : ماري شوفي الفون
ماري: الو
المتصل : الو دانه هني
ماري : لحظة مداام
داانه في نفر يقول يبي انت
دانه : ألو
المتصل : هلا والله
دانه : عفوا منو انتي
المتصل : شنو ماعرفتيني
دانه : ........
المتصل : انا غادة
دانه : غادة ! بس كيف
غادة : شنو كيف
دانه : انا ما عطيتج رقمي
غادة : انا لا بغيت شي اييبه
دانه : مممم في شي
غادة : حبيت اتطمن عليج
دانه : انا بخير الحمدلله
غادة : دوووم قلبي
دانه : انزين غادة اكلمج بعدين لاني للحين ما تغديت
غادة : آسفة شكلي شغلتج خلاص روحي تغذي بالعافية
دانه : تسلمين
غادة : الله يسلمج
تصك الفون وتروح تقعد عالطاولة
آماال : جم مرة قلتلكم لا تخلون ربعكم يتصلون عالبيت
ليش نييب لكم الفون
دانه : يمه مدري من وين يابت رقم البيت
آماال : قوليلها خلها تكلمج ع رقم الفون مو البيت
دانه : ان شاء الله
آياات تقوم من عالطاولة : الحمدلله
و تروح لغرفتها تتصل على عنود
آياات : شعلومه
عنود: ههه بخير
آياات : انزين مثل ما قلتلج بالسكول دزيلي لينك حساب هديل عالفيس
عنود : اها نسيت سوري
آياات : عقب شوي انا راح اشبك و اذا ما لقيتج مطرشتلي الرابط انسي اني بساعدج
عنود : افاا لا يهمج
اياات : اوك بااي الحين انا مشغولة
عنود : بااي
و تروح تشبك عالفيس
شوي ويوصلها مسج فيه رابط حساب هديل
آياات تبتسم و تضيف الحساب
بغرفة دانه
تمسك فونها و تلقى 3 اتصالات من غادة
دانه : عشان جذي اتصلت عالبيت هه
و تتصل على هناا
دانه : هنوو
هناا : هلا
دانه : شلونج ؟
هناا : تمام , و أنت ؟
داانه : انا مشتااقه لج
هنا : انا اكثر
داانه : حياتي
هنا : عيوني
دانه : فديت عيونج , يوم الخميس بالليل بسوي بارتي عشان بدأت المدارس
هناا : حلوو
داانه : و أبيج تكونين اول المعازيم
هناا : ما عليك بس أي ساعة
دانه : الساعة 9
هنا : عيل بكون عندك الساعة 6 خخخ
دانه : ههه عادي
هنا : لا بيي الساعة 8 او 7:30
دانه : اوك براحتج
(بالصالة)
دلال : هاا يمه شقلتي ؟؟
آماال : دامكم مصرين تسوونه خلاص براحتكم
دلال : صج
آماال : انا يوم الخميس بروح بيت خالتج
دلال : أي عشان جذي وافقتي
آماال : ههه تبيني اغير رأيي
دلال : لا خلص روحي و استانسي يمه ما عليج مننا
آمال : بس برد الساعة 1 ابي اشوف البيت مثل الحين
دلال : اوك
وتقووم تطلع لغرفة داانه
دلال : داانه داانه
دانه: شنوو
دلال : امي وافقت
دانه : كنت ادري بتوافق
دلال : بس الحلوو بالموضوع انها يوم الخميس بتروح بيت خالتي
دانه : صج اول بارتي بسوويه ع كيفي و بدون كلام امي
دلال : ههه تراني موجودة
دانه : اقول روحي بس ابي ارتاح
دلال : هع
آياات تدش الغرفة : ليش اصواتكم طالعة
دلال : بنسوي باارتي يوم الخميس
آياات: صج .. بروح اعزم ربعي
و تروح بسرعة
داانه : هذي ما صدقت خبر ليش قلتيلها
دلال : حراام عليج حتى يوم ميلادها ما احتفلنا فيه عشان كنا برمضان
داانه : تيب ممكن تطلعين ابرتاح
دلال : يووه طالعة
مر هاليوم وكل وحدة تفكر منو راح تعزم و كيف بيكون البارتي
باليوم الثاني
بالمدرسة دانه كانت تعزم بنات فصلها
فجأة تدخل غادة
تحط جنطتها و تروح لعند دانه
غادة : دانه قومي خلنا نتمشى
دانه استغربت : بس ....
غادة تمسكها من ايدها : يلا قومي
و يطلعون يتمشون
غادة : ليش امس ما كلمتيني ؟
دانه : اااه نسيت
غادة : افاا نسيتيني
دانه : لا بس كنت مشغولة
غادة : شنو الي شاغلج
دانه : البارتي الي بسويه باجر
غادة : و أنا مو من المعازيم
دانه : لا ما عليج بس نرد الفصل بعطيج العنوان
غادة انتبهت على نورة و غيرت طريقها : دانه خلنا نروح من هني
مضى اليوم الدراسي مثل كل يوم
و بآخر الدوام ...
دانه : هذا العنوان
غاادة : داانه
دانه : نعم
غاادة : انت بيتي قريب واايد من بيتكم
دانه : اها
غادة : ههه اقدر اييي مشي لعندج
نورة تدش الفصل و تلقى غادة بنفس الوقت طالعة
نورة : داانه
دانه : هلا
نورة : وينج انتي مريت عليج الصبح وبالهدة وما لقيتج
دانه : أي كنت مع غادة
نورة : من متى وانتوا تتمشون مع بعض
دانه : اهي طلبت مني امشي وياها و ما حبيت اردها
نورة : انزين باجر بتنطريني مو مثل اليوم
داانه : اوك
نورة : ولهت عليج
داانه : هه انا اكثر
و كان باقي اليوم عادي
بس باليوم الثاني الساعة 6 المغرب
بغرفة دانه واقفة جدام الدالوب او الكبت و قاعدة تفكر شنو تلبس
دانه : يووه هذا ضيق واايد مو حلو
خلني اشوف هذا
لا هذا شكله قديم
هذا القميص حده حلو
ممم يمكن هذا احلى
دلال تدش غرفة دانه : داانو
دانه : شنو
دلال : انزين شوفي
دانه تطالعها : .....( كانت دلال لابسة فستان احمر قصير و ضيق مع تدرج من عند الخصر لين الركبة )
دلال : حلوو
دانه : يهبل
دلال : بتتوقعين بيعجب عواش
دانه : هع طبعا
دلال : ممم شنو رح تلبسين انتي
داانه : شوفي شراايج بهذا القميص
دلال : حلوو بس ليش اسود هذا بارتي مو عزا
دانه : احب هااللون
دلال : أي حلو مع سكني او جينز رمادي
دانه : لا حتى الجينز اسود بعد
دلال : براحتج
دانه : بس الحزام اسود و ابيض ههه
دلال : ابي اسوي شعري بف مع كيرلي
دانه :انا رح اسويه عادي بس سشوار
دلال : اوك الحين صارلنا ساعة نتكلم خلني الحق البس و اروح الصالون
دانه : وييت بروح معااج افكر اقصر شعري من جدام
دلال : يلا لا تتأخرين
الساعة 8 ردت دلال و دانه من الصالون عالبيت
دلال : ماري
ماري : يس مداام
دلال : يلا جهزي الطاولات و الصالة من الحين
ماري : اوك
داانه : تطلع لغرفتها و تفتح الباب
تلقى هناا قاعدة عالسرير
داانه : هنااا
هنا : هلا حياتي ليش تأخرت
دانه : عشان بالصالون زحمة وجي
هنا و تقوم تضمها : مو مشكلة , اشتقتلك
داانه تبعدها : ما قلتيلي شرايج بالستايل
هنا : حلو حبيبي بس ان شاء الله تبي تلبس ذول الملابس الي مطلعهم
دانه : أي
هنا : كله اسود
دانه : عادي
هنا : انزين ويت خلني اوريك الفستان بس بالأول غمض عيونك
دانه تغمض عيونها
هنا تخلع عبايتها : احم احم ( كانت هنا لابسة فستان قصير بنفسجي مع اسود وضيق )
دانه تبطل عيونها : فديييتج
هنا : فداك قلبي عجبك
دانه : رووعة عليج
هنا : عيونك الروعة بس خلني احط ميك اب يبته معي بالجنطة
و تلف عشان تييب جنطتها
دانه : هناا
هنا : عيوني
دانه : وش هالفستان هذا
هنا بإستغراب : شفيك صح عجبك
دانه : انا ما شفته بالبداية انه بدون ظهر يعني ظهرج كله باين
هنا : حبي هذي الموضة
دانه : اقول لبسي شي يغطي ظهرج
هنا : داانو اصلا الفستان هذا موديله , تبي تخربها علي
دانه : يا هنا البويات بيطالعونج بنظرة الشباب وانا اغاار
هنا : حياتي بس انا راح اظل معاك وين ما رحت محد يقدر يقرب صوبي
دانه : بس لو يقربون اخربها عليهم
هنا و تقرب من دانه : ابي بوسه قبل احط الروج
دلال تدش غرفة دانه : احم
دانه تبعد عن هنا : هلا
دلال بس شافت هنا اتنرفزت لأنهم ما يطيقون بعض رغم انهم بنفس العمر
دلال : لا ولا شي بس عبالي ايات هني لاني من الصبح ما شفتها و ابي منها شي
دانه : ههه اكيد بتكون بغرفة امي عشان تستخدم الميك اب مالها
دلال : بروح اشوفها
راحت دلال لغرفة امها ولقت ايات واقفة جدام المناظرة وتحط من الميك اب مثل ما قالت دانه
دلال : ههه
ايات : بسم الله من متى وانتي هني
دلال : من الحين خخخ
ايات : ليش تضحكين
دلال : الحين هذا ميك اب
اياات : دلال تكفين تعالي سويلي انتي
دلال : بشرط
اياات : قولي
دلال : ابي المناكير مال اللون الاحمر الي عندج
عشان الي عندي خالص
اياات : اوك يلا المهم عدليلي ويهي
( ايات كانت تبي تكون متكشخة زين عشان تلفت انتباه اسيل )
بغرفة دانه
هنا : حبي انا خلصت
دانه : انزين ابي البس
هنا و تقعد : اوك
دانه : شنو اوك يعني برا
هنا : موبي
دانه : يووه الساعة رح تصير 9 يلا خلصيني
هنا : خلني البسك
دانه : ابلبس بروحي
هنا : انزين البس جدامي
دانه : بروح البس بالحمام احسن
هنا : ههه خلاص بطلع
هنا طلعت و نزلت للصالة
و لقت واايد معازيم يايين
قعدت تسلم عليهم جنها صاحبة البيت ههه
عقب شوي دلال تدش غرفة دانه
دلال : دانه تعالي نزلي وياي اتفشل
دانه : زين انج ييتي
دلال : ليش
دانه : انا بعد متفشلة في بنات ما اعرفهم هع
دلال : وااو وناسة جي يلا تعالي
دانه و دلال نازلين من عالدري
و المعازيم يطالعونهم
غادة تكلم نورة : نورة الحين هذي الي مع دانه حبيبتها
نورة : ههههه
غادة : شفيج
نورة : هذي اختها يالهبلة
خلنا نروح نسلم
نورة تروح تبي تكلم دانه
ما تشوف غير هنا تمسك دانه
هناا : حياتي عرفني عالمعازيم
دانه : اوك بس شوي
نورة : شلونكم
دانه : هلا نورة هلا غادة
غادة تبتسم : هلا فيج
هنا : ممم غادة !!
دانه : غادة وياي بالصف
هنا : اهاا
دانه : انزين بس خلني اشوف المعازيم و عقبه بردلكم
دانه تحط ايدها على خصر هناا و تمشي
غادة تطالعهم : نورة منو هذي بعد
نورة : هذي هناا حبيبة دانه
غادة : ياا ربي
نورة : خيير
غادة : لا ولا شي بروح ادور سهى
نورة : وانا بعد بروح اشوف لميس
دلال : دانه وين عواش
دانه تطالع المكان : ذيك اهي
دلال : اوك
مضت اول ساعة بالبارتي و دانه و هنا يتعرفون عالمعازيم
لين ما لقت نورة ولميس راحت قعدت وياهم
دانه : قووة
لميس و نورة : الله يقويج
دانه : هنا هذي لميس رفيجتي من سنتين
لميس هذي حبيبتي هناا
لميس : الله يخليكم لبعض
هنا : و يخليج
شوي و تبدأ الاغاني
نورة توقف : اقول خلنا نروح نرقص
هنا تسحب دانه : يلا حبيبي
نورة ترد تقعد : اووف
لميس : شفيج نورة
نورة : يعني طول الوقت ودانه وياها لازم بعد تاخذها وقت الرقص
لميس: ههه هذي حبيبتها مو أي احد
اصلا محد يفكر يقرب صوب دانه و هنا موجودة
نورة : من وين هذي طلعت
تيي وحدة من البويات توقف جدام نورة ولميس : ممكن
لميس تغمز لنورة : يلا
نورة : طبعا
و تقوم وترقص وياها
بعد الرقص فتحوا بوفيه صغير للمعازيم
هناا : دانوو انا تعبت
دانه : سلامتج حياتي
هنا : خلنا نروح نطلع الغرفة
دانه : حبيبتي كيف اترك المعازيم
هنا : مو شغلي, يهوون عليك اطلع بروحي وانت قلتلي ما رح تخلي احد يقرب صوبي
دانه : اوك تعالي
يقومون يطلعون و نظرات غادة تراقبهم بقهر
دشت هناالغرفة وانسدحت عالسرير
داانه وقفت تطالعها
هنا : شنو بتخليني منسدحة بروحي
دانه : عيل شسوي
هنا : يا ربي منك انت ما عندك رومانسية
دانه تروح لعندها : ههه اتغشمر
هنا تحط راسها على صدر دانه : احبك
دانه : امووت فيج
هنا تطالع دانه : دانو حط عينك بعيني
دانه : هلا
هنا : انت ماا
فجأة سهى تفتح عليهم الباب : سوري بس وين الحمام
دانه ارتبكت : عالـ.. عالجهة الثانية
سهى تصك الباب
هناا : اوف هذا وقتها ما يخلون احد يتهنى
دانه : البنت مو قاصدة حياتي
غادة تمسك سهى : قولي شيسوون
سهى : اظن كانت تبي تبوسها وانا خربتها عليهم هههع
غادة بقهر : تبي تبوسها
سهى : أي بس جني فشلتهم يعني الوقت مو مناسب
غادة : خلنا ننزل الصالة لا ييي احد
دانه : هنوو شنو كنتي تقولين
هناا و تنام ع صدر دانه : مدري حبيبي نسيت
دانه قعدت تلعب بشعر هناا : تيب
بجهة ثانية عند دلال و عواش
دلال : انزين ليش للحينج مو تيكن
عواش: ما لقيت البنت الي تدش بمزاجي
بصراحة من فترة طلبت من بنت تكون الليدي مالي بس رفضت لأنها ما تحب هالسوالف, و قالت خلنا ربع مو اكثر
دلال : غبية الي ترفض وحدة مثلج ههه
عواش : انا بعد ما توقعت ردة فعلها
عند شلة آياات
آيات : ههه منو يبي عصير
اسيل و عنود و هند : انا , وانا بعد
آيات : هديل انتي ما تبين
هديل : ليش لا
ايات تروح تييب عصير و تعطي للكل بس توصل لعند هديل تطيح عليها بالعصير
هديل : ااااي
آياات : اوووه آسفة
هديل : المهم اننا بخير
آيات : بس الفستان مالج صار كله عصير قومي للحمام
تقوم ايات و تاخذ هديل وياها للحمام
آياات : تعالي وقفي هني
و تبطل الماي من الدوش
هديل : لا لا امبييه اوه برد
ايات : آسفه ما انتبهت
هديل : خلاص بروح البيت شعري صار كله ماي وفستاني عصير والميك اب خرب
آيات : يووه تبين تروحين
هديل : أي أي خلاص باااي اشوفج يوم الاحد بالسكول
هديل تروح وآيات مو مصدقة من الفرحة : اخيرا طفشتها هذا ولا شي يا هديل
باجر بتشوفين منو آياات
آياات ترد للشلة
اسيل : وين هديل
آيات : قالت انها بتروح البيت شكلها خرب
اسيل : اها
آيات : اسيل خلنا نقوم نتمشى بالحديقة
أسيل : اوك
قامت و صارت تمشي مع آياات
بغرفة دانه
دانه تبعد عن هنا : انا اختنقت ههع قومي نطلع عالدريشة
هناا : اوك المهم خذيت البوسة ههه
قاموا وقفوا عالدريشة الي بغرفة دانه
و كانت تطل عالجهة الخلفية من حديقة الفيلا
دانه شافت اثنين بس ما كان شي واضح
و سمعت صوت بنت تقول : لا لا ماابي
دانه : هناا مو جنه هذي نورة
هنا : نورة !
دانه : أي هذا صوتها تعالي بسرعة
نزلت بسرعة و طلعت للحديقة و ظلت تركض للجهة الخلفية
وصلت و لقت نورة مع بويه
نورة : لا تكفين
البويه : قلتلج بس مرة
دانه : هيي انتي
البويه : منو هيي انتي؟
دانه : منو غيرج
البويه تقرب من دانه : ما تدرين منو انا
دانه : وحدة خايسة
البويه ترفع ايدها تبي تطقها
دانه مسكت ايدها بقوة ولفتها لين ظهرها
هنا : داانوو ما نبي مشاكل
آيات وأسيل وصلوا و شافوهم
اسيل تروح تركض لعند دانه و تعطي البويه بوكس على ويها
دانه : اسيل هديها لي
قعدوا يتهاوشون لين ما طاحت دانه عالارض و البويه انحاشت
نورة قربت عند دانه : داانه انتي بخير
دانه تقوم وتطقها بقووة
نورة انصدمت من الموقف و ظلت واقفة بمكانها وايدها على خدها
دانه تصرخ : كيف بتمشين معها ! جم مرة قلتلج لا تقربين صوب هالشلة
نزلت دموع نورة بقهر لأنه الموقف صار جدام هنا
هنا واقفة ما تدري شنو لازم تسوي
اسيل مسكت آيات و راحوا لأنها حست انهم غلط
نورة واهي تبجي : انتي .... انتي ...
دانه تقاطعها بعصبية : آنا ااسف
و تمشي , هنا لحقتها
هناا : داانه
دانه طلعت لغرفتها بسرعة
هنا طلعت وراها
هنا قربت من دانه : حبيبي
دانه : .......
هنا : دانو طالعني .. انت قاعد تبجي
دانه : ........
انا م مدري كيف طقيتها
هنا تضمها بقوة : كله ينحل بس لا تحر عمرك
دانه تبعد عن هنا و تمسح دموعها
بنفس الوقت نورة دشت الصالة بعصبية
لميس : نورة وين كنتي
نورة و دموعها بعينها تمسك جنطتها: انا لازم اروح البيت
لميس : ليش الدموع نورة شصار
نورة : والي يخليج اقولج بعدين مو قادرة اظل اكثر من جي
اخذت الجنطة وطلعت من الفيلا وراحت مع السواق
اما هنا ظلت لآخر لحظة مع دانه وقبل ما تروح قالت لها : حياتي باجر بتيي لعندي او عقب باجر بس لازم اشوفك بهاليومين
و جذي خلص البارتي و تسبب بفرحة للبعض و صدمات للغيير
وكان سبب بداية علاقات و نهاية علاقات ثانية
و الساعة 1
ردت آماال ( ام عبدالله ) البيت و لقت كل شي بمكانه والصالة نظيفة وبناتها نايمين
و هذي كانت احداث اول اسبوع دراسي
تابعونا بأحداث البارت القادم
بس عطوني آرائكم إذا تبون التكملة لأني صج تعبت وآنا اكتب بالقصة
موضوع: يوميات حياة سبورتيه 
الأحد أغسطس 12, 2012 2:31 pm
ابددداع 
