يوميات حياة سبورتيه

حبيتها وجرحتني كتب:

خوقاق
نزلي البارت

تسلمين قلبو
إن شاء الله رح أنزله باجر

Stub0born كتب:

مشكوره على البارت حماااااس تكفين كملي كملي تكفين ابي بارت اليوم

العفو حبيبتي ... البارت الثامن إذا قدرت أخلصه اليوم بنزله
بس مو أكيد لأنه طويل فالأغلب أنزله باجر

كملي حبيبتي

جذابه بس غداره كتب:

كملي حبيبتي

مشكورة عـ المتابعة قلب

البااارت حمااس

بتظارج..

7mOoOdY كتب:

البااارت حمااس

بتظارج..

مشكور

البااارت خطيير
بأنتظار التكملة..

7mOoOdY كتب:

البااارت خطيير
بأنتظار التكملة..

يسلموو

حدي ومحد قدي كتب:

الباارت عجييييب
كملي

مشكورة
راح أكمل بس ألقى ردود بعد

نآآآيس بقوة
رآق لي
واتوقع بياخذ الفيديو
ويودينه لهنآ
وهنا بتتفارق عن دآنه
وشوق بتنبسط
وو آنضترك
مخي مقفل مافينني توقعات

فديتك البارت خقققق مثلك وبنتظارك كملي

بانتضارج

البارت التاسع ( صراحة )

الساعة 2 الظهر
قعدت من النوم , تريقت بغرفتها ونزلت الصالة
لقت أبوها واقف يم جنطة السفر ويودع العايلة
دانه : صباح الخير
آمال , أبو عبدالله : صباح النور
دانه تطالع أبوها : يبه الحين مسافر ؟
أبو عبدالله : أي حتى تأخرت يلا مع السلامه
دانه : مع السلامة

دلال تقعد عالكنبة : أاااووه حرية
دانه : وش الفرق يعني ؟
دلال : مدري بس يسافر أحس براحة نفسية هههع
دانه : مع نفسج
دلال : لا تنرفزيني لا أقوم أبتلي فيج
دانه : و لا تكلميني بهالطريقة لا أهفج بـ نعال
دلال تسمك وسادة وتهفها عـ دانه
دانه : وجع
دلال : يوجعج ههههه
دانه تقوم : جب مالي خلقج
و تطلع غرفتها .

دشت الغرفة
و بطلت جنطة المدرسة حتى تشوف الدروس و الواجبات إلي خذوها .
قعدت تقلب بصفحات كتاب العربي لأنه دايما لازم يكون عندهم واجب أو حفظ شي من الدروس
لمحت ورقة بين الصفحات
فتحت الورقة وكان مكتوب فيها رسالة
} ريت لو تحسين فيني لأني تعبت واايد
و لا تفهميني غلط , بس أنا أغار من نورة وحتى هنا لأنهم يهمونج أكثر مني , والله أحبج ... غادة {

دانه كانت مو مصدقة الكلام إلي قرأته
و حاولت تتجاهل الموضوع لأنها تنرفزت أكثر

و قعدت تدرس رغم أنه السالفة شاغلة بالها

ببيت خلود
قاعدة مع بنت عمها روان ( بويه مثل خلود )
روان تطالع الفيديو : أمبييه ليش تبين تفضحينها
خلود : خلها تعرف منو خلود
روان : حرام عليج
خلود : لا حرام ولا شي , لو شوق ما تحبها جان سويت أكثر من جي .
روان تعيد الفيديو : بس تصدقين عجبتني
خلود : صكي حلجج ما لقيتي غيرها , أكرهها
روان : ووه مو لهالدرجة
خلود : الحين مو وقتج ... أنا أبي صور ما أبي فيديو
روان : أوك قوليلي وش اللقطات إلي تبينها وأنا أصور الشاشة واعدلهم حتى يصيرون صور
خلود : اوك

بغرفة دانه
يرن فونها , المتصل : غادة
دانه ( الحين وقتج أنتي!! ) : ألوو
غادة : شلونج
دانه : تمام , وأنتي ؟
غادة : زينه
دانه : دووم
غادة : شتسوين
دانه : أدرس
غادة : يعني شغلتج ؟
دانه : مدري
غادة : ممم بس بغيت أسألج
دانه : شنو
غادة : أسئلة الدرس نحلها كلها
دانه : الأبلة مو قالت حلوا كل شي ؟
غادة : يب
دانه : أنزين .. كل شي يعني كل الأسئلة
غادة : أنا ما عرفت أحل كل الأسئلة
دانه : شسوي يعني ؟
غادة : ساعديني
دانه : وأنا بعد ما أعرف هع
غادة : ممم أوك .... باي

(غادة كانت تبي تكلم دانه بموضوع الرسالة , بس دانه ما عطتها فرصة )

دانه : اوف تتصل على أتفه الأسباب
آيات تدش الغرفة : منو ؟
دانه : غادة ... وأنتي شتبين بعد ؟
آيات : ملل , قعدي وياي
دانه : أبي أدرس
آيات : أه تذكرت عندي واجب الرياضيات ما عرفت أحله ... تساعديني ؟
دانه : لا والله
آيات : تكفين
دانه : أقولج أبي أدرس
آيات : أنا أختج
دانه : ووه .. بس أخلص بساعدج
آيات : اوك

عقب 5 دقايق
آيات : خلصتي ؟
دانه : لاا .. خلاص بس أخلص أقولج
آيات : أخااف أنام و ما أحله
دانه : لا تخافين , بس صبري لين أخلص دراسة
آيات تطلع : اووك

عقب المغرب
بغرفة دانه قاعدة تكلم شوق
شوق : أشتقتلج
دانه : وأنا أكثر
شوق : باجر بتمشين وياي
دانه : إن شاء الله
شوق : يا ربي مالي خلق أداوم باجر
دانه : ولا أنا ,, بس ما ابي من أولها أغيب
شوق : عادي خلنا نغيب يوم
دانه : لا
شوق : ممم خلاص بداوم عشانج
دانه : اوك
شوق : شتسوين
دانه : أكلمج , و أنتي ؟
شوق : أكلمج بعد هع
ممم متى تنامين ؟
دانه : الساعة 9 أو 10 ماكو وقت معين بس أحس بنعس أنام .
شوق : أنا شكلي بنام الحين ههه نعست
دانه : اوك نووم العوافي
شوق : تيب حياتي أشوفج باجر .. باي
دانه : بااي

دشت آيات الغرفة : للحينج ما خلصتي دراسة
دانه : لا خلصت
آيات : يلا أبي أنام شوفي الواجب
دانه قعدت تساعدها وعقبه نامت

اليوم الثاني _ الساعة 7 بالمدرسة
نورة دشت فصل دانه و سحبتها و طلعوا من الفصل
دانه : نورة شفيج
نورة تضمها: متضايقة
دانه : من شنو
نورة بدأت تبجي : أمس تهاوشت مع لميس
دانه تبعد: أنتي و لميس ؟؟ ... ليش !
نورة : مدري الموضوع كيف صار
دانه : فهميني مو فاهمة شي
نورة بدأت تقول السالفة لدانه

دانه : يعني الموضوع كلش سخيف ماكو داعي تتهاوشون .
نورة : تكفين كلميها
دانه : ما أتوقع الحين تكون بفصلها , بالهدة بروح لها
نورة تمسح دموعها : اوك

رن الجرس و ردت فصلها
كانت غادة واقفة عـ باب الصف
بس شافت دانه مسكتها من إيدها
غادة : أبي أكلمج
دانه : شعندج ؟
غادة : ما قرأتي الرسالة
دانه : بلى قرأتها
غادة : انزين ما تبين تقولين شي
دانه : أبيج تعرفين أني أحب هنا
غادة نزلت دموعها : أنتي ليش ما تفهميني , والله أحبج
دانه تسمح لها دموعها : خلنا ندش الفصل الأبلة يت

مسكت يدها ودخلتها الصف
بدور : شفيها
دانه : ولا شي
سمر : لا صج كانت تبجي ؟
دانه : خلاص البنت تعبانه شوي .

طول الحصة بال دانه مشغول و تفكر شتسوي بخصوص غادة , أما غادة كانت نفسيتها تعبانه من موقف دانه .

بالهدة

دانه طلعت من الفصل ولقت شوق بويها
شوق : وين ؟
دانه تمسك أيدها : تعالي
شوق : بشويش , شالسالفة
دانه : أبي أكلم لميس تهاوشت هي ونورة
شوق : ووه الحين وقت نورة

دشت فصل لميس
دانه : لميس
لميس : هلا دانه
دانه : أبيج بموضوع
لميس : تفضلي
دانه : انتي و نورة ليش تهاوشتوا ؟
لميس : الحين يايه تكلميني بهالسالفة
دانه : يا لميس أحنا ربع من السنة إلي طافت
تنهون صداقتكم بهالسهولة ؟
لميس : دانه لو أنتي مكاني جان سويتي نفس الشي
دانه : لا أنا و نورة ما نتهاوش
لميس : نورة تغيرت وايد , ما عادت مثل قبل
دانه : أدري بس هذا مو معناه أنج ما تتقبلين منها كلمة قالتها بالغلط
لميس : اهي قاصدتها مو بالغلط
دانه : أنتي شدارج؟
لميس : أنتي إلي شدراج , لا تناقشيني كله إلا أحد يقط جدامي بدليه .
دانه : نورة قالتلي السالفة و هي إلي طلبت مني أكلمج بالأصل .
لميس : ليش ما تيي بنفسها تكلمني
نورة يت : كاهني ييت
لميس بعصبية : أنا ما أبي أتكلم بالموضوع
نورة : أنا ما كنت قاصدة
لميس : ما يحتاج تشرحين
دانه : هييي خلاص أنتوا الثنتين
لميس : دانه لو سمحتي خلج برا السالفة
دانه : كيف أشوف ربعي يتهاوشون وأظل ساكتة !
نورة : لميس انتي متغيرة !
لميس : أنتي آخر وحدة تتكلمين عن التغيير
نورة : لا أبي اتكلم
لميس : روحوا من ويهي ,, حتى أنتي دانه ما ابي أشوفج مرة ثانية .
نورة راحت و صارت تبجي
و دانه كانت مصدومة من كلام لميس
و لحقت نورة .
شوق واقفة مكانها و حست أنه وجودها غلط فـ ردت فصلها .
نورة قعدت عـ الدري و تمسح دموعها
دانه : خلاص من يومها عنيدة شنسوي
نورة تحط يديها على راسها
دانه : نورة انتي بخير ؟
نورة : أحس بدوار .

رن الجرس ...
دانه : خلنا نرد الفصل
نورة : تكفين و صليني حدي تعبانه
دانه : اوك
قامت نورة وسندت على دانه
دانه وصلتها الصف و ردت عـ فصلها

دشت الفصل
دانه : ابلة ممكن ادخل
الأبلة : ليش تاخرتي ؟
دانه : رفيجتي كانت تعبانة و وصلتها عـ فصلها
الأبلة : ماكو غيرج يوصلها
دانه : أبلة محد كان وياها غيري
الأبلة : أنزين روحي مكانج بس لا تعيدينها مرة ثانية
دانه : إن شاء الله

قعدت مكانها
بدور : ليش ويهج أحمر ؟
دانه : ولا شي بس ييت اركض من الوهقة و تعبت
إيمان : زين أنها دخلتج , من شوي دزت عواش للأخصائية لانها كانت واقفة جدام باب الفصل .
دانه : اووف
سمر : خلاص سكتوا الابلة تطالعنا .

مر الوقت .... و بآخر الدوام
دانه واقفة تنطر نورة
غادة : دانه
دانه : هلا
غادة : آسفه عـ إلي صار اليوم
دانه : مو مشكلة
غادة : بس أبي اعرف شي
دانه : شنو !
غادة : أنتي تحبيني ولا تكرهيني ؟
دانه : عادي ... شفيج علي , ما أكره أحد
نورة يت : احم
غادة تمشي : أشوفج باجر
نورة : شفيها هذي الثانية ؟
دانه طالعت الرسالة و عطتها حق نورة

نورة قرأت الرسالة .... : هذي أكيد ينت
دانه : ......
نورة : قلتلج لزقة , لا تعطينها ويه
دانه : المشكلة انها حساسة و تبجي بسرعة
نورة تقطع الرسالة : مالت عليها

طلعوا من باب المدرسة
بدور : دانه ... توصليني للساحة
دانه : ممم اوك
بدور : يلا تعالي
دانه تطالع نورة : بس راح اوصلها
نورة : مو مشكلة

بدور : شكلها تغار
دانه : ههه من اول ما عرفتها و هي جي
بدور : اها
تصدقين أول ما شفتج حسيتج راعية مشاكل
دانه : آناا ؟؟
بدور : أي , كنتي معصبة ورافعة حواجبج
و مالج خلق أحد .
دانه : ههه لانه كان أول يوم دوام
بدور : عـ بالي أنتي دايما جذي
حتى لما طلبت منج تقعدين يمي كنت خايفة
دانه : صج !!
بدور : وربي , يمكن ما حسيتي بس كنت أرجف قبل اكلمج .
دانه : ههه شايفتني وحش ؟
بدور : لا .. بس لج هيبة و عليج نظرات حادة
دانه : ما ألاحظ هالشي ؟
بدور : المهم أرتحتلج لما كلمتج
دانه : مشكورة
بدور : أنزين شكلي اخذت من وقتج
دانه : مو مشكلة
بدور تقرب و تبوسها عـ خدها: يلا باي
دانه أستغربت الحركة بس عجبتها

عند العصر
ببيت هنا .... تكلم سهى
هنا : مرة ثانية لا تنقلين أخبار إذا مو متأكدة منها
سهى : من وين تبيني اتأكد
هنا : بطريقتج , ترا مو صعبة عليج
سهى : تيب
هنا : ماكو شي يديد
سهى : مدري بس صرت أشوف بنت يديدة مع دانه غير نورة .
هنا : وصفي شكلها
سهى : قصيرة .. برونزيه ... شعرها طويل لين خصرها و لونه بني .
هنا : أنتي متأكدة
سهى : يب
هنا : تعرفين شسمها ؟
سهى : لاا
هنا : أأأها , راقبيها لفترة و حاولي تعرفين عنها أكثر .
سهى : اوك
هنا : أكلمج بعدين

صكت الفون و هي تفكر بـ شوق
لأنه هالمواصفات تنطبق عليها يوم شافتها عند دانه

بس كانت تبي تتاكد أكثر .

شوي و يرن فونها
هناا : هلا والله
دانه : شلونج حياتي ؟
هنا : تمام , أنت شخبارك ؟
دانه : تمام بعد
هنا : دووم
دانه : ملل , شرايج نروح النادي
هنا : حبيبي مالي خلق , تعال عندي
دانه : لا من زمان ما رحته أبي أروح اليوم
هنا : أوف يعني مصر
دانه : يب
هنا : عيل روح بروحك , أنا ماأبي
دانه : اوك الشرهة علي إلي أتصلت
هناا : زعلت !
دانه : لا ... بااي

بغرفة دانه مسكت جنطة النادي و هي طالعة من غرفتها
آيات : ويين ؟
دانه : بروح النادي
آيات : ويت بروح معاج
دانه : لا تطولين
آيات لبست جينز وتي شيرت عالسريع , يابت اغراضها وراحوا مع السواق

عقب 15 دقيقة وصلوا النادي

دانه دخلت صالة الـ Gym
آيات : بتظلين هني ؟
دانه : يب
آيات : أنا بروح العب إسكواش
دانه : اوك

راحت آيات , أما دانه وقفت عـ جهاز و بدأت تمشي
شوي وتيي بنت توقف عـ الجهاز إلي يمها

البنت : ترا مو ناقصج رياضة
دانه : ليش
البنت : يعني جسمج حلوو ما شاء الله
دانه : لا أبيه أنحف
البنت : جم وزنج ؟
دانه : 57
البنت : صج ؟
دانه : يب
البنت : ترا حدج 50
دانه : أنتي جم ؟
البنت : 55
دانه : هه أنا أكثر منج
البنت : بس مو باين عليج
دانه : مدري
البنت : يمكن لأنج أطول مني , أو عظمج عريض
دانه : يمكن
البنت : أنتي بويه ؟
دانه : لا ستايل
البنت : أهاا ... ما أحب البويات
دانه ( عيل ليش تكلميني ) : عادي هه
البنت : عندج بي بي ؟
دانه : يب
البنت : عطيني فونج أضيف نفسي عندج
دانه تعطيها الفون : تفضلي

البنت : اوك أضفتني .. أسمي فطووم
دانه : عاشت الأسامي , أنا دانه... عن إذنج
البنت : اوك

راحت تشرب ماي ,, و هي تطالع الجاما
لمحت هناا ... لفت ويها
دانه : هناا ؟؟
هنا تقرب منها و تضمها : ييت عشانك
دانه : فديتج
هنا : حبي أبي أسبح
دانه : اوك , خلنا نبدل
هنا : تيب

لبسوا ملابس السباحة
و راحوا المسبح

قضت يومها مع هناا بالنادي
و بس ردت الفيلا
درست شوي و نامت .

باليوم الثاني
بالمدرسة _ وقت الهدة

كانت دانه تمشي مع نورة و غادة هالمرة مشت وياهم .
نورة : هذيك لولوة , خلني أضايقها ههه
راحت ركضت و خذت منها جنطة البدنية
لولوة : يا ربي .. نووورة
نورة : ههه تبينها تعالي خذيها
لولوة راحت تبي تاخذها
نورة دزت الجنطة لـ دانه
بس غادة إلي مسكتها

لولوة : هييي خلاص عطوني الجنطة
غادة رمت لها الجنطة عـ الارض : خذيها
لولوة : لااا !
غادة : شنو ؟
راحت بطلت الجنطة و لقت نظارتها الشمسية مكسورة والعطر بعد .
غادة : اوه ما كنت اعرف
لولوة : من قالج ترميها عـ الأرض
غادة : ........
دانه : خلاص حصل خير
لولوة : تدرين من منو هذا العطر
نورة : من منو ؟
لولوة : من شهد ... يا ربي

رن الجرس
دانه : انزين الحين حصة بدنية بروح الصالة
غادة : آنا آسفه
لولوة : غادة لا تكلميني مرة ثانية , لو سمحتي
و مشت , نورة لحقتها
أما دانه راحت الصالة مع غادة

و بالصالة
كانت دانه واقفة مع فداء و غادة
فداء : أنزين عشان جي متضايقين
غادة : ما كان قصدي
دانه : خلاص غيروا الموضوع

دانه لمحت لولوة تأشر لها عشان تيي غرف التبديل
و بنفس الوقت غادة ما انتبهت
دانه : ممم عن إذنكم .. بس شوي
فداء فهمت السالفة و أبتسمت : اوك
______ .

بوقف لين هني
و تكملة البارت بنزلها باجر إن شاء الله

وش تبي لولوة من دانه !؟
و خلود شبتسوي بالصور ؟
هنا راح تعرف بسالفة شووق ؟
لميس هل انتهت صداقتها مع دانه و نورة !

و أسئلة ثانية راح تلقون لها جواب بالجزء الثاني من البارت .

حماسس كملي..

7mOoOdY كتب:

حماسس كملي..

التكملة باجر
تابعني