يوميات حياة سبورتيه

نتنظر تكمـلتج للبـارت Very Happy

Al king Rego كتب:: نتنظر تكمـلتج للبـارت

راح أحاول لعيونكم أكتبها اليوم Smile

بس إذا ما خلصتها , باجر بنزلها I love you

البارت حماااس bounce

بتظارج ي قلبي

ابدااااااااااع Embarassed

البارت [ خقققققققققققققققه ]
كمـــــــــل cheers

Stub0born كتب:: البارت حماااس بتظارج ي قلبي

مشكورة حياتو I love you

Lady lunee كتب:: ابدااااااااااع
البارت [ خقققققققققققققققه ]
كمـــــــــل

مشكورة عـ المتابعة Very Happy

Stub0born كتب:: البارت حماااس بتظارج ي قلبي

+1

ساعة أو أكثر و راح أنزل تكملة البارت cheers

أدري تأخرت عليكم بس اليوم يتني طلعة silent

و الحين حتى رديت البيت و قاعدة أكمله Very Happy

تكملة البارت التاسع ( صراحة )

دانه لمحت لولوة تأشر لها عشان تيي غرف التبديل
و بنفس الوقت غادة ما انتبهت
دانه : ممم عن إذنكم .. بس شوي
فداء فهمت السالفة و أبتسمت

دانه دخلت غرف التبديل : لولوة !
لولوة : مدري شقول ...
دانه : شنو في ؟
لولوة : يمكن كلامي يكون قاسي بس لازم أقولج كل شي
لأني بصراحة ملييت
دانه : خذي راحتج , عادي
لولوة : غادة
دانه : شفيها
لولوة : من السنة إلي طافت و أنا اتنرفز من أشوفها
مو بيدي يا دانه فهميني , مالي خلقها
دانه : انزين و المطلوب
لولوة : دامج بفصلها , حاولي تفهميها الموضوع بأي طريقة , المهم ما ابي أشوفها
دانه : يعني انا إلي أبي اشوفها
لولوة : حتى انتي ؟؟
دانه : أصلا مو ساكتة لها غير لأني ما أبي أجرحها بكلامي , كل ما أكلمها بالموضوع تصير تبجي
لولوة : هذا إلي يقهرني , صج لقافة
لو تبين الحين بروح أشوتها و ابتلي فيها
دانه : وووه مو لهالدرجة , شفيج عليها
لولوة تتنرفز : أكرهها ... أكرهها
دانه : خلاص أحاول وياها

دشت شوق غرف التبديل
دانه : أنزين أكلمج بعدين
لولوة : اوك

شوق : دانوتي
دانه : هلا
شوق : أشتقتلج .. و ودي لو أكون وياج 24 ساعة
دانه : يا حياتي .. تعالي ندش الصالة
شوق : أي قعدي وياي , اليوم ما رح ناخذ شي يديد
بس تدريب .
دانه : اوك

بالصالة دانه قعدت مع الشلة و شوق
كانت غادة تطالع شوق بقهر من حركاتها
و شوق مو مهتمة و تحاول تقهرها أكثر

شوق : حبي وش عليكم عقب هذي الحصة
دانه : رياضيات
شوق : اه ... أحنا عندنا علوم ما أحبه
دانه : ههه عادي
شوق تبوسها عـ خدها : اوف يا ريت لو أنا وياج بالصف
غادة قامت من بين الشلة بعصبية
سمر : شفيها هذي
شوق : يمكن تبي تقعد بروحها شوي
سارة : ما علينا ...سولفوا
شوق : حبي بروح أشوف ربعي
دانه : اوك

بدور : هالبنت دلوعة واايد
سمر : الله يعينج عليها
دانه : ههه
دانه أنتبهت عـ غادة تطالع لولوة من بعيد
راحت قعدت يمها
دانه : غادة
غادة : شنو
دانه : إلي ما يهتم لج لا تهتمين له
غادة : وش تقصدين ؟
دانه : يعني أحس أنه لولوة مالها خلقج و أنتي إلي
تهتمين لها و جي
غادة : .....
دانه : خلاص تجاهلي وجودها , جنج ما تعرفينها
غادة : اهي إلي قالتلج تقولين لي هالكلام صح !
دانه : لا ... بس أنا أنصحج مو اكثر
لأنج تعطين اهتمامج لـ أشخاص ما يحسون فيج
غادة : انزين وين ألقى إلي يحس فيني
دانه : لا تهتمين لأحد و بتشوفين كيف بيصيرون
يهتمون فيج ... هذا حال الدنيا
نحب إلي يجافينا و إلي يحبنا نجفاه و لو كان ميت فينا

غادة ما عرفت شتقول و ظلت ساكتة

بآخر الدوام
غادة و سهى طالعين من المدرسة
و تخبط سهى بـ شووق
شوق : ما تشوفين
سهى : آسفه ما قصدت
غادة : أنتي شسمج ؟
شوق : شوق !!
غادة : اها
سهى : مو أنتي إلي تكونين أحيانا مع دانه
شوق : اي ... ليش هالأسئلة
سهى : لا بس غريبة علاقتج فيها
شوق : اها أصلا إحنا الحين تيكن
سهى : صج
غادة : ........
شوق تروح : عن إذنكم

غادة : سمعتي شقالت ولا آنا غلطانة ؟
سهى : مو صج
غادة : و آنا أقول ليش تتصرف جي وياها
سهى : أنزين وو هنا
غادة : مدري شالسالفة
إما دانه هدت هنا أو هذي قاعدة تخرف
سهى : و ليش ما تقولين دانه تخون هناا ؟
غادة : ما أتوقع ... مدري
خلاص أكلمج بعدين , الباص راح يروح
سهى : اوك .. باي

عقب الدوام
دانه و آيات وصلوا الفيلا
و بس دشوا الصالة
آمال : دانه تزهبي أنتي و آيات خلنا نروح بيت يدج
اليوم غدانا عندهم .
دانه : اووف تعبانه
آيات : و آنا بعد
آمال : يلا لا تأخرونا , راح نروح كلنا .. لبسوا بسرعة

طلعت غرفتها و بدلت ملابسها و آيات نفس الشي
و نزلوا وراحوا مع السواق

بس وصلوا
دخلوا و صاروا يسلمون عـليهم
و عقبه قعدوا و تغدوا .

بـ بيت سهى
من وصلت البيت و فوراً أتصلت بـ هناا
هنا : هلا
سهى : هلا فيج
هنا : وش صاير .. ماكو بالعادة تتصلين بهالوقت
سهى : لازم تعرفين شي مهم
هنا : شنو
سهى : من شوي و أنا طالعه من المدرسة .........
( و قالت سهى السالفة لـ هناا )

هنا : أنزين عندج دليل
سهى : مدري كيف أثبتلج هالشي
بس براحتج إذا تبين تصدقيني ولا لأ ,أنا قلت إلي عندي
هنا : موو قادرة أصدق
سهى : حتى أنا بس هذا إلي صار
هنا : اوك مشكورة .. الحين أبي أرتاح
راسي صار يعورني
سهى : سلامتج ... بااي

أنسدحت هنا عـ فراشها و هي تفكر بالسالفة

بجهة دانه _ بيت يدها
خلصوا غدا و قعدت شوي مع يدتها شيخة

دانه : يمه إذا تبون تظلون هني أنا أبي أرد الفيلا أناام
آمال : لا
دانه : والله تعبانه .. و أحس بنعس
آمال : بتردين ويانا , نامي هني الحين
دانه : اليهال يصارخون مالي خلقهم
شيخة : خلاص خلها ترد مع السواق
يعني وش راح يصير عليها , البنت نعسانة
دانه : أي يمه تكفين
آمال : اوك براحتج
دانه تبوس راس يدتها : فديت يدتي والله
شيخة : ههه , يلا روحي قبل ما تغير رأيها
دانه تركض : كاني رايحة

ردت الفيلا مع السواق و نامت

و قضت باقي يومها عادي

اليوم الثاني _ بالمدرسة
دشت الصف و قعدت مكانها
دانه : صباح الخير
البنات : صباح النور
بدور : ملل شرايج نقوم نتمشى
دانه : اوك قومي

طلعوا الساحة و هم يتمشون
سمعت دانه صوت يناديها
لميس : دااانه
دانه تطالعها : لميس !!
لميس : وينج أنتي , اليوم تعالي لعندي بالهدة
دانه : اوك

بدور : تعرفينها ؟
دانه : يب
بدور : عيل شفيج مستغربة
دانه : لأنه من يومين تهاوشنا و قالت ما تبي تشوفني
بدور : صج
دانه : يب .. غريبة كيف كلمتني الحين عادي
بدور : خلاص روحي بالهدة و شوفي شالسالفة
دانه : أي

بالهدة
يت نورة لـ فصل دانه
دانه : أبي أروح لـ لميس
نورة : تيب أنا بنطرج جدام فصلها
دانه :اوك

راحت صف لميس و دشت عندها
لميس : هلا ... شلونج ؟
دانه : تمام
لميس : أي قعدي خلنا نتكلم
دانه قعدت
لميس : شفيج ؟
دانه : غريبة .. من يومين قلتي أنج ما تبين تشوفيني
لميس : أنااا !!
دانه : أي أنتي
لميس : مدري ... و بعدين أنتي تصدقين يعني
دانه : عيل شسوي
لميس : كيف ما أبي أشوفج , أنتي رفيجتي
دانه : شدراني كنتي معصبة وو...
لميس : أنا لما أعصب أخبص بالكلام وأقول أي شي
دانه : مو مشكلة .. حصل خير

قعدت وياها شوي و عقبه تمشت مع نورة
و بالنسبة لـ علاقة لميس بـ نورة
تقدرون تقولون انتهت تقريباً
أما علاقتها بدانه تحسنت

كان يوم طويل بين مشاكل نورة و صراحة غادة و عناد شوق

آخر الدوام
شوق كانت طالعة من فصلها
لقت خلود جدامها
شوق : هلا
خلود : أبي رقم دانه
شوق : ليش
خلود : شنو ليش .. أبيه بس بكلمها بموضوع
شوق : انزين , لا تأذينها
خلود : شفيج علي .. ما راح آكلها
شوق : اليوم برسلج رقمها بمسج بس أرد البيت
خلود : اوك .. باي

و بس ردت البيت وصلها مسج من شوق برقم دانه

عقب المغرب
رن فون دانه , من رقم غريب
ردت بإستغراب : ألو!!
خلود : شلونج
دانه : تمام ... منو !
خلود : شفيج ما عرفتيني ؟
دانه : لا والله
خلود : أنا خلود
دانه : أها هلا
خلود : هلا فيج
دانه : عسى ما شر
خلود : لا بس بغيت أسألج .. متى أقدر أشوفج
دانه : ممم متى ما تبين
خلود : اوك .. بشوف يوم و أقولج
دانه : تيب بس في شي
خلود : لا عادي , أبي أكلمج بموضوع بس أشوفج
دانه : اوك
خلود : يلا ما أطول عليج ... مع السلامة
دانه : بااي
_________ .

أنتظروني بالبارت القادم راح نعرف شنو إلي خلود ناويه عليه scratch

البارت عجيب خلود فارتلي مخي ماعرف اتحب دانه او تبي اتضرها صراحه مادريه scratch

Lady lunee كتب:: البارت عجيب خلود فارتلي مخي ماعرف اتحب دانه او تبي اتضرها صراحه مادريه

هههه

مشكورة قلبو عـ المتابعة I love you

يجنن الباارت بأنتظار التكملة Very Happy

7mOoOdY كتب:: يجنن الباارت بأنتظار التكملة

مشكور

أدري تأخرت عليكم بالبارت العاشر بس كنت مشغولة بهالفترة Rolling Eyes

السموحة , راح أنزله عن قريب إن شاء الله يمكن باجر confused

بس وين التفاعل

SilverXd كتب:: أدري تأخرت عليكم بالبارت العاشر بس كنت مشغولة بهالفترة
السموحة , راح أنزله عن قريب إن شاء الله يمكن باجر
بس وين التفاعل

بأنتظار التكملة ي قلبي

بأنتظارج

Stub0born كتب:

SilverXd كتب:: أدري تأخرت عليكم بالبارت العاشر بس كنت مشغولة بهالفترة
السموحة , راح أنزله عن قريب إن شاء الله يمكن باجر
بس وين التفاعل

بأنتظار التكملة ي قلبي

1+

شوي و راح أنزل جزء من البارت العاشر I love you

فديتكم

البارت العاشر ( صدمات )

قامت الصبح
و كالعادة غسلت ويها , لبست مريولها
تريقت و راحت عـ المدرسة

دشت الفصل و قعدت تسمع سوالف الشلة
سارة : ما راح تصدقون شكثر كنت متفشلة
البنات : هههه
دانه : ليش شصار
سارة : أمس كنت بالمول , عجبتني تي شيرت بس لقيتها واسعة , قلت حق إلي كانت جدامي:لو سمحتي أبي مقاس أصغر جان تقولي:عفواً ! , قلتلها أبي مقاس أصغر , قالت:انا ما أشتغل هني .هههع أنا لفيت ويهي و رحت من الفشلة
دانه : ههه بس اهي إلي لازم تتفشل موب انتي
سارة : ليش ؟
دانه : لأنه من شكلها فكرتي أنها تشتغل هناك
سارة : المهم أنا إلي تفشلت
سمر : مسكينه ههه

بجهة خلود و شوق
خلود ماسكة ظرف و تعطيه حق شوق
شوق : شنو هذا
خلود : نسخة من الصور
شوق : اها

خذت الصور و طلعت فصلها
بطلت جنطتها .. حطت الظرف و طلعت من الصف
سهى بنفس الوقت كانت تراقبها من بعيد
بس شافتها طلعت من الفصل دشت و قعدت تدور جنطة شوق حتى تعرف وش إلي بالظرف .

و بس لقت الجنطة .. بطلتها و طالعت الظرف
وقعدت تشوف الصور و هي مو مصدقة عيونها
شوق وقفت على باب الفصل : أحم
سهى تطالعها متفاجأة : ...
شوق : شفيج .. خرعتج !!
سهى : هااه ... لا بس ...
شوق : بس شنو
سهى : بغيت أشوف وش إلي بالظرف
شوق : ههه أدري عـ بالج ما أنتبهت يوم كنتي تراقبينا
سهى : ما يهمني
شوق : أعترفي .. أنج تحبين دانه
سهى : شنو !! ... لا ما أحبها
شوق : عيل ليش تراقبينا
سهى : .....
شوق : في أحد وراج ؟
سهى : أنتي شكو
شوق تقرب منها و تاخذ الظرف , تطالع منه صورتين و تعطيهم حق سهى : تفضلي
سهى : آخذهم !!
شوق : أي
سهى : صج !
شوق : أي صج , هذا دليل حتى تصدقون أنه دانه تحبني
سهى : بس أنتي تدرين أنها تيكن
شوق : عادي , وريهم حق إلي مو مصدق
سهى تاخذ الصورتين و تطلع من الصف
و هي مترددة .. توريهم لـ هنا ولا لأ

بالهدة
شوق يت فصل دانه و طلعوا يتمشون
شوق : حبي شفيج اليوم
دانه : ولا شي ما عليج
شوق : في أحد مضايقج والله أروح أسويله مليون مشكلة بس ما أشوفج بهالحال .
دانه : ههه ... محد مضايقني خلاص
شوق : فديت هالضحكة
دانه : فداج عمري
شوق : تصدقين لو أنج مو وياي بالمدرسة جان ما أستانست
دانه : أي صج ملل
شوق : أنا السنة إلي طافت ما يمر شهر إلا ما أغيب فيه يوم يومين .
دانه : عن نفسي ما أحب أغيب .
شوق : أحسن

عقب الهدة ردت دانه الفصل
يت سارة وقفت جدامها
دانه أستغربت
سارة : شراايج نسوي علاقة
دانه تطالعها بنص عين : خيير
سارة : شفيج , بس نجرب هالليلة
دانه عطتها نظرة حادة : لا والله
سارة : وي أتغشمر معاج .. بنات قولوا لها السالفة
البنات : هههه
سمر : دانه كنا بنشوف ردة فعلج لا تعصبين
بدور : هههه أي مو صج
دانه تقعد مكانها : أنزين لا يكثر

بدور تقرب منها : دانه
دانه : هلا
بدور : من شوي عوااش قالت تبي تكلمني بموضوع
دانه : أي
بدور : خذتني و رحنا نتمشى و قالت تبيني أكون الليدي مالها
دانه :صج
بدور : أي
دانه : وش قلتيلها !!
بدور : طبعا رفضت و قلتلها حنا بنظل ربع مو أكثر
دانه : اهااا
بدور : أصلا ما أحب هذي العلاقات بويه و ليدي وييع
دانه : ههه .. انزين

مر وقت الدوام و حصصه المملة

و بنهاية الدوام
دانه و نورة طالعين من الفصل
بدور : دانه لحظة
دانه :.....
بدور وصليني الساحة اليوم
دانه : اوك
نورة تضايقت
دانه : بوصلها و ما راح أطول أوك
نورة : اوك

راحت دانه مع بدور يتمشون للساحة
بدور كانت تطالعها أما دانه متجاهلة نظراتها

بدور : أحبج
دانه تغير الموضوع : ممم وصلنا لازم أرد الحين تأخرت على نورة
بدور تبوسها عـ خدها : بااي
دانه : باي

دانه ردت صالة الأنتظار و كانت تفكر ( معقول صارت تحبني و هي إلي مالها بسوالف البويات , ولا تحبني كـ أخت مو أكثر )

نورة : دانو أمي وصلت يلا بروح
دانه : اوك
نورة تضمها : بااي

بنفس الوقت وصل السواق
راحت ركبت السيارة و ردت الفيلا

و بس وصلت .. دشت غرفتها و حست بنعس , بدلت ملابسها و نامت

صحيت عند المغرب عـ صوت فونها
دانه : ألو
خلود : شلونج
دانه : تمام
خلود : ممم أقدر أشوفج باجر
دانه : إن شاء الله
خلود : شكلي صحيتج من النوم
دانه : لا عادي
خلود : أنزين بس حبيت أقولج من اليوم حتى ما تنشغلين باجر أو تواعدين أحد
دانه : أوك
خلود : أكلمج باجر و نتفق على المكان و الوقت
دانه : تيب
خلود : بااي

صكت فونها و قامت غسلت ويها و قعدت تدرس
و بعدين مسكت فونها تسولف مع ربعها عالـ BBM
و منهم بدور إلي كانت تكلمها كل يوم تقريباً

ببيت سهى
قاعدة عـ الكنبة تطالع التي في
و محتارة بأفكارها ...

بـ بيت هنا
أبو هنا : لازم نسافر بهالأسبوع
هنا : يبه كيف يعني نسافر .. كل رفيجاتي هني , يمه قولي شي
أم هنا : الشور شور أبوج
هنا : بس ...
أبو هنا : لا بس ولا شي
بيتنا هناك صار جاهز و راح نسافر بهالأسبوع

طلعت غرفتها تبجي من القهر
كيف تسافر و تفارق دانه

_________.

هذا جزء من البارت العاشر
و التكملة راح أنزلها بهاليومين
حتى نعرف وش يصير ....
أبو هنا معقول يغير قراره ؟
سهى هل راح توصل الصور لـ هنا !
خلود وش الموضوع إلي تبي تقوله لـدانه !؟

Ebdaa3 kmmmlii 7bebtii waiting u bounce

black diamond كتب:: Ebdaa3 kmmmlii 7bebtii waiting u

مشكورة حياتو I love you

التكملة بنزلها بهاليومين Wink

حماااسس بأنتضارج bounce

7mOoOdY كتب:: حماااسس بأنتضارج

7mOoOdY كتب:: حماااسس بأنتضارج

مشــــــكــــوريــــــــــن حــــــبايــــــبــــــي I love you

تكملة البارت العاشر ( صدمات )

الصبح الساعة 7 .. بالمدرسة
غادة وقفت جدام دانه : ما تبين تتمشين
دانه تحط راسها عـ الديسك : تعبانه
غادة : و بس تيي نورة فجأة يروح التعب .. صح !
دانه تطالعها بإستغراب : أنتي منو حتى تحاسبيني إذا أبي أتمشى ولا لأ !!
غادة : أنا مو قاعدة أحاسبج
دانه : عيل ليش هالأسلوب هذا
غادة دمعت عيونها : آسفه
دانه : ما أبيج تتأسفين
غادة تمسك دموعها و تروح تطلع من الصف
و بنفس الوقت نورة داشة تطالعها بإستغراب

نورة : شفيها
دانه : ما علينا منها
نورة : للحينها تتصل او تطرشلج مسجات
دانه : أي ,, خلنا نطلع من الفصل

و هم طالعين من الفصل يت بويه وقفت جدامهم : لو سمحتي
دانه : هلا
البويه : أتعرفين بنت أسمها سمر بهذا الفصل
دانه : أي بس الحين مو موجودة
البويه : ااه مشكورة

نورة : انزين يوم اليمعة بنروح سينما تيين ويانا
دانه : أنتي و منو
نورة : زهرة و فطووم و لولوة
دانه : اها مدري أفكر و أردلج خبر
نورة : اوك

مر 8 ساعات عـ الدوام حتى أنتهى اليوم الدراسي

الساعة 4 العصر _ بـ بيت هنا
ماسكة فونها وهي مترددة وش تقول لدانه أو كيف تبدأ بالموضوع
و أخيراا قررت تشوفها و تقولها الكلام Face to face

عند دانه كانت قاعدة بالصالة
يرن فونها , المتصل : هنوو

دانه تقوم تطلع للحديقة :هلا حياتي
هنا : حبي أقدر أشوفك اليوم !!
دانه : عندي طلعة مهمة ما أقدر
هنا : أنزين باجر
دانه : حتى باجر يمكن أكون مشغولة
هنا : اوف يعني ما راح أشوفك بهاليومين
دانه : مدري ,, أشوف يوم و أقولج
هناا : خلاص مو مشكلة
دانه : ليش في شي
هنا : لا
دانه : تيب
هنا : بااااي

صكت الفون و طلعت حمام غرفتها تاخذ شَوَر

و بس خلصت وقفت جدام الكبت تختار ملابسها
يرن فونها , المتصل : خلود
دانه : ألو
خلود : هلا ... كنت نايمه شكلي تأخرت عليج بالاتصال
دانه : لا عادي
خلود : ممم تقدرين تيين انتي لعندي
دانه : أي
خلود : اوك تعالي الحين
دانه : تيب
خلود : يلا أخليج , لا تتأخرين
دانه : اوك

رمت فونها عـ السرير
و أختارت من الكبت جينز كحلي , تي شيرت أبيض و فوقها قميص من لون الجينز .

لبست ملابسها و سوت أستشوار لشعرها
و أتصلت عـ السائق حتى يوصلها

عقب 30 ثانية وأخـيــراً وصلت بيت خلود

رنت الجرس
بطلت الخدامة الباب
دانه : وين خلود
الخدامة : دشي صالة وأنا الحين ينادي

قعدت بالصالة
شوي وتسمع صوتها : أحم .. هلا والله
دانه وقفت : هلا فيج او فيك !
خلود تسلم عليها : خذي راحتج بالكلام عادي
دانه تقعد : أي لأني ما أحب أكلم أحد بصفة شب
خلود تقعد يمها : مو مشكلة ,, شلونج ؟
دانه : تمام , و أنتي !
خلود : أنا تمام بعد
دانه ساكتة و تطالع المكان
خلود تفكر كيف تبدأ بالموضوع

دانه ( شفيها هذي ساكتة ما تتكلم ) : وش السالفة ؟
خلود : هااه !!
دانه : يعني ليش تبين تشوفيني
خلود : أها , أبي أكلمج بموضوع
دانه : أنزين سامعتج
خلود : لا مو الحين خلني أقوم بالواجب الأول هه
دانه : مو لازم
خلود : لا أفاا ,, فاافي
الخدامة : نعم مدام
خلود : يبي فواكة لفوق اوك
الخدامة : اوك

خلود : تعالي نطلع غرفتي
دانه : تيب

طلعوا الغرفة و بس دشت دانه تطالع بإستغراب : أسود !!
خلود : أحب هاللون هه
دانه : وآنا بعد , بس لون غرفتي أبيض
خلود : حلوو
دانه تقعد عـ الكنبة : اها
خلود : ممم
دانه :......
خلود : دانه
دانه : هلا
خلود : أنتي تحبين شوق ولا حبيبتج الثانية
دانه : تقصدين هنا !
خلود : ليش في غيرها ؟
دانه : لا ههه
خلود : أنزين منو تحبين أكثر
دانه : ليش هالسؤال ؟
خلود : ودي أعرف
دانه : كل وحدة لها مكانة بقلبي و ما أقارنهم ببعض

دشت الخدامة و حطت الفواكة عـ الطاولة و طلعت من الغرفة

خلود تمسك موزة و تعطيها لدانه
دانه تاخذها : و الحين ... تكلمي !
خلود : أنزين ليش مستعيلة , شكلج ما تحبين الموز , تبين مشمش
دانه تقشر الموزة : لا عادي
خلود : .......

بعد 5 دقايق
دانه : أنزين كليتها .. قولي إلي عندج
خلود : صحة و عافية
دانه : على قلبج
خلود : .....
دانه : الموضوع يخص نورة !
خلود : لا شكو
دانه : مو أنتي تحبينها
خلود : آنا كنت .. أحبها
دانه : ماكو سبب ثاني حتى تكلميني
خلود : هذا بالنسبة لج
دانه : عيل وش السالفة
خلود : أدري أنه علاقتج أنتي و شوق بالسر
دانه : ههه , صحيح بالبداية أتفقنا أنه علاقتنا تكون بالسر بس تصرفاتها فضحتنا .
خلود : ههه , هنا للحين ما تدري
دانه : أي
خلود : و هذا المهم عندج
دانه : يب
خلود : دانه ... شوق تحبج بس لا تستغلين هالشي
دانه : وش تقصدين
خلود : يعني أحسج تتسلين مو أكثر
دانه : شنو ! .. من قالج بنات الناس لعبة عندي
خلود : خلنا نتكلم بصراحة , أنتي ما تحبين شوق كثر هناا
دانه : أنا ما أكره أحد
خلود : بس تكرهيني
دانه : لا
خلود : لا تجاملين
دانه : .....
خلود : لو بغيتي تنتقمين مني يمكن تكون شوق اهي هدفج الأول
دانه : شكو .. أنتي شتقولين !
خلود : لانها رفيجتي وإذا أذيتيها جنج راح تأذيني آنا
دانه : آنا ما أفكر بهالطريقة
خلود : عيل
دانه : آنا حتى ما أفكر اني انتقم من احد
خلود : راح تفكرين .. عن قريب
دانه : تكلمي من غير تلميح
خلود : لا تفكرين تحبين على شوق
دانه : السالفة تهديد يعني
خلود : لا أنا أحذرج بس
دانه : مو بالغصب و مو بكيفج
خلود : ههه , توج ما عرفيتي كل شي
دانه تقوم : ما أبي اعرف
خلود تمسك إيدها بقوة : نطري
دانه : شتبين بعد
خلود : في عندي شي يخصج
دانه : شنو !
خلود تمسك سي دي من عـ الطاولة و تعطيه حق دانه
دانه : شنو فيه
خلود : راح تعرفين بنفسج
و عقبه فكري زين بكلامي
لأنج إذا رفضتي انا راح اتصرف
دانه مو فاهمة شي : إن شاء الله

ردت الفيلا و فورا طلعت غرفتها و دخلت السي دي باللاب
و كانت الصدمة صورها هي وشوق بالبارتي إلي صار عند خلود

كل إلي فكرت فيه هناا , لو وصل لها السي دي و شافت هالصور وش راح تكون ردة فعلها ؟ , و ما كان جدامها غير أنها تتقبل كلام خلود و تستمر بعلاقتها مع شوق حتى ما تخسر هنا .

________ .

لي بعد وياكم تكملة ثانية ... أنتظروني Wink

» ابا اتعرف على سبورتيه
» انتي بويه ؟ سبورتيه؟ أو حتى بنوته .. تعالي اباج هنيه
» يوميات تحفيظ الرياض"
» يوميات بوية
» يوميات رشود ..~