يوميات حياة سبورتيه

الباررت خقق Very Happy

البارت الثاني عشر بنزله بآخر الأسبوع كالعادة Wink

Waiting

Lady lunee كتب:: Waiting

عدد الرسائل : 51 تاريخ التسجيل : 11/10/2012

كملي

دقايق و أنزل لكم حزء من البارت الثاني عشر

البارت الثاني عشر ( أعترافات )

صحيت مبجر الساعة 5
قمت خذيت شاور و سويت أستشوار لشعري
و قعدت أدرس شوي للأمتحان , بعدين قمت لبست و غطيت عيني بالشاش مثل أمس و رحت المدرسة .
دشيت الفصل و البنات يطالعوني بإستغراب
كانت بدور موجودة .. رحت قعدت يمها و أنا أسمع همساتهم و تساؤلاتهم عن الجروح إلي بويهي .
دانه : صباح الخير
بدور : صباح النور
غادة : وش هالجروح
دانه : طحت من الدري و بس
غادة : بس ..

بطلت كتاب الرياضيات من غير مبالاة و تظاهرت بالقراءة .
غادة سكتت , أظن أنها فهمت المقصود
دشت سمر الفصل مع سارة
وقفوا جدامي
سمر رفعت ويهي بيدها : دانه ... شصار وياج
دانه بأبتسامة خفيفة : بس ...
بدور : طاحت من الدري مو أكثر ... خلاص لا تسوونها سالفة أنتوا بعد .

حطيت راسي عـ الديسك و غمضت عيوني
ما يمر 5 دقايق غير أحس بأحد يحط إيده عـ راسي
أبتسمت و رفعت راسي , هذي حركات نورة ما غيرها
أدري أنها أستغربت لما شافت ويهي , بس سحبتها بسرعة لـ برا الفصل
نورة : داانو شفيج
أنا وقفت : ولا شي
نورة : شنو ...
دانه : راح أقولج كل شي
حطت يدها على جتفي و مشينا
و أنا أقولها السالفة كيت كيت
إلي شغلني نظرات البنات لي بالسكول , كلهم كانوا يطالعوني و أدري أفكارهم تروح لـ بعيد بس أتجاهلت الموضوع , يمكن عـ بالهم أني راعية مشاكل و متهاوشة مع أحد أو أبوي اهو إلي مسوي فيني جي مثل بعض الأباء .

تزعجني هالنظرات !

قعدت على أقرب مقعد بالساحة أنا و نورة عقب ما قلتلها إلي صار .
نورة : يعني كله من خلود
دانه : مدري منو السبب , آنا غلطت و اهي ما قصرت
نورة : وش هالبنت , صج خايسة
دانه : خلاص نورة غيري الموضوع
نورة : أنزين .. البنات يعرفون بالسالفة
دانه : لا , بس أنتي
نورة : أحسن , لا تقولين حق أحد .

طق الجرس و توترت
دانه : اوووف الحين أمتحان
نورة : الله يعين .. خلنا نرد الصف

وصلتني عالصف , ضمتني بقووة و راحت فصلها

بالأمتحان .. مضى الوقت بسرعة
طق الجرس و الأبلة إلي كانت تأشرف علينا صارت تاخذ أوراق الأمتحان من البنات .
أنا ما خلصت آخر ورقة .. حسيت أنه الوقت قصير
مدري , كنت أفكر و بعدين أحل و أفكاري مشوشة و متداخلة ببعضها .
الأبلة : يلا عطيني الورقة
دانه : ما خلصت
الأبلة تسحبها مني بقوة : أنتهى الوقت
دزيت الديسك لـ بعيد بعصبية و آنا أنافخ
البنات كلهم أستغربوا و صاروا يطالعوني .

يت سمر وقفت هي و بدور جدامي
سمر : شفيج دانه
بدور : شنو صار
دانه : ما خلصت الأمتحان
فداء : شنو .. !
كيف ما خلصتي ؟
سارة : قومي روحي رئيسة القسم بسرعة
يمكن تقبل تردلج الورقة

قمت و رحت ركض لـ غرفة المدرسات
دشيت و سألت عن رئيسة القسم

وقفت جدامها : أبلة
الأبلة : هلا
دانه : بالنسبة لأمتحان الرياضيات
الورقة الأخيرة ما حليتها , ما لحقت
الأبلة : يعني ؟
دانه : أبيج تردين لي الورقة حتى أكمل
الأبلة : الأوراق كلها مع بعضها كيف تبيني أدورلج ورقتج , الموضوع مو بيدي
دانه : أبلة .. حرام يضيع تعبي بسبب الوقت مو قلة دراسة .
الأبلة : آسفة .. آنا ما أقدر أردلج الورقة
صعب الحين , منو الأبلة إلي أشرفت عليكم
دانه : مدري ...
مشيت و رحت الفصل و فيني الضيقة من إلي صار

دشيت الفصل
بدور : شصار
قلتلها السالفة بعصبية و مالي خلق أحد
بدور : أنزين أمشي نروح مختبر الحاسوب
تأخرنا عـ الحصة
خذيت كتاب الحاسوب و مشيت
دشينا المختبر وأبلة الحاسوب تطالعنا
الأبلة : ليش التأخير ؟
أنا ظليت داشة بعصبية و طنشتها مالي خلقها

بدور : رحنا رئيسة القسم وو
الأبلة : أنزين دشي مكانج
بدور قعدت يمي و حطت يدها عـ جتفي
بدور : خلاص حصل خير

طول الحصة وهي تحاول تخفف عني و تقولي سوالف تضحك
حتى الأبلة صارت تطالعنا , بس كل مرة كنت أقلب فيسي حتى ما تعلق علينا .
مر وقت الدوام وما صدقت لين خلصت و رديت الفيلا حتى أناام

صحيت الساعة 6 و تذكرت شوق
أبي أروح لها و أشوف وش الموضوع

___________ .

يتبع ...

البارتي حلووو
كملييييي
........

عدد الرسائل : 63 تاريخ التسجيل : 14/08/2012

حمااااس

كمليي

عدد الرسائل : 51 تاريخ التسجيل : 11/10/2012

الي عاجبني ان بطلة القصة دانه محترمه والقصه مو جريئه .. كملي يابطله I love you

حدي ومحد قدي كتب:: حمااااس
كمليي

لهفة شوق كتب:: البارتي حلووو
كملييييي
........

مشكورة قلب Very Happy

Harley Quinn كتب:: الي عاجبني ان بطلة القصة دانه محترمه والقصه مو جريئه .. كملي يابطله

يب هذا الفرق بين روايتي و الروايات الثانية Wink

حدي ومحد قدي كتب:: حمااااس
كمليي

كالعادة .. التكملة بنزلها بآخر الأسبوع
مشكورين عالردوود I love you

أنتظروني

بأنتظارج

7mOoOdY كتب:: بأنتظارج

تكملة البارت الثاني عشر ( أعترافات )

صحيت الساعة 6 و تذكرت شوق
أبي أروح لها و أشوف وش الموضوع
غسلت ويهي و أتصلت عليها
ردت علي بتوتر
شوق : اا آلو
دانه : شوق !
شوق : اي
دانه : شفيج
شوق : ما فيني شي
دانه : أنزين .. أنتي مشغولة
شوق : لا , تبين تيين تعالي
دانه : اوك , شوي و أكون عندج
شوق : بإنتظارج

طالعت من الكبت بلوفر أبيض مع سكيني أسود
لبستهم و أتصلت عـ السواق
قالي أنه موجود
وقفت جدام المناظرة .. قطيت الشاش عن عيني و غطيتها بشعري
نزلت للسيارة و قلت حق السواق يروح بيت شوق

وصلت ..
و نزلت .. طقيت الجرس
بطلت أمها الباب
سلمت عليها و سألتها عن شوق
أم شوق : دشي قعدي الحين أنادي لها
قعدت بالصالة عـ أول كنبة يت عيني عليها و مسكت البي بي مالي اطقطق فيه

شوي و أشوفها ياية بإبتسامة خفيفة
شوق : شلونج ؟
دانه : تمام
شوق : خلنا نطلع غرفتي
دانه : اوك

تصرفت بشوي من البرود مع توتر .. يمكن وجود أمها أهو السبب
حطيت الفون بمخباتي و طلعت وياها الغرفة
دشت .. صكت الباب و ضمتني بقوة
لدرجة حسيت بدقات قلبها تتسارع , مع رجفة غريبة بجسمها , مثل شخص فيه الخوف
ما يمر 5 ثواني إلا أحس بحرارة دموعها على جتفي
مدري وش السالفة
كل إلي أعرفه أنها متوترة من شي

وخرت عنها بهدوء و مسحت دموعها
سحبتها و قعدت يمها على طرف السرير
دانه : شووق
شوق : .....
دانه : قوليلي شسالفة ... منو مضايقج
شوق : محد
دانه : عييل
شوق : آنا جي متضايقة من نفسي
دانه : شنو السبب
شوق : ... راح أقوولج كل شي
بس أوعديني أنج تسامحيني و ما تزعلين مني
دانه بفضول : وعد .. قولي

شوق : تذكرين كيف تعرفت عليج
دانه : أي كيف أنسى
وقتها ييتي آخر الدوام قلتيلي أنج تبيني بموضوع و خذيتي رقمي
شوق : دانه .. آنا أحبج بس ما جان عندي الجرأة حتى أيي و آخذ رقمج , كنت محتاجة أحد يساعدني أو يقولي شسوي حتى أكسبج ..
دانه : و الحين كسبتيني , وين المشكلة
شوق : بذيك الفترة سألت خلود عنج بما أنها تعرف أغلب البويات بالسكول و قالتلي أنج تيكن مع هناا , بالبداية حسيت بخيبة أمل , بس خلود قالتلي إذا تبينها تقدرين تكسبينها .. و لما سألتها كيف , قالت أنها راح تساعدني و بدأت اهي كل فترة تقولي شسوي و كيف أكلمج و من هالحجي
بس بعدين عرفت أنها تبي تنتقم منج .. مدري ليش
كل إلي قالته أنج متهاوشة وياها بـ بارتي
و كانت فكرتها أني أييبج للبارتي إلي صار عندها
و يومها صورتج و صارت تستفزج بالصور
و هذا إلي صار ... كله بسبتي
أنهت كلامها و قالت بصوت مبحوح : آنا آسفة
و بدأت تبجي
دانه : يعني أنتي وش ذنبج
شوق : ....
دانه : شوق .. آنا مسامحتج
لأنه إلي صار مو أنتي سببه
شوق تمسح دموعها : لا أنا السبب
دانه : أنتي شكو
شوق : هذا مو كل شي
دانه : ليش شنو في بعد ...
شوق : أنتي تحبين هنا .. صح !
( هناا .. هالأسم شكثر يعور قلبي , أشتقت لها حييل و للحين أحس أني فاقدة شي )
دانه : شنو ياب طاري هنا
شوق : أدري أنج مشتاقة لها
دانه بإستغراب : هاااه
شوق : قلت شي غلط
دانه : لا .. بس أنتي تعرفين أنه هنا سافرت ؟
شوق : آنا إلي أعرف
دانه : منو قالج ؟
شوق : محد
دانه : شوق شنو إلي خاشته عني بعد
قولي .. كيف عرفتي ؟
شوق : أكرهها
أكرهها لأنها تهمج أكثر مني
دانه : ....
شوق : خلود لما صورتج , كانت تبي تهددج بأنها راح توصل صورج لأهلج .. مو لـ هناا
دانه : أختصري ..!
شوق : أنا طلبت منها نسخة من الصور
و اهي عطتني , وو ..
أنا إالي وصلتهم لـ هناا

^
^
ما قدرت أستوعب إلي قالته
كانت صدمة ..أن أقرب إنسانة لي تحاول تفرق بيني و بين هناا
يعني إلي صار بسبب شوق مو خلود
آنا كل هالوقت كنت حاقدة على خلود و عـ بالي أنها سبب غياب هناا

مدري الحق على منو
على خلود إلي كانت فكرة الصور من أقتراحها و عطت نسخة حق شوق
ولا شوق إلي وصلت الصور لـ هناا
أو أنا إلي ما حطيت حدود لـ علاقتي بـ شوق من البداية و قبلت بعلاقة سرية

يتبع ...

البارت يخقق مثل صاحبه ؛)
بنتظآرك غلاي .'

Akwas Boya كتب:: البارت يخقق مثل صاحبه ؛)
بنتظآرك غلاي .'

تســلم كـلـك ذوووق Wink

البارتي رووعه
بس ليش قصير مرره
ع العمووم يسلموو
وبنتظار التكمله
..............

لهفة شوق كتب:: البارتي رووعه
بس ليش قصير مرره
ع العمووم يسلموو
وبنتظار التكمله
..............

مشكورة كلج ذووق
بس خليته قصير لأني أبي أكتب بقية الأحداث مع بعضها لأنها متشابهة
المرة الياية راح أكتب أكثر من جي Very Happy

Wating
البارت حيل قصير Sad

Lady lunee كتب:: Wating
البارت حيل قصير

ما عليكم

أنتظروني بالتكملة

جاري انتظار التكمله
......................

زي ما قالو حلو بس قصير
وننتظر التكمله I love you

» ابا اتعرف على سبورتيه
» انتي بويه ؟ سبورتيه؟ أو حتى بنوته .. تعالي اباج هنيه
» يوميات تحفيظ الرياض"
» يوميات بوية
» يوميات رشود ..~