يوميات حياة سبورتيه

dal3 banoota كتب:: روووعه

انتظر التكملهـ

=)

مروركم الرووعة I love you

Waiting

Lady lunee كتب:: Waiting

اليوم مشغولة

, و باجر بروح الصالون أقص شعري cheers

راح أنزله عقب باجر إن شاء الله Wink

بأنتظارج

البارت الحادي عشر ( شصار )

أظن أنه الحين صار لازم أقولكم أني أنا دانه .. و و أكتب لكم روايتي بأحداثها ..!

وصلت بيت خلود
نزلت من السيارة و طقيت الجرس
بطلت لي الخدامة .. دخلت بس هالمرة طلعت لـ غرفتها ما نطرتها بالصالة , كنت متوترة و بنفس الوقت معصبة
بطلت الباب و لقيتها تتكلم بالفون , لما أنتبهت لي توهقت وأنهت المكالمة
خلود : هلا
دانه : ....
خلود : أنزين ....
دانه : شعندج ؟
خلود : ترا كلمتج من قبل بموضوع شوق .. بس شكلج تبينها عناد
دانه : أخلصي
خلود : لا تجبريني أتصرف وياج بالطريقة الثانية
دانه : شنوو !! .. طريقة ثانية ؟
ما يكفي إلي سويتيه ..

فجأة يرن فوني .. طالعته من مخباتي وكانت دلال تتصل ... ما رديت عليها و صكيته

خلود مستغربة : ليش شنو سويت !
دانه : لا تسووين نفسج ما تدرين بشي
خلود : وش تقصدين
أنا أتنرفزت منها لأنها كانت تتكلم وياي ببرود

دانه : أنتي ... أنتي #### ( قلتلها كلمة مدري كيف نطقتها من عصبيتي )

طلعت من الغرفة و قبل ما أنزل من عـ الدري
لحقتني .. مسكتني من جتفي و لفتي بقوة
خلود : شقلتي
دانه : ما أعيد كلامي .. مو ذنبي أنج ما تسمعين

ما أحس غير بـ طرااق و ياي على ويهي
طحت من طولي و زلقت لـ الدري و ظليت طايحة لآخره
و أنا بكل ثانية أحس نفسي بموت من الخبط

كنت بمكاني مو قادرة أتحرك
خلود نزلت بسرعة
قعدت عـ الأرض و هي تطالعني
خلود بخوف : دا ... دااانه

و تحاول ترفع شعري من عـلى عيوني
بطلت عين بس عيني عـ جهة اليمين كانت تعورني حييل و ما قدرت أبطلها

خلود بصووت عالي : فااافي أتصلي بالدكتور

بس سمعتها تقول جي بطلت حلجي و كنت بقولها لا .. بس ما حسيت بصوتي جان مختفي و ما طلع
خلود بتوتر : داانه قولي شي
حطيت إيدي عـ رقبتي و أنا احاول أتكلم بس ماكو فايدة لين حسيت نفسي بختنق صرخت بصوت مبحوح : لااا
خلود دمعت عيونها و لفت ويها حتى ما أنتبه
بس حسيت أنه في شي صارلي أبي أشوف ويهي
و جسمي إلي كله يعورني للحيني مو قادرة أحركه
فجأة دشت دلال البيت و تطالع الصالة
يت عينها علي و ركضت تصرخ : دااانه .. شصار .. شفيج
أنا بجيت و ما قلت شي
دلال تطالع خلود بعصبية : شصار
خلود : أ ...
دانه بصوت مخنوق : طحت من عـ الدري
دلال مو قادرة تستوعب : ....
حاولت أقووم بالحيل .. قربت خلود و ساعدتني مع دلال حتى أقووم
وقفت و أنا أحس عظامي مكسرة
دلال قربت : تعالي خلني آخذج عالمستوصف
خلود : أنا أساعدها
خلود لفت إيدي على جتفها و حطت يدها على ظهري .. ظلت ساكتة و وصلتني للسيارة بهدوء
خلود تطالع دلال : إذا تبون أعطيكم عنوان دكتور أعرفه أو بروح وياكم ..
دلال : لا مشكورة ما نبي نعذبج أكثر
قعدت بالسيارة و دينا تطالعني مو فاهمة شي
دلال تكلم السواق : رووح اقرب مستوصف بسرعة .
دانه : لااا .. ما ابي أروح خذيني البيت
دلال : أنتي شايفة حالتج
دينا : أمببيييه من شوي ما جان فيج شي شصار
دانه : ولا شي خلاص .. دلال ما راح أروح المستوصف
دلال : أنزين انزين لا تعصبين خلنا بس نمر الصيدلية ناخذلج شاش و معقم و لصق طبي عـ الأقل

كنت أبي بس أرد البيت حتى أطالع ويهي و جسمي و أشوف إذا فيني شي

______ .

السموحة ما قدرت أكتب واايد Neutral

حتى مو لاقية وقت و المدارس بدأت و حالة
بصير أنزل لكم أجزاء من البارت كل فترة أو أكتبها لين يكمل البارت و أنزله عـ حسب المزاج بس ... أنتظروني confused

البارت قصير بس خذي راحتج ننتظرج Smile

7mOoOdY كتب:: البارت قصير بس خذي راحتج ننتظرج

كملي غلااي❤

ما عليكم راح أنزل لكم التكملة عن قريب Wink

فديتكم

انتظر التكملهـ

خققققققة البارت
انطرك
لآ تطولي

تكملة البارت الحادي عشر ( شصار )

ردينا من الصيدلية عـ الفيلا و من دخلت بغيت أطلع غرفتي ما أسمع غير صوت أمي
آماال : دااانه
أنا لفيت : هلا
آمال تقرب و تطالع ويهي : منو مسوي فيج جي
دانه : ....
دلال : طاحت
آمال : كيف و وين
دلال : عند رفيجتها .. طاحت من الدري
آمال : هذا كله من طيحة
دانه : هذا إلي صار
آمال : أمشي أوديج دكتور
دانه : لا مااأبي
دلال تطالع الأغراض : يمه يبنا لها ذوول من الصيدلية .
آمال تاخذ الأغراض من دلال و تسحبني عالصالة : أقول قعدي هني اعقم لج هالجروح إلي بويهج
قعدت و بس بدأت تعقم لي الجروح تعورت
بعدين قمت و قلتلها : أنا أعقم الباقي بروحي

طلعت غرفتي و وقفت جدام المناظرة
رفعت شعري كله عن عيوني ..
كان فيه جرووح و كدمات بأماكن متفرقة
و بجهة عيني اليمين إلي بالحيل قدرت أبطلها كان المكان متورم بين الأزرق و الأصفر و شويه أحمرار و عند حاجبي أنتفاخ بسيط
ويهي كان ألوان و تحسفت واايد لما شفته
ما تعودت أشوف نفسي بهالشكل
و أنا حلاتي بويهي
فصخت التي شيرت و طالعت ظهري
كان كله أحمر و جروح بكل مكان
إلي يشوفني يقول متهاوشة مع جلب مو طايحة هع

دشيت الحمام و خذيت شور و أنا أبجي طول هالوقت .. تمنيت أني ما رحت بيت خلود و صار إلي صار , بغيت أموت ولا أشوف نفسي جي

عقب ما خلصت طلعت من الحمام و طالعت تي شيرت أبيض واسعة و طويلة شوي و لبستها مع شورت أسود
أنسدحت شوي شوي على ظهري إلي كان يعورني بقوة و ما أرتحت حتى على جوانبي
فقلبت بالنهاية على بطني و نمت .

صحيت الصبح على صوت صراخ و مدري شنو
قمت و كان الصوت ياي من الدريشة
طلعت و لقيت قطوتين يتهاوشون تحت بالحديقة
قعدت أطالعهم و ما فيني حيل أنزل أفكهم
رحت يبت قلاص ماي و قطيت الماي عليهم
و أنحاشوا .. رديت نمت
فجأة فوني يرن , المتصل : بدور
رديت : ألو
بدور : شلونج دانه
دانه : تمام .. و أنتي !
بدور : بخير ... سمعي باجر عندنا أمتحان
دانه : باجر .. اي , زين أنج ذكرتيني
بدور : بس المشكلة رياضيات وانا مو فاهمة شي
دانه : شنو إلي مو فاهمته
بدور : كل شي
دانه : كل شي مرة وحدة
بدور : أي
دانه : أنزين أنا أفهمج
بدور : كيف
دانه : كيف تبين ؟
بدور : أقدر أيي عندج !
دانه : متى
بدور : أنتي متى تبين ؟؟
دانه : 5 ... 6
بدور : أوك .. طرشيلي العنون عالـبي بي ام
و الساعة 5:30 بيي عندج
دانه : أوك
بدور : أنزين شتسوين
دانه : نعسانة .. أبي أنام
بدور : أنا قعدتج !
دانه : لا
بدور : عيل
دانه : قعدت على صوت قطوتين كانوا يتهاوشون
بدور : ههه لو أشوفهم راح أتهاوش معهم هع
دانه : ههه
بدور : خلاص شكلج نعسانة روحي نامي
دانه : اوك

صكيت منها و غسلت ويهي و رديت خذيت الفون وطرشت لها العنوان عالبي بي أم
و ظليت قاعدة أفكر بـ إلي صار أمس

كرهت خلود أكثر .. يا ريت لو طقيتها
بس مدري نظرتها منعتني جنها حست بندم
مدري وش راح يصير بالصور إلي وياها
و أصلا ما همني شي .. دامني خسرت هنا
بطلت اللاب و طالعت الفلاش إلي فيه صورتنا ( أنا و هنا )
و سرحت بالصورة وآنا أتذكر ذاك اليوم

أخييه لو أقدر أرد كل شي مثل قبل

قطع علي تفكيري صوت الفون يرن
المتصل : روان
أستغربت من أتصالها .. و ترددت
نطرت شوي و بعدين رديت
دانه : ألو
روان : أخييرا
دانه : ...
روان : خرعتيني عليج
دانه : ليش
روان : أنتي وين تغيبين ؟
دانه : موجودة
روان : عيل ليش أكلمج عالبي بي ما تردين
دانه : مالي خلق أبطل المحادثات
روان : أنزين مو مشكلة عالأقل طمنيني عنج
دانه : إن شاء الله
روان : أنتي بخير !
دانه : أي .. و أنتي
روان : تمام .. بس أحسج متضايقة من شي
دانه : لا ما عليج
روان : أنزين ... دانه
دانه : هلا
روان : أنا الحين بروح أساعد خالتي شوي , إذا تبين شي كلميني
دانه : تيب
روان : حطي بالج على نفسج
دانه : وأنتي بعد
روان : اوك باي حياتي

صكت الخط و أنا حاطة الفون عـ إذني و مو مصدقة
إهي قالتلي حياتي ولا أنا سمعت غلط !

________ .

أنتظروني بتكلمة ثانية study

حمااس كملي Very Happy

7mOoOdY كتب:: حمااس كملي

رووعه

انتظر التكمله

راح أنزل لكم التكملة بهاليومين I love you

Ok waiting

انتظر التكمله

بأنتتظاركك.. bounce

التكملة الثانية للبارت الحادي عشر ( شصار )

صكت الخط و أنا حاطة الفون عـ إذني و مو مصدقة
إهي قالتلي حياتي ولا أنا سمعت غلط !

كنت مستانسة و بنفس الوقت ما أبي أتعلق بأحد

نزلت للصالة قعدت أطالع التي في و فيني طفش
و الأحد عندي أمتحان بس مالي خلق أدرس
بدور راح تيي الساعة 5:30 بعد , طالعت الساعة كانت 1:15 ... فجأة قطيت كل هالأفكار ورا ظهري و طرا عـ بالي روان
حبيت هالإنسانة بس ما أبي أتعلق فيها
أصلا أنا ما أعرفها واايد .. كيف حبيتها بهالسرعة ؟
عبدالله : داااانه
دانه : شنو
عبدالله : ليش ما تردين
دانه : هاه شتبي
عبدالله : أمي تقولج حفظيني هذي السورة
دانه : مو وقتك
عبدالله : تكفيين
دانه : يمه
آمال تيي الصالة : شفيكم
دانه : أنتي قايلة له خل دانه تحفظك
آمال :قلتله روح حق آيات
دانه : أنزين يلا رووح
عبدالله : آيات تعصب علي ما أبيها
آيات تنزل من عالدري : يمه أنا تحفيظ ماأعرف احفظ أحد , خله يروح المعهد
عبدالله : ما أبي المعهد ما أحبه
آيات تسحبه بقوة : تعااال احفظك
آمال : حسبي الله على هالحال .. و الله بزماننا ما كنا نقول أبي ما أبي كله بـ شور أهلنا
دانه : أي تبون تدلعونه بعد
آمال : عنيد , شنسويله يعني
دانه : بـ طرااق بيروح المعهد غصبن عنه
آمال : محد يبيله طراق غيرج
دانه : ترا يكفي إلي صار أمس لا تزيدونها علي

قمت و طلعت الحديقة و سمعت صراخ آيات : شنو ما أعرف ! .. أنت ما تفهم
عبدالله يطالعني و قالب فيسه
رحت و قفت جدامهم : هييي لا تصارخين
آيات : اوف ينرفز
دانه : تراه تحفيظ مو هواش
آيات : تعالي حفظيه أنتي , و على طاري الهواش أنتي أمس صج طحتي ولا تهاوشتي مع أحد
خذيت منها الكتاب : أنتي شكو ..عبود تعال
رحت قعدت بالجهة الثانية
دانه : أنا أقول و أنت تعيد .. أنزين
عبود : أي

لين الساعة 2 و أنا أحفظه فيها و بالنهاية حفظ نص السورة و لوع جبدي
دانه : خلاص يبه أنا بروح أدرس ما عندي وقت
عبود : بس اكو بعد سورة ثانية
دانه : خل أحد غيري يحفظك الباقي
قمت و طلعت غرفتي بطلت جنطتي و مر الوقت بين الدراسة و الطقطقة بالبي بي لين الساعة 5
قمت أزهب روحي قبل تيي بدور طالعت جاكيت كحلي من الكبت لأني حسيت بـ برد و لبسته مع جينز أزرق .
وقفت جدام المناظرة و أنا أفكر كيف أخفي الجروح إلي بويهي .. خذيت كريم الأساس و حطيته بس ما لقيت فرق .. كل شي واضح خاصة التورم حول عيني
و بالنهاية قصيت قطعة من الشاش و حطيتها على عيني و حاجبي و فوقها الـ لزق الطبي
و لقيت جي أحسن حتى ما يبان شي .

عدلت شعري و فجأة دشت بدور
بدور : أحم أنا ييت
دانه : هلااا
قربت منها و سلمت عليها , وقفت مكانها تطالعني
دانه : شفيج تعالي قعدي
بدور : شصاير وياج ؟؟ , شنو هذا إلي بويهج !
دانه : أمس طحت من الدري مو أكثر
بدور : أنزين أي شخص يمكن يطيح بس مو بهالشكل هذا
دانه : المهم لا تضيعين الوقت و خلنا ندرس

آمال تدش الغرفة : منو هالحلوة إلي عندنا
بدور : هلا خالتي
دانه : رفيجتي بدور
آمال : هلا فيج بدور .. أنزين الطلب وصل من المطعم تعالوا
دانه : متى طلبتوا
آمال : من شوي .. يلا تعالوا تغدوا
بدور : أنا من شوي كليت قبل ايي مو يوعانة
دانه : و أنا ما أبي آكل
آمال : لا ما يصير يلا بدور أمشي
بدور : لو حسيت بيوع راح انزل بروحي
آمال : ممم خلاص على راحتكم

قعدنا ندرس و بدور كل شوي تطالعني و أنا أشرح لها .. كنت أسوي روحي مو منتبهة و أكمل شرح و جي مضى الوقت
بدور : اووف تعبت خلاص باقي لنا درسين أكملهم بروحي بس أرد البيت .
دانه : أنزين مثل ما تبين
قامت أنسدحت على فراشي و تطقطق بالبي بي مالها .
أنا بعد خذيت فوني و قعدت أقرأ البرودكاستات
تكلمنا شوي و بعدين ..
بدور تعدل يلستها : أمي وصلت
دانه : اها
بدور : لازم نلقى يوم نطلع فيه ويا بعض
دانه : إن شاء الله

نزلت و وصلتها لين الباب
بدور : يلا بااي
أنا أبتسمت : باااي
مشت و ردت لفت علي : أحبج
دانه : و أنا بعد
عطتني بوسة عـ الهوا و راحت

طلعت غرفتي أرتب أغراضي و بس خلصت بدلت ملابسي .. أنسدحت و حسيت بنعس
رن فوني , المتصل : شوق
انا : ألو
شوق : زين أنج رديتي
أنا : ليش شنو في ؟
شوق : أنا لازم أقولج شي
أنا : قولي
شوق : لا مو الحين .. بس أشوفج
دانه : يعني باجر
شوق : أي بس مو بالسكول
دانه : عيل
شوق : تيي أنتي أو بيي أنا لـ عندج .. مدري
المهم لازم أشوفج دانه
دانه : شوق شنو في !
شوق : لا تخافين , باجر راح تعرفين
دانه : يصير خير
شوق : أوك .. تبين شي ؟
دانه : سلامتج
شوق : الله يسلمج .. باي

كانت صوتها غير العادة و تكلمت ببرود غريب
مو من عاداتها ... شنو ورا أتصالها !
_________ .

هني ينتهي البارت الحادي عشر

أدري أني أتأخر عليكم ,, بس ضغط الدراسة ما يسمح لي .. مشكورين عالأنتظار حبايبي I love you

البارت { خققققققققققققققققققققه}
😍ωαιтιиg u 8ℓвσ 3ℓα иαααя ღ

Lady lunee كتب:: البارت { خققققققققققققققققققققه}
😍ωαιтιиg 8ℓвσ 3ℓα иαααя ღ

مشكورة عـ المرور قلب I love you

Lady lunee كتب:: البارت { خققققققققققققققققققققه}
😍ωαιтιиg u 8ℓвσ 3ℓα иαααя ღ

عدد الرسائل : 63 تاريخ التسجيل : 14/08/2012

باااارت روووووعة cheers

خذي وقتج بأنتظارج ...

ناااايس
انتظر التكملهـ

» ابا اتعرف على سبورتيه
» يوميات بوية
» يوميات تحفيظ الرياض"
» يوميات رشود ..~
» يوميات جامعيه(روايتي الاولى)