يوميات حياة سبورتيه

حلو حلو ننتظرج

Ebdaa3 kmmmlii 7bebtii waiting u

اوك اوك كملي

شدعوة كلكم تتوقعون نفس الشي
انزين .. البارت العاشر بنزله باجر

SilverXd كتب:

شدعوة كلكم تتوقعون نفس الشي
انزين .. البارت العاشر بنزله باجر

خلاص بنقير البارت رووووعه و ايجنن او خققققققققققه نفسك

7looo kmmmlii 7bebty w atw8a3 dana t7b rwan w estmriii waiting u

حضج احنا بدينا من زمان
بأنتضارج..

7mOoOdY كتب:

حضج احنا بدينا من زمان
بأنتضارج..

هههه ترا لاحقين
شويات وأنزل تكملة البارت

تكملة البارت العاشر ( الندم )

نصحـى عقب فـوات الأوان ... و ننـدم لما مـا ينـفع النـدم
شتفيد كلمة ( أنا غلطان ) ... دام كل شي بلحظة أنهدم

بإختصار هذي الكلمات إلي كانت تحوش براسها
كل إلي سوته أنها طرشت لـ هنا مسج أعتذار
بس ما لقت منها رد ...
قررت بالنهاية تروح لها البيت باجر
أنسدحت بفراشها و كانت حييل تعبانة
و عقب تفكير طويل نامت بين أحزانها و ندمها

الصبح الساعة 6:30
بطلت عيونها .. تحاول تقوم
بس ماكو فيها حييل
راسها كان يعورها و تحس بثقل
أنسدحت 5 دقايق و قامت بصعوبة
وقفت جدام المناظرة و كان ويها شاحب

دشت آيات غرفتها
آيات : للحينج مو خالصة
دانه : تعباانه
آيات تطالع ويه دانه : كنتي تبجين !
دانه : لا أمس
آيات : راح أنادي أمي
شوي و يت آمال
آمال : شفيج داانه
دانه تقعد عـ فراشها : يمه ما فيني حييل
آمال : آخذج للدكتور
دانه : ماأبي شي بس أبي أنام , أمس ما نمت زين
عشان جي تعبانة
آمال : أنزين نامي وإذا ما خفيتي قوليلي
دانه : أوك
آمال تطالع آيات : و أنتي للحينج هني .. يلا روحي مدرستج
آيات : تيب

ظلت منسدحة و تتقلب بفراشها
راسها يعورها و مو قادرة تنام
كانت هنا شاغلة بالها

نطرت لين الساعة 10 و هي على هالحال
و عقبه قامت لبست اي شي من الكبت عالسريع
أتصلت بالسائق و راحت بيت هنا

بس وصلت نزلت من السيارة
و تطق الجرس بس محد يفتح
دانه : أوف وينها
حست بتعب و قعدت جدام الباب
حطت يديها على راسها و تاخذ نفس
طالعت فونها من مخباتها و أتصلت على هنا
و كل مرة يعطيها الفون مغلق

فجأة تسمع صوت الحارس : ماكو أحد هني
دانه تطالعه بإستغراب : كيف ماكو !!
الحارس : هذي عايلة يسافر
دانه : وين ؟؟
الحارس : أنا ما يعرف بس أمس يشوف ...
دانه تقوم و تمشي من جدامه للسيارة
و هي بحالة أستغراب مو مصدقة
و قالت للسائق يرد الفيلا

ما بغت تبجي أو تبين له شي
و مسكت نفسها لين وصلت الفيلا
يلست عـ مقعد من المقاعد إلي بالحديقة
دموعها بعيونها و تطالع المكان بصورة مو واضحة
مسكت فونها و بطلت آخر مسج وصلها من هنا
و قرأته كلمة كلمة
(مشكور على كل شي ما قصرت , أوعدك أني أطلع من حياتك و ما تشوفني مرة ثانية)

( ما تشوفني مرة ثانية )
ظلت هالجملة تتردد براسها
و مرة وحدة طاحت دموعها بحرارة
دانه : كيف يعني ما أشوفج مرة ثانية
ليش ؟؟ ...... ليش سافرتي هنااا

أبو عبدالله طالع من الفيلا
و يلمح دانه قاعدة بالحديقة .. يا قعد يمها بهدوء
أبو عبدالله : أفاا يبه قاعدة تبجين
دانه : ....
أبو عبدالله : أدري يدتج توفت بس ما أبيج تقصرين بدراستج , جان داومتي دام باجر عطلة
دانه بصوت مبحوح : ما راح أقصر
أبو عبدالله : قولي الله يرحمها أحسن ما تبجين عليها يا يبه , خلاص هذي مشيئة ربج
دانه تمسح دموعها : إن شاء الله
أبو عبدالله يقوم : يالله أنا بروح الشغل تبيني أييبلج شي وياي
دانه : لا مشكور
أبو عبدالله : حطي بالج على نفسج ... مع السلامة

قامت و طلعت غرفتها
بدلت ملابسها وخذت شاور بارد
أما أبوها ما يدري عن السالفة و كل تفكيره أنها تبجي على يدتها

أنسدحت و مسكت فونها تطقطق فيه شوي لين نامت

الساعة 2:30 تصحى على صوت : دانه .. حياتي قومي انا ييت
سمعت الصوت , بطلت عيونها و قامت بسرعة : هناا
شوق : ...
دانه : شـ شوق !
شوق تحط يدها على راس دانه و تغير الموضوع : يا عمري وش هالصخونة , أنتي مريضة وأنا ماأدري
دانه تعدل قعدتها : لا ما فيني شي
شوق : شنو ما فيج شي حتى ويهج أصفر شفيج دانه !
دانه تطالعها و مالها خلق و حست أن شوق سبب إلي صار
شوق : من أول الدوام وأنا أنطر لين ينتهي و اييلج أتطمن عليج , لأنج بالعادة ما تغيبين
دانه : ....
شوق : دانه قولي شي
صاير معاج شي ! , أنتي بخير ؟
دانه : وش شايفة
شوق تضمها , بس دانه ما ضمتها و لا قالت شي
بعدت بإستغراب : اوك حياتي بس تبين شي كلميني , أنا تأخرت عالبيت
دانه : اوك
طلعت من الغرفة : و هي تحس بأنه في شي تغير
هالأسبوع كلش مو زين و علاقتهم صارت باردة

شوق : معقول متهاوشة هي وهنا !!
أكيد الصور وصلتها ؟ عشان جي تعاملني بهالبرودة .

هذي كانت أفكار شوق بس الواقع شي ثاني لأنه السالفة ما كانت بس هواش بينهم مثل كل مرة

دانه تفكر بنفسها : قسيت عليها ؟؟ .. بس إلي صار بسبتها مو قليل , أصلا اهي وش ذنبها
خلود ورا السالفة
قامت غسلت ويها
و نزلت المطبخ تاكل شي لانها كانت يوعانة
و بعدين مسكت فونها و لقت مسج من روان عالـ BBM
روان : دانه
؟؟؟؟
!!!PING
!!!PING
دانه : هلا
روان : وينج يالقاطعة ما تسألين !
دانه : كنت مشغولة
روان : المهم شلونج
دانه : تمام , وأنتي !
روان : مشتاقة لج
دانه : وأنا بعد
روان : أنزين بس مو كل مرة تغيبين جي
دانه : لا تخافين
روان : شتسوين !
دانه : أكلمج
روان : اها
دانه : اوف ملل
روان : مممم
أتصل عليج ؟
دانه : مدري
روان : خلاص بتصل ههه
دانه : اوك
روان : عطيني رقمج
دانه : ###97669
روان : لحظة

شوي و يرن فونها
دانه بصوت متوتر : ألوو
روان : أخيرا سمعت هالصوت
دانه : ههه
روان : أحسج متوترة .. أبيج تكلميني عادي ولا تخجلين
دانه كانت سرحانة بصوتها و خاقة عليها
نست إلي شاغل بالها .. قطت كل شي ورا ظهرها و كانت تفكر بروان
روان : داانه
دانه : هااه .. أقصد هلا
روان : سمعتيني
دانه : أي أي
روان : شفيج أحسج مو وياي
دانه : لا معااج بس أفكر بموضوع
روان : أي موضوع
دانه : مو مهم
روان : ممم براحتج
دانه : غالبا لما اكلم أحد ما أعرفه يطلع شب
روان : ههه
دانه : صج صارت وياي أكثر من مرة
روان : أي لا تعطين رقمج لأي أحد
دانه : إن شاء الله
روان : وين تطلعين و تروحين
دانه : بهالفترة ما أطلع واايد كله دوام و بالبيت
روان : أها
دانه : و أنتي ؟
روان : غالبا أكون عند بنات خالتي و أطلع وياهم
دانه : شدعوة
روان : لأنه أبوي وأمي دايماً بالشغل
دانه : عادي ظلج بالبيت
روان : بروحي !
دانه : يب ههه
روان : أمي ما تحب تخليني بروحي
دانه : شكو أمج قولي حق أبوج
روان : أنا بهالفترة قاعدة عند أمي
دانه : كيف يعني
روان تغير بنرة صوتها : أبوي وأمي منفصلين
دانه حست أنها أزعجتها بالأسئلة و تحاول ترقع السالفة : ممم أمي ما تدقق بهالمواضيع .. شكثر كانوا يطلعون و يخلوني
روان : هههه
دانه : فديت ضحكتج
روان : أفداج .. حياتي والله
بس سمعت هالكلمة تذكرت هنا و سكتت
روان : شفيج ساكتة
دانه : ولا شي
روان : إلا فيج شي
دانه : لا يهمج
روان : أنتي تهميني
دانه : ....
روان : دااانه
دانه : عيووني
روان : فديت عيونج
أنتي متضايقة من شي ؟
دانه بصوت مبحوح : لا تذكريني
روان : خلاص ما راح أسأل

لحظات هدووء بين حيرة روان و تفكير دانه
روان : داانه
دانه : ....
روان : قاعدة تبجين !
دانه : لا
روان : شنو لا
دانه : ما عليج
روان : شكلي أزعجتج
دانه : لا عادي
روان : أنا آسف
دانه : مو جذي .. بس
روان : عيل ..؟
دانه تبجي : أنا متضايقة
روان : ما عاش من يضايقج و أنا خويتج
دانه : روان .. أكلمج بعدين مو قادرة أكمل
روان : براحتج
تصبحين عـ خير
دانه : وأنتي من اهله

صكت فونها و مسحت دموعها
طلعت الدريشة وقفت و غمضت عيونها
المكان هدووء و ماكو صوت غير نسمات الهوا
أخذت نفس طوييل و بخاطرها هالكلمات ( وينها يا ربي ... وينها الحين ! .. شتسوي ؟ ,, قاعدة تفكر فيني ولا تبي تنساني .. )

مضت ذيك الليلة و الحسرة بقلبها
و صورة هنا ما تفارقها

باليوم الثاني
الصبح كان نفس الروتين
بس بالليل , دلال كانت تحاول تقنع دانه حتى تطلع وياها
دانه : يعني منو تبين تشوفين
دلال : هالمرة مو شباب والله طلعت بنات
بس تعرفت عليهم يديد و أبي أحد يكون وياي
يعني أول مرة راح أشوفهم
دانه : .....
دلال : يلا
دانه : أفكر
دلال : أنزين لا تتأخري
قامت و راحت غرفتها تتكشخ
أما دانه قاعدة تفكر و مالها خلق الطلعات

بغرفة دلال تكلم دينا
دينا : مدري
دلال : شفيج بتروحين وياي
دينا : أصلا البنات ما أعرفهم
دلال : عادي حتى أنا
دينا : بس ما أحب جي
دلال : اووف منج
دينا : دانه ما راح تيي
دلال : مدري .. كلميها أنتي
دينا : أنزين عطيها الفون

دلال تدش غرفة دانه و تعطيها الفون : كلمي دينا
دانه : ألو
دينا : هلا دانه .. شلونج ؟
دانه : تمام
دينا : شنو راح تطلعين ويانا ولا ؟؟
دانه : مدري مالي خلق
دينا : أكييد .. عقب ما هنا سافرت مالج خلق شي
دانه تفاجأت بكلامها : .... أنتي .. كيف عرفتي ؟
دينا : نتكلم بالموضوع بعدين , الحين راح تطلعين ؟
دانه : ليش ما تروحون بروحكم
دينا : أختج تبي تشوف بنات ما أعرفهم , أنا قلت بروح و بظل معاج و خلها تشوفهم بروحها
دانه : أوك بروح
دينا : تيب يلا تزهبي و لا تتأخرين
دانه : أوك
دينا : بااي
صكت الفون و هي وافقت حتى تعرف هنا وين و ليش سافرت و دينا كيف عرفت بالموضوع

بطلت الكبت و لبست بسرعة
و خلال 30 ثانية كانوا واصلين البحر
دلال أتصلت بالبنات و لين شافتهم راحت وياهم
أما دانه و دينا كانوا يتمشون بروحهم
دانه : أنتي كيف عرفتي أنه هنا سافرت
دينا : من يومين كنت قاعدة بساحة اليامعة
و شفت هنا دشت بسرعة و ردت طلعت و كان بيدها أوراق , رحت مستغربة و سألتها ما راح تداومين ؟ , قالتلي أنها سحبت أوراقها و بتسافر السعودية , و ما قدرت أسألها أكثر كانت مستعيلة
دانه : اهاا
دينا : ليش ما قالتلج !
دانه ترقع : بلى بس أستغربت كيف تعرفين وأنتوا مو واايد ويا بعض
دينا : هذا إلي صار
إلي محيرني شنو سبب هالسفرة ؟
دانه : مدري ما سألتها
دينا : معقول
دانه : اي

ببيت خلود
أتصلت فيها شوق
خلود : هلا
شوق : خلوود تكفين أنتي شنو قايلة لها
خلود : منو
شوق : دانه ,, صايرة ما تكلمني ما تسأل
خلود : أنا قلتلج راح تندم بالنهاية ما عليج
شوق : شنو ما علي , إلا علي و نص
خلود : خلاص يبه فكينا
شوق : أنتي السبب , كله منج قلتلج لا تقربين صوبها
خلود : نسيتي شسوت فيني
شوق : لا ما نسيت بس سالفة قديمة
خلود : حتى و لو ماراح أنسى إلي صار
شوق : عيل أبيها ترد مثل أول , لأنها تغيرت مية درجة
خلود : حدها عنيدة , مدري ليش تتصرف جي
الصور للحينهم معاج
شوق بتوتر : أي .. أكيد
خلود : هذا المهم .. أنزين أخليج الحين
شوق : اوك

بجهة دانه يرن فونها , المتصل : خلود
دانه بس شافت الأسم أتضايقت
دانه : ألو
خلود : شلونج ؟
دانه : زفت
خلود : أفااا , ليش
دانه : جي
خلود : متى أقدر أشوفج
دانه : ليش ,, شتبين !
خلود : بكلمج بموضوع
دانه : أظن أنه ماكو شي نتكلم فيه
خلود : بشوفج و أنتهى الكلام
دانه : .....
خلود : هااه شقلتي , أييلج ولا تيين انتي
دانه : متى ؟
خلود : الحين إذا تبين
دانه : أنا بيي
خلود : زيين .. لا تتأخرين
دانه صكت الفون و ما كان ودها تبين شي جدام دينا حتى ما تدري بالسالفة
دانه : دينا خلنا نرد ترا مليت
دينا : اوف مدري وين أختج
دانه : الحين بتصل عليها

أتصلت عليها مرة ومرتين و ما ترد
دانه : ما ترد دايما جي
دينا : أنزين أنا عطشت خلنا نروح نييب ماي و آيس كريم .

مشوا لأقرب سوبر ماركت حتى يابوا إلي يبونه و راحوا ردوا يدورون دلال
دانه : أنزين خلاص خلنا نقعد الآيس كريم يذوب ماأعرف آكل و أنا واقفة
دينا تقعد : اوك

مر ساعة على هالحال
بالنهاية دلال أتصلت
دانه : وينج أنتي ؟
دلال : ما كنت سامعة الفون
دانه : أبي أرد البيت
دلال : تو الناس
دانه : تو البقر .. أقول يلا تعالي
دلال : ههه أنزين وين أنتوا
دانه : مكان ما لقيتي فيه ربعج
دلال : أوك شوي
دانه صكت من دلال و خلود تتصل عليها
دانه : ألو
خلود : شفيج تأخرتي
دانه : خلها حق باجر
خلود : لا عادي تعالي الحين
دانه : يمكن ايي عقب ساعة
خلود : بنطرج
دانه : أنتي ما عندج سالفة
خلود : هيي شفيج
دانه : ولا شي
خلود : عيل لا تعصبين
دانه : أعصب أستانس مالج شغل
خلود : وووه شكلج واصلة حدج
دانه صكت الفون بويها و كانت متضايقة حييل
خلود : ههه خلها تاخذ ويه بالنهاية مصيرها تندم

يت دلال و أتصلوا بالسائق

بالسيارة ..
دانه : دلال أبي أروح عند رفيجتي و تكلمني بموضوع سريع ما راح أطول
دلال : الحين
دانه : يب
دلال : أوك
دانه تكلم السائق : رووح منطقة ### شارع ###
السائق تذكر العنوان و راح بيت خلود

_________ .

تابعوا بقية الأحداث بالبارت القادم

روووعه

انتظر التكملهـ

=)